द टेम्पेस्ट
| द टेम्पेस्ट (The Tempest) | |
|---|---|
 न्हापांगु फोलियोया ब्वया शीर्षक पौ | |
| Author(s) | विलियम शेक्सपियर |
| Country | इङ्गल्यान्द |
| Language | अंग्रेजी |
| Genre(s) | शेक्सपियरया ख्यालः त्राजिकमेडि |
द टेम्पेस्ट विलियम शेक्सपियरया छगू नाटक ख। थ्व नाटक सम्भवतः सन् १६१०–१६११य् च्वयातःगु ख। वय्कलं याकःचा च्वयादिगु लिपांगु नाटकय् थ्व नाटक छगू ख धकाः कायेगु या। थ्व नाटकया न्हापांगु लू समुद्रय् छगू आँधीया इलय् जहाजय् जुइ। थ्व धुंका नाटकया ल्यं दुगु भाग छगू टापूइ दइ। बाखं छगू दुर्गम टापुइ दयेका तःगु दु, गन प्रोस्पेरो (Prospero), छम्ह विजर्द (जादूगर), थः म्ह्याय् मिरान्डा, व वया निम्ह दास: क्यालिबन, छम्ह जंगली राक्षसया आकृति दुम्ह दास, व एरियल , छम्ह फय् आत्मा लिसे च्वनाच्वंगु दु। नाटकय् संगीत व म्येत दु गुकिलिं टापुइ मंत्रमुग्ध जुइगु भावना ब्वलंकी। थ्व नाटकय् यक्व विषयवस्तुयात दुथ्यानातःगु दु, गुकी जादू , विश्वासघात, प्रतिशोध, व परिवार आदि दुथ्याः । एक्ट IV य् इहिपाया ख्वाःपाः छ्यला छगू नाटक दुनेया नाटक क्यसें तमाशा, उपमा व उन्नत भाषा छ्यलातःगु दु।
द टेम्पेस्टयात न्हापांगु फोलियोय् शेक्सपियरया न्हापांगु कमेडीया धलखय् तयातःगु जूसां थ्व नाटकय् दुखद व हास्य निगुलिं विषयवस्तु दु। आधुनिक समालोचकतेसं थ्व व मेमेगु शेक्सपियरया लिपांगु नाटकया रोमान्सया पुचलय् दुथ्यायेगु या।
पात्रत
[सम्पादन]- प्रोस्पेरो – मिलानया हकदार ड्यूक व छम्ह जादुगर
- मिरान्डा – प्रोस्पेरोया म्ह्याय्
- एरियल – प्रोस्पेरोया सेवाय् छम्ह आत्मा
- क्यालिबन – प्रोस्पेरोया छम्ह दास च्यः
- एलोन्सो – नेपल्सया जुजु
- सेबस्टियन – एलोन्सोया किजा
- एन्टोनियो – प्रोस्पेरोया किजा, मिलानयात हडपे याइम्ह ड्यूक
- फर्डिनान्ड – एलोन्सोया काय्
- गोन्जालो – छम्ह इमान्दार पुलांम्ह पार्षद
- एड्रियान – एलोन्सोया अधीनय् सेवा यानाच्वंम्ह छम्ह लर्द
- फ्रान्सिस्को – एलोन्सोया अधीनय् सेवा यानाच्वंम्ह छम्ह लर्द
- ट्रिन्कुलो – जुजुया ख्यालि
- स्टेफानो – जुजुया अय्लागुलु बटलर
- जुनो – इहिपाया रोमन देवी
- सेरेस – बुंज्याया रोमन देवी
- आइरिस – ग्रीक इन्द्रधनुषया देवी व द्यःया सन्देशवाहक
- मास्टर – जहाजया मास्टर
- मरिनर्स
- बोटस्वेन – जहाज मालिकया च्यः