पेकिङ ओपेरा
पेकिङ ओपेरा (वा 'जिङजु' 京劇, Jingju) चीनया छगू तसकं लोकंह्वाःगु व परिष्कृत परम्परागत दबूप्याखँ कला खः। थ्व १८गू शताब्दीया उत्तरार्धय् बेइजिङय् विकास जूगु खः। थुकी म्येहाला, न्ववाना, अभिनय, व कलात्मक युद्ध (Martial Arts) या छगू अद्भूत मिश्रण दइ। थुकियात चीनया 'सांस्कृतिक धरोहर' धकाः नं म्हसीकी।
मू विशेषता
[सम्पादन]पेकिङ ओपेराया छुं मू विशेषता थथे दु:
- भेषभूषा व तिसावसः पहः: कलाकारतय्सं तसकं झःझःधागु चिनिया वसः पुनी। थ्व वसःतय्सं पात्रया थीथी खँ दसु: सामाजिक स्तर, ज्या आदि क्यनी।
- ख्वाःपाः व ख्वाः रंग(Face Painting): कलाकारतयगु ख्वालय् याइगु रङ्गीन इमिसं क्यनीगु चरित्र (Character) थुइकी। दसु: ह्यांगु रङ्गं वफादारी व साहस क्यनी धासा हाकुगु रङ्गं स्पष्टवक्ता व सात्विक स्वभाव क्यनी।
- प्रतीकात्मक अभिनय: दबुलिइ यक्व चीज कलाकारतेसं थःगु अभिनय पाखें हे ब्वयेमाःगु: दसु खुसि चिनिगु, लः कायेगु थेंज्याःगु ज्या क्यनी।
पात्रया ताजि
[सम्पादन]पेकिङ ओपेराय् मुख्यतया प्यंगू प्रकारया पात्रत दइ: १. शेङ (Sheng): मिजं पात्र। २. दान (Dan): मिसा पात्र (पुलां ईलय् मिजंतय्सं हे मिसाया रुप कयाः थ्व ज्या याइगु खः)। ३. जिङ (Jing): रङ्गीन ख्वाःपाः पुनीगु शक्तिशाली मिजं पात्र। ४. चौ (Chou): ख्याली (Clown) पात्र, गुम्हेस्यां न्हिइकेगु ज्या याइ।
बाजं व संगीत
[सम्पादन]थ्व ओपेराय् 'जिङहु' (Jinghu) धइगु निगु तार दुगु बाजं व 'पिपा' (Pipa) थेंज्याःगु परम्परागत चिनियाँ बाजं छ्यली। संगीतया तालं कलाकारतयगु चाल व सनिगु ज्या नियन्त्रण याइ।
संरक्षण व आधुनिक ई
[सम्पादन]पेकिङ ओपेरा आः हलिं न्यंकं छगू तःधंगु कलाया रूपय् स्थापित जूगु दु। थुकिया ऐतिहासिक दस्तावेज, वसः, व ख्वाःपात चिनियाँ मुनाछेँय् तसकं बांलाक सुरक्षित तयातःगु दु। युनेस्को (UNESCO) नं थुकियात 'मानवताया अमूर्त सांस्कृतिक सम्पदा' या धलखय् दुथ्याकातःगु दु।
लिधंसा
[सम्पादन]- Mackerras, Colin (1997). Peking Opera.
- Wichmann, Elizabeth (1991). Listening to Theatre: The Aural Dimension of Beijing Opera.
- Goldstein, Joshua (2007). Drama Kings: Players and Publics in the Re-creation of Peking Opera.