नगुपुचः

नगुपुचः बाय् ग्यालेक्सी (Galaxy) धाःगु नगु, नगुया अवशेष व ग्रह, ग्यास, धू व डार्क म्याटरया छगू तःधंगु मुना खः। थ्व मुना गुरुत्वाकर्षण (gravity) बलया कारणं छथासय् च्वनाच्वंगु दइ। ब्रह्माण्डय् (universe) अल्याखय् ग्यालेक्सीत दु। झीगु सूर्द्यः व सौर्यमन्दः (solar system) लाःगु ग्यालेक्सीयात आकाशगंगा (Milky Way) धाइ। ग्यालेक्सीत थीथी आकारय् खनेदु गथेकि स्पाइरल (spiral), इलिप्टिकल (elliptical), व इर्रेगुलर (irregular)। छगू साधारण ग्यालेक्सीइ लखौं निसें खर्बौं तक्क नगु दयाच्वंगु जुइफु। दक्वं नगु तःधंगु ग्यालेक्सीया केन्द्रया चाकःलिं चाहिलिगु याइ। खगोलशास्त्रीतय्सं ब्रह्माण्डय् खर्बौं ग्यालेक्सी दु धकाः अनुमान याःगु दु। तापाःगु ग्यालेक्सी गुलि तापाः धकाः ल्याखायेगु निंतिं जः-दँ (light-year) व पारसेक (parsec) थें न्याःगु एकाइ छ्येलिगु या। थौंकन्हय् आधुनिक प्रविधि व स्पेस टेलिस्कोप छ्यलाः ग्यालेक्सीया अनुसन्धान यायेगु ज्याय् तःधंगु ग्वाहालि जुयाच्वंगु दु।

स्वयादिसँ

• नगु
• सौर्यमन्दः
• आकाशगंगा