फिलिपिन सागर

फिलिपिन्स सागर फिलिपिन्स द्वीपसमूहया पूर्वय् पश्चिमी प्रशान्त महासागरया छगू सीमान्त सागर ख। फिलिपिन्स द्वीपपुचःया नापं लाःगुलिं थ्व सागरया नां फिलिपिन सागर जूगु ख। थ्व हलिमय् दकलय् तःधंगु सागर ख व थुकिया अनुमानित सतह क्षेत्रफल 5 million square kilometres (1.9×10^⁶ sq mi) दु। फिलिपिन समुद्री प्लेटं थ्व समुद्रया बँ दयेकी । थुकिया पश्चिमी सीमा पश्चिमय् न्हापांगु टापु झ्वः ख, गुकिलि उत्तरपश्चिमय् रियुक्यु टापु व पश्चिमय् ताइवान ला । थुकिया दक्षिणपश्चिमी सीमाय् फिलिपिन्सया लुजोन, क्यातान्डुआनेस, समर, लेते व मिन्दानाओ टापुत ला। थुकिया उत्तरी सीमाय् जापानी टापु होन्शु, शिकोकु व क्युशु ला। थुकिया पूर्वी सीमा पूर्वय् निगुगु टापु झ्वः ख, गुकिलि उत्तरपूर्वय् बोनिन टापु व इवो जिमा, द्यु-पूर्वय् मारियाना टापु ( गुआम, साइपान, व तिनियन नापं) व दक्षिणपूर्वय् हल्माहेरा, पलाउ, याप व उलिथि ( क्यारोलिन टापुया ) ला। थुकिया दक्षिणी सीमा इन्डोनेसियाया मोरोताई द्वीप ख।

समुद्रया लखय् दुने जटिल व विविध रिलिफ दु । भूगर्भीय फल्ट व फ्राक्चर जोनया झ्वलं यानाः बँ संरचनात्मक बेसिनया रुपय् दयाच्वंगु दु। टापु आर्क थ्व थासय् प्लेट टेक्टोनिक गतिविधिया कारणं समुद्रया सतह स्वया च्वय् पिहां वःगु विस्तारित रीज ख। थ्व आर्कं उत्तर, पूर्व व दक्षिणय् फिलिपिन्स सागरयात घेरेयाइ। फिलिपिन्स द्वीपसमूह, र्युक्यु टापु, व मारियाना थ्व आर्कया दसु ख। फिलिपिन्स सागरया मेगु मू विशेषता तसकं गाःलागु समुद्री गाःया उपस्थिति ख, गुकिलि फिलिपिन्स गाः व मारियाना गाः थें न्याःगु ग्रहया दकलय् गाःलागु थाय् दु।

भूगोल

जुन २०१६ स फिलिपिन्स समुद्रया सिथय् ब्वयाच्वंगु इलय् आइएसएसं काःगु छपाः किपा

थाय्

फिलिपिन सागरया थाय्

फिलिपिन्स सागरया पश्चिमय् फिलिपिन्स व ताइवान, उत्तरय् जापान, पूर्वय् मारियाना व दक्षिणय् पलाउ ला । नापंया समुद्रय् सेलेबेस सागर ला गुकियात दक्षिणय् मिन्दानाओ व चिधंगु टापुतेसं अलग याइ, दक्षिण चीन सागर गुकियात फिलिपिन्सं अलग याइ, व पूर्वी चीन सागर गुकियात र्युक्यु टापुं अलग याइ।

लागा

अन्तर्राष्ट्रिय हाइद्रोग्राफिक संगठनं फिलिपिन्स सागरयात " फिलिपिन्स टापुया पूर्वी तटया उत्तरी प्रशान्त महासागरया व क्षेत्र" धकाः परिभाषित याःगु दु, गुकिया सीमा थुकथं दु:

पश्चिमय्। पूर्वी भारतीय द्वीपसमूह, दक्षिण चीन सागर व पूर्वी चीन सागरया पूर्वी सीमा.

उत्तरय् क्युशुया दक्षिणपूर्वी तट, अन्तर्देशीय सागरया दक्षिणी व पूर्वी सीमा व होन्शु टापुया दक्षिणी तट।

पूर्वय् जापानयात बोनिन, ज्वालामुखी व लाद्रोन (मारियाना) टापुइ स्वाइगु रिजं, थ्व फुक्कं फिलिपिन्स सागरय् ला।

दक्षिणय् गुआम, याप, पेलेव ( पलाउ ) व हलमाहेरा टापु स्वाइगु छगू लाइन।

फिलिपिन्स

ताइवान

जापान

पलाउ

माइक्रोनेसिया

मरियाना टापू

Countries and territories (red dot) bordering or within the sea (blue dot)

भूगर्भशास्त्र

फिलिपिन्स समुद्रया प्लेट

ताइवानया पिङ्गतुङ काउन्टीइ च्वंगु समुद्री तट, चट्टानी तट व फिलिपिन समुद्रया लु

फिलिपिन्स समुद्र प्लेटं फिलिपिन्स समुद्रया बँ दयेकी । थ्व फिलिपिन्स मोबाइल बेल्टया अन्तर्गत क्वबाइ गुकिलिं फिलिपिन्स द्वीपसमूह व पूर्वी ताइवानया अप्व भाग काइ। निगु प्लेटया दथुइ फिलिपिन ट्रेन्च दु ।

स्वयादिसँ

• सागर
• हलिंया दकले तःधंगु सागरतेगु धलः