छ्येलेमि:Eukesh/Auto/NepalScript/विदुर नगरपालिका

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। Template:𑐣𑐾𑐥𑐵𑐫𑐵𑐐𑐸 𑐣𑐐𑐬 𑐂𑐮𑐵𑐎𑐵𑐫𑐵𑐐𑐸 𑐟𑐠𑑂𑐫𑐵𑑄𑐎

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵 𑐣𑐾𑐥𑐵𑑅𑐫𑐵 𑐧𑐵𑐐𑐩𑐟𑐷 𑐀𑐘𑑂𑐔𑐮𑐫𑐵 𑐣𑐸𑐰𑐵𑐎𑑀𑐚 𑐖𑐶𑐮𑑂𑐮𑐵𑐫𑐵 𑐕𑐐𑐹 𑐣𑐐𑐬𑐥𑐵𑐮𑐶𑐎𑐵 𑐏। 𑐠𑑂𑐰 𑐠𑐵𑐫𑑂 𑐣𑐸𑐰𑐵𑐎𑑀𑐚 𑐖𑐶𑐮𑑂𑐮𑐵𑐫𑐵 𑐳𑐡𑐬𑐩𑐸𑐎𑐵𑐩 𑐣𑑄 𑐏। 𑐠𑑂𑐰 𑐠𑐵𑐫𑑂 𑐡𑐾𑐫𑑂‌𑐫𑐵 𑐬𑐵𑐖𑐢𑐵𑐣𑐷 𑐫𑐾𑑃 𑐳𑑂𑐰𑐫𑐵 𑐄𑐟𑑂𑐟𑐬 𑐥𑐱𑑂𑐔𑐶𑐩 𑑖𑑘 𑐎𑐶॰𑐩𑐶॰𑐫𑑂 𑐮𑐵। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵 𑐟𑐟𑑂𑐎𑐵𑐮𑐷𑐣 𑐱𑑂𑐬𑐷 𑑕 𑐫𑐵 𑐳𑐬𑐎𑐵𑐬𑐫𑐵 𑐰𑐶॰𑐳𑑄॰ 𑑒𑑐𑑔𑑓, 𑐦𑐵𑐮𑑂𑐐𑐸𑐞 𑑑𑑘𑐫𑐵 𑐣𑐶𑐬𑑂𑐞𑐫 𑐎𑐠𑑄 𑐥𑐮𑐶𑐳𑑂𑐠𑐵 𑐖𑐸𑐐𑐸 𑐏। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑐵 𑐎𑑂𑐲𑐾𑐟𑑂𑐬𑐦𑐮 𑑓𑑔.𑑕𑑕 𑐰𑐬𑑂𑐐 𑐎𑐶𑐮𑑀𑐩𑐶𑐚𑐬 𑐡𑐸 𑐢𑐵𑑅𑐳𑐵 𑐠𑐣 𑑑𑑑 𑐰𑐜𑐵 𑐡𑐸।

𑐂𑐟𑐶𑐴𑐵𑐳

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵 𑐡𑐸𑐐𑐸 𑐁𑐫𑐵𑐡𑐸 𑐠𑐵𑐫𑑂 𑐩𑐮𑑂𑐮𑐎𑐵𑐮𑐫𑐵 𑐣𑐾𑐥𑐵𑐮𑐾 𑐳𑑃𑐡𑐾𑐫𑑂 𑐰 𑐥𑐱𑑂𑐔𑐶𑐩𑐷 𑐬𑐵𑐖𑑂𑐫𑐟𑐣𑐵𑐥 𑐧𑐣𑐾𑐖𑑂𑐫𑐵 𑐫𑐵𑐫𑐾𑐟 𑐡𑐾𑐎𑐵𑐟𑐐𑐸 𑐕𑐐𑐹 𑐩𑐹 𑐳𑐵𑐩𑐬𑐶𑐎 𑐎𑐶𑐮𑑂𑐮𑐵 𑐏। 𑐥𑐺𑐠𑑂𑐰𑐷𑐣𑐵𑐬𑐵𑐫𑐞 𑐱𑐵𑐴𑑄 𑐣𑐾𑐥𑐵𑑅𑐐𑐵𑐮𑐫𑑂 𑐁𑐎𑑂𑐬𑐩𑐞 𑐫𑐵𑐫𑐾 𑐣𑑂𑐴𑑂𑐫𑑅 𑐀𑐣𑐫𑐵 𑐁𑐬𑑂𑐠𑐶𑐎 𑐰𑑂𑐫𑐰𑐳𑑂𑐠𑐵 𑐥𑐬𑐳𑑂𑐟 𑐫𑐵𑐫𑐾𑐟 𑐎𑐵𑐣𑑂𑐟𑐶𑐥𑐸𑐬𑐫𑐵 𑐀𑐢𑐷𑐣𑐫𑑂 𑐡𑐸𑐐𑐸 𑐠𑑂𑐰 𑐠𑐵𑐫𑑂‌𑐫𑐵𑐟 𑐠𑐐𑐹 𑐮𑑂𑐴𑐵𑐟𑐫𑑂 𑐎𑐫𑐵𑐡𑐶𑐐𑐹 𑐂𑐟𑐶𑐴𑐵𑐳 𑐡𑐸। 𑐠𑑂𑐰 𑐠𑐵𑐳𑐫𑑂 𑐣𑐵𑑄𑐖𑐵𑐐𑐸 𑐣𑐸𑐰𑐵𑐎𑑀𑐚𑐫𑐵 𑐳𑐵𑐟𑐟𑐮𑐾 𑐡𑐬𑐧𑐵𑐬 𑐣𑐵𑐥𑑄 𑐩𑐮𑑂𑐮𑐎𑐵𑐮𑐷𑐣 𑐥𑐸𑐬𑐵𑐟𑐵𑐟𑑂𑐰𑐶𑐎 𑐡𑐬𑐧𑐵𑐬 𑐰 𑐥𑑂𑐬𑐳𑐶𑐡𑑂𑐢 𑐨𑐿𑐬𑐰𑐷𑐫𑐵 𑐡𑐾𑐐𑑅, 𑐖𑐵𑐮𑐥𑐵𑐡𑐾𑐰𑐷 𑐡𑐾𑐐𑑅 𑐡𑐾𑐰𑐷𑐑𑐵𑐚 𑐁𑐡𑐶 𑐀𑐰𑐳𑑂𑐠𑐶𑐟 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵 𑐥𑐮𑐶𑐳𑑂𑐠𑐵 𑐖𑐸𑐂 𑐣𑑂𑐴𑑂𑐫 𑐣𑐸𑐰𑐵𑐎𑑀𑐚 𑐧𑐖𑐵𑐬 𑐥𑐱𑑂𑐔𑐶𑐩 𑑑 𑐣𑑄 (𑐣𑐸𑐰𑐵𑐎𑑀𑐚, 𑐢𑐵𑐡𑐶𑐒 𑐰 𑐬𑐳𑐸𑐰𑐵)𑐫𑐵 𑐳𑐡𑐬𑐩𑐸𑐎𑐵𑐩 𑐏 𑐢𑐵𑑅𑐳𑐵 𑐥𑐱𑑂𑐔𑐶𑐩 𑑑 𑐣𑑄 𑐐𑑁𑑄𑐜𑐵𑐫𑐵 𑐥𑐸𑐮𑐵𑐐𑐸 𑐰𑑂𑐫𑐵𑐥𑐵𑐬𑐶𑐎 𑐎𑐾𑐣𑑂𑐡𑑂𑐬 𑐳𑐵𑑃𑐐𑐸𑐧𑐖𑐵𑐬 (𑐁𑑅𑐫𑐵𑐐𑐸 𑐟𑑂𑐬𑐶𑐱𑐹𑐮𑐷 𑐧𑐖𑐵𑐬) 𑐣𑑄 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑐵 𑐰𑐜𑐵 𑐣𑑄 𑑑𑑐 𑐰 𑑑𑑑𑐫𑑂 𑐮𑐵 ।

𑐨𑐹𑐐𑑀𑐮

𑐨𑑁𑐟𑐶𑐎 𑐨𑐹𑐐𑑀𑐮

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑐵 𑐀𑐎𑑂𑐲𑐵𑑄𑐳 𑑒𑑗𑑐𑑕𑑑'𑑒𑑔"-𑑒𑑗𑑐𑑕𑑗'𑑓𑑑" 𑐄𑐟𑑂𑐟𑐬 𑐰 𑐡𑐾𑐱𑐵𑐣𑑂𑐟𑐬 𑑘𑑕𑑐𑑖𑑐'𑑓𑑒"-𑑘𑑕𑑐𑑐𑑙'𑑕𑑕" 𑐥𑐹𑐬𑑂𑐰 𑐰 𑐖𑐵𑑅 𑐳𑐩𑐸𑐡𑑂𑐬 𑐳𑐟𑐴 𑐳𑑂𑐰𑐫𑐵 𑑔𑑗𑑐 𑐩𑐶. 𑐣𑐶𑐳𑐾𑑄 𑑑𑑑𑑕𑑔 𑐩𑐶. 𑐟𑐎𑑂𑐎 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑐵 𑐎𑑂𑐲𑐾𑐟𑑂𑐬𑐦𑐮 𑑓𑑔॰𑑕𑑕 𑐰𑐬𑑂𑐐 𑐎𑐶॰ 𑐩𑐶॰ 𑐡𑐸। 𑐠𑑂𑐰 𑐠𑐵𑐫𑑂‌𑐫𑐵 𑐩𑐹 𑐏𑐸𑐳𑐶 𑐟𑑂𑐬𑐶𑐱𑐹𑐮𑐷 𑐰 𑐳𑐸𑐬𑑂𑐫𑐩𑐟𑐶 𑐏। 𑐠𑑂𑐰 𑐠𑐵𑐳𑐫𑑂 𑑗𑑖𑑓॰𑑔𑑘 𑐴𑐾𑐎𑑂𑐚𑐬 𑐐𑐸𑑃 𑐡𑐸। 𑐠𑑂𑐰 𑐠𑐵𑐳𑐫𑑂 𑐧𑐮𑑁𑐚𑐾, 𑐩𑐮𑐶𑐮𑐵, 𑐬𑐵𑐟𑐩𑐵𑐚𑑀 𑐔𑐵 𑐡𑐸।

𑐥𑑂𑐬𑐱𑐵𑐳𑐣𑐶𑐎 𑐨𑐹𑐐𑑀𑐮

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵 𑐣𑐾𑐥𑐵𑑅𑐫𑐵 𑐩𑐢𑑂𑐫𑐩𑐵𑐘𑑂𑐔𑐮𑐫𑐵 𑐥𑐴𑐵𑐜𑐷 𑐎𑑂𑐲𑐾𑐟𑑂𑐬𑐫𑑂 𑐮𑐵। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵 𑐧𑐵𑐐𑐩𑐟𑐷 𑐀𑐘𑑂𑐔𑐮𑐫𑐵 𑐣𑐸𑐰𑐵𑐎𑑀𑐚 𑐖𑐶𑐮𑑂𑐮𑐵𑐫𑑂 𑐮𑐵। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐳𑑂𑐰𑑄𑐐𑐸 (𑑓) 𑐳𑑄𑐳𑐡𑐷𑐫 𑐣𑐶𑐬𑑂𑐰𑐵𑐔𑐣 𑐎𑑂𑐲𑐾𑐟𑑂𑐬 𑐡𑐸 𑐢𑐵𑑅𑐳𑐵 𑑑𑑑𑐐𑐸 𑐰𑐜𑐵 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑑𑑙𑐐𑐹 𑐳𑐵𑐩𑐸𑐡𑐵𑐫𑐶𑐎 𑐰𑐣 𑐄𑐥𑐨𑑀𑐎𑑂𑐟𑐵 𑐳𑐩𑐹𑐴 𑐡𑐸।

𑐠𑑂𑐰 𑐠𑐵𑐫𑑂‌𑐫𑐵 𑐮𑐵𑐐𑐵𑐫𑑂 𑐮𑐵𑐐𑐸 𑐠𑐵𑐫𑑂‌𑐟 𑐠𑑂𑐰 𑐎𑐠𑑄 𑐡𑐸-

• 𑐥𑐹𑐬𑑂𑐰: 𑐏𑐵𑐣𑐷𑐐𑐵𑐄𑑃 𑐐𑐵.𑐰𑐶.𑐳. , 𑐩𑐡𑐵𑐣𑐥𑐸𑐬 𑐐𑐵.𑐰𑐶.𑐳., 𑐳𑐹𑐬𑑂𑐫𑐩𑐟𑐶 𑐐𑐵.𑐰𑐶.𑐳.
• 𑐥𑐱𑑂𑐔𑐶𑐩: 𑐔𑐵𑐬𑐑𑐬𑐾, 𑐏𑐜𑑂𑐐𑐨𑐣𑑂𑐖𑑂𑐫𑐵𑐒, 𑐎𑐮𑑂𑐫𑐵𑐞𑐥𑐸𑐬 𑐐𑐵.𑐰𑐶.𑐳.
• 𑐄𑐟𑑂𑐟𑐬: 𑐟𑐸𑐥𑑂𑐔𑐾, 𑐐𑐾𑐬𑑂𑐏𑐸 𑐐𑐵.𑐰𑐶.𑐳.
• 𑐡𑐎𑑂𑐲𑐶𑐞: 𑐧𑐾𑐮𑑂𑐎𑑀𑐚, 𑐖𑐶𑐮𑐶𑐒 𑐐𑐵.𑐰𑐶.𑐳.

𑐩𑑁𑐳𑐩

𑐠𑑂𑐰 𑐠𑐵𑐫𑑂‌𑐫𑐵 𑐴𑐵𑐰𑐵𑐥𑐵𑐣𑐷 𑐳𑐩𑐄𑐲𑑂𑐞 𑐥𑑂𑐬𑐎𑐵𑐬𑐫𑐵 𑐡𑐸। 𑐠𑐣𑐫𑐵 𑐩𑑁𑐳𑐩 𑐠𑑂𑐰 𑐎𑐠𑑄 𑐡𑐸-

• 𑐁𑐲𑐵𑐝 𑐣𑐶𑐳𑐾𑑄 𑐁𑐱𑑂𑐰𑐶𑐣: 𑐐𑐺𑐲𑑂𑐩 𑐰𑐬𑑂𑐲𑐵
• 𑐎𑐵𑐟𑑂𑐟𑐶𑐎 𑐣𑐶𑐳𑐾𑑄 𑐩𑐵𑐑:𑐔𑐶𑐎𑐸𑐮𑐵
• 𑐦𑐵𑐮𑑂𑐐𑐸𑐞 𑐣𑐶𑐳𑐾𑑄 𑐖𑐾𑐲𑑂𑐛:𑐐𑐺𑐲𑑂𑐩, 𑐦𑐾-𑐧𑐟𑐵𑐳, 𑐰𑐵 𑐰𑐂𑐐𑐸

𑐖𑐣𑐳𑑄𑐏𑑂𑐫𑐵

𑐰𑐶.𑐳𑑄. 𑑒𑑐𑑕𑑘𑐫𑑂 𑐠𑐣𑐫𑐵 𑐖𑐣𑐳𑑄𑐏𑑂𑐫𑐵 𑑒𑑑𑑑𑑙𑑓 𑐡𑐸। 𑐠𑐸𑐎𑐶𑐮𑑀 𑐩𑐶𑐖𑑄𑐟 𑑑𑑐𑑓𑑓𑑙 𑐰 𑐩𑐶𑐳𑐵 𑑑𑑐𑑘𑑕𑑔 𑐡𑐸। 𑐰𑐶 𑐳𑑄 𑑒𑑐𑑖𑑒𑐫𑑂 𑐠𑐣𑐫𑐵 𑐖𑐣𑐳𑑄𑐏𑑂𑐫𑐵 𑑒𑑒𑑒𑑗𑑓 𑐡𑐸। 𑐠𑐸𑐎𑐶𑐮𑐶 𑑑𑑐𑑘𑑖𑑖 𑐩𑐶𑐖𑑄 𑐰 𑑑𑑑𑑔𑑐𑑗 𑐩𑐶𑐳𑐵 𑐡𑐸।

𑐠𑑂𑐰 𑐠𑐵𑐫𑑂‌𑐫𑐵 𑐰𑐵𑐬𑑂𑐲𑐶𑐎 𑐖𑐣𑐳𑐒𑑂𑐏𑑂𑐫𑐵 𑐰𑐺𑐡𑑂𑐢𑐶𑐡𑐬 𑑑.𑑒𑑕 𑐡𑐸। 𑐠𑑂𑐰 𑐠𑐵𑐫𑑂‌𑐫𑐵 𑐳𑐵𑐎𑑂𑐲𑐬𑐟𑐵 𑑖𑑔.𑑙𑑕 𑐥𑑂𑐬𑐟𑐶𑐱𑐟 𑐡𑐸। 𑐠𑐸𑐎𑐶𑐮𑐶 𑐩𑐶𑐖𑑄𑐟𑐾𑐐𑐸 𑐳𑐵𑐎𑑂𑐲𑐬𑐟𑐵 𑑗𑑗.𑑖𑑕 𑐥𑑂𑐬𑐟𑐶𑐱𑐟 𑐡𑐸 𑐢𑐵𑑅𑐳𑐵 𑐩𑐶𑐳𑐵𑐟𑐾𑐐𑐸 𑐳𑐵𑐎𑑂𑐲𑐬𑐟𑐵 𑑕𑑒.𑑙𑑕 𑐥𑑂𑐬𑐟𑐶𑐱𑐟 𑐡𑐸। 𑐠𑑂𑐰 𑐠𑐵𑐳𑐫𑑂 𑐥𑐬𑐶𑐰𑐵𑐬 𑐳𑐒𑑂𑐏𑑂𑐫𑐵 𑑔𑑒𑑓𑑔 𑐡𑐸।

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑐵 𑐮𑐿𑐒𑑂𑐐𑐶𑐎 𑐀𑐣𑐸𑐥𑐵𑐟 𑑙𑑕.𑑓𑑖 𑐰 𑐖𑐣𑐑𑐣𑐟𑑂𑐰 𑑖𑑑𑑓.𑑔 𑐥𑑂𑐬𑐟𑐶 𑐰𑐬𑑂𑐐 𑐎𑐶.𑐩𑐶. 𑐡𑐸।

𑐨𑐵𑐲𑐵

𑐠𑐣𑐫𑐵 𑐩𑐣𑐸𑐟𑐾𑐐𑐸 𑐩𑐹 𑐩𑐵𑑄𑐨𑐵𑐫𑑂 𑐏𑐾𑑃 𑐨𑐵𑐲𑐵 (𑑑𑑖𑑔𑑔𑑑), 𑐣𑐾𑐥𑐵𑐮𑐨𑐵𑐲𑐵(𑑒𑑖𑑑𑑙), 𑐟𑐵𑐩𑐵𑐒 𑐨𑐵𑐲𑐵 (𑑘𑑗𑑙) 𑐏। 𑐠𑑂𑐰 𑐧𑐵𑐴𑐾𑐎 𑐠𑐣 𑐡𑐸𑐐𑐸 𑐩𑐾𑐩𑐾𑐐𑐸 𑐨𑐵𑐲𑐵𑐟 𑐩𑐐𑐬 𑐨𑐵𑐲𑐵, 𑐐𑐸𑐬𑐸𑐒 𑐨𑐵𑐲𑐵, 𑐱𑐾𑐬𑑂𑐥𑐵 𑐨𑐵𑐲𑐵 𑐁𑐡𑐶 𑐏।

𑐢𑐬𑑂𑐩

𑐠𑑂𑐰 𑐠𑐵𑐫𑑂‌𑐫𑐵 𑐩𑐹 𑐢𑐬𑑂𑐩 𑐴𑐶𑐣𑑂𑐡𑐹 𑐢𑐬𑑂𑐩 (𑑑𑑙𑑖𑑐𑑑) 𑐰 𑐧𑑁𑐡𑑂𑐢 𑐢𑐬𑑂𑐩 (𑑑𑑒𑑖𑑔) 𑐏। 𑐠𑑂𑐰 𑐧𑐵𑐴𑐾𑐎 𑐠𑐣 𑐩𑐾𑐩𑐾𑐐𑐸 𑐢𑐬𑑂𑐩𑐫𑐵 𑐩𑐣𑐸𑐟 𑐣𑑄 𑐏𑐣𑐾𑐡𑐸𑐐𑐸 𑐡𑐸।

𑐳𑑂𑐰𑐵𑐳𑑂𑐠𑑂𑐫

𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑓𑑔 𑐏𑐵𑐟𑐵 𑐡𑐸𑐐𑐸 𑐕𑐐𑐹 𑐖𑐶𑐮𑑂𑐮𑐵 𑐀𑐳𑑂𑐥𑐟𑐵𑐮 𑐡𑐸। 𑐠𑐣 𑐕𑐐𑐹 𑐁𑐫𑐸𑐬𑑂𑐰𑐾𑐡 𑐍𑐲𑐢𑐵𑐮𑐫, 𑐕𑐐𑐹 𑐴𑐾𑐮𑑂𑐠 𑐥𑑀𑐲𑑂𑐚, 𑐕𑐐𑐹 𑐥𑑀𑐮𑐶 𑐎𑑂𑐮𑐶𑐣𑐶𑐎, 𑑑𑑙𑐐𑐹 𑐩𑐾𑐜𑐶𑐎𑐮 𑐥𑐳𑑅, 𑑒𑐐𑐹 𑐁𑐫𑐸𑐬𑑂𑐰𑐾𑐡 𑐏𑐵𑐣𑐵 𑐡𑐸।

𑐳𑐩𑐵𑐖 𑐎𑐮𑑂𑐫𑐵𑐞

𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑑𑐐𑐹 𑐡𑐩𑐎𑐮, 𑑑𑐐𑐹 𑐦𑑀𑐴𑐬 𑐮𑑂𑐴𑑂𑐰𑐣𑐶𑐐𑐸 𑐚𑑂𑐬𑐫𑐵𑐎𑑂𑐚𑐬 𑐰 𑐕𑑂𑐫𑑂‌𑐮𑐵 𑐩𑐟𑐐𑐸 𑐜𑐩𑑂𑐥𑐶𑐒 𑐳𑐵𑐂𑐜 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑐵 𑐦𑑀𑐴𑑀𑐬 𑐣𑐶𑐲𑑂𑐎𑐵𑐱𑐣 𑐕𑐣𑑂𑐴𑐸𑐂 𑑑𑑕𑑐𑑐 𑐣𑐶𑐳𑐾𑑄 𑑒𑑐𑑐𑑐 𑐎𑐾.𑐖𑐷. 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑒𑐐𑐹 𑐳𑐵𑐬𑑂𑐰𑐖𑐣𑐶𑐎 𑐱𑑁𑐔𑐵𑐮𑐫 𑐡𑐸।

𑐀𑐬𑑂𑐠𑐟𑐣𑑂𑐟𑑂𑐬

𑐁𑐬𑑂𑐠𑐶𑐎 𑐳𑑄𑐳𑑂𑐠𑐵

𑐠𑑂𑐰 𑐠𑐵𑐳𑐫𑑂 𑐡𑐸𑐐𑐸 𑐁𑐬𑑂𑐠𑐶𑐎 𑐳𑑄𑐳𑑂𑐠𑐵𑐟 𑐠𑑂𑐰 𑐎𑐠𑑄 𑐡𑐸-

• 𑐳𑐬𑐎𑐵𑐬𑐷 𑐧𑐿𑑄𑐎:
• 𑐰𑐵𑐞𑐶𑐖𑑂𑐫 𑐧𑐿𑑄𑐎: 𑑓𑐐𑐹
• 𑐦𑐵𑐂𑐣𑐵𑐣𑑂𑐳 𑐎𑐩𑑂𑐥𑐣𑐷: 𑑗𑐐𑐹
• 𑐳𑐴𑐎𑐵𑐬𑐷 𑐳𑑄𑐑: 𑑑𑐐𑐹
• 𑐰𑐶𑐎𑐵𑐳 𑐧𑐿𑑄𑐎: 𑑑𑐐𑐹
• 𑐴𑐸𑐮𑐵𑐎 𑐰𑐔𑐟 𑐧𑐿𑑄𑐎: 𑑑𑐐𑐹
• 𑐩𑐣𑐶 𑐚𑑂𑐬𑐵𑐣𑑂𑐬𑑂𑐳𑐬𑑂𑐦: 𑑔𑐐𑐹

𑐄𑐡𑑂𑐫𑑀𑐐

𑐠𑑂𑐰 𑐠𑐵𑐳𑐫𑑂 𑐡𑐸𑐐𑐸 𑐧𑐣𑐾𑐖𑑂𑐫𑐵 𑐠𑑂𑐰 𑐎𑐠𑑄 𑐡𑐸 -

• 𑐄𑐡𑑂𑐫𑑀𑐐 𑐳𑑄𑐳𑑂𑐠𑐵:𑑑𑑐𑑓
• 𑐥𑐳𑑅 𑐰𑑂𑐫𑐰𑐳𑐵𑐫 𑐳𑑄𑐳𑑂𑐠𑐵:𑑙𑑐𑑙
• 𑐴𑑀𑐚𑐮 𑐳𑑄𑐏𑑂𑐫𑐵:𑑒𑑙𑑐
• 𑐥𑐾𑐚𑑂𑐬𑑀𑐮𑐶𑐫𑐩 𑐜𑐶𑐮𑐬:𑑒

𑐨𑑁𑐟𑐶𑐎 𑐰𑐶𑐎𑐵𑐳

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑑂 𑑕 𑐎𑐶.𑐩𑐷. 𑐏𑐸𑐮𑐵 𑐢𑑅 𑐡𑐸 𑐢𑐵𑑅𑐳𑐵 𑐟𑑂𑐰𑐥𑐸𑐫𑐵𑐟𑐐𑐸 𑐢𑑅 𑑑.𑑕 𑐎𑐶.𑐩𑐷. 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐎𑐵𑐮𑑀 𑐥𑐟𑑂𑐬𑐾 𑐳𑐟𑐎: 𑑒𑑑.𑑐𑑐 𑐎𑐶.𑐩𑐷. , 𑐐𑑂𑐬𑐵𑐨𑐾𑐮 𑐳𑐟𑐎: 𑑒𑑕.𑑐𑑐 𑐎𑐶.𑐩𑐷., 𑐎𑐔𑑂𑐔𑐷 𑐳𑐟𑐎: 𑑓𑑕.𑑐𑑐 𑐎𑐶.𑐩𑐷., 𑐐𑑀𑐬𑐾𑐚𑑀 𑐮𑑄 : 𑑔𑑐.𑑐𑑐 𑐎𑐶.𑐩𑐷. 𑐰 𑐀𑐥𑑂𑐥𑐵 𑐕𑐵𑐥𑐾𑐫𑐵𑐣𑐵𑐟𑐐𑐸 𑐮𑑄: 𑑗𑑕𑑐 𑐩𑐶. 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐮𑑄𑐫𑑂 𑐧𑐴𑐣𑐶 𑐣𑑂𑐫𑐵𑐳𑐾𑐰𑐣𑐾𑐧𑐶𑐮𑐫𑑂 𑐖𑑅 𑐧𑐷𑐟 𑐨𑐾𑐥𑐬 𑐮𑐵𑐂𑐚 𑑒𑑑𑐐𑐹, 𑐴𑐾𑐮𑑀𑐖𑐶𑐣 : 𑑗𑐐𑐹 𑐰 𑐰𑐮𑑂𑐰: 𑑔𑑒𑑕𑐐𑐹 𑐟𑐫𑐵𑐟𑐐𑐹 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐏𑐵𑐣𑐾𑐥𑐵𑐣𑐷 𑐳𑐾𑐰𑐵 𑑘𑑙.𑑙𑑘 𑐥𑑂𑐬𑐟𑐶𑐱𑐟 𑐖𑐣𑐟𑐵𑐫𑐵𑐟 𑐡𑐸। 𑐮𑑅𑐫𑐵 𑐣𑐶𑑄𑐟𑐶𑑄 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐄𑐥𑐨𑑀𑐎𑑂𑐟𑐵 𑐳𑐩𑐶𑐟𑐶𑐟𑐾𑐐𑐸 𑐥𑐮𑐶𑐳𑑂𑐠𑐵 𑐖𑐸𑐐𑐸 𑐡𑐸। 𑐠𑐣𑐫𑐵 𑐄𑐥𑐨𑑀𑐎𑑂𑐟𑐵 𑐳𑐩𑐶𑐟𑐶𑐟 𑐰𑐶𑐡𑐸𑐬 𑐏𑐵𑐣𑐾𑐥𑐵𑐣𑐷 𑐄𑐥𑐨𑑀𑐎𑑂𑐟𑐵 𑐳𑐩𑐶𑐟𑐶, 𑐣𑐸𑐰𑐵𑐎𑑀𑐚 𑐡𑐬𑐧𑐵𑐬 𑐏𑐵.𑐥𑐵.𑐄.𑐳., 𑐟𑑂𑐬𑐶𑐱𑐹𑐮𑐷 𑐧𑐖𑐵𑐬 𑐏𑐵.𑐥𑐵.𑐄.𑐳., 𑐮𑐵𑐴𑐸𑐬𑐾 𑐏𑐵.𑐥𑐵.𑐄.𑐳. 𑐰𑐜𑐵 𑐣𑑄. 𑑘 𑐰 𑐳𑐶𑐳𑑂𑐣𑐾𑐬𑐷 𑐏𑐵.𑐥𑐵.𑐄.𑐳. 𑐏।

𑐱𑐶𑐎𑑂𑐲𑐵

𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑓𑑗 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵 𑐡𑐸। 𑐠𑐸𑐎𑐶𑐮𑐶 𑐥𑑂𑐬𑐵𑐠𑐩𑐶𑐎 𑐰𑐶𑐡𑑂𑐫𑐵𑐮𑐫 𑑒𑑒𑐐𑐹, 𑐣𑐶𑐩𑑂𑐣 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫 𑑕𑐐𑐹, 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫 𑑘𑐐𑐹, 𑐄𑐔𑑂𑐔 𑐩𑐵.𑐰𑐶. 𑑒 𑐐𑐹 𑐰 𑐎𑑂𑐫𑐵𑐩𑑂𑐥𑐳 𑑒𑐐𑐹 𑐡𑐸।

𑐠𑑂𑐰 𑐳𑑄𑐳𑑂𑐠𑐵𑐫𑑂 𑐧𑑂𑐰𑐣𑐶𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐾𑐐𑐸 𑐳𑑄𑐏𑑂𑐫𑐵 𑑒𑑐𑑖𑑒𑐳𑐵𑐮𑐫𑑂 𑑗𑑘𑑙𑑕 𑐡𑐸। 𑐠𑐸𑐎𑐶𑐮𑐶 𑐥𑐹𑐬𑑂𑐰 𑐥𑑂𑐬𑐵.𑐰𑐶.𑐫𑑂 𑑘𑑕𑑕, 𑐥𑑂𑐬𑐵.𑐰𑐶.𑐫𑑂 𑑓𑑙𑑐𑑒, 𑐣𑐶.𑐩𑐵.𑐰𑐶.𑐫𑑂 𑑒𑑐𑑑𑑕 𑐰 𑐩𑐵.𑐰𑐶.𑐫𑑂 𑑑𑑑𑑒𑑓 𑐡𑐸। 𑐠𑑂𑐰 𑐠𑐵𑐳𑐫𑑂 𑐱𑐶𑐎𑑂𑐲𑐎 𑐳𑑄𑐏𑑂𑐫𑐵 (𑑒𑑐𑑖𑑒 𑐎𑐠𑑄) 𑐥𑑂𑐬𑐵.𑐰𑐶.𑐫𑑂 𑑑𑑗𑑕, 𑐣𑐶.𑐩𑐵.𑐰𑐶.𑐫𑑂 𑑔𑑖, 𑐩𑐵.𑐰𑐶.𑐫𑑂𑑔𑑓 𑐡𑐸। 𑐠𑑂𑐰 𑐠𑐵𑐫𑑂‌𑐫𑐵𑐐𑐸 𑑒𑐐𑐹 𑐴𑐾 𑐎𑑂𑐫𑐵𑐩𑑂𑐥𑐳 𑐣𑐶𑐖𑐷 𑐏।

𑐖𑐷𑐰𑐣𑐱𑐿𑐮𑐷

𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑐵 𑐖𑐵𑑅𑐠𑐵𑐫𑑂 𑐎𑐠𑑄 𑐠𑐣𑐫𑐵 𑐳𑐹𑐔𑐣𑐵, 𑐳𑐘𑑂𑐔𑐵𑐬 𑐰 𑐩𑐣𑑀𑐬𑐘𑑂𑐖𑐣 𑐠𑑂𑐰 𑐎𑐠𑑄 𑐡𑐸-

• 𑐚𑐾𑐮𑐶𑐦𑑀𑐣 𑐊𑐎𑑂𑐳𑐔𑐾𑐘𑑂𑐖 𑐎𑑂𑐲𑐩𑐟𑐵 : 𑑑𑑕𑑑𑑒
• 𑐳𑐵𑐂𑐧𑐬: 𑑒
• 𑐦𑑀𑐣 𑐮𑐵𑐃𑐣 𑐳𑑄𑐏𑑂𑐫𑐵: 𑑑𑑕𑑐𑑐
• 𑐖𑐶𑐮𑑂𑐮𑐵 𑐴𑐸𑐮𑐵𑐎: 𑑑
• 𑐎𑐸𑐬𑐶𑐫𑐬 𑐳𑑄𑐏𑑂𑐫𑐵: 𑑒𑐐𑐹
• 𑐳𑐵𑐥𑑂𑐟𑐵𑐴𑐶𑐎 𑐥𑐟𑑂𑐬𑐶𑐎𑐵: 𑑒𑐐𑐹
• 𑐎𑐾𑐰𑐮 𑐮𑐵𑐂𑐣: 𑑑
• 𑐩𑑀𑐰𑐵𑐂𑐮: 𑑘𑑐𑑐
• 𑐥𑐵𑐎𑑂𑐲𑐶𑐎 𑐥𑐟𑑂𑐬𑐶𑐎𑐵: 𑑑
• 𑐊𑐎𑑂𑐳𑐥𑑂𑐬𑐾𑐳 𑐜𑐾𑐮𑐶𑐨𑐬𑐷: 𑑑

𑐳𑐵𑐬𑑂𑐰𑐖𑐣𑐶𑐎 𑐠𑐵𑐫𑑂

𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑒𑐐𑐹 𑐥𑐵𑐬𑑂𑐎 𑐡𑐸। 𑐠𑐣 𑐕𑐐𑐹 𑐨𑑂𑐫𑐸 𑐚𑐵𑐰𑐬 𑐣𑑄 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑑒𑐐𑐹 𑐳𑐶𑐣𑐾𑐩𑐵 𑐴𑐮 𑐡𑐸। 𑐠𑐣𑐫𑐵 𑐳𑐶𑐣𑐾𑐩𑐵 𑐴𑐮𑐟𑑅 𑐖𑐐𑐡𑐩𑑂𑐰𑐵, 𑐧𑐚𑑂𑐚𑐵𑐬 (𑑔𑑔𑑒 𑐳𑐶𑐚𑐫𑐵𑐐𑐸) 𑐰 𑐐𑑄𑐐𑐵𑐩𑐵𑐃, 𑐟𑑂𑐬𑐶𑐱𑐹𑐮𑐷 (𑑔𑑖𑑔 𑐳𑐶𑐚𑐫𑐵𑐐𑐸) 𑐏। 𑐠𑐣 𑑓𑐐𑐹 𑐳𑐦𑐹𑐢𑐸𑐎𑐹 𑐡𑐸। 𑐠𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑑂 𑐥𑑂𑐫𑑄𑐐𑐸 𑐟𑑅𑐢𑑄𑐐𑐸 𑐏𑑂𑐫𑑅𑐟 𑐡𑐸। 𑐠𑑂𑐰 𑐏

• 𑐣𑐸𑐰𑐵𑐎𑑀𑐚 𑐁𑐡𑐬𑑂𑐱 𑐧𑐴𑐸𑐩𑐸𑐏𑐷 𑐎𑑂𑐫𑐵𑐩𑑂𑐥𑐳𑐎𑑀 𑐏𑐾𑐮 𑐩𑐿𑐡𑐵𑐣, 𑐧𑐚𑑂𑐚𑐵𑐬
• 𑐟𑑂𑐬𑐶𑐨𑐸𑐰𑐣 𑐟𑑂𑐬𑐶𑐱𑐹𑐮𑐷 𑐄𑐔𑑂𑐔 𑐩𑐵𑐰𑐶𑐎𑑀 𑐏𑐾𑐮 𑐩𑐿𑐡𑐵𑐣, 𑐟𑑂𑐬𑐶𑐱𑐹𑐮𑐷
• 𑐮𑐵𑐩𑐧𑐐𑐿𑑄𑐔𑐵 𑐏𑐾𑐮 𑐩𑐿𑐡𑐵𑐣
• 𑐎𑑀𑐮𑑀𑐣𑐷 𑐏𑐾𑐮 𑐩𑐿𑐡𑐵𑐣

𑐰𑐶𑐡𑑂𑐫𑐸𑐟

𑐠𑑂𑐰 𑐠𑐵𑐫𑑂‌𑐫𑐵 𑐰𑐶𑐡𑑂𑐫𑐸𑐟 𑐅𑐬𑑂𑐖𑐵 𑐄𑐟𑑂𑐥𑐵𑐡𑐣 : 𑑓𑑘𑑑𑑐𑑐 𑐎𑐶.𑐰𑐵. 𑐎𑑂𑐲𑐩𑐟𑐵 𑐡𑐸। 𑐠𑐸𑐎𑐶𑐮𑐶 𑐟𑑂𑐬𑐶𑐱𑐹𑐮𑐷 𑐖𑐮𑐰𑐶𑐡𑑂𑐫𑐸𑐟 𑐎𑐾𑐣𑑂𑐡𑑂𑐬𑐫𑐵 𑑒𑑔𑑐𑑐𑑐 𑐎𑐶.𑐰𑐵. 𑐰 𑐡𑐾𑐰𑐷𑐑𑐵𑐚 𑐖𑐮𑐰𑐶𑐡𑑂𑐫𑐸𑐟 𑐎𑐾𑐣𑑂𑐡𑑂𑐬𑐫𑐵 𑑑𑑔𑑑𑑐𑑐 𑐎𑐶.𑐰𑐵. 𑐮𑐵। 𑐠𑐣𑐫𑐵 𑐰𑐶𑐡𑑂𑐫𑐸𑐟 𑐳𑐾𑐰𑐵𑐫𑑂 𑐍𑐡𑑂𑐫𑑀𑐐𑐶𑐎 𑐖𑐜𑐵𑐣 𑑖𑑙, 𑐕𑐾𑑃𑐏𑐵 𑐮𑐵𑐂𑐣 𑑓𑑕𑑑𑑓, 𑐧𑐣𑐾𑐖𑑂𑐫𑐵 𑑙𑑒, 𑐳𑐟𑐎 𑐩𑐟𑑅 𑐩𑐶𑐚𑐬 𑐖𑐜𑐵𑐣 𑑒𑑐, 𑐳𑐶𑑄𑐔𑐵𑐃 𑑒 𑐡𑐸।

𑐳𑑂𑐰𑐫𑐵𑐡𑐶𑐳𑑃

• 𑐣𑐾𑐥𑐵𑑅
• 𑐧𑐵𑐐𑐩𑐟𑐷 𑐀𑐘𑑂𑐔𑐮
• 𑐣𑐸𑐰𑐵𑐎𑑀𑐚 𑐖𑐶𑐮𑑂𑐮𑐵
• 𑐫𑐾𑑃

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹𑐟

• 𑐰𑐶𑐡𑐸𑐬 𑐣𑐐𑐬𑐥𑐵𑐮𑐶𑐎𑐵𑐫𑐵 𑐁𑐢𑐶𑐎𑐵𑐬𑐶𑐎 𑐰𑐾𑐧𑐠𑐵𑐫𑑂