मू दिशा
प्यंगू मू दिशा बाय् कार्दिनल दिशा बाय् मू खे वा मू फुति प्यंगू मू कम्पास दिशा ख : यंता बाय् उत्तर (N), वन्ता बाय् पूर्व (E), इता बाय् दक्षिण (S), व यौता बाय् पश्चिम (W)। थुकिया सम्बन्धित एजिमुथ ( उत्तरं घडीया दिशाय् क्षैतिज कोण) ०°, ९०°, १८०°, व २७०° ख।
प्यंगू क्रमिक दिशा वा अन्तरकार्डिनल दिशा उत्तरपूर्व (NE), दक्षिणपूर्व (SE), दक्षिणपश्चिम (SW), व उत्तरपश्चिम (NW) ख। थ्व नाप स्वापू दूगु एजिमुथ ४५°, १३५°, २२५°, व ३१५° ख।
अन्तरकार्डिनल दिशाया सकल ज्वः मध्यवर्ती दिशायात द्वितीयक अन्तरकार्डिनल दिशा धाइ । जवय् क्यनातःगु कम्पास रोज थथे दु:
- पश्चिम-उत्तरपश्चिम (डब्लूएनडब्लू)
- उत्तर-उत्तरपश्चिम (एनएनडब्लू)
- उत्तर-उत्तरपूर्व (एनएनई)
- पूर्व-उत्तरपूर्व (ईएनई)
- पूर्व-दक्षिणपूर्व (ईएसई)
- दक्षिण-दक्षिणपूर्व (एसएसई)
- दक्षिण-दक्षिणपश्चिम (एसएसडब्लू)
- पश्चिम-दक्षिणपश्चिम (डब्लुएसडब्लू)