छ्येलेमि:Eukesh/Auto/NepalScript/हवाई
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। Template:𑐣𑐾𑐥𑐵𑐮𑐮𑐶𑐥𑐶
| देय् | संयुक्त राज्य अमेरिका |
|---|---|
| Before statehood | 𑐴𑐰𑐵𑐃𑐫𑐵 𑐨𑐹𑐨𑐵𑐐 |
| Admitted to the Union | 𑐀𑐐𑐳𑑂𑐟 𑑒𑑑, 𑐳𑐣 𑑑𑑙𑑕𑑙 (𑑕𑑐) |
| राजधानी | 𑐴𑑀𑐣𑑀𑐮𑐸𑐮𑐸 |
| दकले तःधंगु नगर | 𑐬𑐵𑐖𑐢𑐵𑐣𑐷 |
| Largest metro and urban areas | 𑐌𑐁𑐴𑐸 |
| Government | |
| - गभर्नर | David Ige (D) |
| - Lieutenant Governor | Shan Tsutsui (D) |
| Population | |
| - Total | १,४१९,५६१ (२,०१४ est)[१] |
| - Density | २१४/sq mi (८२.६/km2) |
| - Median household income | $६३,७४६ |
| - Income rank | 𑑕 |
| भाषा | |
| - Official language | English, Hawaiian |
| - भाषा | |
| USPS abbreviation | |
| Latitude | 18° 55′ N to 28° 27′ N |
| Longitude | 154° 48′ W to 178° 22′ W |
Eukesh/Auto/NepalScript/हवाई 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐕𑐐𑐸 𑐬𑐵𑐖𑑂𑐫 𑐏𑑅। 𑐠𑑂𑐰 𑐬𑐵𑐖𑑂𑐫 𑐩𑐹 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵 𑐳𑑂𑐰𑐫𑐵 𑐩𑐾𑐩𑐾𑐐𑐸 𑐬𑐵𑐖𑑂𑐫 𑐳𑑂𑐰𑐫𑐵 𑐟𑐵𑐥𑐵𑑅𑐎𑑂𑐎 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑑂 𑐡𑐫𑐵𑐔𑑂𑐰𑑄𑐐𑐸 𑐬𑐵𑐖𑑂𑐫 𑐏। 𑐠𑑂𑐰 𑐬𑐵𑐖𑑂𑐫 𑐰 𑐀𑐮𑐵𑐳𑑂𑐎𑐵 𑐩𑑄𑐎𑐵𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐡𑐎𑐮𑐫𑑂 𑐥𑐱𑑂𑐔𑐶𑐩𑐷 𑐣𑐶𑐟𑐵 𑐬𑐵𑐖𑑂𑐫 𑐏। 𑐠𑑂𑐰 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐴𑑅𑐣𑐵𑐮𑐸𑐮𑐸 (𑐰𑐵 𑐴𑑀𑐣𑐵𑐮𑐸𑐮𑐸) 𑐏।
𑐴𑐰𑐵𑐃𑐂 𑑑𑑓𑑗 𑐖𑑂𑐰𑐵𑐮𑐵𑐩𑐸𑐏𑐷 𑐚𑐵𑐥𑐸 𑐡𑐸 𑐐𑐸𑐎𑐶𑐮𑐶 𑐮𑐐𑐨𑐐 𑐳𑐎𑐮 𑐴𑐰𑐵𑐃 𑐡𑑂𑐰𑐷𑐥𑐳𑐩𑐹𑐴𑐫𑑂 𑐡𑐸 (𑐀𑐥𑐰𑐵𑐡𑐫𑑂 𑐩𑐶𑐜𑐰𑐾 𑐊𑐚𑑀𑐮 𑐠𑐾𑑄 𑐣𑑂𑐫𑐵𑑅𑐐𑐸 𑐠𑐵𑐫𑑂 𑐮𑐵)। 𑑑,𑑕𑑐𑑐 𑐩𑐵𑐂𑐮 (𑑒,𑑔𑑐𑑐 𑐎𑐶𑐩𑐶) 𑐴𑐵𑐎𑑅𑐐𑐸 𑐠𑑂𑐰 𑐬𑐵𑐖𑑂𑐫 𑐦𑐶𑐖𑐶𑐫𑑀𑐐𑑂𑐬𑐵𑐦𑐶𑐎 𑐰 𑐖𑐵𑐟𑐷𑐫 𑐮𑑂𑐫𑐵𑐏𑑄𑐣𑑄 𑐌𑐱𑐶𑐣𑐶𑐫𑐵𑐫𑐵 𑐥𑑀𑐮𑐶𑐣𑐾𑐳𑐶𑐫𑐵𑐮𑐷 𑐄𑐥𑐎𑑂𑐲𑐾𑐟𑑂𑐬𑐫𑐵 𑐨𑐵𑐐 𑐏। [२] 𑐴𑐰𑐵𑐃𑐫𑐵 𑐳𑐩𑐸𑐡𑑂𑐬𑐷 𑐟𑐚 𑐀𑐩𑐾𑐬𑐶𑐎𑐵𑐫𑐵 𑐬𑐵𑐖𑑂𑐫𑐫𑑂 𑐥𑑂𑐫𑑄𑐐𑐹𑐐𑐸 𑐡𑐎𑐮𑐫𑑂 𑐟𑐵𑑅𑐴𑐵𑐎𑑅𑐐𑐸 𑐏, 𑐐𑐸𑐎𑐶𑐫𑐵 𑐴𑐵𑐎𑑅 𑐎𑐬𑐶𑐧 𑑗𑑕𑑐 𑐩𑐵𑐂𑐮 (𑑑,𑑒𑑑𑑐 𑐎𑐶𑐩𑐶) 𑐡𑐸। [d] 𑐄𑐟𑑂𑐟𑐬𑐥𑐱𑑂𑐔𑐶𑐩 𑐣𑐶𑐳𑐾𑑄 𑐡𑐎𑑂𑐲𑐶𑐞𑐥𑐹𑐬𑑂𑐰 𑐟𑐎𑑂𑐎𑐫𑐵 𑑘𑐐𑐸 𑐩𑐹 𑐚𑐵𑐥𑐸 𑐣𑐶𑐂𑐴𑐵𑐄, 𑐎𑐵𑐄𑐁𑐂, 𑐌𑐁𑐴𑐸, 𑐩𑑀𑐮𑑀𑐎𑐵𑐂 , 𑐮𑐵𑐣𑐵𑐂 , 𑐎𑐵𑐴𑑀𑐌𑐮𑐵𑐰𑐾 , 𑐩𑐵𑐄𑐂 , 𑐰 𑐧𑐶𑐐 𑐁𑐂𑐮𑑂𑐫𑐵𑐣𑑂𑐡 (𑐰𑐵 𑐴𑐰𑐵𑐃 𑐐𑐸𑐎𑐶𑐫𑐵 𑐣𑐵𑐩𑑄 𑐠𑑂𑐰 𑐬𑐵𑐖𑑂𑐫𑐫𑐵 𑐣𑐵𑑄 𑐰𑐮) 𑐏। 𑐴𑐰𑐵𑐃 𑐚𑐵𑐥𑐹𑐫𑐵 𑐣𑐵𑑄 𑐬𑐵𑐖𑑂𑐫 𑐰𑐵 𑐡𑑂𑐰𑐷𑐥𑐥𑐸𑐔𑑅 𑐣𑐵𑐥 𑐨𑑂𑐬𑐩𑐶𑐟 𑐩𑐖𑐸𑐂𑐎𑐾𑐟 𑐥𑑂𑐬𑐵𑐫𑑅 𑐠𑐸𑐎𑐶𑐫𑐵𑐟 "𑐟𑑅𑐢𑑄𑐐𑐸 𑐚𑐵𑐥𑐸" 𑐰𑐵 𑐧𑐶𑐐 𑐁𑐂𑐮𑑂𑐫𑐵𑐣𑑂𑐡 𑐰𑐵 "𑐴𑐰𑐵𑐃 𑐚𑐵𑐥𑐸" 𑐢𑐵𑐂। 𑐩𑐣𑐹 𑐩𑐔𑑂𑐰𑐣𑐶𑐐𑐸 𑐄𑐟𑑂𑐟𑐬𑐥𑐱𑑂𑐔𑐶𑐩𑐷 𑐴𑐰𑐵𑐃 𑐚𑐵𑐥𑐸𑐟𑐫𑐾𑐳𑑄 𑐀𑐩𑐾𑐬𑐶𑐎𑐵𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐳𑑄𑐬𑐎𑑂𑐲𑐶𑐟 𑐎𑑂𑐲𑐾𑐟𑑂𑐬 𑐰 𑐴𑐮𑐶𑐩𑐫𑑂 𑐥𑑂𑐫𑑄𑐐𑐹𑐐𑐸 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐥𑐵𑐥𑐵𑐴𑐵𑐣𑐵𑐄𑐩𑑀𑐎𑐸𑐀𑐎𑐶𑐁 (Papahānaumokuākea) 𑐳𑐩𑐸𑐡𑑂𑐬𑐷 𑐬𑐵𑐲𑑂𑐚𑑂𑐬𑐶𑐫 𑐳𑑂𑐩𑐵𑐬𑐎𑐫𑐵 𑐀𑐥𑑂𑐰 𑐨𑐵𑐐 𑐡𑐫𑐾𑐎𑐷।
𑑕𑑐 𑐀𑐩𑐾𑐬𑐶𑐎𑐷 𑐬𑐵𑐖𑑂𑐫𑐫𑑂 𑐴𑐰𑐵𑐃 𑐨𑐹𑐨𑐵𑐐𑐫𑑂 𑑘𑐐𑐸 𑐡𑐎𑐮𑐫𑑂 𑐔𑐶𑐢𑑄𑐐𑐸 𑐰 𑑑𑑑𑐐𑐸 𑐡𑐎𑐮𑐫𑑂 𑐩𑑂𑐴𑑀 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐬𑐵𑐖𑑂𑐫 𑐏 ; 𑐟𑐬 𑑑𑑔 𑐮𑐏 𑐧𑐵𑐳𑐶𑐣𑑂𑐡𑐵𑐟 𑐡𑐸𑐐𑐸 𑐠𑑂𑐰 𑐬𑐵𑐖𑑂𑐫𑐫𑐵 𑐖𑐣𑐑𑐣𑐟𑑂𑐰𑐫𑑂 𑑑𑑓𑐐𑐸 𑐠𑐵𑐳𑐫𑑂 𑐮𑐵। 𑐴𑐰𑐵𑐃𑐫𑐵 𑐣𑐶𑐐𑐸 𑐟𑐶𑐴𑐵𑐂 𑐧𑐵𑐳𑐶𑐣𑑂𑐡𑐵𑐟 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐰 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐣𑐐𑐬 𑐴𑑀𑐣𑑀𑐮𑐸𑐮𑐸𑐫𑐵 𑐚𑐵𑐥𑐹 𑐌𑐁𑐴𑐸𑐂 𑐔𑑂𑐰𑐣𑐶। 𑐴𑐰𑐵𑐃 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑐵 𑐎𑐾𑐣𑑂𑐡𑑂𑐬𑐶𑐫 𑐠𑐵𑐫𑑂 𑐰 𑐣𑐶𑐐𑐸 𑐱𑐟𑐵𑐧𑑂𑐡𑐷 𑐳𑑂𑐰𑐫𑐵 𑐀𑐥𑑂𑐰 𑐁𑐥𑑂𑐬𑐰𑐵𑐳𑐣𑐫𑐵 𑐎𑐵𑐬𑐞𑑄 𑐠𑑂𑐰 𑐡𑐾𑐫𑑂 𑐫𑐵 𑐡𑐎𑐮𑐫𑑂 𑐰𑐶𑐰𑐶𑐢𑐟𑐵𑐥𑐹𑐬𑑂𑐞 𑐬𑐵𑐖𑑂𑐫𑐫𑑂 𑐮𑐵। 𑐀𑐩𑐾𑐬𑐶𑐎𑐵𑐫𑐵 𑐏𑐸𑐐𑐸 𑐀𑐮𑑂𑐥𑐳𑑄𑐏𑑂𑐫𑐎 𑐧𑐵𑐴𑐸𑐮 𑐬𑐵𑐖𑑂𑐫𑐫𑑂 𑐴𑐰𑐵𑐃 𑐕𑐐𑐹 𑐏। 𑐠𑑂𑐰 𑐬𑐵𑐖𑑂𑐫 𑐕𑐐𑐹 𑐖𑐎𑑂𑐎 𑐊𑐳𑐶𑐫𑐵𑐩𑐶 𑐀𑐩𑐾𑐬𑐶𑐎𑐷 𑐧𑐴𑐸𑐮𑐟𑐵 𑐡𑐹𑐐𑐸 𑐬𑐵𑐖𑑂𑐫 𑐏। 𑐣𑐵𑐥𑑄, 𑐠𑑂𑐰 𑐬𑐵𑐖𑑂𑐫𑐫𑑂 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐧𑑁𑐡𑑂𑐢 𑐳𑐩𑐸𑐡𑐵𑐫, 𑐰 𑐀𑐩𑐾𑐬𑐶𑐎𑐵𑐫𑑂 𑐧𑐴𑐸𑐖𑐵𑐟𑐷𑐫 𑐩𑐣𑐸𑐟𑐾𑐐𑐸 𑐡𑐎𑐮𑐫𑑂 𑐀𑐥𑑂𑐰 𑐀𑐣𑐸𑐥𑐵𑐟 𑐡𑐹𑐐𑐸 𑐬𑐵𑐖𑑂𑐫 𑐏। 𑐦𑐮𑐳𑑂𑐰𑐬𑐸𑐥, 𑐴𑐰𑐵𑐃 𑐄𑐟𑑂𑐟𑐬 𑐀𑐩𑐾𑐬𑐶𑐎𑐷 𑐰 𑐥𑐹𑐬𑑂𑐰𑐷 𑐊𑐳𑐶𑐫𑐵𑐮𑐷 𑐟𑐖𑐶𑐮𑐖𑐶, 𑐣𑐵𑐥𑑄 𑐠𑐣𑐫𑐵 𑐁𑐡𑐶𑐰𑐵𑐳𑐷 𑐴𑐰𑐵𑐃 𑐳𑐩𑑂𑐥𑐡𑐵𑑄 𑐖𑐵𑑅𑐐𑐸 𑐬𑐵𑐖𑑂𑐫 𑐏।
𑑑𑑐𑑐𑑐 𑐣𑐶𑐳𑐾𑑄 𑑑𑑒𑑐𑑐 𑐃.𑐫𑐵 𑐡𑐠𑐸𑐂 𑐐𑐸𑐧𑐮𑐾𑑄 𑐐𑐸𑐧𑐮𑐾𑑄 𑐥𑑀𑐮𑐶𑐣𑐾𑐳𑐶𑐫𑐵𑐮𑐷𑐟𑐫𑑂𑐳𑑄 𑐧𑐳𑑀𑐧𑐵𑐳 𑐫𑐵𑑅𑐐𑐸 𑐴𑐰𑐵𑐃𑐂 𑐫𑐎𑑂𑐰 𑐳𑑂𑐰𑐟𑐣𑑂𑐟𑑂𑐬 𑐣𑐵𑐫𑑅𑐟 𑐡𑐫𑐵𑐔𑑂𑐰𑐣। 𑐳𑐣𑑂 𑑑𑑗𑑗𑑘𑐂 𑐧𑐾𑐮𑐵𑐫𑐟𑐷 𑐀𑐣𑑂𑐰𑐾𑐲𑐎 𑐖𑐾𑐩𑑂𑐳 𑐎𑐸𑐎 𑐠𑑂𑐰 𑐡𑑂𑐰𑐷𑐥𑐳𑐩𑐹𑐴𑐫𑑂 𑐠𑑂𑐫𑑄𑐩𑑂𑐴 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐐𑐿𑐬-𑐥𑑀𑐮𑐶𑐣𑐾𑐳𑐶𑐫𑐵𑐮𑐷 𑐏। 𑐣𑑂𑐴𑐵𑐥𑐵𑐫𑐵 𑐧𑐾𑐮𑐵𑐫𑐟𑐷 𑐥𑑂𑐬𑐨𑐵𑐰 𑐬𑐵𑐖𑑂𑐫𑐫𑐵 𑐢𑑂𑐰𑐵𑑃𑐫𑑂 𑐏𑐣𑐾𑐡𑐸 , 𑐐𑐸𑐎𑐶𑐮𑐶 𑐫𑐸𑐣𑐶𑐫𑐣 𑐖𑑂𑐫𑐵𑐎 𑐡𑐸। 𑐫𑐸𑐬𑑀𑐥𑐾𑐮𑐷 𑐰 𑐀𑐩𑐾𑐬𑐶𑐎𑐷 𑐀𑐣𑑂𑐰𑐾𑐲𑐎, 𑐰𑑂𑐫𑐵𑐥𑐵𑐬𑐷 𑐰 𑐴𑑂𑐰𑐾𑐮𑐬𑐟𑐾𑐐𑐸 𑐁𑐰𑐵𑐐𑐩𑐣 𑐫𑐵𑐎𑐣𑑄 𑐴𑐾 𑐠𑑂𑐫𑐣, 𑐐𑐸𑐎𑐶𑐮𑐶𑑄 𑐳𑐶𑐦𑐶𑐮𑐶𑐳, 𑐎𑑂𑐲𑐫𑐬𑑀𑐐, 𑐳𑑂𑐩𑐮 𑐥𑐎𑑂𑐳 𑐰 𑐴𑐶𑐳𑑂𑐫𑑄𑐮𑑂𑐰𑐫𑑂 (Measles) 𑐠𑐾𑑄 𑐣𑑂𑐫𑐵𑑅𑐐𑐸 𑐮𑑂𑐰𑐾𑐫𑐵 𑐥𑑂𑐬𑐰𑐾𑐱𑐫𑐵 𑐩𑐵𑐢𑑂𑐫𑐩𑑄 𑐕𑐐𑐹 𑐂𑐮𑐫𑑂 𑐀𑐮𑐐𑑂𑐐 𑐖𑐸𑐫𑐵𑐔𑑂𑐰𑑄𑐐𑐸 𑐁𑐡𑐶𑐰𑐵𑐳𑐷 𑐳𑐩𑐸𑐡𑐵𑐫𑐫𑐵𑐟 𑐫𑐎𑑂𑐰 𑐎𑑂𑐲𑐟𑐶 𑐖𑐸𑐮। 𑐴𑐰𑐵𑐃𑐫𑐵 𑐩𑐹𑐮 𑐖𑐣𑐳𑑄𑐏𑑂𑐫𑐵 𑐳𑐣𑑂 𑑑𑑘𑑙𑑐 𑐟𑐎𑑂𑐎 𑑓 𑐮𑐏 𑐣𑐶𑐳𑐾𑑄 𑑑𑑐 𑐮𑐏 𑐟𑐎𑐫𑐵 𑐖𑐣𑐳𑑄𑐏𑑂𑐫𑐵 𑑔𑑐𑐡𑑂𑐰𑐫𑑂 𑐩𑑂𑐴𑑀 𑐖𑐸𑐮। 𑐴𑐰𑐵𑐃 𑐳𑐣𑑂 𑑑𑑘𑑑𑑐𑐂 𑐕𑐐𑐹 𑐊𑐎𑐷𑐎𑐺𑐟, 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐩𑐵𑐣𑑂𑐫𑐟𑐵 𑐥𑑂𑐬𑐵𑐥𑑂𑐟 𑐬𑐵𑐖𑑂𑐫 𑐖𑐸𑐮। 𑐠𑐣𑐫𑐵 𑐬𑐵𑐖𑐟𑐣𑑂𑐟𑑂𑐬 𑑑𑑘𑑙𑑓𑐳 𑐳𑐩𑐵𑐥𑑂𑐟 𑐫𑐵𑐳𑐾𑑄 𑐠𑑂𑐰 𑐬𑐵𑐖𑑂𑐫 𑑑𑑘𑑙𑑘𑐫𑑂 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐡𑐸𑐠𑑂𑐫𑐵𑐫𑑂𑐎𑐮। 𑐬𑐞𑐣𑐷𑐟𑐶𑐎 𑐬𑐸𑐥𑑄 𑐩𑐹𑐮𑑂𑐫𑐰𑐵𑐣 𑐀𑐩𑐾𑐬𑐶𑐎𑐷 𑐨𑐹𑐨𑐵𑐐𑐫𑐵 𑐬𑐸𑐥𑐫𑑂 , 𑐴𑐰𑐵𑐃𑐫𑐵𑐟 𑐖𑐵𑐥𑐵𑐣𑑄 𑐜𑐶𑐳𑐾𑐩𑑂𑐧𑐬 𑑗, 𑑑𑑙𑑔𑑑𑐫𑑂 𑐁𑐎𑑂𑐬𑐩𑐞 𑐫𑐵𑐟, 𑐐𑐸𑐎𑐶𑐮𑐶𑑄 𑐠𑑂𑐰 𑐬𑐵𑐖𑑂𑐫𑐫𑐵𑐟 𑐰𑐶𑐱𑑂𑐰𑐰𑑂𑐫𑐵𑐥𑐷 𑐰 𑐋𑐟𑐶𑐴𑐵𑐳𑐶𑐎 𑐩𑐴𑐟𑑂𑐟𑑂𑐰 𑐧𑐶𑐮। 𑐠𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐀𑐩𑐾𑐬𑐶𑐎𑐵𑐫𑐵 𑐣𑐶𑐐𑐹𑐐𑐸 𑐰𑐶𑐱𑑂𑐰𑐫𑐸𑐡𑑂𑐢𑐫𑑂 𑐥𑑂𑐬𑐰𑐾𑐱 𑐫𑐵𑐟। 𑐴𑐰𑐵𑐃 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑐳𑑄𑐑𑐫𑑂 𑐡𑐸𑐠𑑂𑐫𑐵𑑅𑐐𑐸 𑐡𑐎𑐮𑐫𑑂 𑐮𑐶𑐥𑐵𑑄𑐐𑐸 𑐬𑐵𑐖𑑂𑐫 𑐏। 𑐠𑑂𑐰 𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐀𑐐𑐳𑑂𑐚 𑑒𑑑, 𑑑𑑙𑑕𑑙𑐫𑑂 𑐖𑐹𑐐𑐸 𑐏। 𑐳𑐣𑑂 𑑑𑑙𑑙𑑓𑐂 𑐀𑐩𑐾𑐬𑐶𑐎𑐷 𑐳𑐬𑐎𑐵𑐬𑑄 𑐴𑐰𑐵𑐃𑐫𑐵 𑐳𑐬𑐎𑐵𑐬𑐫𑐵𑐟 𑐎𑑂𑐰𑐠𑐮𑐾𑐐𑐸 𑐖𑑂𑐫𑐵𑐫𑑂 𑐠𑑅𑐐𑐸 𑐨𑐹𑐩𑐶𑐎𑐵𑐫𑐵 𑐣𑐶𑑄𑐟𑐶𑑄 𑐍𑐥𑐔𑐵𑐬𑐶𑐎 𑐬𑐸𑐥𑑄 𑐩𑐵𑐦𑐷 𑐦𑑂𑐰𑐣, 𑐐𑐸𑐎𑐶𑐮𑐶𑑄 𑐴𑐰𑐵𑐃𑐫𑐵 𑐳𑐵𑐬𑑂𑐰𑐨𑑁𑐩𑐳𑐟𑑂𑐟𑐵 𑐁𑐣𑑂𑐡𑑀𑐮𑐣𑐫𑐵𑐟 𑐥𑑂𑐬𑐾𑐬𑐶𑐟 𑐫𑐵𑐟 𑐰 𑐠𑐸𑐎𑐶𑐫𑐵𑐟 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸। 𑐣𑐵𑐥𑑄 𑐁𑐡𑐶𑐰𑐵𑐳𑐷 𑐖𑐣𑐳𑑄𑐏𑑂𑐫𑐵𑐫𑐵 𑐣𑐶𑑄𑐟𑐶𑑄 𑐎𑑂𑐲𑐟𑐶𑐥𑐹𑐬𑑂𑐟𑐶 𑐎𑐵𑐫𑐾𑐐𑐸 𑐎𑐸𑐟𑑅 𑐣𑑄 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸।
𑐋𑐟𑐶𑐴𑐵𑐳𑐶𑐎 𑐎𑐠𑑄 𑐧𑐸𑑄𑐖𑑂𑐫𑐵𑐫𑐵 𑐀𑐬𑑂𑐠𑐟𑐣𑑂𑐟𑑂𑐬𑐫𑑂 𑐣𑐶𑐬𑑂𑐨𑐬 𑐴𑐰𑐵𑐃 𑐀𑐩𑐾𑐬𑐶𑐎𑐵𑐫𑑂 𑐄𑐧𑑂𑐖𑐵𑐄 𑐧𑐸𑑃 𑐰 𑐰𑐶𑐱𑐶𑐲𑑂𑐚 𑐄𑐲𑑂𑐞𑐎𑐚𑐶𑐧𑑄𑐢𑐷𑐫 𑐖𑐮𑐰𑐵𑐫𑐸𑐫𑐵 𑐎𑐵𑐬𑐞𑑄 𑐕𑐐𑐹 𑐩𑐹 𑐎𑐺𑐲𑐶 𑐣𑐶𑐬𑑂𑐫𑐵𑐟𑐎 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐠𑐸𑐎𑐶𑐫𑐵 𑐀𑐬𑑂𑐠𑐟𑐣𑑂𑐟𑑂𑐬 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐩𑐢𑑂𑐫𑐣𑐶𑐳𑐾𑑄 𑐧𑐸𑐮𑐸𑐴𑐸𑑃 𑐰𑐶𑐰𑐶𑐢𑐟𑐵 𑐥𑑂𑐬𑐵𑐥𑑂𑐟 𑐖𑐹𑐐𑐸 𑐡𑐸। 𑐰𑐬𑑂𑐟𑐩𑐵𑐣𑐫𑑂 𑐥𑐬𑑂𑐫𑐚𑐣 𑐰 𑐳𑐿𑐣𑑂𑐫 𑐥𑑂𑐬𑐟𑐶𑐬𑐎𑑂𑐲𑐵 𑐣𑐶𑐐𑐸 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐎𑑂𑐲𑐾𑐟𑑂𑐬 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐠𑑂𑐰 𑐬𑐵𑐖𑑂𑐫𑑄 𑐠𑑅𑐐𑐸 𑐰𑐶𑐰𑐶𑐢 𑐥𑑂𑐬𑐵𑐎𑐺𑐟𑐶𑐎 𑐡𑐺𑐱𑑂𑐫, 𑐮𑐸𑐩𑐸𑐐𑐸 𑐄𑐲𑑂𑐞𑐎𑐚𑐶𑐧𑑄𑐢𑐷𑐫 𑐖𑐮𑐰𑐵𑐫𑐸, 𑐥𑑂𑐬𑐔𑐸𑐬 𑐩𑐵𑐟𑑂𑐬𑐵𑐫𑑂 𑐳𑐵𑐬𑑂𑐰𑐖𑐣𑐶𑐎 𑐳𑐩𑐸𑐡𑑂𑐬𑐷 𑐟𑐚, 𑐳𑐩𑐸𑐡𑑂𑐬𑐷 𑐥𑐬𑐶𑐰𑐾𑐱, 𑐳𑐎𑑂𑐬𑐶𑐫 𑐖𑑂𑐰𑐵𑐮𑐵𑐩𑐸𑐏𑐷, 𑐰 𑐧𑐶𑐐 𑐁𑐂𑐮𑑂𑐫𑐵𑐞𑑂𑐜𑐫𑑂 𑐫𑐔𑐸𑐐𑐸 𑐳𑐬𑑂𑐐𑐟𑑄 𑐥𑐵𑐴𑐵𑑄, 𑐳𑐬𑑂𑐦𑐬 𑐰 𑐰𑐿𑐖𑑂𑐘𑐵𑐣𑐶𑐎𑐟𑐾𑐟 𑐁𑐎𑐬𑑂𑐲𑐶𑐟 𑐫𑐵𑐂। 𑐴𑐰𑐵𑐃𑐂 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐥𑑂𑐬𑐱𑐵𑐣𑑂𑐟 𑐦𑑂𑐮𑐶𑐚, 𑐴𑐮𑐶𑐩𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐣𑑁𑐳𑐾𑐣𑐵 𑐎𑐩𑐵𑐞𑑂𑐜, 𑐣𑐵𑐥𑑄 𑐬𑐎𑑂𑐲𑐵 𑐰𑐶𑐨𑐵𑐐𑐫𑐵 𑑗𑑕,𑑐𑑐𑑐 𑐎𑐬𑑂𑐩𑐔𑐵𑐬𑐷 𑐡𑐸। 𑐴𑐰𑐵𑐃𑐫𑐵 𑐡𑐸𑐬𑑂𑐐𑐩𑐟𑐵𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐀𑐩𑐾𑐬𑐶𑐎𑐵𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐩𑑂𑐰𑐵𑐫𑐾𑐟 𑐩𑐵𑑅𑐐𑐸 𑐏𑐬𑑂𑐔 𑐠𑐣 𑐖𑐸𑐂। 𑐀𑐠𑐾 𑐖𑐸𑐳𑐵𑑄 𑐴𑐰𑐵𑐃 𑐳𑑂𑐰𑑄𑐐𑐸𑐐𑐸 𑐡𑐎𑐮𑐫𑑂 𑐢𑐣𑐷 𑐬𑐵𑐖𑑂𑐫 𑐏 𑐰 𑐠𑐣𑐫𑐵 𑐩𑐣𑐸𑐟𑐾𑐐𑐸 𑐁𑐫𑐸 𑐀𑐩𑐾𑐬𑐶𑐎𑐵𑐫𑐵 𑐕𑐸𑑄 𑐣𑑄 𑐬𑐵𑐖𑑂𑐫 𑐳𑑂𑐰𑐫𑐵 𑐡𑐎𑐮𑐫𑑂 𑐟𑐵𑑅𑐴𑐵𑐎𑑅𑐐𑐸 𑐡𑐸 (𑑘𑑐.𑑗 𑐡𑑃)।
𑐂𑐟𑐶𑐴𑐵𑐳
[सम्पादन]𑐠𑑂𑐰 𑐬𑐵𑐖𑑂𑐫 𑐣𑑂𑐴𑐵𑐥𑐵 𑐕𑐐𑐹 𑐳𑑂𑐰𑐢𑐷𑐣 𑐬𑐵𑐖𑐟𑐣𑑂𑐟𑑂𑐬 𑐖𑐸𑐫𑐵𑐔𑑂𑐰𑐣। 𑐳𑐣𑑂 𑑑𑑗𑑘𑑐 𑐣𑐶𑐳𑐾𑑄 𑑑𑑗𑑙𑑐𑐫𑐵 𑐡𑐱𑐎𑐫𑑂 𑐖𑐸𑐖𑐸 𑐎𑐵𑐩𑐾𑐴𑐵𑐩𑐾𑐴𑐵𑑄 𑐠𑑂𑐰 𑐬𑐵𑐖𑑂𑐫 𑐡𑐹𑐐𑐸 𑐠𑐵𑐳𑐫𑑂 𑐴𑐰𑐵𑐂𑐂 𑐬𑐵𑐖𑐟𑐣𑑂𑐟𑑂𑐬 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮। 𑐳𑐣𑑂 𑑑𑑘𑑙𑑔𑐳 𑐠𑑂𑐰 𑐡𑐾𑐳𑑄 𑐬𑐵𑐖𑐟𑐣𑑂𑐟𑑂𑐬 𑐟𑑂𑐰𑐟𑐵 𑐐𑐞𑐟𑐣𑑂𑐟𑑂𑐬 𑐥𑐮𑐶𑐳𑑂𑐠𑐵 𑐫𑐵𑐟। 𑐠𑑂𑐰 𑐐𑐞𑐟𑐣𑑂𑐟𑑂𑐬 𑑑𑑘𑑙𑑘𑐟𑐎 𑐡𑐫𑐵𑐔𑑂𑐰𑐣। 𑐳𑐣 𑑑𑑘𑑙𑑘 𑐢𑐸𑑄𑐎𑐵 𑐠𑑂𑐰 𑐐𑐞𑐟𑐣𑑂𑐟𑑂𑐬 𑐩𑑄𑐎𑐵 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐕𑐐𑐹 𑐨𑐹𑐨𑐵𑐐 𑐖𑐸𑐮। 𑐁𑑅𑐫𑐵 𑐂𑐮𑐫𑑂 𑐠𑑂𑐰 𑐎𑑂𑐲𑐾𑐟𑑂𑐬 𑐴𑐰𑐵𑐂𑐂 𑐬𑐵𑐖𑑂𑐫𑐫𑐵 𑐬𑐸𑐥𑐫𑑂 𑐰𑐶𑐎𑐱𑐶𑐟 𑐖𑐹𑐐𑐸 𑐡𑐸।
𑐨𑐹𑐐𑑀𑐮
[सम्पादन]𑐴𑐰𑐵𑐂𑐂 𑐬𑐵𑐖𑑂𑐫𑐫𑑂 𑐠𑐷𑐠𑐷 𑐟𑐵𑐥𑐹𑐟 𑐡𑐸। 𑐠𑑂𑐰 𑐬𑐵𑐖𑑂𑐫𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐟𑐵𑐥𑐸𑐫𑐵𑐟 𑐧𑐶𑐐 𑐁𑐂𑐮𑑂𑐫𑐵𑐣𑑂𑐡 (𑐟𑑅𑐢𑑄 𑐟𑐵𑐥𑐹) 𑐢𑐵𑐂। 𑐴𑐰𑐵𑐂𑐂 𑐬𑐵𑐖𑑂𑐫𑐫𑐵 𑐣𑐵𑑄 𑐠𑑂𑐰 𑐴𑐾 𑐟𑐵𑐥𑐹𑐫𑐵 𑐣𑐵𑐩𑑄 𑐰𑑅𑐐𑐸 𑐏। 𑐠𑑂𑐰 𑐬𑐵𑐖𑑂𑐫𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐟𑐵𑐥𑐹 𑐌𑐁𑐴𑐸 𑐏। 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐴𑑅𑐣𑐵𑐮𑐸𑐮𑐸 𑐠𑑂𑐰 𑐴𑐾 𑐟𑐵𑐥𑐹𑐂 𑐮𑐵। 𑐬𑐵𑐖𑑂𑐫𑐫𑐵 𑐩𑐹 𑐟𑐵𑐥𑐹𑐟 𑐣𑐶𑐂𑐴𑐵𑐄(Niʻihau), 𑐎𑐰𑐵𑐂 (Kauaʻi), 𑐌𑐁𑐴𑐸 (Oʻahu), 𑐩𑑀𑐮𑑀𑐎𑐵𑐂 (Molokaʻi), 𑐮𑐣𑐵𑐂 (Lānaʻi), 𑐎𑐵𑐴𑑀𑐌𑐮𑐵𑐰𑐾 (Kahoʻolawe), 𑐩𑐵𑐄𑐂 (Maui), 𑐰 𑐴𑐰𑐵𑐂 (Hawaiʻi) 𑐏।
𑐴𑐰𑐵𑐃𑐫𑐵 𑐩𑐹 𑑘𑐐𑐸 𑐚𑐵𑐥𑐸 𑐡𑐸। 𑑗 𑐐𑐹 𑐠𑐵𑐳𑐫𑑂 𑐩𑐣𑐹𑐟 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸, 𑐟𑐬 𑑖𑐐𑐹 𑐖𑐎 𑐥𑐬𑑂𑐫𑐚𑐎 𑐰 𑐳𑑂𑐠𑐵𑐣𑐷𑐫 𑐩𑐣𑐹𑐟𑐫𑑂 𑐣𑐶𑑄𑐟𑐶𑑄 𑐏𑐸𑐮𑐵 𑐡𑐸। 𑐣𑐶𑐂𑐴𑐵𑐄𑐫𑐵𑐟 𑐣𑐶𑐖𑐷 𑐬𑐸𑐥𑑄 𑐨𑐵𑐖𑐸𑐥𑐶𑑄 𑐧𑑂𑐬𑐸𑐳 𑐰 𑐎𑐷𑐠 𑐬𑑀𑐧𑐶𑐣𑑂𑐳𑐣𑑄 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐂; 𑐂𑐩𑐶𑐐𑐸 𑐀𑐣𑐸𑐩𑐟𑐶 𑐡𑐸𑐥𑐶𑑄𑐟 𑐖𑐎 𑐠𑑂𑐰 𑐚𑐵𑐥𑐸𑐂 𑐰𑐣𑐾𑐡𑐸। 𑐠𑑂𑐰 𑐚𑐵𑐥𑐸𑐂 𑐩𑐹𑐮𑐰𑐵𑐳𑐷 𑐴𑐰𑐵𑐃𑐰𑐵𑐳𑐷𑐟 𑐣𑑄 𑐡𑐸। 𑐖𑐣𑐳𑑄𑐏𑑂𑐫𑐵 𑐩𑐡𑐸𑐐𑐸 𑐎𑐵𑐴𑑀𑐌𑐮𑐵𑐰𑐾 𑐚𑐵𑐥𑐸𑐂 𑐣𑑄 𑐡𑐸𑐴𑐵𑑄 𑐰𑐣𑐾𑐟 𑐥𑑂𑐬𑐟𑐶𑐧𑐣𑑂𑐢 𑐟𑐫𑐵𑐟𑑅𑐐𑐸 𑐡𑐸𑐳𑐵 𑐳𑐸𑑄 𑐣𑑄 𑐀𑐣𑐸𑐩𑐟𑐶 𑐩𑐎𑐵𑐳𑐾 𑐡𑐸𑐴𑐵𑑄 𑐰𑑅𑐳𑐵 𑐰𑐫𑐵𑐟 𑐐𑐶𑐬𑐦𑑂𑐟𑐵𑐬 𑐫𑐵𑐂𑐐𑐸 𑐖𑐸𑐂। 𑐠𑑂𑐰 𑐚𑐵𑐥𑐸 𑐰𑐶𑐱𑑂𑐰𑐫𑐸𑐡𑑂𑐢𑐫𑐵 𑐂𑐮𑐫𑑂 𑐳𑐿𑐣𑐶𑐎 𑐀𑐜𑑂𑐜𑐵 𑐖𑐹𑐐𑐸𑐮𑐶𑑄 𑐀𑐗 𑐣𑑄 𑐰𑐶𑐳𑑂𑐦𑑀𑐚 𑐩𑐖𑐹𑐐𑐸 𑐧𑐩 𑐡𑐫𑐾𑐦𑐸𑐐𑐸𑐮𑐶𑑄 𑐠𑑂𑐰 𑐚𑐵𑐥𑐸 𑐏𑐟𑐬𑐣𑐵𑐎 𑐖𑐸𑐂𑐦𑐸 ।
| 𑐚𑐵𑐥𑐸 | 𑐄𑐥𑐣𑐵𑐩 | 𑐎𑑂𑐲𑐾𑐟𑑂𑐬 | 𑐖𑐣𑐳𑑄𑐏𑑂𑐫𑐵 (𑑒𑑐𑑒𑑐 𑐎𑐠𑑄) | 𑐑𑐣𑐟𑑂𑐰 | 𑐡𑐎𑐮𑐫𑑂 𑐟𑑅𑐖𑐵𑑅𑐐𑐸 𑐔𑑂𑐰𑐎𑐵 | 𑐡𑐎𑐮𑐫𑑂 𑐟𑑅𑐖𑐵𑑅𑐐𑐸 𑐖𑐵𑑅 | 𑐁𑐫𑐸 (𑐩𑐾𑐐𑐵-𑐊𑐣𑐩) | 𑐎𑑀𑐀𑐬𑑂𑐡𑐶𑐣𑐾𑐟 |
|---|---|---|---|---|---|---|---|---|
| 𑐴𑐰𑐵𑐃 | 𑐟𑑅𑐢𑑄𑐐𑐸 𑐚𑐵𑐥𑐸 | 𑑔,𑑐𑑒𑑘.𑑐 𑐰𑐬𑑂𑐐 𑐩𑐵𑐂𑐮 (𑑑𑑐,𑑔𑑓𑑒.𑑕 𑐎𑐶𑐩𑐶 𑑒 ) | 𑑒𑑐𑑐,𑑖𑑒𑑙 | 𑑔𑑙.𑑘/𑐰𑐬𑑂𑐐 𑐩𑐵𑐂𑐮 (𑑑𑑙.𑑒/𑐎𑐶𑐩𑐶 𑑒 ) | 𑐩𑑁𑐣𑐵 𑐎𑐾𑐁 | 𑑑𑑓,𑑗𑑙𑑖 𑐦𑐶𑐚 (𑑔,𑑒𑑐𑑕 𑐩𑐶𑐚𑐬) | 𑑐.𑑔 | 𑑑𑑙°𑑓𑑔'𑐄𑐟𑑂𑐟𑐬 𑑑𑑕𑑕°𑑓𑑐'𑐥𑐱𑑂𑐔𑐶𑐩 |
| 𑐩𑐵𑐄𑐂 | 𑐡 𑐨𑑂𑐫𑐵𑐮𑐷 𑐁𑐂𑐮 | 𑑗𑑒𑑗.𑑒 𑐰𑐬𑑂𑐐 𑐩𑐵𑐂𑐮 (𑑑,𑑘𑑘𑑓.𑑔 𑐎𑐶𑐩𑐶 𑑒 ) | 𑑑𑑖𑑔,𑑒𑑒𑑑 | 𑑒𑑒𑑕.𑑘/𑐰𑐬𑑂𑐐 𑐩𑐵𑐂𑐮 (𑑘𑑗.𑑒/𑐎𑐶𑐩𑐶 𑑒 ) | 𑐴𑐮𑐾𑐀𑐎𑐮𑐵 | 𑑑𑑐,𑑐𑑒𑑓 𑐦𑐶𑐚 (𑑓,𑑐𑑕𑑕 𑐩𑐶𑐚𑐬) | 𑑑.𑑓–𑑐.𑑘 | 𑑒𑑐°𑑔𑑘'𑐄𑐟𑑂𑐟𑐬 𑑑𑑕𑑖°𑑒𑑐'𑐥𑐱𑑂𑐔𑐶𑐩 |
| 𑐌𑐁𑐴𑐸 | 𑐩𑐸𑐣𑐾𑐐𑐸 𑐠𑐵𑐫𑑂 | 𑑕𑑙𑑖.𑑗 𑐰𑐬𑑂𑐐 𑐩𑐵𑐂𑐮 (𑑑,𑑕𑑔𑑕.𑑔 𑐎𑐶𑐩𑐶 𑑒 ) | 𑑑,𑑐𑑑𑑖,𑑕𑑐𑑘 | 𑑑,𑑗𑑐𑑓.𑑕/𑐰𑐬𑑂𑐐 𑐩𑐵𑐂𑐮 (𑑖𑑕𑑗.𑑗/𑐎𑐶𑐩𑐶 𑑒 ) | 𑐩𑐵𑐄𑐣𑑂𑐚 𑐎𑐵𑐁𑐮𑐵 | 𑑔,𑑐𑑐𑑓 𑐦𑐶𑐚 (𑑑,𑑒𑑒𑑐 𑐩𑐶𑐚𑐬) | 𑑓.𑑗–𑑒.𑑖 | 𑑒𑑑°𑑒𑑘'𑐄𑐟𑑂𑐟𑐬 𑑑𑑕𑑗°𑑕𑑙'𑐥𑐱𑑂𑐔𑐶𑐩 |
| 𑐎𑐵𑐄𑐁𑐂 | 𑐡 𑐐𑐵𑐬𑑂𑐜𑐾𑐣 𑐁𑐂𑐮 | 𑑕𑑕𑑒.𑑓 𑐰𑐬𑑂𑐐 𑐩𑐵𑐂𑐮 (𑑑,𑑔𑑓𑑐.𑑕 𑐎𑐶𑐩𑐶 𑑒 ) | 𑑗𑑓,𑑒𑑙𑑘 | 𑑑𑑓𑑒.𑑗/𑐰𑐬𑑂𑐐 𑐩𑐵𑐂𑐮 (𑑕𑑑.𑑒/𑐎𑐶𑐩𑐶 𑑒 ) | 𑐎𑐵𑐰𑐿𑐎𑐶𑐣𑐷 | 𑑕,𑑒𑑔𑑓 𑐦𑐶𑐚 (𑑑,𑑕𑑙𑑘 𑐩𑐶𑐚𑐬) | 𑑕.𑑑 | 𑑒𑑒°𑑐𑑕'𑐄𑐟𑑂𑐟𑐬 𑑑𑑕𑑙°𑑓𑑐'𑐥𑐱𑑂𑐔𑐶𑐩 |
| 𑐩𑑀𑐮𑑀𑐎𑐵𑐂 | 𑐩𑐿𑐟𑑂𑐬𑐷𑐥𑐹𑐬𑑂𑐞 𑐚𑐵𑐥𑐸 | 𑑒𑑖𑑐.𑑐 𑐰𑐬𑑂𑐐 𑐩𑐵𑐂𑐮 (𑑖𑑗𑑓.𑑔 𑐎𑐶𑐩𑐶 𑑒 ) | 𑑗,𑑓𑑔𑑕 | 𑑒𑑘.𑑓/𑐰𑐬𑑂𑐐 𑐩𑐵𑐂𑐮 (𑑑𑑐.𑑙/𑐎𑐶𑐩𑐶 𑑒 ) | 𑐎𑐵𑐩𑐵𑐎𑑁 | 𑑔,𑑙𑑖𑑑 𑐦𑐶𑐚 (𑑑,𑑕𑑑𑑒 𑐩𑐶𑐚𑐬) | 𑑑.𑑙–𑑑.𑑘 | 𑑒𑑑°𑑐𑑘′ 𑐄𑐟𑑂𑐟𑐬 𑑑𑑕𑑗°𑑐𑑒′ 𑐥𑐱𑑂𑐔𑐶𑐩 |
| 𑐮𑐵𑐣𑐵𑐂 | 𑐔𑐶𑐔𑐵 𑐎𑑄𑐳𑐶 𑐚𑐵𑐥𑐸 | 𑑑𑑔𑑐.𑑕 𑐰𑐬𑑂𑐐 𑐩𑐵𑐂𑐮 (𑑓𑑖𑑓.𑑙 𑐎𑐶𑐩𑐶 𑑒 ) | 𑑓,𑑓𑑖𑑗 | 𑑒𑑔.𑑐/𑐰𑐬𑑂𑐐 𑐩𑐵𑐂𑐮 (𑑙.𑑓/𑐎𑐶𑐩𑐶 𑑒 ) | 𑐮𑐵𑐣𑐵𑐂𑐴𑐵𑐮𑐾 | 𑑓,𑑓𑑖𑑖 𑐦𑐶𑐚 (𑑑,𑑐𑑒𑑖 𑐩𑐶𑐚𑐬) | 𑑑.𑑓 | 𑑒𑑐°𑑕𑑐'𑐄𑐟𑑂𑐟𑐬 𑑑𑑕𑑖°𑑕𑑖'𑐥𑐱𑑂𑐔𑐶𑐩 |
| 𑐣𑐶𑐂𑐴𑐵𑐄 | 𑐣𑐶𑐲𑐾𑐢𑐶𑐟 𑐚𑐵𑐥𑐸 | 𑑖𑑙.𑑕 𑐰𑐬𑑂𑐐 𑐩𑐵𑐂𑐮 (𑑑𑑘𑑐.𑑐 𑐎𑐶𑐩𑐶 𑑒 ) | 𑑘𑑔 | 𑑑.𑑒/𑐰𑐬𑑂𑐐 𑐩𑐵𑐂𑐮 (𑑐.𑑕/𑐎𑐶𑐩𑐶 𑑒 ) | 𑐥𑐵𑐣𑐶𑐁𑐄 𑐥𑐬𑑂𑐰𑐟 | 𑑑,𑑒𑑕𑑐 𑐦𑐶𑐚 (𑑓𑑘𑑑 𑐩𑐶𑐚𑐬) | 𑑔.𑑙 | 𑑒𑑑°𑑕𑑔'𑐄𑐟𑑂𑐟𑐬 𑑑𑑖𑑐°𑑑𑑐'𑐥𑐱𑑂𑐔𑐶𑐩 |
| 𑐎𑐵𑐴𑑀𑐌𑐮𑐵𑐰𑐾 | 𑐡 𑐚𑐵𑐬𑑂𑐐𑐾𑐚 𑐁𑐂𑐮 | 𑑔𑑔.𑑖 𑐰𑐬𑑂𑐐 𑐩𑐵𑐂𑐮 (𑑑𑑑𑑕.𑑕 𑐎𑐶𑐩𑐶 𑑒 ) | 𑑐 | 𑑐/𑐰𑐬𑑂𑐐 𑐩𑐵𑐂𑐮 (𑑐/𑐎𑐶𑐩𑐶 𑑒 ) | 𑐥𑐸𑐄 𑐩𑑀𑐄𑐮𑐵𑐣𑐸𑐂 | 𑑑,𑑔𑑘𑑓 𑐦𑐶𑐚 (𑑔𑑕𑑒 𑐩𑐶𑐚𑐬) | 𑑑.𑑐 | 𑑒𑑐°𑑓𑑓'𑐄𑐟𑑂𑐟𑐬 𑑑𑑕𑑖°𑑓𑑖'𑐥𑐱𑑂𑐔𑐶𑐩 |
𑐚𑑀𑐥𑑀𑐐𑑂𑐬𑐵𑐦𑐷
[सम्पादन]
𑐴𑐰𑐵𑐃𑐫𑐵 𑐡𑑂𑐰𑐷𑐥𑐳𑐩𑐹𑐴 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐡𑐎𑑂𑐲𑐶𑐞𑐥𑐱𑑂𑐔𑐶𑐩𑐫𑑂 𑑒𑑐𑑐𑑐 𑐩𑐵𑐂𑐮 (𑑓𑑒𑑐𑑐 𑐎𑐶.𑐩𑐶.) 𑐟𑐵𑐥𑐵𑐎𑑂𑐎 𑐮𑐵। 𑐴𑐰𑐵𑐃 𑐀𑐩𑐾𑐬𑐶𑐎𑐵𑐫𑐵 𑐡𑐎𑐮𑐫𑑂 𑐡𑐎𑑂𑐲𑐶𑐞𑐷 𑐬𑐵𑐖𑑂𑐫 𑐏 𑐰 𑐀𑐮𑐵𑐳𑑂𑐎𑐵 𑐢𑐸𑑄𑐎𑐵 𑐡𑐎𑐮𑐫𑑂 𑐥𑐱𑑂𑐔𑐶𑐩𑐷 𑐬𑐵𑐖𑑂𑐫 𑐏। 𑐀𑐮𑐵𑐳𑑂𑐎𑐵 𑐠𑐾𑑄 𑐴𑐰𑐵𑐃𑐫𑐵 𑐣𑑄 𑐀𑐩𑐾𑐬𑐶𑐎𑐵𑐫𑐵 𑐩𑐾𑐐𑐸 𑐕𑐸𑑄 𑐣𑑄 𑐬𑐵𑐖𑑂𑐫𑐫𑐵 𑐳𑐷𑐩𑐵 𑐩𑐡𑐸। 𑐠𑑂𑐰 𑐄𑐟𑑂𑐟𑐬 𑐀𑐩𑐾𑐬𑐶𑐎𑐵𑐫𑑂 𑐩𑐡𑐸𑐐𑐸 𑐕𑐐𑐹 𑐖𑐎𑑂𑐎 𑐀𑐩𑐾𑐬𑐶𑐎𑐷 𑐬𑐵𑐖𑑂𑐫 𑐏, 𑐰 𑐠𑑂𑐰 𑐕𑐐𑐹 𑐖𑐎𑑂𑐎 𑐥𑐹𑐬𑑂𑐞 𑐬𑐸𑐥𑑄 𑐮𑑅𑐫𑐵 𑐑𑐾𑐬𑐵𑐫𑑂 𑐮𑐵𑑅𑐐𑐸 𑐰 𑐥𑐹𑐬𑑂𑐞 𑐬𑐸𑐥𑑄 𑐡𑑂𑐰𑐷𑐥𑐳𑐩𑐹𑐴 𑐏।
𑐠𑑂𑐰 𑐬𑐵𑐖𑑂𑐫𑐫𑑂 𑑘𑐐𑐸 𑐩𑐹 𑐚𑐵𑐥𑐸𑐫𑐵 𑐣𑐵𑐥𑑄 𑐫𑐎𑑂𑐰 𑐔𑐶𑐢𑑄𑐐𑐸 𑐚𑐵𑐥𑐸 𑐰 𑐚𑐵𑐥𑐸𑐟 𑐡𑐸। 𑐎𑐵𑐄𑐮𑐵 𑐣𑐶𑐂𑐴𑐵𑐄𑐫𑐵 𑐮𑐶𑐎𑑂𑐎𑐳𑑄 𑐔𑑂𑐰𑑄𑐐𑐸 𑐕𑐐𑐹 𑐔𑐶𑐢𑑄𑐐𑐸 𑐚𑐵𑐥𑐸 𑐏𑑅। 𑐄𑐟𑑂𑐟𑐬𑐥𑐱𑑂𑐔𑐶𑐩𑐷 𑐴𑐰𑐵𑐃 𑐚𑐵𑐥𑐸 𑐎𑐵𑐄𑐁𑐂𑐫𑐵 𑐄𑐟𑑂𑐟𑐬𑐥𑐱𑑂𑐔𑐶𑐩𑐫𑑂 𑐣𑑂𑐫𑐵𑐐𑐸 𑐔𑐶𑐢𑑄𑐐𑐸, 𑐥𑐸𑐮𑐵𑑄𑐐𑐸 𑐚𑐵𑐥𑐸𑐫𑐵 𑐕𑐐𑐹 𑐥𑐸𑐔𑑅 𑐡𑐸 𑐐𑐸𑐎𑐶𑐮𑐶 𑐣𑐶𑐴𑑀𑐁 𑐣𑐶𑐳𑐾𑑄 𑐎𑐸𑐬𑐾 𑐊𑐚𑑀𑐮 𑐟𑐎𑑂𑐎 𑐮𑐵; 𑐠𑐸𑐥𑐶𑑄 𑐕𑐐𑐹 𑐂𑐮𑐫𑑂 𑐫𑐎𑑂𑐰 𑐟𑑅𑐢𑑄𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐐𑐸𑑃𑐔𑑂𑐰𑐫𑐵 𑐀𑐰𑐱𑐾𑐲 𑐏𑑅। 𑐡𑑂𑐰𑐷𑐥𑐳𑐩𑐹𑐴 𑐥𑐸𑐮𑐾𑐢𑐸𑑄𑐎𑐵 𑐎𑐬𑐶𑐧 𑑑𑑓𑑐 𑐔𑐶𑐢𑑄𑐐𑐸 𑐔𑐚𑑂𑐚𑐵𑐣 𑐰 𑐚𑐵𑐥𑐸𑐟 𑐡𑐸, 𑐡𑐳𑐸 𑐩𑑀𑐮𑑀𑐎𑐶𑐣𑐷, 𑐐𑐸𑐎𑐶𑐮𑐶 𑐖𑑂𑐰𑐵𑐮𑐵𑐩𑐸𑐏𑐷𑐫 𑐰𑐵 𑐳𑐩𑐸𑐡𑑂𑐬𑐷 𑐳𑐾𑐡𑐶𑐩𑐾𑐣𑑂𑐟𑐬𑐷 𑐔𑐚𑑂𑐚𑐵𑐣𑑄 𑐡𑐫𑐾𑐎𑐵 𑐟𑑅𑐐𑐸 𑐡𑐸।
𑐴𑐰𑐵𑐃𑐫𑐵 𑐡𑐎𑐮𑐫𑑂 𑐟𑐖𑐵𑑅𑐐𑐸 𑐔𑑂𑐰𑐎𑐵 𑐩𑑁𑐣𑐵 𑐎𑐾𑐁 𑐍𑐳𑐟 𑐳𑐩𑐸𑐡𑑂𑐬 𑐳𑐟𑐴 𑐳𑑂𑐰𑐫𑐵 𑑑𑑓,𑑗𑑙𑑖 𑐦𑐶𑐚 (𑑔,𑑒𑑐𑑕 𑐩𑐶𑐚𑐬) 𑐔𑑂𑐰𑐫𑑂 𑐮𑐵; 𑐠𑑂𑐰 𑐔𑑂𑐰𑐎𑐵 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑐵 𑐟𑐮𑐫𑑂 𑐮𑐵 𑐰 𑐎𑐬𑐶𑐧 𑑓𑑓,𑑕𑑐𑑐 𑐦𑐶𑐚 (𑑑𑑐,𑑒𑑐𑑐 𑐩𑐶𑐚𑐬) 𑐟𑐖𑐵𑑅𑐐𑐸 𑐠𑑂𑐰 𑐥𑐬𑑂𑐰𑐟𑐫𑐵 𑐁𑐢𑐵𑐬𑑄 𑐩𑐵𑐥𑐣 𑐫𑐵𑐟 𑐢𑐵𑑅𑐳𑐵 𑐠𑑂𑐰 𑐥𑐬𑑂𑐰𑑅 𑐳𑐐𑐬𑐩𑐵𑐠𑐵 𑐳𑑂𑐰𑐫𑐵 𑐟𑐖𑐵𑑅।
𑐨𑐹𑐐𑐬𑑂𑐨
[सम्पादन]
𑐴𑐰𑐵𑐃𑐫𑐵 𑐚𑐵𑐥𑐸𑐟 𑐴𑐰𑐵𑐃 𑐴𑐚𑐳𑑂𑐥𑐚 𑐢𑐵𑑅𑐐𑐸 𑐳𑐩𑐸𑐡𑑂𑐬𑐫𑐵 𑐡𑐸𑐣𑐾𑐫𑐵 𑐩𑑂𑐫𑐵𑐐𑑂𑐩𑐵 𑐳𑑂𑐬𑑀𑐟𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐰𑐵𑐮𑐵𑐩𑐸𑐏𑐷𑐫𑐵 𑐐𑐟𑐶𑐰𑐶𑐢𑐶𑑄 𑐡𑐫𑐾𑐎𑐹𑐐𑐸 𑐏𑑅। 𑐚𑐵𑐥𑐸 𑐡𑐫𑐾𑐎𑐾𑐐𑐸 𑐥𑑂𑐬𑐎𑑂𑐬𑐶𑐫𑐵 𑐰𑐬𑑂𑐟𑐩𑐵𑐣𑐫𑑂 𑐣𑑄 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸; 𑐥𑑂𑐬𑐱𑐵𑐣𑑂𑐟 𑐩𑐴𑐵𑐳𑐵𑐐𑐬𑐫𑐵 𑐫𑐎𑑂𑐰 𑐨𑐵𑐐𑐫𑐵 𑐎𑑂𑐰𑐫𑑂 𑐔𑑂𑐰𑑄𑐐𑐸 𑐚𑐾𑐎𑑂𑐚𑑀𑐣𑐶𑐎 𑐥𑑂𑐮𑐾𑐚 𑐣𑐶𑐬𑐣𑑂𑐟𑐬 𑐬𑐸𑐥𑑄 𑐄𑐟𑑂𑐟𑐬𑐥𑐱𑑂𑐔𑐶𑐩𑐥𑐵𑐏𑐾 𑐣𑑂𑐴𑑂𑐫𑐵𑐣𑐵𑐔𑑂𑐰𑐣𑐶 𑐰 𑐴𑐚𑐳𑑂𑐥𑐚 𑐢𑐵𑑅𑐳𑐵 𑐳𑑂𑐠𑐶𑐬 𑐖𑐸𑐫𑐵𑐔𑑂𑐰𑐣𑐶, 𑐐𑐸𑐎𑐶𑐮𑐶𑑄 𑐧𑐸𑐮𑐸𑐴𑐸𑑃 𑐣𑑂𑐴𑐸𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐡𑐫𑐾𑐎𑐶। 𑐴𑐚𑐳𑑂𑐥𑐚𑐫𑐵 𑐠𑐵𑐫𑑂 𑐫𑐵 𑐎𑐵𑐬𑐞𑑄 𑐳𑐎𑐮 𑐳𑐎𑑂𑐬𑐶𑐫 𑐨𑐹𑐩𑐶 𑐖𑑂𑐰𑐵𑐮𑐵𑐩𑐸𑐏𑐷 𑐴𑐰𑐵𑐃 𑐚𑐵𑐥𑐸𑐫𑐵 𑐡𑐎𑑂𑐲𑐶𑐞𑐷 𑐨𑐵𑐐𑐫𑑂 𑐮𑐵। 𑐡𑐎𑐮𑐫𑑂 𑐣𑑂𑐴𑐸𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐎𑐵𑐩𑐵𑐊𑐴𑐸𑐁𑐎𑐵𑐣𑐵𑐮𑑀𑐁 (𑐣𑑂𑐴𑐵𑐥𑐵𑐫𑐵 𑐮𑑀𑐂𑐴𑐷) 𑐴𑐰𑐵𑐃 𑐚𑐵𑐥𑐸𑐫𑐵 𑐟𑐚𑐫𑐵 𑐡𑐎𑑂𑐲𑐶𑐞𑐫𑑂 𑐮𑐵।
𑐴𑐰𑐵𑐃 𑐚𑐵𑐥𑐸 𑐥𑐶𑐣𑐾𑐫𑐵 𑐮𑐶𑐥𑐵𑑄𑐐𑐸 𑐖𑑂𑐰𑐵𑐮𑐵𑐩𑐸𑐏𑐷 𑐰𑐶𑐳𑑂𑐦𑑀𑐚 𑑑𑑘𑐐𑐸 𑐱𑐟𑐵𑐧𑑂𑐡𑐷 (𑐠𑐣𑐫𑐵 𑐮𑐶𑐏𑐶𑐟 𑐂𑐟𑐶𑐴𑐵𑐳𑐫𑐵 𑐫𑐸𑐐) 𑐳𑑂𑐰𑐫𑐵 𑐳𑐩𑑂𑐨𑐰𑐟𑑅 𑐳𑐮𑑄𑐳𑑅 𑐡𑑃 𑐣𑑂𑐴𑑂𑐫𑑅 𑐩𑐵𑐄𑐂𑐫𑐵 𑐴𑐮𑐾𑐀𑐎𑐵𑐮𑐵𑐫𑑂 𑐖𑐹𑐐𑐸 𑐏𑑅। 𑐳𑐣𑑂 𑑑𑑗𑑙𑑐 𑐂 𑐎𑐶𑐮𑐵𑐄𑐊 𑐰𑐶𑐳𑑂𑐦𑑀𑐚 𑐖𑐸𑐮; 𑐠𑑂𑐰 𑐁𑐢𑐸𑐣𑐶𑐎 𑐫𑐸𑐐𑐫𑑂 𑐁𑑅𑐫𑐵 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐖𑐹𑐐𑐸 𑐡𑐎𑐮𑐫𑑂 𑐑𑐵𑐟𑐎 𑐰𑐶𑐳𑑂𑐦𑑀𑐚 𑐏। 𑐎𑐶𑐮𑐵𑐄𑐊𑐫𑑂 𑐖𑐸𑐮𑐸𑐳 𑐥𑐶𑐎𑐵𑐣𑐵𑐔𑑂𑐰𑑄𑐥𑐶𑑄 𑑕,𑑔𑑐𑑕 𑐫𑑀𑐡𑑂𑐢𑐵 𑐰 𑐂𑐩𑐶𑐐𑐸 𑐥𑐬𑐶𑐰𑐵𑐬 𑐟𑐎𑑂𑐎 𑐠𑑂𑐰 𑐰𑐶𑐳𑑂𑐦𑑀𑐚𑑄 𑐳𑐷𑐐𑐸 𑐏। 𑐖𑑂𑐰𑐵𑐮𑐵𑐩𑐸𑐏𑐷𑐫𑐵 𑐐𑐟𑐶𑐰𑐶𑐢𑐶 𑐰 𑐰𑐫𑐵𑑄 𑐮𑐶𑐥𑐵𑐫𑐵 𑐎𑑂𑐲𑐬𑐞𑑄 𑐥𑑂𑐬𑐨𑐵𑐰𑐱𑐵𑐮𑐷 𑐨𑐹𑐐𑐬𑑂𑐨𑐷𑐫 𑐰𑐶𑐱𑐾𑐲𑐟𑐵 𑐡𑐫𑐾𑐎𑐹𑐐𑐸 𑐡𑐸। 𑐴𑐰𑐵𑐃 𑐚𑐵𑐥𑐸𑐂 𑐴𑐮𑐶𑐩𑐫𑐵 𑐚𑐵𑐥𑐸𑐟 𑐩𑐢𑑂𑐫𑐾 𑐣𑐶𑐐𑐹𑐐𑐸 𑐡𑐎𑐮𑐫𑑂 𑐟𑐖𑐵𑑅𑐐𑐸 𑐔𑑂𑐰𑐎𑐵 𑐮𑐵।
𑐠𑐣 𑐖𑑂𑐰𑐵𑐮𑐵𑐩𑐸𑐏𑐷𑐫𑐵 𑐗𑑂𑐰𑐮𑐫𑑂 𑐝𑐮𑐵𑐣𑐫𑐵 𑐀𑐳𑑂𑐠𑐶𑐬𑐟𑐵𑑄 𑐴𑐵𑐣𑐶𑐎𑐵𑐬𑐎 𑐨𑐸𑐏𑐵𑐫𑑂 𑐰 𑐳𑑂𑐰𑐵𑐥𑐹 𑐡𑐹𑐐𑐸 𑐳𑐸𑐣𑐵𑐩𑐷 𑐄𑐟𑑂𑐥𑐣𑑂𑐣 𑐫𑐵𑑅𑐐𑐸 𑐡𑐸। 𑐠𑐸𑐎𑐶𑐫𑐵 𑐡𑐳𑐸 𑐰𑐶𑐱𑐾𑐲 𑐫𑐵𑐣𑐵𑑅 𑑑𑑘𑑖𑑘 𑐰 𑑑𑑙𑑗𑑕 𑐫𑑂 𑐏𑐣𑐾𑐡𑐟।
𑐎𑐶𑐮𑐵𑐄𑐊𑐫𑐵 𑐖𑑂𑐰𑐵𑐮𑐵𑐩𑐸𑐏𑐷 𑐩𑐾 𑑒𑑐𑑑𑑘 𑐫𑑂 𑐥𑐹𑐬𑑂𑐰𑐷 𑐨𑐵𑐐𑐫𑑂 𑐰𑐶𑐳𑑂𑐦𑑀𑐚 𑐖𑐸𑐮। 𑐮𑐾𑐂𑐮𑐵𑐣𑐷𑐂𑐳𑑂𑐚𑐾𑐚𑐰 𑐮𑐵𑐣𑐶𑐥𑐸𑐣𑐵 𑐐𑐵𑐬𑑂𑐜𑐾𑐣 𑐠𑑂𑐰 𑐨𑐹𑐨𑐵𑐐𑐫𑑂 𑐮𑐵। 𑐰𑐶𑐳𑑂𑐦𑑀𑐚𑑄 𑐎𑐩𑑂𑐟𑐷 𑐣𑑄 𑑓𑑖 𑐐𑐹 𑐨𑐰𑐣 𑐳𑑂𑐫𑑄𑐎𑐹𑐐𑐸 𑐏𑑅𑐳𑐵 𑐠𑑂𑐰 𑐣𑐵𑐥𑑄 𑐮𑐵𑐨𑐵𑐫𑐵 𑐥𑑂𑐬𑐰𑐵𑐴 𑐰 𑐳𑐮𑑂𑐦𑐬 𑐜𑐵𑐂𑐀𑐎𑑂𑐳𑐵𑐂𑐜𑐫𑐵 𑐎𑐸𑑃𑐫𑐵 𑐎𑐵𑐬𑐞𑑄 𑑒𑑐𑑐𑑐 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐩𑐣𑐹𑐟𑐫𑑂𑐟 𑐠𑑅𑐐𑐸 𑐟𑑂𑐰𑐵𑐮𑑄 𑐥𑐶𑐣𑐾 𑐫𑑄𑐎𑐾𑐩𑐵𑑅𑐐𑐸 𑐁𑐰𑐱𑑂𑐫𑐎𑐟𑐵 𑐧𑑂𑐰𑐮𑐣 ।
𑐀𑐬𑑂𑐠𑐟𑐣𑑂𑐟𑑂𑐬
[सम्पादन]𑐠𑑂𑐰 𑐬𑐵𑐖𑑂𑐫𑐫𑑂 𑐥𑐬𑑂𑐫𑐚𑐣, 𑐧𑐸𑑄𑐖𑑂𑐫𑐵, 𑐄𑐳𑐵𑑃𑐫𑑂, 𑐳𑐿𑐣𑑂𑐫 𑐁𑐡𑐶 𑐄𑐡𑑂𑐫𑑀𑐐 𑐡𑐸।
𑐮𑐶𑐢𑑄𑐳𑐵
[सम्पादन]- ↑ Cite error: Invalid
<ref>tag; no text was provided for refs namedPopEstUS - ↑ Is Hawaii a Part of Oceania or North America? (January 12, 2018).
𑐳𑑂𑐰𑐫𑐵 𑐡𑐶𑐳𑑃
[सम्पादन]𑐳𑑂𑐰𑐵𑐥𑐹 𑐡𑐸𑐐𑐸 𑐔𑑂𑐰𑐳𑐸
[सम्पादन]𑐥𑐶𑐣𑐾𑐫𑐵 𑐳𑑂𑐰𑐵𑐥𑐹𑐟
[सम्पादन] |
विकिमिडिया मंका य् थ्व विषय नाप स्वापु दुगु मिडिया दु: Hawaii |