न्यु इंग्ल्यान्द
न्यु इंग्ल्यान्द उत्तरपूर्वी संयुक्त राज्य अमेरिकाया छगू क्षेत्र ख गुकिलि ६गु राज्य दु: मेइन, भर्मोन्ट, न्यू ह्याम्पशायर, म्यासाचुसेट्स, कनेक्टिकट, व रोड आइल्याण्ड । थ्व नां सन् १६१६इ अंग्रेज अन्वेषक जोन स्मिथं दयेकूगु खः ।
भूगोल
[सम्पादन]न्यु इङ्ग्ल्यान्द क्षेत्रया राज्यया लःया सतह नापंया मंका क्षेत्रफल 186,447 square kilometres (71,988 sq mi) दु, [१] थ्व क्षेत्र वाशिंगटन राज्य स्वया भचा तःधं व ग्रेट ब्रिटेन स्वया भचा चिधं। [२] [३] मेनय् जक न्यु इङ्ग्ल्यान्दया कुल क्षेत्रफलया बच्छि ति क्षेत्रफल दुथ्या, अथे जुसां मेन राज्य संरा अमेरिकाया ३९गु दकलय् तःधंगु राज्य जक्क ख, थ्व राज्य इन्डियाना स्वया भचा चिधं। ल्यं दुगु राज्यत अमेरिकाया दकलय् चिधंगु राज्यय् ला, गुकिलि दकलय् चिधंगु राज्य —रोद आइल्यान्द नं ला।
राज्यया क्षेत्रफल (ल लागा नापं) थ्व कथं दु-
- मेन, 35,380 square miles (91,600 km2)
- म्यासाचुसेट्स, 10,554 square miles (27,330 km2)
- भर्मोन्ट, 9,616 square miles (24,910 km2)
- न्यू ह्याम्पशायर, 9,349 square miles (24,210 km2)
- कनेक्टिकट, 5,543 square miles (14,360 km2)
- रोड आइल्याण्ड, 1,545 square miles (4,000 km2)
भूगर्भशास्त्र
[सम्पादन]न्यु इङ्ग्ल्यान्दया ताःहाकःगु लुलुं वनाच्वंगु पर्वः, च्वका व तटीय क्षेत्र हिमयुगया ग्लेसियल बँ ख गुकि १८,०००ति दँ न्ह्यः दयावःगु ख। थथे थ्व बँ लिपांगु हिमयुगया इलय् ग्लेसियल रित्रितया लिच्वः कथं दयावःगु ख। [४] [५]
न्यु इङ्ग्ल्यान्द भूगर्भीय रुपं न्यु इङ्ग्ल्यान्द प्रान्तया छगू भाग ख। थ्व छथी टेरेन क्षेत्र गुकिलि एपलेचियन पर्वत, न्यू इंग्ल्याण्डया उच्चभूमि व समुद्री तटया तटीय भूभाग दुथ्याः। [६] एपलेचियन पर्वत मोटामोटी न्यू इंग्ल्याण्ड व न्यूयोर्कया सीमाया लिउने ला। म्यासाचुसेट्स व कनेक्टिकटया बर्कशायर, व भर्मोन्टया ग्रीन माउन्टेन, नापं ट्याकोनिक माउन्टेन, प्रिक्याम्ब्रियन चट्टानया मेरुदण्ड दयेकी। [७]
एपलेचियन उत्तरपाखे न्यू ह्याम्पशायरय् ह्वाइट माउन्टेनया रुपय् विस्तारित जुइ, व अनं मेन व क्यानाडाय् थ्यनि। न्यू ह्याम्पशायरया माउन्ट वाशिंगटन उत्तरपूर्वया दकलय् तजाःगु च्वका ख, यद्यपि थ्व पूर्वी संयुक्त राज्य अमेरिकाया १०गू तजाःगु च्वकाय् नं मला। [८] थ्व थाय् पृथ्वीइ निगुगु दकलय् तच्वःगु वायुया गति रेकर्ड जूगु थाय् ख, [९] [१०] व थ्व थाय् हलिमय् दकलय् तच्वःगु मौसम दूगु थाय् ख। [११] [१२]
दक्षिणपश्चिमी कनेक्टिकट निसें उत्तरपूर्वी मेन तक्कया थ्व क्षेत्रया तटय् पुखु, गुंच्वका, झ्वास्या व आर्द्रभूमि, व फि-जाःगु समुद्र तट दु। थ्व क्षेत्रया मू स्वनिगलय् च्याम्पलेन स्वनिगः, कनेक्टिकट खुसिया स्वनिगः व मेरिम्याक स्वनिगः ला। [५] दकलय् ताःहाकःगु खुसि कनेक्टिकट खुसि ख, गुगु उत्तरपूर्वी न्यू ह्याम्पशायरं 655 kilometres (407 mi) तक बाः वनाः लङ्ग आइल्यान्द साउन्डय् क्वचाइ, थ्व खुसिं थ्व क्षेत्रयात मोटामोटी निगु लागाय् ब्वथलि। भर्मोन्ट व न्युयोर्कया सीमाया छगू भाग जुयाच्वंगु लेक च्याम्पलेन थ्व क्षेत्रया दकलय् तःधंगु पुखु ख, व धुंका मेनया मूसहेड पुखु व न्यू ह्याम्पशायरया विन्निपेसौकी पुखु थनया मू पुखु ख। [५]
मौसम व लफय्
[सम्पादन]
न्यु इङ्ग्ल्यान्दया मौसम थुकिया 500 miles (800 km) न्यंकं तसकं पाः उत्तरी मेन निसें दक्षिणी कनेक्टिकट तक :
मेन, न्यू ह्याम्पशायर, भर्मोन्ट, व पश्चिमी म्यासाचुसेट्सय् आर्द्र महाद्वीपीय जलवायु दु (Dfb in Köppen climate classification ). थ्व लागाय् चिकुला ताःहाकः व ख्वाउँसे च्वं, अले तच्वःगु च्वापु सामान्य जुइ (थ्व लागाय् अधिकांश थास दँय् दँसं 60–120 inches (150–300 cm)च्वापु गाइ)। ताल्लाया ला मध्यम लुमुगु जुइ, अथे जुसां ताल्ला भचा चिहाकः जुइ व दच्छियंकं वा वइ।
मध्य व पूर्वी म्यासाचुसेट्स, उत्तरी रोद आइल्यान्द व उत्तरी कनेक्टिकटय् थ्व हे आर्द्र महाद्वीपीय जलवायु (Dfa) दयाच्वनि, यद्यपि ताहाला ई लुमुगु निसें ताहान्वइगु जुइ, चिकुला म्हो जुइ, व हिमपात म्हो जुइ (विशेष यानाः तटीय क्षेत्रय् गन प्रायः लुमुगु लफय् दयाच्वनि)।
दक्षिणी व तटीय कनेक्टिकट उत्तरया चिकुगु महाद्वीपीय जलवायु निसें दक्षिणया हल्का उपोष्णकटिबंधीय जलवायुइ व्यापक संक्रमण क्षेत्र ख। सुदूर दक्षिणी/तटीय कनेक्टिकट, तटीय रोड आइल्याण्ड, व टापुत (नानटुकेट व मार्थाज भाइनयार्द)य् हिमपात मुक्त मौसम १८० न्हु स्वया अप्व जुइ। दक्षिणी कनेक्टिकट व दक्षिणी रोड आइल्याण्डय् नं न्यु इङ्ग्ल्यान्दया मेमेगु थासय् स्वया चिकुलाय् यक्व निभाः त्वइगु प्रवृत्ति दु। [१३]
लागा
[सम्पादन]
१.उत्तरपश्चिम भर्मोन्ट/चैम्पलेन स्वनिग
२.उत्तरपूर्वी राज्य
३.मध्य भर्मोन्ट
४.दक्षिणी भर्मोन्ट
५.ग्रेट नर्थ वुड्स रिजन (न्यू नर्थ ह्याम्प्शायर)
६. व्हाइट माउन्टेन्स
७.लेक्स रिजन
८. सीकोस्ट क्षेत्र
१०.मेरिम्याक भ्याली
११.मोनादनक क्षेत्र
१२. अरुस्तुक
१३. मेन हाइल्यान्द्स
१४. अकाडिया/डाउन ईस्ट
१५. मध्य-तट/पेनोबस्कत खाडी
१६. दक्षिणी मेन/दक्षिणी तट
१७. माउन्तेन एन्द लेक्स रिजन
१८. केनेबेक स्वनिगः
१९. उत्तरी तट
२०. मेट्रो बोस्टन
२१. साउथ शोर
२२. केप कड व आइल्यान्द्स
२३. साउथ कोस्त
२४.दक्षिणपूर्वी म्यासाचुसेट्स
२५ म्यासाचुसेट्स खुसि
२६.मेट्रोवेस्ट/ग्रेटर बोस्टन
२७.सेन्त्रल म्यासाचुसेट्स
२८.पायनियर भ्याली
२९.द बर्कशायर
३०. साउथ काउन्ति
३१. इस्त बे
३२. क्वायत कर्नर
३३.ग्रेटर हार्टफोर्ड
३४.सेन्त्रल नौगाटक स्वनिगः
३५.नर्थवेस्त हिल्स
३६.दक्षिणपूर्वी कनेक्टिकट/ग्रेटर न्यू लण्डन
३७. पश्चिमी कनेक्टिकट
३८. कनेक्टिकट शोरलाइन
दकलय् तःधंगु शहर
[सम्पादन]२०२०या अमेरिकी जनगणना कथं थनया दकलय् अप्व जनसंख्या दूगु नगरत थथे दु: [१४] [१५]
- बस्तन:६७५,६४७ (४,९४१,६३२)
- वोर्सेस्टर, म्यासाच्युसेत्स: २०६,५१८ (९२३,६७२)
- प्रभिदेन्स: १९०,९३४ (१,६०४,२९१)
- स्प्रिङ्गफिल्द, म्यासाच्युसेत्स: १५५,९२९ (६९९,१६२)
- ब्रिजपोर्ट, कनेक्टिकट: १४८,६५४ (९३९,९०४)
- स्ट्यामफर्ड, कनेक्टिकट: १३५,४७० (ग्रेतर ब्रिजपोर्तया भाग)
- न्यु ह्याभेन, कनेक्टिकट: १३४,०२३ (८६२,४७७)
- हार्तफर्द, कनेक्तिकत: १२१,०५४ (१,२१४,२९५)
- क्याम्ब्रिज, म्यासाच्युसेत्स: ११८,४०३ (ग्रेतर बोस्तनया भाग)
- म्यानचेस्तर, न्यु ह्याम्प्शायर: ११५,६४४ (४०६,६७८)
- न्यू इंग्ल्याण्डया मू शहरत
२. वोर्सेस्टर, म्यासाचुसेट्स
४. स्प्रिंगफिल्ड, म्यासाचुसेट्स
९. क्याम्ब्रिज, म्यासाचुसेट्स
१०.म्यानचेस्टर , न्यू ह्याम्पशायर
महानगर व राजधानी
[सम्पादन]महानगर क्षेत्र
[सम्पादन]संयुक्त राज्य अमेरिकाया जनगणना ब्यूरों परिभाषित याःगु महानगरीय तथ्यांकीय क्षेत्र क्वय् बियातःगु दु ।
| पद | महानगर क्षेत्र | राज्य (त) | जनसंख्या (२०२०) | सिएसए क्षेत्र |
|---|---|---|---|---|
| १ | बोस्टन | म्यासाचुसेट्स न्यू ह्याम्पशायर |
४,९४१,६३२ | बोस्टन |
| २ | प्रोभिडेन्स | म्यासाचुसेट्स रोड आइल्याण्ड |
१,६७६,५७९ | बोस्टन |
| ३ | हार्टफोर्ड | कनेक्टिकट | १,२१३,५३१ | हार्टफोर्ड |
| ४ | वोर्सेस्टर | कनेक्टिकट म्यासाचुसेट्स |
९७८,५२९ | बोस्टन |
| ५ | ब्रिजपोर्ट | कनेक्टिकट | ९५७,४१९ | न्यूयोर्क |
| ६ | न्यू हेभन | कनेक्टिकट | ८६४,८३५ | हार्टफोर्ड |
| ७ | स्प्रिंगफिल्ड | म्यासाचुसेट्स | ६९९,१६२ | स्प्रिंगफिल्ड |
| ८ | पोर्टल्याण्ड | मेन | ५५१,७४० | पोर्टल्याण्ड |
| ९ | म्यानचेस्टर-नाशुआ | न्यू ह्याम्पशायर | ४२२,९३७ | बोस्टन |
| १० | नोर्विच-न्यू लण्डन | कनेक्टिकट | २६८,५५५ | हार्टफोर्ड |
| ११ | बार्नस्टेबल | म्यासाचुसेट्स | २२८,९९६ | बोस्टन |
| १२ | बर्लिङ्गटन | भर्मोन्ट | २२५,५६२ | बर्लिङ्गटन |
| १३ | बंगर | मेन | १५२,१९९ | |
| १४ | पिट्सफिल्ड | म्यासाचुसेट्स | १२९,०२६ | |
| १५ | लेविस्टन-अबर्न | मेन | १११,१३९ | पोर्टल्याण्ड |
राज्य राजधानी
[सम्पादन]
- हार्टफोर्ड, कनेक्टिकट
- अगस्टा, मेन
- बोस्टन, म्यासाचुसेट्स
- कन्कर्ड, न्यू ह्याम्पशायर
- प्रोभिडेन्स, रोड आइल्याण्ड
- मोन्टपेलियर, भर्मोन्ट
किपा
[सम्पादन]
स्वयादिसँ
[सम्पादन]लिधंसा
[सम्पादन]- ↑ State Area Measurements and Internal Point Coordinates.
- ↑ Part 1: Population and Housing Unit Counts.
- ↑ The British Isles and all that ....
- ↑ Glacial Features of the Exotic Terrane. The Teacher-Friendly Guide to the Earth Science of the Northeastern US. Paleontological Research Institution.
- 1 2 3 The Geography of New England. The Macmillan Company.
- ↑ Physiographic divisions of the conterminous U.S.. U.S. Geological Survey.
- ↑ Topography of the Appalachian/Piedmont Region 2. Paleontological Research Institution.
- ↑ Shaw, Ethan. The 10 Tallest Mountains East of the Mississippi. USA Today.
- ↑ World Record Wind.
- ↑ World Record Wind Gust: 408 km/h.
- ↑ About Us.
- ↑ Hrin, Eric. "Wolfe turns love of books into career; One-hundredth anniversary of library in Troy approaching", The Daily Review.
- ↑ New England's Fall Foliage. Discover New England.
- ↑ Annual Estimates of the Resident Population: April 1, 2010 to July 1, 2015; United States—Metropolitan and Micropolitan Statistical Area: 2015 Population Estimates (GCT-PEPANNRES). American Factfinder.
- ↑ Annual Estimates of the Resident Population for Incorporated Places: April 1, 2010 to July 1, 2014.
- ↑ Montpelier.