नेपाल भाषा पत्रिका

विकिपिडिया नं
नेपाल भाषा पत्रिकाया सन् १९६०या नोभेम्बरया मू पौ।

नेपाल भाषा पत्रिका नेपालभाषाया न्हापांगु न्हिपौ ख। थ्व पत्रिका सन् १९५५या सेप्टम्बर २८येँनं न्ह्यथंगु ख। थ्व पत्रिकाया न्हापाम्ह सम्पादक व पिथनामि फत्तेबहादुर सिंह ख। [१] नेपाल भाषा पत्रिकाया प्रकाशन सन् १९८३स क्वचाल।

फत्तेबहादुर सिंह (सन् १९०२-सन् १९८३) छम्ह नेपालभाषाया च्वमि ख। तत्कालीन राणा शासनया शासकतयेसं वय्‌कःयात साहित्यिक ज्याया निंतिं ज्वना झ्यालखानाय् कैद याःगु ख। सन् १९३९स वय्‌कलं नेपाली विहारनांया चिनाखँ मुना पिथना दिल। थुकिया निंतिं नेपाल सरकारं वय्‌कःयात जन्मकैदया सजायं बिल। [२] [३] वय्‌कयात सन् १९४१ निसें सन् १९४५ तक्क जेलय् कुनातल व सन् १९४५स मेमेपिं च्वमित नापं वय्‌कः नं जेलमुक्त जुयादिल। [४] व ईले वय्‌कः नापं जेलय् चित्तधर "हृदय"सिद्धिचरण श्रेष्ठ नं च्वःगु हे आरोपय् जेलय् कैद जुयादिल। [५]

नेपाल भाषा पत्रिका नेपालभाषाया शताब्दीतक्कया राष्ट्रिय रुपं जूगु आधिकारिक दमन धुंका थ्व भाषायात हानं विकास यायेगु छगू कुतः ख। [६]व ईले भाषा अधिकारकर्मीतयेसं साहित्य नापं बुखँ पिथनेत कुतः यानाच्वन। राणा शासनया पतन व सन् १९५१स प्रजातन्त्रया पलिस्थां[७] नेपालभाषाय् च्वखँ पिथनेत स्वतन्त्रया बिल। थ्व चकं वातावरणं बुखँपौ व पत्रिका पिकायेगु वातावरण दयेकल। थ्व स्वया न्ह्यः नेपालभाषाया न्हापांगु पत्रिकात नेपाःया प्रतिबन्धया कारणं भारतं पिथन। [८]

नेपाल भाषा पत्रिका नेपाःया पत्रकारिता ख्यलय् न्हापांगु बुखँपौय् छगू ख। [९] It championed language rights and also reflected the interests of Nepalese business.[१०]

सन् १९६२स सिंह नेपाल पत्रकार महासंघया अध्यक्षय् निर्वाचित जुयादिल।[११]

लिधंसा[सम्पादन]

  1. Press Foundation of Asia (1978). Asian Press & Media Directory. Press Foundation of Asia. Page 252.
  2. Shrestha, Siddhicharan (1992). Siddhicharanya Nibandha ("Siddhicharan's Essays"). Kathmandu: Phalcha Pithana. Page 73.
  3. Tumbahang, Govinda Bahadur. "Marginalization of indigenous languages of Nepal", January 2010. Retrieved on 4 March 2012.
  4. Tuladhar, Prem Shanti (2000). Nepal Bhasa Sahityaya Itihas: The History of Nepalbhasa Literature. Kathmandu: Nepal Bhasa Academy. ISBN 99933-56-00-X. Page 105.
  5. Lienhard, Siegfried (1992). Songs of Nepal: An Anthology of Nevar Folksongs and Hymns. New Delhi: Motilal Banarsidas. ISBN 81-208-0963-7. Page 4.
  6. Hutt, Michael. "Diversity and Change in the Languages", Tribhuvan University, December 1986. Retrieved on 28 February 2012. Page 10.
  7. Brown, T. Louise (1996). The Challenge to Democracy in Nepal: A Political History. Routledge. ISBN 0-415-08576-4, ISBN 978-0-415-08576-2. Page 21.
  8. Lienhard, Siegfried (1992). Songs of Nepal: An Anthology of Nevar Folksongs and Hymns. New Delhi: Motilal Banarsidas. ISBN 81-208-0963-7. Page 4.
  9. Angel, Juvenal Londoño (ed.) (1967). The Handbook of International Business and Investment Facts and Information Sources. World Trade Academy Press. Page 282.
  10. Rose, Leo E. (1971). Nepal: Strategy for Survival. University of California Press. ISBN 0-520-01643-2, ISBN 978-0-520-01643-9. Page 211.
  11. Federation of Nepali Journalists: Past and Present. Federation of Nepali Journalists - UK. 4 March 2012 कथं।

स्वयादिसँ[सम्पादन]