छ्येलेमि:Eukesh/Auto/NepalScript/वर्ल्द वाइद वेब
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐰𑐬𑑂𑐮𑑂𑐜 𑐰𑐵𑐂𑐜 𑐰𑐾𑐧 𑐧𑐵𑐫𑑂 𑐴𑐮𑐶𑑄 𑐣𑑂𑐫𑑄𑐎 𑐖𑐵𑑅 (World Wide Web), 𑐐𑐸𑐎𑐶𑐫𑐵𑐟 𑐔𑐶𑐴𑐵𑐎𑐮𑑄 WWW 𑐰𑐵 𑐖𑐵𑑅 (The Web) 𑐣𑑄 𑐢𑐵𑐂𑐐𑐸 𑐫𑐵, 𑐠𑑂𑐰 𑐕𑐐𑐹 𑐀𑐟𑑂𑐫𑐵𑐰𑐱𑑂𑐫𑐎 𑐳𑐹𑐔𑐣𑐵 𑐥𑑂𑐬𑐞𑐵𑐮𑐷 (essential information system) 𑐏𑑅, 𑐐𑐸𑐎𑐶𑑄 𑐂𑐣𑑂𑐚𑐬𑐣𑐾𑐚𑐫𑐵 𑐩𑐵𑐢𑑂𑐫𑐩𑑄 𑐳𑐹𑐔𑑄 𑐰 𑐰𑐾𑐧 𑐥𑑁𑐟𑐾𑐟 (web pages) 𑐥𑑂𑐬𑐳𑐵𑐬𑐞 𑐫𑐵𑐂। 𑐠𑑂𑐰 𑐖𑐵𑐮𑑄 𑐴𑐮𑐶𑑄𑐫𑐵 𑐎𑐩𑑂𑐥𑑂𑐫𑐸𑐚𑐬𑐟𑐫𑑂 𑐡𑐠𑐸𑐂 𑐳𑐹𑐔𑐣𑐵𑐫𑐵𑐟 𑐴𑐵𑐂𑐥𑐬𑐚𑐾𑐎𑑂𑐳𑑂𑐚 (hypertext) 𑐮𑐶𑐒𑑂𑐎𑐟𑐫𑑂𑐐𑐸 𑐩𑐵𑐢𑑂𑐫𑐩𑑄 𑐳𑑂𑐰𑐵𑐂𑐐𑐸 𑐖𑑂𑐫𑐵 𑐫𑐵𑐂। 𑐰𑐬𑑂𑐮𑑂𑐡 𑐰𑐵𑐂𑐡 𑐰𑐾𑐧 𑐢𑐵𑑅𑐐𑐸 𑐠𑑅-𑐠𑑅𑐫𑑂 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐴𑐵𑐂𑐥𑐬𑐟𑐾𑐎𑑂𑐳𑑂𑐟𑐫𑐵 𑐕𑐐𑐹 𑐖𑐵𑑅 𑐏। 𑐠𑑂𑐰 𑐖𑐵𑑅𑐫𑐵𑐟 𑐂𑐣𑑂𑐟𑐬𑐣𑐾𑐟𑑄 𑐕𑑂𑐫𑐮𑐾𑐕𑐶𑑄। 𑐰𑐾𑐧 𑐧𑑂𑐬𑐵𑐄𑐖𑐬 𑐕𑑂𑐫𑐮𑐵 𑐩𑐣𑐹𑐟𑐾𑐳𑑄 𑐰𑐾𑐧𑐥𑐾𑐖 𑐳𑑂𑐰𑐫𑐾𑐦𑐿। 𑐠𑐣𑑂𑐫𑐵𑐐𑐸 𑐰𑐾𑐧𑐥𑐾𑐖𑐫𑑂 𑐁𑐏𑑅, 𑐥𑐵𑐛, 𑐎𑐶𑐥𑐵, 𑐳𑑄𑐎𑐶𑐥𑐵 𑐰 𑐩𑐾𑐩𑐾𑐐𑐸 𑐩𑐮𑑂𑐟𑐶𑐩𑐶𑐡𑐶𑐫𑐵 𑐰𑐳𑑂𑐟𑐸𑐟 𑐡𑐫𑐵𑐔𑑂𑐰𑐣𑐶। 𑐣𑐵𑐥𑑄, 𑐴𑐵𑐂𑐥𑐬𑐮𑐶𑐒𑑂𑐎 𑐕𑑂𑐫𑐮𑐵 𑐠𑐣𑑂𑐫𑐵𑑅𑐐𑐸 𑐕𑐐𑐹 𑐥𑐟𑐶𑑄 𑐩𑐾𑐐𑐸 𑐥𑐟𑐶𑐂 𑐔𑐵𑐴𑐶𑐮𑐾 𑐣𑑄 𑐕𑐶𑑄। 𑐳𑐵𑐩𑐵𑐣𑑂𑐫 𑐨𑐵𑐳𑐫𑑂 𑐂𑐣𑑂𑐟𑐬𑐣𑐾𑐟 𑐰 𑐰𑐬𑑂𑐮𑑂𑐡 𑐰𑐵𑐂𑐡 𑐰𑐾𑐧𑐫𑐵 𑐀𑐬𑑂𑐠 𑐫𑐎𑑂𑐰 𑐩𑐥𑐵𑑅। 𑐀𑐠𑐾 𑐖𑐸𑐳𑐵𑑄, 𑐰𑐵𑐳𑑂𑐟𑐰𑐫𑑂 𑐂𑐣𑑂𑐟𑐬𑐣𑐾𑐟 𑐢𑐵𑑅𑐐𑐸 𑐴𑐮𑐶𑐩𑐫𑑂 𑐡𑐹𑐐𑐸 𑐫𑐎𑑂𑐰 𑐎𑐩𑑂𑐥𑑂𑐫𑐸𑐟𑐬𑐟𑐾𑐐𑐸 𑐕𑐐𑐹 𑐣𑐾𑐟𑐰𑐬𑑂𑐎 𑐰𑑂𑐫𑐰𑐳𑑂𑐠𑐵 𑐏। 𑐰𑐬𑑂𑐮𑑂𑐡 𑐰𑐵𑐂𑐡 𑐰𑐾𑐧 𑐢𑐵𑑅𑐳𑐵 𑐠𑑂𑐰 𑐣𑐾𑐟𑐰𑐬𑑂𑐎 𑐰𑑂𑐫𑐰𑐳𑑂𑐠𑐵𑐫𑑂 𑐳𑐣𑐶𑐐𑐸 𑐕𑐐𑐹 𑐳𑐸𑐰𑐶𑐢𑐵 𑐏।
𑐂𑐟𑐶𑐴𑐵𑐳 𑐰 𑐰𑐶𑐎𑐵𑐳
[सम्पादन]𑐠𑑂𑐰 𑐰𑐶𑐱𑑂𑐰𑐰𑑂𑐫𑐵𑐥𑐷 𑐖𑐵𑑅 𑐚𑐶𑐩 𑐧𑐬𑑂𑐣𑐬𑑂𑐳-𑐮𑐷 𑐢𑐵𑑅𑐩𑑂𑐴 𑐧𑐾𑐮𑐵𑐫𑐟𑐷 𑐰𑐿𑐖𑑂𑐘𑐵𑐣𑐶𑐎𑑄 𑐳𑐣𑑂 𑑑𑑙𑑘𑑙 𑐳 𑐳𑐬𑑂𑐣 (CERN), 𑐳𑑂𑐰𑐷𑐚𑑂𑐖𑐬𑐮𑑂𑐫𑐵𑐣𑑂𑐜𑐫𑑂 𑐔𑑂𑐰𑑄𑐐𑐸 𑐕𑐐𑐹 𑐀𑐣𑐸𑐳𑐣𑑂𑐢𑐵𑐣 𑐥𑑂𑐬𑐫𑑀𑐐𑐱𑐵𑐮𑐵𑐫𑑂 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐧𑐮𑐫𑑂 𑐣𑑂𑐴𑑂𑐫𑐠𑑄𑐐𑐸 𑐏𑑅। 𑐰𑐫𑑂𑐎𑑅𑐫𑐵 𑐩𑐹 𑐧𑐶𑐔𑐵𑑅 𑐢𑐵𑑅𑐳𑐵 𑐰𑐿𑐖𑑂𑐘𑐵𑐣𑐶𑐎𑐟𑐫𑑂 𑐡𑐠𑐸𑐂 𑐜𑐵𑐚𑐵 𑐰 𑐔𑑂𑐰𑐏𑑃(documents)𑐫𑐵𑐟 𑐕𑐐𑐹 𑐳𑐬𑐮 𑐰 𑐱𑐎𑑂𑐟𑐶𑐱𑐵𑐮𑐷 𑐎𑐠𑑄 𑐂𑐣𑐾𑐐𑐸 (sharing) 𑐏𑑅। 𑐰𑐫𑑂𑐎𑐮𑑄 𑐳𑐸𑐬𑐸𑐰𑐵𑐟𑐷 𑐂𑐮𑐫𑑂 𑐴𑐵𑐂𑐥𑐬𑐚𑐾𑐎𑑂𑐳𑑂𑐚 𑐰 𑐂𑐣𑑂𑐚𑐬𑐣𑐾𑐚𑐫𑐵 𑐥𑑂𑐬𑐰𑐶𑐢𑐶 𑐕𑐠𑐵𑐫𑑂 𑐩𑐸𑑄𑐎𑐵𑑅 𑐕𑐐𑐹 𑐰𑐶𑐱𑑂𑐰𑐰𑑂𑐫𑐵𑐥𑐷 𑐳𑐹𑐔𑐣𑐵 𑐥𑑂𑐬𑐞𑐵𑐮𑐷 𑐡𑐫𑐾𑐎𑐾𑐐𑐸 𑐫𑑀𑐖𑐣𑐵 𑐡𑐫𑐾𑐎𑐵𑐡𑐶𑐮। 𑐳𑐣𑑂 𑑑𑑙𑑙𑑓 𑐫𑐵 𑐀𑐥𑑂𑐬𑐶𑐮 𑑓𑑐 𑐏𑐸𑐣𑑂𑐴𑐸 𑐳𑐬𑑂𑐣𑑄 𑐴𑐮𑐶𑑄𑐣𑑂𑐫𑑄𑐎 𑐖𑐵𑑅𑐫𑐵 𑐳𑐦𑑂𑐚𑐰𑐾𑐫𑐬𑐫𑐵𑐟 𑐬𑐵𑐖𑐳𑑂𑐰 𑐩𑐸𑐎𑑂𑐟 (royalty-free) 𑐫𑐵𑐣𑐵𑑅 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐫𑐵𑐟। 𑐠𑐸𑐎𑐶𑑄 𑐫𑐵𑐣𑐵𑑅 𑐠𑑂𑐰 𑐥𑑂𑐬𑐰𑐶𑐢𑐶 𑐦𑐸𑐎𑑂𑐎𑐳𑐶𑐣𑑄 𑐕𑑂𑐫𑐮𑐾 𑐦𑐟 𑐰 𑐫𑐵𑐎𑐣𑑄 𑐴𑐾 𑐴𑐮𑐶𑑄𑐣𑑂𑐫𑑄𑐎𑑄 𑐟𑐳𑐎𑑄 𑐮𑑀𑐎𑑄𑐴𑑂𑐰𑐵𑑅𑐐𑐸 𑐏𑑅।
𑐠𑐸𑐎𑐶𑐫𑐵 𑐣𑑂𑐴𑐵𑐥𑐵𑑄𑐐𑐸 𑐧𑑂𑐬𑐵𑐄𑐖𑐬 𑐰𑐬𑑂𑐮𑑂𑐜𑐰𑐵𑐂𑐜𑐰𑐾𑐧 (WorldWideWeb) 𑐏𑑅। 𑐮𑐶𑐥𑐵 𑐩𑑀𑐖𑐵𑐂𑐎 (Mosaic) 𑐠𑐾𑑄 𑐣𑑂𑐫𑐵𑑅𑐐𑐸 𑐐𑑂𑐬𑐵𑐦𑐶𑐎𑐮 𑐧𑑂𑐬𑐵𑐄𑐖𑐬 𑐰𑐫𑐾𑐢𑐸𑑄𑐎𑐵𑑅 𑐴𑐾 𑐰𑐾𑐧𑐫𑐵 𑐥𑑂𑐬𑐫𑑀𑐐 𑐳𑐵𑐢𑐵𑐬𑐞 𑐩𑐣𑐹𑐟𑐫𑑂 𑐡𑐠𑐸𑐂 𑐟𑐳𑐎𑑄 𑐀𑐥𑑂𑐰𑐮।
𑐩𑐹 𑐟𑐟𑑂𑐟𑑂𑐰
[सम्पादन]𑐰𑐾𑐧𑐫𑐵𑐟 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾𑐟 𑐰𑐫𑑂𑐎𑐮𑑄 𑐳𑑂𑐰𑑄𑐐𑐸 𑐩𑐹 𑐟𑐟𑑂𑐟𑑂𑐰𑐟 𑐡𑐫𑐾𑐎𑐵𑐡𑐶𑐮:
- 𑐫𑐸𑐁𑐬𑐊𑐮 (URL): 𑐰𑐾𑐧 𑐥𑐺𑐲𑑂𑐛𑐫𑐵 𑐀𑐡𑑂𑐰𑐶𑐟𑐷𑐫 𑐠𑐵𑐫𑑂𑐧𑐵𑐫𑑂(unique address)।
- 𑐊𑐔𑐚𑐷𑐚𑐷𑐥𑐷 (HTTP): 𑐎𑐩𑑂𑐥𑑂𑐫𑐸𑐚𑐬𑐟𑐫𑑂 𑐡𑐠𑐸𑐂 𑐳𑐹𑐔𑑄 𑐁𑐡𑐵𑐣𑐥𑑂𑐬𑐡𑐵𑐣 𑐫𑐵𑐫𑐾𑐐𑐸 𑐣𑐶𑐫𑐩 (protocol)।
- 𑐊𑐔𑐚𑐷𑐊𑐩𑐊𑐮 (HTML): 𑐖𑐵𑑅 𑐥𑑁 𑐬𑐸𑐥𑐬𑐾𑐏𑐵 𑐡𑐫𑐾𑐎𑐾𑐐𑐸 𑐨𑐵𑐲𑐵 (markup language)।
𑐳𑑂𑐰𑐫𑐵𑐡𑐶𑐳𑑃
[सम्पादन]