मच अदो अबाउत नथिङ्ग
| मच अदो अबाउत नथिङ्ग | |
|---|---|
 सन् १६००स ध्वाःगु मच अदो अबाउत नथिङ्गया न्हापांगु क्वार्टो संस्करणया मू पौ | |
| Written by | विलियम शेक्सपियर |
| Characters | एन्तोनियो बाल्थासर बियात्रिस बेनेदिक बोराचियो क्लाउडियो कोनरेड डगबेरी दन जोन दन पेद्रो फ्रायर फ्रान्सिस हिरो इनोजेन लियोनाटो मार्गरेट उर्सुला भर्जेस |
| Date premiered | १६०० |
| Original language | प्रारम्भिक आधुनिक अंग्रेजी |
| Genre | ख्यालः |
| Setting | मेसिना , इतालि |
मच अदो अबाउत नथिङ्ग (अर्थ: छुं मखुगु खँय् यक्व हल्ला) विलियम शेक्सपियरया छगू ख्यालः ख गुकियात सन् १५९८ व १५९९य् च्वःगु खनेदु। थ्व नाटक १६२३य् पिदंगु न्हापांगु फोलियोय् दुथ्याःगु छगू नाटक ख।
मेसिना नांयाःगु थासय् आधारित थ्व प्याखं निगू रोमान्टिक जोडीया चाकःलिइ चाःहिलाच्वंगु दु। थ्व निगु जोडी सैनिकतय्गु पुचः थ्व नगरय् थ्यनीबलय् न्ह्यथनि। न्हापांगु जोडी, क्लाउडियो व हिरो दथुइ जुइ। थ्व मतिना धाःसा खलनायक, डन जोनया आरोपं लगभग भंग जुइ। निगूगु, क्लाउडियोया पासा बेनेडिक्ट व हिरोया कजन बियात्रिस दथुइ जुइ। थ्व मतिना नाटक न्ह्यानाच्वंगु इलय् दबूलि दथुइ खनेदइ। थ्वपिं निम्हं पात्रया बुद्धि व ख्यालःखं थ्व दबू-प्याखनय् यक्व न्हिलाः प्रदान याइ।
तत्कालीन अंग्रेजी खँग्वः "नोटिङ" (खँग्वः ल्हाइबिले नथिङ्ग वा "छुं मखु" थें ताइगु/न्यनिगु व अर्थ धाःसा हल्ला, न्यना खँ, गसिप)या जुक्ति छ्यला बेनेडिक्ट व बियाट्रिसं थःथवय् मतिना स्वीकार याइ। नापं, क्लाउडियोयात हिरो कुमारीत्व मदूगु धकाः मखूगु विश्वास याकी। थ्व दबू-प्याखँया नामं नाटकया गोप्यता व चालबाजीयात छ्यला थुकिलि दूगु ख्यालः, आष्चर्य व एक्शनयात सन्दर्भित याःगु दु।
पात्र
[सम्पादन]- बेनेडिक्ट, पादुआया छम्ह लर्द व सैनिक; डन पेड्रोया पासा"
- बियाट्रिस, "लियोनाटोया म्ह्याय्चा"
- डन पेड्रो, एरागनया राजकुमार
- डन जोन, मथ्याहाम्ह राजकुमार डन पेड्रोया किजा
- क्लाउडियो, फ्लोरेन्सया छम्ह काउन्ट, डन पेड्रोया पासा, बेनेडिक्टया पासा"
- लियोनातो, मेसिनाया गभर्नर; हिरोया अबु
- एन्टोनियो, लियोनाटोया किजा
- बाल्थासर, डन पेड्रोया अटेन्डेन्ट, छम्ह म्येहालामि
- बोराचियो, डन जोनया अनुयायी
- कोनरेड, डन जोनया अनुयायी
- इनोजेन, लियोनाटोया कलाःकथं न्हापायागु संस्करणय् दूम्ह छम्ह पात्र
- हिरो, लियोनाटोया म्ह्याय्
- मार्गरेट, हिरोया मिसा परिचारक
- उर्सुला, हिरोया मिसा परिचारक
- डगबेरी, मेसिनाया चान्हसिया पहःया इन्चार्ज कन्स्टेबल
- भर्जेस, द हेडबोरो, डगबेरीया पार्टनर
- फ्रायर फ्रान्सिस, छम्ह पुजारी
- छम्ह सेक्सटन, बोराचियोया मुद्दा चलेयाइम्ह न्यायाधीश
- छम्ह मिजंमचा, बेनेडिक्ट
- द वाच, मेसिनाया वाचम्यान
- परिचारक व सन्देशवाहक