न्याइ रोरो किदुल
न्यी रोरो किदुल (वा न्याइ रारा किदुल ) इन्डोनेसियाली लोककथाय् छम्ह अलौकिक प्राणी ख। सुन्दानी व जावानी पौराणिक कथाय् वय्कः दक्षिणी सागरया रानी खः ।
जावानी पौराणिक कथाय् कन्जेङ रतु किदुल धाःगु देव कपिङ तेलुया छगू सृजना ख। अथेहे, न्यी रोरो किदुल मूल रुपं सुन्दाया जुजुया छम्ह जक म्ह्याय् खः, गुम्हसित वया अबुम्हेस्यां वया सौतेनी/चिरिमांया कारणं पितिना छ्वःगु खः।
गुलिसिनं न्यी रोरो किदुलयात कन्जेङ रातु किदुलया तुलना याइ, यद्यपि केजावेन विश्वासय् न्यी रोरो किदुल कन्जेङ रातु किदुलया वफादार अधीनस्थ ख।
न्यी रोरो किदुलया जाभाया प्रेत रानीया रुपय् थाय् लोककथा व पौराणिक कथाय् छगू लोकंह्वाःम्ह पात्र ख, व वय्कःया सुन्दानी राजकुमारीतेगु सौन्दर्यनाप नं स्वापू दु।
नांछुना
[सम्पादन]न्यी रोरो किदुलयात थी-थी नाँअं म्हसीकिगु या, गुकिलिं वय्कःयागु उत्पत्तिया थी-थी बाखं, किंवदन्ती, मिथक, व वंशानुगत बाखंयात प्रतिबिम्बित याइ। वय्कःयात सामान्यतया रातु लौत सेलाटन व गुस्ती कन्जेङ रातु किदुल नं धाइ । जाभाया चलन कथं वय्कःया निंतिं आदरात्मक कथं न्याइ, कन्जेङ, व गुस्ती थें न्याःगु सम्मानजनक खँग्वः छ्यलिगु या।
गबलें गबलें, मनूतय्सं वय्कःयात न्याइ लोरो किदुल नं धाइ । जाभानिज लोरो "निगु", "पीडा" वा "दुःख"या निंतिं छगू होमोग्राफ ख। जबकि रारा (वा रोरो )या जाभानीया अर्थ "मिसामचा" ख। छम्ह डच अर्थोग्राफर कथं पुलांगु जाभानी रोरों न्हुगु जाभानी लोरोय् हिउपाः वःगुया लिच्वः कथं थ्व नांया अर्थय् "सुन्दर मिसामचा" निसें "रोगी"य् हिउपाः जुल।