न्हसि

माकःचाया जालय् सुति

लःया हाः थःथम्हं ख्वाउँगु भलय् मुनाच्वंगु।

छेँ दुने अप्वगु न्हसिं पःखालय् च्वंगु रंग थमंतुं प्वलेफु। थ्व किपाय् चःबिया पःखालय् च्वंगु रंग प्वलावयाच्वंगु क्यनातःगु दु।

न्हसि धयागु फसय् वा छुं वस्तुइ म्हो मात्राय् ति (विशेष यानाः लः) दयाच्वनिगु अवस्था खः। न्हसियात एब्जर्ब वा एद्जर्ब जूगु अवस्थाया लः धकाः म्हसीकेछिं। दसु- फस ( न्हसिजाः वा आर्द्रता ), नसाय् व छुं व्यावसायिक उत्पादय् म्हो मात्राय् लः दयेफु। न्हसि धयागु फसय् दुगु लःया बाफया मात्रायात नं धाइ । चाय् दुने नं न्हसि दयाच्वनि।

थीथी उत्पादनय् न्हसि नियन्त्रण

उत्पादनय् न्हसियात नियन्त्रण यायेगु ज्या उत्पादनया प्रक्रियाया छगू महत्वपूर्ण ब्व जुइफु । गंगु पदार्थय् यक्व हे न्हसि दयाच्वनेफु। कर्नफ्लेक्स निसें वाशिंग पाउदर तकया उत्पादनय्, न्हसिं उत्पादनया अन्तिम गुणस्तरय् महत्वपूर्ण भूमिका म्हितेफु। उत्पादनय् न्हसि नियन्त्रणय् चिउताःया निगु मू पक्ष दु: यक्व न्हसि दुथ्याकेगु वा यक्व म्हो न्हसि दुथ्याकेगु। दसुया निंतिं तौलया आधारय् मीगु कर्नफ्लेक्स सिरियलय् छुं लः तयेबलय् खर्च म्हो जुइ व यक्व सुख्खा सवाः वइमखु, तर यक्व लः तयेबलय् सिरियलया कुरकुरेच्वंगु सवाः व ताजापन म्हो जुइगु लिच्वः लाइ। नापं, लःया मात्रां ब्याक्टेरिया बुइत ग्वहालि याइ। क्यालोरीया ल्याः म्ह्व यायेत छुं नसाय् लःया मात्रायात हिलेगु याइ ।

न्हसिया थी थी उत्पादनय् थी थी लिच्वः लाइ, गुकिं उत्पादनया लिपांगु गुणस्तरयात प्रभावित याइ । दसुया निंतिं वुड पेलेट सिँया ल्यनाच्वंगु कुचायात नचुकाः कम्प्याक्ट पेलेट दयेकेगु याइ, गुकियात इन्धनया रुपय् मीगु याइ। छ्वयेकेगु दक्षता भिंकेगु निंतिं पेलेटय् अपेक्षाकृत म्हो लःया मात्रा दयेमाः। पेलेटय् गुलि अप्वः न्हसि दइ, उलि हे पेलेट च्याकेबलय् अप्वः धुँ पिहां वइ।

छुं नं उत्पादनय् लःया मात्रा ल्याखायेत यायेमाःगु आवश्यकतां विज्ञानया छगू न्हूगु क्षेत्र, एक्वामेट्रीया जन्म जूगु दु। उत्पादय् न्हसि दानास्वयेगु यक्व पहः दु, गथेकि थी-थी तरंग दानास्वयेगु (जः व सः), विद्युत चुम्बकीय क्षेत्र, क्यापासिटिभ विधि, व अप्व परम्परागत तौल व गंकिगु प्रविधि।

थ्व नं स्वयादिसँ

• प्याःगु (संरचनात्मक)
• गंगु पदार्थ
• ह्युमिदोर
• लःया मात्रा