येँया महाबिहार

विकिपिडिया नं
Jump to navigation Jump to search

येँदेसय् बुद्ध धर्मया ताःहाकःगु इतिहास दु। थ्व येँदेसय् बज्रयान बुद्ध धर्मया १८गु मू बहाः (महाबिहार) व थ्व मूबहाःत नाप स्वापू दूगु कचा बहाः व बहीत दु। येँदेसय् दयाच्वंगु बुद्ध धर्मया महाबिहार थ्व कथं दु [१]-

थःने[सम्पादन]

१) मैत्रीपुर महाबिहार (क्वाःबहाः), २) हेनाकर महाबिहार (ध्वाकाबहाः), ३) हेमवर्ण महाबिहार (गंबहाः), ४) रत्नकेतु महाबिहार (झ्वाः बहाः), ५) सुरतश्री महाबिहार (तक्षेबहाः), ६) कनकचैत्य महाबिहार (जनबहाः), ७) केशचन्द्र कृत पारावर्त महाबिहार (इतुंबहाः), ८) रत्नकीर्ति महाबिहार (मखंबहाः), ९) मुलश्री महाबिहार (मुबहाः), १०) मन्त्रसिध्दि महाबिहार (सवलबहाः), ११)राजकीर्ति महाबिहार (तेबहाः), १२) श्रीखण्ड तरमुल महाबिहार,

क्वःने[सम्पादन]

१३) ब्रह्मचक्र महाबिहार (ओमबहाः), १४) बज्रशील महाबिहार (इकुबहाः), १५) मुनिसंघ महाबिहार (मिखाबहाः), १६) कृति पुण्य महाबिहार (लगंबहाः), १७) मणिसिंह महाबिहार (मुसुंबहाः दुने च्वंगु) व १८) मणिसंघ महाबिहार (मुसुंबहाः पिने च्वंगु)।

इतिहास[सम्पादन]

ने.सं. ५१८स शाक्यभिक्षु उदय्ब्रम्हया नांम दयाच्वंगु ताडपत्र येँया महाबिहारतेगु बारेय् लूगु छगू मू दस्ताबेज ख।[२] थ्व ताडपत्र कथं येँदेसया महाबिहारतेत थ्व कथं बायातःगु दु[२]-

  • थथुप्वीं (सुवर्णप्रणालि महानगर): मैत्रीपुर महाबिहार (क्वाःबहाः), रत्नकेतु महाबिहार (झ्वाःबहा), हेनाकर महाबिहार (ध्वाकाबहाः), हेमबर्ण महाबिहार (गंबहाः)। आचाःगु चिल्लाथ्व १२
  • दथुप्वीं (अशोकमण्डप महानगर): दथुत्वाःया सुरतश्री महाबिहार (तक्षे बहाः), कनकचैत्य महाबिहार (जनबहाः), केशचन्द्रकृत पारावर्त महाबिहार (इतुंबहाः), रत्नकिर्ति महाबिहार (मखंबहाः), मुलश्री महाबिहार (मुबहाः), मन्त्रसिद्धि महाबिहार (सवलबहाः), राजकीर्ति महाबिहार (तेबहाः)। संघ मुनिगु: चउलाथ्व १५
  • लायकूप्वीं (काष्ठमण्डप महानगर): श्रीखण्ड तरमुल महाबिहार (सिखोमुबहाः)। पोहेंलागा १: पोहेलापूजा भ्वय् व बछलागा १: गुथिया नामं निक्वः प्वीं आचाःगु न्यायेकेगु।
  • क्वःनेप्वीं (मञ्जुपत्तन महानगर): ब्रम्हचक्र महाबिहार (ओमबहाः), बज्रशिल महाबिहार (इकुबहाः), मुनिसंघ महाबिहार (मिखाबहाः), कृतिपुण्य महाबिहार (लगं बहाः), मणिसिंह महाबिहार (दुनेया मुसुंबहाः), मणिसंघ महाबिहार (पिनेया मुसुंबहाः)।

लिधंसा[सम्पादन]

स्वयादिसँ[सम्पादन]