प्यासिफिक गोल्देन प्लोभर
प्यासिफिक गोल्देन प्लोभर ( Pluvialis fulva ) छगू माइग्रेतरी समुद्रसिथय् दइगु चखुं ख गुकिलिं अलास्का व साइबेरियाय् ताहाला इलय् प्रजनन याइ। गैर-प्रजनन मौसमय्, थ्व मध्यम आकारया प्लोभर प्रशान्त महासागर पार यानाः व्यापक रुपं माइग्रेट जुइ।
वर्गीकरण
[सम्पादन]प्यासिफिक गोल्देन प्लोभरया औपचारिक वर्णन सन् १७८९स जर्मन प्रकृतिविद् जोहान फ्रेडरिक ग्मेलिनं कार्ल लिनियसया सिस्टेमा नेचुरेया संशोधित व विस्तारित संस्करणय् यानादिल। वय्कलं थ्व झंगः यात मेमेगु प्लोभर नापं चाराड्रियस जिनसय् तयाः चाराड्रियस फुल्भस नांया बाइनोमियल नां दयेकादिल। [१] ग्मेलिनं थःगु विवरण "फुल्भस प्लोभर"या आधारय् दयेकादिल गुकियात सन् १७८५य् अंग्रेज अर्निथःलजिस्त जोन लाथमं तहितीया नमूनापाखें वर्णन यानादिगु ख। [२] प्यासिफिक गोल्देन प्लोभर आः प्लुभियालिस जिनसय् दुथ्याःकूगु दु गुकियात फ्रान्सेली प्राणीशास्त्री म्याथुरिन ज्याक्स ब्रिसनं सन् १७६०इ न्ह्यथंगु ख [३] थ्व जिनसया नां ल्याटिन ख व व थुकिया अर्थ वा वइगु नाप स्वापू दूगु ख (pluvia धाइगु ल्यातिन भासय् 'वर्षा' ख)। वा वयेत्यंगु इलय् प्लोभरत मुनाच्वंगु विश्वासं थथे नां वःगु खः। थ्व विशिष्ट नां नं ल्यातिन भासं वःगु ख व थुकिया अर्थ 'tawny' वा 'म्हासुगु-सियु' ख। [४] थ्व प्रजाति मोनोताइपिक ख: थुकिया छुं नं उपप्रजाति म्हसीकूगु मदु। [५]
विवरण
[सम्पादन]ल्याम्ह कोलिया 25 सेमि (९.८ इन्च) जुइ व इमिगु पपू औसत 61 सेमि (२४ इन)या ब्या जुइ। इमिगु दकलय् याउंगु, दाः मदुगु बिले, झंगःतय्गु तौल १३५ ग्राम जुइ । मार्चय्, झंगःतय्गु तौल अप्वयेगु न्ह्यथनि। इमिगु आर्कटिक प्रजननस्थलय् वने न्ह्यः, झंगःतय्गु तौल २०० ग्राम जुइ । [६]
प्रजननया प्लुमेजय् मिजंया छ्यनय् , जँय् व पपूइ लुँ व हाकुगु रंगया दाग दइ। ख्वाः व गःपः तुयुगु सिथय् हाकुगु, नुगःपा हाकुगु, प्यं हाकुगु जुइ। म्हुतु हाकु, तुति भुयू निसें हाकु जुइ। मिसाया नुगपा मिजंया ज्वःलाः तर हाकुगु नुगःपाय् दाग दइ अले नुगःपाया आकार म्ह्व जुइ।
गैह्र प्रजनन इलय् थ्व झंगतेगु पा नितां मिजं व मिसाय् ज्वः। ख्वालय् व नुगःपाय् ह्याउँगु सिथय् च्वंगु हाकुगु रंगया थासय् गाढा सियुगु, भुयु, व म्हासुसे च्वंगु बुट्टा व याउंगु क्वय् च्वंगु ब्व (underparts) दइ।
थाय् हिले न्ह्यः मार्च व अप्रिल लाय् प्रजननया पाः बुइ। खेँय् थ्वइगु इलय् आर्कटिकय् इमिगु पाःया रुप हानं गैह्रप्रजनन रुपय् हिलावनि।
मचा-बुसं दुपिं खाचातेगु छ्यं व प्वाथय् लुँ रंगया दाग व हाकुगु रंगया दाग दइ गुकिया क्वय् तुइसे-म्हासुगु भाग दइ । खाचा बुइबलय् तुति व पुलि ल्याम्ह आकारया जुइ ।
थन्यागु हे झंगः युरोपियन गोल्देन प्लोभर, प्लुभियालिस एप्रिकरिया व अमेरिकन गोल्देन प्लोभर प्लुभियालिस डोमोनिका नं दु। प्यासिफिक गोल्देन प्लोभर अमेरिकन गोल्देन प्लोभर नाप अप्व ज्वःलाः। अमेरिकन गोल्देन प्लोभरया ज्वलय् थ्व झंगःयात छगू ईले म्हो गोल्डेन प्लोभरया रुपय् कायेगु या। [७] प्यासिफिक गोल्देन प्लोभर अमेरिकन गोल्डेन प्लोभर स्वया चीधं, ताःहाकःगु तुति दु, व आपालं जंय् अप्व म्हासुगु रंग दु।
वितरण व च्वनिगु थाय्
[सम्पादन]प्यासिफिक गोल्देन प्लोभर चाहिमामि झंगः ख, व मे, जुन, व जुलाईया इलय् अलास्का व साइबेरियाय् प्रजनन याइ। थनं थ्व अगस्ट व सेप्टेम्बरय् दक्षिणय् एसिया, अष्ट्रेलिया व प्रशान्त टापुइ वनि, व अप्रिल वा मे तक्क च्वनि। पश्चिमी युरोपया दुर्लभ भ्याग्रेन्त झंग खनेदै।
समुद्रया सिथय् च्वंनिम्ह चखुंचा जूसां प्रशान्त गोल्डेन प्लोभरं अप्वः यानाः सिथ स्वया दुनेया थासय् नयेगु याइ व चीहाकःगु स्वांमा व चकंगु थासय् च्वने ययेकी। [६] प्रजननया मौसमय् आर्कटिक तुन्द्राय् नसाया निंतिं की व सीसाया निंतिं वनि, व शिकारी प्राणीं थःयात पनेत प्रभावकारी केमोफ्लाज छ्यली।
हवाईइ, प्रशान्त गोल्डेन प्लोभर, स्थानीय रुपय् कोलियाया नामं म्हसीकिगु या। थन थ्व झंगलं मनुया उपस्थिति व प्राकृतिक वातावरणय् मनुया हिउपाः नापं (दसु: केबः, पार्क, मसानघाट, पलि, चारागाह, व गल्फ कोर्स आदि) तसकं थःयात अनुकूलन याःगु दु। कोलिया थःगु थाय् म्हसीकिम्ह प्राणी जुइगुलिं प्रत्येक झंगः दँय् दँसं छगू हे थासय् लिहां वइ, व थःगु थाय् रक्षा याइ, गुकिया लिच्वः कथं मनुतेसं कोलियाया वइगु-वनेगुयात विशेष रुचि तया अवलोकन याइ। गुलिखे पर्यवेक्षकतय्सं थः झंगःतय्त नां बियेगु व नकेगु याइ, अले गुलिखे झंगःत थः हेरचाह याइपिनिगु जःखः लहिना पशु थें जुइ। रेकर्ड यानातःगु दकलय् थँम्ह कोलिया म्होति नं २१ दँ, ३ ला म्वाःगु दु; थुकिया खँ सीका न्ह्यथना इलय् थुकिया उमेर मस्यूगु जुल। [६]
कोलिया हवाई अडुबोन सोसाइटीया नागरिक विज्ञान परियोजनाया विषय खः गुकियात कोलिया काउन्ट, www.koleacount.org धाइ । दँय्दसं छगू हे क्षेत्रय् लिहां वइगु झंगःतय्गु बानीया कारणं हवाईया वैज्ञानिकतय्सं झंगःतय्के चिचिधंगु लाइत लेभल जियोलोकेटर उपकरण स्वानाः वइगु दँय् छगू हे थासय् लित हयेगु ज्या याइ। थुजाःगु अनुसन्धानं झंगःतसें अलास्का व हवाई दथुइ ३–४ न्हुया ३००० माइल (४८०० किमि) ननस्टप ब्वःगु क्यंगु दु। [८]
प्यासिफिक गोल्देन प्लोभरत उत्तरपाखे वनेगु छुं दिं न्ह्यः पुचलय् मुनी, अले करिब ३००० फित वा ९१० मि च्वय् निसें १६द्व फित वा ४९०० मितर तक च्वे ब्वइ। [६] छुं झंगःत माइग्रेट याइमखु। थुपिं सामान्यतया न्हापांगु दँया मचा झंगः, बुराबुरीपिं, घाःपाः जूपिं वा यात्रा यायेत पर्याप्त दाः भण्डार याये मदुपिं झंगःत जुइ।
स्वयादिसँ
[सम्पादन]लिधंसा
[सम्पादन]- ↑ Systema naturae per regna tria naturae : secundum classes, ordines, genera, species, cum characteribus, differentiis, synonymis, locis. Georg. Emanuel. Beer.
- ↑ A General Synopsis of Birds. Printed for Leigh and Sotheby.
- ↑ Ornithologie, ou, Méthode Contenant la Division des Oiseaux en Ordres, Sections, Genres, Especes & leurs Variétés. Jean-Baptiste Bauche.
- ↑ The Helm Dictionary of Scientific Bird Names.
- ↑ Buttonquail, thick-knees, sheathbills, plovers, oystercatchers, stilts, painted-snipes, jacanas, Plains-wanderer, seedsnipes. IOC World Bird List Version 12.2. International Ornithologists' Union (August 2022).
- 1 2 3 4 (2016) Hawai'i's Kōlea: The Amazing Transpacific Life of the Pacific Golden-Plover. Honolulu: University of Hawai'i Press. Cite error: Invalid
<ref>tag; name "Johnson-2016" defined multiple times with different content - ↑ (2002) "Taxonomic recommendations for European birds". Ibis 144 (1): 153–159. DOI:10.1046/j.0019-1019.2001.00026.x.
- ↑ "Tracking the migrations of Pacific Golden-Plovers (Pluvialis fulva) between Hawaii and Alaska: New insight on flight performance, breeding ground destinations, and nesting from birds carrying light level geolocators". Wader Study Group Bulletin 118 (1): 26–31.