थवंगाये
थवंगाये वा स्वार्थ[१] धयागु मेपिनिगु वास्ता मयासे थःगु वा थःगु फाइदा, सुख वा कल्याणया निंतिं अत्यधिक वा विशेष रुपं चिउताः कायेगु खः । थवंगायेगु अवस्था परोपकार वा निःस्वार्थताया अखः खः, अले थ्व आत्मकेन्द्रिततालिसे नं पाः ( सीएस लुइस कथं)। थःगु जक फाइदा स्वइम्ह मनूयात थवंगाम्ह धाइ।[२]
थी थी बिचाःत
[सम्पादन]थवंगायेगु अवस्थाया थीथी धार्मिक, दार्शनिक, मनोवैज्ञानिक, आर्थिक, व विकासवादी सन्दर्भ दुने विचलनशील दृष्टिकोण दु। "थवःगाःगु" चिन्तनया छुं प्रारम्भिक दसु प्राचीन चीनय् याङवादया अहंकारी दर्शन व प्राचीन ग्रीसय् साइरेनिक भोगवादया दर्शनय् खनेदु। याङ्गीवादीतेसं याङझुया शिक्षायात अनुसरण यात व ताओ धर्मया प्रभावय् लाःगु जुइफु। Cyrenaics, साइरेनया अरिस्टिपसं पलिस्था याःगु वाद सन्देहवादी व भौतिकवादी जुइ। थवादी (selfist)नं जुइफुम्ह थोमस हब्स भौतिकवादी खः तर वय्कलं छगू बल्लाःगु सरकार व राज्य चर्चप्रति निष्ठाया वकालत नं यानादीगु खः । फ्रेडरिक नीत्शे व म्याक्स स्टर्नरया मत आधुनिक थवंगाम्हतलिसे लिक्कया स्वापू दु।
प्राचीन
[सम्पादन]अरस्तू थः देशवासीतय्गु छगू बहुमतलिसे जानाः थःत जक फाइदा कायेत स्वइपिनिगु निन्दा यानादीगु दु। तर वय्कलं सामाजिक प्रशंसा यायेबहःगु खँया दकलय् अप्वः भाग थःत प्राप्त यायेत स्वइम्ह मनूया अन्याःगु थवंगाःगु भावयात पाय्छि धयादीगु दु।
सेनेकां छगू व्यापक समुदाय दुने हे थःगु हीत स्वयेमाःगु प्रस्ताव तयादिल। थःगु जक स्वयेगु थितियात वय्कलं विरोध यानादिल। थ्व विचाःयात लिपा फोकल्टं परिमार्जित यात।