फेदेरलिस्त ल्या १

फेदेरलिस्त ल्या १
Alexander Hamilton, author of Federalist No. 1
च्वमि	Alexander Hamilton
देय्	संयुक्त राज्य अमेरिका
भाय्	अंग्रेजी
सफू-झ्वः	द फेदेरलिस्त
पिथनामि	The Independent Journal
पिथना तिथि	October 27, 1787
Media type	newspaper
Preceded by	none
Followed by	Federalist No. 2
Read online	फेदेरलिस्त ल्या १ at Wikisource

 

फेदेरलिस्त ल्याः १, शीर्षक " सामान्य परिचय ", अलेक्जेन्डर ह्यामिल्टनया छगू च्वखँ खः। थ्व द फेडरलिष्ट पेपर्सया न्हापांगु च्वसु खः। थ्व च्वखँय् च्वमिपिन्सं अमेरिकाया प्रस्तावित संविधानयात कयाः वःगु विचातेत विमर्श यायेगु छगू सामान्य रुपरेखा दयेकी । थ्व च्वसु दकलय् न्हापां सन् १७८७ अक्टोबर २७ खुनु द इन्डिपेन्डेन्ट जर्नलय् पब्लियस च्वसा नामं पिदंगु ख, थ्व नामं द फेडरलिष्ट पेपर्सया फुक्क च्वसुत पिदंगु ख।

फेदेरलिस्त ल्याः १ य् अनुमोदन बहसया वर्णन यानातःगु दु, गुकी नागरिक विमर्शया खँय् ह्यामिल्टनया बिचाः व बहसया ध्रुवीकरणया प्रकृति नं दुथ्याकातःगु दु । वय्कलं बहसय् मभिंपिं मनूत नं दयेफुगु ख्याच्वः बियादिल, तर राष्ट्रया हित निर्धारण यायेत तर्क छ्यला भावना व आरोपतेत बेवास्ता यायेमाःगु अडान कयादीगु दु। फेदेरलिस्त ल्याः १ य् ह्यामिल्टनया नागरिकतय्सं भिंगु सरकार दयेके फइ धइगु विश्वासयात प्रतिबिम्बित याइ। थ्व च्वखँ भविष्यया फेदेरलिस्त पेपर्सया निंतिं विषयया रुपरेखालिसें क्वचाइ। यद्यपि फेदेरलिस्त पेपर्सया फुक्कं धलः धाःसा थ्व च्वखँय् दुथ्यानातःगु मदु (यक्व च्वसु लिपां जक वःगु विचारय् आधारित दु)।

सारांश

पब्लियसं संयुक्त राज्य अमेरिकाया संविधान अनुमोदन यायेमाः कि म्वाः धइगु बहसयात स्वीकार यानादी । वय्कलं थन्याःगु निर्णयया ऐतिहासिक महत्वयात कयाः टिप्पणी यानादी। मेमेगु भावनां पक्षपाती मजुसें तर्कया माध्यमं जक निर्णय यायेमाःगु अडान कयादीगु दु। थुकियात विस्तार यासें वय्कलं व्यक्तिगत लाभया निंतिं अनुमोदनया विरोध याइपिं मनूतय्त चेतावनी बियादील। नापं, वय्कलं ब्वँमितेत विरोधी विचाःयात वैध कथं मनन यायेगु निंतिं नं प्रोत्साहित यानादिल व छुं नं तर्कयात उकिया तार्किक शक्तिइ मूल्यांकन यायेत इनाप यानादिल। पब्लियसं अनुमोदनया बहसय् तर्क स्वया जोशयात प्राथमिकता दइगु चिउताः प्वंकादिल, अले वय्कलं ब्वँमितेत थ्व विषययात कयाः बिचाः यायेबलय् भावनाया अपीलयात बेवास्ता यायेत इनाप यानादिल ।

पब्लियसं अनुमोदनया समर्थनय् थःगु अडान घोषणा याइ। वय्कलं लिपाया च्वसुइ सम्बोधन यायेमाःगु यक्व विषयया धलः दयेकी:

• "थःगु राजनीतिक समृद्धिया निंतिं संघया उपयोगिता"
• "अन्याःगु संघयात संरक्षण यायेत आःया संस्था (कन्फेदेरेसन)या अपर्याप्तता"
• "थ्व लक्ष्य प्राप्तिया निंतिं प्रस्तावित सरकारया म्होति नं उलि हे ऊर्जावान जुइमाःगु आवश्यकता"
• "गणतान्त्रिक सरकारया वास्तविक सिद्धान्तनाप प्रस्तावित संविधानया अनुरूपता"
• "थ्व संघया थःगु हे राज्य संविधान लिसेया समानता"
• "थुकिया अंगीकरणं थ्व प्रकारया सरकारया संरक्षण, स्वतन्त्रता व सम्पत्तिया निंतिं बीगु थप सुरक्षा"

पृष्ठभूमि व पिथना

फेदेरलिस्त ल्याः १ अलेक्जेन्डर ह्यामिल्टनं च्वयादीगु खः । सन् १७८७इ संवैधानिक महाधिवेशन धुंका ह्यामिल्टनं जेम्स म्याडिसन व जन जे नापं संयुक्त राज्य अमेरिकाया संविधानया प्रावधानयात व्याख्या यायेत व न्यूयर्कयात अनुमोदन यायेगु वातावरण दयेकेत च्वखँया झ्वः च्वयादिल। इमिसं थ्व च्वसुत न्यूयर्कया पत्रपत्रिकाय् साझा च्वसा नां पब्लियस तयाः पिथंगु खः । थ्व पेपर्स दकलय् न्हापां २७ अक्टोबर १७८७य् इन्डिपेन्डेन्ट जर्नलय् पिहांवल, वयां लिपा ३० अक्टोबरय् डेली एडभर्टाइजर व न्यू-योर्क प्याकेटय् पिहांवल फेदेरलिस्त पेपर्स पिदनेगु सुरु जुइवं अनुमोदनया बहस छगू तःधंगु राजनीतिक विषय जुल। ह्यामिल्टनं एन्ताइफेदेरलिस्त पेपर्स न्हापां पिदंगु ईया जःखः फेदेरलिस्त ल्याः १ च्वयादीगु खः । फेदेरलिस्त पेपर्सया च्वमिपिन्सं न्हापांगु च्वसु पिथंगु इलय् थ्व झ्वः गुलि तक न्ह्याइ धकाः बांलाक मसिउगु खः ।

स्वयादिसँ

• संयुक्त राज्य अमेरिका
• फेदेरलिस्त पेपर्स
• फेदेरलिस्त ल्या २