छ्येलेमि:Eukesh/Auto/NepalScript/वसन्त व शरद ऋतुया इतिहास

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

19th-century replica of Du Yu

thumb|325x325px|𑐡𑐸𑐫𑐸𑐫𑐵 𑑓𑐐𑐹 𑐱𑐟𑐵𑐧𑑂𑐡𑐷𑐫𑐵 𑐳𑑄𑐳𑑂𑐎𑐬𑐞𑐫𑐵 𑑑𑑙𑐐𑐹 𑐱𑐟𑐵𑐧𑑂𑐡𑐷𑐫𑐵 𑐥𑑂𑐬𑐟𑐶𑐬𑐸𑐥 𑐰𑐳𑐣𑑂𑐟 𑐰 𑐱𑐬𑐡 𑐆𑐟𑐸𑐫𑐵 𑐂𑐟𑐶𑐴𑐵𑐳 (𑐔𑐶𑐣𑐶𑐫𑐵 𑐨𑐵𑐳𑐫𑑂: 春秋年代记) 𑐕𑐐𑐹 𑐥𑑂𑐬𑐵𑐔𑐷𑐣 𑐔𑐶𑐣𑐶𑐫𑐵 𑐋𑐟𑐶𑐴𑐵𑐳𑐶𑐎 𑐰𑐺𑐟𑑂𑐟𑐵𑐣𑑂𑐟 𑐏। 𑐠𑑂𑐰 𑐰𑐺𑐟𑑂𑐟𑐵𑐣𑑂𑐟 𑐔𑐶𑐣𑐶𑐫𑐵 𑐱𑐵𑐳𑑂𑐟𑑂𑐬𑐷𑐫 𑐋𑐟𑐶𑐴𑐵𑐳𑐶𑐎 𑐔𑑂𑐰𑐏𑑃𑐫𑐵 𑐕𑐐𑐹 𑐩𑐹 𑐏𑐞𑑂𑐜 𑐏𑑅। 𑐠𑑂𑐰 𑐳𑐦𑐹 𑐮𑐸 𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐋𑐟𑐶𑐴𑐵𑐳𑐶𑐎 𑐡𑐳𑑂𑐟𑐵𑐧𑐾𑐖 𑐏𑑅 𑐰 𑐠𑑂𑐰 𑐡𑐳𑑂𑐟𑐵𑐧𑐾𑐖𑐫𑑂 𑑗𑑒𑑒 𑐣𑐶𑐳𑐾𑑄 𑑔𑑘𑑑 𑐂𑐥𑐹 𑐟𑐎𑐫𑐵 𑑒𑑑𑑔𑐡𑑃𑐫𑐵 𑐑𑐚𑐣𑐵𑐫𑐵 𑐏𑑃 𑐔𑑂𑐰𑐫𑐵𑐟𑑅𑐐𑐸 𑐡𑐸।  𑐔𑐶𑐣𑐶𑐫𑐵 𑐂𑐟𑐶𑐴𑐵𑐳 𑐰𑐺𑐟𑑂𑐟𑐵𑐣𑑂𑐟𑐫𑐵 𑐏𑑂𑐫𑐮𑐫𑑂 𑐰𑐬𑑂𑐟𑐩𑐵𑐣𑐫𑐵 𑐃𑐮𑐫𑑂 𑐡𑐫𑐵𑐔𑑂𑐰𑑄𑐐𑐸 𑐡𑐎𑐮𑐫𑑂 𑐥𑐸𑐮𑐵𑑄𑐐𑐸 𑐰𑐺𑐟𑑂𑐟𑐵𑐣𑑂𑐟(annals) 𑐠𑑂𑐰 𑐴𑐾 𑐏।[1] 𑐎𑐣𑑂𑐦𑑂𑐫𑐹𑐱𑐶𑐫𑐳𑑄 𑐟𑐫𑐵𑐬 𑐫𑐵𑑅𑐐𑐸 𑐢𑐎𑐵𑑅 𑐥𑐬𑐩𑑂𑐥𑐬𑐵𑐐𑐟 𑐎𑐠𑑄 𑐣𑐵𑐮𑐵𑐟𑑅𑐐𑐸 𑐠𑑂𑐰 𑐳𑐦𑐹 (𑐩𑐾𑐣𑑂𑐳𑐶𑐫𑐳𑐫𑑄 𑐠𑑂𑐰 𑐏𑑃 𑐢𑐫𑐵𑐟𑑅𑐐𑐸 𑐏𑑅) 𑐔𑐶𑐣𑐶𑐫𑐵 𑐳𑐵𑐴𑐶𑐟𑑂𑐫𑐫𑐵 𑐣𑑂𑐫𑐵𑐐𑐹 𑐱𑐵𑐳𑑂𑐟𑑂𑐬𑐷𑐫 𑐐𑑂𑐬𑐣𑑂𑐠𑐫𑑂 𑐕𑐐𑐹 𑐏𑑅।

𑐠𑑂𑐰 𑐳𑐦𑐹𑐮𑐶 𑐮𑐸 𑐬𑐵𑐖𑑂𑐫𑐫𑐵 𑐩𑐹 𑐑𑐚𑐣𑐵𑐟 𑐡𑐳𑐸 𑐖𑐸𑐖𑐸𑐟𑐾𑐐𑐸 𑐬𑐵𑐖𑑂𑐫𑐵𑐨𑐶𑐲𑐾𑐎, 𑐂𑐴𑐶𑐥𑐵, 𑐩𑐺𑐟𑑂𑐫𑐸, 𑐱𑐵𑐳𑐎𑐟𑐾𑐐𑐸 𑐳𑐶𑐠𑑄, 𑐩𑐹 𑐮𑑂𑐰𑐵𑐥𑐹, 𑐧𑐮𑐶𑐥𑑂𑐬𑐠𑐵, 𑐖𑑂𑐫𑑀𑐟𑐶𑐲𑐫𑐵 𑐴𑐶𑐳𑐵𑐧𑑄 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐏𑐐𑑀𑐮𑐷𑐫 𑐀𑐨𑐹𑐟𑐥𑐹𑐬𑑂𑐰 𑐑𑐚𑐣𑐵, 𑐥𑑂𑐬𑐵𑐎𑐺𑐟𑐶𑐎 𑐰𑐶𑐥𑐡 𑐁𑐡𑐶𑐫𑐵 𑐏𑑃 𑐎𑐣𑐵𑐟𑑅𑐐𑐸 𑐡𑐸।[1] 𑐠𑑂𑐰 𑐳𑐦𑐹𑐮𑐶 𑐡𑐸𑐠𑑂𑐫𑐵𑐣𑐵𑐟𑑅𑐐𑐸 𑐰𑐶𑐰𑐬𑐞 𑐳𑑄𑐎𑑂𑐲𑐶𑐥𑑂𑐟 𑐖𑐸 𑐰 𑐍𑐳𑐟𑐫𑑂 𑐕𑐐𑐹 𑐰𑐶𑐰𑐬𑐞𑐫𑑂 𑑑𑑐𑐐𑑂𑐰𑑅 𑐁𑐏𑑅 𑐖𑐎 𑐕𑑂𑐫𑐮𑐵𑐟𑑅𑐐𑐸 𑐡𑐸। 𑐕𑐸𑑄 𑐣𑑄 𑐑𑐚𑐣𑐵𑐎𑑂𑐬𑐩𑐫𑐵𑐟 𑐥𑐬𑐶𑐩𑐵𑐬𑑂𑐖𑐶𑐟 𑐫𑐵𑐣𑐵𑐟𑑅𑐐𑐸 𑐩𑐡𑐸 𑐰 𑐕𑐸𑑄 𑐳𑑂𑐥𑐲𑑂𑐚 𑐫𑐵𑐣𑐵𑐧𑐶𑐂𑐐𑐸 𑐎𑐸𑐟𑑅 𑐏𑐣𑐾𑐩𑐡𑐸।[1]

𑐮𑑂𑐰𑐵𑐥𑐹𑐩𑐶 𑐬𑐵𑐖𑑂𑐫𑐟𑐾𑐐𑐸 𑐎𑐵𑐮 (𑑔𑑗𑑕-𑑒𑑒𑑑 𑐃𑐥𑐹) 𑐫𑑂 𑐠𑑂𑐰 𑐳𑐦𑐹𑐫𑐵 𑐠𑐷𑐠𑐷 𑐚𑐶𑐥𑑂𑐥𑐞𑐷/𑐚𑐷𑐎𑐵 𑐔𑑂𑐰𑐫𑐾𑐐𑐸 𑐖𑑂𑐫𑐵 𑐖𑐸𑐮। 𑐠𑐠𑐾 𑐔𑑂𑐰𑑅𑐐𑐸 𑐔𑑂𑐰𑐏𑑃/𑐐𑑂𑐬𑐣𑑂𑐠𑐟𑐾𑐳𑑄 𑐠𑑂𑐰 𑐳𑐦𑐹𑐟𑐶 𑐡𑐸𑐠𑑂𑐫𑐵𑑅𑐐𑐸 𑐳𑑄𑐎𑑂𑐲𑐶𑐥𑑂𑐟 𑐳𑐹𑐔𑑄𑐫𑐵𑐟 𑐰𑐶𑐳𑑂𑐟𑐺𑐟 𑐫𑐵𑐫𑐾𑐐𑐸 𑐰𑐵 𑐳𑐦𑐹𑐫𑐵 𑐰𑐶𑐰𑐬𑐞𑐫𑐵 𑐢𑐵𑐠𑐾𑑄𑐫𑐵 𑐀𑐬𑑂𑐠 𑐩𑑂𑐴𑐳𑐷𑐎𑐶𑐐𑐸 𑐎𑐸𑐟𑑅 𑐫𑐵𑐟 ।  𑐠𑐠𑐾 𑐔𑑂𑐰𑑅𑐐𑐸 𑐠𑐷𑐠𑐷 𑐚𑐶𑐥𑑂𑐥𑐞𑐷𑐂 𑐣𑐵𑑄𑐖𑐵𑑅𑐐𑐸 𑐳𑐸𑑄 𑐖𑐸𑐌 𑐖𑐸𑐁𑐣𑐫𑐵 𑐐𑑂𑐬𑐣𑑂𑐠, 𑐠𑑅𑐐𑐸 𑐴𑐾 𑐨𑐶𑑄𑐐𑐸 𑐐𑐸𑐞𑐫𑐵 𑐎𑐵𑐬𑐞𑑄 𑐕𑐐𑐹 𑐱𑐵𑐳𑑂𑐟𑑂𑐬𑐷𑐫 𑐳𑐦𑐹 𑐖𑐹𑐰𑐣। 𑐠𑑂𑐰 𑐳𑐦𑐹 𑐠𑐷𑐠𑐷 𑐥𑑂𑐬𑐔𑐮𑐶𑐟 𑐔𑐶𑐣𑐶𑐫𑐵 𑐢𑐵𑐥𑐹𑐫𑐵 𑐳𑑂𑐬𑑀𑐟 𑐣𑑄 𑐖𑐸𑐮।[1]

𑐂𑐟𑐶𑐴𑐵𑐳 𑐰 𑐥𑑂𑐬𑐳𑐒𑑂𑐐

𑐰𑐳𑐣𑑂𑐟 𑐰 𑐱𑐬𑐡 𑐆𑐟𑐸𑐫𑐵 𑐂𑐟𑐶𑐴𑐵𑐳 𑐳𑑄𑐨𑐰𑐟𑑅 𑑕𑐐𑐹 𑐱𑐟𑐵𑐧𑑂𑐡𑐷 𑐃𑐳𑐵 𑐥𑐹𑐬𑑂𑐰𑐫𑑂 𑐔𑑂𑐰𑑅𑐐𑐸 𑐏𑑅 ।[1]  𑐎𑐣𑑂𑐦𑑂𑐫𑐸𑐳𑐶𑐫𑐳𑐫𑐵 𑐂𑐮𑐫𑑂 "𑐰𑐳𑐣𑑂𑐟 𑐰 𑐱𑐬𑐡" 𑐏𑑃𑐥𑐹𑐫𑐵 𑐀𑐬𑑂𑐠 [𑐡𑑃 𑐖𑐸𑐫𑐵𑐔𑑂𑐰𑐣, 𑐀𑐟𑑅, 𑐰𑐳𑐣𑑂𑐟 𑐰 𑐱𑐬𑐡 𑐢𑐎𑐵𑑅 𑐔𑑂𑐰𑐫𑐵𑐟𑑅𑐐𑐸 𑐠𑑂𑐰 𑐳𑐦𑐹𑐫𑐵 𑐰𑐵𑐳𑑂𑐟𑐰𑐶𑐎 𑐀𑐬𑑂𑐠 𑐡𑑃𑐫𑑂 𑐡𑐳𑑄 𑐔𑑂𑐰𑐫𑐾𑐐𑐸 𑐁𑐢𑐶𑐎𑐵𑐬𑐶𑐎 𑐡𑐳𑑂𑐟𑐵𑐧𑐾𑐖 𑐏𑑅।[1]  𑐵𑐴𑐵𑐣𑑄, 𑐠𑑂𑐰 𑐳𑐦𑐹 𑐠𑐠𑐾 𑐔𑑂𑐰𑐫𑐵𑐟𑑅𑐐𑐸 𑐕𑐐𑐹 𑐖𑐎 𑐡𑐳𑑂𑐟𑐵𑐧𑐾𑐖 𑐣𑑄 𑐩𑐏𑐸। 𑐠𑑂𑐰 𑐴𑐾 𑐃𑐮𑐫𑑂 𑐡𑐫𑐵𑐔𑑂𑐰𑑄𑐐𑐸 𑐥𑐹𑐬𑑂𑐰𑐷 𑐗𑐵𑐄 𑐬𑐵𑐖𑑂𑐫𑑄 𑐠𑑅𑐥𑐶𑐣𑐶𑐐𑐸 𑐀𑐨𑐶𑐮𑐾𑐏 𑐠𑑂𑐰 𑐴𑐾 𑐳𑐦𑐹 𑐠𑐾𑑄 𑐴𑐾 𑐎𑐠𑑄 𑐡𑐫𑐾𑐎𑐵𑐟𑑅𑐐𑐸 𑐣𑑄 𑐏𑐣𑐾𑐡𑐸।[2]

𑐠𑑂𑐰 𑐎𑐠𑑄, 𑐠𑑂𑐰 𑐳𑐦𑐹 𑐳𑐩𑐎𑐵𑐮𑐷𑐣 𑐑𑐚𑐣𑐵𑐫𑐵 𑐕𑐐𑐹 𑐳𑑄𑐎𑑂𑐲𑐶𑐥𑑂𑐟 𑐰𑐬𑑂𑐞𑐣 𑐳𑑂𑐰𑐠𑐣𑐶𑐐𑐸 𑐢𑐸𑐎𑐹𑐫𑐵 𑐬𑐸𑐥𑐫𑑂 𑐰𑐶𑐎𑐱𑐶𑐟 𑐖𑐸𑐮 𑐰 𑐠𑐸𑐎𑐶𑐮𑐶 𑐖𑐸𑐖𑐸𑐟𑐾𑐐𑐸 𑐬𑐵𑐖𑑂𑐫𑐵𑐨𑐶𑐲𑐾𑐎, 𑐂𑐴𑐶𑐥𑐵, 𑐩𑐺𑐟𑑂𑐫𑐸, 𑐱𑐵𑐳𑐎𑐟𑐾𑐐𑐸 𑐳𑐶𑐠𑑄, 𑐩𑐹 𑐮𑑂𑐰𑐵𑐥𑐹, 𑐧𑐮𑐶𑐥𑑂𑐬𑐠𑐵, 𑐖𑑂𑐫𑑀𑐟𑐶𑐲𑐫𑐵 𑐴𑐶𑐳𑐵𑐧𑑄 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐏𑐐𑑀𑐮𑐷𑐫 𑐀𑐨𑐹𑐟𑐥𑐹𑐬𑑂𑐰 𑐑𑐚𑐣𑐵, 𑐥𑑂𑐬𑐵𑐎𑐺𑐟𑐶𑐎 𑐰𑐶𑐥𑐡 𑐁𑐡𑐶𑐫𑐵 𑐏𑑃 𑐔𑑂𑐰𑐫𑐵𑐟𑐾𑐐𑐸 𑐔𑐮𑐣 𑐡𑐫𑐵𑐔𑑂𑐰𑐣।[1] 𑐍𑐳𑐟𑐫𑑂 𑐕𑐐𑐹 𑐡𑐸𑐠𑑂𑐫𑐵𑑅𑐐𑐸 𑐑𑐚𑐣𑐵𑐫𑐵𑐟 𑑑𑑐𑐐𑑂𑐰𑑅 𑐔𑐶𑐣𑐶𑐫𑐵 𑐁𑐏𑐮𑑄 𑐔𑑂𑐰𑐫𑐵𑐟𑑅𑐐𑐸 𑐖𑐸𑐳𑐵𑑄 𑐠 𑐳𑐦𑐹𑐮𑐶 𑐡𑐹𑐐𑐸 𑐡𑐎𑐮𑐫𑑂 𑐰𑐶𑐳𑑂𑐟𑐺𑐟 𑐰𑐶𑐰𑐬𑐞 𑑔𑑗𑐐𑑂𑐰𑑅 𑐁𑐏𑐮𑑄 𑐔𑑂𑐰𑐫𑐵𑐟𑑅 𑐐𑐸 𑐡𑐸। 𑐣𑐵𑐥𑑄, 𑐕𑐸𑑄 𑐰𑐬𑑂𑐞𑐣𑐟 𑐢𑐵𑑅𑐳𑐵 𑐕𑐐𑑂𑐰𑑅 𑐁𑐏𑐮𑑄 𑐖𑐎 𑐣𑑄 𑐔𑑂𑐰𑐫𑐵𑐟𑑅𑐐𑐸 𑐡𑐸।[1] 𑐠𑑂𑐰 𑐳𑐦𑐹𑐮𑐶 𑑑𑑒𑐐𑐹 𑐰𑐶𑐰𑐬𑐞𑐫𑑂 𑐟𑐸𑐒𑑂𑐐 (𑐰𑐵 𑐗𑑀𑐒𑑂𑐐) 𑐖𑐎 𑐔𑑂𑐰𑐫𑐵𑐟𑑅𑐐𑐸 𑐡𑐸, 𑐐𑐸𑐎𑐶𑐫𑐵 𑐀𑐬𑑂𑐠 𑐎𑐶𑐮𑑄 𑐖𑐸𑐂𑐐𑐸 𑐏 𑐩𑐴𑐵𑐩𑐵𑐬𑐷, 𑐳𑐩𑑂𑐨𑐰𑐟𑑅 𑐠𑑂𑐰 𑐳𑐮𑑅𑐎𑐶𑐫𑐵 𑐩𑐴𑐵𑐩𑐵𑐬𑐷 𑐖𑐸𑐂𑐦𑐸।[1]

𑐊𑑄𑐚𑑂𑐬𑐷𑐫𑐵 𑐕𑐸𑑄 𑐁𑐢𑐸𑐣𑐶𑐎 𑐰𑐶𑐖𑑂𑐘𑐟𑐾𑐳𑑄 𑐠𑑂𑐰 𑐳𑐦𑐹𑐫𑐵 𑐩𑐹𑐮 𑐄𑐡𑑂𑐡𑐾𑐱𑑂𑐫 𑐩𑐣𑐹𑐟𑐾𑐳𑑄 𑐮𑐶𑐥𑐵 𑐧𑑂𑐰𑐣𑐾𑐟 𑐔𑑂𑐰𑑅𑐐𑐸 𑐂𑐟𑐶𑐴𑐵𑐳 𑐏𑑅 𑐎𑐶 𑐩𑐏𑐸 𑐢𑐎𑐵𑑅 𑐥𑑂𑐬𑐱𑑂𑐣 𑐫𑐵𑐣𑐵𑐡𑐷𑐐𑐸 𑐡𑐸 । 𑐰𑐫𑑂𑐎𑐥𑐶𑑄𑐳𑑄 𑐠𑑂𑐰 𑐳𑐦𑐹𑐫𑐵𑐟 𑐥𑐹𑐬𑑂𑐰𑐖𑐟𑐾𑐐𑐸 𑐁𑐟𑑂𑐩𑐵𑐫𑐵𑐟 𑐰𑐬𑑂𑐟𑐩𑐵𑐣 𑐧𑐸𑐏𑑃𑐮𑐶𑐳𑐾 𑐳𑐸𑐔𑐶𑐟 𑐫𑐵𑐫𑐾𑐐𑐸 𑐀𑐨𑐶𑐥𑑂𑐬𑐵𑐫𑑄 𑐔𑑂𑐰𑐫𑐵𑐟𑑅𑐐𑐸 𑐳𑐦𑐹 𑐖𑐸𑐂𑐦𑐹𑐐𑐸 𑐧𑐶𑐔𑐵𑑅 𑐟𑐫𑐵𑐡𑐷𑐐𑐸 𑐡𑐸। [1]

𑐚𑐷𑐎𑐵

𑐠𑑂𑐰 𑐳𑐦𑐹 𑐳𑑄𑐎𑑂𑐲𑐶𑐥𑑂𑐟 𑐖𑐹𑐐𑐸 𑐰 𑐠𑐸𑐎𑐶𑐫𑐵 𑐳𑐵𑐩𑐐𑑂𑐬𑐷 𑐳𑐷𑐩𑐶𑐟 𑐖𑐸𑐐𑐹𑐮𑐶𑑄 𑐠𑑂𑐰 𑐳𑐦𑐹 𑐠𑐸𑐂𑐎𑐾𑐟𑑅 𑐠𑐷𑐠𑐷 𑐚𑐷𑐎𑐵 𑐐𑑂𑐬𑐣𑑂𑐠 𑐔𑑂𑐰𑐫𑐵𑐟𑑅𑐐𑐸 𑐡𑐸। 𑐴𑐵𑐣𑐟𑐾𑐐𑐸 𑐳𑐦𑐹𑐫𑐵 𑑓𑑐𑐐𑐹 𑐏𑐞𑑂𑐜𑐫𑑂 𑐠𑐣𑑂𑐫𑐵𑑅𑐐𑐸 𑐣𑑂𑐫𑐵𑐐𑐸 𑐚𑐷𑐎𑐵𑐫𑐵 𑐢𑐮𑑅 𑐧𑐶𑐫𑐵𑐟𑑅𑐐𑐸 𑐡𑐸:

• 𑐗𑑀𑐄𑐫𑐵 𑐚𑐷𑐎𑐵 (鄒氏傳)
• 𑐖𑐶𑐫𑐵𑐫𑐵 𑐚𑐷𑐎𑐵 (夾氏傳).
• 𑐐𑑀𑐒𑑂𑐐𑐫𑐵𑐒𑑂𑐐 𑐗𑐸𑐁𑐣
• 𑐐𑐸𑐮𑐶𑐫𑐵𑐒𑑂𑐐 𑐗𑐸𑐁𑐣
• 𑐗𑐸𑐌 𑐗𑐸𑐁𑐣

𑐗𑑀𑐄 𑐰 𑐖𑐶𑐫𑐵𑐫𑐵 𑐚𑐷𑐎𑐵 𑐰𑐬𑑂𑐟𑐩𑐵𑐣𑐫𑑂 𑐮𑐸𑐥𑑂𑐟 𑐖𑐸𑐂𑐢𑐸𑑄𑐎𑐮 𑐰 𑐠𑐸𑐎𑐶𑐫𑐵 𑐥𑐵𑐛 𑐩𑐡𑐸। 𑐰𑐬𑑂𑐟𑐩𑐵𑐣𑐫𑑂 𑐮𑑂𑐫𑐣𑐵𑐔𑑂𑐰𑑄𑐐𑐸 𑐚𑐷𑐎𑐵𑐟𑐾𑐟 𑐩𑑄𑐎𑐵𑐎𑐠𑑄 𑐰𑐳𑐣𑑂𑐟 𑐰 𑐱𑐬𑐡 𑐎𑐵𑐮𑐫𑐵 𑐳𑑂𑐰𑑄𑐐𑐹 𑐚𑐷𑐎𑐵 (春秋三传; Chūnqiū Sānzhuàn) 𑐢𑐎𑐵𑑅 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐴𑐵𑐣𑐫𑐵/𑐴𑐵𑐣𑐟𑐾𑐐𑐸 𑐳𑐦𑐹 𑐰 𑐩𑐴𑐵𑐣 𑐂𑐟𑐶𑐴𑐵𑐳𑐎𑐵𑐬𑐫𑐵 𑐋𑐟𑐶𑐴𑐵𑐳𑐶𑐎 𑐀𑐨𑐶𑐮𑐾𑐏 𑐳𑐦𑐹𑐟𑐶 𑐠𑑂𑐰 𑐳𑑂𑐰𑑄𑐐𑐹 𑐚𑐷𑐎𑐵𑐫𑐵 𑐰𑐶𑐳𑑂𑐟𑐺𑐟 𑐰𑐶𑐰𑐬𑐞 𑐧𑐶𑐫𑐵𑐟𑑅𑐐𑐸 𑐡𑐸।

𑐐𑑀𑐒𑑂𑐐𑐫𑐵𑐒𑑂𑐐 𑐰 𑐐𑐸𑐮𑐶𑐫𑐵𑐒𑑂𑐐 𑐚𑐷𑐎𑐵 𑑒𑐐𑐹 𑐱𑐟𑐵𑐧𑑂𑐡𑐷 𑐂𑐥𑐹𑐳 𑐬𑐔𑐶𑐟 𑐚𑐷𑐎𑐵 𑐏𑑅। 𑐰𑐬𑑂𑐟𑐩𑐵𑐣 𑐰𑐶𑐡𑑂𑐰𑐵𑐣𑐟𑐾𑐐𑐸 𑐢𑐵𑐥𑐹 𑐎𑐠𑑄 𑐠𑑂𑐰 𑐣𑐶𑐟𑐵𑑄 𑐳𑐦𑐹𑐟𑐾𑐳𑑄 𑑒𑐐𑐹 𑐱𑐟𑐵𑐧𑑂𑐡𑐷 𑐳𑑂𑐰𑐫𑐵 𑐣𑑂𑐴𑑂𑐫𑑅𑐫𑐵 (𑐮𑑂𑐰𑐵𑐥𑐹𑐩𑐶 𑐬𑐵𑐖𑑂𑐫𑐎𑐵𑐮𑐷𑐣) 𑐔𑑂𑐰𑐏𑑃 𑐰 𑐩𑑁𑐏𑐶𑐎 𑐥𑐬𑐩𑑂𑐥𑐬𑐵𑐐𑐟 𑐏𑑃𑐫𑐵𑐟 𑐮𑐶𑐥𑐶𑐧𑐡𑑂𑐢 𑐫𑐵𑑅𑐐𑐸 𑐏। 𑐠𑑂𑐰 𑐣𑐶𑐟𑐵𑑄 𑐳𑐦𑐹𑐮𑐶 𑐰𑐳𑐣𑑂𑐟 𑐰 𑐱𑐬𑐡 𑐆𑐟𑐸𑐫𑐵 𑐂𑐟𑐶𑐴𑐵𑐳𑐫𑐵 𑐠𑐷𑐠𑐷 𑐳𑑄𑐳𑑂𑐎𑐬𑐞𑐫𑑂 𑐁𑐢𑐵𑐬𑐶𑐟 𑐔𑑂𑐰𑐏𑑃𑐫𑐵𑐟 𑐣𑑂𑐴𑐾𑐳𑑅 𑐰 𑐮𑐶𑐳𑑅𑐫𑐵 𑐬𑐸𑐥𑐫𑑂 𑐧𑑂𑐰𑐫𑐵𑐟𑑅𑐐𑐸 𑐡𑐸।

𑐗𑐸𑐌 𑐗𑐸𑐁𑐣 𑐳𑐦𑐹 𑑔𑐐𑐹 𑐱𑐟𑐵𑐧𑑂𑐡𑐷 𑐂𑐥𑐹𑐫𑐵 𑐥𑐹𑐬𑑂𑐰𑐵𑐬𑑂𑐢𑐫𑐵 𑐂𑐮𑐫𑑂 𑐔𑑂𑐰𑐫𑐵𑐟𑑅𑐐𑐸 𑑗𑑒𑑒 𑐃𑐳𑐵 𑐥𑐹𑐬𑑂𑐰 𑐣𑐶𑐳𑐾𑑄 𑑔𑑖𑑘 𑐂𑐳𑑂𑐰𑐷𑐥𑐹𑐬𑑂𑐰 𑐟𑐎𑐫𑐵 𑐂𑐟𑐶𑐴𑐵𑐳 𑐏𑑅। 𑐠𑑂𑐰 𑐐𑑂𑐬𑐣𑑂𑐠𑐫𑑂 𑐮𑐸 𑐬𑐵𑐖𑑂𑐫𑐫𑐵 𑐱𑐵𑐳𑐎𑐟𑐾𑐐𑐸 𑐄𑐟𑑂𑐟𑐬𑐵𑐢𑐶𑐎𑐵𑐬𑐷𑐟𑐾𑐐𑐸 𑐗𑑂𑐰𑑅𑐫𑐵 𑐏𑑄 𑐔𑑂𑐰𑐫𑐵𑐟𑑅𑐐𑐸 𑐡𑐸।   𑐳𑑂𑐰𑑄𑐐𑐸 𑐱𑐟𑐵𑐧𑑂𑐡𑐷 𑐃𑐳𑑂𑐰𑐷𑐂 𑐔𑐷𑐣𑐫𑐵 𑐡𑐸 𑐫𑐸 𑐣𑐵𑑄𑐫𑐵𑐩𑑂𑐴 𑐰𑐶𑐡𑑂𑐰𑐵𑐣𑑄 𑐗𑐸 𑐗𑐸𑐁𑐣 𑐰 𑐰𑐳𑐣𑑂𑐟 𑐰 𑐱𑐬𑐡𑐫𑐵 𑐂𑐟𑐶𑐴𑐵𑐳𑐫𑐵𑐟 𑐳𑑂𑐰𑐵𑐣𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐳𑐦𑐹𑐮𑐶 𑐰𑐫𑑂𑐎𑐮𑑄 𑐰𑐳𑐣𑑂𑐟 𑐰 𑐱𑐬𑐡𑐫𑐵 𑐂𑐟𑐶𑐴𑐵𑐳𑐫𑐵 𑐳𑐎𑐮 𑐔𑑂𑐰𑐏𑑃𑐫𑐵𑐟 𑐄𑐎𑐶𑐫𑐵 𑐳𑐩𑐎𑐎𑑂𑐲𑐷 𑐗𑐸𑐌 𑐗𑐸𑐁𑐣𑐫𑐵 𑐔𑑂𑐰𑐏𑑃 𑐣𑐵𑐥𑑄 𑐟𑐫𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐳𑑄𑐳𑑂𑐎𑐬𑐞𑐫𑐵𑐟 𑐠𑑂𑐰 𑐐𑑂𑐬𑐣𑑂𑐠𑐫𑐵 𑐥𑐵𑐫𑑂𑐕𑐶 𑐀𑐬𑑂𑐠 (春秋正義 Chūnqiū zhèngyì) 𑐢𑐎𑐵𑑅 𑑖𑑕𑑓𑐂𑐳𑑄𑐫𑑂 𑐔𑐶𑐣𑐶𑐫𑐵 𑐳𑐵𑐩𑑂𑐬𑐵𑐖𑑂𑐫𑐫𑐵𑐳𑐩𑑂𑐬𑐵𑐚𑑄 𑐳𑑂𑐰𑐷𑐎𑐺𑐟 𑐫𑐵𑐟।[4]

𑐴𑐵𑐣 𑐬𑐵𑐖𑐰𑑄𑐱𑐫𑐵 𑐮𑐶𑐥𑐵𑑄𑐐𑐸 𑐂𑐮𑐫𑑂 𑐐𑐸𑐌𑐫𑐸𑐫𑐵𑐟 𑐠𑑂𑐰 𑐐𑑂𑐬𑐣𑑂𑐠𑐫𑐵 𑐧𑐵𑐴𑐶𑐬𑐷 𑐚𑐷𑐎𑐵 𑐢𑐎𑐵𑑅 𑐩𑑂𑐴𑐳𑐷𑐎𑐮।

"𑐔𑐸𑐣𑑂𑐎𑐶𑐫𑐸 𑐱𑐶𑐫𑐸" 𑐢𑐵𑑅𑐐𑐸 𑐩𑐵𑐰𑐵𑐒𑑂𑐐𑐡𑐸𑐂 𑐳𑐩𑐵𑐢𑐶𑐂 𑐮𑐹𑐐𑐸 𑐩𑑂𑐴𑑀 𑐖𑐵𑐣𑐎𑐵𑐬𑐷 𑐡𑐹𑐐𑐸 𑐐𑑂𑐬𑐣𑑂𑐠 𑐣𑑄 𑐠𑑂𑐰 𑐳𑐦𑐹𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐐𑑂𑐬𑐣𑑂𑐠 𑐏। 𑐠𑑂𑐰 𑐐𑑂𑐬𑐣𑑂𑐠 𑐱𑐶𑐫𑐸 𑐢𑐵𑑅𑐩𑑂𑐴 𑐐𑐸𑐬𑐸𑑄 𑐔𑑂𑐰𑐫𑐵𑐟𑑅𑐐𑐸 𑐢𑐿𑐐𑐸 𑐕𑐸𑑄 𑐰𑐶𑐖𑑂𑐘𑐟𑐾𑐐𑐸 𑐰𑐶𑐱𑑂𑐰𑐵𑐳 𑐡𑐸।

𑐥𑑂𑐬𑐨𑐵𑐰

𑐠𑑂𑐰 𑐐𑑂𑐬𑐣𑑂𑐠 𑐔𑐷𑐣𑐫𑐵 𑐩𑐹 𑐱𑐵𑐳𑑂𑐟𑑂𑐬𑐷𑐫 𑐳𑐵𑐴𑐶𑐟𑑂𑐫𑐫𑑂 𑐕𑐐𑐹 𑐏𑑅 𑐰 𑐠𑑂𑐰 𑐐𑑂𑐬𑐣𑑂𑐠𑑄 𑐮𑐐𑐨𑐐 𑑒,𑑕𑑐𑑐 𑐡𑑃 𑐟𑐎 𑐔𑐶𑐣𑐶𑐫𑐵𑑃 𑐧𑑁𑐡𑑂𑐢𑐶𑐎𑐟𑐵𑐫𑑂 𑐟𑑅𑐢𑑄𑐐𑐸 𑐥𑑂𑐬𑐨𑐵𑐰 𑐡𑐫𑐾𑐎𑐵𑐟𑑅𑐐𑐸 𑐡𑐸 ।[1] 𑑔𑐐𑐹 𑐱𑐟𑐵𑐧𑑂𑐡𑐷 𑐂𑐥𑐹𑐳 𑐩𑐾𑐣𑑂𑐳𑐶𑐫𑐳𑑄 𑐠𑑂𑐰 𑐳𑐦𑐹 𑐎𑐣𑑂𑐦𑑂𑐫𑐸𑐳𑐶𑐫𑐳𑑄 𑐠𑑅𑐩𑑄𑐟𑐸𑑄 𑐔𑑂𑐰𑐫𑐵𑐡𑐷𑐐𑐸 𑐳𑐦𑐹 𑐢𑐎𑐵𑑅 𑐢𑐫𑐵𑐟𑑅𑐐𑐸𑐮𑐶𑑄 𑐠𑑂𑐰 𑐳𑐦𑐹𑐫𑐵𑐟 𑐔𑐶𑐣𑐶𑐫𑐵 𑐧𑑁𑐡𑑂𑐢𑐶𑐎 𑐥𑐬𑐩𑑂𑐥𑐬𑐵𑐫𑑂 𑑒𑑐𑐐𑐹 𑐱𑐟𑐧𑑂𑐡𑐷 𑐟𑐎 𑐔𑐸𑐣𑑁𑐟𑐶 𑐩𑐫𑐵𑐳𑐾𑑄 𑐥𑐵𑐮𑐣 𑐫𑐵𑐫𑐾𑐐𑐸 𑐔𑐮𑐣 𑐡𑐫𑐵𑐔𑑂𑐰𑐣। [7]  𑐵𑐠𑑂𑐰 𑐳𑐦𑐹𑐫𑐵 𑐳𑑄𑐎𑑂𑐲𑐶𑐥𑑂𑐟 𑐱𑐿𑐮𑐷𑐫𑐵 𑐏𑑃𑐫𑑂 𑐠𑑂𑐰 𑐱𑐿𑐮𑐷 𑐎𑐣𑑂𑐦𑑂𑐫𑐹𑐱𑐶𑐫𑐳𑑄 𑐰𑐶𑐔𑐵𑐬𑐱𑐷𑐮 𑐎𑐠𑑄 "𑐄𑐔𑑂𑐔 𑐳𑐶𑐡𑑂𑐢𑐵𑑄𑐟𑐟 𑐳𑐸𑐎𑑂𑐲𑑂𑐩 𑐏𑑃𑐐𑑂𑐰𑐮𑐫𑑂" (微言大義; wēiyán dàyì) 𑐔𑑂𑐰𑐫𑐵𑐡𑐷𑐐𑐸 𑐰𑐶𑐱𑑂𑐰𑐵𑐳 𑐡𑐸।[1] 𑐠𑑂𑐰 𑐳𑑂𑐥𑐲𑑂𑐚𑐷𑐎𑐬𑐞𑐫𑐵𑐟 𑐳𑐎𑐮 𑐰𑐶𑐡𑑂𑐰𑐵𑐣𑐟𑐾𑐳𑑄 𑐢𑐵𑑅𑐳𑐵 𑐳𑑂𑐰𑐷𑐎𑐵𑐬 𑐩𑐫𑐵𑑅: 𑐟𑐵𑐒𑑂𑐐 𑐬𑐵𑐖𑐰𑑄𑐱𑐫𑐵 𑐂𑐟𑐶𑐴𑐵𑐳𑐎𑐵𑐬 𑐮𑐶𑐄 𑐗𑐶𑐖𑐶 𑐎𑐠𑑄 𑐗𑐸𑐌𑐫𑐵 𑐚𑐷𑐎𑐵 𑐩𑐹𑐮 𑐐𑑂𑐬𑐣𑑂𑐠 𑐳𑑂𑐰𑐫𑐵 𑐄𑐔𑑂𑐔𑐎𑑀𑐚𑐷𑐫𑐵 𑐳𑐦𑐹 𑐏𑑅, 𑐰 𑐳𑑀𑐒𑑂𑐐 𑐬𑐵𑐖𑑂𑐫𑐰𑑄𑐱𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐰𑐵𑐒𑑂𑐐 𑐀𑐣𑑂𑐱𑐶 𑐣𑑄 𑐢𑐵𑑅𑐳𑐵 𑐠𑑂𑐰 𑐩𑐹𑐮 𑐐𑑂𑐬𑐣𑑂𑐠𑐫𑐵𑐟 𑐕𑐸𑑄 𑐩𑐴𑐟𑑂𑐟𑑂𑐰 𑐩𑐡𑐹𑐐𑐸 "𑐮𑐵𑐫𑑂𑐎𑐹𑐫𑐵 𑐡𑐳𑑂𑐟𑐵𑐧𑐾𑐖𑐫𑐵 𑐕 𑐎𑐸𑐔𑐵" (断烂朝报; duànlán cháobào) 𑐢𑐎𑐵𑑅 𑐀𑐳𑑂𑐰𑐷𑐎𑐺𑐟 𑐫𑐵𑑅𑐐𑐸 𑐏𑐣𑐾𑐡𑐸।[1] 𑐥𑐱𑑂𑐔𑐶𑐩𑐷 𑐰𑐶𑐡𑑂𑐰𑐵𑐣𑐟𑐫𑑂𑐳𑑄 𑐠𑐠𑐾 𑐴𑐾 𑐎𑐠𑑄 𑐩𑐹𑐮𑑂𑐫𑐵𑑄𑐎𑐣 𑐫𑐵𑐣𑐵𑐟𑑅𑐐𑐸 𑐏𑐣𑐾𑐡𑐸: 𑐦𑑂𑐬𑐾𑐘𑑂𑐔 𑐔𑐷𑐣𑐰𑐶𑐖𑑂𑐘 𑐂𑐜𑐸𑐀𑐬𑑂𑐜 𑐔𑐵𑐰𑐣𑐾𑐳𑑄 𑐠𑑂𑐰 𑐐𑑂𑐬𑐣𑑂𑐠𑐫𑐵𑐟 "𑐕𑐐𑐹 𑐱𑐸𑐲𑑂𑐎 𑐰 𑐩𑐺𑐟 𑐂𑐟𑐶𑐴𑐵𑐳" 𑐢𑐎𑐵𑑅 𑐄𑐮𑑂𑐮𑐾𑐏 𑐫𑐵𑑅𑐐𑐸 𑐡𑐸।[1]

𑐠𑑂𑐰 𑐳𑐦𑐹 𑐠𑑅𑐐𑐸 𑐳𑐩𑐫𑐫𑐵 𑐕𑐐𑐹 𑐟𑑅𑐢𑑄𑐐𑐸 𑐥𑑂𑐬𑐟𑐶𑐣𑐶𑐢𑐶 𑐏𑑅। 𑐠𑑂𑐰 𑐴𑐾 𑐳𑐦𑐹𑐫𑐵 𑐣𑐵𑐩𑑄 𑐠𑑂𑐰 𑐳𑐦𑐹 𑐔𑑂𑐰𑑅𑐐𑐸 𑐫𑐸𑐐𑐫𑐵𑐟 𑐰𑐳𑐣𑑂𑐟 𑐰 𑐱𑐬𑐡 𑐎𑐵𑐮 𑐢𑐎𑐵𑑅 𑐩𑑂𑐴𑐳𑐷𑐎𑐶𑐐𑐸 𑐫𑐵।[1]

𑐨𑐵𑐫𑑂-𑐴𑐶𑐮𑐵

thumb|𑐬𑐱𑐶𑐫𑐣 𑐀𑐣𑐸𑐰𑐵𑐡, 𑑑𑑘𑑗𑑖 𑐳𑐵𑐮। 𑐠𑑂𑐰 𑐳𑐦𑐹𑐫𑐵 𑐠𑐷𑐠𑐷 𑐨𑐵𑐳𑐫𑑂 𑐨𑐵𑐫𑑂𑐴𑐶𑐮𑐵 𑐠𑑂𑐰 𑐎𑐠𑑄 𑐡𑐸-

• Legge, James (1872), The Ch'un Ts'ëw with The Tso Chuen, The Chinese Classics, Vol. V, Hong Kong: Lane, Crawford, & Co.  (part 1 and part 2 at the Internet Archive; also with Pinyin transliterations here).
• Couvreur, Séraphin (1914). Tch'ouen ts'ieou et Tso tschouan (in fr). Ho Kien Fou: Mission Catholique. Reprinted (1951), Paris: Cathasia.
• Malmqvist, Göran (1971). "Studies on the Gongyang and Guliang Commentaries". Bulletin of the Museum of Far Eastern Antiquities 43: 67–222. 
• Watson, Burton (1989). The Tso Chuan: Selections from China's Oldest Narrative History. New York: Columbia University Press.
• Miller, Harry (2015). The Gongyang Commentary on the Spring and Autumn Annals: A Full Translation. New York: Palgrave Macmillan.