फेता चीज
फेता चीज ( ग्रीक: φέτα , स्त्रीलिङ्ग; उच्चारण ˈfɛta (tiːˈʀiː) ), वा सरल रुपं फेता छगू प्रकारया चीज ख। अप्वः धया थें थ्व फै बाय् दुगुया दुरुं दयेकी । फेता चीज मूल रुपं ग्रीक मू भूमिं, वा एजियन सागरया लेस्बोसं वःगु ख।
थ्व ग्रीक सालादया छगू हलंज्वलं खः ।
मेमेगु चिज (गुगु सामान्यतया ग्रीसया मखु व सामान्यतया साया दुरुं दयेकी)यात सन् २००७ निसें फेता धायेमज्यूगु नियम दु। युरोपेली अदालतं थःगु निर्णय सी–४६५/०२ व सी–४६६/०२ (२००५ अक्टोबर २५ निसें) कथं याःगु ख।
थ्व फैसला युरोपेली संघ, व युरोपया मेमेगु देय् या निंतिं जक मान्य जुइ। डब्लुटिओया यक्व दुजः देसं आः नं "फेता" खँग्वःयात जेनेरिक धकाः नालाकाइ। युरोपेली सदस्य राष्ट्रतेसं दोहाय् जूगु डब्लुटीओ वार्ताय् थ्व संरक्षित उत्पत्तिया पदनामया रक्षा यायेगु इच्छा यात।
इतिहास
[सम्पादन]आः फेता चीज धाःगु चीजयात प्राचीन ग्रीकतय्सं म्हस्यूगु व छ्यलातःगु खनेदु। होमरं थुकिया बारे सिउगु जुइमाः छाय् धाःसा ओडिसीइ चीजया यक्वं सन्दर्भत दु। मिथक कथं, साइक्लोप्स पोलिफेमोस न्हापांम्ह चीज दयेकीम्ह खः । वं जनावरया छ्यंगुया म्हिचाय् दुरु स्वथनिगु या। वं थःगु फैचाया दुरु मुंकूगु खँ कनातःगु दु। न्हि लिपा दुरु ठोस जूगु खनाः व तसकं अजू चाल धका थ्व काव्यय् च्वयातःगु दु। पोलिफेमसं थ्व नयेगु कुतः याःबलय्, थ्व नसां बांलाःगु सवाः वल । वं थुजाःगु ठोस पदार्थ जूगुलिं दुरु स्वयां ताःहाकः गु ई तक स्यना मवनीगु नं लुइकल ।
फेटा नां इटालियन मूल खः । थ्व फेट्टा ( स्लाइस ) खँग्वलं वःगु ख, व १७गु शताब्दीया खँग्वः ख। थुकियात ब्यारेलय् तयेगु निंतिं चीजयात कुचा-कुचा यानाः चीकेगु विधिया नामं थ्व खँग्वः वःगु जुइफु ।
ज्वःलाःगु चीज
[सम्पादन]
थज्याःगु हे चीज मेगु देसय् नं दु, गथेकि :
- अल्बानिया ( उर्धा या djathe i bardë, अर्थ तुयु चीज )
- आर्मेनिया ( Չանախ चानाख - चान (छताजिया क्रक)य् दयेकीगु चीज)
- अजरबैजान ( अग पेन्दिर, अर्थ तुयु चीज )
- बोस्निया (त्राव्निच्की/ भ्लासिच्की सर, अर्थ " भ्लासिच / त्रावनिकं चीज")
- बुल्गेरिया (ब्याло सिरेने, bjalo sirene, अर्थ "तुयुगु चीज")
- क्यानाडा ( फेता स्टाइल चीज, बाय् अक्टोबर २०१३ न्ह्यः चीज उत्पादन याइगु कम्पनिया निंतिं साधारण फेता )
- साइप्रस ( χαλίτζια, हलित्जिया)
- चेक गणराज्य ( बाल्कान्स्की सियर, अर्थ "बाल्कन चीज")
- इजिप्ट ( डोमियाटी )
- फिनल्याण्ड (सालात्तिजुस्टो, "सालाद चीज")
- जर्जिया (ყველი, क्वेलि, अर्थ "चीज")
- जर्मनी ( शाफ्स्कासे, "फैचाया चीज")
- हंगेरी ( जुह्तुरो, "फैचाया चीज")
- इरान ( लिघवान चीज ; پنیر لیقوان पनिर-ए लीघ्वान )
- इजरायल ( ग्विनात रोश हनिक्रा, अर्थ " रोश हनिक्रा चीज ", गुबलें गुबलें विदेशय् 'इजरायली फेता' धाइ।)
- इटली ( कासु 'इ फिट्टा सार्डिनिया )
- लेबनान ( gibneh bulgharieh, अर्थ "बुल्गेरियन चीज")
- उत्तरी म्यासेडोनिया (сирење, सिरेन्जे )
- प्यालेस्टाइन व जोर्डन ( नाबुल्सी चीज ; جبنة نابلسية, व अक्कावी ; عكاوي )
- रोमानिया ( ब्रान्जा टेलिमिया )
- रुस (ब्रिन्जा, ब्रिन्जा )
- सर्बिया (сир, साधारण कथं सर ; сирење, कोसोभो सर्ब नापं दक्षिणय् सिरेन्जे ; व स्लोभाक व अरोमानियाया जनसंख्या दुने उत्तर व पूर्वी सर्बियाय् ब्रिन्जा )
- स्लोभाकिया ( ब्रिन्जा व बाल्कान्स्की सिर, अर्थ "बाल्कन चीज")
- स्पेन ( क्वेसो डे बर्गोस, अर्थ "बर्गोस चीज")
- सुडान ( गिब्ना बेदा, अर्थ "तुयुगु चीज")
- ताजिकिस्तान ( панир, पनिर, अर्थ "चिज")
- टर्की ( बेयाज पेनिर, अर्थ "तुयुगु चीज")
- युक्रेन (ब्रिन्जा, ब्रिन्जा )
- युनाइटेड किंगडम ("सलाद चीज")
लिधंसा
[सम्पादन]मेमेगु जाःथाय्
[सम्पादन]- फेतायात उत्पत्तिया संरक्षित पदनामकथं दर्ता यात
- http://www.feta.gr फेताया इतिहास, उत्पादन व संरक्षण पद्धति, नापं फेताया यक्व रेसिपि