द मेरी वाइफ्स अफ विन्द्सर
 सन् १६०२ संस्करणया मू पौ:। |
द मेरी वाइभ्स अफ विन्द्सर वा सर जोन फाल्स्टाफ एण्ड द मेर्री वाइभ्स अफ विन्द्सर विलियम शेक्सपियरया छगू ख्यालः नटक ख गुकियात दकलय् न्हापां सन् १६०२इ पिथंगु ख। यद्यपि, थ्व नाटक सन् १५९७य् वा व स्वया न्ह्यः च्वयातःगु विश्वास दु। विन्द्सर नगर, बर्कशायर, इंग्ल्याण्डय् दूगु विन्द्सर क्यासलया नां थ्व नाटकय् छ्यलातःगु दु। नांया निंतिं हेनरी चतुर्थया शासनकाल वा हेनरी ५ या शासनकालया सुरुया कालखण्डय् आधारित नाटक जूसां थ्व प्याखनं समकालीन एलिजाबेथन युगया अंग्रेजी मध्यम वर्गीय जीवनय् आधारित दु। थुकी सर जोन फाल्स्टाफया पात्र दु, गुम्ह न्हापा हेनरी ४, भाग १ व भाग २ य् खनेदूम्ह फ्याट नाइट खः। थुकियात ओपेराया निंतिं म्होतिं नं झिक्वः रुपान्तरण याःगु दु। थ्व प्याखं साहित्यिक समालोचकतय् दथुइ शेक्सपियरया म्हो जक सम्मानित कृतिइ छगू खः। परम्परा कथं द मेरी वाइभ्स अफ विन्द्सर रानी एलिजाबेथ प्रथमया इनापय् च्वयातःगु खः। हेनरी ४, भाग १ स्वयेधुंका रानीं शेक्सपियरयात फाल्स्टाफयात मतिनाय् लानाच्वंगु चित्रण याइगु नाटक च्वयेत इनाप याःगु ख।
पात्रत
[सम्पादन]- सर जोन फाल्स्टाफ
- बार्डोल्फ, पेस्तोल, न्याम – फाल्स्टाफया अनुयायी।
- रोबिन – फाल्स्टाफया पेज।
- मेसर्स फ्र्याङ्क फोर्ड व जर्ज (थोमस) पेज – निम्ह सज्जन विन्डसरय् च्वनाच्वंपिं।
- विलियम पेज – छम्ह मिजंमचा, पेजया काय् ।
- सर ह्यू इभान्स – छम्ह वेल्श पार्सन
- डाक्टर काइयस जोन काइयस – छम्ह फ्रान्सेली चिकित्सक।
- जोन रग्बी – डाक्टर काइयसया छम्ह सेवक ।
- मिस्ट्रेस क्विकली – डाक्टर काइयसया सेवक ।
- रोबर्ट स्यालो – छम्ह काउन्ति जस्तिस
- अब्राहम स्लेन्डर – स्यालोया कजन।
- पीटर सिम्पल – स्लेन्डरया सेवक ।
- फेन्टन – छम्ह ल्याय् म्हम्ह सज्जन ।
- गार्टर इनया होस्ट
- मिस्ट्रेस एलिस फोर्ड
- मिस्ट्रेस मार्गरेट पेज
- एन पेज – मिस्ट्रेस पेजया म्ह्याय् ।