छ्येलेमि:Eukesh/Auto/NepalScript/वराह (उपनिषद्)
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
Eukesh/Auto/NepalScript/वराह (उपनिषद्) 𑐕𑐐𑐹 𑐎𑐵𑐰𑑂𑐫 𑐏। 𑐠𑑂𑐰 𑐎𑐵𑐰𑑂𑐫 𑐩𑐸𑐎𑑂𑐟𑐶𑐎 𑐄𑐥𑐣𑐶𑐲𑐡𑑂𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 𑐄𑐥𑐣𑐶𑐲𑐡𑑂 𑐡𑐸𑐣𑐾 𑐮𑐵 [१]। 𑐠𑑂𑐰 𑐱𑑂𑐬𑐸𑐟𑐶 𑐥𑑂𑐬𑐔𑐮𑐣𑐫𑐵 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐢𑐵𑐬𑑂𑐩𑐶𑐎 𑐐𑑂𑐬𑐣𑑂𑐠 𑐏।
𑐱𑑂𑐮𑑀𑐎
[सम्पादन]𑐠𑐸𑐎𑐶𑐫𑐵 𑐱𑑂𑐮𑑀𑐎 𑐠𑑂𑐰 𑐎𑐠𑑄 𑐡𑐸-[२]
𑐰𑐬𑐵𑐴𑑀𑐥𑐣𑐶𑐲𑐟𑑂
𑐱𑑂𑐬𑐷𑐩𑐡𑑂𑐰𑐵𑐬𑐵𑐴𑑀𑐥𑐣𑐶𑐲𑐡𑑂𑐰𑐾𑐡𑑂𑐫𑐵𑐏𑐞𑑂𑐜𑐳𑐸𑐏𑐵𑐎𑐺𑐟𑐶 ।
𑐟𑑂𑐬𑐶𑐥𑐵𑐣𑑂𑐣𑐵𑐬𑐵𑐫𑐞𑐵𑐏𑑂𑐫𑑄 𑐟𑐡𑑂𑐬𑐵𑐩𑐔𑐣𑑂𑐡𑑂𑐬𑐥𑐡𑑄 𑐨𑐖𑐾 ॥
𑑉 𑐳𑐴 𑐣𑐵𑐰𑐰𑐟𑐸 𑐳𑐴 𑐣𑑁 𑐨𑐸𑐣𑐎𑑂𑐟𑐸 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 ॥
𑐟𑐾𑐖𑐳𑑂𑐰𑐶𑐣𑐵𑐰𑐢𑐷 𑐟𑐩𑐳𑑂𑐟𑐸 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥
𑐴𑐬𑐶𑑅 𑑉 ॥
𑐀𑐠 𑐆𑐨𑐸𑐬𑑂𑐰𑐿 𑐩𑐴𑐵𑐩𑐸𑐣𑐶𑐬𑑂𑐡𑐾𑐰𑐩𑐵𑐣𑐾𑐣 𑐡𑑂𑐰𑐵𑐡𑐱𑐰𑐟𑑂𑐳𑐬𑑄 𑐟𑐥𑐱𑑂𑐔𑐔𑐵𑐬 ।
𑐟𑐡𑐰𑐳𑐵𑐣𑐾 𑐰𑐬𑐵𑐴𑐬𑐹𑐥𑐷 𑐨𑐐𑐰𑐵𑐣𑑂𑐥𑑂𑐬𑐵𑐡𑐸𑐬𑐨𑐹𑐟𑑂 ।
𑐳 𑐴𑑀𑐰𑐵𑐔𑑀𑐟𑑂𑐟𑐶𑐲𑑂𑐛𑑀𑐟𑑂𑐟𑐶𑐲𑑂𑐛 𑐰𑐬𑑄 𑐰𑐺𑐞𑐷𑐱𑑂𑐰𑐾𑐟𑐶 । 𑐳𑑀𑐡𑐟𑐶𑐲𑑂𑐛𑐟𑑂 ।
𑐟𑐳𑑂𑐩𑐿 𑐣𑐩𑐳𑑂𑐎𑐺𑐟𑑂𑐫𑑀𑐰𑐵𑐔 𑐨𑐐𑐰𑐣𑑂𑐎𑐵𑐩𑐶𑐨𑐶𑐬𑑂𑐫𑐡𑑂𑐫𑐟𑑂𑐎𑐵𑐩𑐶𑐟𑑄 𑐟𑐟𑑂𑐟𑐟𑑂𑐟𑑂𑐰𑐟𑑂𑐳𑐎𑐵𑐱𑐵𑐟𑑂𑐳𑑂𑐰𑐥𑑂𑐣𑐾ऽ𑐥𑐶 𑐣 𑐫𑐵𑐔𑐾 ।
𑐳𑐩𑐳𑑂𑐟𑐰𑐾𑐡𑐱𑐵𑐳𑑂𑐟𑑂𑐬𑐾𑐟𑐶𑐴𑐵𑐳𑐥𑐸𑐬𑐵𑐞𑐵𑐣𑐶 𑐳𑐩𑐳𑑂𑐟𑐰𑐶𑐡𑑂𑐫𑐵𑐖𑐵𑐮𑐵𑐣𑐶 𑐧𑑂𑐬𑐴𑑂𑐩𑐵𑐡𑐫𑑅 𑐳𑐸𑐬𑐵𑑅 𑐳𑐬𑑂𑐰𑐾 𑐟𑑂𑐰𑐡𑑂𑐬𑐹𑐥𑐖𑑂𑐘𑐵𑐣𑐵𑐣𑑂𑐩𑐸𑐎𑑂𑐟𑐶𑐩𑐵𑐴𑐸𑑅 ।
𑐀𑐟𑐳𑑂𑐟𑑂𑐰𑐡𑑂𑐬𑐹𑐥𑐥𑑂𑐬𑐟𑐶𑐥𑐵𑐡𑐶𑐎𑐵𑑄 𑐧𑑂𑐬𑐴𑑂𑐩𑐰𑐶𑐡𑑂𑐫𑐵𑑄 𑐧𑑂𑐬𑐹𑐴𑐷𑐟𑐶 𑐴𑑀𑐰𑐵𑐔 ।
𑐟𑐠𑐾𑐟𑐶 𑐳 𑐴𑑀𑐰𑐵𑐔 𑐰𑐬𑐵𑐴𑐬𑐹𑐥𑐷 𑐨𑐐𑐰𑐵𑐣𑑂 ।
𑐔𑐟𑐸𑐬𑑂𑐰𑐶𑑄𑐱𑐟𑐶𑐟𑐟𑑂𑐟𑑂𑐰𑐵𑐣𑐶 𑐎𑐾𑐔𑐶𑐡𑐶𑐔𑑂𑐕𑐣𑑂𑐟𑐶 𑐰𑐵𑐡𑐶𑐣𑑅 ।
𑐎𑐾𑐔𑐶𑐟𑑂𑐲𑐚𑑂𑐟𑑂𑐬𑐶𑑄𑐱𑐟𑑂𑐟𑐟𑑂𑐟𑑂𑐰𑐵𑐣𑐶 𑐎𑐾𑐔𑐶𑐟𑑂𑐲𑐞𑑂𑐞𑐰𑐟𑐷𑐣𑐶 𑐔 ॥ 𑑑॥
𑐟𑐾𑐲𑐵𑑄 𑐎𑑂𑐬𑐩𑑄 𑐥𑑂𑐬𑐰𑐎𑑂𑐲𑑂𑐫𑐵𑐩𑐶 𑐳𑐵𑐰𑐢𑐵𑐣𑐩𑐣𑐵𑑅 𑐱𑐺𑐞𑐸 ।
𑐖𑑂𑐘𑐵𑐣𑐾𑐣𑑂𑐡𑑂𑐬𑐶𑐫𑐵𑐞𑐶 𑐥𑐘𑑂𑐔𑐿𑐰 𑐱𑑂𑐬𑑀𑐟𑑂𑐬𑐟𑑂𑐰𑐐𑑂𑐮𑑀𑐔𑐣𑐵𑐡𑐫𑑅 ॥ 𑑒॥
𑐎𑐬𑑂𑐩𑐾𑐣𑑂𑐡𑑂𑐬𑐶𑐫𑐵𑐞𑐶 𑐥𑐘𑑂𑐔𑐿𑐰 𑐰𑐵𑐎𑑂𑐥𑐵𑐞𑑂𑐫𑐒𑑂𑐑𑑂𑐬𑑂𑐫𑐵𑐡𑐫𑑅 𑐎𑑂𑐬𑐩𑐵𑐟𑑂 ।
𑐥𑑂𑐬𑐵𑐞𑐵𑐡𑐟𑐳𑑂𑐟𑐸 𑐥𑐘𑑂𑐔𑐿𑐰 𑐥𑐘𑑂𑐔 𑐱𑐧𑑂𑐡𑐵𑐡𑐫𑐳𑑂𑐟𑐠𑐵 ॥ 𑑓॥
𑐩𑐣𑑀𑐧𑐸𑐡𑑂𑐢𑐶𑐬𑐴𑑄𑐎𑐵𑐬𑐱𑑂𑐔𑐶𑐟𑑂𑐟𑑄 𑐔𑐾𑐟𑐶 𑐔𑐟𑐸𑐲𑑂𑐚𑐫𑐩𑑂 ।
𑐔𑐟𑐸𑐬𑑂𑐰𑐶𑑄𑐱𑐟𑐶𑐟𑐟𑑂𑐟𑑂𑐰𑐵𑐣𑐶 𑐟𑐵𑐣𑐶 𑐧𑑂𑐬𑐴𑑂𑐩𑐰𑐶𑐡𑑀 𑐰𑐶𑐡𑐸𑑅 ॥ 𑑔॥
𑐊𑐟𑐿𑐳𑑂𑐟𑐟𑑂𑐟𑑂𑐰𑐿𑑅 𑐳𑐩𑑄 𑐥𑐘𑑂𑐔𑐷𑐎𑐺𑐟𑐨𑐹𑐟𑐵𑐣𑐶 𑐥𑐘𑑂𑐔 𑐔 ।
𑐥𑐺𑐠𑐶𑐰𑑂𑐫𑐵𑐥𑐳𑑂𑐟𑐠𑐵 𑐟𑐾𑐖𑑀 𑐰𑐵𑐫𑐸𑐬𑐵𑐎𑐵𑐱𑐩𑐾𑐰 𑐔 ॥ 𑑕॥
𑐡𑐾𑐴𑐟𑑂𑐬𑐫𑑄 𑐳𑑂𑐠𑐹𑐮𑐳𑐹𑐎𑑂𑐲𑑂𑐩𑐎𑐵𑐬𑐞𑐵𑐣𑐶 𑐰𑐶𑐡𑐸𑐬𑑂𑐧𑐸𑐢𑐵𑑅 ।
𑐀𑐰𑐳𑑂𑐠𑐵𑐟𑑂𑐬𑐶𑐟𑐫𑑄 𑐔𑐿𑐰 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐳𑐸𑐲𑐸𑐥𑑂𑐟𑐫𑑅 ॥ 𑑖॥
𑐁𑐴𑐟𑑂𑐫 𑐟𑐟𑑂𑐟𑑂𑐰𑐖𑐵𑐟𑐵𑐣𑐵𑑄 𑐲𑐚𑑂𑐟𑑂𑐬𑐶𑑄𑐱𑐣𑑂𑐩𑐸𑐣𑐫𑑀 𑐰𑐶𑐡𑐸𑑅 ।
𑐥𑐹𑐬𑑂𑐰𑑀𑐎𑑂𑐟𑐿𑐳𑑂𑐟𑐟𑑂𑐟𑑂𑐰𑐖𑐵𑐟𑐿𑐳𑑂𑐟𑐸 𑐳𑐩𑑄 𑐟𑐟𑑂𑐟𑑂𑐰𑐵𑐣𑐶 𑐫𑑀𑐖𑐫𑐾𑐟𑑂 ॥ 𑑗॥
𑐲𑐜𑑂𑐨𑐵𑐰𑐰𑐶𑐎𑐺𑐟𑐶𑐱𑑂𑐔𑐵𑐳𑑂𑐟𑐶 𑐖𑐵𑐫𑐟𑐾 𑐰𑐬𑑂𑐢𑐟𑐾ऽ𑐥𑐶 𑐔 ।
𑐥𑐬𑐶𑐞𑐵𑐩𑑄 𑐎𑑂𑐲𑐫𑑄 𑐣𑐵𑐱𑑄 𑐲𑐜𑑂𑐨𑐵𑐰𑐰𑐶𑐎𑐺𑐟𑐶𑑄 𑐰𑐶𑐡𑐸𑑅 ॥ 𑑘॥
𑐀𑐱𑐣𑐵 𑐔 𑐥𑐶𑐥𑐵𑐳𑐵 𑐔 𑐱𑑀𑐎𑐩𑑀𑐴𑑁 𑐖𑐬𑐵 𑐩𑐺𑐟𑐶𑑅 ।
𑐊𑐟𑐾 𑐲𑐜𑐹𑐬𑑂𑐩𑐫𑑅 𑐥𑑂𑐬𑑀𑐎𑑂𑐟𑐵𑑅 𑐲𑐚𑑂𑐎𑑀𑐱𑐵𑐣𑐠 𑐰𑐔𑑂𑐩𑐶 𑐟𑐾 ॥ 𑑙॥
𑐟𑑂𑐰𑐎𑑂𑐔 𑐬𑐎𑑂𑐟𑑄 𑐩𑐵𑑄𑐳𑐩𑐾𑐡𑑀𑐩𑐖𑑂𑐖𑐵𑐳𑑂𑐠𑐷𑐣𑐶 𑐣𑐶𑐧𑑀𑐢𑐟 ।
𑐎𑐵𑐩𑐎𑑂𑐬𑑀𑐢𑑁 𑐮𑑀𑐨𑐩𑑀𑐴𑑁 𑐩𑐡𑑀 𑐩𑐵𑐟𑑂𑐳𑐬𑑂𑐫𑐩𑐾𑐰 𑐔 ॥ 𑑑.𑑑𑑐॥
𑐊𑐟𑐾ऽ𑐬𑐶𑐲𑐜𑑂𑐰𑐵 𑐰𑐶𑐱𑑂𑐰𑐱𑑂𑐔 𑐟𑐿𑐖𑐳𑑅 𑐥𑑂𑐬𑐵𑐖𑑂𑐘 𑐊𑐰 𑐔 ।
𑐖𑐷𑐰𑐟𑑂𑐬𑐫𑑄 𑐳𑐟𑑂𑐟𑑂𑐰𑐬𑐖𑐳𑑂𑐟𑐩𑐵𑑄𑐳𑐶 𑐔 𑐐𑐸𑐞𑐟𑑂𑐬𑐫𑐩𑑂 ॥ 𑑑𑑑॥
𑐥𑑂𑐬𑐵𑐬𑐧𑑂𑐢𑐵𑐐𑐵𑐩𑑂𑐫𑐬𑑂𑐖𑐶𑐟𑐵𑐣𑐶 𑐎𑐬𑑂𑐩𑐟𑑂𑐬𑐫𑐩𑐶𑐟𑐷𑐬𑐶𑐟𑐩𑑂 ।
𑐰𑐔𑐣𑐵𑐡𑐵𑐣𑐐𑐩𑐣𑐰𑐶𑐳𑐬𑑂𑐐𑐵𑐣𑐣𑑂𑐡𑐥𑐘𑑂𑐔𑐎𑐩𑑂 ॥ 𑑑𑑒॥
𑐳𑑄𑐎𑐮𑑂𑐥𑑀ऽ𑐢𑑂𑐫𑐰𑐳𑐵𑐫𑐱𑑂𑐔 𑐀𑐨𑐶𑐩𑐵𑐣𑑀ऽ𑐰𑐢𑐵𑐬𑐞𑐵 ।
𑐩𑐸𑐡𑐶𑐟𑐵 𑐎𑐬𑐸𑐞𑐵 𑐩𑐿𑐟𑑂𑐬𑐷 𑐄𑐥𑐾𑐎𑑂𑐲𑐵 𑐔 𑐔𑐟𑐸𑐲𑑂𑐚𑐫𑐩𑑂 ॥ 𑑑𑑓॥
𑐡𑐶𑐐𑑂𑐰𑐵𑐟𑐵𑐬𑑂𑐎𑐥𑑂𑐬𑐔𑐾𑐟𑑀ऽ𑐱𑑂𑐰𑐶𑐰𑐴𑑂𑐣𑐷𑐣𑑂𑐡𑑂𑐬𑑀𑐥𑐾𑐣𑑂𑐡𑑂𑐬𑐩𑐺𑐟𑑂𑐫𑐸𑐎𑐵𑑅 ।
𑐟𑐠𑐵 𑐔𑐣𑑂𑐡𑑂𑐬𑐱𑑂𑐔𑐟𑐸𑐬𑑂𑐰𑐎𑑂𑐟𑑂𑐬𑑀 𑐬𑐸𑐡𑑂𑐬𑑅 𑐎𑑂𑐲𑐾𑐟𑑂𑐬𑐖𑑂𑐘 𑐃𑐱𑑂𑐰𑐬𑑅 ॥ 𑑑𑑔॥
𑐁𑐴𑐟𑑂𑐫 𑐟𑐟𑑂𑐟𑑂𑐰𑐖𑐵𑐟𑐵𑐣𑐵𑑄 𑐲𑐞𑑂𑐞𑐰𑐟𑑂𑐫𑐳𑑂𑐟𑐸 𑐎𑐷𑐬𑑂𑐟𑐶𑐟𑐵𑑅 ।
𑐥𑐹𑐬𑑂𑐰𑑀𑐎𑑂𑐟𑐟𑐟𑑂𑐟𑑂𑐰𑐖𑐵𑐟𑐵𑐣𑐵𑑄 𑐰𑐿𑐮𑐎𑑂𑐲𑐞𑑂𑐫𑐩𑐣𑐵𑐩𑐫𑐩𑑂 ॥ 𑑑𑑕॥
𑐰𑐬𑐵𑐴𑐬𑐹𑐥𑐶𑐞𑑄 𑐩𑐵𑑄 𑐫𑐾 𑐨𑐖𑐣𑑂𑐟𑐶 𑐩𑐫𑐶 𑐨𑐎𑑂𑐟𑐶𑐟𑑅 ।
𑐰𑐶𑐩𑐸𑐎𑑂𑐟𑐵𑐖𑑂𑐘𑐵𑐣𑐟𑐟𑑂𑐎𑐵𑐬𑑂𑐫𑐵 𑐖𑐷𑐰𑐣𑑂𑐩𑐸𑐎𑑂𑐟𑐵 𑐨𑐰𑐣𑑂𑐟𑐶 𑐟𑐾 ॥ 𑑑𑑖॥
𑐫𑐾 𑐲𑐞𑑂𑐞𑐰𑐟𑐶𑐟𑐟𑑂𑐟𑑂𑐰𑐖𑑂𑐘𑐵 𑐫𑐟𑑂𑐬 𑐎𑐸𑐟𑑂𑐬𑐵𑐱𑑂𑐬𑐩𑐾 𑐬𑐟𑐵𑑅 ।
𑐖𑐚𑐷 𑐩𑐸𑐞𑑂𑐜𑐷 𑐱𑐶𑐏𑐷 𑐰𑐵𑐥𑐶 𑐩𑐸𑐔𑑂𑐫𑐟𑐾 𑐣𑐵𑐟𑑂𑐬 𑐳𑑄𑐱𑐫𑑅 ॥ 𑑑𑑗॥ 𑐂𑐟𑐶॥
𑐂𑐟𑐶 𑐥𑑂𑐬𑐠𑐩𑑀ऽ𑐢𑑂𑐫𑐵𑐫𑑅 ॥𑑑 ॥
𑐆𑐨𑐸𑐬𑑂𑐣𑐵𑐩 𑐩𑐴𑐵𑐫𑑀𑐐𑐷 𑐎𑑂𑐬𑑀𑐜𑐬𑐹𑐥𑑄 𑐬𑐩𑐵𑐥𑐟𑐶𑐩𑑂 ।
𑐰𑐬𑐶𑐲𑑂𑐛𑐵𑑄 𑐧𑑂𑐬𑐴𑑂𑐩𑐰𑐶𑐡𑑂𑐫𑐵𑑄 𑐟𑑂𑐰𑐩𑐢𑐷𑐴𑐶 𑐨𑐐𑐰𑐣𑑂𑐩𑐩 ।
𑐊𑐰𑑄 𑐳 𑐳𑑂𑐥𑐺𑐲𑑂𑐚𑑀 𑐨𑐐𑐰𑐵𑐣𑑂𑐥𑑂𑐬𑐵𑐴 𑐨𑐎𑑂𑐟𑐵𑐬𑑂𑐟𑐶𑐨𑐘𑑂𑐖𑐣𑑅 ॥ 𑑒.𑑑॥
𑐳𑑂𑐰𑐰𑐬𑑂𑐞𑐵𑐱𑑂𑐬𑐩𑐢𑐬𑑂𑐩𑐾𑐞 𑐟𑐥𑐳𑐵 𑐐𑐸𑐬𑐸𑐟𑑀𑐲𑐞𑐵𑐟𑑂 ।
𑐳𑐵𑐢𑐣𑑄 𑐥𑑂𑐬𑐨𑐰𑐾𑐟𑑂𑐥𑐸𑑄𑐳𑐵𑑄 𑐰𑐿𑐬𑐵𑐐𑑂𑐫𑐵𑐡𑐶𑐔𑐟𑐸𑐲𑑂𑐚𑐫𑐩𑑂 ॥ 𑑒॥
𑐣𑐶𑐟𑑂𑐫𑐵𑐣𑐶𑐟𑑂𑐫𑐰𑐶𑐰𑐾𑐎𑐱𑑂𑐔 𑐂𑐴𑐵𑐩𑐸𑐟𑑂𑐬 𑐰𑐶𑐬𑐵𑐐𑐟𑐵 ।
𑐱𑐩𑐵𑐡𑐶𑐲𑐚𑑂𑐎𑐳𑑄𑐥𑐟𑑂𑐟𑐶𑐬𑑂𑐩𑐸𑐩𑐸𑐎𑑂𑐲𑐵 𑐟𑐵𑑄 𑐳𑐩𑐨𑑂𑐫𑐳𑐾𑐟𑑂 ॥ 𑑓॥
𑐊𑐰𑑄 𑐖𑐶𑐟𑐾𑐣𑑂𑐡𑑂𑐬𑐶𑐫𑑀 𑐨𑐹𑐟𑑂𑐰𑐵 𑐳𑐬𑑂𑐰𑐟𑑂𑐬 𑐩𑐩𑐟𑐵𑐩𑐟𑐶𑐩𑑂 ।
𑐰𑐶𑐴𑐵𑐫 𑐳𑐵𑐎𑑂𑐲𑐶𑐔𑐿𑐟𑐣𑑂𑐫𑐾 𑐩𑐫𑐶 𑐎𑐸𑐬𑑂𑐫𑐵𑐡𑐴𑑄𑐩𑐟𑐶𑐩𑑂 ॥ 𑑔॥
𑐡𑐸𑐬𑑂𑐮𑐨𑑄 𑐥𑑂𑐬𑐵𑐥𑑂𑐫 𑐩𑐵𑐣𑐸𑐲𑑂𑐫𑑄 𑐟𑐟𑑂𑐬𑐵𑐥𑐶 𑐣𑐬𑐰𑐶𑐐𑑂𑐬𑐴𑐩𑑂 ।
𑐧𑑂𑐬𑐵𑐴𑑂𑐩𑐞𑑂𑐫𑑄 𑐔 𑐩𑐴𑐵𑐰𑐶𑐲𑑂𑐞𑑀𑐬𑑂𑐰𑐾𑐡𑐵𑐣𑑂𑐟𑐱𑑂𑐬𑐰𑐞𑐵𑐡𑐶𑐣𑐵 ॥ 𑑕॥
𑐀𑐟𑐶𑐰𑐬𑑂𑐞𑐵𑐱𑑂𑐬𑐩𑑄 𑐬𑐹𑐥𑑄 𑐳𑐔𑑂𑐔𑐶𑐡𑐵𑐣𑐣𑑂𑐡𑐮𑐎𑑂𑐲𑐞𑐩𑑂 ।
𑐫𑑀 𑐣 𑐖𑐵𑐣𑐵𑐟𑐶 𑐳𑑀ऽ𑐰𑐶𑐡𑑂𑐰𑐵𑐣𑑂𑐎𑐡𑐵 𑐩𑐸𑐎𑑂𑐟𑑀 𑐨𑐰𑐶𑐲𑑂𑐫𑐟𑐶 ॥ 𑑖॥
𑐀𑐴𑐩𑐾𑐰 𑐳𑐸𑐏𑑄 𑐣𑐵𑐣𑑂𑐫𑐡𑐣𑑂𑐫𑐔𑑂𑐔𑐾𑐣𑑂𑐣𑐿𑐰 𑐟𑐟𑑂𑐳𑐸𑐏𑐩𑑂 ।
𑐀𑐩𑐡𑐬𑑂𑐠𑑄 𑐣 𑐴𑐶 𑐥𑑂𑐬𑐾𑐫𑑀 𑐩𑐡𑐬𑑂𑐠𑑄 𑐣 𑐳𑑂𑐰𑐟𑑅𑐥𑑂𑐬𑐶𑐫𑐩𑑂 ॥ 𑑗॥
𑐥𑐬𑐥𑑂𑐬𑐾𑐩𑐵𑐳𑑂𑐥𑐡𑐟𑐫𑐵 𑐩𑐵 𑐣 𑐨𑐹𑐰𑐩𑐴𑑄 𑐳𑐡𑐵 ।
𑐨𑐹𑐫𑐵𑐳𑐩𑐶𑐟𑐶 𑐫𑑀 𑐡𑑂𑐬𑐲𑑂𑐚𑐵 𑐳𑑀ऽ𑐴𑑄 𑐰𑐶𑐲𑑂𑐞𑐸𑐬𑑂𑐩𑐸𑐣𑐷𑐱𑑂𑐰𑐬 ॥ 𑑘॥
𑐣 𑐥𑑂𑐬𑐎𑐵𑐱𑑀ऽ𑐴𑐩𑐶𑐟𑑂𑐫𑐸𑐎𑑂𑐟𑐶𑐬𑑂𑐫𑐟𑑂𑐥𑑂𑐬𑐎𑐵𑐱𑐿𑐎𑐧𑐣𑑂𑐢𑐣𑐵 ।
𑐳𑑂𑐰𑐥𑑂𑐬𑐎𑐵𑐱𑑄 𑐟𑐩𑐵𑐟𑑂𑐩𑐵𑐣𑐩𑐥𑑂𑐬𑐎𑐵𑐱𑑅 𑐎𑐠𑑄 𑐳𑑂𑐥𑐺𑐱𑐾𑐟𑑂 ॥ 𑑙॥
𑐳𑑂𑐰𑐫𑑄 𑐨𑐵𑐟𑑄 𑐣𑐶𑐬𑐵𑐢𑐵𑐬𑑄 𑐫𑐾 𑐖𑐵𑐣𑐣𑑂𑐟𑐶 𑐳𑐸𑐣𑐶𑐱𑑂𑐔𑐶𑐟𑐩𑑂 ।
𑐟𑐾 𑐴𑐶 𑐰𑐶𑐖𑑂𑐘𑐵𑐣𑐳𑑄𑐥𑐣𑑂𑐣𑐵 𑐂𑐟𑐶 𑐩𑐾 𑐣𑐶𑐱𑑂𑐔𑐶𑐟𑐵 𑐩𑐟𑐶𑑅 ॥ 𑑒.𑑑𑑐॥
𑐳𑑂𑐰𑐥𑐹𑐬𑑂𑐞𑐵𑐟𑑂𑐩𑐵𑐟𑐶𑐬𑐾𑐎𑐾𑐞 𑐖𑐐𑐖𑑂𑐖𑐷𑐰𑐾𑐱𑑂𑐰𑐬𑐵𑐡𑐫𑑅 ।
𑐣 𑐳𑐣𑑂𑐟𑐶 𑐣𑐵𑐳𑑂𑐟𑐶 𑐩𑐵𑐫𑐵 𑐔 𑐟𑐾𑐨𑑂𑐫𑐱𑑂𑐔𑐵𑐴𑑄 𑐰𑐶𑐮𑐎𑑂𑐲𑐞𑑅 ॥ 𑑑𑑑॥
𑐀𑐖𑑂𑐘𑐵𑐣𑐵𑐣𑑂𑐢𑐟𑐩𑑀𑐬𑐹𑐥𑑄 𑐎𑐬𑑂𑐩𑐢𑐬𑑂𑐩𑐵𑐡𑐶𑐮𑐎𑑂𑐲𑐞𑐩𑑂 ।
𑐳𑑂𑐰𑐫𑑄𑐥𑑂𑐬𑐎𑐵𑐱𑐩𑐵𑐟𑑂𑐩𑐵𑐣𑑄 𑐣𑐿𑐰 𑐩𑐵𑑄 𑐳𑑂𑐥𑑂𑐬𑐲𑑂𑐚𑐸𑐩𑐵𑐬𑑂𑐴𑐟𑐶 ॥ 𑑑𑑒॥
𑐳𑐬𑑂𑐰𑐳𑐵𑐎𑑂𑐲𑐶𑐞𑐩𑐵𑐟𑑂𑐩𑐵𑐣𑑄 𑐰𑐬𑑂𑐞𑐵𑐱𑑂𑐬𑐩𑐰𑐶𑐰𑐬𑑂𑐖𑐶𑐟𑐩𑑂 ।
𑐧𑑂𑐬𑐴𑑂𑐩𑐬𑐹𑐥𑐟𑐫𑐵 𑐥𑐱𑑂𑐫𑐣𑑂𑐧𑑂𑐬𑐴𑑂𑐩𑐿𑐰 𑐨𑐰𑐟𑐶 𑐳𑑂𑐰𑐫𑐩𑑂 ॥ 𑑑𑑓॥
𑐨𑐵𑐳𑐩𑐵𑐣𑐩𑐶𑐡𑑄 𑐳𑐬𑑂𑐰𑑄 𑐩𑐵𑐣𑐬𑐹𑐥𑑄 𑐥𑐬𑑄 𑐥𑐡𑐩𑑂 ।
𑐥𑐱𑑂𑐫𑐣𑑂𑐰𑐾𑐡𑐵𑐣𑑂𑐟𑐩𑐵𑐣𑐾𑐣 𑐳𑐡𑑂𑐫 𑐊𑐰 𑐰𑐶𑐩𑐸𑐔𑑂𑐫𑐟𑐾 ॥ 𑑑𑑔॥
𑐡𑐾𑐴𑐵𑐟𑑂𑐩𑐖𑑂𑐘𑐵𑐣𑐰𑐖𑑂𑐖𑑂𑐘𑐵𑐣𑑄 𑐡𑐾𑐴𑐵𑐟𑑂𑐩𑐖𑑂𑐘𑐵𑐣𑐧𑐵𑐢𑐎𑐩𑑂 ।
𑐁𑐟𑑂𑐩𑐣𑑂𑐫𑐾𑐰 𑐨𑐰𑐾𑐡𑑂𑐫𑐳𑑂𑐫 𑐳 𑐣𑐾𑐔𑑂𑐕𑐣𑑂𑐣𑐥𑐶 𑐩𑐸𑐔𑑂𑐫𑐟𑐾 ॥ 𑑑𑑕॥
𑐳𑐟𑑂𑐫𑐖𑑂𑐘𑐵𑐣𑐵𑐣𑐣𑑂𑐡𑐥𑐹𑐬𑑂𑐞𑐮𑐎𑑂𑐲𑐞𑑄 𑐟𑐩𑐳𑑅 𑐥𑐬𑐩𑑂 ।
𑐧𑑂𑐬𑐴𑑂𑐩𑐵𑐣𑐣𑑂𑐡𑑄 𑐳𑐡𑐵 𑐥𑐱𑑂𑐫𑐣𑑂𑐎𑐠𑑄 𑐧𑐢𑑂𑐫𑐾𑐟 𑐎𑐬𑑂𑐩𑐞𑐵 ॥ 𑑑𑑖॥
𑐟𑑂𑐬𑐶𑐢𑐵𑐩𑐳𑐵𑐎𑑂𑐲𑐶𑐞𑑄 𑐳𑐟𑑂𑐫𑐖𑑂𑐘𑐵𑐣𑐵𑐣𑐣𑑂𑐡𑐵𑐡𑐶𑐮𑐎𑑂𑐲𑐞𑐩𑑂 ।
𑐟𑑂𑐰𑐩𑐴𑑄𑐱𑐧𑑂𑐡𑐮𑐎𑑂𑐲𑑂𑐫𑐵𑐬𑑂𑐠𑐩𑐳𑐎𑑂𑐟𑑄 𑐳𑐬𑑂𑐰𑐡𑑀𑐲𑐟𑑅 ॥ 𑑑𑑗॥
𑐳𑐬𑑂𑐰𑐐𑑄 𑐳𑐔𑑂𑐔𑐶𑐡𑐵𑐟𑑂𑐩𑐵𑐣𑑄 𑐖𑑂𑐘𑐵𑐣𑐔𑐎𑑂𑐲𑐸𑐬𑑂𑐣𑐶𑐬𑐷𑐎𑑂𑐲𑐟𑐾 ।
𑐀𑐖𑑂𑐘𑐵𑐣𑐔𑐎𑑂𑐲𑐸𑐬𑑂𑐣𑐾𑐎𑑂𑐲𑐾𑐟 𑐨𑐵𑐳𑑂𑐰𑐣𑑂𑐟𑑄 𑐨𑐵𑐣𑐸𑐩𑐣𑑂𑐢𑐰𑐟𑑂 ॥ 𑑑𑑘॥
𑐥𑑂𑐬𑐖𑑂𑐘𑐵𑐣𑐩𑐾𑐰 𑐟𑐡𑑂𑐧𑑂𑐬𑐴𑑂𑐩 𑐳𑐟𑑂𑐫𑐥𑑂𑐬𑐖𑑂𑐘𑐵𑐮𑐎𑑂𑐲𑐞𑐩𑑂 ।
𑐊𑐰𑑄 𑐧𑑂𑐬𑐴𑑂𑐩𑐥𑐬𑐶𑐖𑑂𑐘𑐵𑐣𑐵𑐡𑐾𑐰 𑐩𑐬𑑂𑐟𑑂𑐫𑑀ऽ𑐩𑐺𑐟𑑀 𑐨𑐰𑐾𑐟𑑂 ॥ 𑑑𑑙॥
𑐟𑐡𑑂𑐧𑑂𑐬𑐴𑑂𑐩𑐵𑐣𑐣𑑂𑐡𑐩𑐡𑑂𑐰𑐣𑑂𑐡𑑂𑐰𑑄 𑐣𑐶𑐬𑑂𑐐𑐸𑐞𑑄 𑐳𑐟𑑂𑐫𑐔𑐶𑐡𑑂𑐑𑐣𑐩𑑂 ।
𑐰𑐶𑐡𑐶𑐟𑑂𑐰𑐵 𑐳𑑂𑐰𑐵𑐟𑑂𑐩𑐣𑑀 𑐬𑐹𑐥𑑄 𑐣 𑐧𑐶𑐨𑐾𑐟𑐶 𑐎𑐸𑐟𑐱𑑂𑐔𑐣 ॥ 𑑒.𑑒𑑐॥
𑐔𑐶𑐣𑑂𑐩𑐵𑐟𑑂𑐬𑑄 𑐳𑐬𑑂𑐰𑐐𑑄 𑐣𑐶𑐟𑑂𑐫𑑄 𑐳𑑄𑐥𑐹𑐬𑑂𑐞𑑄 𑐳𑐸𑐏𑐩𑐡𑑂𑐰𑐫𑐩𑑂 ।
𑐳𑐵𑐎𑑂𑐲𑐵𑐡𑑂𑐧𑑂𑐬𑐴𑑂𑐩𑐿𑐰 𑐣𑐵𑐣𑑂𑐫𑑀ऽ𑐳𑑂𑐟𑐷𑐟𑑂𑐫𑐾𑐰𑑄 𑐧𑑂𑐬𑐴𑑂𑐩𑐰𑐶𑐡𑐵𑑄 𑐳𑑂𑐠𑐶𑐟𑐶𑑅 ॥ 𑑒𑑑॥
𑐀𑐖𑑂𑐘𑐳𑑂𑐫 𑐡𑐸𑑅𑐏𑑁𑐑𑐩𑐫𑑄 𑐖𑑂𑐘𑐳𑑂𑐫𑐵𑐣𑐣𑑂𑐡𑐩𑐫𑑄 𑐖𑐐𑐟𑑂 ।
𑐀𑐣𑑂𑐢𑑄 𑐨𑐸𑐰𑐣𑐩𑐣𑑂𑐢𑐳𑑂𑐫 𑐥𑑂𑐬𑐎𑐵𑐱𑑄 𑐟𑐸 𑐳𑐸𑐔𑐎𑑂𑐲𑐸𑐲𑐵𑐩𑑂 ॥ 𑑒𑑒॥
𑐀𑐣𑐣𑑂𑐟𑐾 𑐳𑐔𑑂𑐔𑐶𑐡𑐵𑐣𑐣𑑂𑐡𑐾 𑐩𑐫𑐶 𑐰𑐵𑐬𑐵𑐴𑐬𑐹𑐥𑐶𑐞𑐷 ।
𑐳𑑂𑐠𑐶𑐟𑐾ऽ𑐡𑑂𑐰𑐶𑐟𑐷𑐫𑐨𑐵𑐰𑑅 𑐳𑑂𑐫𑐵𑐟𑑂𑐎𑑀 𑐧𑐣𑑂𑐢𑑅 𑐎𑐱𑑂𑐔 𑐩𑐸𑐔𑑂𑐫𑐟𑐾 ॥ 𑑒𑑓॥
𑐳𑑂𑐰𑐳𑑂𑐰𑐬𑐹𑐥𑑄 𑐟𑐸 𑐔𑐶𑐣𑑂𑐩𑐵𑐟𑑂𑐬𑑄 𑐳𑐬𑑂𑐰𑐡𑐵 𑐳𑐬𑑂𑐰𑐡𑐾𑐴𑐶𑐣𑐵𑐩𑑂 ।
𑐣𑐿𑐰 𑐡𑐾𑐴𑐵𑐡𑐶𑐳𑐒𑑂𑐑𑐵𑐟𑑀 𑐑𑐚𑐰𑐡𑑂𑐡𑐺𑐱𑐶𑐐𑑀𑐔𑐬𑑅 ॥ 𑑒𑑔॥
𑐳𑑂𑐰𑐵𑐟𑑂𑐩𑐣𑑀ऽ𑐣𑑂𑐫𑐡𑐶𑐰𑐵𑐨𑐵𑐟𑑄 𑐔𑐬𑐵𑐔𑐬𑐩𑐶𑐡𑑄 𑐖𑐐𑐟𑑂 ।
𑐳𑑂𑐰𑐵𑐟𑑂𑐩𑐩𑐵𑐟𑑂𑐬𑐟𑐫𑐵 𑐧𑐸𑐡𑑂𑐢𑑂𑐰𑐵 𑐟𑐡𑐳𑑂𑐩𑐷𑐟𑐶 𑐰𑐶𑐨𑐵𑐰𑐫 ॥ 𑑒𑑕॥
𑐳𑑂𑐰𑐳𑑂𑐰𑐬𑐹𑐥𑑄 𑐳𑑂𑐰𑐫𑑄 𑐨𑐸𑐒𑑂𑐎𑑂𑐟𑐾 𑐣𑐵𑐳𑑂𑐟𑐶 𑐨𑑀𑐖𑑂𑐫𑑄 𑐥𑐺𑐠𑐎𑑂 𑐳𑑂𑐰𑐟𑑅 ।
𑐀𑐳𑑂𑐟𑐶 𑐔𑐾𑐡𑐳𑑂𑐟𑐶𑐟𑐵𑐬𑐹𑐥𑑄 𑐧𑑂𑐬𑐴𑑂𑐩𑐿𑐰𑐵𑐳𑑂𑐟𑐶𑐟𑑂𑐰𑐮𑐎𑑂𑐲𑐞𑐩𑑂 ॥ 𑑒𑑖॥
𑐧𑑂𑐬𑐴𑑂𑐩𑐰𑐶𑐖𑑂𑐘𑐵𑐣𑐳𑑄𑐥𑐣𑑂𑐣𑑅 𑐥𑑂𑐬𑐟𑐷𑐟𑐩𑐏𑐶𑐮𑑄 𑐖𑐐𑐟𑑂 ।
𑐥𑐱𑑂𑐫𑐣𑑂𑐣𑐥𑐶 𑐳𑐡𑐵 𑐣𑐿𑐰 𑐥𑐱𑑂𑐫𑐟𑐶 𑐳𑑂𑐰𑐵𑐟𑑂𑐩𑐣𑑅 𑐥𑐺𑐠𑐎𑑂 ॥ 𑑒𑑗॥
𑐩𑐟𑑂𑐳𑑂𑐰𑐬𑐹𑐥𑐥𑐬𑐶𑐖𑑂𑐘𑐵𑐣𑐵𑐟𑑂𑐎𑐬𑑂𑐩𑐨𑐶𑐬𑑂𑐣 𑐳 𑐧𑐢𑑂𑐫𑐟𑐾 ॥ 𑑒𑑘॥
𑐫𑑅 𑐱𑐬𑐷𑐬𑐾𑐣𑑂𑐡𑑂𑐬𑐶𑐫𑐵𑐡𑐶𑐨𑑂𑐫𑑀 𑐰𑐶𑐴𑐷𑐣𑑄 𑐳𑐬𑑂𑐰𑐳𑐵𑐎𑑂𑐲𑐶𑐞𑐩𑑂 ।
𑐥𑐬𑐩𑐵𑐬𑑂𑐠𑐿𑐎𑐰𑐶𑐖𑑂𑐘𑐵𑐣𑑄 𑐳𑐸𑐏𑐵𑐟𑑂𑐩𑐵𑐣𑑄 𑐳𑑂𑐰𑐫𑑄𑐥𑑂𑐬𑐨𑐩𑑂 ॥ 𑑒𑑙॥
𑐳𑑂𑐰𑐳𑑂𑐰𑐬𑐹𑐥𑐟𑐫𑐵 𑐳𑐬𑑂𑐰𑑄 𑐰𑐾𑐡 𑐳𑑂𑐰𑐵𑐣𑐸𑐨𑐰𑐾𑐣 𑐫𑑅 ।
𑐳 𑐢𑐷𑐬𑑅 𑐳 𑐟𑐸 𑐰𑐶𑐖𑑂𑐘𑐾𑐫𑑅 𑐳𑑀ऽ𑐴𑑄 𑐟𑐟𑑂𑐟𑑂𑐰𑑄 𑐆𑐨𑑀 𑐨𑐰 ॥ 𑑒.𑑓𑑐॥
𑐀𑐟𑑅 𑐥𑑂𑐬𑐥𑐘𑑂𑐔𑐵𑐣𑐸𑐨𑐰𑑅 𑐳𑐡𑐵 𑐣 𑐴𑐶
𑐳𑑂𑐰𑐬𑐹𑐥𑐧𑑀𑐢𑐵𑐣𑐸𑐨𑐰𑑅 𑐳𑐡𑐵 𑐏𑐮𑐸 ।
𑐂𑐟𑐶 𑐥𑑂𑐬𑐥𑐱𑑂𑐫𑐣𑑂𑐥𑐬𑐶𑐥𑐹𑐬𑑂𑐞𑐰𑐾𑐡𑐣𑑀
𑐣 𑐧𑐣𑑂𑐢𑐩𑐸𑐎𑑂𑐟𑑀 𑐣 𑐔 𑐧𑐡𑑂𑐢 𑐊𑐰 𑐟𑐸 ॥ 𑑓𑑑॥
𑐳𑑂𑐰𑐳𑑂𑐰𑐬𑐹𑐥𑐵𑐣𑐸𑐳𑐣𑑂𑐢𑐵𑐣𑐵𑐣𑑂𑐣𑐺𑐟𑑂𑐫𑐣𑑂𑐟𑑄 𑐳𑐬𑑂𑐰𑐳𑐵𑐎𑑂𑐲𑐶𑐞𑐩𑑂 ।
𑐩𑐸𑐴𑐹𑐬𑑂𑐟𑑄 𑐔𑐶𑐣𑑂𑐟𑐫𑐾𑐣𑑂𑐩𑐵𑑄 𑐫𑑅 𑐳𑐬𑑂𑐰𑐧𑐣𑑂𑐢𑐿𑑅 𑐥𑑂𑐬𑐩𑐸𑐔𑑂𑐫𑐟𑐾 ॥ 𑑓𑑒॥
𑐳𑐬𑑂𑐰𑐨𑐹𑐟𑐵𑐣𑑂𑐟𑐬𑐳𑑂𑐠𑐵𑐫 𑐣𑐶𑐟𑑂𑐫𑐩𑐸𑐎𑑂𑐟𑐔𑐶𑐡𑐵𑐟𑑂𑐩𑐣𑐾 ।
𑐥𑑂𑐬𑐟𑑂𑐫𑐎𑑂𑐔𑐿𑐟𑐣𑑂𑐫𑐬𑐹𑐥𑐵𑐫 𑐩𑐴𑑂𑐫𑐩𑐾𑐰 𑐣𑐩𑑀𑐣𑐩𑑅 ॥ 𑑓𑑓॥
𑐟𑑂𑐰𑑄 𑐰𑐴𑐩𑐳𑑂𑐩𑐶 𑐨𑐐𑐰𑑀 𑐡𑐾𑐰𑐟𑐾ऽ𑐴𑑄 𑐰𑐿 𑐟𑑂𑐰𑐩𑐳𑐶 ।
𑐟𑐸𑐨𑑂𑐫𑑄 𑐩𑐴𑑂𑐫𑐩𑐣𑐣𑑂𑐟𑐵𑐫 𑐩𑐴𑑂𑐫𑑄 𑐟𑐸𑐨𑑂𑐫𑑄 𑐔𑐶𑐡𑐵𑐟𑑂𑐩𑐣𑐾 ॥ 𑑓𑑔॥
𑐣𑐩𑑀 𑐩𑐴𑑂𑐫𑑄 𑐥𑐬𑐾𑐱𑐵𑐫 𑐣𑐩𑐳𑑂𑐟𑐸𑐨𑑂𑐫𑑄 𑐱𑐶𑐰𑐵𑐫 𑐔 ।
𑐎𑐶𑑄 𑐎𑐬𑑀𑐩𑐶 𑐎𑑂𑐰 𑐐𑐔𑑂𑐕𑐵𑐩𑐶 𑐎𑐶𑑄 𑐐𑐺𑐴𑑂𑐞𑐵𑐩𑐶 𑐟𑑂𑐫𑐖𑐵𑐩𑐶 𑐎𑐶𑐩𑑂 ॥ 𑑓𑑕॥
𑐫𑐣𑑂𑐩𑐫𑐵 𑐥𑐹𑐬𑐶𑐟𑑄 𑐰𑐶𑐱𑑂𑐰𑑄 𑐩𑐴𑐵𑐎𑐮𑑂𑐥𑐵𑑄𑐧𑐸𑐣𑐵 𑐫𑐠𑐵 ।
𑐀𑐣𑑂𑐟𑑅𑐳𑐒𑑂𑐐𑑄 𑐧𑐴𑐶𑑅𑐳𑐒𑑂𑐐𑐩𑐵𑐟𑑂𑐩𑐳𑐒𑑂𑐐𑑄 𑐔 𑐫𑐳𑑂𑐟𑑂𑐫𑐖𑐾𑐟𑑂 ।
𑐳𑐬𑑂𑐰𑐳𑐒𑑂𑐐𑐣𑐶𑐰𑐺𑐟𑑂𑐟𑐵𑐟𑑂𑐩𑐵 𑐳 𑐩𑐵𑐩𑐾𑐟𑐶 𑐣 𑐳𑑄𑐱𑐫𑑅 ॥ 𑑓𑑖॥
𑐀𑐴𑐶𑐬𑐶𑐰 𑐖𑐣𑐫𑑀𑐐𑑄 𑐳𑐬𑑂𑐰𑐡𑐵 𑐰𑐬𑑂𑐖𑐫𑐾𑐡𑑂𑐫𑑅
𑐎𑐸𑐞𑐥𑐩𑐶𑐰 𑐳𑐸𑐣𑐵𑐬𑐷𑑄 𑐟𑑂𑐫𑐎𑑂𑐟𑐸𑐎𑐵𑐩𑑀 𑐰𑐶𑐬𑐵𑐐𑐷 ।
𑐰𑐶𑐲𑐩𑐶𑐰 𑐰𑐶𑐲𑐫𑐵𑐡𑐷𑐣𑑂𑐩𑐣𑑂𑐫𑐩𑐵𑐣𑑀 𑐡𑐸𑐬𑐣𑑂𑐟𑐵
𑐘𑑂𑐖𑐐𑐟𑐶 𑐥𑐬𑐩𑐴𑑄𑐳𑑀 𑐰𑐵𑐳𑐸𑐡𑐾𑐰𑑀ऽ𑐴𑐩𑐾𑐰 ॥ 𑑓𑑗॥
𑐂𑐡𑑄 𑐳𑐟𑑂𑐫𑐩𑐶𑐡𑑄 𑐳𑐟𑑂𑐫𑑄 𑐳𑐟𑑂𑐫𑐩𑐾𑐟𑐡𑐶𑐴𑑀𑐔𑑂𑐫𑐟𑐾 ।
𑐀𑐴𑑄 𑐳𑐟𑑂𑐫𑑄 𑐥𑐬𑑄 𑐧𑑂𑐬𑐴𑑂𑐩 𑐩𑐟𑑂𑐟𑑅 𑐎𑐶𑑄𑐔𑐶𑐣𑑂𑐣 𑐰𑐶𑐡𑑂𑐫𑐟𑐾 ॥ 𑑓𑑘॥
𑐄𑐥 𑐳𑐩𑐷𑐥𑐾 𑐫𑑀 𑐰𑐵𑐳𑑀 𑐖𑐷𑐰𑐵𑐟𑑂𑐩𑐥𑐬𑐩𑐵𑐟𑑂𑐩𑐣𑑀𑑅 ।
𑐄𑐥𑐰𑐵𑐳𑑅 𑐳 𑐰𑐶𑐖𑑂𑐘𑐾𑐫𑑀 𑐣 𑐟𑐸 𑐎𑐵𑐫𑐳𑑂𑐫 𑐱𑑀𑐲𑐞𑐩𑑂 ॥ 𑑓𑑙॥
𑐎𑐵𑐫𑐱𑑀𑐲𑐞𑐩𑐵𑐟𑑂𑐬𑐾𑐞 𑐎𑐵 𑐟𑐟𑑂𑐬 𑐴𑑂𑐫𑐰𑐶𑐰𑐾𑐎𑐶𑐣𑐵𑐩𑑂 ।
𑐰𑐮𑑂𑐩𑐷𑐎𑐟𑐵𑐜𑐣𑐵𑐡𑐾𑐰 𑐩𑐺𑐟𑑅 𑐎𑐶𑑄 𑐣𑐸 𑐩𑐴𑑀𑐬𑐐𑑅 ॥ 𑑒.𑑔𑑐॥
𑐀𑐳𑑂𑐟𑐶 𑐧𑑂𑐬𑐴𑑂𑐩𑐾𑐟𑐶 𑐔𑐾𑐡𑑂𑐰𑐾𑐡 𑐥𑐬𑑀𑐎𑑂𑐲𑐖𑑂𑐘𑐵𑐣𑐩𑐾𑐰 𑐟𑐟𑑂 ।
𑐀𑐴𑑄 𑐧𑑂𑐬𑐴𑑂𑐩𑐾𑐟𑐶 𑐔𑐾𑐡𑑂𑐰𑐾𑐡 𑐳𑐵𑐎𑑂𑐲𑐵𑐟𑑂𑐎𑐵𑐬𑑅 𑐳 𑐄𑐔𑑂𑐫𑐟𑐾 ॥ 𑑔𑑑॥
𑐫𑐳𑑂𑐩𑐶𑐣𑑂𑐎𑐵𑐮𑐾 𑐳𑑂𑐰𑐩𑐵𑐟𑑂𑐩𑐵𑐣𑑄 𑐫𑑀𑐐𑐷 𑐖𑐵𑐣𑐵𑐟𑐶 𑐎𑐾𑐰𑐮𑐩𑑂 ।
𑐟𑐳𑑂𑐩𑐵𑐟𑑂𑐎𑐵𑐮𑐵𑐟𑑂𑐳𑐩𑐵𑐬𑐨𑑂𑐫 𑐖𑐷𑐰𑐣𑑂𑐩𑐸𑐎𑑂𑐟𑑀 𑐨𑐫𑐾𑐡𑐳𑑁 ॥ 𑑔𑑒॥
𑐀𑐴𑑄 𑐧𑑂𑐬𑐴𑑂𑐩𑐾𑐟𑐶 𑐣𑐶𑐫𑐟𑑄 𑐩𑑀𑐎𑑂𑐲𑐴𑐾𑐟𑐸𑐬𑑂𑐩𑐴𑐵𑐟𑑂𑐩𑐣𑐵𑐩𑑂 ।
𑐡𑑂𑐰𑐾 𑐥𑐡𑐾 𑐧𑐣𑑂𑐢𑐩𑑀𑐎𑑂𑐲𑐵𑐫 𑐣𑐶𑐬𑑂𑐩𑐩𑐾𑐟𑐶 𑐩𑐩𑐾𑐟𑐶 𑐔 ॥ 𑑔𑑓॥
𑐩𑐩𑐾𑐟𑐶 𑐧𑐢𑑂𑐫𑐟𑐾 𑐖𑐣𑑂𑐟𑐸𑐬𑑂𑐣𑐶𑐬𑑂𑐩𑐩𑐾𑐟𑐶 𑐰𑐶𑐩𑐸𑐔𑑂𑐫𑐟𑐾 ।
𑐧𑐵𑐴𑑂𑐫𑐔𑐶𑐣𑑂𑐟𑐵 𑐣 𑐎𑐬𑑂𑐟𑐰𑑂𑐫𑐵 𑐟𑐠𑐿𑐰𑐵𑐣𑑂𑐟𑐬𑐔𑐶𑐣𑑂𑐟𑐶𑐎𑐵 ।
𑐳𑐬𑑂𑐰𑐔𑐶𑐣𑑂𑐟𑐵𑑄 𑐳𑐩𑐸𑐟𑑂𑐳𑐺𑐖𑑂𑐫 𑐳𑑂𑐰𑐳𑑂𑐠𑑀 𑐨𑐰 𑐳𑐡𑐵 𑐆𑐨𑑀 ॥ 𑑔𑑔॥
𑐳𑑄𑐎𑐮𑑂𑐥𑐩𑐵𑐟𑑂𑐬𑐎𑐮𑐣𑐾𑐣 𑐖𑐐𑐟𑑂𑐳𑐩𑐐𑑂𑐬𑑄
𑐳𑑄𑐎𑐮𑑂𑐥𑐩𑐵𑐟𑑂𑐬𑐎𑐮𑐣𑐾 𑐴𑐶 𑐖𑐐𑐡𑑂𑐰𑐶𑐮𑐵𑐳𑑅 ।
𑐳𑑄𑐎𑐮𑑂𑐥𑐩𑐵𑐟𑑂𑐬𑐩𑐶𑐡𑐩𑐸𑐟𑑂𑐳𑐺𑐖 𑐣𑐶𑐬𑑂𑐰𑐶𑐎𑐮𑑂𑐥
𑐩𑐵𑐱𑑂𑐬𑐶𑐟𑑂𑐫 𑐩𑐵𑐩𑐎𑐥𑐡𑑄 𑐴𑐺𑐡𑐶 𑐨𑐵𑐰𑐫𑐳𑑂𑐰 ॥ 𑑔𑑕॥
𑐩𑐔𑑂𑐔𑐶𑐣𑑂𑐟𑐣𑑄 𑐩𑐟𑑂𑐎𑐠𑐣𑐩𑐣𑑂𑐫𑑀𑐣𑑂𑐫𑑄 𑐩𑐟𑑂𑐥𑑂𑐬𑐨𑐵𑐲𑐞𑐩𑑂 ।
𑐩𑐡𑐾𑐎𑐥𑐬𑐩𑑀 𑐨𑐹𑐟𑑂𑐰𑐵 𑐎𑐵𑐮𑑄 𑐣𑐫 𑐩𑐴𑐵𑐩𑐟𑐾 ॥ 𑑔𑑖॥
𑐔𑐶𑐡𑐶𑐴𑐵𑐳𑑂𑐟𑐷𑐟𑐶 𑐔𑐶𑐣𑑂𑐩𑐵𑐟𑑂𑐬𑐩𑐶𑐡𑑄 𑐔𑐶𑐣𑑂𑐩𑐫𑐩𑐾𑐰 𑐔 ।
𑐔𑐶𑐟𑑂𑐟𑑂𑐰𑑄 𑐔𑐶𑐡𑐴𑐩𑐾𑐟𑐾 𑐔 𑐮𑑀𑐎𑐵𑐱𑑂𑐔𑐶𑐡𑐶𑐟𑐶 𑐨𑐵𑐰𑐫 ॥ 𑑔𑑗॥
𑐬𑐵𑐐𑑄 𑐣𑐷𑐬𑐵𑐐𑐟𑐵𑑄 𑐣𑐷𑐟𑑂𑐰𑐵 𑐣𑐶𑐬𑑂𑐮𑐾𑐥𑑀 𑐨𑐰 𑐳𑐬𑑂𑐰𑐡𑐵 ।
𑐀𑐖𑑂𑐘𑐵𑐣𑐖𑐣𑑂𑐫𑐎𑐬𑑂𑐟𑑂𑐬𑐵𑐡𑐶𑐎𑐵𑐬𑐎𑑀𑐟𑑂𑐥𑐣𑑂𑐣𑐎𑐬𑑂𑐩𑐞𑐵 ॥ 𑑔𑑘॥
𑐱𑑂𑐬𑐸𑐟𑑂𑐫𑐸𑐟𑑂𑐥𑐣𑑂𑐣𑐵𑐟𑑂𑐩𑐰𑐶𑐖𑑂𑐘𑐵𑐣𑐥𑑂𑐬𑐡𑐷𑐥𑑀 𑐧𑐵𑐢𑑂𑐫𑐟𑐾 𑐎𑐠𑐩𑑂 ।
𑐀𑐣𑐵𑐟𑑂𑐩𑐣𑐵𑑄 𑐥𑐬𑐶𑐟𑑂𑐫𑐖𑑂𑐫 𑐣𑐶𑐬𑑂𑐰𑐶𑐎𑐵𑐬𑑀 𑐖𑐐𑐟𑑂𑐳𑑂𑐠𑐶𑐟𑑁 ॥ 𑑔𑑙॥
𑐊𑐎𑐣𑐶𑐲𑑂𑐛𑐟𑐫𑐵𑐣𑑂𑐟𑐳𑑂𑐠𑐳𑑄𑐰𑐶𑐣𑑂𑐩𑐵𑐟𑑂𑐬𑐥𑐬𑑀 𑐨𑐰 ।
𑐑𑐚𑐵𑐎𑐵𑐱𑐩𑐛𑐵𑐎𑐵𑐱𑑁 𑐩𑐴𑐵𑐎𑐵𑐱𑐾 𑐥𑑂𑐬𑐟𑐶𑐲𑑂𑐛𑐶𑐟𑑁 ॥ 𑑒.𑑕𑑐॥
𑐊𑐰𑑄 𑐩𑐫𑐶 𑐔𑐶𑐡𑐵𑐎𑐵𑐱𑐾 𑐖𑐷𑐰𑐾𑐱𑑁 𑐥𑐬𑐶𑐎𑐮𑑂𑐥𑐶𑐟𑑁 ।
𑐫𑐵 𑐔 𑐥𑑂𑐬𑐵𑐐𑐵𑐟𑑂𑐩𑐣𑑀 𑐩𑐵𑐫𑐵 𑐟𑐠𑐵𑐣𑑂𑐟𑐾 𑐔 𑐟𑐶𑐬𑐳𑑂𑐎𑐺𑐟𑐵 ॥ 𑑕𑑑॥
𑐧𑑂𑐬𑐴𑑂𑐩𑐰𑐵𑐡𑐶𑐨𑐶𑐬𑐸𑐡𑑂𑐐𑐷𑐟𑐵 𑐳𑐵 𑐩𑐵𑐫𑐾𑐟𑐶 𑐰𑐶𑐰𑐾𑐎𑐟𑑅 ।
𑐩𑐵𑐫𑐵𑐟𑐟𑑂𑐎𑐵𑐬𑑂𑐫𑐰𑐶𑐮𑐫𑐾 𑐣𑐾𑐱𑑂𑐰𑐬𑐟𑑂𑐰𑑄 𑐣 𑐖𑐷𑐰𑐟𑐵 ॥ 𑑕𑑒॥
𑐟𑐟𑑅 𑐱𑐸𑐡𑑂𑐢𑐱𑑂𑐔𑐶𑐡𑐾𑐰𑐵𑐴𑑄 𑐰𑑂𑐫𑑀𑐩𑐰𑐣𑑂𑐣𑐶𑐬𑐸𑐥𑐵𑐢𑐶𑐎𑑅 ।
𑐖𑐷𑐰𑐾𑐱𑑂𑐰𑐬𑐵𑐡𑐶𑐬𑐹𑐥𑐾𑐞 𑐔𑐾𑐟𑐣𑐵𑐔𑐾𑐟𑐣𑐵𑐟𑑂𑐩𑐎𑐩𑑂 ॥ 𑑕𑑓॥
𑐃𑐎𑑂𑐲𑐞𑐵𑐡𑐶𑐥𑑂𑐬𑐰𑐾𑐱𑐵𑐣𑑂𑐟𑐵 𑐳𑐺𑐲𑑂𑐚𑐶𑐬𑐷𑐱𑐾𑐣 𑐎𑐮𑑂𑐥𑐶𑐟𑐵 ।
𑐖𑐵𑐐𑑂𑐬𑐡𑐵𑐡𑐶𑐰𑐶𑐩𑑀𑐎𑑂𑐲𑐵𑐣𑑂𑐟𑑅 𑐳𑑄𑐳𑐵𑐬𑑀 𑐖𑐷𑐰𑐎𑐮𑑂𑐥𑐶𑐟𑑅 ॥ 𑑕𑑔॥
𑐟𑑂𑐬𑐶𑐞𑐵𑐔𑐶𑐎𑐵𑐡𑐶𑐫𑑀𑐐𑐵𑐣𑑂𑐟𑐵 𑐃𑐱𑑂𑐰𑐬𑐨𑑂𑐬𑐵𑐣𑑂𑐟𑐶𑐩𑐵𑐱𑑂𑐬𑐶𑐟𑐵𑑅 ।
𑐮𑑀𑐎𑐵𑐫𑐟𑐵𑐡𑐶𑐳𑐵𑑄𑐏𑑂𑐫𑐵𑐣𑑂𑐟𑐵 𑐖𑐷𑐰𑐰𑐶𑐱𑑂𑐬𑐵𑐣𑑂𑐟𑐶𑐩𑐵𑐱𑑂𑐬𑐶𑐟𑐵𑑅 ॥ 𑑕𑑕॥
𑐟𑐳𑑂𑐩𑐵𑐣𑑂𑐩𑐸𑐩𑐸𑐎𑑂𑐲𑐶𑐨𑐶𑐬𑑂𑐣𑐿𑐰 𑐩𑐟𑐶𑐬𑑂𑐖𑐷𑐰𑐾𑐱𑐰𑐵𑐡𑐫𑑀𑑅 ।
𑐎𑐵𑐬𑑂𑐫𑐵 𑐎𑐶𑑄𑐟𑐸 𑐧𑑂𑐬𑐴𑑂𑐩𑐟𑐟𑑂𑐟𑑂𑐰𑑄 𑐣𑐶𑐱𑑂𑐔𑐮𑐾𑐣 𑐰𑐶𑐔𑐵𑐬𑑂𑐫𑐟𑐵𑐩𑑂 ॥ 𑑕𑑖।
𑐀𑐡𑑂𑐰𑐶𑐟𑐷𑐫𑐧𑑂𑐬𑐴𑑂𑐩𑐟𑐟𑑂𑐟𑑂𑐰𑑄 𑐣 𑐖𑐵𑐣𑐣𑑂𑐟𑐶 𑐫𑐠𑐵 𑐟𑐠𑐵 ।
𑐨𑑂𑐬𑐵𑐣𑑂𑐟𑐵 𑐊𑐰𑐵𑐏𑐶𑐮𑐵𑐳𑑂𑐟𑐾𑐲𑐵𑑄 𑐎𑑂𑐰 𑐩𑐸𑐎𑑂𑐟𑐶𑑅 𑐎𑑂𑐰𑐾𑐴 𑐰𑐵 𑐳𑐸𑐏𑐩𑑂 ॥ 𑑕𑑗॥
𑐄𑐟𑑂𑐟𑐩𑐵𑐢𑐩𑐨𑐵𑐰𑐱𑑂𑐔𑐾𑐟𑑂𑐟𑐾𑐲𑐵𑑄 𑐳𑑂𑐫𑐵𑐡𑐳𑑂𑐟𑐶 𑐟𑐾𑐣 𑐎𑐶𑐩𑑂 ।
𑐳𑑂𑐰𑐥𑑂𑐣𑐳𑑂𑐠𑐬𑐵𑐖𑑂𑐫𑐨𑐶𑐎𑑂𑐲𑐵𑐨𑑂𑐫𑐵𑑄 𑐥𑑂𑐬𑐧𑐸𑐡𑑂𑐢𑑅 𑐳𑑂𑐥𑐺𑐱𑐟𑐾 𑐏𑐮𑐸 ॥ 𑑕𑑘॥
𑐀𑐖𑑂𑐘𑐵𑐣𑐾 𑐧𑐸𑐡𑑂𑐢𑐶𑐰𑐶𑐮𑐫𑐾 𑐣𑐶𑐡𑑂𑐬𑐵 𑐳𑐵 𑐨𑐞𑑂𑐫𑐟𑐾 𑐧𑐸𑐢𑐿𑑅 ।
𑐰𑐶𑐮𑐷𑐣𑐵𑐖𑑂𑐘𑐵𑐣𑐟𑐟𑑂𑐎𑐵𑐬𑑂𑐫𑐾 𑐩𑐫𑐶 𑐣𑐶𑐡𑑂𑐬𑐵 𑐎𑐠𑑄 𑐨𑐰𑐾𑐟𑑂 ॥ 𑑕𑑙॥
𑐧𑐸𑐡𑑂𑐢𑐾𑑅 𑐥𑐹𑐬𑑂𑐞𑐰𑐶𑐎𑐵𑐳𑑀ऽ𑐫𑑄 𑐖𑐵𑐐𑐬𑑅 𑐥𑐬𑐶𑐎𑐷𑐬𑑂𑐟𑑂𑐫𑐟𑐾 ।
𑐰𑐶𑐎𑐵𑐬𑐵𑐡𑐶𑐰𑐶𑐴𑐷𑐣𑐟𑑂𑐰𑐵𑐖𑑂𑐖𑐵𑐐𑐬𑑀 𑐩𑐾 𑐣 𑐰𑐶𑐡𑑂𑐫𑐟𑐾 ॥ 𑑒.𑑖𑑐॥
𑐳𑐹𑐎𑑂𑐲𑑂𑐩𑐣𑐵𑐜𑐶𑐲𑐸 𑐳𑑄𑐔𑐵𑐬𑑀 𑐧𑐸𑐡𑑂𑐢𑐾𑑅 𑐳𑑂𑐰𑐥𑑂𑐣𑑅 𑐥𑑂𑐬𑐖𑐵𑐫𑐟𑐾 ।
𑐳𑑄𑐔𑐵𑐬𑐢𑐬𑑂𑐩𑐬𑐴𑐶𑐟𑐾 𑐩𑐫𑐶 𑐳𑑂𑐰𑐥𑑂𑐣𑑀 𑐣 𑐰𑐶𑐡𑑂𑐫𑐟𑐾 ॥ 𑑖𑑑॥
𑐳𑐸𑐲𑐸𑐥𑑂𑐟𑐶𑐎𑐵𑐮𑐾 𑐳𑐎𑐮𑐾 𑐰𑐶𑐮𑐷𑐣𑐾 𑐟𑐩𑐳𑐵𑐰𑐺𑐟𑐾 ।
𑐳𑑂𑐰𑐬𑐹𑐥𑑄 𑐩𑐴𑐡𑐵𑐣𑐣𑑂𑐡𑑄 𑐨𑐸𑐒𑑂𑐎𑑂𑐟𑐾 𑐰𑐶𑐱𑑂𑐰𑐰𑐶𑐰𑐬𑑂𑐖𑐶𑐟𑑅 ॥ 𑑖𑑒॥
𑐀𑐰𑐶𑐱𑐾𑐲𑐾𑐞 𑐳𑐬𑑂𑐰𑑄 𑐟𑐸 𑐫𑑅 𑐥𑐱𑑂𑐫𑐟𑐶 𑐔𑐶𑐡𑐣𑑂𑐰𑐫𑐵𑐟𑑂 ।
𑐳 𑐊𑐰 𑐳𑐵𑐎𑑂𑐲𑐵𑐡𑑂𑐰𑐶𑐖𑑂𑐘𑐵𑐣𑐷 𑐳 𑐱𑐶𑐰𑑅 𑐳 𑐴𑐬𑐶𑐬𑑂𑐰𑐶𑐢𑐶𑑅 ॥ 𑑖𑑓॥
𑐡𑐷𑐬𑑂𑐑𑐳𑑂𑐰𑐥𑑂𑐣𑐩𑐶𑐡𑑄 𑐫𑐟𑑂𑐟𑐡𑑂𑐡𑐷𑐬𑑂𑐑𑑄 𑐰𑐵 𑐔𑐶𑐟𑑂𑐟𑐰𑐶𑐨𑑂𑐬𑐩𑐩𑑂 ।
𑐡𑐷𑐬𑑂𑐑𑑄 𑐰𑐵𑐥𑐶 𑐩𑐣𑑀𑐬𑐵𑐖𑑂𑐫𑑄 𑐳𑑄𑐳𑐵𑐬𑑄 𑐡𑐸𑑅𑐏𑐳𑐵𑐐𑐬𑐩𑑂 ।
𑐳𑐸𑐥𑑂𑐟𑐾𑐬𑐸𑐟𑑂𑐠𑐵𑐫 𑐳𑐸𑐥𑑂𑐟𑑂𑐫𑐣𑑂𑐟𑑄 𑐧𑑂𑐬𑐴𑑂𑐩𑐿𑐎𑑄 𑐥𑑂𑐬𑐰𑐶𑐔𑐶𑐣𑑂𑐟𑑂𑐫𑐟𑐵𑐩𑑂 ॥ 𑑖𑑔॥
𑐁𑐬𑑀𑐥𑐶𑐟𑐳𑑂𑐫 𑐖𑐐𑐟𑑅 𑐥𑑂𑐬𑐰𑐶𑐮𑐵𑐥𑐣𑐾𑐣
𑐔𑐶𑐟𑑂𑐟𑑄 𑐩𑐡𑐵𑐟𑑂𑐩𑐎𑐟𑐫𑐵 𑐥𑐬𑐶𑐎𑐮𑑂𑐥𑐶𑐟𑑄 𑐣𑑅 ।
𑐱𑐟𑑂𑐬𑐹𑐣𑑂𑐣𑐶𑐴𑐟𑑂𑐫 𑐐𑐸𑐬𑐸𑐲𑐚𑑂𑐎𑐐𑐞𑐵𑐣𑑂𑐣𑐶𑐥𑐵𑐟𑐵
𑐡𑑂𑐐𑐣𑑂𑐢𑐡𑑂𑐰𑐶𑐥𑑀 𑐨𑐰𑐟𑐶 𑐎𑐾𑐰𑐮𑐩𑐡𑑂𑐰𑐶𑐟𑐷𑐫𑑅 ॥ 𑑖𑑕॥
𑐀𑐡𑑂𑐫𑐵𑐳𑑂𑐟𑐩𑐾𑐟𑐸 𑐰𑐥𑐸𑐬𑐵𑐱𑐱𑐶𑐟𑐵𑐬𑐩𑐵𑐳𑑂𑐟𑐵𑑄
𑐎𑐳𑑂𑐟𑐵𑐰𑐟𑐵𑐥𑐶 𑐩𑐩 𑐔𑐶𑐡𑑂𑐰𑐥𑐸𑐲𑑀 𑐰𑐶𑐱𑐾𑐲𑑅 ।
𑐎𑐸𑐩𑑂𑐨𑐾 𑐰𑐶𑐣𑐱𑑂𑐫𑐟𑐶 𑐔𑐶𑐬𑑄 𑐳𑐩𑐰𑐳𑑂𑐠𑐶𑐟𑐾 𑐰𑐵
𑐎𑐸𑐩𑑂𑐨𑐵𑐩𑑂𑐧𑐬𑐳𑑂𑐫 𑐣𑐴𑐶 𑐎𑑀ऽ𑐥𑐶 𑐰𑐶𑐱𑐾𑐲𑐮𑐾𑐱𑑅 ॥ 𑑖𑑖॥
𑐀𑐴𑐶𑐣𑐶𑐬𑑂𑐮𑑂𑐰𑐫𑐣𑐷 𑐳𑐬𑑂𑐥𑐣𑐶𑐬𑑂𑐩𑑀𑐎𑑀 𑐖𑐷𑐰𑐰𑐬𑑂𑐖𑐶𑐟𑑅 ।
𑐰𑐮𑑂𑐩𑐷𑐎𑐾 𑐥𑐟𑐶𑐟𑐳𑑂𑐟𑐶𑐲𑑂𑐛𑐾𑐟𑑂𑐟𑑄 𑐳𑐬𑑂𑐥𑑀 𑐣𑐵𑐨𑐶𑐩𑐣𑑂𑐫𑐟𑐾 ॥ 𑑖𑑗॥
𑐊𑐰𑑄 𑐳𑑂𑐠𑐹𑐮𑑄 𑐔 𑐳𑐹𑐎𑑂𑐲𑑂𑐩𑑄 𑐔 𑐱𑐬𑐷𑐬𑑄 𑐣𑐵𑐨𑐶𑐩𑐣𑑂𑐫𑐟𑐾 ।
𑐥𑑂𑐬𑐟𑑂𑐫𑐐𑑂𑐖𑑂𑐘𑐵𑐣𑐱𑐶𑐏𑐶𑐢𑑂𑐰𑐳𑑂𑐟𑐾 𑐩𑐶𑐠𑑂𑐫𑐵𑐖𑑂𑐘𑐵𑐣𑐾 𑐳𑐴𑐾𑐟𑐸𑐎𑐾 ।
𑐣𑐾𑐟𑐶 𑐣𑐾𑐟𑐷𑐟𑐶 𑐬𑐹𑐥𑐟𑑂𑐰𑐵𑐡𑐱𑐬𑐷𑐬𑑀 𑐨𑐰𑐟𑑂𑐫𑐫𑐩𑑂 ॥ 𑑖𑑘॥
𑐱𑐵𑐳𑑂𑐟𑑂𑐬𑐾𑐞 𑐣 𑐳𑑂𑐫𑐵𑐟𑑂𑐥𑐬𑐩𑐵𑐬𑑂𑐠𑐡𑐺𑐲𑑂𑐚𑐶𑑅
𑐎𑐵𑐬𑑂𑐫𑐎𑑂𑐲𑐩𑑄 𑐥𑐱𑑂𑐫𑐟𑐶 𑐔𑐵𑐥𑐬𑑀𑐎𑑂𑐲𑐩𑑂 ।
𑐥𑑂𑐬𑐵𑐬𑐧𑑂𑐢𑐣𑐵𑐱𑐵𑐟𑑂𑐥𑑂𑐬𑐟𑐶𑐨𑐵𑐣𑐣𑐵𑐱
𑐊𑐰𑑄 𑐟𑑂𑐬𑐶𑐢𑐵 𑐣𑐱𑑂𑐫𑐟𑐶 𑐔𑐵𑐟𑑂𑐩𑐩𑐵𑐫𑐵 ॥ 𑑖𑑙॥
𑐧𑑂𑐬𑐴𑑂𑐩𑐟𑑂𑐰𑐾 𑐫𑑀𑐖𑐶𑐟𑐾 𑐳𑑂𑐰𑐵𑐩𑐶𑐘𑑂𑐖𑐷𑐰𑐨𑐵𑐰𑑀 𑐣 𑐐𑐔𑑂𑐕𑐟𑐶 ।
𑐀𑐡𑑂𑐰𑐿𑐟𑐾 𑐧𑑀𑐢𑐶𑐟𑐾 𑐟𑐟𑑂𑐟𑑂𑐰𑐾 𑐰𑐵𑐳𑐣𑐵 𑐰𑐶𑐣𑐶𑐰𑐬𑑂𑐟𑐟𑐾 ॥ 𑑒.𑑗𑑐॥
𑐥𑑂𑐬𑐵𑐬𑐧𑑂𑐢𑐵𑐣𑑂𑐟𑐾 𑐡𑐾𑐴𑐴𑐵𑐣𑐶𑐬𑑂𑐩𑐵𑐫𑐾𑐟𑐶 𑐎𑑂𑐲𑐷𑐫𑐟𑐾ऽ𑐏𑐶𑐮𑐵 ।
𑐀𑐳𑑂𑐟𑐷𑐟𑑂𑐫𑐸𑐎𑑂𑐟𑐾 𑐖𑐐𑐟𑑂𑐳𑐬𑑂𑐰𑑄 𑐳𑐡𑑂𑐬𑐳𑑄 𑐧𑑂𑐬𑐴𑑂𑐩 𑐟𑐡𑑂𑐨𑐰𑐾𑐟𑑂 ॥ 𑑗𑑑॥
𑐨𑐵𑐟𑐷𑐟𑑂𑐫𑐸𑐎𑑂𑐟𑐾 𑐖𑐐𑐟𑑂𑐳𑐬𑑂𑐰𑑄 𑐨𑐵𑐣𑑄 𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑑂 ।
𑐩𑐬𑐸𑐨𑐹𑐩𑑁 𑐖𑐮𑑄 𑐳𑐬𑑂𑐰𑑄 𑐩𑐬𑐸𑐨𑐹𑐩𑐵𑐟𑑂𑐬𑐩𑐾𑐰 𑐟𑐟𑑂 ।
𑐖𑐐𑐟𑑂𑐟𑑂𑐬𑐫𑐩𑐶𑐡𑑄 𑐳𑐬𑑂𑐰𑑄 𑐔𑐶𑐣𑑂𑐩𑐵𑐟𑑂𑐬𑑄 𑐳𑑂𑐰𑐰𑐶𑐔𑐵𑐬𑐟𑑅 ॥ 𑑗𑑒॥
𑐀𑐖𑑂𑐘𑐵𑐣𑐩𑐾𑐰 𑐣 𑐎𑐸𑐟𑑀 𑐖𑐐𑐟𑑅 𑐥𑑂𑐬𑐳𑐒𑑂𑐐𑑀
𑐖𑐷𑐰𑐾𑐱𑐡𑐾𑐱𑐶𑐎𑐰𑐶𑐎𑐮𑑂𑐥𑐎𑐠𑐵𑐟𑐶𑐡𑐹𑐬𑐾 ।
𑐊𑐎𑐵𑐣𑑂𑐟𑐎𑐾𑐰𑐮𑐔𑐶𑐡𑐾𑐎𑐬𑐳𑐳𑑂𑐰𑐨𑐵𑐰𑐾
𑐧𑑂𑐬𑐴𑑂𑐩𑐿𑐰 𑐎𑐾𑐰𑐮𑐩𑐴𑑄 𑐥𑐬𑐶𑐥𑐹𑐬𑑂𑐞𑐩𑐳𑑂𑐩𑐶 ॥ 𑑗𑑓॥
𑐧𑑀𑐢𑐔𑐣𑑂𑐡𑑂𑐬𑐩𑐳𑐶 𑐥𑐹𑐬𑑂𑐞𑐰𑐶𑐐𑑂𑐬𑐴𑐾
𑐩𑑀𑐴𑐬𑐵𑐴𑐸𑐩𑐸𑐲𑐶𑐟𑐵𑐟𑑂𑐩𑐟𑐾𑐖𑐳𑐶 ।
𑐳𑑂𑐣𑐵𑐣𑐡𑐵𑐣𑐫𑐖𑐣𑐵𑐡𑐶𑐎𑐵𑑅
𑐎𑑂𑐬𑐶𑐫𑐵 𑐩𑑀𑐔𑐣𑐵𑐰𑐢𑐶 𑐰𑐺𑐠𑐿𑐰 𑐟𑐶𑐲𑑂𑐛𑐟𑐾 ॥ 𑑗𑑔॥
𑐳𑐮𑐶𑐮𑐾 𑐳𑐿𑐣𑑂𑐢𑐰𑑄 𑐫𑐡𑑂𑐰𑐟𑑂𑐳𑐵𑐩𑑂𑐫𑑄 𑐨𑐰𑐟𑐶 𑐫𑑀𑐐𑐟𑑅 ।
𑐟𑐠𑐵𑐟𑑂𑐩𑐩𑐣𑐳𑑀𑐬𑐿𑐎𑑂𑐫𑑄 𑐳𑐩𑐵𑐢𑐶𑐬𑐶𑐟𑐶 𑐎𑐠𑑂𑐫𑐟𑐾 ॥ 𑑗𑑕॥
𑐡𑐸𑐬𑑂𑐮𑐨𑑀 𑐰𑐶𑐲𑐫𑐟𑑂𑐫𑐵𑐐𑑀 𑐡𑐸𑐬𑑂𑐮𑐨𑑄 𑐟𑐟𑑂𑐟𑑂𑐰𑐡𑐬𑑂𑐱𑐣𑐩𑑂 ।
𑐡𑐸𑐬𑑂𑐮𑐨𑐵 𑐳𑐴𑐖𑐵𑐰𑐳𑑂𑐠𑐵 𑐳𑐡𑑂𑐐𑐸𑐬𑑀𑑅 𑐎𑐬𑐸𑐞𑐵𑑄 𑐰𑐶𑐣𑐵 ॥ 𑑗𑑖॥
𑐄𑐟𑑂𑐥𑐣𑑂𑐣𑐱𑐎𑑂𑐟𑐶𑐧𑑀𑐢𑐳𑑂𑐫 𑐟𑑂𑐫𑐎𑑂𑐟𑐣𑐶𑑅𑐱𑐾𑐲𑐎𑐬𑑂𑐩𑐞𑑅 ।
𑐫𑑀𑐐𑐶𑐣𑑅 𑐳𑐴𑐖𑐵𑐰𑐳𑑂𑐠𑐵 𑐳𑑂𑐰𑐫𑐩𑐾𑐰 𑐥𑑂𑐬𑐎𑐵𑐱𑐟𑐾 ॥ 𑑗𑑗॥
𑐬𑐳𑐳𑑂𑐫 𑐩𑐣𑐳𑐱𑑂𑐔𑐿𑐰 𑐔𑐘𑑂𑐔𑐮𑐟𑑂𑐰𑑄 𑐳𑑂𑐰𑐨𑐵𑐰𑐟𑑅 ।
𑐬𑐳𑑀 𑐧𑐡𑑂𑐢𑑀 𑐩𑐣𑑀 𑐧𑐡𑑂𑐢𑑄 𑐎𑐶𑑄 𑐣 𑐳𑐶𑐡𑑂𑐢𑑂𑐫𑐟𑐶 𑐨𑐹𑐟𑐮𑐾 ॥ 𑑗𑑘॥
𑐩𑐹𑐬𑑂𑐔𑑂𑐕𑐶𑐟𑑀 𑐴𑐬𑐟𑐶 𑐰𑑂𑐫𑐵𑐢𑐶𑑄 𑐩𑐺𑐟𑑀 𑐖𑐷𑐰𑐫𑐟𑐶 𑐳𑑂𑐰𑐫𑐩𑑂 ।
𑐧𑐡𑑂𑐢𑑅 𑐏𑐾𑐔𑐬𑐟𑐵𑑄 𑐢𑐟𑑂𑐟𑐾 𑐧𑑂𑐬𑐴𑑂𑐩𑐟𑑂𑐰𑑄 𑐬𑐳𑐔𑐾𑐟𑐳𑐶 ॥ 𑑗𑑙॥
𑐂𑐣𑑂𑐡𑑂𑐬𑐶𑐫𑐵𑐞𑐵𑑄 𑐩𑐣𑑀 𑐣𑐵𑐠𑑀 𑐩𑐣𑑀𑐣𑐵𑐠𑐳𑑂𑐟𑐸 𑐩𑐵𑐬𑐸𑐟𑑅 ।
𑐩𑐵𑐬𑐸𑐟𑐳𑑂𑐫 𑐮𑐫𑑀 𑐣𑐵𑐠𑐳𑑂𑐟𑐣𑑂𑐣𑐵𑐠𑑄 𑐮𑐫𑐩𑐵𑐱𑑂𑐬𑐫 ॥ 𑑒.𑑘𑑐॥
𑐣𑐶𑐱𑑂𑐔𑐾𑐲𑑂𑐚𑑀 𑐣𑐶𑐬𑑂𑐰𑐶𑐎𑐵𑐬𑐱𑑂𑐔 𑐮𑐫𑑀 𑐖𑐷𑐰𑐟𑐶 𑐫𑑀𑐐𑐶𑐣𑐵𑐩𑑂 ।
𑐄𑐔𑑂𑐕𑐶𑐣𑑂𑐣𑐳𑐬𑑂𑐰𑐳𑑄𑐎𑐮𑑂𑐥𑑀 𑐣𑐶𑑅𑐱𑐾𑐲𑐵𑐱𑐾𑐲𑐔𑐾𑐲𑑂𑐚𑐶𑐟𑑅 ।
𑐳𑑂𑐰𑐵𑐰𑐐𑐩𑑂𑐫𑑀 𑐮𑐫𑑅 𑐎𑑀ऽ𑐥𑐶 𑐩𑐣𑐳𑐵𑑄 𑐰𑐵𑐐𑐐𑑀𑐔𑐬𑑅 ॥ 𑑘𑑑॥
𑐥𑐸𑐒𑑂𑐏𑐵𑐣𑐸𑐥𑐸𑐒𑑂𑐏𑐰𑐶𑐲𑐫𑐾𑐎𑑂𑐲𑐞𑐟𑐟𑑂𑐥𑐬𑑀ऽ𑐥𑐶
𑐧𑑂𑐬𑐴𑑂𑐩𑐵𑐰𑐮𑑀𑐎𑐣𑐢𑐶𑐫𑑄 𑐣 𑐖𑐴𑐵𑐟𑐶 𑐫𑑀𑐐𑐷 ।
𑐳𑐒𑑂𑐐𑐷𑐟𑐟𑐵𑐮𑐮𑐫𑐰𑐵𑐡𑑂𑐫𑐰𑐱𑑄 𑐐𑐟𑐵𑐥𑐶
𑐩𑑁𑐮𑐶𑐳𑑂𑐠𑐎𑐸𑐩𑑂𑐨𑐥𑐬𑐶𑐬𑐎𑑂𑐲𑐞𑐢𑐷𑐬𑑂𑐣𑐚𑐷𑐰 ॥ 𑑘𑑒॥
𑐳𑐬𑑂𑐰𑐔𑐶𑐣𑑂𑐟𑐵𑑄 𑐥𑐬𑐶𑐟𑑂𑐫𑐖𑑂𑐫 𑐳𑐵𑐰𑐢𑐵𑐣𑐾𑐣 𑐔𑐾𑐟𑐳𑐵 ।
𑐣𑐵𑐡 𑐊𑐰𑐵𑐣𑐸𑐳𑐣𑑂𑐢𑐾𑐫𑑀 𑐫𑑀𑐐𑐳𑐵𑐩𑑂𑐬𑐵𑐖𑑂𑐫𑐩𑐶𑐔𑑂𑐕𑐟𑐵 ॥ 𑑘𑑓॥
𑐂𑐟𑐶 𑐡𑑂𑐰𑐶𑐟𑐷𑐫𑑀ऽ𑐢𑑂𑐫𑐵𑐫𑑅 ॥ 𑑒॥
𑐣𑐴𑐶 𑐣𑐵𑐣𑐵𑐳𑑂𑐰𑐬𑐹𑐥𑑄 𑐳𑑂𑐫𑐵𑐡𑐾𑐎𑑄 𑐰𑐳𑑂𑐟𑐸 𑐎𑐡𑐵𑐔𑐣 ।
𑐟𑐳𑑂𑐩𑐵𑐡𑐏𑐞𑑂𑐜 𑐊𑐰𑐵𑐳𑑂𑐩𑐶 𑐫𑐣𑑂𑐩𑐡𑐣𑑂𑐫𑐣𑑂𑐣 𑐎𑐶𑑄𑐔𑐣 ॥ 𑑓.𑑑॥
𑐡𑐺𑐱𑑂𑐫𑐟𑐾 𑐱𑑂𑐬𑐹𑐫𑐟𑐾 𑐫𑐡𑑂𑐫𑐡𑑂𑐧𑑂𑐬𑐴𑑂𑐩𑐞𑑀ऽ𑐣𑑂𑐫𑐣𑑂𑐣 𑐟𑐡𑑂𑐨𑐰𑐾𑐟𑑂 ।
𑐣𑐶𑐟𑑂𑐫𑐱𑐸𑐡𑑂𑐢 𑐰𑐶𑐩𑐸𑐎𑑂𑐟𑐿𑐎𑐩𑐏𑐞𑑂𑐜𑐵𑐣𑐣𑑂𑐡𑐩𑐡𑑂𑐰𑐫𑐩𑑂 ।
𑐳𑐟𑑂𑐫𑑄 𑐖𑑂𑐘𑐵𑐣𑐩𑐣𑐣𑑂𑐟𑑄 𑐫𑐟𑑂𑐥𑐬𑑄 𑐧𑑂𑐬𑐴𑑂𑐩𑐵𑐴𑐩𑐾𑐰 𑐟𑐟𑑂 ॥ 𑑒॥
𑐁𑐣𑐣𑑂𑐡𑐬𑐹𑐥𑑀ऽ𑐴𑐩𑐏𑐞𑑂𑐜𑐧𑑀𑐢𑑅
𑐥𑐬𑐵𑐟𑑂𑐥𑐬𑑀ऽ𑐴𑑄 𑐑𑐣𑐔𑐶𑐟𑑂𑐥𑑂𑐬𑐎𑐵𑐱𑑅 ।
𑐩𑐾𑐑𑐵 𑐫𑐠𑐵 𑐰𑑂𑐫𑑀𑐩 𑐣 𑐔 𑐳𑑂𑐥𑐺𑐱𑐣𑑂𑐟𑐶
𑐳𑑄𑐳𑐵𑐬𑐡𑐸𑑅𑐏𑐵𑐣𑐶 𑐣 𑐩𑐵𑑄 𑐳𑑂𑐥𑐺𑐱𑐣𑑂𑐟𑐶 ॥ 𑑓॥
𑐳𑐬𑑂𑐰𑑄 𑐳𑐸𑐏𑑄 𑐰𑐶𑐡𑑂𑐢𑐶 𑐳𑐸𑐡𑐸𑑅𑐏𑐣𑐵𑐱𑐵
𑐟𑑂𑐳𑐬𑑂𑐰𑑄 𑐔 𑐳𑐡𑑂𑐬𑐹𑐥𑐩𑐳𑐟𑑂𑐫𑐣𑐵𑐱𑐵𑐟𑑂 ।
𑐔𑐶𑐡𑑂𑐬𑐹𑐥𑐩𑐾𑐰 𑐥𑑂𑐬𑐟𑐶𑐨𑐵𑐣𑐫𑐸𑐎𑑂𑐟𑑄
𑐟𑐳𑑂𑐩𑐵𑐡𑐏𑐞𑑂𑐜𑑄 𑐩𑐩 𑐬𑐹𑐥𑐩𑐾𑐟𑐟𑑂 ॥ 𑑔॥
𑐣 𑐴𑐶 𑐖𑐣𑐶𑐬𑑂𑐩𑐬𑐞𑑄 𑐐𑐩𑐣𑐵𑐐𑐩𑑁
𑐣 𑐔 𑐩𑐮𑑄 𑐰𑐶𑐩𑐮𑑄 𑐣 𑐔 𑐰𑐾𑐡𑐣𑐩𑑂 ।
𑐔𑐶𑐣𑑂𑐩𑐫𑑄 𑐴𑐶 𑐳𑐎𑐮𑑄 𑐰𑐶𑐬𑐵𑐖𑐟𑐾
𑐳𑑂𑐦𑐸𑐚𑐟𑐬𑑄 𑐥𑐬𑐩𑐳𑑂𑐫 𑐟𑐸 𑐫𑑀𑐐𑐶𑐣𑑅 ॥ 𑑕॥
𑐳𑐟𑑂𑐫𑐔𑐶𑐡𑑂𑐑𑐣𑐩𑐏𑐞𑑂𑐜𑐩𑐡𑑂𑐰𑐫𑑄
𑐳𑐬𑑂𑐰𑐡𑐺𑐱𑑂𑐫𑐬𑐴𑐶𑐟𑑄 𑐣𑐶𑐬𑐵𑐩𑐫𑐩𑑂 ।
𑐫𑐟𑑂𑐥𑐡𑑄 𑐰𑐶𑐩𑐮𑐩𑐡𑑂𑐰𑐫𑑄 𑐱𑐶𑐰𑑄
𑐟𑐟𑑂𑐳𑐡𑐵𑐴𑐩𑐶𑐟𑐶 𑐩𑑁𑐣𑐩𑐵𑐱𑑂𑐬𑐫 ॥ 𑑖॥
𑐖𑐣𑑂𑐩𑐩𑐺𑐟𑑂𑐫𑐸𑐳𑐸𑐏𑐡𑐸𑑅𑐏𑐰𑐬𑑂𑐖𑐶𑐟𑑄
𑐖𑐵𑐟𑐶𑐣𑐷𑐟𑐶𑐎𑐸𑐮𑐐𑑀𑐟𑑂𑐬𑐡𑐹𑐬𑐐𑐩𑑂 ।
𑐔𑐶𑐡𑑂𑐰𑐶𑐰𑐬𑑂𑐟𑐖𑐐𑐟𑑀ऽ𑐳𑑂𑐫 𑐎𑐵𑐬𑐞𑑄
𑐟𑐟𑑂𑐳𑐡𑐵𑐴𑐩𑐶𑐟𑐶 𑐩𑑁𑐣𑐩𑐵𑐱𑑂𑐬𑐫 ॥ 𑑗॥
𑐥𑐹𑐬𑑂𑐞𑐩𑐡𑑂𑐰𑐫𑐩𑐏𑐞𑑂𑐜𑐔𑐾𑐟𑐣𑑄
𑐰𑐶𑐱𑑂𑐰𑐨𑐾𑐡𑐎𑐮𑐣𑐵𑐡𑐶𑐰𑐬𑑂𑐖𑐶𑐟𑐩𑑂 ।
𑐀𑐡𑑂𑐰𑐶𑐟𑐷𑐫𑐥𑐬𑐳𑑄𑐰𑐶𑐡𑑄𑐱𑐎𑑄
𑐟𑐟𑑂𑐳𑐡𑐵𑐴𑐩𑐶𑐟𑐶 𑐩𑑁𑐣𑐩𑐵𑐱𑑂𑐬𑐫 ॥ 𑑘॥
𑐎𑐾𑐣𑐵𑐥𑑂𑐫𑐧𑐵𑐢𑐶𑐟𑐟𑑂𑐰𑐾𑐣 𑐟𑑂𑐬𑐶𑐎𑐵𑐮𑐾ऽ𑐥𑑂𑐫𑐾𑐎𑐬𑐹𑐥𑐟𑑅 ।
𑐰𑐶𑐡𑑂𑐫𑐩𑐵𑐣𑐟𑑂𑐰𑐩𑐳𑑂𑐟𑑂𑐫𑐾𑐟𑐟𑑂𑐳𑐡𑑂𑐬𑐹𑐥𑐟𑑂𑐰𑑄 𑐳𑐡𑐵 𑐩𑐩 ॥ 𑑙॥
𑐣𑐶𑐬𑐸𑐥𑐵𑐢𑐶𑐎𑐣𑐶𑐟𑑂𑐫𑑄 𑐫𑐟𑑂𑐳𑐸𑐥𑑂𑐟𑑁 𑐳𑐬𑑂𑐰𑐳𑐸𑐏𑐵𑐟𑑂𑐥𑐬𑐩𑑂 ।
𑐳𑐸𑐏𑐬𑐹𑐥𑐟𑑂𑐰𑐩𑐳𑑂𑐟𑑂𑐫𑐾𑐟𑐡𑐵𑐣𑐣𑑂𑐡𑐟𑑂𑐰𑑄 𑐳𑐡𑐵 𑐩𑐩 ॥ 𑑓.𑑑𑑐॥
𑐡𑐶𑐣𑐎𑐬𑐎𑐶𑐬𑐞𑐿𑐬𑑂𑐴𑐶 𑐱𑐵𑐬𑑂𑐰𑐬𑑄 𑐟𑐩𑑀
𑐣𑐶𑐧𑐶𑐜𑐟𑐬𑑄 𑐗𑐚𑐶𑐟𑐶 𑐥𑑂𑐬𑐞𑐵𑐱𑐩𑐾𑐟𑐶 ।
𑐑𑐣𑐟𑐬𑐨𑐰𑐎𑐵𑐬𑐞𑑄 𑐟𑐩𑑀 𑐫𑐡𑑂𑐡𑑂
𑐴𑐬𑐶𑐡𑐶𑐣𑐎𑐺𑐟𑑂𑐥𑑂𑐬𑐨𑐫𑐵 𑐣 𑐔𑐵𑐣𑑂𑐟𑐬𑐾𑐞 ॥ 𑑑𑑑॥
𑐩𑐩 𑐔𑐬𑐞𑐳𑑂𑐩𑐬𑐞𑐾𑐣 𑐥𑐹𑐖𑐫𑐵 𑐔
𑐳𑑂𑐰𑐎𑐟𑐩𑐳𑑅 𑐥𑐬𑐶𑐩𑐸𑐔𑑂𑐫𑐟𑐾 𑐴𑐶 𑐖𑐣𑑂𑐟𑐸𑑅 ।
𑐣 𑐴𑐶 𑐩𑐬𑐞𑐥𑑂𑐬𑐨𑐰𑐥𑑂𑐬𑐞𑐵𑐱𑐴𑐾𑐟𑐸
𑐬𑑂𑐩𑐩 𑐔𑐬𑐞𑐳𑑂𑐩𑐬𑐞𑐵𑐡𑐺𑐟𑐾ऽ𑐳𑑂𑐟𑐶 𑐎𑐶𑑄𑐔𑐶𑐟𑑂 ॥ 𑑑𑑒॥
𑐁𑐡𑐬𑐾𑐞 𑐫𑐠𑐵 𑐳𑑂𑐟𑑁𑐟𑐶 𑐢𑐣𑐰𑐣𑑂𑐟𑑄 𑐢𑐣𑐾𑐔𑑂𑐕𑐫𑐵 ।
𑐟𑐠𑐵 𑐔𑐾𑐡𑑂𑐰𑐶𑐱𑑂𑐰𑐎𑐬𑑂𑐟𑐵𑐬𑑄 𑐎𑑀 𑐣 𑐩𑐸𑐔𑑂𑐫𑐾𑐟 𑐧𑐣𑑂𑐢𑐣𑐵𑐟𑑂 ॥ 𑑑𑑓॥
𑐁𑐡𑐶𑐟𑑂𑐫𑐳𑑄𑐣𑐶𑐢𑑁 𑐮𑑀𑐎𑐱𑑂𑐔𑐾𑐲𑑂𑐚𑐟𑐾 𑐳𑑂𑐰𑐫𑐩𑐾𑐰 𑐟𑐸 ।
𑐟𑐠𑐵 𑐩𑐟𑑂𑐳𑑄𑐣𑐶𑐢𑐵𑐰𑐾𑐰 𑐳𑐩𑐳𑑂𑐟𑑄 𑐔𑐾𑐲𑑂𑐚𑐟𑐾 𑐖𑐐𑐟𑑂 ॥ 𑑑𑑔॥
𑐱𑐸𑐎𑑂𑐟𑐶𑐎𑐵𑐫𑐵 𑐫𑐠𑐵 𑐟𑐵𑐬𑑄 𑐎𑐮𑑂𑐥𑐶𑐟𑑄 𑐩𑐵𑐫𑐫𑐵 𑐟𑐠𑐵 ।
𑐩𑐴𑐡𑐵𑐡𑐶 𑐖𑐐𑐣𑑂𑐩𑐵𑐫𑐵𑐩𑐫𑑄 𑐩𑐫𑑂𑐫𑐾𑐰 𑐎𑐾𑐰𑐮𑐩𑑂 ॥ 𑑑𑑕॥
𑐔𑐞𑑂𑐜𑐵𑐮𑐡𑐾𑐴𑐾 𑐥𑐱𑑂𑐰𑐵𑐡𑐶𑐳𑑂𑐠𑐵𑐰𑐬𑐾 𑐧𑑂𑐬𑐴𑑂𑐩𑐰𑐶𑐐𑑂𑐬𑐴𑐾 ।
𑐀𑐣𑑂𑐫𑐾𑐲𑐸 𑐟𑐵𑐬𑐟𑐩𑑂𑐫𑐾𑐣 𑐳𑑂𑐠𑐶𑐟𑐾𑐲𑐸 𑐣 𑐟𑐠𑐵 𑐴𑑂𑐫𑐴𑐩𑑂 ॥ 𑑑𑑖॥
𑐰𑐶𑐣𑐲𑑂𑐚𑐡𑐶𑐐𑑂𑐨𑑂𑐬𑐩𑐳𑑂𑐫𑐵𑐥𑐶 𑐫𑐠𑐵𑐥𑐹𑐬𑑂𑐰𑑄 𑐰𑐶𑐨𑐵𑐟𑐶 𑐡𑐶𑐎𑑂 ।
𑐟𑐠𑐵 𑐰𑐶𑐖𑑂𑐘𑐵𑐣𑐰𑐶𑐢𑑂𑐰𑐳𑑂𑐟𑑄 𑐖𑐐𑐣𑑂𑐩𑐾 𑐨𑐵𑐟𑐶 𑐟𑐣𑑂𑐣 𑐴𑐶 ॥ 𑑑𑑗॥
𑐣 𑐡𑐾𑐴𑑀 𑐣𑐾𑐣𑑂𑐡𑑂𑐬𑐶𑐫𑐥𑑂𑐬𑐵𑐞𑑀 𑐣 𑐩𑐣𑑀𑐧𑐸𑐡𑑂𑐢𑑂𑐫𑐴𑑄𑐎𑐺𑐟𑐶 ।
𑐣 𑐔𑐶𑐟𑑂𑐟𑑄 𑐣𑐿𑐰 𑐩𑐵𑐫𑐵 𑐔 𑐣 𑐔 𑐰𑑂𑐫𑑀𑐩𑐵𑐡𑐶𑐎𑑄 𑐖𑐐𑐟𑑂 ॥ 𑑑𑑘॥
𑐣 𑐎𑐬𑑂𑐟𑐵 𑐣𑐿𑐰 𑐨𑑀𑐎𑑂𑐟𑐵 𑐔 𑐣 𑐔 𑐨𑑀𑐖𑐫𑐶𑐟𑐵 𑐟𑐠𑐵 ।
𑐎𑐾𑐰𑐮𑑄 𑐔𑐶𑐟𑑂𑐳𑐡𑐵𑐣𑐣𑑂𑐡𑐧𑑂𑐬𑐴𑑂𑐩𑐿𑐰𑐵𑐴𑑄 𑐖𑐣𑐵𑐬𑑂𑐡𑐣𑑅 ॥ 𑑑𑑙॥
𑐖𑐮𑐳𑑂𑐫 𑐔𑐮𑐣𑐵𑐡𑐾𑐰 𑐔𑐘𑑂𑐔𑐮𑐟𑑂𑐰𑑄 𑐫𑐠𑐵 𑐬𑐰𑐾𑑅 ।
𑐟𑐠𑐵𑐴𑑄𑐎𑐵𑐬𑐳𑐩𑑂𑐧𑐢𑐵𑐡𑐾𑐰 𑐳𑑄𑐳𑐵𑐬 𑐁𑐟𑑂𑐩𑐣𑑅 ॥ 𑑓.𑑒𑑐॥
𑐔𑐶𑐟𑑂𑐟𑐩𑐹𑐮𑑄 𑐴𑐶 𑐳𑑄𑐳𑐵𑐬𑐳𑑂𑐟𑐟𑑂𑐥𑑂𑐬𑐫𑐟𑑂𑐣𑐾𑐣 𑐱𑑀𑐢𑐫𑐾𑐟𑑂 ।
𑐴𑐣𑑂𑐟 𑐔𑐶𑐟𑑂𑐟𑐩𑐴𑐟𑑂𑐟𑐵𑐫𑐵𑑄 𑐎𑐿𑐲𑐵 𑐰𑐶𑐱𑑂𑐰𑐵𑐳𑐟𑐵 𑐟𑐰 ॥ 𑑒𑑑॥
𑐎𑑂𑐰 𑐢𑐣𑐵𑐣𑐶 𑐩𑐴𑐷𑐥𑐵𑐣𑐵𑑄 𑐧𑑂𑐬𑐴𑑂𑐩𑐞𑑅 𑐎𑑂𑐰 𑐖𑐐𑐣𑑂𑐟𑐶 𑐰𑐵 ।
𑐥𑑂𑐬𑐵𑐎𑑂𑐟𑐣𑐵𑐣𑐶 𑐥𑑂𑐬𑐫𑐵𑐟𑐵𑐣𑐶 𑐐𑐟𑐵𑑅 𑐳𑐬𑑂𑐐𑐥𑐬𑐩𑑂𑐥𑐬𑑅 ।
𑐎𑑀𑐚𑐫𑑀 𑐧𑑂𑐬𑐴𑑂𑐩𑐞𑐵𑑄 𑐫𑐵𑐟𑐵 𑐨𑐹𑐥𑐵 𑐣𑐲𑑂𑐚𑐵𑑅 𑐥𑐬𑐵𑐐𑐰𑐟𑑂 ॥ 𑑒𑑒॥
𑐳 𑐔𑐵𑐢𑑂𑐫𑐵𑐟𑑂𑐩𑐵𑐨𑐶𑐩𑐵𑐣𑑀ऽ𑐥𑐶 𑐰𑐶𑐡𑐸𑐲𑑀ऽ𑐫𑐵𑐳𑐸𑐬𑐟𑑂𑐰𑐟𑑅 ।
𑐰𑐶𑐡𑐸𑐲𑑀ऽ𑐥𑑂𑐫𑐵𑐳𑐸𑐬𑐱𑑂𑐔𑐾𑐟𑑂𑐳𑑂𑐫𑐵𑐣𑑂𑐣𑐶𑐲𑑂𑐦𑐮𑑄 𑐟𑐟𑑂𑐟𑑂𑐰𑐡𑐬𑑂𑐱𑐣𑐩𑑂 ॥ 𑑒𑑓॥
𑐄𑐟𑑂𑐥𑐵𑐡𑑂𑐫𑐩𑐵𑐣𑐵 𑐬𑐵𑐐𑐵𑐡𑑂𑐫𑐵 𑐰𑐶𑐰𑐾𑐎𑐖𑑂𑐘𑐵𑐣𑐰𑐴𑑂𑐣𑐶𑐣𑐵 ।
𑐫𑐡𑐵 𑐟𑐡𑐿𑐰 𑐡𑐴𑑂𑐫𑐣𑑂𑐟𑐾 𑐎𑐸𑐟𑐳𑑂𑐟𑐾𑐲𑐵𑑄 𑐥𑑂𑐬𑐬𑑀𑐴𑐞𑐩𑑂 ॥ 𑑒𑑔॥
𑐫𑐠𑐵 𑐳𑐸𑐣𑐶𑐥𑐸𑐞𑑅 𑐳𑐩𑑂𑐫𑐎𑑂 𑐥𑐬𑐡𑑀𑐲𑐾𑐎𑑂𑐲𑐞𑐾 𑐬𑐟𑑅 ।
𑐟𑐠𑐵 𑐔𑐾𑐣𑑂𑐣𑐶𑐥𑐸𑐞𑑅 𑐳𑑂𑐰𑐾𑐲𑐸 𑐎𑑀 𑐣 𑐩𑐸𑐔𑑂𑐫𑐾𑐟 𑐧𑐣𑑂𑐢𑐣𑐵𑐟𑑂 ॥ 𑑒𑑕॥
𑐀𑐣𑐵𑐟𑑂𑐩𑐰𑐶𑐡𑐩𑐸𑐎𑑂𑐟𑑀ऽ𑐥𑐶 𑐳𑐶𑐡𑑂𑐢𑐶𑐖𑐵𑐮𑐵𑐣𑐶 𑐰𑐵𑐘𑑂𑐕𑐟𑐶 ।
𑐡𑑂𑐬𑐰𑑂𑐫𑐩𑐣𑑂𑐟𑑂𑐬𑐎𑑂𑐬𑐶𑐫𑐵𑐎𑐵𑐮𑐫𑐸𑐎𑑂𑐟𑑂𑐫𑐵𑐥𑑂𑐣𑑀𑐟𑐶 𑐩𑐸𑐣𑐷𑐱𑑂𑐰𑐬 ॥ 𑑒𑑖॥
𑐣𑐵𑐟𑑂𑐩𑐖𑑂𑐘𑐳𑑂𑐫𑐿𑐲 𑐰𑐶𑐲𑐫 𑐁𑐟𑑂𑐩𑐖𑑂𑐘𑑀 𑐴𑑂𑐫𑐵𑐟𑑂𑐩𑐩𑐵𑐟𑑂𑐬𑐡𑐺𑐎𑑂 ।
𑐁𑐟𑑂𑐩𑐣𑐵𑐟𑑂𑐩𑐣𑐶 𑐳𑑄𑐟𑐺𑐥𑑂𑐟𑑀 𑐣𑐵𑐰𑐶𑐡𑑂𑐫𑐵𑐩𑐣𑐸𑐢𑐵𑐰𑐟𑐶 ॥ 𑑒𑑗॥
𑐫𑐾 𑐎𑐾𑐔𑐣 𑐖𑐐𑐡𑑂𑐨𑐵𑐰𑐵𑐳𑑂𑐟𑐵𑐣𑐰𑐶𑐡𑑂𑐫𑐵𑐩𑐫𑐵𑐣𑑂𑐰𑐶𑐡𑐸𑑅 ।
𑐎𑐠𑑄 𑐟𑐾𑐲𑐸 𑐎𑐶𑐮𑐵𑐟𑑂𑐩𑐖𑑂𑐘𑐳𑑂𑐟𑑂𑐫𑐎𑑂𑐟𑐵𑐰𑐶𑐡𑑂𑐫𑑀 𑐣𑐶𑐩𑐖𑑂𑐖𑐟𑐶 ॥ 𑑒𑑘॥
𑐡𑑂𑐬𑐰𑑂𑐫𑐩𑐣𑑂𑐟𑑂𑐬𑐎𑑂𑐬𑐶𑐫𑐵𑐎𑐵𑐮𑐫𑐸𑐎𑑂𑐟𑐫𑑅 𑐳𑐵𑐢𑐸𑐳𑐶𑐡𑑂𑐢𑐶𑐡𑐵𑑅 ।
𑐥𑐬𑐩𑐵𑐟𑑂𑐩𑐥𑐡𑐥𑑂𑐬𑐵𑐥𑑂𑐟𑑁 𑐣𑑀𑐥𑐎𑐸𑐬𑑂𑐰𑐣𑑂𑐟𑐶 𑐎𑐵𑐱𑑂𑐔𑐣 ॥ 𑑒𑑙॥
𑐳𑐬𑑂𑐰𑐾𑐔𑑂𑐕𑐵𑐎𑐮𑐣𑐵𑐱𑐵𑐣𑑂𑐟𑐵𑐰𑐵𑐟𑑂𑐩𑐮𑐵𑐨𑑀𑐡𑐫𑐵𑐨𑐶𑐢𑑅 ।
𑐳 𑐥𑐸𑐣𑑅 𑐳𑐶𑐡𑑂𑐢𑐶𑐰𑐵𑐘𑑂𑐕𑐵𑐫𑐵𑑄 𑐎𑐠𑐩𑐬𑑂𑐴𑐟𑑂𑐫𑐔𑐶𑐟𑑂𑐟𑐟𑑅 ॥ 𑑓.𑑓𑑐॥ 𑐂𑐟𑐶॥
𑐂𑐟𑐶 𑐟𑐺𑐟𑐷𑐫𑑀𑐢𑑂𑐫𑐵𑐫𑑅 ॥ 𑑓॥
𑐀𑐠 𑐴 𑐆𑐨𑐸𑑄 𑐨𑐐𑐰𑐣𑑂𑐟𑑄 𑐣𑐶𑐡𑐵𑐑𑑅 𑐥𑐥𑑂𑐬𑐔𑑂𑐕 𑐖𑐷𑐰𑐣𑑂𑐩𑐸𑐎𑑂𑐟𑐶𑐮𑐎𑑂𑐲𑐞𑐩𑐣𑐸𑐧𑑂𑐬𑐹𑐴𑐷𑐟𑐶 ।
𑐟𑐠𑐾𑐟𑐶 𑐳 𑐴𑑀𑐰𑐵𑐔 । 𑐳𑐥𑑂𑐟𑐨𑐹𑐩𑐶𑐲𑐸 𑐖𑐷𑐰𑐣𑑂𑐩𑐸𑐎𑑂𑐟𑐵𑐱𑑂𑐔𑐟𑑂𑐰𑐵𑐬𑑅 ।
𑐱𑐸𑐨𑐾𑐔𑑂𑐕𑐵 𑐥𑑂𑐬𑐠𑐩𑐵 𑐨𑐹𑐩𑐶𑐎𑐵 𑐨𑐰𑐟𑐶 । 𑐰𑐶𑐔𑐵𑐬𑐞𑐵 𑐡𑑂𑐰𑐶𑐟𑐷𑐫𑐵 । 𑐟𑐣𑐸𑐩𑐵𑐣𑐳𑐷 𑐟𑐺𑐟𑐷𑐫𑐵 ।
𑐳𑐟𑑂𑐟𑑂𑐰𑐵𑐥𑐟𑑂𑐟𑐶𑐳𑑂𑐟𑐸𑐬𑐷𑐫𑐵 । 𑐀𑐳𑑄𑐳𑐎𑑂𑐟𑐶𑑅 𑐥𑐘𑑂𑐔𑐩𑐷 । 𑐥𑐡𑐵𑐬𑑂𑐠𑐨𑐵𑐰𑐣𑐵 𑐲𑐲𑑂𑐛𑐷 । 𑐟𑐸𑐬𑐷𑐫𑐐𑐵 𑐳𑐥𑑂𑐟𑐩𑐷 ।
𑐥𑑂𑐬𑐞𑐰𑐵𑐟𑑂𑐩𑐶𑐎𑐵 𑐨𑐹𑐩𑐶𑐎𑐵 𑐀𑐎𑐵𑐬𑑀𑐎𑐵𑐬𑐩𑐎𑐵𑐬𑐵𑐬𑑂𑐢𑐩𑐵𑐟𑑂𑐬𑐵𑐟𑑂𑐩𑐶𑐎𑐵 । 𑐳𑑂𑐠𑐹𑐮𑐳𑐹𑐎𑑂𑐲𑑂𑐩𑐧𑐷𑐖𑐳𑐵𑐎𑑂𑐲𑐶𑐨𑐾𑐡𑐾𑐣𑐵𑐎𑐵𑐬𑐵𑐡𑐫𑐱𑑂𑐔𑐟𑐸𑐬𑑂𑐰𑐶𑐢𑐵𑑅 ।
𑐟𑐡𑐰𑐳𑑂𑐠𑐵 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐳𑐸𑐲𑐸𑐥𑑂𑐟𑐶𑐟𑐸𑐬𑐷𑐫𑐵𑑅 ।
𑐀𑐎𑐵𑐬𑐳𑑂𑐠𑐹𑐮𑐵𑑄𑐱𑐾 𑐖𑐵𑐐𑑂𑐬𑐡𑑂𑐰𑐶𑐱𑑂𑐰𑑅 ।
𑐳𑐹𑐎𑑂𑐲𑑂𑐩𑐵𑑄𑐱𑐾 𑐟𑐟𑑂𑐟𑐿𑐖𑐳𑑅 । 𑐧𑐷𑐖𑐵𑑄𑐱𑐾 𑐟𑐟𑑂𑐥𑑂𑐬𑐵𑐖𑑂𑐘𑑅 । 𑐳𑐵𑐎𑑂𑐲𑑂𑐫𑑄𑐱𑐾 𑐟𑐟𑑂𑐟𑐸𑐬𑐷𑐫𑑅 ।
𑐄𑐎𑐵𑐬𑐳𑑂𑐠𑐹𑐮𑐵𑑄𑐱𑐾 𑐳𑑂𑐰𑐥𑑂𑐣𑐰𑐶𑐱𑑂𑐰𑑅 ।
𑐳𑐹𑐎𑑂𑐲𑑂𑐩𑐵𑑄𑐱𑐾 𑐟𑐟𑑂𑐟𑐿𑐖𑐳𑑅 । 𑐧𑐷𑐖𑐵𑑄𑐱𑐾 𑐟𑐟𑑂𑐥𑑂𑐬𑐵𑐖𑑂𑐘𑑅 । 𑐳𑐵𑐎𑑂𑐲𑑂𑐫𑑄𑐱𑐾 𑐟𑐟𑑂𑐟𑐸𑐬𑐷𑐫𑑅 ।
𑐩𑐎𑐵𑐬𑐳𑑂𑐠𑐹𑐮𑐵𑑄𑐱𑐾 𑐳𑐸𑐲𑐸𑐥𑑂𑐟𑐰𑐶𑐱𑑂𑐰𑑅 ।
𑐳𑐹𑐎𑑂𑐲𑑂𑐩𑐵𑑄𑐱𑐾 𑐟𑐟𑑂𑐟𑐿𑐖𑐳𑑅 । 𑐧𑐷𑐖𑐵𑑄𑐱𑐾 𑐟𑐟𑑂𑐥𑑂𑐬𑐵𑐖𑑂𑐘𑑅 । 𑐳𑐵𑐎𑑂𑐲𑑂𑐫𑑄𑐱𑐾 𑐟𑐟𑑂𑐟𑐸𑐬𑐷𑐫𑑅 ।
𑐀𑐬𑑂𑐢𑐩𑐵𑐟𑑂𑐬𑐵𑐳𑑂𑐠𑐹𑐮𑐵𑑄𑐱𑐾 𑐟𑐸𑐬𑐷𑐫𑐰𑐶𑐱𑑂𑐰𑑅 ।
𑐳𑐹𑐎𑑂𑐲𑑂𑐩𑐵𑑄𑐱𑐾 𑐟𑐟𑑂𑐟𑐿𑐖𑐳𑑅 । 𑐧𑐷𑐖𑐵𑑄𑐱𑐾 𑐟𑐟𑑂𑐥𑑂𑐬𑐵𑐖𑑂𑐘𑑅 । 𑐳𑐵𑐎𑑂𑐲𑑂𑐫𑑄𑐱𑐾 𑐟𑐸𑐬𑐷𑐫𑐟𑐸𑐬𑐷𑐫𑑅 ।
𑐀𑐎𑐵𑐬𑐟𑐸𑐬𑐷𑐫𑐵𑑄𑐱𑐵𑑅 𑐥𑑂𑐬𑐠𑐩𑐡𑑂𑐰𑐶𑐟𑐷𑐫𑐟𑐺𑐟𑐷𑐫𑐨𑐹𑐩𑐶𑐎𑐵𑑅 ।
𑐄𑐎𑐵𑐬𑐟𑐸𑐬𑐷𑐫𑐵𑑄𑐱𑐵 𑐔𑐟𑐸𑐬𑑂𑐠𑐷 𑐨𑐹𑐩𑐶𑐎𑐵 ।
𑐩𑐎𑐵𑐬𑐟𑐸𑐬𑐷𑐫𑐵𑑄𑐱𑐵 𑐥𑐘𑑂𑐔𑐩𑐷 ।
𑐀𑐬𑑂𑐢𑐩𑐵𑐟𑑂𑐬𑐵𑐟𑐸𑐬𑐷𑐫𑐵𑑄𑐱𑐵 𑐲𑐲𑑂𑐛𑐷 ।
𑐟𑐡𑐟𑐷𑐟𑐵 𑐳𑐥𑑂𑐟𑐩𑐷 ।
𑐨𑐹𑐩𑐶𑐟𑑂𑐬𑐫𑐾𑐲𑐸 𑐰𑐶𑐴𑐬𑐣𑑂𑐩𑐸𑐩𑐸𑐎𑑂𑐲𑐸𑐬𑑂𑐨𑐰𑐟𑐶 ।
𑐟𑐸𑐬𑐷𑐫𑐨𑐹𑐩𑑂𑐫𑐵𑑄 𑐰𑐶𑐴𑐬𑐣𑑂𑐧𑑂𑐬𑐴𑑂𑐩𑐰𑐶𑐡𑑂𑐨𑐰𑐟𑐶 ।
𑐥𑐘𑑂𑐔𑐩𑐨𑐹𑐩𑑂𑐫𑐵𑑄 𑐰𑐶𑐴𑐬𑐣𑑂𑐧𑑂𑐬𑐴𑑂𑐩𑐰𑐶𑐡𑑂𑐰𑐬𑑀 𑐨𑐰𑐟𑐶 ।
𑐲𑐲𑑂𑐛𑐨𑐹𑐩𑑂𑐫𑐵𑑄 𑐰𑐶𑐴𑐬𑐣𑑂𑐧𑑂𑐬𑐴𑑂𑐩𑐰𑐶𑐡𑑂𑐰𑐬𑐷𑐫𑐵𑐣𑑂𑐨𑐰𑐟𑐶 ।
𑐳𑐥𑑂𑐟𑐩𑐨𑐹𑐩𑑂𑐫𑐵𑑄 𑐰𑐶𑐴𑐬𑐣𑑂𑐧𑑂𑐬𑐴𑑂𑐩𑐰𑐶𑐡𑑂𑐰𑐬𑐶𑐲𑑂𑐛𑑀 𑐨𑐰𑐟𑐶 ।
𑐟𑐟𑑂𑐬𑐿𑐟𑐾 𑐱𑑂𑐮𑑀𑐎𑐵 𑐨𑐰𑐣𑑂𑐟𑐶 ।
𑐖𑑂𑐘𑐵𑐣𑐨𑐹𑐩𑐶𑑅 𑐱𑐸𑐨𑐾𑐔𑑂𑐕𑐵 𑐳𑑂𑐫𑐵𑐟𑑂𑐥𑑂𑐬𑐠𑐩𑐵 𑐳𑐩𑐸𑐡𑐷𑐬𑐶𑐟𑐵 ।
𑐰𑐶𑐔𑐵𑐬𑐞𑐵 𑐡𑑂𑐰𑐶𑐟𑐷𑐫𑐵 𑐟𑐸 𑐟𑐺𑐟𑐷𑐫𑐵 𑐟𑐣𑐸𑐩𑐵𑐣𑐳𑐵 ॥𑑔.𑑑॥
𑐳𑐟𑑂𑐟𑑂𑐰𑐵𑐥𑐟𑑂𑐟𑐶𑐱𑑂𑐔𑐟𑐸𑐬𑑂𑐠𑐷 𑐳𑑂𑐫𑐵𑐟𑑂𑐟𑐟𑑀ऽ𑐳𑑄𑐳𑐎𑑂𑐟𑐶𑐣𑐵𑐩𑐶𑐎𑐵 ।
𑐥𑐡𑐵𑐬𑑂𑐠𑐨𑐵𑐰𑐣𑐵 𑐲𑐲𑑂𑐛𑐷 𑐳𑐥𑑂𑐟𑐩𑐷 𑐟𑐸𑐬𑑂𑐫𑐐𑐵 𑐳𑑂𑐩𑐺𑐟𑐵 ॥ 𑑒॥
𑐳𑑂𑐠𑐶𑐟𑑅 𑐎𑐶𑑄 𑐩𑐹𑐝 𑐊𑐰𑐵𑐳𑑂𑐩𑐶 𑐥𑑂𑐬𑐾𑐎𑑂𑐲𑑂𑐫𑑀ऽ𑐴𑑄 𑐱𑐵𑐳𑑂𑐟𑑂𑐬𑐳𑐖𑑂𑐖𑐣𑐿𑑅 ।
𑐰𑐿𑐬𑐵𑐐𑑂𑐫𑐥𑐹𑐬𑑂𑐞𑐩𑐶𑐔𑑂𑐕𑐾𑐟𑐶 𑐱𑐸𑐨𑐾𑐔𑑂𑐕𑐾𑐟𑑂𑐫𑐸𑐔𑑂𑐫𑐟𑐾 𑐧𑐸𑐢𑐿𑑅 ॥ 𑑓॥
𑐱𑐵𑐳𑑂𑐟𑑂𑐬𑐳𑐖𑑂𑐖𑐣𑐳𑑄𑐥𑐬𑑂𑐎𑐰𑐿𑐬𑐵𑐐𑑂𑐫𑐵𑐨𑑂𑐫𑐵𑐳𑐥𑐹𑐬𑑂𑐰𑐎𑐩𑑂 ।
𑐳𑐡𑐵𑐔𑐵𑐬𑐥𑑂𑐬𑐰𑐺𑐟𑑂𑐟𑐶𑐬𑑂𑐫𑐵 𑐥𑑂𑐬𑑀𑐔𑑂𑐫𑐟𑐾 𑐳𑐵 𑐰𑐶𑐔𑐵𑐬𑐞𑐵 ॥ 𑑔॥
𑐰𑐶𑐔𑐵𑐬𑐞𑐵𑐱𑐸𑐨𑐾𑐔𑑂𑐕𑐵𑐨𑑂𑐫𑐵𑐩𑐶𑐣𑑂𑐡𑑂𑐬𑐶𑐫𑐵𑐬𑑂𑐠𑐾𑐲𑐸 𑐬𑐎𑑂𑐟𑐟𑐵 ।
𑐫𑐟𑑂𑐬 𑐳𑐵 𑐟𑐣𑐸𑐟𑐵𑐩𑐾𑐟𑐶 𑐥𑑂𑐬𑑀𑐔𑑂𑐫𑐟𑐾 𑐟𑐣𑐸𑐩𑐵𑐣𑐳𑐷 ॥ 𑑕॥
𑐨𑐹𑐩𑐶𑐎𑐵𑐟𑑂𑐬𑐶𑐟𑐫𑐵𑐨𑑂𑐫𑐵𑐳𑐵𑐔𑐶𑐟𑑂𑐟𑐾ऽ𑐬𑑂𑐠𑐰𑐶𑐬𑐟𑐾𑐬𑑂𑐰𑐱𑐵𑐟𑑂 ।
𑐳𑐟𑑂𑐰𑐵𑐟𑑂𑐩𑐣𑐶 𑐳𑑂𑐠𑐶𑐟𑐾 𑐱𑐸𑐡𑑂𑐢𑐾 𑐳𑐟𑑂𑐟𑑂𑐰𑐵𑐥𑐟𑑂𑐟𑐶𑐬𑐸𑐡𑐵𑐴𑐺𑐟𑐵 ॥ 𑑖॥
𑐡𑐱𑐵𑐔𑐟𑐸𑐲𑑂𑐚𑐫𑐵𑐨𑑂𑐫𑐵𑐳𑐵𑐡𑐳𑑄𑐳𑐬𑑂𑐐𑐦𑐮𑐵 𑐟𑐸 𑐫𑐵 ।
𑐬𑐹𑐝𑐳𑐟𑑂𑐟𑑂𑐰𑐔𑐩𑐟𑑂𑐎𑐵𑐬𑐵 𑐥𑑂𑐬𑑀𑐎𑑂𑐟𑐵 𑐳𑑄𑐳𑐎𑑂𑐟𑐶𑐣𑐵𑐩𑐶𑐎𑐵 ॥ 𑑗॥
𑐨𑐹𑐩𑐶𑐎𑐵𑐥𑐘𑑂𑐔𑐎𑐵𑐨𑑂𑐫𑐵𑐳𑐵𑐟𑑂𑐳𑑂𑐰𑐵𑐟𑑂𑐩𑐵𑐬𑐵𑐩𑐟𑐫𑐵 𑐨𑐺𑐱𑐩𑑂 ।
𑐁𑐨𑑂𑐫𑐣𑑂𑐟𑐬𑐵𑐞𑐵𑑄 𑐧𑐵𑐴𑑂𑐫𑐵𑐣𑐵𑑄 𑐥𑐡𑐵𑐬𑑂𑐠𑐵𑐣𑐵𑐩𑐨𑐵𑐰𑐣𑐵𑐟𑑂 ॥ 𑑘॥
𑐥𑐬𑐥𑑂𑐬𑐫𑐸𑐎𑑂𑐟𑐾𑐣 𑐔𑐶𑐬𑑄 𑐥𑑂𑐬𑐟𑑂𑐫𑐫𑐾𑐣𑐵𑐰𑐧𑑀𑐢𑐣𑐩𑑂 ।
𑐥𑐡𑐵𑐬𑑂𑐠𑐨𑐵𑐰𑐣𑐵𑐣𑐵𑐩 𑐲𑐲𑑂𑐛𑐷 𑐨𑐰𑐟𑐶 𑐨𑐹𑐩𑐶𑐎𑐵 ॥ 𑑙॥
𑐲𑐜𑑂𑐨𑐹𑐩𑐶𑐎𑐵𑐔𑐶𑐬𑐵𑐨𑑂𑐫𑐵𑐳𑐡𑑂𑐨𑐾𑐡𑐳𑑂𑐫𑐵𑐣𑐸𑐥𑐮𑐩𑑂𑐨𑐣𑐵𑐟𑑂 ।
𑐫𑐟𑑂𑐳𑑂𑐰𑐨𑐵𑐰𑐿𑐎𑐣𑐶𑐲𑑂𑐛𑐟𑑂𑐰𑑄 𑐳𑐵 𑐖𑑂𑐘𑐾𑐫𑐵 𑐟𑐸𑐬𑑂𑐫𑐐𑐵 𑐐𑐟𑐶𑑅 ॥ 𑑔.𑑑𑑐॥
𑐱𑐸𑐨𑐾𑐔𑑂𑐕𑐵𑐡𑐶𑐟𑑂𑐬𑐫𑑄 𑐨𑐹𑐩𑐶𑐨𑐾𑐡𑐵𑐨𑐾𑐡𑐫𑐸𑐟𑑄 𑐳𑑂𑐩𑐺𑐟𑐩𑑂 ।
𑐫𑐠𑐵𑐰𑐡𑑂𑐰𑐾𑐡 𑐧𑐸𑐡𑑂𑐢𑑂𑐫𑐾𑐡𑑄 𑐖𑐐𑐖𑑂𑐖𑐵𑐐𑑂𑐬𑐟𑐶 𑐡𑐺𑐱𑑂𑐫𑐟𑐾 ॥ 𑑑𑑑॥
𑐀𑐡𑑂𑐰𑐿𑐟𑐾 𑐳𑑂𑐠𑐿𑐬𑑂𑐫𑐩𑐵𑐫𑐵𑐟𑐾 𑐡𑑂𑐰𑐿𑐟𑐾 𑐔 𑐥𑑂𑐬𑐱𑐩𑑄 𑐐𑐟𑐾 ।
𑐥𑐱𑑂𑐫𑐣𑑂𑐟𑐶 𑐳𑑂𑐰𑐥𑑂𑐣𑐰𑐮𑑂𑐮𑑀𑐎𑑄 𑐟𑐸𑐬𑑂𑐫𑐨𑐹𑐩𑐶 𑐳𑐸𑐫𑑀𑐐𑐟𑑅 ॥ 𑑑𑑒॥
𑐰𑐶𑐔𑑂𑐕𑐶𑐣𑑂𑐣𑐱𑐬𑐡𑐨𑑂𑐬𑐵𑑄𑐱𑐰𑐶𑐮𑐫𑑄 𑐥𑑂𑐬𑐰𑐶𑐮𑐷𑐫𑐟𑐾 ।
𑐳𑐟𑑂𑐰𑐵𑐰𑐱𑐾𑐲 𑐊𑐰𑐵𑐳𑑂𑐟𑐾 𑐴𑐶 𑐣𑐶𑐡𑐵𑐑 𑐡𑐺𑐝𑐷𑐎𑐸𑐬𑐸 ॥ 𑑑𑑓॥
𑐥𑐘𑑂𑐔𑐨𑐹𑐩𑐶𑑄 𑐳𑐩𑐵𑐬𑐸𑐴𑑂𑐫 𑐳𑐸𑐲𑐸𑐥𑑂𑐟𑐶𑐥𑐡𑐣𑐵𑐩𑐶𑐎𑐵𑐩𑑂 ।
𑐱𑐵𑐣𑑂𑐟𑐵𑐱𑐾𑐲𑐰𑐶𑐱𑐾𑐲𑐵𑑄𑐱𑐳𑑂𑐟𑐶𑐲𑑂𑐛𑐟𑑂𑐫𑐡𑑂𑐰𑐿𑐟𑐩𑐵𑐟𑑂𑐬𑐎𑐾 ॥ 𑑑𑑔॥
𑐀𑐣𑑂𑐟𑐬𑑂𑐩𑐸𑐏𑐟𑐫𑐵 𑐣𑐶𑐟𑑂𑐫𑑄 𑐧𑐴𑐶𑐬𑑂𑐰𑐺𑐟𑑂𑐟𑐶𑐥𑐬𑑀ऽ𑐥𑐶 𑐳𑐣𑑂 ।
𑐥𑐬𑐶𑐱𑑂𑐬𑐵𑐣𑑂𑐟𑐟𑐫𑐵 𑐣𑐶𑐟𑑂𑐫𑑄 𑐣𑐶𑐡𑑂𑐬𑐵𑐮𑐸𑐬𑐶𑐰 𑐮𑐎𑑂𑐲𑑂𑐫𑐟𑐾 ॥ 𑑑𑑕॥
𑐎𑐸𑐬𑑂𑐰𑐣𑑂𑐣𑐨𑑂𑐫𑐵𑐳𑐩𑐾𑐟𑐳𑑂𑐫𑐵𑑄 𑐨𑐹𑐩𑑂𑐫𑐵𑑄 𑐳𑐩𑑂𑐫𑐐𑑂𑐰𑐶𑐰𑐵𑐳𑐣𑑅 ।
𑐳𑐥𑑂𑐟𑐩𑐷 𑐐𑐵𑐝𑐳𑐸𑐥𑑂𑐟𑐵𑐏𑑂𑐫𑐵 𑐎𑑂𑐬𑐩𑐥𑑂𑐬𑐵𑐥𑑂𑐟𑐵 𑐥𑐸𑐬𑐵𑐟𑐣𑐷 ॥ 𑑑𑑖॥
𑐫𑐟𑑂𑐬 𑐣𑐵𑐳𑐣𑑂𑐣 𑐳𑐡𑑂𑐬𑐹𑐥𑑀 𑐣𑐵𑐴𑑄 𑐣𑐵𑐥𑑂𑐫𑐣𑐴𑑄𑐎𑐺𑐟𑐶𑑅 ।
𑐎𑐾𑐰𑐮𑑄 𑐎𑑂𑐲𑐷𑐞𑐩𑐣𑐣 𑐁𑐳𑑂𑐟𑐾ऽ𑐡𑑂𑐰𑐿𑐟𑐾ऽ𑐟𑐶𑐣𑐶𑐬𑑂𑐨𑐫𑑅 ॥ 𑑑𑑗॥
𑐀𑐣𑑂𑐟𑑅𑐱𑐹𑐣𑑂𑐫𑑀 𑐧𑐴𑐶𑑅𑐱𑐹𑐣𑑂𑐫𑑅 𑐱𑐹𑐣𑑂𑐫𑐎𑐸𑐩𑑂𑐨 𑐂𑐰𑐵𑐩𑑂𑐧𑐬𑐾 ।
𑐀𑐣𑑂𑐟𑑅𑐥𑐹𑐬𑑂𑐞𑑀 𑐧𑐴𑐶𑑅𑐥𑐹𑐬𑑂𑐞𑑅 𑐥𑐹𑐬𑑂𑐞𑐎𑐸𑐩𑑂𑐨 𑐂𑐰𑐵𑐬𑑂𑐞𑐰𑐾 ॥ 𑑑𑑘॥
𑐩𑐵 𑐨𑐰 𑐐𑑂𑐬𑐵𑐴𑑂𑐫𑐨𑐵𑐰𑐵𑐟𑑂𑐩𑐵 𑐐𑑂𑐬𑐵𑐴𑐎𑐵𑐟𑑂𑐩𑐵 𑐔 𑐩𑐵 𑐨𑐰 ।
𑐨𑐵𑐰𑐣𑐵𑐩𑐏𑐶𑐮𑐵𑑄 𑐟𑑂𑐫𑐎𑑂𑐟𑑂𑐰𑐵 𑐫𑐔𑑂𑐕𑐶𑐲𑑂𑐚𑑄 𑐟𑐣𑑂𑐩𑐫𑑀 𑐨𑐰 ॥ 𑑑𑑙॥
𑐡𑑂𑐬𑑂𑐲𑑂𑐚𑐺𑐡𑐬𑑂𑐱𑐣𑐡𑐺𑐱𑑂𑐫𑐵𑐣𑐶 𑐟𑑂𑐫𑐎𑑂𑐟𑑂𑐰𑐵 𑐰𑐵𑐳𑐣𑐫𑐵 𑐳𑐴 ।
𑐡𑐬𑑂𑐱𑐣𑐥𑑂𑐬𑐠𑐩𑐵𑐨𑐵𑐳𑐩𑐵𑐟𑑂𑐩𑐵𑐣𑑄 𑐎𑐾𑐰𑐮𑑄 𑐨𑐖 ॥ 𑑔.𑑒𑑐॥
𑐫𑐠𑐵𑐳𑑂𑐠𑐶𑐟𑐩𑐶𑐡𑑄 𑐫𑐳𑑂𑐫 𑐰𑑂𑐫𑐰𑐴𑐵𑐬𑐫𑐟𑑀ऽ𑐥𑐶 𑐔 ।
𑐀𑐳𑑂𑐟𑑄𑐐𑐟𑑄 𑐳𑑂𑐠𑐶𑐟𑑄 𑐰𑑂𑐫𑑀𑐩 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑑॥
𑐣𑑀𑐡𑐾𑐟𑐶 𑐣𑐵𑐳𑑂𑐟𑐩𑐵𑐫𑐵𑐟𑐶 𑐳𑐸𑐏𑐾 𑐡𑐸𑑅𑐏𑐾 𑐩𑐣𑑅𑐥𑑂𑐬𑐨𑐵 ।
𑐫𑐠𑐵𑐥𑑂𑐬𑐵𑐥𑑂𑐟𑐳𑑂𑐠𑐶𑐟𑐶𑐬𑑂𑐫𑐳𑑂𑐫 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑒॥
𑐫𑑀 𑐖𑐵𑐐𑐬𑑂𑐟𑐶 𑐳𑐸𑐲𑐸𑐥𑑂𑐟𑐶𑐳𑑂𑐠𑑀 𑐫𑐳𑑂𑐫 𑐖𑐵𑐐𑑂𑐬𑐣𑑂𑐣 𑐰𑐶𑐡𑑂𑐫𑐟𑐾 ।
𑐫𑐳𑑂𑐫 𑐣𑐶𑐬𑑂𑐰𑐵𑐳𑐣𑑀 𑐧𑑀𑐢𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑓॥
𑐬𑐵𑐐𑐡𑑂𑐰𑐾𑐲𑐨𑐫𑐵𑐡𑐷𑐣𑐵𑐩𑐣𑐸𑐬𑐹𑐥𑑄 𑐔𑐬𑐣𑑂𑐣𑐥𑐶 ।
𑐫𑑀ऽ𑐣𑑂𑐟𑐬𑑂𑐰𑑂𑐫𑑀𑐩𑐰𑐡𑐔𑑂𑐕𑐣𑑂𑐣𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑔॥
𑐫𑐳𑑂𑐫 𑐣𑐵𑐴𑑄𑐎𑐺𑐟𑑀 𑐨𑐵𑐰𑑀 𑐧𑐸𑐡𑑂𑐢𑐶𑐬𑑂𑐫𑐳𑑂𑐫 𑐣 𑐮𑐶𑐥𑑂𑐫𑐟𑐾 ।
𑐎𑐸𑐬𑑂𑐰𑐟𑑀ऽ𑐎𑐸𑐬𑑂𑐰𑐟𑑀 𑐰𑐵𑐥𑐶 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑕॥
𑐫𑐳𑑂𑐩𑐵𑐣𑑂𑐣𑑀𑐡𑑂𑐰𑐶𑐖𑐟𑐾 𑐮𑑀𑐎𑑀 𑐮𑑀𑐎𑐵𑐣𑑂𑐣𑑀𑐡𑑂𑐰𑐶𑐖𑐟𑐾 𑐔 𑐫𑑅 ।
𑐴𑐬𑑂𑐲𑐵𑐩𑐬𑑂𑐲𑐨𑐫𑑀𑐣𑑂𑐩𑐸𑐎𑑂𑐟𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑖॥
𑐫𑑅 𑐳𑐩𑐳𑑂𑐟𑐵𑐬𑑂𑐠𑐖𑐵𑐮𑐾𑐲𑐸 𑐰𑑂𑐫𑐰𑐴𑐵𑐬𑑂𑐫𑐥𑐶 𑐱𑐷𑐟𑐮𑑅 ।
𑐥𑐬𑐵𑐬𑑂𑐠𑐾𑐲𑑂𑐰𑐶𑐰 𑐥𑐹𑐬𑑂𑐞𑐵𑐟𑑂𑐩𑐵 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑗॥
𑐥𑑂𑐬𑐖𑐴𑐵𑐟𑐶 𑐫𑐡𑐵 𑐎𑐵𑐩𑐵𑐣𑑂𑐳𑐬𑑂𑐰𑐵𑑄𑐱𑑂𑐔𑐶𑐟𑑂𑐟𑐐𑐟𑐵𑐣𑑂𑐩𑐸𑐣𑐾 ।
𑐩𑐫𑐶 𑐳𑐬𑑂𑐰𑐵𑐟𑑂𑐩𑐎𑐾 𑐟𑐸𑐲𑑂𑐚𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑘॥
𑐔𑐿𑐟𑑂𑐫𑐰𑐬𑑂𑐖𑐶𑐟𑐔𑐶𑐣𑑂𑐩𑐵𑐟𑑂𑐬𑐾 𑐥𑐡𑐾 𑐥𑐬𑐩𑐥𑐵𑐰𑐣𑐾 ।
𑐀𑐎𑑂𑐲𑐸𑐧𑑂𑐢𑐔𑐶𑐟𑑂𑐟𑑀 𑐰𑐶𑐱𑑂𑐬𑐵𑐣𑑂𑐟𑑅 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑒𑑙॥
𑐂𑐡𑑄 𑐖𑐐𑐡𑐴𑑄 𑐳𑑀ऽ𑐫𑑄 𑐡𑐺𑐱𑑂𑐫𑐖𑐵𑐟𑐩𑐰𑐵𑐳𑑂𑐟𑐰𑐩𑑂 ।
𑐫𑐳𑑂𑐫 𑐔𑐶𑐟𑑂𑐟𑐾 𑐣 𑐳𑑂𑐦𑐸𑐬𑐟𑐶 𑐳 𑐖𑐷𑐰𑐣𑑂𑐩𑐸𑐎𑑂𑐟 𑐄𑐔𑑂𑐫𑐟𑐾 ॥ 𑑔.𑑓𑑐॥
𑐳𑐡𑑂𑐧𑑂𑐬𑐴𑑂𑐩𑐞𑐶 𑐳𑑂𑐠𑐶𑐬𑐾 𑐳𑑂𑐦𑐵𑐬𑐾 𑐥𑐹𑐬𑑂𑐞𑐾 𑐰𑐶𑐲𑐫𑐰𑐬𑑂𑐖𑐶𑐟𑐾 ।
𑐁𑐔𑐵𑐬𑑂𑐫𑐱𑐵𑐳𑑂𑐟𑑂𑐬𑐩𑐵𑐬𑑂𑐐𑐾𑐞 𑐥𑑂𑐬𑐰𑐶𑐱𑑂𑐫𑐵𑐱𑐸 𑐳𑑂𑐠𑐶𑐬𑑀 𑐨𑐰 ॥ 𑑓𑑑॥
𑐱𑐶𑐰𑑀 𑐐𑐸𑐬𑐸𑑅 𑐱𑐶𑐰𑑀 𑐰𑐾𑐡𑑅 𑐱𑐶𑐰 𑐡𑐾𑐰𑑅 𑐱𑐶𑐰𑑅 𑐥𑑂𑐬𑐨𑐸𑑅 ।
𑐱𑐶𑐰𑑀ऽ𑐳𑑂𑐩𑑂𑐫𑐴𑑄 𑐱𑐶𑐰𑑅 𑐳𑐬𑑂𑐰𑑄 𑐱𑐶𑐰𑐡𑐣𑑂𑐫𑐣𑑂𑐣 𑐎𑐶𑑄𑐔𑐣 ॥ 𑑓𑑒॥
𑐟𑐩𑐾𑐰 𑐢𑐷𑐬𑑀 𑐰𑐶𑐖𑑂𑐘𑐵𑐫 𑐥𑑂𑐬𑐖𑑂𑐘𑐵𑑄 𑐎𑐸𑐬𑑂𑐰𑐷𑐟 𑐧𑑂𑐬𑐵𑐴𑑂𑐩𑐞𑑅 ।
𑐣𑐵𑐣𑐸𑐢𑑂𑐫𑐵𑐫𑐵𑐡𑑂𑐧𑐴𑐹𑐘𑑂𑐕𑐧𑑂𑐡𑐵𑐣𑑂𑐰𑐵𑐔𑑀 𑐰𑐶𑐐𑑂𑐮𑐵𑐥𑐣𑑄 𑐴𑐶 𑐟𑐟𑑂 ॥ 𑑓𑑓॥
𑐱𑐸𑐎𑑀 𑐩𑐸𑐎𑑂𑐟𑑀 𑐰𑐵𑐩𑐡𑐾𑐰𑑀ऽ𑐥𑐶 𑐩𑐸𑐎𑑂𑐟
𑐳𑑂𑐟𑐵𑐨𑑂𑐫𑐵𑑄 𑐰𑐶𑐣𑐵 𑐩𑐸𑐎𑑂𑐟𑐶𑐨𑐵𑐖𑑀 𑐣 𑐳𑐣𑑂𑐟𑐶 ।
𑐱𑐸𑐎𑐩𑐵𑐬𑑂𑐐𑑄 𑐫𑐾ऽ𑐣𑐸𑐳𑐬𑐣𑑂𑐟𑐶 𑐢𑐷𑐬𑐵𑑅
𑐳𑐡𑑂𑐫𑑀 𑐩𑐸𑐎𑑂𑐟𑐵𑐳𑑂𑐟𑐾 𑐨𑐰𑐣𑑂𑐟𑐷𑐴 𑐮𑑀𑐎𑐾 ॥ 𑑓𑑔॥
𑐰𑐵𑐩𑐡𑐾𑐰𑑄 𑐫𑐾ऽ𑐣𑐸𑐳𑐬𑐣𑑂𑐟𑐶 𑐣𑐶𑐟𑑂𑐫𑑄
𑐩𑐺𑐟𑑂𑐰𑐵 𑐖𑐣𑐶𑐟𑑂𑐰𑐵 𑐔 𑐥𑐸𑐣𑑅𑐥𑐸𑐣𑐳𑑂𑐟𑐟𑑂 ।
𑐟𑐾 𑐰𑐿 𑐮𑑀𑐎𑐾 𑐎𑑂𑐬𑐩𑐩𑐸𑐎𑑂𑐟𑐵 𑐨𑐰𑐣𑑂𑐟𑐶
𑐫𑑀𑐐𑐿𑑅 𑐳𑐵𑑄𑐏𑑂𑐫𑐿𑑅 𑐎𑐬𑑂𑐩𑐨𑐶𑑅 𑐳𑐟𑑂𑐟𑑂𑐰𑐫𑐸𑐎𑑂𑐟𑐿𑑅 ॥ 𑑓𑑕॥
𑐱𑐸𑐎𑐱𑑂𑐔 𑐰𑐵𑐩𑐡𑐾𑐰𑐱𑑂𑐔 𑐡𑑂𑐰𑐾 𑐳𑐺𑐟𑐷 𑐡𑐾𑐰𑐣𑐶𑐬𑑂𑐩𑐶𑐟𑐾 ।
𑐱𑐸𑐎𑑅 𑐰𑐶𑐴𑐒𑑂𑐐𑐩𑑅 𑐥𑑂𑐬𑑀𑐎𑑂𑐟𑑀 𑐰𑐵𑐩𑐡𑐾𑐰𑑅 𑐥𑐶𑐥𑐷𑐮𑐶𑐎𑐵 ॥ 𑑓𑑖॥
𑐀𑐟𑐡𑑂𑐰𑑂𑐫𑐵𑐰𑐺𑐟𑑂𑐟𑐶𑐬𑐹𑐥𑐾𑐞 𑐳𑐵𑐎𑑂𑐲𑐵𑐡𑑂𑐰𑐶𑐢𑐶𑐩𑐸𑐏𑐾𑐣 𑐰𑐵 ।
𑐩𑐴𑐵𑐰𑐵𑐎𑑂𑐫𑐰𑐶𑐔𑐵𑐬𑐾𑐞 𑐳𑐵𑑄𑐏𑑂𑐫𑐫𑑀𑐐𑐳𑐩𑐵𑐢𑐶𑐣𑐵 ॥ 𑑓𑑗॥
𑐰𑐶𑐡𑐶𑐟𑑂𑐰𑐵 𑐳𑑂𑐰𑐵𑐟𑑂𑐩𑐣𑑀 𑐬𑐹𑐥𑑄 𑐳𑑄𑐥𑑂𑐬𑐖𑑂𑐘𑐵𑐟𑐳𑐩𑐵𑐢𑐶𑐟𑑅 ।
𑐱𑐸𑐎𑐩𑐵𑐬𑑂𑐐𑐾𑐞 𑐰𑐶𑐬𑐖𑐵𑑅 𑐥𑑂𑐬𑐫𑐵𑐣𑑂𑐟𑐶 𑐥𑐬𑐩𑑄 𑐥𑐡𑐩𑑂 ॥ 𑑓𑑘॥
𑐫𑐩𑐵𑐡𑑂𑐫𑐵𑐳𑐣𑐖𑐵𑐫𑐵𑐳𑐴𑐛𑐵𑐨𑑂𑐫𑐵𑐳𑐵𑐟𑑂𑐥𑐸𑐣𑑅𑐥𑐸𑐣𑑅 ।
𑐰𑐶𑐑𑑂𑐣𑐧𑐵𑐴𑐸𑐮𑑂𑐫𑐳𑑄𑐖𑐵𑐟 𑐀𑐞𑐶𑐩𑐵𑐡𑐶𑐰𑐱𑐵𑐡𑐶𑐴 ॥ 𑑓𑑙॥
𑐀𑐮𑐧𑑂𑐢𑑂𑐰𑐵𑐥𑐶 𑐦𑐮𑑄 𑐳𑐩𑑂𑐫𑐎𑑂𑐥𑐸𑐣𑐬𑑂𑐨𑐹𑐟𑑂𑐰𑐵 𑐩𑐴𑐵𑐎𑐸𑐮𑐾 ।
𑐥𑐸𑐣𑐬𑑂𑐰𑐵𑐳𑐣𑐫𑐿𑐰𑐵𑐫𑑄 𑐫𑑀𑐐𑐵𑐨𑑂𑐫𑐵𑐳𑑄 𑐥𑐸𑐣𑐱𑑂𑐔𑐬𑐣𑑂 ॥ 𑑔.𑑔𑑐॥
𑐀𑐣𑐾𑐎𑐖𑐣𑑂𑐩𑐵𑐨𑑂𑐫𑐵𑐳𑐾𑐣 𑐰𑐵𑐩𑐡𑐾𑐰𑐾𑐣 𑐰𑐿 𑐥𑐠𑐵 ।
𑐳𑑀ऽ𑐥𑐶 𑐩𑐸𑐎𑑂𑐟𑐶𑑄 𑐳𑐩𑐵𑐥𑑂𑐣𑑀𑐟𑐶 𑐟𑐡𑑂𑐰𑐶𑐲𑑂𑐞𑑀𑑅 𑐥𑐬𑐩𑑄 𑐥𑐡𑐩𑑂 ॥ 𑑔𑑑॥
𑐡𑑂𑐰𑐵𑐰𑐶𑐩𑐵𑐰𑐥𑐶 𑐥𑐣𑑂𑐠𑐵𑐣𑑁 𑐧𑑂𑐬𑐴𑑂𑐩𑐥𑑂𑐬𑐵𑐥𑑂𑐟𑐶𑐎𑐬𑑁 𑐱𑐶𑐰𑑁 ।
𑐳𑐡𑑂𑐫𑑀𑐩𑐸𑐎𑑂𑐟𑐶𑐥𑑂𑐬𑐡𑐱𑑂𑐔𑐿𑐎𑑅 𑐎𑑂𑐬𑐩𑐩𑐸𑐎𑑂𑐟𑐶𑐥𑑂𑐬𑐡𑑅 𑐥𑐬𑑅 ।
𑐀𑐟𑑂𑐬 𑐎𑑀 𑐩𑑀𑐴𑑅 𑐎𑑅 𑐱𑑀𑐎 𑐊𑐎𑐟𑑂𑐰𑐩𑐣𑐸𑐥𑐱𑑂𑐫𑐟𑑅 ॥ 𑑔𑑒॥
𑐫𑐳𑑂𑐫𑐵𑐣𑐸𑐨𑐰𑐥𑐬𑑂𑐫𑐣𑑂𑐟𑐵 𑐧𑐸𑐡𑑂𑐢𑐶𑐳𑑂𑐟𑐟𑑂𑐟𑑂𑐰𑐾 𑐥𑑂𑐬𑐰𑐬𑑂𑐟𑐟𑐾 ।
𑐟𑐡𑑂𑐡𑐺𑐲𑑂𑐚𑐶𑐐𑑀𑐔𑐬𑐵𑑅 𑐳𑐬𑑂𑐰𑐾 𑐩𑐸𑐔𑑂𑐫𑐣𑑂𑐟𑐾 𑐳𑐬𑑂𑐰𑐥𑐵𑐟𑐎𑐿𑑅 ॥ 𑑔𑑓॥
𑐏𑐾𑐔𑐬𑐵 𑐨𑐹𑐔𑐬𑐵𑑅 𑐳𑐬𑑂𑐰𑐾 𑐧𑑂𑐬𑐴𑑂𑐩𑐰𑐶𑐡𑑂𑐡𑐺𑐲𑑂𑐚𑐶𑐐𑑀𑐔𑐬𑐵𑑅 ।
𑐳𑐡𑑂𑐫 𑐊𑐰 𑐰𑐶𑐩𑐸𑐔𑑂𑐫𑐣𑑂𑐟𑐾 𑐎𑑀𑐚𑐶𑐖𑐣𑑂𑐩𑐵𑐬𑑂𑐖𑐶𑐟𑐿𑐬𑐑𑐿𑑅 ॥ 𑑔𑑔॥ 𑐂𑐟𑐶॥
𑐂𑐟𑐶 𑐔𑐟𑐸𑐬𑑂𑐠𑑀ऽ𑐡𑑂𑐫𑐵𑐫𑑅 ॥ 𑑔॥
𑐀𑐠 𑐴𑐿𑐣𑑄 𑐆𑐨𑐸𑑄 𑐨𑐐𑐰𑐣𑑂𑐟𑑄 𑐣𑐶𑐡𑐵𑐑𑑅 𑐥𑐥𑑂𑐬𑐔𑑂𑐕
𑐫𑑀𑐐𑐵𑐨𑑂𑐫𑐵𑐳𑐰𑐶𑐢𑐶𑐩𑐣𑐸𑐧𑑂𑐬𑐹𑐴𑐷𑐟𑐶 । 𑐟𑐠𑐾𑐟𑐶 𑐳 𑐴𑑀𑐰𑐵𑐔 ।
𑐥𑐘𑑂𑐔𑐨𑐹𑐟𑐵𑐟𑑂𑐩𑐎𑑀 𑐡𑐾𑐴𑑅 𑐥𑐘𑑂𑐔𑐩𑐞𑑂𑐜𑐮𑐥𑐹𑐬𑐶𑐟𑑅 ।
𑐎𑐵𑐛𑐶𑐣𑑂𑐫𑑄 𑐥𑐺𑐠𑐶𑐰𑐷𑐩𑐾𑐎𑐵 𑐥𑐵𑐣𑐷𑐫𑑄 𑐟𑐡𑑂𑐡𑑂𑐬𑐰𑐵𑐎𑐺𑐟𑐶 ॥ 𑑕.𑑑॥
𑐡𑐷𑐥𑐣𑑄 𑐔 𑐨𑐰𑐾𑐟𑑂𑐟𑐾𑐖𑑅 𑐥𑑂𑐬𑐔𑐵𑐬𑑀 𑐰𑐵𑐫𑐸𑐮𑐎𑑂𑐲𑐞𑐩𑑂 ।
𑐁𑐎𑐵𑐱𑑅 𑐳𑐟𑑂𑐟𑑂𑐰𑐟𑑅 𑐳𑐬𑑂𑐰𑑄 𑐖𑑂𑐘𑐵𑐟𑐰𑑂𑐫𑑄 𑐫𑑀𑐐𑐩𑐶𑐔𑑂𑐕𑐟𑐵 ॥ 𑑒॥
𑐲𑐚𑑂𑐱𑐟𑐵𑐣𑑂𑐫𑐢𑐶𑐎𑐵𑐣𑑂𑐫𑐟𑑂𑐬 𑐳𑐴𑐳𑑂𑐬𑐵𑐞𑑂𑐫𑐾𑐎𑐰𑐶𑑄𑐱𑐟𑐶𑑅 ।
𑐀𑐴𑑀𑐬𑐵𑐟𑑂𑐬𑐰𑐴𑐶𑑅 𑐱𑑂𑐰𑐵𑐳𑐿𑐬𑑂𑐰𑐵𑐫𑐸𑐩𑐞𑑂𑐜𑐮𑐑𑐵𑐟𑐟𑑅 ॥ 𑑓॥
𑐟𑐟𑑂𑐥𑐺𑐠𑑂𑐰𑐷𑐩𑐞𑑂𑐜𑐮𑐾 𑐎𑑂𑐲𑐷𑐞𑐾 𑐰𑐮𑐶𑐬𑐵𑐫𑐵𑐟𑐶 𑐡𑐾𑐴𑐶𑐣𑐵𑐩𑑂 ।
𑐟𑐡𑑂𑐰𑐡𑐵𑐥𑑀 𑐐𑐞𑐵𑐥𑐵𑐫𑐾 𑐎𑐾𑐱𑐵𑑅 𑐳𑑂𑐫𑐸𑑅 𑐥𑐵𑐞𑑂𑐜𑐸𑐬𑐵𑑅 𑐎𑑂𑐬𑐩𑐵𑐟𑑂 ॥ 𑑔॥
𑐟𑐾𑐖𑑅𑐎𑑂𑐲𑐫𑐾 𑐎𑑂𑐲𑐸𑐢𑐵 𑐎𑐵𑐣𑑂𑐟𑐶𑐬𑑂𑐣𑐱𑑂𑐫𑐟𑐾 𑐩𑐵𑐬𑐸𑐟𑐎𑑂𑐲𑐫𑐾 ।
𑐰𑐾𑐥𑐠𑐸𑑅 𑐳𑑄𑐨𑐰𑐾𑐣𑑂𑐣𑐶𑐟𑑂𑐫𑑄 𑐣𑐵𑐩𑑂𑐨𑐳𑐾𑐣𑐿𑐰 𑐖𑐷𑐰𑐟𑐶 ॥ 𑑕॥
𑐂𑐟𑑂𑐠𑑄𑐨𑐹𑐟𑑄 𑐎𑑂𑐲𑐫𑐵𑐣𑑂𑐣𑐶𑐟𑑂𑐫𑑄 𑐖𑐷𑐰𑐶𑐟𑑄 𑐨𑐹𑐟𑐢𑐵𑐬𑐞𑐩𑑂 ।
𑐄𑐜𑑂𑐜𑑂𑐫𑐵𑐞𑑄 𑐎𑐸𑐬𑐸𑐟𑐾 𑐫𑐳𑑂𑐩𑐵𑐡𑐰𑐶𑐱𑑂𑐬𑐵𑐣𑑂𑐟𑑄 𑐩𑐴𑐵𑐏𑐐𑑅 ॥ 𑑖॥
𑐄𑐜𑑂𑐜𑐶𑐫𑐵𑐞𑑄 𑐟𑐡𑐾𑐰 𑐳𑑂𑐫𑐵𑐟𑑂𑐟𑐟𑑂𑐬 𑐧𑐣𑑂𑐢𑑀ऽ𑐨𑐶𑐢𑐷𑐫𑐟𑐾 ।
𑐄𑐜𑑂𑐜𑐶𑐫𑐵𑐞𑑀 𑐴𑑂𑐫𑐳𑑁 𑐧𑐣𑑂𑐢𑑀 𑐩𑐺𑐟𑑂𑐫𑐸𑐩𑐵𑐟𑐒𑑂𑐐𑐎𑐾𑐱𑐬𑐷 ॥ 𑑗॥
𑐟𑐳𑑂𑐫 𑐩𑐸𑐎𑑂𑐟𑐶𑐳𑑂𑐟𑐣𑑀𑑅 𑐎𑐵𑐫𑐵𑐟𑑂𑐟𑐳𑑂𑐫 𑐧𑐣𑑂𑐢𑑀 𑐴𑐶 𑐡𑐸𑐲𑑂𑐎𑐬𑑅 ।
𑐀𑐐𑑂𑐣𑑁 𑐟𑐸 𑐔𑐵𑐮𑐶𑐟𑐾 𑐎𑐸𑐎𑑂𑐲𑑁 𑐰𑐾𑐡𑐣𑐵 𑐖𑐵𑐫𑐟𑐾 𑐨𑐺𑐱𑐩𑑂 ॥ 𑑘॥
𑐣 𑐎𑐵𑐬𑑂𑐫𑐵 𑐎𑑂𑐲𑐸𑐢𑐶 𑐟𑐾𑐣𑐵𑐥𑐶 𑐣𑐵𑐥𑐶 𑐰𑐶𑐞𑑂𑐩𑐹𑐟𑑂𑐬𑐰𑐾𑐐𑐶𑐣𑐵 ।
𑐴𑐶𑐟𑑄 𑐩𑐶𑐟𑑄 𑐔 𑐨𑑀𑐎𑑂𑐟𑐰𑑂𑐫𑑄 𑐳𑑂𑐟𑑀𑐎𑑄 𑐳𑑂𑐟𑑀𑐎𑐩𑐣𑐾𑐎𑐢𑐵 ॥ 𑑙॥
𑐩𑐺𑐡𑐸𑐩𑐢𑑂𑐫𑐩𑐩𑐣𑑂𑐟𑑂𑐬𑐾𑐲𑐸 𑐎𑑂𑐬𑐩𑐵𑐣𑑂𑐩𑐣𑑂𑐟𑑂𑐬𑑄 𑐮𑐫𑑄 𑐴𑐛𑐩𑑂 ।
𑐮𑐫𑐩𑐣𑑂𑐟𑑂𑐬𑐴𑐛𑐵 𑐫𑑀𑐐𑐵 𑐫𑑀𑐐𑑀 𑐴𑑂𑐫𑐲𑑂𑐚𑐵𑐒𑑂𑐐𑐳𑑄𑐫𑐸𑐟𑑅 ॥ 𑑕.𑑑𑑐॥
𑐫𑐩𑐱𑑂𑐔 𑐣𑐶𑐫𑐩𑐱𑑂𑐔𑐿𑐰 𑐟𑐠𑐵 𑐔𑐵𑐳𑐣𑐩𑐾𑐰 𑐔 ।
𑐥𑑂𑐬𑐵𑐞𑐵𑐫𑐩𑐳𑑂𑐟𑐠𑐵 𑐥𑐱𑑂𑐔𑐵𑐟𑑂𑐥𑑂𑐬𑐟𑑂𑐫𑐵𑐴𑐵𑐬𑐳𑑂𑐟𑐠𑐵 𑐥𑐬𑐩𑑂 ॥ 𑑑𑑑॥
𑐢𑐵𑐬𑐞𑐵 𑐔 𑐟𑐠𑐵 𑐢𑑂𑐫𑐵𑐣𑑄 𑐳𑐩𑐢𑐶𑐱𑑂𑐔𑐵𑐲𑑂𑐚𑐩𑑀 𑐨𑐰𑐾𑐟𑑂 ।
𑐀𑐴𑐶𑑄𑐳𑐵 𑐳𑐟𑑂𑐫𑐩𑐳𑑂𑐟𑐾𑐫𑑄 𑐧𑑂𑐬𑐴𑑂𑐩𑐔𑐬𑑂𑐫𑑄 𑐡𑐫𑐵𑐬𑑂𑐖𑐰𑐩𑑂 ॥ 𑑑𑑒॥
𑐎𑑂𑐲𑐩𑐵 𑐢𑐺𑐟𑐶𑐬𑑂𑐩𑐶𑐟𑐵𑐴𑐵𑐬𑑅 𑐱𑑁𑐔𑑄 𑐔𑐾𑐟𑐶 𑐫𑐩𑐵 𑐡𑐱 ।
𑐟𑐥𑑅 𑐳𑐣𑑂𑐟𑑀𑐲𑐩𑐵𑐳𑑂𑐟𑐶𑐎𑑂𑐫𑑄 𑐡𑐵𑐣𑐩𑐷𑐱𑑂𑐰𑐬𑐥𑐹𑐖𑐣𑐩𑑂 ॥ 𑑑𑑓॥
𑐳𑐶𑐡𑑂𑐢𑐵𑐣𑑂𑐟𑐱𑑂𑐬𑐰𑐞𑑄 𑐔𑐿𑐰 𑐴𑑂𑐬𑐷𑐬𑑂𑐩𑐟𑐶𑐱𑑂𑐔 𑐖𑐥𑑀 𑐰𑑂𑐬𑐟𑐩𑑂 ।
𑐊𑐟𑐾 𑐴𑐶 𑐣𑐶𑐫𑐩𑐵𑑅 𑐥𑑂𑐬𑑀𑐎𑑂𑐟𑐵 𑐡𑐱𑐢𑐿𑐰 𑐩𑐴𑐵𑐩𑐟𑐾 ॥ 𑑑𑑔॥
𑐊𑐎𑐵𑐡𑐱𑐵𑐳𑐣𑐵𑐣𑐶 𑐳𑑂𑐫𑐸𑐱𑑂𑐔𑐎𑑂𑐬𑐵𑐡𑐶 𑐩𑐸𑐣𑐶𑐳𑐟𑑂𑐟𑐩 ।
𑐔𑐎𑑂𑐬𑑄 𑐥𑐡𑑂𑐩𑐵𑐳𑐣𑑄 𑐎𑐹𑐬𑑂𑐩𑑄 𑐩𑐫𑐹𑐬𑑄 𑐎𑐸𑐎𑑂𑐎𑐸𑐚𑑄 𑐟𑐠𑐵 ॥ 𑑑𑑕॥
𑐰𑐷𑐬𑐵𑐳𑐣𑑄 𑐳𑑂𑐰𑐳𑑂𑐟𑐶𑐎𑑄 𑐔 𑐨𑐡𑑂𑐬𑑄 𑐳𑐶𑑄𑐴𑐵𑐳𑐣𑑄 𑐟𑐠𑐵 ।
𑐩𑐸𑐎𑑂𑐟𑐵𑐳𑐣𑑄 𑐐𑑀𑐩𑐸𑐏𑑄 𑐔 𑐎𑐷𑐬𑑂𑐟𑐶𑐟𑑄 𑐫𑑀𑐐𑐰𑐶𑐟𑑂𑐟𑐩𑐿𑑅 ॥ 𑑑𑑖॥
𑐳𑐰𑑂𑐫𑑀𑐬𑐸 𑐡𑐎𑑂𑐲𑐶𑐞𑐾 𑐐𑐸𑐮𑑂𑐦𑐾 𑐡𑐎𑑂𑐲𑐶𑐞𑑄 𑐡𑐎𑑂𑐲𑐶𑐞𑐾𑐟𑐬𑐾 ।
𑐣𑐶𑐡𑐢𑑂𑐫𑐵𑐡𑐺𑐖𑐸𑐎𑐵𑐫𑐳𑑂𑐟𑐸 𑐔𑐎𑑂𑐬𑐵𑐳𑐣𑐩𑐶𑐡𑑄 𑐩𑐟𑐩𑑂 ॥ 𑑑𑑗॥
𑐥𑐹𑐬𑐎𑑅 𑐎𑐸𑐩𑑂𑐨𑐎𑐳𑑂𑐟𑐡𑑂𑐰𑐡𑑂𑐬𑐾𑐔𑐎𑑅 𑐥𑐹𑐬𑐎𑑅 𑐥𑐸𑐣𑑅 ।
𑐥𑑂𑐬𑐵𑐞𑐵𑐫𑐵𑐩𑑅 𑐳𑑂𑐰𑐣𑐵𑐜𑐷𑐨𑐶𑐳𑑂𑐟𑐳𑑂𑐩𑐵𑐣𑑂𑐣𑐵𑐜𑐷𑑅 𑐥𑑂𑐬𑐔𑐎𑑂𑐲𑐟𑐾 ॥ 𑑑𑑘॥
𑐱𑐬𑐷𑐬𑑄 𑐳𑐬𑑂𑐰𑐖𑐣𑑂𑐟𑐹𑐣𑐵𑑄 𑐲𑐞𑑂𑐞𑐰𑐟𑑂𑐫𑐒𑑂𑐐𑐸𑐮𑐵𑐟𑑂𑐩𑐎𑐩𑑂 ।
𑐟𑐣𑑂𑐩𑐢𑑂𑐫𑐾 𑐥𑐵𑐫𑐸𑐡𑐾𑐱𑐵𑐟𑑂𑐟𑐸 𑐡𑑂𑐰𑑂𑐫𑐒𑑂𑐐𑐸𑐮𑐵𑐟𑑂𑐥𑐬𑐟𑑅 𑐥𑐬𑐩𑑂 ॥ 𑑑𑑙॥
𑐩𑐾𑐝𑑂𑐬𑐡𑐾𑐱𑐵𑐡𑐢𑐳𑑂𑐟𑐵𑐟𑑂𑐟𑐸 𑐡𑑂𑐰𑑂𑐫𑐒𑑂𑐐𑐸𑐮𑐵𑐣𑑂𑐩𑐢𑑂𑐫𑐩𑐸𑐔𑑂𑐫𑐟𑐾 ।
𑐩𑐾𑐝𑑂𑐬𑐵𑐣𑑂𑐣𑐟𑐵𑐒𑑂𑐐𑐸𑐮𑐵𑐡𑐹𑐬𑑂𑐢𑑂𑐰𑑄 𑐣𑐵𑐜𑐷𑐣𑐵𑑄 𑐎𑐣𑑂𑐡𑐩𑐸𑐔𑑂𑐫𑐟𑐾 ॥ 𑑕.𑑒𑑐॥
𑐔𑐟𑐸𑐬𑐒𑑂𑐐𑐸𑐮𑐩𑐸𑐟𑑂𑐳𑐾𑐢𑑄 𑐔𑐟𑐸𑐬𑐒𑑂𑐐𑐸𑐮𑐩𑐵𑐫𑐟𑐩𑑂 ।
𑐀𑐞𑑂𑐜𑐵𑐎𑐵𑐬𑑄 𑐥𑐬𑐶𑐰𑐺𑐟𑑄 𑐩𑐾𑐡𑑀𑐩𑐖𑑂𑐖𑐵𑐳𑑂𑐠𑐶𑐱𑑀𑐞𑐶𑐟𑐿𑑅 ॥ 𑑒𑑑॥
𑐟𑐟𑑂𑐬𑐿𑐰 𑐣𑐵𑐜𑐷𑐔𑐎𑑂𑐬𑑄 𑐟𑐸 𑐡𑑂𑐰𑐵𑐡𑐱𑐵𑐬𑑄 𑐥𑑂𑐬𑐟𑐶𑐲𑑂𑐛𑐶𑐟𑐩𑑂 ।
𑐱𑐬𑐷𑐬𑑄 𑐢𑑂𑐬𑐶𑐫𑐟𑐾 𑐫𑐾𑐣 𑐰𑐬𑑂𑐟𑐟𑐾 𑐟𑐟𑑂𑐬 𑐎𑐸𑐞𑑂𑐜𑐮𑐷 ॥ 𑑒𑑒॥
𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑑄 𑐳𑐸𑐲𑐸𑐩𑑂𑐞𑐵 𑐫𑐵 𑐰𑐡𑐣𑐾𑐣 𑐥𑐶𑐢𑐵𑐫 𑐳𑐵 ।
𑐀𑐮𑐩𑑂𑐧𑐸𑐳𑐵 𑐳𑐸𑐲𑐸𑐩𑑂𑐞𑐵𑐫𑐵𑑅 𑐎𑐸𑐴𑐹𑐬𑑂𑐣𑐵𑐜𑐷 𑐰𑐳𑐟𑑂𑐫𑐳𑑁 ॥ 𑑒𑑓॥
𑐀𑐣𑐣𑑂𑐟𑐬𑐵𑐬𑐫𑐸𑐐𑑂𑐩𑐾 𑐟𑐸 𑐰𑐵𑐬𑐸𑐞𑐵 𑐔 𑐫𑐱𑐳𑑂𑐰𑐶𑐣𑐷 ।
𑐡𑐎𑑂𑐲𑐶𑐞𑐵𑐬𑐾 𑐳𑐸𑐲𑐸𑐩𑑂𑐞𑐵𑐫𑐵𑑅 𑐥𑐶𑐒𑑂𑐐𑐮𑐵 𑐰𑐬𑑂𑐟𑐟𑐾 𑐎𑑂𑐬𑐩𑐵𑐟𑑂 ॥ 𑑒𑑔॥
𑐟𑐡𑐣𑑂𑐟𑐬𑐵𑐬𑐫𑑀𑑅 𑐥𑐹𑐲𑐵 𑐰𑐬𑑂𑐟𑐟𑐾 𑐔 𑐥𑐫𑐳𑑂𑐰𑐶𑐣𑐷 ।
𑐳𑐸𑐲𑐸𑐩𑑂𑐣𑐵 𑐥𑐱𑑂𑐔𑐶𑐩𑐾 𑐔𑐵𑐬𑐾 𑐳𑑂𑐠𑐶𑐟𑐵 𑐣𑐵𑐜𑐷 𑐳𑐬𑐳𑑂𑐰𑐟𑐷 ॥ 𑑒𑑕॥
𑐱𑐒𑑂𑐏𑐶𑐣𑐷 𑐔𑐿𑐰 𑐐𑐵𑐣𑑂𑐢𑐵𑐬𑐷 𑐟𑐡𑐣𑐣𑑂𑐟𑐬𑐫𑑀𑑅 𑐳𑑂𑐠𑐶𑐟𑐾 ।
𑐄𑐟𑑂𑐟𑐬𑐾 𑐟𑐸 𑐳𑐸𑐲𑐸𑐩𑑂𑐣𑐵𑐫𑐵 𑐂𑐜𑐵𑐏𑑂𑐫𑐵 𑐣𑐶𑐰𑐳𑐟𑑂𑐫𑐳𑑁 ॥ 𑑒𑑖॥
𑐀𑐣𑐣𑑂𑐟𑐬𑑄 𑐴𑐳𑑂𑐟𑐶𑐖𑐶𑐴𑑂𑐰𑐵 𑐟𑐟𑑀 𑐰𑐶𑐱𑑂𑐰𑑀𑐡𑐬𑐷 𑐳𑑂𑐠𑐶𑐟𑐵 ।
𑐥𑑂𑐬𑐡𑐎𑑂𑐲𑐶𑐞𑐎𑑂𑐬𑐩𑐾𑐞𑐿𑐰 𑐔𑐎𑑂𑐬𑐳𑑂𑐫𑐵𑐬𑐾𑐲𑐸 𑐣𑐵𑐜𑐫𑑅 ॥ 𑑒𑑗॥
𑐰𑐬𑑂𑐟𑐣𑑂𑐟𑐾 𑐡𑑂𑐰𑐵𑐡𑐱 𑐴𑑂𑐫𑐾𑐟𑐵 𑐡𑑂𑐰𑐵𑐡𑐱𑐵𑐣𑐶𑐮𑐰𑐵𑐴𑐎𑐵𑑅 ।
𑐥𑐚𑐰𑐟𑑂𑐳𑑄𑐳𑑂𑐠𑐶𑐟𑐵 𑐣𑐵𑐜𑑂𑐫𑑀 𑐣𑐵𑐣𑐵𑐰𑐬𑑂𑐞𑐵𑑅 𑐳𑐩𑐷𑐬𑐶𑐟𑐵𑑅 ॥ 𑑒𑑘॥
𑐥𑐚𑐩𑐢𑑂𑐫𑑄 𑐟𑐸 𑐫𑐟𑑂𑐳𑑂𑐠𑐵𑐣𑑄 𑐣𑐵𑐨𑐶𑐔𑐎𑑂𑐬𑑄 𑐟𑐡𑐸𑐔𑑂𑐫𑐟𑐾 ।
𑐣𑐵𑐡𑐵𑐢𑐵𑐬𑐵 𑐳𑐩𑐵𑐏𑑂𑐫𑐵𑐟𑐵 𑐖𑑂𑐰𑐮𑐣𑑂𑐟𑐷 𑐣𑐵𑐡𑐬𑐹𑐥𑐶𑐞𑐷 ॥ 𑑒𑑙॥
𑐥𑐬𑐬𑐣𑑂𑐢𑑂𑐬𑐵 𑐳𑐸𑐲𑐸𑐩𑑂𑐣𑐵 𑐔 𑐔𑐟𑑂𑐰𑐵𑐬𑑀 𑐬𑐟𑑂𑐣𑐥𑐹𑐬𑐶𑐟𑐵𑑅 ।
𑐎𑐸𑐞𑑂𑐜𑐮𑑂𑐫𑐵 𑐥𑐶𑐴𑐶𑐟𑑄 𑐱𑐱𑑂𑐰𑐡𑑂𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑐳𑑂𑐫 𑐩𑐢𑑂𑐫𑐩𑐩𑑂 ॥ 𑑕.𑑓𑑐॥
𑐊𑐰𑐩𑐾𑐟𑐵𑐳𑐸 𑐣𑐵𑐜𑐷𑐲𑐸 𑐢𑐬𑐣𑑂𑐟𑐶 𑐡𑐱𑐰𑐵𑐫𑐰𑑅 ।
𑐊𑐰𑑄 𑐣𑐵𑐜𑐷𑐐𑐟𑐶𑑄 𑐰𑐵𑐫𑐸𑐐𑐟𑐶𑑄 𑐖𑑂𑐘𑐵𑐟𑑂𑐰𑐵 𑐰𑐶𑐔𑐎𑑂𑐲𑐞𑑅 ॥ 𑑓𑑑॥
𑐳𑐩𑐐𑑂𑐬𑐷𑐰𑐱𑐶𑐬𑑅 𑐎𑐵𑐫𑑅 𑐳𑑄𑐰𑐺𑐟𑐵𑐳𑑂𑐫𑑅 𑐳𑐸𑐣𑐶𑐱𑑂𑐔𑐮𑑅 ।
𑐣𑐵𑐳𑐵𑐐𑑂𑐬𑐾 𑐔𑐿𑐰 𑐴𑐺𑐣𑑂𑐩𑐢𑑂𑐫𑐾 𑐧𑐶𑐣𑑂𑐡𑐸𑐩𑐢𑑂𑐫𑐾 𑐟𑐸𑐬𑐷𑐫𑐎𑐩𑑂 ॥ 𑑓𑑒॥
𑐳𑑂𑐬𑐰𑐣𑑂𑐟𑐩𑐩𑐺𑐟𑑄 𑐥𑐱𑑂𑐫𑐾𑐣𑑂𑐣𑐾𑐟𑑂𑐬𑐵𑐨𑑂𑐫𑐵𑑄 𑐳𑐸𑐳𑐩𑐵𑐴𑐶𑐟𑑅 ।
𑐀𑐥𑐵𑐣𑑄 𑐩𑐸𑐎𑐸𑐮𑐷𑐎𑐺𑐟𑑂𑐫 𑐥𑐵𑐫𑐸𑐩𑐵𑐎𑐺𑐲𑑂𑐫 𑐔𑑀𑐣𑑂𑐩𑐸𑐏𑐩𑑂 ॥ 𑑓𑑓॥
𑐥𑑂𑐬𑐞𑐰𑐾𑐣 𑐳𑐩𑐸𑐟𑑂𑐠𑐵𑐥𑑂𑐫 𑐱𑑂𑐬𑐷𑐧𑐷𑐖𑐾𑐣 𑐣𑐶𑐰𑐬𑑂𑐟𑐫𑐾𑐟𑑂 ।
𑐳𑑂𑐰𑐵𑐟𑑂𑐩𑐵𑐣𑑄 𑐔 𑐱𑑂𑐬𑐶𑐫𑑄 𑐢𑑂𑐫𑐵𑐫𑐾𑐡𑐩𑐺𑐟𑐥𑑂𑐮𑐵𑐰𑐣𑑄 𑐟𑐠𑐵 ॥ 𑑓𑑔॥
𑐎𑐵𑐮𑐰𑐘𑑂𑐔𑐣𑐩𑐾𑐟𑐡𑑂𑐢𑐶 𑐳𑐬𑑂𑐰𑐩𑐸𑐏𑑂𑐫𑑄 𑐥𑑂𑐬𑐔𑐎𑑂𑐲𑐟𑐾 ।
𑐩𑐣𑐳𑐵 𑐔𑐶𑐣𑑂𑐟𑐶𑐟𑐵 𑐎𑐵𑐬𑑂𑐫𑑄 𑐩𑐣𑐳𑐵 𑐫𑐾𑐣 𑐳𑐶𑐢𑑂𑐫𑐟𑐶 ॥ 𑑓𑑕॥
𑐖𑐮𑐾ऽ𑐐𑑂𑐣𑐶𑐖𑑂𑐰𑐮𑐣𑐵𑐔𑑂𑐕𑐵𑐏𑐵𑐥𑐮𑑂𑐮𑐰𑐵𑐣𑐶 𑐨𑐰𑐣𑑂𑐟𑐶 𑐴𑐶 ।
𑐣𑐵𑐢𑐣𑑂𑐫𑑄 𑐖𑐵𑐐𑐟𑑄 𑐰𑐵𑐎𑑂𑐫𑑄 𑐰𑐶𑐥𑐬𑐷𑐟𑐵 𑐨𑐰𑐾𑐟𑑂𑐎𑑂𑐬𑐶𑐫𑐵 ॥ 𑑓𑑖॥
𑐩𑐵𑐬𑑂𑐐𑐾 𑐧𑐶𑐣𑑂𑐡𑐸𑑄 𑐳𑐩𑐵𑐧𑐢𑑂𑐫 𑐰𑐴𑑂𑐣𑐶𑑄 𑐥𑑂𑐬𑐖𑑂𑐰𑐵𑐮𑑂𑐫 𑐖𑐷𑐰𑐣𑐾 ।
𑐱𑑀𑐲𑐫𑐶𑐟𑑂𑐰𑐵 𑐟𑐸 𑐳𑐮𑐶𑐮𑑄 𑐟𑐾𑐣 𑐎𑐵𑐫𑑄 𑐡𑐺𑐝𑑄 𑐨𑐰𑐾𑐟𑑂 ॥ 𑑓𑑗॥
𑐐𑐸𑐡𑐫𑑀𑐣𑐶𑐳𑐩𑐵𑐫𑐸𑐎𑑂𑐟 𑐁𑐎𑐸𑐘𑑂𑐔𑐟𑑂𑐫𑐾𑐎𑐎𑐵𑐮𑐟𑑅 ।
𑐀𑐥𑐵𑐣𑐩𑐹𑐬𑑂𑐢𑑂𑐰𑐐𑑄 𑐎𑐺𑐟𑑂𑐰𑐵 𑐳𑐩𑐵𑐣𑑀𑐣𑑂𑐣𑐾 𑐣𑐶𑐫𑑀𑐖𑐫𑐾𑐟𑑂 ॥ 𑑓𑑘॥
𑐳𑑂𑐰𑐵𑐟𑑂𑐩𑐵𑐣𑑄 𑐔 𑐱𑑂𑐬𑐶𑐫𑑄 𑐢𑑂𑐫𑐵𑐫𑐾𑐡𑐩𑐺𑐟𑐥𑑂𑐮𑐵𑐰𑐣𑑄 𑐟𑐟𑑅 ।
𑐧𑐮𑑄 𑐳𑐩𑐵𑐬𑐨𑐾𑐡𑑂𑐫𑑀𑐐𑑄 𑐩𑐢𑑂𑐫𑐩𑐡𑑂𑐰𑐵𑐬𑐨𑐵𑐐𑐟𑑅 ॥ 𑑓𑑙॥
𑐨𑐵𑐰𑐫𑐾𑐡𑐹𑐬𑑂𑐢𑑂𑐰𑐐𑐟𑑂𑐫𑐬𑑂𑐠𑑄 𑐥𑑂𑐬𑐵𑐞𑐵𑐥𑐵𑐣𑐳𑐸𑐫𑑀𑐐𑐟𑑅 ।
𑐊𑐲 𑐫𑑀𑐐𑑀 𑐰𑐬𑑀 𑐡𑐾𑐴𑐾 𑐳𑐶𑐡𑑂𑐢𑐶𑐩𑐵𑐬𑑂𑐐𑐥𑑂𑐬𑐎𑐵𑐱𑐎𑑅 ॥ 𑑕.𑑔𑑐॥
𑐫𑐠𑐿𑐰𑐵𑐥𑐵𑐒𑑂𑐐𑐟𑑅 𑐳𑐾𑐟𑐸𑑅 𑐥𑑂𑐬𑐰𑐵𑐴𑐳𑑂𑐫 𑐣𑐶𑐬𑑀𑐢𑐎𑑅 ।
𑐟𑐠𑐵 𑐱𑐬𑐷𑐬𑐐𑐵 𑐔𑑂𑐕𑐵𑐫𑐵 𑐖𑑂𑐘𑐵𑐟𑐰𑑂𑐫𑐵 𑐫𑑀𑐐𑐶𑐨𑐶𑑅 𑐳𑐡𑐵 ॥ 𑑔𑑑॥
𑐳𑐬𑑂𑐰𑐵𑐳𑐵𑐩𑐾𑐰 𑐣𑐵𑐜𑐷𑐣𑐵𑐩𑐾𑐲 𑐧𑐣𑑂𑐢𑑅 𑐥𑑂𑐬𑐎𑐷𑐬𑑂𑐟𑐶𑐟𑑅 ।
𑐧𑐣𑑂𑐢𑐳𑑂𑐫𑐵𑐳𑑂𑐫 𑐥𑑂𑐬𑐳𑐵𑐡𑐾𑐣 𑐳𑑂𑐦𑐸𑐚𑐷𑐨𑐰𑐟𑐶 𑐡𑐾𑐰𑐟𑐵 ॥ 𑑔𑑒॥
𑐊𑐰𑑄 𑐔𑐟𑐸𑐲𑑂𑐥𑐠𑑀 𑐧𑐣𑑂𑐢𑑀 𑐩𑐵𑐬𑑂𑐐𑐟𑑂𑐬𑐫𑐣𑐶𑐬𑑀𑐢𑐎𑑅 ।
𑐊𑐎𑑄 𑐰𑐶𑐎𑐵𑐳𑐫𑐣𑑂𑐩𑐵𑐬𑑂𑐐𑑄 𑐫𑐾𑐣 𑐳𑐶𑐡𑑂𑐢𑐵𑑅 𑐳𑐸𑐳𑐒𑑂𑐐𑐟𑐵𑑅 ॥ 𑑔𑑓॥
𑐄𑐡𑐵𑐣𑐩𑐹𑐬𑑂𑐢𑑂𑐰𑐐𑑄 𑐎𑐺𑐟𑑂𑐰𑐵 𑐥𑑂𑐬𑐵𑐞𑐾𑐣 𑐳𑐴 𑐰𑐾𑐐𑐟𑑅 ।
𑐧𑐣𑑂𑐢𑑀ऽ𑐫𑑄 𑐳𑐬𑑂𑐰𑐣𑐵𑐜𑐷𑐣𑐵𑐩𑐹𑐬𑑂𑐢𑑂𑐰𑑄 𑐫𑐵𑐟𑐶 𑐣𑐶𑐬𑑀𑐢𑐎𑑅 ॥ 𑑔𑑔॥
𑐀𑐫𑑄 𑐔 𑐳𑑄𑐥𑐸𑐚𑑀 𑐫𑑀𑐐𑑀 𑐩𑐹𑐮𑐧𑐣𑑂𑐢𑑀ऽ𑐥𑑂𑐫𑐫𑑄 𑐩𑐟𑑅 ।
𑐧𑐣𑑂𑐢𑐟𑑂𑐬𑐫𑐩𑐣𑐾𑐣𑐿𑐰 𑐳𑐶𑐡𑑂𑐢𑑂𑐫𑐟𑑂𑐫𑐨𑑂𑐫𑐵𑐳𑐫𑑀𑐐𑐟𑑅 ॥ 𑑔𑑕॥
𑐡𑐶𑐰𑐵𑐬𑐵𑐟𑑂𑐬𑐩𑐰𑐶𑐔𑑂𑐕𑐶𑐣𑑂𑐣𑑄 𑐫𑐵𑐩𑐾𑐫𑐵𑐩𑐾 𑐫𑐡𑐵 𑐫𑐡𑐵 ।
𑐀𑐣𑐾𑐣𑐵𑐨𑑂𑐫𑐵𑐳𑐫𑑀𑐐𑐾𑐣 𑐰𑐵𑐫𑐸𑐬𑐨𑑂𑐫𑐳𑐶𑐟𑑀 𑐨𑐰𑐾𑐟𑑂 ॥ 𑑔𑑖॥
𑐰𑐵𑐫𑐵𑐰𑐨𑑂𑐫𑐳𑐶𑐟𑐾 𑐰𑐴𑑂𑐣𑐶𑑅 𑐥𑑂𑐬𑐟𑑂𑐫𑐴𑑄 𑐰𑐬𑑂𑐢𑐟𑐾 𑐟𑐣𑑁 ।
𑐰𑐴𑑂𑐣𑑁 𑐰𑐶𑐰𑐬𑑂𑐢𑐩𑐵𑐣𑐾 𑐟𑐸 𑐳𑐸𑐏𑐩𑐣𑑂𑐣𑐵𑐡𑐶 𑐖𑐷𑐬𑑂𑐫𑐟𑐾 ॥ 𑑔𑑗॥
𑐀𑐣𑑂𑐣𑐳𑑂𑐫 𑐥𑐬𑐶𑐥𑐵𑐎𑐾𑐣 𑐬𑐳𑐰𑐺𑐡𑑂𑐢𑐶𑑅 𑐥𑑂𑐬𑐖𑐵𑐫𑐟𑐾 ।
𑐬𑐳𑐾 𑐰𑐺𑐡𑑂𑐢𑐶𑑄 𑐐𑐟𑐾 𑐣𑐶𑐟𑑂𑐫𑑄 𑐰𑐬𑑂𑐢𑐣𑑂𑐟𑐾 𑐢𑐵𑐟𑐰𑐳𑑂𑐟𑐠𑐵 ॥ 𑑔𑑘॥
𑐢𑐵𑐟𑐹𑐣𑐵𑑄 𑐰𑐬𑑂𑐢𑐣𑐾𑐣𑐿𑐰 𑐥𑑂𑐬𑐧𑑀𑐢𑑀 𑐰𑐬𑑂𑐟𑐟𑐾 𑐟𑐣𑑁 ।
𑐡𑐴𑑂𑐫𑐣𑑂𑐟𑐾 𑐳𑐬𑑂𑐰𑐥𑐵𑐥𑐵𑐣𑐶 𑐖𑐣𑑂𑐩𑐎𑑀𑐚𑑂𑐫𑐬𑑂𑐖𑐶𑐟𑐵𑐣𑐶 𑐔 ॥ 𑑔𑑙॥
𑐐𑐸𑐡𑐩𑐾𑐝𑑂𑐬𑐵𑐣𑑂𑐟𑐬𑐵𑐮𑐳𑑂𑐠𑑄 𑐩𑐹𑐮𑐵𑐢𑐵𑐬𑑄 𑐟𑑂𑐬𑐶𑐎𑑀𑐞𑐎𑐩𑑂 ।
𑐱𑐶𑐰𑐳𑑂𑐫 𑐧𑐶𑐣𑑂𑐡𑐸𑐬𑐹𑐥𑐳𑑂𑐫 𑐳𑑂𑐠𑐵𑐣𑑄 𑐟𑐡𑑂𑐢𑐶 𑐥𑑂𑐬𑐎𑐵𑐱𑐎𑐩𑑂 ॥ 𑑕.𑑕𑑐॥
𑐫𑐟𑑂𑐬 𑐎𑐸𑐞𑑂𑐜𑐮𑐶𑐣𑐷 𑐣𑐵𑐩 𑐥𑐬𑐵 𑐱𑐎𑑂𑐟𑐶𑑅 𑐥𑑂𑐬𑐟𑐶𑐲𑑂𑐛𑐶𑐟𑐵 ।
𑐫𑐳𑑂𑐩𑐵𑐡𑐸𑐟𑑂𑐥𑐡𑑂𑐫𑐟𑐾 𑐰𑐵𑐫𑐸𑐬𑑂𑐫𑐳𑑂𑐩𑐵𑐡𑑂𑐰𑐴𑑂𑐣𑐶𑑅 𑐥𑑂𑐬𑐰𑐬𑑂𑐢𑐟𑐾 ॥ 𑑕𑑑॥
𑐫𑐳𑑂𑐩𑐵𑐡𑐸𑐟𑑂𑐥𑐡𑑂𑐫𑐟𑐾 𑐧𑐶𑐣𑑂𑐡𑐸𑐬𑑂𑐫𑐳𑑂𑐩𑐵𑐣𑑂𑐣𑐵𑐡𑑅 𑐥𑑂𑐬𑐰𑐬𑑂𑐢𑐟𑐾 ।
𑐫𑐳𑑂𑐩𑐵𑐡𑐸𑐟𑑂𑐥𑐡𑑂𑐫𑐟𑐾 𑐴𑑄𑐳𑑀 𑐫𑐳𑑂𑐩𑐵𑐡𑐸𑐟𑑂𑐥𑐡𑑂𑐫𑐟𑐾 𑐩𑐣𑑅 ॥ 𑑕𑑒॥
𑐩𑐹𑐮𑐵𑐢𑐵𑐬𑐵𑐡𑐶𑐲𑐚𑑂𑐔𑐎𑑂𑐬𑑄 𑐱𑐎𑑂𑐟𑐶𑐳𑑂𑐠𑐵𑐣𑐩𑐸𑐡𑐷𑐬𑐶𑐟𑐩𑑂 ।
𑐎𑐞𑑂𑐛𑐵𑐡𑐸𑐥𑐬𑐶 𑐩𑐹𑐬𑑂𑐢𑐵𑐣𑑂𑐟𑑄 𑐱𑐵𑑄𑐨𑐰𑑄 𑐳𑑂𑐠𑐵𑐣𑐩𑐸𑐔𑑂𑐫𑐟𑐾 ॥ 𑑕𑑓॥
𑐣𑐵𑐜𑐷𑐣𑐵𑐩𑐵𑐱𑑂𑐬𑐫𑑅 𑐥𑐶𑐞𑑂𑐜𑑀 𑐣𑐵𑐜𑑂𑐫𑑅 𑐥𑑂𑐬𑐵𑐞𑐳𑑂𑐫 𑐔𑐵𑐱𑑂𑐬𑐫𑑅 ।
𑐖𑐷𑐰𑐳𑑂𑐫 𑐣𑐶𑐮𑐫𑑅 𑐥𑑂𑐬𑐵𑐞𑑀 𑐖𑐷𑐰𑑀 𑐴𑑄𑐳𑐳𑑂𑐫 𑐔𑐵𑐱𑑂𑐬𑐫𑑅 ॥ 𑑕𑑔॥
𑐴𑑄𑐳𑑅 𑐱𑐎𑑂𑐟𑐾𑐬𑐢𑐶𑐲𑑂𑐛𑐵𑐣𑑄 𑐔𑐬𑐵𑐔𑐬𑐩𑐶𑐡𑑄 𑐖𑐐𑐟𑑂 ।
𑐣𑐶𑐬𑑂𑐰𑐶𑐎𑐮𑑂𑐥𑑅 𑐥𑑂𑐬𑐳𑐣𑑂𑐣𑐵𑐟𑑂𑐩𑐵 𑐥𑑂𑐬𑐵𑐞𑐵𑐫𑐵𑑄 𑐳𑐩𑐨𑑂𑐫𑐳𑐾𑐟𑑂 ॥ 𑑕𑑕॥
𑐳𑐩𑑂𑐫𑐐𑑂𑐧𑐣𑑂𑐢𑐟𑑂𑐬𑐫𑐳𑑂𑐠𑑀ऽ𑐥𑐶 𑐮𑐎𑑂𑐲𑑂𑐫𑐮𑐎𑑂𑐲𑐞𑐎𑐵𑐬𑐞𑐩𑑂 ।
𑐰𑐾𑐡𑑂𑐫𑑄 𑐳𑐩𑐸𑐡𑑂𑐢𑐬𑐾𑐣𑑂𑐣𑐶𑐟𑑂𑐫𑑄 𑐳𑐟𑑂𑐫𑐳𑑄𑐢𑐵𑐣𑐩𑐵𑐣𑐳𑑅 ॥ 𑑕𑑖॥
𑐬𑐾𑐔𑐎𑑄 𑐥𑐹𑐬𑐎𑑄 𑐔𑐿𑐰 𑐎𑐸𑐩𑑂𑐨𑐩𑐢𑑂𑐫𑐾 𑐣𑐶𑐬𑑀𑐢𑐫𑐾𑐟𑑂 ।
𑐡𑐺𑐱𑑂𑐫𑐩𑐵𑐣𑐾 𑐥𑐬𑐾 𑐮𑐎𑑂𑐲𑑂𑐫𑐾 𑐧𑑂𑐬𑐴𑑂𑐩𑐞𑐶 𑐳𑑂𑐰𑐫𑐩𑐵𑐱𑑂𑐬𑐶𑐟𑑅 ॥ 𑑕𑑗॥
𑐧𑐵𑐴𑑂𑐫𑐳𑑂𑐠𑐰𑐶𑐲𑐫𑑄 𑐳𑐬𑑂𑐰𑑄 𑐬𑐾𑐔𑐎𑑅 𑐳𑐩𑐸𑐡𑐵𑐴𑐺𑐟𑑅 ।
𑐥𑐹𑐬𑐎𑑄 𑐱𑐵𑐳𑑂𑐟𑑂𑐬𑐰𑐶𑐖𑑂𑐘𑐵𑐣𑑄 𑐎𑐸𑐩𑑂𑐨𑐎𑑄 𑐳𑑂𑐰𑐐𑐟𑑄 𑐳𑑂𑐩𑐺𑐟𑐩𑑂 ॥ 𑑕𑑘॥
𑐊𑐰𑐩𑐨𑑂𑐫𑐵𑐳𑐔𑐶𑐟𑑂𑐟𑐱𑑂𑐔𑐾𑐟𑑂𑐳𑐩𑐸𑐎𑑂𑐟𑑀 𑐣𑐵𑐟𑑂𑐬 𑐳𑑄𑐱𑐫𑑅 ।
𑐎𑐸𑐩𑑂𑐨𑐎𑐾𑐣 𑐳𑐩𑐵𑐬𑑀𑐥𑑂𑐫 𑐎𑐸𑐩𑑂𑐨𑐎𑐾𑐣 𑐥𑐹𑐬𑐫𑐾𑐟𑑂 ॥ 𑑕𑑙॥
𑐎𑐸𑐩𑑂𑐨𑐾𑐣 𑐎𑐸𑐩𑑂𑐨𑐫𑐾𑐟𑑂𑐎𑐸𑐩𑑂𑐨𑑄 𑐟𑐡𑐣𑑂𑐟𑐳𑑂𑐠𑑅 𑐥𑐬𑑄 𑐱𑐶𑐰𑐩𑑂 ।
𑐥𑐸𑐣𑐬𑐵𑐳𑑂𑐦𑐵𑐮𑐫𑐾𑐡𑐡𑑂𑐫 𑐳𑐸𑐳𑑂𑐠𑐶𑐬𑑄 𑐎𑐞𑑂𑐛𑐩𑐸𑐡𑑂𑐬𑐫𑐵 ॥ 𑑕.𑑖𑑐॥
𑐰𑐵𑐫𑐹𑐣𑐵𑑄 𑐐𑐟𑐶𑐩𑐵𑐰𑐺𑐟𑑂𑐫 𑐢𑐺𑐟𑑂𑐰𑐵 𑐥𑐹𑐬𑐎𑐎𑐸𑐩𑑂𑐨𑐎𑑁 ।
𑐳𑐩𑐴𑐳𑑂𑐟𑐫𑐸𑐐𑑄 𑐨𑐹𑐩𑑁 𑐳𑐩𑑄 𑐥𑐵𑐡𑐫𑐸𑐐𑑄 𑐟𑐠𑐵 ॥ 𑑖𑑑॥
𑐰𑐾𑐢𑐎𑐎𑑂𑐬𑐩𑐫𑑀𑐐𑐾𑐣 𑐔𑐟𑐸𑐲𑑂𑐥𑐷𑐛𑑄 𑐟𑐸 𑐰𑐵𑐫𑐸𑐣𑐵 ।
𑐁𑐳𑑂𑐦𑐵𑐮𑐫𑐾𑐣𑑂𑐩𑐴𑐵𑐩𑐾𑐬𑐸𑑄 𑐰𑐵𑐫𑐸𑐰𑐎𑑂𑐟𑑂𑐬𑐾 𑐥𑑂𑐬𑐎𑑀𑐚𑐶𑐨𑐶𑑅 ॥ 𑑖𑑒॥
𑐥𑐸𑐚𑐡𑑂𑐰𑐫𑑄 𑐳𑐩𑐵𑐎𑐺𑐲𑑂𑐫 𑐰𑐵𑐫𑐸𑑅 𑐳𑑂𑐦𑐸𑐬𑐟𑐶 𑐳𑐟𑑂𑐰𑐬𑐩𑑂 ।
𑐳𑑀𑐩𑐳𑐹𑐬𑑂𑐫𑐵𑐐𑑂𑐣𑐶𑐳𑑄𑐧𑐢𑐵𑐖𑑂𑐖𑐵𑐣𑐷𑐫𑐵𑐡𑐩𑐺𑐟𑐵𑐫 𑐰𑐿 ॥ 𑑖𑑓॥
𑐩𑐾𑐬𑐸𑐩𑐢𑑂𑐫𑐐𑐟𑐵 𑐡𑐾𑐰𑐵𑐱𑑂𑐔𑐮𑐣𑑂𑐟𑐾 𑐩𑐾𑐬𑐸𑐔𑐵𑐮𑐣𑐵𑐟𑑂 ।
𑐁𑐡𑑁 𑐳𑑄𑐖𑐵𑐫𑐟𑐾 𑐎𑑂𑐲𑐶𑐥𑑂𑐬𑑄 𑐰𑐾𑐢𑑀ऽ𑐳𑑂𑐫 𑐧𑑂𑐬𑐴𑑂𑐩𑐐𑑂𑐬𑐣𑑂𑐠𑐶𑐟𑑅 ॥ 𑑖𑑔॥
𑐧𑑂𑐬𑐴𑑂𑐩𑐐𑑂𑐬𑐣𑑂𑐠𑐶𑑄 𑐟𑐟𑑀 𑐨𑐶𑐟𑑂𑐟𑑂𑐰𑐵 𑐰𑐶𑐲𑑂𑐞𑐸𑐐𑑂𑐬𑐣𑑂𑐠𑐶𑑄 𑐨𑐶𑐣𑐟𑑂𑐟𑑂𑐫𑐳𑑁 ।
𑐰𑐶𑐲𑑂𑐞𑐸𑐐𑑂𑐬𑐣𑑂𑐠𑐶𑑄 𑐟𑐟𑑀 𑐨𑐶𑐟𑑂𑐟𑑂𑐰𑐵 𑐬𑐸𑐡𑑂𑐬𑐐𑑂𑐬𑐣𑑂𑐠𑐶𑑄 𑐨𑐶𑐣𑐟𑑂𑐟𑑂𑐫𑐳𑑁 ॥ 𑑖𑑕॥
𑐬𑐸𑐡𑑂𑐬𑐐𑑂𑐬𑐣𑑂𑐠𑐶𑑄 𑐟𑐟𑑀 𑐨𑐶𑐟𑑂𑐟𑑂𑐰𑐵 𑐕𑐶𑐟𑑂𑐰𑐵 𑐩𑑀𑐴𑐩𑐮𑑄 𑐟𑐠𑐵 ।
𑐀𑐣𑐾𑐎𑐖𑐣𑑂𑐩𑐳𑑄𑐳𑑂𑐎𑐵𑐬𑐐𑐸𑐬𑐸𑐡𑐾𑐰𑐥𑑂𑐬𑐳𑐵𑐡𑐟𑑅 ॥ 𑑖𑑖॥
𑐫𑑀𑐐𑐵𑐨𑑂𑐫𑐵𑐳𑐵𑐟𑑂𑐟𑐟𑑀 𑐰𑐾𑐢𑑀 𑐖𑐵𑐫𑐟𑐾 𑐟𑐳𑑂𑐫 𑐫𑑀𑐐𑐶𑐣𑑅 ।
𑐂𑐜𑐵𑐥𑐶𑐒𑑂𑐐𑐮𑐫𑑀𑐬𑑂𑐩𑐢𑑂𑐫𑐾 𑐳𑐸𑐲𑐸𑐩𑑂𑐣𑐵𑐣𑐵𑐜𑐶𑐩𑐞𑑂𑐜𑐮𑐾 ॥ 𑑖𑑗॥
𑐩𑐸𑐡𑑂𑐬𑐵𑐧𑐣𑑂𑐢𑐰𑐶𑐱𑐾𑐲𑐾𑐞 𑐰𑐵𑐫𑐸𑐩𑐹𑐬𑑂𑐢𑑂𑐰𑑄 𑐔 𑐎𑐵𑐬𑐫𑐾𑐟𑑂 ।
𑐬𑑂𑐴𑐳𑑂𑐰𑑀 𑐡𑐴𑐟𑐶 𑐥𑐵𑐥𑐵𑐣𑐶 𑐡𑐷𑐬𑑂𑐑𑑀 𑐩𑑀𑐎𑑂𑐲𑐥𑑂𑐬𑐡𑐵𑐫𑐎𑑅 ॥ 𑑖𑑘॥
𑐁𑐥𑑂𑐫𑐵𑐫𑐣𑑅 𑐥𑑂𑐮𑐸𑐟𑑀 𑐰𑐵𑐥𑐶 𑐟𑑂𑐬𑐶𑐰𑐶𑐢𑑀𑐔𑑂𑐔𑐵𑐬𑐞𑐾𑐣 𑐟𑐸 ।
𑐟𑐿𑐮𑐢𑐵𑐬𑐵𑐩𑐶𑐰𑐔𑑂𑐕𑐶𑐣𑑂𑐣𑑄 𑐡𑐷𑐬𑑂𑐑𑐑𑐞𑑂𑐚𑐵𑐣𑐶𑐣𑐵𑐡𑐰𑐟𑑂 ॥ 𑑖𑑙॥
𑐀𑐰𑐵𑐔𑑂𑐫𑑄 𑐥𑑂𑐬𑐞𑐰𑐳𑑂𑐫𑐵𑐐𑑂𑐬𑑄 𑐫𑐳𑑂𑐟𑑄 𑐰𑐾𑐡 𑐳 𑐰𑐾𑐡𑐰𑐶𑐟𑑂 ।
𑐴𑐳𑑂𑐰𑑄 𑐧𑐶𑐣𑑂𑐡𑐸𑐐𑐟𑑄 𑐡𑐿𑐬𑑂𑐑𑑂𑐫𑑄 𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑐐𑐟𑑄 𑐥𑑂𑐮𑐸𑐟𑐩𑑂 ।
𑐡𑑂𑐰𑐵𑐡𑐱𑐵𑐣𑑂𑐟𑐐𑐟𑑄 𑐩𑐣𑑂𑐟𑑂𑐬𑑄 𑐥𑑂𑐬𑐳𑐵𑐡𑑄 𑐩𑐣𑑂𑐟𑑂𑐬𑐳𑐶𑐡𑑂𑐢𑐫𑐾 ॥ 𑑕.𑑗𑑐
𑐳𑐬𑑂𑐰𑐰𑐶𑐑𑑂𑐣𑐴𑐬𑐱𑑂𑐔𑐵𑐫𑑄 𑐥𑑂𑐬𑐞𑐰𑑅 𑐳𑐬𑑂𑐰𑐡𑑀𑐲𑐴𑐵 ।
𑐁𑐬𑑄𑐨𑐱𑑂𑐔 𑐑𑐚𑐱𑑂𑐔𑐿𑐰 𑐥𑐸𑐣𑑅 𑐥𑐬𑐶𑐔𑐫𑐳𑑂𑐟𑐠𑐵 ॥ 𑑗𑑑॥
𑐣𑐶𑐲𑑂𑐥𑐟𑑂𑐟𑐶𑐱𑑂𑐔𑐾𑐟𑐶 𑐎𑐠𑐶𑐟𑐵𑐱𑑂𑐔𑐟𑐳𑑂𑐬𑐳𑑂𑐟𑐳𑑂𑐫 𑐨𑐹𑐩𑐶𑐎𑐵𑑅 ।
𑐎𑐵𑐬𑐞𑐟𑑂𑐬𑐫𑐳𑑄𑐨𑐹𑐟𑑄 𑐧𑐵𑐴𑑂𑐫𑑄 𑐎𑐬𑑂𑐩 𑐥𑐬𑐶𑐟𑑂𑐫𑐖𑐣𑑂 ॥ 𑑗𑑒॥
𑐁𑐣𑑂𑐟𑐬𑑄 𑐎𑐬𑑂𑐩 𑐎𑐸𑐬𑐸𑐟𑐾 𑐫𑐟𑑂𑐬𑐵𑐬𑑄𑐨𑑅 𑐳 𑐄𑐔𑑂𑐫𑐟𑐾 ।
𑐰𑐵𑐫𑐸𑑅 𑐥𑐱𑑂𑐔𑐶𑐩𑐟𑑀 𑐰𑐾𑐢𑑄 𑐎𑐸𑐬𑑂𑐰𑐣𑑂𑐣𑐵𑐥𑐹𑐬𑑂𑐫 𑐳𑐸𑐳𑑂𑐠𑐶𑐬𑐩𑑂 ॥ 𑑗𑑓॥
𑐫𑐟𑑂𑐬 𑐟𑐶𑐲𑑂𑐛𑐟𑐶 𑐳𑐵 𑐥𑑂𑐬𑑀𑐎𑑂𑐟𑐵 𑐑𑐚𑐵𑐏𑑂𑐫𑐵 𑐨𑐹𑐩𑐶𑐎𑐵 𑐧𑐸𑐢𑐿𑑅 ।
𑐣 𑐳𑐖𑐷𑐰𑑀 𑐣 𑐣𑐶𑐬𑑂𑐖𑐷𑐰𑑅 𑐎𑐵𑐫𑐾 𑐟𑐶𑐲𑑂𑐛𑐟𑐶 𑐣𑐶𑐱𑑂𑐔𑐮𑐩𑑂 ।
𑐫𑐟𑑂𑐬 𑐰𑐵𑐫𑐸𑑅 𑐳𑑂𑐠𑐶𑐬𑑅 𑐏𑐾 𑐳𑑂𑐫𑐵𑐟𑑂𑐳𑐾𑐫𑑄 𑐥𑑂𑐬𑐠𑐩𑐨𑐹𑐩𑐶𑐎𑐵 ॥ 𑑗𑑔॥
𑐫𑐟𑑂𑐬𑐵𑐟𑑂𑐩𑐣𑐵 𑐳𑐺𑐲𑑂𑐚𑐶𑐮𑐫𑑁 𑐖𑐷𑐰𑐣𑑂𑐩𑐸𑐎𑑂𑐟𑐶𑐡𑐱𑐵𑐐𑐟𑑅 ।
𑐳𑐴𑐖𑑅 𑐎𑐸𑐬𑐸𑐟𑐾 𑐫𑑀𑐐𑑄 𑐳𑐾𑐫𑑄 𑐣𑐶𑐲𑑂𑐥𑐟𑑂𑐟𑐶𑐨𑐹𑐩𑐶𑐎𑐵 ॥ 𑑗𑑕॥ 𑐂𑐟𑐶॥
𑐊𑐟𑐡𑐸𑐥𑐣𑐶𑐲𑐡𑑄 𑐫𑑀ऽ𑐢𑐷𑐟𑐾 𑐳𑑀ऽ𑐐𑑂𑐣𑐶𑐥𑐹𑐟𑑀 𑐨𑐰𑐟𑐶 ।
𑐳 𑐰𑐵𑐫𑐸𑐥𑐹𑐟𑑀 𑐨𑐰𑐟𑐶 । 𑐳𑐸𑐬𑐵𑐥𑐵𑐣𑐵𑐟𑑂𑐥𑐹𑐟𑑀 𑐨𑐰𑐟𑐶 ।
𑐳𑑂𑐰𑐬𑑂𑐞𑐳𑑂𑐟𑐾𑐫𑐵𑐟𑑂𑐥𑐹𑐟𑑀 𑐨𑐰𑐟𑐶 । 𑐳 𑐖𑐷𑐰𑐣𑑂𑐩𑐸𑐎𑑂𑐟𑑀 𑐨𑐰𑐟𑐶 ।
𑐟𑐡𑐾𑐟𑐡𑐺𑐔𑐵𑐨𑑂𑐫𑐸𑐎𑑂𑐟𑐩𑑂 । 𑐟𑐡𑑂𑐰𑐶𑐲𑑂𑐞𑑀𑑅 𑐥𑐬𑐩𑑄 𑐥𑐡𑑄 𑐳𑐡𑐵 𑐥𑐱𑑂𑐫𑐣𑑂𑐟𑐶 𑐳𑐹𑐬𑐫𑑅 ।
𑐡𑐶𑐰𑐷𑐰 𑐔𑐎𑑂𑐲𑐸𑐬𑐵𑐟𑐟𑐩𑑂 । 𑐟𑐡𑑂𑐰𑐶𑐥𑑂𑐬𑐵𑐳𑑀 𑐰𑐶𑐥𑐣𑑂𑐫𑐰𑑀 𑐖𑐵𑐐𑐺𑐰𑐵𑑄𑐳𑑅 𑐳𑐩𑐶𑐣𑑂𑐢𑐟𑐾 ।
𑐰𑐶𑐲𑑂𑐞𑑀𑐬𑑂𑐫𑐟𑑂𑐥𑐬𑐩𑑄 𑐥𑐡𑐩𑐶𑐟𑑂𑐫𑐸𑐥𑐣𑐶𑐲𑐟𑑂 ॥
𑐂𑐟𑐶 𑐥𑐘𑑂𑐔𑐩𑑀ऽ𑐢𑑂𑐫𑐵𑐫𑑅 ॥ ॥ 𑑕॥
𑑉 𑐳𑐴 𑐣𑐵𑐰𑐰𑐟𑐸 𑐳𑐴 𑐣𑑁 𑐨𑐸𑐣𑐎𑑂𑐟𑐸 𑐳𑐴 𑐰𑐷𑐬𑑂𑐫𑑄 𑐎𑐬𑐰𑐵𑐰𑐴𑐿 ॥
𑐟𑐾𑐖𑐳𑑂𑐰𑐶𑐣𑐵𑐰𑐢𑐷 𑐟𑐩𑐳𑑂𑐟𑐸 𑐩𑐵 𑐰𑐶𑐡𑑂𑐰𑐶𑐲𑐵𑐰𑐴𑐿 ॥
𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥ 𑐴𑐬𑐶𑑅 𑑉 𑐟𑐟𑑂𑐳𑐟𑑂 ॥
𑐂𑐟𑐶 𑐰𑐬𑐵𑐴𑑀𑐥𑐣𑐶𑐲𑐟𑑂𑐳𑐩𑐵𑐥𑑂𑐟𑐵 ॥
𑐀𑐢𑐶𑐎𑐵𑐢𑑂𑐫𑐫𑐣𑐵𑐫
[सम्पादन]