ब्रोकोपोन्दो जिल्ला
.jpg)
ब्रोकोपोन्दो बाय् ब्रोकोपोन्डो सुरिनामया छगू जिल्ला ख। थुकिया राजधानी ब्रोकोपोन्दो ख ; मेमेगु नगरय् ब्राउनस्वेग व क्वाकोएग्रन ला।
थ्व जिल्लाया जनसंख्या १५,९०९ दु, व क्षेत्रफल ७,३६४ वर्ग किलोमिटर दु।
इतिहास
[सम्पादन]ब्रोकोपोन्दो जिल्ला सन् १९५९ य् पूर्व सुरिनाम जिल्लां बायाः पलिस्था जूगु खः । थ्व जिल्लाया पलिस्था सन् १९५८इ सुरिनाम सरकार व अल्कोआ दथुइ ब्रोकोपोन्डो जलाशय दयेकेगु निंतिं जूगु ब्रोकोपोन्डो सम्झौतानाप स्वापू दूगु ख। [१] ब्रोकोपोन्दो जलाशय अफोबाकाया लिक्क छगू तःधंगु जलाशय ख गुकियात सन् १९६१ निसें १९६४या दथुइ दयेकूगु खः, व थुकिलिं जलविद्युत उत्पादन याइ गुकिलिं थ्व देय्या ग्राहस्थ विद्युत आवश्यकताया करिब बच्छि पूवंकी। [२]
ब्रोकोपोन्डो विकास योजनां पर्यटनयात केन्द्रीत यानाः ब्रोकोपोन्डो व ब्राउनस्वेग नगरयात थ्व क्षेत्रया निगु मू केन्द्रया रुपय् घोषणा याःगु दु। निगु हे नगरय् उचित नगर केन्द्रया अभाव दु, व २१गु शताब्दीया सुरुइ पुनर्निर्माण जुइगु अपेक्षा दु। [३]
प्रकृति
[सम्पादन]थ्व जिल्लाय् यक्व झ्वाला दु, गुकिलि मू झ्वाला आइरिन झ्वाला व लियो झ्वाला ला। ब्रोकोपोन्डोया वा गुंय्, तःधंगु गुं रिजर्भ दु गन थीथी कथंया वन्यजन्तुत दु । सन् १९६९ य् पलिस्था जूगु ब्राउन्सबर्ग नेचर पार्क १२,२५० हेक्टर क्षेत्रफलय् लाःगु थ्व क्षेत्रय् वैज्ञानिक अनुसन्धानया निंतिं थ्यंमथ्यं ८,४०० हेक्टर क्षेत्रफल बियातःगु दु । ६० वर्ग किलोमिटरया ब्रिन्ख्युवेल प्रकृति रिजर्भ नं थ्व जिल्लाय् ला व सन् १९६६इ पलिस्था जूगु ख। बर्ग एन दल एभोबाकावेगया लिक्क लाःगु छगू पूर्व सिँ बुइकिगु बुँ ख। सन् २००८ य् थ्व बुँयात बर्ग एन डल इको एण्ड कल्चरल रिसोर्टय् हिलाबिल, गुगु इकोटुरिजमया निंतिं छगू लक्जरी होलिडे रिसोर्ट खः । बर्ग एन डल सुरिनाम खुसि नापंया छगू गुंच्वः खः ।
बुंज्या
[सम्पादन]जिल्लाया अप्वः धया थें थाय् तःधंगु स्तरया बुँज्याया निंतिं उपयुक्त मजू । मू बालि कःनि, सोया, भुइँकटहर, व बरां खः । [२] न्हापाया प्लान्तेसन बुँयात फेड्रा रिसोर्टया कृषि केन्द्रय् हिलाछ्वगु दु । सन् १९६०इ फेड्राय् छगू पाम चिकंया बुँ दयेकल, [४] अथे जुसां सुरिनामया आन्तरिक युद्ध व घातक म्हासुगु सिमाया ल्वय्या लिच्वः कथं सन् १९९६इ भिक्टोरिया, क्लास्क्रेकय् ज्यासः बन्द जुल। [५]
रिसोर्ट
[सम्पादन]
ब्रोकोपोन्डोयात ६ गू रिसोर्ट(प्रशासनिक इकाइ)य् ब्वथलातःगु दु :
- ब्राउनस्वेग
- सेन्ट्रम
- क्लास्क्रिक
- क्वाकोएग्रन
- मार्शलक्रिक
- साराक्रीक
गां
[सम्पादन]- अफोबाका
- बैकुतु
- बर्ग एन दल
- ब्रोकोपोन्डो
- ब्राउनस्वेग
- लेबिडोटी
- निउ-कोफिकाम्प
- निउ-लोम्बे
- जोएवाट्टा