छ्येलेमि:Eukesh/Auto/NepalScript/सिन्हः
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐳𑐶𑐣𑑂𑐴𑑅 𑐢𑐵𑑅𑐐𑐸 𑐎𑐥𑐵𑐟𑐫𑑂 𑐧𑑂𑐰𑐫𑐾𑐟 𑐟𑐂𑐐𑐸 𑐬𑑄𑐐, 𑐖𑐵𑐎𑐶 𑐁𑐡𑐶𑐫𑐵 𑐕𑐐𑐹 𑐔𑐶𑑄 𑐏। 𑐠𑑂𑐰 𑐔𑐶𑑄 𑐣𑐾𑐰𑐵𑑅 𑐟𑐖𑐶𑐮𑐖𑐶, 𑐴𑐶𑐣𑑂𑐡𑐹, 𑐧𑐸𑐡𑑂𑐢 𑐢𑐬𑑂𑐩, 𑐳𑐶𑐏 𑐰 𑐎𑐶𑐬𑐵𑐟 𑐢𑐬𑑂𑐩𑐫𑑂 𑐕𑑂𑐫𑐮𑐶𑐐𑐸 𑐫𑐵। 𑐣𑐾𑐰𑐵𑑅 𑐟𑐖𑐶𑐮𑐖𑐶𑐂 𑐕𑑂𑐫𑐾𑐮𑐶𑐐𑐸 𑐳𑐶𑐣𑑂𑐴𑑅 𑐁𑐥𑐵𑐮𑑄 𑐖𑐵𑐎𑐶 𑐳𑐶𑐣𑑂𑐴𑑅 𑐰𑐵 𑐬𑑄𑐐 𑐳𑐶𑐣𑑂𑐴𑑅 𑐖𑐸𑐂। 𑐀𑐧𑐶𑐬 𑐰 𑐠𑐷-𑐠𑐷 𑐬𑑄𑐐 𑐳𑐶𑐣𑑂𑐴𑐮𑐫𑑂 𑐟𑐫𑐾𑐐𑐸 𑐔𑐮𑐣 𑐡𑐸। 𑐩𑐶𑐳𑐵𑐟𑐾𑐳𑑄 𑐳𑐩𑐵𑑅𑐫𑐵 𑐣𑐶𑑄𑐟𑐶𑑄 𑐠𑐷𑐠𑐷 𑐎𑐠𑑄𑐫𑐵 𑐳𑐶𑐣𑑂𑐴𑑅 𑐕𑑂𑐫𑐾𑐮𑐶𑐐𑐸 𑐣𑑄 𑐫𑐵। 𑐴𑐮𑐶𑑄𑐫𑐵 𑐩𑐾𑐩𑐾𑐐𑐸 𑐠𑐵𑐳𑐫𑑂 𑐳𑐶𑐣𑑂𑐴𑑅𑐫𑐵𑐟 𑐟𑐶𑐮𑐎𑐩𑑂, 𑐟𑐶𑐮𑐎, 𑐚𑐶𑐎𑐵, 𑐧𑐶𑐣𑑂𑐡𑐶 𑐁𑐡𑐶 𑐠𑐷𑐠𑐷 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵।
𑐴𑐶𑐣𑑂𑐡𑐹 𑐢𑐬𑑂𑐩
[सम्पादन]
𑐴𑐶𑐣𑑂𑐡𑐹 𑐢𑐬𑑂𑐩𑐫𑑂 𑐳𑐶𑐣𑑂𑐴𑑅𑐫𑐵 𑐠𑐷𑐠𑐷 𑐳𑐵𑑄𑐳𑑂𑐎𑐺𑐟𑐶𑐎 𑐩𑐴𑐟𑑂𑐟𑑂𑐰 𑐡𑐸। 𑐳𑐶𑐣𑑂𑐴𑑅𑐫𑐵𑐟 𑐡𑐸𑐩𑐶𑐏𑐵 (𑐳𑑂𑐰𑑄𑐐𑐸𑐐𑐸 𑐩𑐶𑐏𑐵) 𑐡𑐹𑐐𑐸 𑐠𑐵𑐫𑑂𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। 𑐠𑐸𑐎𑐶𑐫𑐵𑐟 𑐔𑐿𑐟𑐣𑑂𑐫 𑐡𑐹𑐐𑐸 𑐠𑐵𑐫𑑂𑐫𑐵 𑐔𑐶𑑄𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। 𑐣𑐵𑐥𑑄, 𑐴𑐶𑐣𑑂𑐡𑐹 𑐢𑐬𑑂𑐩𑐫𑐵 𑐠𑐷-𑐠𑐷 𑐰𑐬𑑂𑐞, 𑐳𑐩𑑂𑐥𑑂𑐬𑐡𑐵𑐫 𑐁𑐡𑐶𑐫𑐵 𑐔𑐶𑑄𑐫𑐵 𑐬𑐸𑐥𑐫𑑂 𑐣𑑄 𑐳𑐶𑐣𑑂𑐴𑑅𑐫𑐵𑐟 𑐎𑐵𑐫𑐾𑐐𑐸 𑐫𑐵। 𑐱𑐿𑐰 𑐳𑐩𑑂𑐥𑑂𑐬𑐡𑐵𑐫𑐫𑐵 𑐴𑐶𑐣𑑂𑐡𑐹𑐟𑐾𑐳𑑄 𑐰𑐶𑐨𑐹𑐟𑐶𑐫𑐵𑐟 𑐳𑑂𑐰𑐧𑑂𑐫𑐵𑑅 𑐢𑑂𑐰𑑅 𑐳𑐵𑐮𑐵𑑅 𑐄𑐎𑐶𑐫𑐵 𑐡𑐠𑐸𑐂 𑐎𑐸𑐩𑐎𑐸𑐩𑐫𑐵 𑐦𑐸𑐟𑐶 𑐟𑐳𑐾𑑄 𑐟𑑂𑐬𑐶𑐥𑐸𑐞𑑂𑐜𑑂𑐬 𑐢𑐵𑑅𑐐𑐸 𑐳𑐶𑐣𑑂𑐴𑑅 𑐟𑐷𑐐𑐸 𑐫𑐵𑐂। 𑐰𑐿𑐲𑑂𑐞𑐰𑐟𑐾𑐳𑑄 𑐂𑐩𑐶𑐐𑐸 𑐳𑐩𑑂𑐥𑑂𑐬𑐡𑐵𑐫𑐫𑐵 𑐥𑐰𑐶𑐟𑑂𑐬 𑐏𑐸𑐳𑐶 𑐰𑐵 𑐠𑐵𑐫𑑂 𑐡𑐳𑐸 𑐰𑐺𑐣𑑂𑐡𑐵𑐰𑐣, 𑐫𑐩𑐸𑐣𑐵 𑐏𑐸𑐳𑐶 𑐁𑐡𑐶𑐫𑐵 𑐔𑐵𑐫𑐵𑐟 𑐔𑐣𑑂𑐡𑐣𑐣𑐵𑐥 𑐮𑑂𑐰𑐵𑐎𑐕𑑂𑐫𑐵𑐣𑐵 𑐣𑐶𑐴𑐵𑐎𑑅 𑐢𑑂𑐰𑑅 𑐳𑐵𑐮𑐵𑑅 𑐢𑑂𑐰𑑅𑐟𑐫𑐾𑐟 𑐎𑑂𑐰𑐳𑑄 𑐳𑑂𑐰𑐵𑐣𑐵𑑅 𑐕𑐐𑐹 "U" 𑐁𑐎𑐵𑐬𑐫𑐵 𑐳𑐶𑐣𑑂𑐴𑑅 𑐡𑐫𑐾𑐎𑐶। 𑐠𑐸𑐎𑐶𑐫𑐵𑐟 𑐅𑐬𑑂𑐢𑑂𑐰𑐥𑐸𑐞𑑂𑐜𑑂𑐬 𑐟𑐶𑐮𑐎 𑐰𑐵 𑐅𑐬𑑂𑐢𑑂𑐰𑐥𑐸𑐞𑑂𑐜𑑂𑐬 𑐳𑐶𑐣𑑂𑐴𑑅 𑐢𑐵𑐂। 𑐐𑐣𑐾𑐡𑑂𑐫𑑅𑐫𑐵 𑐨𑐎𑑂𑐟𑐟𑐾𑐳𑑄 𑐬𑐎𑑂𑐟𑐔𑐣𑑂𑐡𑐣𑐫𑐵 𑐴𑑂𑐫𑐵𑑄𑐐𑐸 𑐦𑐸𑐟𑐶𑐫𑐵 𑐳𑐶𑐣𑑂𑐴𑑅 𑐟𑐷𑐐𑐸 𑐫𑐵। 𑐱𑐵𑐎𑑂𑐟 𑐥𑐬𑐩𑑂𑐥𑐬𑐵𑐫𑐵 𑐀𑐣𑐸𑐫𑐵𑐫𑐷𑐟𑐾𑐳𑑄 𑐎𑐸𑐩𑐎𑐸𑐩𑐫𑐵 𑐴𑑂𑐫𑐵𑑄𑐐𑐸 𑐦𑐸𑐟𑐶 𑐰𑐵 𑐴𑐵𑐎𑑅 𑐢𑑂𑐰𑑅𑐫𑐵 𑐳𑐶𑐣𑑂𑐴𑑅 𑐟𑐷𑐐𑐸 𑐫𑐵।
𑐳𑐩𑐵𑑅 𑐳𑐶𑐣𑑂𑐴𑑅
[सम्पादन]
𑐳𑐶𑐣𑑂𑐴𑑅𑐫𑐵𑐟 𑐡𑐎𑑂𑐲𑐶𑐞 𑐊𑐳𑐶𑐫𑐵𑐫𑑂 𑐳𑐩𑐵𑑅𑐫𑐵 𑐬𑐸𑐥𑐫𑑂 𑐣𑑄 𑐕𑐾𑐮𑐶𑐐𑐸 𑐫𑐵। 𑐡𑐎𑑂𑐲𑐶𑐞 𑐊𑐳𑐶𑐫𑐵𑐫𑐵 𑐨𑐵𑐬𑐟, 𑐣𑐾𑐥𑐵𑑅, 𑐧𑑄𑐐𑐮𑐵𑐡𑐾𑐱, 𑐱𑑂𑐬𑐷𑐮𑐒𑑂𑐎𑐵, 𑐨𑐸𑐚𑐵𑐣 𑐰 𑐡𑐎𑑂𑐲𑐶𑐞 𑐥𑐹𑐬𑑂𑐰𑐷 𑐊𑐳𑐶𑐫𑐵𑐫𑐵 𑐩𑐮𑐾𑐳𑐶𑐫𑐵, 𑐳𑐶𑑄𑐐𑐵𑐥𑑀𑐬 𑐁𑐡𑐶 𑐠𑐵𑐳𑐫𑑂 𑐳𑐩𑐵𑑅 𑐳𑐶𑐣𑑂𑐴𑑅 𑐕𑐾𑐮𑐶𑐐𑐸 𑐫𑐵। 𑐠𑐣𑑂𑐫𑐵𑐐𑐸 𑐳𑐶𑐣𑑂𑐴𑑅 𑐴𑐶𑐣𑑂𑐡𑐷 𑐨𑐵𑐫𑑂𑐫𑐵 𑐏𑑃𑐐𑑂𑐰𑑅 "𑐧𑐶𑐣𑑂𑐡𑐶" 𑐣𑐵𑐩𑑄 𑐣𑐵𑑄𑐖𑐵𑑅। 𑐠𑑂𑐰 𑐏𑑃𑐐𑑂𑐰𑑅 𑐳𑑄𑐳𑑂𑐎𑐺𑐟𑐫𑐵 𑐏𑑃𑐐𑑂𑐰𑑅 𑐧𑐶𑐣𑑂𑐡𑐹 𑐰𑐵 𑐦𑐸𑐟𑐶 𑐏𑑃𑐐𑑂𑐰𑐮𑑄 𑐰𑑅𑐐𑐸 𑐏। 𑐥𑐬𑐩𑑂𑐥𑐬𑐵𑐐𑐟 𑐎𑐠𑑄 𑐰𑐫𑐵𑐔𑑂𑐰𑑄𑐐𑐸 𑐠𑑂𑐰 𑐳𑐩𑐵𑑅𑐖𑑂𑐫𑐵 𑐧𑐮𑐶𑐰𑐸𑐡 𑐰 𑐣𑑂𑐴𑐹𑐐𑐸 𑐨𑐵𑐬𑐟𑐷𑐫 𑐩𑐶𑐡𑐶𑐫𑐵𑐫𑐵 𑐐𑑂𑐰𑐴𑐵𑐮𑐶𑑄 𑐫𑐎𑑂𑐰 𑐥𑑂𑐬𑐔𑐮𑐶𑐟 𑐖𑐸𑐫𑐵𑐰𑑅𑐐𑐸 𑐡𑐸। 𑐳𑐩𑐵𑑅 𑐳𑐶𑐣𑑂𑐴𑑅 𑐩𑐶𑐳𑐵𑐟𑐫𑐾𑐳𑑄, 𑐰𑐶𑐱𑐾𑐲𑐫𑐵𑐣𑐵 𑐂𑐴𑐶𑐥𑐵 𑐖𑐸𑐂𑐢𑐸𑑄𑐎𑐹𑐐𑐸 𑐩𑐶𑐳𑐵𑐟𑐾𑐳𑑄, 𑐟𑐷𑐐𑐸 𑐫𑐵। 𑐠𑐣𑑂𑐫𑐵𑐐𑐸 𑐳𑐶𑐣𑑂𑐴𑑅 𑐐𑐩 𑐡𑐫𑐵𑐔𑑂𑐰𑑄𑐐𑐸 𑐳𑑂𑐟𑐶𑐎𑐬 𑐠𑐾𑑄 𑐣𑑂𑐫𑐵𑐐𑐸 𑐖𑐸𑐂। 𑐠𑐸𑐎𑐶𑐮𑐶 𑐠𑐷-𑐠𑐷 𑐎𑐠𑑄𑐫𑐵 𑐧𑑂𑐰𑑅 𑐎𑐮𑐵 𑐡𑐫𑐾𑐎𑐵𑐟𑑅𑐐𑐸 𑐡𑐂।