Jump to content

फेदेरलिस्त पेपर्स

विकिपिडिया नं
फेदेरलिस्त पेपर्स
द फेडरलिष्ट(१७८८)या न्हापांगु संस्करण
Original titleThe Federalist
Countryसंयुक्त राज्य अमेरिका
Languageअंग्रेजी
PublisherThe Independent Journal
New York Packet
The Daily Advertiser
J. & A. McLean
Publication dateOctober 27, 1787 – May 28, 1788
Media type
  • Newspaper
  • book
Read onlineफेदेरलिस्त पेपर्स at Wikisource

 

द फेदेरलिस्त पेपर्स संयुक्त राज्य अमेरिकाया संविधानया अनुमोदनयात प्रवर्द्धन यायेत सामूहिक च्वसा-नां "पब्लियस"या नामं अलेक्जेन्डर ह्यामिल्टन, जेम्स म्याडिसन व जन जें च्वःगु ८५ च्वखँतेगु मुना ख। नीगुगु शताब्दीइ द फेडरलिष्ट पेपर्स नां मवःतले थ्व च्वखँमुनायात सामान्य रुपं द फेडरलिष्ट धकाः म्हसीकातःगु खः ।

थ्व च्वसुइ न्हापांगु न्हेनेपू (७७) च्वखँ अक्टोबर १७८७ निसें अप्रिल १७८८या दथुइ इन्डिपेन्डेन्ट जर्नल, द न्यूयोर्क प्याकेट, व द डेली एडभर्टाइजरय् झ्वलं पिदंगु ख। [१] थ्व ७७पू च्वखँ व मेमेगु च्यापू च्वखँतेत मुनाः निगु खण्डय् द फेडरलिष्ट: ए कलेक्सन अफ एसेज, रितनइ इन फेभर अफ द न्यू कन्स्टिच्युसन, एज एग्रीड अप बाय फेडरल कन्भेन्सन, सेप्टेम्बर १७, १७८७ [२] या नामं जे.एण्ड मिकलिन पिदना कम्पनीं मार्च व मे १७८८स पिदंगु ख। [३] लिपांगु ८गु च्वखँ (ल्याः ७८–८५) जुन १४ निसें अगस्ट १६, १७८८या दथुइ न्यूयोर्कया पत्रपत्रिकाय् पुनःप्रकाशित जुल।

द फेडरलिस्तया च्वमिपिन्सं संविधान अनुमोदन यायेत मतदातायात प्रभावित यायेगु नियतं थ्व च्वखँत च्वःगु खः । फेदरलिस्त ल्याः १ स, इमिसं स्पष्ट रुपं थ्व बहसयात व्यापक राजनीतिक शब्दय् तःगु दु :

It has been frequently remarked, that it seems to have been reserved to the people of this country, by their conduct and example, to decide the important question, whether societies of men are really capable or not, of establishing good government from reflection and choice, or whether they are forever destined to depend, for their political constitutions, on accident and force. [४]

फेदरलिस्त ल्याः १० य् म्याडिसनं बहुमतीय पुचःया शासनयात पनेगु उपायया चर्चा यानाः तःधंगु, व्यावसायिक गणतन्त्रया वकालत यानादीगु दु । थुकियात फेदरलिस्त ल्याः १४य् पूरक कथं म्याडिसनं संयुक्त राज्य अमेरिकाया नाप कयाः, थ्व विस्तारित गणतन्त्रया निंतिं उपयुक्त जूगु घोषणा याइ। अले संघीय महाधिवेशनया संवैधानिक व राजनीतिक सृजनात्मकताया लुमंकेबहःगु बचाउ यानाः फेदेरलिस्त १४ क्वचायेकी ।

फेदेरलिस्त ल्याः ८४ य् ह्यामिल्टनं अधिकारया विधेयक तनेत संविधानय् संशोधन यायेमाःगु आवश्यकता मदु धकाः धयादील। वय्कलं प्रस्तावित संविधानय् स्वतन्त्रताया संरक्षण याइगु थीथी प्रावधानत "अधिकारया विधेयक"या बराबर खः धकाः अडान कयादिल। [५] फेदेरलिस्त ल्याः ७८ ह्यामिल्टनं हे च्वयादीगु ख गुकिलि संघीय अदालतं संघीय विधान वा कार्यकारी ऐनया न्यायिक पुनरावलोकनया सिद्धान्तया आधार दयेका तःगु दु । फेदेरलिस्त ल्याः ७० य् छम्ह मनूया प्रमुख कार्यकारीया निंतिं ह्यामिल्टनया मत न्ह्यब्वइ। फेदेरलिस्त ल्याः ३९ य् म्याडिसनं " संघीयता " धाःगु खँग्वःया दकलय् स्पष्ट व्याख्या न्ह्यब्वयादीगु दु । संघीयवादी ल्याः ५१ य्, म्याडिसनं सरकारया औचित्यया निंतिं आपालं उद्धृत याइगु छपू च्वखँ चेक एण्ड ब्यालेन्सया निंतिं तर्क यानादिल। वय्कलं थुकियात "मानव स्वभावया दकलय् तःधंगु प्रतिबिम्ब" धकाः उद्धृत याःगु दु। इतिहासकार रिचर्ड बी मोरिसया कथं, द फेडरलिस्त पेपर्सया च्वखँत "संविधानया अतुलनीय व्याख्या खः, राजनीति विज्ञानय् छगू क्लासिक (ख।) थुकिया लिपाया सुं नं अमेरिकी च्वमिया उत्पादनं व्यापकता व गहराई निगुलिं ल्याखनय् (थ्व च्वखँमुनाया स्तरय्) थ्यने मफू।" [६]

सन् १७८८ जुन २१ खुन्हु अनुच्छेद ७ य् माःगु न्यूनतम गुंगू राज्यं प्रस्तावित संविधानयात अनुमोदन यात। सन् १७८८ जुलाईया अन्तय् ११ राज्यं न्हुगु संविधान अनुमोदन यायेधुंका न्हुगु सरकारयात संगठित यायेगु प्रक्रिया न्ह्यात। [७]

इतिहास

[सम्पादन]

उत्पत्ति

[सम्पादन]
अलेक्जेन्डर ह्यामिल्टन, द फेडरलिस्त पेपर्सया मू च्वमि

संघीय महाधिवेशनं (संवैधानिक महाधिवेशन) प्रस्तावित संविधान कन्फेडेरेसन कांग्रेसयात लःल्हात, गुकिलिं सन् १७८७या सेप्टेम्बरया अन्तय् अनुमोदनया निंतिं राज्यतेत लःल्हात। सन् १७८७या सेप्टेम्बर २७ खुनु "क्याटो" दकलय् न्हापां न्यूयोर्कया प्रेसय् थ्व प्रस्तावया आलोचना यासें पिहांवल; "ब्रुटस" १८ अक्टोबर १७८७ खुनु पिथन। थ्व व मेमेगु च्वखँ व सार्वजनिक पत्रत न्हुगु संविधानया आलोचना यात व इमित अन्ततः " एन्ताइ फेदेरलिस्त पेपर्स "या रुपय् म्हसीकल। थुकिया लिसलय् अलेक्जेन्डर ह्यामिल्टनं प्रस्तावित संविधानया संयमित प्रतिरक्षा व न्यूयर्क राज्यया जनतायात व्यापक व्याख्या यायेगु निर्णय यानादिल। वय्कलं संघीयवादी ल्याः १ य् च्वयादिल कि थ्व झ्वलं "छिक्पिंसं ध्यान बियादीगु फुक्क आपत्तिया सन्तोषजनक लिसः बीगु कुतः याइगु जुइ। (endeavor to give a satisfactory answer to all the objections which shall have made their appearance, that may seem to have any claim to your attention)" [८]

ह्यामिल्टनं थुगु परियोजनाया निंतिं ग्वाहालिमि भर्ना यात । वय्कलं जन जेयात भर्ती यानादिल। जन जे प्यंगू च्वखँ ( फेदेरलिस्त ल्याः २, ३, ४, व ५ ) धुंका उसाँय् मफत व थ्व झ्वलय् छगू जक्क च्वसु फेदेरलिस्त ल्याः ६४ य् योगदान बियादिल। जे नं सन् १७८८या वसन्त ऋतुइ थःगु विचातेत छगू पम्फ्लेटय् सार दयेकादिल, गुकियात एन एड्रेस टु द पिपुल अफ द स्टेट अफ न्यू-यर्क धाइ। [९] ह्यामिल्टनं फेदेरलिस्त ल्याः ८५ य् जन जेया थ्व च्वखँयात स्वीकृति बियाः उद्धृत यानादीगु दु। कन्फेडेरेसन कांग्रेसया भर्जिनिया प्रतिनिधिया रुपय् न्यूयर्कय् उपस्थित जेम्स म्याडिसनयात ह्यामिल्टन व जें भर्ती यात व वय्कः ह्यामिल्टनया प्राथमिक सहयोगी जुयादिल। गभर्नर मोरिस व विलियम ड्यूरयात नं थ्व पदया निंतिं बिचाः याःगु खः। तर मोरिसं उगु ब्वनापौयात अस्वीकार यात, अले ह्यामिल्टनं डुयरं च्वःगु स्वंगू च्वसुयात अस्वीकार यात। डुएरं लिपा स्वम्ह संघीयवादी च्वमितेगु समर्थनय् "फिलो-पब्लियस" नां च्वयादिल, गुकिया अर्थ ह्यामिल्टनया च्वसा नां पब्लियसया आधारय् "जनताया पासा" वा "ह्यामिल्टनया पासा" ख।

ह्यामिल्टनं च्वसा-नां "पब्लियस" ल्यःगु खः। संवैधानिक बहसया निगु हे पक्षया प्रतिनिधित्व याइगु मेमेगु यक्व च्वसा-नां रोमन नामं काःगु जुसां इतिहासकार अल्बर्ट फुर्टवाङ्गलरं तर्क बियादिगु दु कि " पब्लियस'' नां सिजर ' वा ' ब्रुटस ' वा ' क्याटो ' स्वया नं उच्च स्तरया नां जुल। प्राचीन रोमय् पब्लियस भलेरियसं रोमया प्राचीन गणराज्य लुइकेत ग्वाहालि यानादीगु ख। वय्कःया अप्व नांजाःगु नां पब्लिकोला "जनतातेगु पासा" ख।" ह्यामिल्टनं सन् १७७८ य् थ्व च्वसा-नां स्वंगु च्वखँय् छ्यःगु ख, गुकिलि वय्कलं थः हे संघवादी स्यामुअल चेजयात आक्रमण याना चेजं कांग्रेसय् प्राप्त सूचंया फाइदा कयाः छ्वचुं बजारय् प्रभुत्व कायेत स्वःगु खँ पित हःगु ख। [१०]

च्वमित्व

[सम्पादन]
जेम्स म्याडिसन, ह्यामिल्टनया मू सहयोगी, लिपा संयुक्त राज्य अमेरिकाया प्यम्हम्ह राष्ट्रपति (१८०९-१८१७)

प्रकाशनया इलय् द फेडरलिस्त पेपर्सया च्वमिपिन्सं ह्यामिल्टन व म्याडिसन अधिवेशनय् ब्वति काःगुलिं थःगु म्हसीका सुचुकेगु कुतः याःगु खः । [११] तर चतुर पर्यवेक्षकतय्सं ह्यामिल्टन, म्याडिसन व जेया म्हसीकायात पाय्छि कथं म्हसीकल। द फेडरलिस्त पेपर्सया च्वसुया लेखकीय प्रामाणिकता न्ह्याबलें स्पष्ट मजूनि। सन् १८०४ य् ह्यामिल्टनया मृत्यु लिपा छगू धलः पिहां वल, गुकी द फेडरलिष्ट च्वखँया निगू तिहाइ वय्कलं जक च्वयादीगु दाबी यानातःगु दु। गुलिसिनं थ्व च्वखँय् यक्व च्वसुत म्याडिसनं च्वयादिल (ल्याः ४९–५८ व ६२–६३) धकाः विश्वास याइ। सन् १९४४इ डगलस एडायरया विद्वान जासुसी ज्यां लेखकत्वया क्वसंच्वगु अनुमान यात, गुकियात सन् १९६४इ पाठया कम्प्युटर विश्लेषणं पुष्टि यात: [१२]

  • अलेक्जेन्दर ह्यामिल्तन (५१ च्वखँ: ल्या १, ६–९, ११–१३, १५–१७, २१–३६, ५९–६१, व ६५–८५)
  • जेम्स म्यादिसन (२९ च्वखँ: ल्या १०, १४, १८–२०, ३७–५८ व ६२–६३)
  • जोन जे (५ च्वखँ: ल्या २–५ व ६४)।

खु-लाय् दुने स्वम्ह मनूतय्सं मुक्कं ८५ गू च्वसु च्वःगु खः ।

ह्यामिल्टन, गुम्ह १७८०या दशकय् राष्ट्रिय संवैधानिक सुधारया अग्रणी अधिवक्ता जुयादिल व संवैधानिक अधिवेशनय् न्यूयर्कया निंतिं स्वम्ह प्रतिनिधि मध्ये छम्ह जुयादिल, १७८९य् संघीय कोषया न्हापांम्ह सचिव जुल, थ्व पदय् वय्कलं सन् १७९५य् राजीनामा मब्यूतले च्वनादिल।

म्यादिसनयात वर्तमानय् अमेरिकी संविधानया अभुया कथं नालेगु या। वय्कलं थःगु जीवनय् धाःसा थ्व पदवीयात अस्वीकार यानादिल।[१३] म्यादिसन संयुक्त राज्य अमेरिकाया हाउस अफ रिप्रिजेन्तेतिभ्सया नेतृत्त्व याइम्ह दुजः जुयादिल व भर्जिनियाया रिप्रिजेन्तेतिभ (१७८९-१७९७), सेक्रेतरी अफ स्तेत (१८०१-१८०९), व अन्ततः संयुक्त राज्य अमेरिकाया प्यम्हम राष्ट्रपति (१८०९-१८१७) जुयादिल।

सन् १७८४ निसें संघया धारा अन्तर्गत विदेश मामिलाया निंतिं सचिव जुयादीम्ह जन जे सन् १७८९ य् संयुक्त राज्य अमेरिकाया न्हापांम्ह प्रधानन्यायाधीश जुयादील। वय्कलं सन् १७९५ य् न्यूयोर्कया गभर्नरया निर्वाचन स्वीकार यायेत थ्व पद त्वःतादिल [१४], थ्व पदय् वय्कलं निगु कार्यकाल यासें १८०१स सेवानिवृत जुयादिल।

पिथना

[सम्पादन]
द फेडरलिस्तया सफू संस्करणया निंतिं छगू विज्ञापन

फेदेरलिस्त च्वसुत स्वंगु न्यूयर्क पत्रपत्रिकाय् पिहांवल: द इन्डिपेन्डेन्ट जर्नल, द न्यू-यर्क प्याकेट, व द डेली एडभर्टाइजर। थ्व च्वसुत अक्टोबर २७, १७८७ निसें न्ह्याःगु ख। हथाय्कथं च्वयातःगु व पिदंगु जूसां द फेडरलिस्त च्वसुत यक्व ब्वनेगु जुल व अमेरिकी राजनीतिक संस्थाया आकारयात यक्व प्रभावित यात । [१५] ह्यामिल्टन, म्याडिसन व जें तच्वलं च्वसुत पिथंगु खः। गबलें गबलें पब्लियसया स्वंगू निसें प्यंगु न्हूगु च्वसु छवाःया दुने हे पत्रपत्रिकाय् पिहां वल। ग्यारी विल्सं अवलोकन यात कि उत्पादनया थ्व द्रुत गतिं छुं नं सम्भावित प्रतिक्रियायात "क्वत्यलेगु" जुइफु: "सुनां, पर्याप्त ई दःसा, थुज्वःगु तर्कया आक्रमणया लिसः बीफुगु खः? अले नापं ई मब्यूगु खः। (Who, given ample time could have answered such a battery of arguments? And no time was given.)" ह्यामिल्टनं न्यूयर्क राज्य पिनेया पत्रपत्रिकाय् नं थ्व निबन्धयात पुनर्मुद्रण यायेत प्रोत्साहन बियादिल, व वास्तवय् थ्व निबन्ध मेमेगु यक्व राज्यय् नं पिहांवल गन संविधान अनुमोदनया बहस जुयाच्वन। तर थुपिं न्यूयर्क पिने अनियमित रुपं जक पिदंगु खःसा देय्या मेमेगु थासय् थुकियात प्रायः स्थानीय च्वमिपिन्सं किचलय् तल।

च्वखँत न्हापा न्यूयर्कय् पिदंगु जूगुलिं अप्वः धइथें च्वखँ छगू हे अभिवादनं शुरु जुइ : "न्युयर्क राज्यया जनतायात" ।

च्वसुया यक्व मागं यानाः थुकियात अप्वः स्थायी रुपय् पिथनेगु ज्या जुल। सन् १७८८ जनवरी १ खुनु न्यूयर्कया प्रकाशन कम्पनी जे. एन्द ए मिकलिनं थ्व झ्वःया न्हापांगु ३६ च्वसु पिथनेगु घोषणा यात। इमिसं मार्च २२, १७८८य् थ्व च्वखँमुना द फेडरलिष्ट खण्ड १या नामं पिथन। [१] पत्रपत्रिकाय् न्हून्हूगु च्वसुत पिहां वयाच्वन; फेदेरलिस्त ल्याः ७७ अप्रिल २ खुन्हु पुलांगु हे रुपय् न्हापां खनेदूगु लिपांगु ल्याः पिथन। निगूगु बाउन्ड भोलुम मे २८ य् पिहांवल, गुकी फेदेरलिस्त ल्याः ३७–७७ व न्हापा अप्रकाशित ल्याः ७८–८५ दुथ्याः । [१] अन्तिम ८गु च्वखँ (ल्याः ७८–८५) सन् १७८८ जुन १४ निसें १६ अगस्टया दथुइ न्यूयर्कया पत्रपत्रिकाय् पुनःप्रकाशित जुल [१] [१५]

सन् १७९२या छगू फ्रान्सेली संस्करणं पब्लियसया सामूहिक अनामिकता अन्त्य यात। इमिसं थ्व ज्या "एम. ह्यामिल्टन, म्याडिसन ई गे, सिटोयेन्स डे ल'एतेत दे न्यूयर्क" (Mm. Hamilton, Maddisson e Gay, citoyens de l'État de New York)च्वःगु घोषणा यात। [१६] सन् १८०२इ जर्ज हप्किन्सं छगू अमेरिकी संस्करण पिथनादिल गुकिलि च्वमितेगु नां नं अथे हे तःगु दु। हप्किन्सं थ्व नं इच्छा यात कि "प्रत्येक ल्याखय् च्वमिया नां न्ह्यःने तयेमाः" तर थ्व इलय् ह्यामिल्टनं थ्व जुइमज्यू धकाः अडान काल, अले स्वम्ह च्वमि दथुइ च्वसुया विभाजन गोप्य जुयाच्वन ।

थुकथं पेपर्सयात विभाजित याःगु न्हापांगु प्रकाशन सन् १८१०या संस्करण ख। थुकिलि ह्यामिल्टनं त्वःतूगु छगू धलः छ्येला च्वमितेगु ल्याः च्वसु नाप स्वानाबिल। थ्व संस्करण संकलित "वर्क्स अफ ह्यामिल्टन"या निगु खण्डया रुपय् पिहांवल। सन् १८१८इ ज्याकब गिदोनं म्याडिसनं बियातःगु धलःया आधारय् च्वमितेगु न्हुगु धलः दूगु न्हुगु संस्करण पिथनादिल। ह्यामिल्टनया धलः व म्याडिसनया धलःया दथुइ अन्तरं छगू दर्जन च्वखँया लेखकत्वयात कयाः विवादया आधार दयेकल ।

हप्किन्स व गिदोन निम्हेसियां संस्करणय् सामान्यतया च्वमितेगु स्वीकृति नापं पेपर्सया पाठय् हे महत्त्वपूर्ण सम्पादन दुथ्याकातःगु दु। सन् १८६३ य् हेनरी डसनं थुगु पेपर्सया मूल पाठ दुगु छगू संस्करण पिथनादिल, गुकी थ्व पेपर्सतेत विशेष ऐतिहासिक क्षणय् च्वयातःगु कथं संरक्षण यायेमाः धायेगु बिचाः प्वंकादील। नापं, च्वमिपिन्सं यक्व दँ लिपा सम्पादन याःगु कथं पेपर्सयात स्वये मजु मखु धकाः तर्क बियादिल। [१७]

आधुनिक विद्वानतेसं सामान्यतया ज्याकब ई. कुकं सन् १९६१य् पिथंगु द फेडरलिस्त संस्करण छ्येलि ; थ्व संस्करणय् च्वखँ ल्याः १–७६या निंतिं पेपर्सया ग्रन्थ व च्वखँ ल्याः ७७–८५या निंतिं म्याकलिन संस्करण छ्यःगु दु।

पूवंगु धलः

[सम्पादन]

झ्वःयात च्वमिकथं हाइलाइट यायेत छ्यलीगु रंग पेपर्सया च्वमिलिसे ज्वःलाः।

     अलेक्जेन्दर ह्यामिल्तन      जन जे      जेम्स म्यादिसन

# तिथि नां च्वमि
१ अक्तोबर २७, १७८७ General Introduction (सामान्य म्हसीका) अलेक्जेन्दर ह्यामिल्तन
२ अक्तोबर ३१, १७८७ Concerning Dangers from Foreign Force and Influence जन जे
३ नोभेम्बर ३, १७८७ The Same Subject Continued: Concerning Dangers from Foreign Force and Influence जन जे
४ नोभेम्बर ७, १७८७ The Same Subject Continued: Concerning Dangers from Foreign Force and Influence जन जे
५ नोभेम्बर १०, १७८७ The Same Subject Continued: Concerning Dangers from Foreign Force and Influence जन जे
६ नोभेम्बर १४, १७८७ Concerning Dangers from Dissensions Between the States अलेक्जेन्दर ह्यामिल्तन
७ नोभेम्बर १५, १७८७ The Same Subject Continued: Concerning Dangers from Dissensions Between the States अलेक्जेन्दर ह्यामिल्तन
८ नोभेम्बर २०, १७८७ The Consequences of Hostilities Between the States अलेक्जेन्दर ह्यामिल्तन
९ नोभेम्बर २१, १७८७ The Utility of the Union as a Safeguard Against Domestic Faction and Insurrection अलेक्जेन्दर ह्यामिल्तन
१० नोभेम्बर २२, १७८७ The Same Subject Continued: The Union as a Safeguard Against Domestic Faction and Insurrection जेम्स म्यादिसन
११ नोभेम्बर २४, १७८७ The Utility of the Union in Respect to Commercial Relations and a Navy अलेक्जेन्दर ह्यामिल्तन
१२ नोभेम्बर २७, १७८७ The Utility of the Union In Respect to Revenue अलेक्जेन्दर ह्यामिल्तन
१३ नोभेम्बर २८, १७८७ Advantage of the Union in Respect to Economy in Government अलेक्जेन्दर ह्यामिल्तन
१४ नोभेम्बर ३०, १७८७ Objections to the Proposed Constitution From Extent of Territory Answered जेम्स म्यादिसन
१५ दिसेम्बर १, १७८७ The Insufficiency of the Present Confederation to Preserve the Union अलेक्जेन्दर ह्यामिल्तन
१६ दिसेम्बर ४, १७८७ The Same Subject Continued: The Insufficiency of the Present Confederation to Preserve the Union अलेक्जेन्दर ह्यामिल्तन
१७ दिसेम्बर ५, १७८७ The Same Subject Continued: The Insufficiency of the Present Confederation to Preserve the Union अलेक्जेन्दर ह्यामिल्तन
१८ दिसेम्बर ७, १७८७ The Same Subject Continued: The Insufficiency of the Present Confederation to Preserve the Union जेम्स म्यादिसन
१९ दिसेम्बर ८, १७८७ The Same Subject Continued: The Insufficiency of the Present Confederation to Preserve the Union जेम्स म्यादिसन[१८]
२० दिसेम्बर ११, १७८७ The Same Subject Continued: The Insufficiency of the Present Confederation to Preserve the Union जेम्स म्यादिसन[१८]
२१ दिसेम्बर १२, १७८७ Other Defects of the Present Confederation अलेक्जेन्दर ह्यामिल्तन
२२ दिसेम्बर १४, १७८७ The Same Subject Continued: Other Defects of the Present Confederation अलेक्जेन्दर ह्यामिल्तन
२३ दिसेम्बर १८, १७८७ The Necessity of a Government as Energetic as the One Proposed to the Preservation of the Union अलेक्जेन्दर ह्यामिल्तन
२४ दिसेम्बर १९, १७८७ The Powers Necessary to the Common Defense Further Considered अलेक्जेन्दर ह्यामिल्तन
२५ दिसेम्बर २१, १७८७ The Same Subject Continued: The Powers Necessary to the Common Defense Further Considered अलेक्जेन्दर ह्यामिल्तन
२६ दिसेम्बर २२, १७८७ The Idea of Restraining the Legislative Authority in Regard to the Common Defense Considered अलेक्जेन्दर ह्यामिल्तन
२७ दिसेम्बर २५, १७८७ The Same Subject Continued: The Idea of Restraining the Legislative Authority in Regard to the Common Defense Considered अलेक्जेन्दर ह्यामिल्तन
२८ दिसेम्बर २६, १७८७ The Same Subject Continued: The Idea of Restraining the Legislative Authority in Regard to the Common Defense Considered अलेक्जेन्दर ह्यामिल्तन
२९ ज्यानुवरी ९, १७८८ Concerning the Militia अलेक्जेन्दर ह्यामिल्तन
३० दिसेम्बर २८, १७८७ Concerning the General Power of Taxation अलेक्जेन्दर ह्यामिल्तन
३१ ज्यानुवरी १, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३२ ज्यानुवरी २, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३३ ज्यानुवरी २, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३४ ज्यानुवरी ५, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३५ ज्यानुवरी ५, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३६ ज्यानुवरी ८, १७८८ The Same Subject Continued: Concerning the General Power of Taxation अलेक्जेन्दर ह्यामिल्तन
३७ ज्यानुवरी ११, १७८८ Concerning the Difficulties of the Convention in Devising a Proper Form of Government जेम्स म्यादिसन
३८ ज्यानुवरी १२, १७८८ The Same Subject Continued, and the Incoherence of the Objections to the New Plan Exposed जेम्स म्यादिसन
३९ ज्यानुवरी १६, १७८८ The Conformity of the Plan to Republican Principles जेम्स म्यादिसन
४० ज्यानुवरी १८, १७८८ The Powers of the convention to Form a Mixed Government Examined and Sustained जेम्स म्यादिसन
४१ ज्यानुवरी १९, १७८८ General View of the Powers Conferred by the Constitution जेम्स म्यादिसन
४२ ज्यानुवरी २२, १७८८ The Powers Conferred by the Constitution Further Considered जेम्स म्यादिसन
४३ ज्यानुवरी २३, १७८८ The Same Subject Continued: The Powers Conferred by the Constitution Further Considered जेम्स म्यादिसन
४४ ज्यानुवरी २५, १७८८ Restrictions on the Authority of the Several States जेम्स म्यादिसन
४५ ज्यानुवरी २६, १७८८ The Alleged Danger From the Powers of the Union to the State Governments Considered जेम्स म्यादिसन
४६ ज्यानुवरी २९, १७८८ The Influence of the State and Federal Governments Compared जेम्स म्यादिसन
४७ ज्यानुवरी ३०, १७८८ The Particular Structure of the New Government and the Distribution of Power Among Its Different Parts जेम्स म्यादिसन
४८ फेब्रुवरी १, १७८८ These Departments Should Not Be So Far Separated as to Have No Constitutional Control Over Each Other जेम्स म्यादिसन
४९ फेब्रुवरी २, १७८८ Method of Guarding Against the Encroachments of Any One Department of Government जेम्स म्यादिसन
५० फेब्रुवरी ५, १७८८ Periodic Appeals to the People Considered जेम्स म्यादिसन[१९]
५१ फेब्रुवरी ६, १७८८ The Structure of the Government Must Furnish the Proper Checks and Balances Between the Different Departments जेम्स म्यादिसन[१९]
५२ फेब्रुवरी ८, १७८८ The House of Representatives जेम्स म्यादिसन[१९]
५३ फेब्रुवरी ९, १७८८ The Same Subject Continued: The House of Representatives जेम्स म्यादिसन[१९]
५४ फेब्रुवरी १२, १७८८ The Apportionment of Members Among the States जेम्स म्यादिसन[१९]
५५ फेब्रुवरी १३, १७८८ The Total Number of the House of Representatives जेम्स म्यादिसन[१९]
५६ फेब्रुवरी १६, १७८८ The Same Subject Continued: The Total Number of the House of Representatives जेम्स म्यादिसन[१९]
५७ फेब्रुवरी १९, १७८८ The Alleged Tendency of the New Plan to Elevate the Few at the Expense of the Many जेम्स म्यादिसन[१९]
५८ फेब्रुवरी २०, १७८८ Objection That The Number of Members Will Not Be Augmented as the Progress of Population Demands Considered जेम्स म्यादिसन[१९]
५९ फेब्रुवरी २२, १७८८ Concerning the Power of Congress to Regulate the Election of Members अलेक्जेन्दर ह्यामिल्तन
६० फेब्रुवरी २३, १७८८ The Same Subject Continued: Concerning the Power of Congress to Regulate the Election of Members अलेक्जेन्दर ह्यामिल्तन
६१ फेब्रुवरी २६, १७८८ The Same Subject Continued: Concerning the Power of Congress to Regulate the Election of Members अलेक्जेन्दर ह्यामिल्तन
६२ फेब्रुवरी २७, १७८८ The Senate जेम्स म्यादिसन[१९]
६३ मार्च १, १७८८ The Senate Continued जेम्स म्यादिसन[१९]
६४ मार्च ५, १७८८ The Powers of the Senate जन जे
६५ मार्च ७, १७८८ The Powers of the Senate Continued अलेक्जेन्दर ह्यामिल्तन
६६ मार्च ८, १७८८ Objections to the Power of the Senate To Set as a Court for Impeachments Further Considered अलेक्जेन्दर ह्यामिल्तन
६७ मार्च ११, १७८८ The Executive Department अलेक्जेन्दर ह्यामिल्तन
६८ मार्च १२, १७८८ The Mode of Electing the President अलेक्जेन्दर ह्यामिल्तन
६९ मार्च १४, १७८८ The Real Character of the Executive अलेक्जेन्दर ह्यामिल्तन
७० मार्च १५, १७८८ The Executive Department Further Considered अलेक्जेन्दर ह्यामिल्तन
७१ मार्च १८, १७८८ The Duration in Office of the Executive अलेक्जेन्दर ह्यामिल्तन
७२ मार्च १९, १७८८ The Same Subject Continued, and Re-Eligibility of the Executive Considered अलेक्जेन्दर ह्यामिल्तन
७३ मार्च २१, १७८८ The Provision For The Support of the Executive, and the Veto Power अलेक्जेन्दर ह्यामिल्तन
७४ मार्च २५, १७८८ The Command of the Military and Naval Forces, and the Pardoning Power of the Executive अलेक्जेन्दर ह्यामिल्तन
७५ मार्च २६, १७८८ The Treaty Making Power of the Executive अलेक्जेन्दर ह्यामिल्तन
७६ अप्रिल १, १७८८ The Appointing Power of the Executive अलेक्जेन्दर ह्यामिल्तन
७७ अप्रिल २, १७८८ The Appointing Power Continued and Other Powers of the Executive Considered अलेक्जेन्दर ह्यामिल्तन
७८ मे २८, १७८८ (book)

जुन १४, १७८८ (newspaper) 		The Judiciary Department अलेक्जेन्दर ह्यामिल्तन
७९ मे २८, १७८८ (book)

जुन १८, १७८८ (newspaper) 		The Judiciary Continued अलेक्जेन्दर ह्यामिल्तन
८० जुन २१, १७८८ The Powers of the Judiciary अलेक्जेन्दर ह्यामिल्तन
८१ जुन २५, १७८८;

जुन २८, १७८८ 		The Judiciary Continued, and the Distribution of the Judicial Authority अलेक्जेन्दर ह्यामिल्तन
८२ जुलाइ २, १७८८ The Judiciary Continued अलेक्जेन्दर ह्यामिल्तन
८३ जुलाइ ५, १७८८;

जुलाइ ९, १७८८;

जुलाइ १२, १७८८ 		The Judiciary Continued in Relation to Trial by Jury अलेक्जेन्दर ह्यामिल्तन
८४ जुलाइ १६, १७८८;

जुलाइ २६, १७८८;

अगस्त ९, १७८८ 		Certain General and Miscellaneous Objections to the Constitution Considered and Answered अलेक्जेन्दर ह्यामिल्तन
८५ अगस्त १३, १७८८;

अगस्त १६, १७८८ 		Concluding Remarks

स्वयादिसँ

[सम्पादन]

लिधंसा

[सम्पादन]
  1. ↑ १.० १.१ १.२ १.३ Lloyd, Gordon. Introduction to the Federalist. teachingamericanhistory.org. Cite error: Invalid <ref> tag; name "Lloyd" defined multiple times with different content
  2. ↑ The Federalist: a Collection of Essays, Written in Favour of the New Constitution, as Agreed upon by the Federal Convention, September 17, 1787, in two volumes. J. & A. McLean.
  3. ↑ [[[:Template:Google Books URL]] The Encyclopedia of New York City]. Yale University Press.
  4. ↑ (1982) The Federalist Papers. Toronto, Ontario, Canada: Bantam Books.
  5. ↑ (2020) The Federalist Papers. New York City: Open Road Integrated Media.
  6. ↑ (1987) The Forging of the Union: 1781–1789. New York City: HarperCollins.
  7. ↑ Convention and Ratification – Creating the United States | Exhibitions – Library of Congress.
  8. ↑ Gunn, Giles B. (1994). [[[:Template:Google Books URL]] Early American Writing]. New York City: Penguin Classics.
  9. ↑ Jay, John. An Address to the People of the State of New-York. Columbia University Libraries. Excerpted from: The debates in the several state conventions on the adoption of the Federal Constitution: as recommended by the general convention at Philadelphia, in 1787. Philadelphia: J. B. Lippincott & Co.; Washington: Taylor & Maury.
  10. ↑ Cite error: Invalid <ref> tag; no text was provided for refs named Furtwangler1
  11. ↑ Barendt, Eric (2016). [[[:Template:Google Books URL]] Anonymous Speech: Literature, Law and Politics]. New York City: Bloomsbury Publishing.
  12. ↑ Mosteller, Frederick (2012). [[[:Template:Google Books URL]] Applied Bayesian and Classical Inference: The Case of The Federalist Papers]. Springer Science & Business Media.
  13. ↑ (2001) James Madison: Memory, Service, and Fame.
  14. ↑ John Jay | Founding Father, US Chief Justice & Diplomat | Britannica (en) (2024-08-28).
  15. ↑ १५.० १५.१ Encyclopædia Britannica (2007). [[[:Template:Google Books URL]] Founding Fathers: The Essential Guide to the Men Who Made America]. John Wiley & Sons. Cite error: Invalid <ref> tag; name "Britannica2007" defined multiple times with different content
  16. ↑ Bain, Robert (1977). “The Federalist”, American Literature, 1764-1789: The Revolutionary Years. Univ. of Wisconsin Press.
  17. ↑ (1902) The Federalist, a Commentary on the Constitution of the United States. Putnam, xxxviii–xliii.
  18. ↑ १८.० १८.१ Cite error: Invalid <ref> tag; no text was provided for refs named three
  19. ↑ १९.०० १९.०१ १९.०२ १९.०३ १९.०४ १९.०५ १९.०६ १९.०७ १९.०८ १९.०९ १९.१० Cite error: Invalid <ref> tag; no text was provided for refs named dispute
Retrieved from "https://new.wikipedia.org/w/index.php?title=फेदेरलिस्त_पेपर्स&oldid=871271"