छ्येलेमि:Eukesh/Auto/NepalScript/लिम्बू

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Ancient map of Limbu settlement between Arun river

𑐮𑐶𑐩𑑂𑐧𑐹 𑐣𑐾𑐥𑐵𑑅𑐫𑐵 𑐕𑐐𑐸 𑐩𑐹 𑐖𑐣𑐖𑐵𑐟𑐶 𑐏। 𑐠𑑂𑐰 𑐖𑐵𑐟𑐶 𑐣𑐾𑐥𑐵𑐫𑐵 𑐥𑐹𑐬𑑂𑐰𑐷 𑐥𑐴𑐵𑐜𑐷 𑐮𑐵𑐐𑐵𑐫𑑂 𑐧𑐳𑑀𑐧𑐵𑐳 𑐫𑐵𑐂। 𑐰𑐶 𑐳𑑄 𑑒𑑐𑑕𑑘𑐫𑐵 𑐖𑐣𑐐𑐞𑐣𑐵 𑐎𑐠𑑄 𑐠𑑂𑐰 𑐖𑐵𑐟𑐶𑐫𑐵 𑐣𑐾𑐥𑐵𑐮𑐫𑑂 𑐖𑐣𑐳𑑄𑐏𑑂𑐫𑐵 𑑓,𑑕𑑙,𑑓𑑓𑑗 𑐡𑐸। 𑐠𑑂𑐰 𑐖𑐵𑐟𑐶𑐫𑐵 𑐠𑑅𑐐𑐸 𑐴𑐾 𑐨𑐵𑐲𑐵, 𑐢𑐬𑑂𑐩 , 𑐮𑐶𑐥𑐶 𑐰 𑐳𑑄𑐳𑑂𑐎𑐺𑐟𑐶 𑐡𑐸।

𑐔𑑂𑐰𑐣𑐶𑐐𑐸 𑐠𑐵𑐫𑑂

𑐠𑑂𑐰 𑐖𑐵𑐟𑐶 𑐥𑐹𑐬𑑂𑐰𑐷 𑐣𑐾𑐥𑐵𑑅𑐫𑐵 𑐥𑐴𑐵𑐜𑐷 𑐎𑑂𑐲𑐾𑐟𑑂𑐬𑐫𑑂 𑐔𑑂𑐰𑐣𑐶। 𑐠𑑂𑐰 𑐖𑐵𑐟𑐶 𑐨𑐵𑐬𑐟𑐫𑐵 𑐳𑐶𑐎𑑂𑐎𑐶𑐩 𑐰 𑐡𑐵𑐬𑑂𑐖𑐶𑐮𑐶𑐒 𑐫𑑂 𑐣𑑄 𑐏𑐣𑐾 𑐡𑐸।

𑐣𑐳𑐵𑐟𑑂𑐰𑑃𑐳𑐵

𑐠𑑂𑐰 𑐖𑐵𑐟𑐶𑐫𑐵 𑐩𑐹 𑐣𑐳𑐵𑐫𑑂 𑐔𑑂𑐫𑐵𑐏𑑂𑐮𑐵𑐫𑐵 𑐖𑐵, 𑐝𑐶𑐜𑑀𑑄, 𑐥𑐥𑐣𑑂𑐡𑐵, 𑐮𑐸𑐒𑐑𑐵𑐎𑑂𑐔𑐵, 𑐳𑐶𑐐𑑀𑐮𑑂𑐫𑐵 𑐰 𑐥𑐾𑐣𑐵𑐐𑑀𑐮𑑂𑐫𑐵, 𑐥𑐾𑐣𑐵 𑐩𑐵𑐣𑑂𑐡𑐵, 𑐏𑐬𑐾𑐒 𑐮𑐵। 𑐠𑑂𑐰 𑐖𑐵𑐟𑐶𑑄 𑐣𑐂𑐐𑐸 𑐮𑑂𑐰𑐳𑐵𑐫𑑂 𑐔𑐾𑐩𑑂𑐧𑐶𑐏𑐶𑐎, 𑐎𑐶𑐣𑐶𑐩𑐵𑐫𑐵 𑐳𑐸𑐩𑑂𑐧𑐵𑐎, 𑐫𑐵𑐒𑐧𑐾𑐣, 𑐫𑐵𑐒𑐧𑐾𑐣𑐫𑐵 𑐟𑐬𑐎𑐵𑐬𑐷, 𑐳𑐵𑐬𑐐𑑂𑐫𑐵𑐒𑑂𑐩𑐵, 𑐳𑐐𑐶 𑐳𑐸𑐩𑑂𑐧𑐵𑐎, 𑐰𑐩𑑂𑐫𑐹𑐎, 𑐎𑐳𑐎𑑂𑐳𑐩𑑂𑐥𑐵, 𑐦𑐵𑐎𑑂𑐳𑐵𑐫𑐵 𑐏𑐬𑐸𑐰 𑐰 𑐀𑐔𑐵𑐬𑐫𑑂 𑐦𑐶𑐮𑐶𑐒𑐐𑐾𑐫𑐵 𑐀𑐔𑐵𑐬, 𑐦𑐵𑐡𑑀,𑐦𑐳𑐷𑐫𑐵 𑐧𑐶𑐫𑐵𑐫𑐵 𑐀𑐔𑐵𑐬, 𑐩𑐾𑐳𑐸 𑐁𑐡𑐶 𑐮𑐵। 𑐠𑑂𑐰 𑐖𑐵𑐟𑐶𑐫𑐵 𑐩𑐹 𑐟𑑂𑐰𑑃𑐫𑐵𑐫𑑂 𑐩𑐬𑑂𑐔𑐵, 𑐠𑑂𑐰𑑄, 𑐟𑑀𑐒𑐧𑐵, 𑐳𑐾𑐖𑐒𑐰𑐵, 𑐕𑐣𑐸𑐰𑐵 𑐠𑑂𑐰𑑄 𑐁𑐡𑐶 𑐮𑐵। 𑐩𑐾𑐩𑐾𑐐𑐸 𑐣𑐳𑐵𑐫𑑂 𑐦𑐸𑐡𑑀𑐒, 𑐴𑐾𑐣𑐵 𑐩𑑅𑐩𑐵 𑐁𑐡𑐶 𑐮𑐵।

𑐳𑑄𑐳𑑂𑐎𑐺𑐟𑐶

𑐠𑑂𑐰 𑐖𑐵𑐟𑐶𑐫𑐵 𑐧𑐸𑐂𑐧𑐶𑐮𑐾 𑐣𑐶𑐳𑐾𑑄 𑐳𑐷 𑐧𑐶𑐮𑐾 𑐟𑐎𑑂𑐎𑐫𑐵 𑐠𑑅𑐐𑐸 𑐴𑐾 𑐳𑑄𑐳𑑂𑐎𑐺𑐟𑐶 𑐡𑐸। 𑐠𑑂𑐰 𑐖𑐵𑐟𑐶𑐫𑐵 𑐁𑐥𑐵𑐮𑑄 𑐳𑑄𑐳𑑂𑐎𑐺𑐟𑐶 𑐣𑐾𑐥𑐵𑑅𑐫𑐵 𑐩𑐾𑐩𑐾𑐐𑐸 𑐳𑑄𑐳𑑂𑐎𑐺𑐟𑐶 𑐣𑐵𑐥 𑐩𑐾𑐮 𑐣। 𑐠𑑂𑐰 𑐖𑐵𑐟𑐶𑐂 𑐩𑐣𑐸 𑐳𑐶𑐟𑑂𑐫𑐣𑐶𑐧𑐶𑐮𑐾 𑐧𑐣𑑂𑐡𑐸𑐎 𑐩𑐸𑐂𑐎𑐵 𑐩𑐮𑐵𑐩𑐷 𑐰𑐣𑐾𑐫𑐵𑐟 𑐩𑐣𑐸𑐟𑐫𑐾𑐟 𑐳𑑅𑐟𑐶𑐐𑐸 𑐫𑐵𑐂। 𑐩𑐣𑐸 𑐳𑐷 𑐢𑐸𑑄𑐎𑐵 𑐕𑑂𑐰𑐾𑐎𑐶𑐐𑐸 𑐔𑐮𑐣 𑐩𑐡𑐸 𑐰 𑐕𑐐𑐹 𑐔𑐶𑐴𑐵𑐣 𑐏𑐣𑐵 𑐩𑐸𑐂𑐐𑐸 𑐫𑐵𑐂। 𑐩𑐣𑐸 𑐩𑐸𑐂𑐧𑐶𑐮𑐾 𑐂𑐩𑐶𑐐𑐸 𑐐𑐸𑐨𑐵𑐖𑐸 𑐦𑐾𑐡𑐵𑐒𑑂𑐰𑐵𑑄 𑐩𑐸𑐣𑑂𑐢𑐸𑐩 𑐥𑐵𑐛 𑐫𑐵𑐣𑐵 𑐳𑐷𑐐𑐸 𑐑𑑀𑐲𑐞𑐵 𑐫𑐵𑐂 𑐰 𑐩𑐸𑐂𑐐𑐸 𑐖𑐸𑐂।

𑐏𑐮𑑅 𑐰 𑐄𑐥𑐖𑐵𑐟𑐶

𑐠𑑂𑐰 𑐖𑐵𑐟𑐶𑐫𑐵 𑐩𑐹 𑐖𑐵𑐟𑐫𑑂 𑐟𑐸𑐩𑐫𑐵𑐎𑑂𑐩𑐵, 𑐳𑐾𑐴𑐮𑐾, 𑐁𑐒𑐡𑐾𑐩𑑂𑐧𑐾, 𑐁𑐒𑐟𑐵𑐴𑐵𑐒, 𑐁𑐒𑐠𑐸𑐥𑐸𑐴𑐵𑐒, 𑐦𑐸𑐬𑐸𑐩𑑂𑐧𑑀𑐣𑑂𑐎𑑀𑐐𑐵, 𑐮𑐶𑐒𑐡𑐾𑐣, 𑐔𑑀𑐒𑐰𑐵𑐒, 𑐔𑑀𑐰𑐾𑐐𑐸𑐴𑐵𑐒, 𑐖𑐰𑐾𑐐𑐸, 𑐖𑐰𑐾𑐐𑐸𑐴𑐵𑐒, 𑐊𑐎𑐟𑐶𑐣𑐴𑐵𑐒, 𑐦𑐵𑐒𑐴𑐵𑐒, 𑐦𑐾𑐣𑑂𑐡𑐸𑐰𑐵, 𑐦𑐾𑐩𑑂𑐧𑐸, 𑐦𑐩𑑂𑐧𑑀, 𑐦𑐵𑐐𑐸, 𑐎𑐵𑐩𑑂𑐧𑐵𑐒𑐳𑑂𑐰𑐵𑐒, 𑐳𑐵𑐧𑐸, 𑐨𑐵𑐒𑐥𑐸𑐒, 𑐥𑐮𑐸𑐒, 𑐥𑐾𑐐𑐵𑐴𑐵𑐒, 𑐐𑐶𑐩𑑂𑐧𑐵𑐒, 𑐥𑐸𑐒𑐮𑐵𑐒, 𑐳𑐵𑐩𑐴𑐵𑐒, 𑐴𑐶𑐣𑐵𑐴𑐾𑐮𑑂𑐮𑑀𑐎, 𑐬𑐸𑐥𑐶𑐴𑐵𑐒, 𑐟𑐵𑐩𑐵𑐡𑐾𑐣, 𑐟𑐸𑐩𑑂𑐧𑐵𑐴𑐵𑐩𑑂𑐦𑐾, 𑐳𑐟𑐶𑐴𑐵𑐒𑐩𑐵, 𑐬𑑀𑐧𑐵𑐣𑑂𑐠𑐵𑐩𑐳𑐸𑐴𑐵𑐒, 𑐠𑐾𑐰𑐾, 𑐐𑑀𑐧𑑂𑐬𑐵, 𑐠𑑀𑐮𑐸𑐒, 𑐳𑐶𑐒𑐠𑐾𑐰𑐾, 𑐠𑐸𑐥𑑂𑐥𑑀𑐎𑑀, 𑐂𑐒𑐧𑐵𑐡𑐾𑐎𑑂𑐥𑐵, 𑐦𑐸𑐬𑐸𑐩𑑂𑐧𑑀, 𑐫𑑀𑐒𑐫𑐵, 𑐁𑐒𑐕𑑀𑐒𑐰𑑀, 𑐩𑐥𑐵𑐩, 𑐮𑐶𑐒𑐏𑐶𑐩, 𑐩𑐵𑐡𑐾𑐣, 𑐎𑐸𑐬𑐸𑐒𑐩𑐵𑐒, 𑐔𑐾𑐩𑐖𑑀𑐒, 𑐣𑐾𑐩𑑂𑐰𑐵𑐒, 𑐮𑐶𑐒𑐡𑐾𑐣, 𑐮𑐵𑐰𑐟𑐷 𑐁𑐡𑐶 𑐮𑐵। 𑐠𑑂𑐰 𑐖𑐵𑐟𑐫𑐵 𑐡𑐸𑐣𑐾 𑐣𑑄 𑐫𑐎𑑂𑐰 𑐏𑐮𑑅 𑐡𑐸। 𑐕𑐐𑐹 𑐴𑐾 𑐏𑐮𑑅 𑐡𑐸𑐣𑐾 𑐂𑐴𑐶𑐥𑐵 𑐩𑐖𑐸।

𑐣𑐏𑑅

𑐮𑐶𑐩𑑂𑐧𑐹𑐟𑐫𑐾𑐐𑐸 𑐩𑐹 𑐥𑑂𑐫𑐵𑐏𑑃 𑐔𑑂𑐫𑐵𑐧𑑂𑐬𑐸𑐒, 𑐢𑐵𑐣𑐣𑐵𑐔 𑐁𑐡𑐶 𑐏। 𑐔𑑂𑐫𑐵𑐧𑑂𑐬𑐸𑐒 𑐢𑐵𑑅𑐐𑐸 𑐕𑐐𑐹 𑐢𑐶𑐩𑐾 𑐠𑐾𑑄 𑐣𑑂𑐫𑐵𑐐𑐸 𑐧𑐵𑐖𑑄 𑐏। 𑐔𑑂𑐫𑐵𑐧𑑂𑐬𑐸𑐒 𑐥𑑂𑐫𑐵𑐏𑑄𑐫𑑂 𑐠𑑂𑐰 𑐧𑐵𑐖𑑄 𑐠𑐵𑐣𑐵 𑐂𑐴𑐶𑐥𑐵𑐧𑐶𑐮𑐾 𑐥𑑂𑐫𑐵𑐏𑑄 𑐮𑑂𑐴𑐸𑐂𑐐𑐸 𑐫𑐵। 𑐢𑐵𑐣𑐣𑐵𑐔𑐫𑑂 𑐮𑑂𑐫𑐵𑐩𑑂𑐴 𑐮𑑂𑐫𑐵𑐳𑐾 𑐥𑑂𑐫𑐵𑐏𑑃 𑐮𑑂𑐴𑐸𑐂𑐐𑐸 𑐫𑐵। 𑐮𑐶𑐩𑑂𑐧𑐹 𑐖𑐵𑐟𑐶𑐂 𑐦𑑂𑐰𑐣𑐵 𑐂𑐴𑐶𑐥𑐵, 𑐏𑐸𑐫𑐵 𑐂𑐴𑐶𑐥𑐵, 𑐖𑐵𑐬𑐷 𑐂𑐴𑐶𑐥𑐵 𑐰 𑐩𑐟𑐶𑐣𑐵 𑐂𑐴𑐶𑐥𑐵 𑐫𑐵𑐣𑐵 𑐥𑑂𑐫𑑄𑐐𑐸 𑐎𑐠𑑄𑐫𑐵 𑐂𑐴𑐶𑐥𑐵 𑐖𑐸𑐂। 𑐮𑐶𑐩𑑂𑐧𑐹𑐟𑐾𑐐𑐸 𑐟𑐒𑑂𑐣𑐵𑐩 𑐢𑐵𑑅𑐐𑐸 𑐣𑐏𑑅 𑐖𑐸𑐂। 𑐩𑐹 𑐟𑐒𑑂𑐣𑐵𑐩𑐫𑑂 𑐳𑐶𑐳𑐾𑐎𑑂𑐥𑐵 𑐟𑐒𑑂𑐣𑐵𑐩, 𑐎𑐎𑑂𑐦𑐾𑐎𑑂𑐰𑐵 𑐟𑐒𑑂𑐣𑐵𑐩, 𑐔𑐾𑐬𑐾𑐒𑑂𑐣𑐵𑐩 𑐟𑐒𑑂𑐣𑐵𑐩 𑐰 𑐧𑐮𑐶𑐴𑐵𑐒 𑐟𑐒𑑂𑐣𑐵𑐩 𑐮𑐵।

𑐨𑐵𑐲𑐵

𑐠𑑂𑐰 𑐖𑐵𑐟𑐶𑐫𑐵 𑐩𑐹 𑐨𑐵𑐲𑐵 𑐮𑐶𑐩𑑂𑐧𑐹 𑐨𑐵𑐲𑐵 𑐏। 𑐠𑑂𑐰 𑐨𑐵𑐲𑐵 𑐮𑐶𑐩𑑂𑐧𑐹 𑐮𑐶𑐥𑐶 (𑐳𑐶𑐬𑐶𑐖𑐒𑑂𑐐𑐵 𑐮𑐶𑐥𑐶)𑐫𑑂 𑐔𑑂𑐰𑐂। 𑐁 𑐰𑐫𑐵 𑐠𑑂𑐰 𑐖𑐵𑐟𑐶𑐫𑐵 𑐩𑐣𑐸𑐟𑐾𑐳𑑄 𑐏𑐾𑑃 𑐨𑐵𑐲𑐵 𑐰 𑐀𑑄𑐐𑑂𑐬𑐾𑐖𑐷 𑐨𑐵𑐲𑐵 𑐠𑐾𑑄 𑐣𑑂𑐫𑐵𑐐𑐸 𑐨𑐵𑐫𑑂‌ 𑐣𑑄 𑐕𑑂𑐫𑑂‌𑐮𑐵𑐔𑑂𑐰𑑄𑐐𑐸 𑐡𑐸। [[𑐎𑐶𑐥𑐵:Limbu_script.png|right|thumb|275x275px|𑐮𑐶𑐩𑑂𑐧𑐹 𑐮𑐶𑐥𑐶 (𑐳𑐶𑐬𑐶𑐖𑐒𑑂𑐐𑐵 𑐮𑐶𑐥𑐶)𑐫𑑂 𑐔𑑂𑐰𑐂|]]

𑐢𑐬𑑂𑐩

𑐮𑐶𑐩𑑂𑐧𑐹𑐟𑐫𑐾𑐳𑑄 𑐎𑐶𑐬𑐵𑐟 𑐢𑐬𑑂𑐩 𑐥𑐵𑐮𑐣𑐵 𑐫𑐵। 𑐠𑑂𑐰 𑐕𑐐𑐹 𑐊𑐣𑐶𑐩𑐶𑐳𑑂𑐚 𑐢𑐬𑑂𑐩 𑐏। 𑐠𑑂𑐰 𑐢𑐬𑑂𑐩𑐫𑑂 𑐥𑑂𑐬𑐎𑐺𑐟𑐶𑐥𑐸𑐖𑐵 𑐰 𑐥𑐸𑐬𑑂𑐏𑐵𑐥𑐸𑐖𑐵 𑐖𑐸। 𑐠𑑂𑐰 𑐢𑐬𑑂𑐩𑐫𑐵 𑐩𑐹 𑐢𑐵‍𑐬𑑂𑐩𑐶𑐎 𑐐𑑂𑐬𑐣𑑂𑐠 𑐩𑐸𑐣𑑂𑐢𑐸𑐩 𑐏। 𑐮𑐶𑐩𑑂𑐧𑐹 𑐟𑐫𑐾𑐳𑑄 𑐥𑐶𑐟𑐺𑐥𑐹𑐖𑐵, 𑐀𑐖𑐶𑐩𑐵 𑐠𑐾𑑄 𑐣𑑂𑐫𑐵𑐐𑐸 𑐴𑑂𑐫𑐸𑐩𑐵 𑐴𑐶𑐩𑐡𑐵𑐒𑐩𑐵, 𑐏𑐸𑐳𑐶 𑐡𑐾𑐰𑐷 𑐣𑐵𑐩𑑂𑐦𑐸𑐣𑑂𑐫𑑀𑐎, 𑐐𑐸𑑄𑐡𑑂𑐫𑑅 𑐳𑐶𑐧𑐸𑐒𑐩𑐵, 𑐮𑑂𑐰𑐴𑑄𑐡𑑂𑐫𑑅 𑐮𑐸𑐒𑐸𑐧𑐸𑐒𑐰𑐵 𑐰 𑐔𑐵𑐡𑑂𑐫𑑅 𑐏𑐵𑐒𑐧𑐸𑐒𑐰𑐵𑐫𑐵𑐟 𑐥𑐸𑐖𑑂𑐫𑐵𑐂𑐐𑐸 𑐫𑐵। 𑐣𑐵𑐥𑑄 𑐥𑐵𑐠𑐷𑐨𑐬𑐵𑐫𑐵𑐟 𑐔𑑂𑐰𑐵𑐥𑐸𑐐𑐸𑑄 𑐡𑑂𑐫𑑅𑐫𑐵 𑐎𑐠𑑄 𑐣𑐵𑐮𑐾𑐐𑐸 𑐫𑐵।

𑐀𑐬𑑂𑐠𑐟𑐣𑑂𑐟𑑂𑐬

𑐠𑑂𑐰 𑐖𑐵𑐟𑐶𑐫𑐵 𑐩𑐹 𑐥𑐾𑐱𑐵 𑐧𑐸𑑃𑐖𑑂𑐫𑐵 𑐰 𑐥𑐱𑐸𑐥𑐵𑐮𑐣 𑐏। 𑐥𑐱𑐸𑐂 𑐳𑐵, 𑐩𑐾, 𑐦𑐿, 𑐡𑐸𑐐𑐸𑐔𑐵, 𑐏𑐵, 𑐦𑐵 𑐁𑐡𑐶 𑐮𑐴𑐶𑐣𑐶𑐐𑐸 𑐫𑐵। 𑐣𑐵𑐥𑑄 𑐠𑑂𑐰 𑐖𑐵𑐟𑐶𑑄 𑐧𑑂𑐬𑐶𑐚𑐶𑐱 𑐰 𑐨𑐵𑐬𑐟𑐷𑐫 𑐳𑐾𑐣𑐵𑐫𑑂 𑐳𑐶𑐥𑐵𑐴𑐷𑑄𑐫𑐵 𑐖𑑂𑐫𑐵 𑐣𑑄 𑐫𑐵।

𑐳𑑂𑐰𑐫𑐵𑐡𑐶𑐳𑑃

• 𑐎𑐶𑐬𑐵𑑄𑐟

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹

• 𑐮𑐶𑐩𑑂𑐧𑐹 𑐳𑐦𑐹𑐢𑐸𑐎𑐹
• 𑐮𑐶𑐩𑑂𑐧𑐹𑐨𑐵𑐲𑐵𑐫𑑂 𑐐𑑀𑐬𑐏𑐵𑐥𑐟𑑂𑐬