दक्षिण समुद्रं छेँय् छ्वयाहःगु बौद्ध अभ्यासया अभिलेख
दक्षिणी समुद्रं छेँय् छ्वयाहःगु बौद्ध अभ्यासया छगू अभिलेख, [१] गुकियात नानहाई जिगुइ नेइफा झुआन व मेमेगु नामं नं म्हसीकिगु या, ताङ चिनियाँ भिक्षु यिजिङया बौद्ध यात्रा वृत्तान्त खः गुकिलि सन् ६७१ निसें ६९५तकया दथुइ भारत व श्रीविजय साम्राज्यय् वय्कःया निन्यादँया आवासया विवरण बियातःगु दु ।
नां
[सम्पादन]चिनियाँ नां Nánhǎi Jìguī Nèifǎ Zhuàn या शाब्दिक अर्थ "दक्षिणी सागरं छेँय् छ्वयाहःगु गुह्य नियमया विवरण" ख। थ्व नां दुने गुह्य नियम धाःगु बुद्ध धर्म दुनेया धर्मया आधारभूत विचाः व दक्षिणी सागर धाःगु दक्षिण चीन सागरया चिनियाँ नां ख। थ्व कृति अंग्रेजी भासय् थी-थी नामं थी-थी अनुवादय् प्रकाशित जूगु दु, दक्षिण सागरं छेँय् छ्वयाहःगु आन्तरिक कानूनया विवरण (Accounts of the Inner Law Sent Home from the South Sea) निसें ताकाकुसुया भारत व मले द्वीपसमूहय् अभ्यास जूगु बौद्ध धर्मया अभिलेख(Record of the Buddhist Religion as Practised in India and the Malay Archipelago) [२] निसें बौद्ध अभ्यासया अभिलेख ( Record of Buddhist Practices) तकया थीथी नां छ्यलातःगु खनेदु। [३] [४] [५] [६] [७]
च्वखँ
[सम्पादन]थ्व सफुतिइ उत्तर-पूर्वी भारतया बुद्ध धर्मया महाविहार नालन्दाय् यिजिङ च्वनादीगु ईया अभिलेख दु व अनया भिक्षुतेगु जीवन व अभ्यासया वर्णन यानातःगु दु। नापं थुकिलि दक्षिण सागर क्षेत्रया देय् तेगु भौगोलिक व धार्मिक खँ कनातःगु दु। ताङ राजवंशया ईले दक्षिण चीन सागरय् झिगु स्वया अप्व देय् दूगु खँ कनातःगु दु। दसुया निंतिं थुकिलि च्वयातःगु दु कि दक्षिण सागरया देसय् बुद्ध धर्मया विकास जूगु दु व अनया देसय् अप्व: धइथें थेरवाद बुद्ध धर्मया अभ्यास जुयाच्वन, तर फुनानय् बुद्ध धर्म फुनानया पराजय धुंका मदयावन। [८] [९]
थ्व सफूयात पीगू ब्वय् ब्वथलातःगु दु । थ्व सफू स्वया न्हापा च्वयातःगु ह्वेन साङ्गया यात्रा वृतान्तय् थःम्हं भ्रमण याःगु थाय् या वर्णन बियातःगु दु धाःसा यिजिङं थःगु सफूलि थःगु जन्मभूमिइ अभ्यास जुयाच्वंगु बुद्ध धर्मया तजिलजि, नियम व कानूनया वर्णनय् जक सीमित जुयादीगु दु। वय्कलं न्ह्यथनादीगु आपालं स्रोतत आः तनावनेधुंकूगुलिं वय्कलं च्वयादीगु विहारया नियम व व्यवहारया विस्तृत विवरण उगु ईया बुद्ध धर्म व बौद्ध साहित्यया अध्ययनया निंतिं तसकं मूल्यवान जू । [१०]
संस्करण
[सम्पादन]थ्व सफूया न्हापांगु अंग्रेजी संस्करण जुनजिरो ताकाकुसुजुं सन् १८९६स पिदनादिल।[११]
स्वयादिसँ
[सम्पादन]लिधंसा
[सम्पादन]- ↑ J Takakusu (1896). A record of the Buddhist religion as practised in India and the Malay Archipelago. Oxford, The Clarendon press.
- ↑ Takakusu, Junjiro (1896). A Record of the Buddhist Religion as Practised in India and the Malay Archipelago. Oxford, The Clarendon press.
- ↑ Periplus of the Erythraean Sea, Commercial Museum, 1912.
- ↑ The Benefit of Broad Horizons. BRILL.
- ↑ Takeuchi Yoshinori. Buddhist Spirituality: Later China, Korea, Japan, and the Modern World. Motilal Banarsidass.
- ↑ The Columbia History of Chinese Literature. Columbia University Press.
- ↑ Samuel Beal. The Life of Hiuen-Tsiang. Routledge.
- ↑ (2010) Hans Joas, Barbro Klein The Benefit of Broad Horizons. BRILL, 288–290.Hans Joas, Barbro Klein, ed. (2010). The Benefit of Broad Horizons. BRILL. pp. 288–290. ISBN 978-9004192843.
- ↑ (1998) Hinduism and Buddhism: An Historical Sketch, Volume 1. Routledge.
- ↑ Buswell Jr., Robert E. (2013). Princeton Dictionary of Buddhism.. Princeton University Press.
- ↑ Takakusu, Junjiro (1896). A Record of the Buddhist Religion as Practised in India and the Malay Archipelago. Oxford, The Clarendon press.
पिनेया स्वापू
[सम्पादन]- J. Takakusu (1896). A record of the Buddhist religion as practised in India and the Malay archipelago. Oxford, The Clarendon press.