बेबिलोन

बेबिलोन
Bābilim
बेबिलोनया भगनावशेषया आधारय् दयेकूगु किपा
मेमेगु नां	𒆍𒀭𒊏𒆠 (Bābilim), 𒆍𒀭𒊏𒆠(KÁ.DIG̃IR.RA), 𐡁𐡁𐡋 (Bāḇel), ܒܒܠ (Bāḇel), 𐎲𐎠𐎲𐎡𐎽𐎢 (Bābiru), 𒀸𒁀𒉿𒇷 (Babili)
थाय्	Hillah, Babil Governorate, Iraq
क्षेत्र	Mesopotamia
प्रकार	Settlement
मू लहना	Babylonia
क्षेत्रफल (लागा)	9 km2 (3.5 sq mi)
History
पलिस्था	c. 1894 BC
त्याग	c. 1000 AD
तजिलजि	सुमेरियन, अकादियन, अमोराइत, कसाइत, असिरियन, च्यालेदियन, अकमेनिद, ग्रीक, पार्थियन, ससानी, मुस्माँ
Site notes
पूरातत्त्वविद्	Hormuzd Rassam, Robert Koldewey, Taha Baqir, recent Iraqi Assyriologist
अवस्था	Ruined
थुवा	Public

बेबिलोन दक्षिणी मेसोपोटामियाय् क्वसंया युफ्रेट्स खुसिइ च्वंगु छगू प्राचीन नगर ख। थ्व नगर आधुनिक ईया हिल्लाह, इराकया दुने, आधुनिक ईया बगदादया करिब 85 kilometres (53 mi) दक्षिणय् ला। बेबिलोनं बेबिलोनियाया अक्कादियन भाषी क्षेत्रया मू सांस्कृतिक व राजनीतिक केन्द्रया रुपय् ज्या यात। थुकिया शासकतेसं प्राचीन कालय् निगु महत्त्वपूर्ण साम्राज्य पलिस्था यात, १९गु–१६गु शताब्दी ईसापूर्व पुलांगु बेबिलोनियन साम्राज्य, व ७गु–६गु शताब्दी ईसापूर्व न्हूगु-बेबिलोनियन साम्राज्य । बेबिलोनयात मेमेगु साम्राज्यया क्षेत्रीय राजधानीया रुपय् नं छ्येलिगु या, गथेकि अकिमेनिद साम्राज्य । बेबिलोन प्राचीन निकट पूर्वया दकलय् महत्त्वपूर्ण शहरी केन्द्रय् छगू ख। थ्व नगर थथे महत्त्वपूर्ण कथं हेलेनिस्टिक कालया इलय् थुकिया पतन जुइबिलेतक दयाच्वन। थ्व नगर लिक्कया प्राचीन थासय् किश, बोर्सिप्पा, दिलबत, व कुथा ला।

बेबिलोनया छगू चिधंगु नगरया रुपय् दकलय् न्हापांगु ज्ञात उल्लेख अक्कादियन साम्राज्यया शार-काली-शर्री (२२१७–२१९३ ईसापूर्व)या शासनकालया चा च्वखँय् खनेदु। थ्व ईले बेबिलोन छगू धार्मिक व सांस्कृतिक केन्द्र जक्क ख व न छगू स्वतन्त्र राज्य ख न छगू तःधंगु नगर हे ख। थ्व नगर व ईलय् अक्कादियन साम्राज्यया अधीनय् लानाच्वन। अक्कादियन साम्राज्यया पतन धुंका दक्षिण मेसोपोटामिया क्षेत्रय् उरया स्वंगुगु राजवंशया उदय स्वया न्ह्यः, छुं दशक तक्क गुतियन राजवंशया प्रभुत्व दयाच्वन। थ्व राजवंशय् बेबिलोन नगर नापं सकल मेसोपोटामिया दुथ्याः।

थ्व नगर १७गु शताब्दी ईसापूर्वय् न्हापांगु बेबिलोनियन साम्राज्यया उदय नापं छगू चिधंगु स्वतन्त्र नगर-राज्यया भाग जुल, गुकियात आः पुलांगु बेबिलोनियन साम्राज्यया रुपय् म्हसीकिगु या। अमोरी जुजु हम्मुराबीं १६गु शताब्दी ईसापूर्वय् अल्पकालीन पुलांगु बेबिलोनियन साम्राज्यया पलिस्था यात। वय्कलं बेबिलोनयात छगू मू नगर दयेकादिल अले थःत अनया जुजु घोषणा यात। दक्षिणी मेसोपोटामिया बेबिलोनियाया नामं म्हसीकल, व बेबिलोनं निप्पुरयात थ्व क्षेत्रया पवित्र नगरया रुपय् थःयात स्थापित यात। थ्व साम्राज्य हम्मुराबीया काय् सम्सु-इलुनाया अधीनय् म्हो जुल, व बेबिलोनं ताः ई अश्शूर, कासित व एलामितेगु प्रभुत्वय् च्वन। अश्शूरतयेसं थ्व थाय् यात स्यंकेधुंका व लिपा पुनःनिर्माण यायेधुंका ईसापूर्व ६२६ निसें ५३९ तक्क बेबिलोन अल्पकालीन नव-बेबिलोनियन साम्राज्यया राजधानी जुल। बेबिलोनया ह्याङ्गिंग गार्डेनयात प्राचीन हलिंया ७ गू अजूचायापुगु थासय् छगू कथं कायेगु या, गुकियात करिब ६०० ईसापूर्व व १ ईसापूर्वया दथुइ दूगु धाःगु दु ।  तर बेबिलोनया ह्याङ्गिंग गार्डेनया अस्तित्व तकं दुगु खः ला धइगु न्ह्यसःत ब्वलनाच्वंगु दु, छाय् धाःसा आःया छुं नं बेबिलोनियन ग्रन्थ दुने थुकिया अस्तित्वया उल्लेख मदु । नव-बेबिलोनियन साम्राज्यया पतन धुंका थ्व नगर अकिमेनिद, सेल्युसिद, पार्थियन, रोमन, सासानिद, व मुस्मां साम्राज्यया अधीनय् लात। थ्व नगरया लिपांगु ज्ञात बासस्थान ११गु शताब्दीया ख, गुबले थ्व नगरयात "बेबेलया चिधंगु गां"या रुपय् कायेगु या।

१७७०-१६७० ईपू तक व हानं ६१२-३२० इपू तकया इलय् बेबिलोन हलिमया दकलय् तःधंगु नगर जूगु अनुमान यानातःगु दु। सम्भवतः, निगू लख स्वयां अप्वः जनसंख्या दुगु थ्व न्हापांगु नगर जुइफु । थुकिया दकलय् अप्वः लागाया अनुमान ८९० हेक्तर (३१⁄२ वर्ग माइल) निसें ९०० हेक्तर900 ha (2,200 acres) तक दु । । बेबिलोनया बारेय् जानकारीया मू स्रोत—थुगु थासय् हे उत्खनन, मेसोपोटामियाया मेमेगु थासय् लुयावःगु क्यूनिफर्म ग्रन्थय् सन्दर्भ, बाइबलय् सन्दर्भ, मेमेगु शास्त्रीय च्वसुइ विवरण, विशेष यानाः हेरोडोटसया, व सेकेण्ड ह्याण्ड विवरण कथं, Ctesias व Berostimeया ईसापूर्व खुगूगु शताब्दीइ खनेदु । युनेस्कों २०१९ स बेबिलोनयात विश्व सम्पदा धलखय् दुथ्याकल । थ्व साइटय् दँय् दसं द्वलंद्वः मनूत वइ, गुकी फुक्क धइथें इराकीत दु । थ्व थाय् नापं निर्माण ज्या तीव्र गतिं अप्वया वनाच्वंगु दु, गुकिं यानाः भग्नावशेषय् अतिक्रमण जुयाच्वंगु दु ।

बेबिलोनं ईसापूर्व २गु शताब्दी व ईसापूर्व ७गु शताब्दीया दथुइ नगर केन्द्रया रुपय् ज्या यायेगु बन्द जुल। उगु ७०० दँया दुने थ्व बुलुहुँ छगू मू शहरं थ्यंमथ्यं पूर्ण परित्यागय् कुहां वन । थ्व थासय् चिधंगु समुदायत च्वनाच्वंगु दु, व लिक्कया हिल्लाह थें न्याःगु नगरत थ्व ऐतिहासिक थासय् मनुत च्वनाच्वंगु दनि।

स्वयादिसँ

• इराक