याङ्जे खुसियाङत्से वा याङजी (सरलीकृत चिनियाँ लिपि: 长江; परम्परागत चिनियाँ लिपि: 長江; पिनिन: Cháng Jiāng चाङ जियाङ; अर्थ. 'ताःहाकःगु खुसि') युरेसियाया दकलय् ताःहाकःगु खुसि ख व हलिमय् स्वंगुगु दकलय् ताःहाकःगु खुसि ख। थ्व खुसि सँदेय् पठारया ताङगुला पर्वतया जारी पर्वतं न्ह्यथना सामान्यतया पूर्वी दिशाय् ६,३०० किमि (३,९१५ माइल) जुसें पूर्वी चीन सागरय् थ्यनि। बाहावनिगु लःया मात्रा ल्याखं थ्व हलिमय् न्यागूगु दकलय् तःधंगु प्राथमिक खुसि ख। थुकिया ड्रेनेज बेसिन चीनया भूभागया न्याब्वया छब्व भूभागय् दयाच्वंगु दु। थ्व खुसिया बेसिन क्षेत्रय् चीनया करिब छगू तिहाई जनसंख्या च्वनि।
चीनया इतिहास, तजिलजि व अर्थतन्त्रय् याङत्सेया मू भूमिका दु। द्वलंद्वः दँ न्ह्यःनिसें थ्व खुसियात लः, सिँचाइ, सरसफाइ, यातायात, उद्योग, सीमाना, व युद्धया निंतिं छ्यलाबुलाय् हःगु दु। याङत्से डेल्टां चीनया जीडीपीया २०% तक्क उत्पादन याइ व याङत्सेया थ्री गर्जेज ड्याम हलिमय् दकलय् तःधंगु जलविद्युत केन्द्र ख। सन् २०१४या मध्यय् चीन सरकारं खुसिया सिथय् न्हुगु आर्थिक बेल्ट दयेकेगु निंतिं रेल, सतक व विमानस्थल दूगु बहुस्तरीय यातायात नेटवर्क दयेकेगु घोषणा यात।
↑Zhang Zengxin; Tao Hui; Zhang Qiang; Zhang Jinchi; Forher, Nicola; Hörmann, Georg. "Moisture budget variations in the Yangtze River Basin, China, and possible associations with large-scale circulation". Stochastic Environmental Research and Risk Assessment24: 579–589. Retrieved on 2010-07-27.
↑Main Rivers. National Conditions. China.org.cn. 2010-07-27 कथं।
