भेक्तर क्यालकुलस

भेक्तर क्यालकुलस वा भेक्तर विश्लेषण गणितया छगू कचा ख गुकिया स्वापू भेक्तर क्षेत्रया दिफरेन्सियसन व इन्तेग्रेसन नाप दु, मू कथं स्वंगु आयामया युक्लिदियन अन्तरिक्षय्, $\mathbb {R} ^{3}.$ भेक्तर क्यालकुलस खँग्वःयात गबलें गबलें मल्ताइभेरियबल क्यालकुलसया व्यापक विषयया पर्यायवाचीया रुपय् छ्यलिगु या, गुकिलिं भेक्तर क्यालकुलसया नापं पार्सियल दिफरेन्सियसन व मल्तिपल इन्तेग्रेसनयात नं कःघाइ। भेक्तर क्यालकुलसं दिफरेन्सियल ज्यामितिइ व पार्सियल दिफरेन्सियल इक्वेसनया सीकेज्याय् महत्त्वपूर्ण भूमिका म्हिती । थ्व भौतिक शास्त्र व इन्जिनियरिङय् व्यापक रुपं छ्येलिगु या, विशेष यानाः विद्युत चुम्बकीय क्षेत्र, गुरुत्वाकर्षण क्षेत्र व द्रव प्रवाहया विवरणय्।

भेक्तर क्यालकुलस १९गु शताब्दीया अन्तया लिक्क जे विलार्ड गिब्स व ओलिभर हेभिसाइडं क्वाटरनियनया सिद्धान्तं विकास याःगु ख, व अप्व नोतेसन व शब्दावली गिब्स व एडविन बिडवेल विल्सनं सन् १९०१या थःगु सफू, भेक्तर एनालाइसिसय् स्थापित याःगु ख, यद्यपि थ्व स्वया न्ह्यः आइज्याक न्युतन थें न्यापिं गणितविदतेसं थ्व ख्यलय् च्वयादीगु दु। थःगु मानक रुपय् क्रस प्रदक्त छ्येला भेक्तर क्यालकुलसं उच्च आयामय् सामान्यीकरण याइमखु, तर ज्यामितीय बीजगणितया वैकल्पिक दृष्टिकोण धाःसा क्यनि गुकिलिं एक्स्तेरियर प्रदक्त छ्येलि।

स्वयादिसँ

• गणित
• बीजगणित