छ्येलेमि:Eukesh/Auto/NepalScript/लात्भिया

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Turaida Castle

The Polish–Lithuanian Commonwealth

Latvijas Republika
𑐮𑐵𑐟𑑂𑐨𑐶𑐫𑐵 𑐐𑐞𑐟𑐣𑑂𑐟𑑂𑐬

ध्वांय राष्ट्रीय चिं
म्ये: Dievs, svētī Latviju! (𑐃𑐱𑑂𑐰𑐬 𑐮𑐵𑐟𑑂𑐨𑐶𑐫𑐵𑐫𑐵𑐟 𑐁𑐱𑐷𑐬𑑂𑐰𑐵𑐡 𑐧𑐶𑐫𑐵𑐡𑐶𑐳𑑃)
𑐮𑐵𑐟𑑂𑐨𑐶𑐫𑐵यागु नक्सा
राजधानी	𑐬𑐷𑐐𑐵 30°30′N 10°3′E
तधंगु सहर	𑐬𑐷𑐐𑐵
औपचारिक भाय	𑐮𑐵𑐟𑑂𑐨𑐶𑐫𑐵 𑐨𑐵𑐲𑐵
सरकार	𑐳𑑄𑐳𑐡𑐷𑐫 𑐮𑑀𑐎𑐟𑐣𑑂𑐟𑑂𑐬
- 𑐬𑐵𑐲𑑂𑐚𑑂𑐬𑐥𑐟𑐶	𑐰𑐵𑐂𑐬𑐵 𑐰𑐵𑐂𑐎-𑐦𑑂𑐬𑐶𑐂𑐧𑐾𑐬𑑂𑐐𑐵
- 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷	𑐊𑐂𑐐𑐬𑑂𑐳 𑐎𑐵𑐮𑑂𑐰𑐶𑐚𑐶𑐳
𑐳𑑂𑐰𑐟𑐣𑑂𑐟𑑂𑐬	𑐬𑐸𑐳𑑄 𑐰 𑐖𑐬𑑂𑐩𑐣 𑐳𑐵𑐩𑑂𑐬𑐵𑐖𑑂𑐫𑑄
- (𑐬𑐸𑐳𑑄) 𑐑𑑀𑐲𑐶𑐟	𑐣𑑀𑐨𑐾𑐩𑑂𑐧𑐬 𑑑, 𑑑𑑙𑑑𑑘
- 𑐩𑐵𑐣𑑂𑐫𑐟𑐵-𑐥𑑂𑐬𑐵𑐥𑑂𑐟	𑐖𑑂𑐫𑐵𑐣𑐸𑐰𑐬𑐷 𑑒𑑖, 𑑑𑑙𑑒𑑑
- 𑐥𑐹𑐬𑑂𑐞	𑐀𑐐𑐳𑑂𑐚 𑑒𑑑, 𑑑𑑙𑑙𑑑
Accession to EU	𑐩𑐾 𑑑, 𑐳𑐣𑑂 𑑒𑑐𑑐𑑔
क्षेत्रफल
- फुकं	𑑖𑑔,𑑕𑑘𑑙 किमि² (𑑑𑑒𑑔𑐐𑐸)
	(𑑒𑑔,𑑙𑑓𑑑 वर्ग माइल)
- लयागु प्रतिशत (%)	𑑑.𑑕%
जनसंख्या
- 𑐖𑐸𑐮𑐵𑐃 𑑒𑑐𑑐𑑕 एस्टिमेटेड	𑑒𑑓,𑑐𑑗,𑑐𑑐𑑐 (𑑑𑑔𑑑𑐐𑐸)
- जनघनत्व	𑑓𑑕/किमि² (𑑑𑑖𑑖𑐐𑐸) (𑑙𑑒/वर्ग माइल)
कुल ग्राहस्थ उत्पादन (पि पि पि)	𑑒𑑐𑑐𑑕 एस्टिमेट
- फुकं	𑑒𑑙.𑑔𑑒 𑐀𑐬𑐧 $ (𑑙𑑕𑐐𑐸)
- प्रति छ्यं	𑑑𑑗,𑑓𑑐𑑐 $ (𑑗𑑑𑐐𑐸)
मुद्रा	𑐮𑐵𑐟𑑂𑐳 (Ls) (LVL)
ई क्षेत्र	𑐃𑐃𑐚𑐷 (UTC+𑑒)
- वर्खा (DST)	𑐃𑐃𑐊𑐳𑐚𑐷 (UTC+𑑓)
इन्टरनेट TLD	.lv
कलिंग कोड	+𑑓𑑗𑑑

𑐮𑐵𑐮𑑂𑐨𑐶𑐫𑐵 𑐰𑐵 𑐮𑐵𑐟𑑂𑐨𑐶𑐫𑐵 𑐐𑐞𑐟𑐣𑑂𑐟𑑂𑐬 (𑐮𑐵𑐮𑑂𑐨𑐶𑐫𑐵𑐩𑐶 𑐨𑐵𑐲𑐵 : Latvijas Republika) 𑐄𑐟𑑂𑐟𑐬𑐥𑐹𑐬𑑂𑐰𑐷 𑐫𑐸𑐬𑑀𑐥𑐫𑑂 𑐀𑐰𑐳𑑂𑐠𑐶𑐟 𑐕𑐐𑐹 𑐡𑐾𑐫𑑂‌ 𑐏। 𑐠𑑂𑐰 𑐡𑐾𑐫𑑂‌ 𑐳𑑂𑐰𑑄𑐐𑐸 𑐧𑐵𑐮𑑂𑐚𑐶𑐎 𑐐𑐞𑐬𑐵𑐖𑑂𑐫𑐫𑑂 𑐕𑐐𑐹 𑐏 𑐐𑐸𑐎𑐶𑐫𑐵𑐟 𑐡𑑂𑐰𑐶𑐟𑐷𑐫 𑐰𑐶𑐱𑑂𑐰 𑐫𑐸𑐡𑑂𑐢 𑐢𑐸𑑄𑐎𑐵 𑐨𑐹𑐟𑐥𑐹𑐬𑑂𑐰 𑐳𑑀𑐨𑐶𑐫𑐟 𑐳𑑄𑐑𑐫𑑂 𑐰𑐶𑐮𑐫 𑐫𑐵𑐣𑐵𑐧𑐶𑐮। 𑐠𑑂𑐰 𑐡𑐾𑐫𑑂‌𑐫𑐵 𑐳𑐷𑐩𑐵𑐫𑑂 𑐮𑐶𑐠𑐸𑐁𑐣𑐶𑐫𑐵, 𑐂𑐳𑑂𑐚𑑀𑐣𑐶𑐫𑐵, 𑐧𑐾𑐮𑐵𑐬𑐹𑐳, 𑐰 𑐬𑐹𑐳 𑐮𑐵। 𑐠𑑂𑐰 𑐡𑐾𑐫𑑂‌ 𑐁𑐎𑐵𑐬𑐫𑐵 𑐡𑐺𑐲𑑂𑐚𑐶𑑄 𑐕𑐐𑐹 𑐔𑐶𑐢𑑄𑐐𑐸 𑐡𑐾𑐫𑑂‌ 𑐏 𑐰 𑐠𑑂𑐰 𑐡𑐾𑐫𑑂‌𑐫𑐵 𑐳𑐎𑐮 𑐎𑑂𑐲𑐾𑐟𑑂𑐬𑐦𑐮 𑑖𑑔,𑑕𑑘𑑙 𑐰𑐬𑑂𑐐 𑐎𑐶𑐩𑐶 𑐰 𑐖𑐣𑐳𑑄𑐏𑑂𑐫𑐵 𑑒𑑒,𑑓𑑑,𑑕𑑐 (𑑒𑑐𑑐𑑙) 𑐡𑐸।

𑐮𑐵𑐟𑑂𑐨𑐶𑐫𑐵𑐫𑐵 𑐬𑐵𑐖𑐢𑐵𑐣𑐷 𑐴𑐿 𑐬𑐷𑐐𑐵 𑐏। 𑐬𑐷𑐐𑐵𑐫𑐵 𑐀𑐣𑐸𑐩𑐵𑐣𑐶𑐟 𑐖𑐣𑐳𑑄𑐏𑑂𑐫𑐵 𑑘,𑑒𑑖,𑑐𑑐𑑐 𑐡𑐸। 𑐳𑐎𑐮 𑐖𑐣𑐳𑑄𑐏𑑂𑐫𑐵𑐫𑐵 𑑖𑑐% 𑐮𑐵𑐟𑐟𑑂𑐨𑐶𑐫𑐵𑐩𑐶 𑐩𑐹𑐫𑐵 𑐣𑐵𑐐𑐬𑐶𑐎 𑐏 𑐰 𑐎𑐬𑐶𑐧 𑑓𑑐% 𑐩𑐣𑐸 𑐬𑐹𑐳𑐷 𑐩𑐹𑐫𑐵𑐥𑐶𑑄 𑐏। 𑐠𑑂𑐰 𑐡𑐾𑐫𑑂‌𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐮𑐵𑐟𑑂𑐨𑐶𑐫𑐵 𑐨𑐵𑐲𑐵 𑐏। 𑐠𑑂𑐰 𑐨𑐵𑐲𑐵 𑐧𑐵𑐮𑑂𑐚𑐶𑐎 𑐨𑐵𑐲𑐵 𑐥𑐬𑐶𑐰𑐵𑐬𑐫𑐵 𑐨𑐵𑐲𑐵 𑐏। 𑐠𑑂𑐰 𑐡𑐾𑐫𑑂‌𑐫𑐵 𑐁𑐢𑐶𑐎𑐵𑐬𑐶𑐎 𑐩𑐸𑐡𑑂𑐬𑐵 𑐮𑐵𑐟𑑂𑐳 𑐏।

𑐮𑐵𑐟𑑂𑐨𑐶𑐫𑐵𑐫𑐵𑐟 𑐳𑐣𑑂 𑑑𑑙𑑙𑑑𑐫𑑂 𑐳𑑀𑐨𑐶𑐫𑐟 𑐳𑑄𑐑𑑄 𑐳𑑂𑐰𑐟𑐣𑑂𑐟𑑂𑐬𑐟𑐵 𑐡𑐟। 𑐩𑐾 𑑑, 𑐳𑐣𑑂 𑑒𑑐𑑐𑑔 𑐏𑐸𑐣𑐸 𑐮𑐵𑐟𑑂𑐨𑐶𑐫𑐵 𑐫𑐹𑐬𑑀𑐥𑐾𑐮𑐷 𑐳𑑄𑐑𑐫𑐵 𑐳𑐡𑐳𑑂𑐫 𑐖𑐸𑐮। 𑐠𑑂𑐰 𑐡𑐾𑐫𑑂‌𑐫𑐵 𑐰𑐬𑑂𑐟𑐩𑐵𑐣 𑐬𑐵𑐲𑑂𑐚𑑂𑐬𑐥𑐟𑐶 𑐰𑐵𑐮𑑂𑐜𑐶𑐳 𑐖𑐵𑐚𑑂𑐮𑐬𑑂𑐳 𑐏।

𑐂𑐟𑐶𑐴𑐵𑐳

𑑑𑑓𑐐𑐸 𑐣𑐶𑐳𑐾𑑄 𑑑𑑖𑐐𑐸 𑐱𑐟𑐵𑐧𑑂𑐡𑐶 𑐟𑐎𑑂𑐎 𑐮𑐵𑐟𑑂𑐨𑐶𑐫𑐵 𑐮𑐶𑐨𑑀𑐣𑐶𑐫𑐵 𑐰 𑐎𑑁𑐬𑐮𑑂𑐫𑐵𑐞𑑂𑐜 𑐟𑐎𑑂𑐎 𑐡𑐹𑐐𑐸 𑐰 𑐥𑑂𑐬𑐱𑐶𑐫𑐣 𑐖𑐸𑐖𑐸𑐟𑐾𑐐𑐸 𑐀𑐢𑐷𑐣𑐫𑑂 𑐡𑐹𑐐𑐸 𑐕𑐐𑐹 𑐨𑐹𑐨𑐵𑐐 𑐖𑐸𑐫𑐵𑐔𑑂𑐰𑐣। 𑑑𑑗𑐐𑐸 𑐱𑐟𑐵𑐧𑑂𑐡𑐷𑐂 𑐮𑐵𑐟𑑂𑐨𑐶𑐫𑐵𑐫𑑂 𑐥𑑀𑐮𑑂𑐫𑐵𑐞𑑂𑐜 𑐰 𑐳𑑂𑐰𑐶𑐜𑐾𑐣𑑄 𑐀𑐢𑐶𑐎𑐵𑐬 𑐫𑐵𑐟।

𑑑𑑘𑐐𑐸 𑐱𑐟𑐵𑐧𑑂𑐡𑐷𑐂 𑐣𑑂𑐫𑐾𑐳𑑂𑐟𑐵𑐡𑐫𑐵 𑐳𑐣𑑂𑐢𑐶 𑐢𑐸𑑄𑐎𑐵 𑐮𑐶𑐨𑑀𑐣𑐶𑐫𑐵 𑐰 𑐎𑑁𑐬𑐮𑑂𑐫𑐵𑐞𑑂𑐜 𑐬𑐹𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐨𑐵𑐐 𑐖𑐹𑐰𑐣। 𑐠𑐸𑐎𑐶𑐫𑐵 𑐳𑐬𑐎𑐵𑐬 𑐎𑑁𑐬𑐮𑑂𑐫𑐵𑐞𑑂𑐜 𑐰 𑐮𑐶𑐨𑑀𑐣𑐶𑐫𑐵 𑐣𑐶𑐐𑐸 𑐴𑐾 𑐖𑐵𑐣𑐵 𑐡𑐫𑐾𑐎𑐮।

𑐬𑐹𑐳𑐷 𑐐𑐺𑐴𑐫𑐸𑐡𑑂𑐢 𑐧𑐶𑐮𑐾 (𑑑𑑙𑑑𑑗-𑑑𑑙𑑒𑑒) 𑐮𑐵𑐟𑑂𑐨𑐶𑐫𑐵𑐫𑐵 𑐀𑐢𑐶𑐎𑐵𑑄𑐱 𑐳𑐿𑐣𑑂𑐫 𑐰𑐵𑐴𑐶𑐣𑐷𑐟𑐾𑐳𑑄 𑐖𑐬𑑂𑐩𑐣𑐷 𑐰𑐶𑐬𑐸𑐡𑑂𑐢 𑐧𑑀𑐮𑑂𑐱𑐾𑐨𑐶𑐎𑐫𑐵 𑐥𑐎𑑂𑐲𑐫𑑂 𑐫𑐸𑐡𑑂𑐢 𑐫𑐵𑐟। 𑐮𑐵𑐟𑑂𑐨𑐶𑐫𑐵 𑐡𑐎𑑂𑐮𑐾 𑐣𑑂𑐴𑐵𑐥𑐵 𑐳𑐣𑑂 𑑑𑑙𑑑𑑘𑐫𑑂 𑐕𑐐𑐹 𑐳𑑂𑐰𑐟𑐣𑑂𑐟𑑂𑐬 𑐬𑐵𑐲𑑂𑐚𑑂𑐬𑐫𑐵 𑐬𑐹𑐥𑐫𑑂 𑐀𑐳𑑂𑐟𑐶𑐟𑑂𑐰𑐫𑑂 𑐰𑐮।

𑐣𑐶𑐎𑑂𑐰𑑅𑐐𑐸 𑐰𑐶𑐱𑑂𑐰 𑐫𑐸𑐡𑑂𑐢 𑐧𑐶𑐮𑐾 𑐠𑑂𑐰 𑐬𑐵𑐲𑑂𑐚𑑂𑐬𑐫𑑂 𑐡𑐎𑑂𑐮𑐾 𑐣𑑂𑐴𑐵𑐥𑐵𑑄 (𑐣𑐶𑐐𑐸 𑐩𑐾𑐐𑐸 𑐧𑐵𑐮𑑂𑐚𑐶𑐎 𑐐𑐞𑐬𑐵𑐖𑑂𑐫 𑐣𑐵𑐥𑑄) 𑐳𑑀𑐨𑐶𑐫𑐟 𑐳𑑄𑐑𑑄 𑐁𑐎𑑂𑐬𑐩𑐞 𑐫𑐵𑐣𑐵𑐧𑐶𑐮 𑐰 𑐮𑐶𑐥𑐵 𑐣𑐵𑐖𑐷 𑐖𑐬𑑂𑐩𑐣𑐷𑑄 𑐰 𑐀𑐣𑑂𑐟𑐟𑑅 𑑑𑑙𑑔𑑔𑐫𑑂 𑐳𑑀𑐨𑐶𑐫𑐟 𑐳𑑄𑐑𑑄 𑐠𑑂𑐰 𑐡𑐾𑐫𑑂‌𑐫𑐵𑐟 𑐳𑑂𑐰𑐵𑐣𑐵 𑐕𑐐𑐹 𑐳𑑀𑐨𑐶𑐫𑐟 𑐐𑐞𑐬𑐵𑐖𑑂𑐫 𑐡𑐫𑐾𑐎𑐮।

𑐳𑐣𑑂 𑑑𑑙𑑙𑑑𑐫𑑂 𑐳𑑀𑐨𑐶𑐫𑐟 𑐳𑑄𑐑𑐫𑐵 𑐰𑐶𑐑𑐚𑐣 𑐢𑐸𑑄𑐎𑐵 𑐮𑐵𑐟𑑂𑐨𑐶𑐫𑐵 𑐴𑐵𑐣𑑄 𑐕𑐎𑑅 𑐳𑑂𑐰𑐟𑐣𑑂𑐟𑑂𑐬 𑐬𑐵𑐲𑑂𑐚𑑂𑐬 𑐖𑐸𑐮। 𑐮𑐶𑐠𑐸𑐁𑐣𑐶𑐫𑐵 𑐰 𑐂𑐳𑑂𑐚𑑀𑐣𑐶𑐫𑐵 𑐳𑑂𑐰𑐫𑐵 𑐥𑐺𑐠𑐎 𑐮𑐵𑐟𑑂𑐨𑐶𑐫𑐵𑑄 𑐳𑑂𑐰𑐟𑐣𑑂𑐟𑑂𑐬 𑐬𑐵𑐲𑑂𑐚𑑂𑐬𑐟𑐾𑐐𑐸 𑐬𑐵𑐲𑑂𑐚𑑂𑐬𑐩𑐞𑑂𑐜𑐮𑐫𑐵 𑐳𑐡𑐳𑑂𑐫𑐟𑐵 𑐐𑑂𑐬𑐴𑐞 𑐩𑐫𑐵 𑐰 𑐮𑐵𑐟𑑂𑐨𑐶𑐫𑐵 𑐀𑐥𑑂𑐬𑐶𑐮, 𑐳𑐣𑑂 𑑒𑑐𑑐𑑔𑐫𑑂 𑐣𑐾𑐚𑑀𑐫𑐵 𑐳𑐡𑐳𑑂𑐫 𑐰 𑐩𑐾 𑑑 𑐳𑐣𑑂 𑑒𑑐𑑐𑑔𑐫𑑂 𑐫𑐹𑐬𑑀𑐥𑐾𑐮𑐷 𑐳𑑄𑐑𑐫𑐵 𑐳𑐡𑐳𑑂𑐫 𑐖𑐸𑐮।

𑐥𑑂𑐬𑐱𑐵𑐳𑐣

𑐮𑐵𑐟𑑂𑐨𑐶𑐫𑐵 𑑒𑑖 𑐥𑑂𑐬𑐱𑐵𑐳𑐎𑐷𑐫 𑐎𑑂𑐲𑐾𑐟𑑂𑐬 𑐰 𑑗 𑐣𑐐𑐬𑐷𑐫 𑐎𑑂𑐲𑐾𑐟𑑂𑐬𑐫𑑂 𑐰𑐶𑐨𑐵𑐖𑐶𑐟 𑐡𑐸 𑐐𑐸𑐎𑐶𑐫𑐵𑐟 𑐮𑐵𑐟𑑂𑐨𑐶𑐫𑐵𑐫𑑂 𑐎𑑂𑐬𑐩𑐱𑑅 apriņķis 𑐰 lielpilsētas 𑐢𑐵𑐂।

𑑑	𑐋𑐖𑑂𑐎𑑂𑐬𑐄𑐎𑑂𑐮(Aizkraukle)	𑑑𑑒	𑐫𑐾𑐮𑑂𑐐𑐵𑐨𑐵* (Jelgava)	𑑒𑑓	𑐬𑐷𑐖𑐶𑐎𑑂𑐣 (Rēzekne)
𑑒	𑐀𑐮𑐸𑐎𑑂𑐳𑑂𑐣 (Alūksne)	𑑑𑑓	𑐫𑐸𑐬𑑂𑐩𑐵𑐮𑐵* (Jūrmala)	𑑒𑑔	𑐬𑐷𑐖𑑆𑐶𑐎𑑂𑐣* (Rēzekne)
𑑓	𑐧𑐵𑐮𑑂𑐰𑐶 (Balvi)	𑑑𑑔	𑐎𑑂𑐬𑐵𑐳𑑂𑐮𑐵𑐰𑐵 (Krāslava)	𑑒𑑕	𑐬𑐷𑐐𑐵 (Rīga)
𑑔	𑐧𑑁𑐳𑑂𑐎𑐵 (Bauska)	𑑑𑑕	𑐎𑐸𑐮𑑂𑐜𑐶𑐐𑐵 (Kuldīga)	𑑒𑑖	𑐬𑐷𑐐𑐵* (Rīga)
𑑕	𑐳𑐷𑐳𑐶𑐳 (Cēsis)	𑑑𑑖	𑐮𑐶𑐥𑐖𑐵 (Liepāja)	𑑒𑑗	𑐳𑐵𑐮𑑂𑐜𑐳 (Saldus)
𑑖	𑐜𑑁𑐐𑐵𑐰𑑂𑐥𑐶𑐮𑑂𑐳 (Daugavpils)	𑑑𑑗	𑐮𑐶𑐥𑐖𑐵* (Liepāja)	𑑒𑑘	𑐚𑐵𑐮𑑂𑐳𑐶 (Talsi)
𑑗	𑐜𑑁𑐐𑐵𑐰𑑂𑐥𑐶𑐮𑑂𑐳* (Daugavpils)	𑑑𑑘	𑐮𑐶𑐩𑑂𑐧𑐵𑐖𑑆𑐷 (Limbaži)	𑑒𑑙	𑐚𑐹𑐎𑐹𑐩𑐳 (Tukums)
𑑘	𑐜𑑀𑐧𑐷𑐮 (Dobele)	𑑑𑑙	𑐮𑐹𑐜𑑂𑐖𑑆𑐵 (Ludza)	𑑓𑑐	𑐰𑐵𑐮𑑂𑐎𑐵 (Valka)
𑑙	𑐐𑐹𑐮𑑂𑐧𑐷𑐣 (Gulbene)	𑑒𑑐	𑐩𑐜𑑀𑐣𑐵 (Madona)	𑑓𑑑	𑐨𑐵𑐮𑑂𑐩𑐷𑐬𑐵 (Valmiera)
𑑑𑑐	𑐖𑐷𑐎𑐵𑐧𑑂𑐥𑐶𑐮𑑂𑐳 (Jēkabpils)	𑑒𑑑	𑐌𑐐𑑂𑐬𑐾 (Ogre)	𑑓𑑒	𑐨𑐾𑐣𑑂𑐚𑑂𑐳𑑂𑐥𑐶𑐮𑑂𑐳 (Ventspils)
𑑑𑑑	𑐫𑐾𑐮𑐐𑐵𑐰𑐵 (Jelgava)	𑑒𑑒	𑐥𑑂𑐬𑐷𑐂𑐮𑐶 (Preiļi)	𑑓𑑓	𑐰𑐾𑐣𑑂𑐚𑑂𑐳𑑂𑐥𑐶𑐮𑑂𑐳* (Ventspils)

𑐖𑐣𑐳𑑄𑐏𑑂𑐫𑐵

𑐖𑐵𑐟𑐷𑐫 𑐁𑐢𑐵𑐬𑐫𑑂 𑐮𑐵𑐟𑑂𑐨𑐶𑐫𑐵 𑐣𑐶𑐰𑐵𑐳𑐷

𑐮𑐵𑐟𑑂𑐨𑐶𑐫𑐵𑐩𑐶	𑑕𑑙.𑑒%
𑐬𑐹𑐳𑐷	𑑒𑑘.𑑐%
𑐧𑐾𑐮𑐵𑐬𑐹𑐳𑐷	𑑓.𑑗%
𑐫𑐸𑐎𑑂𑐬𑐾𑐣𑐷	𑑒.𑑕%
𑐥𑑀𑐮𑑂𑐫𑐵𑐞𑑂𑐜𑐩𑐶	𑑒.𑑔%
𑐮𑐶𑐠𑐸𑐁𑐣𑐶𑐫𑐵𑐩𑐶	𑑑.𑑓%
𑐩𑐾𑐩𑐾𑐥𑐶𑑄	𑑒.𑑙%

𑐳𑐣𑑂 𑑒𑑐𑑐𑑙𑐫𑐵 𑐀𑐣𑐸𑐩𑐵𑐣 𑐎𑐠𑑄 𑐮𑐵𑐟𑑂𑐨𑐶𑐫𑐵𑐫𑐵 𑐖𑐣𑐳𑑄𑐏𑑂𑐫𑐵 𑑒𑑒,𑑓𑑑,𑑕𑑐 𑐡𑐸। 𑑒𑑐𑑐𑑙𑐫𑐵 𑐖𑐣𑐳𑑄𑐏𑑂𑐫𑐵 𑐀𑐣𑐸𑐩𑐵𑐣𑐫𑐵 𑐁𑐢𑐵𑐬𑐫𑑂 𑐖𑐣𑑂𑐩 𑐥𑑂𑐬𑐟𑑂𑐫𑐵𑐱𑐷 𑑗𑑒.𑑑𑑕 𑐡𑑃 𑐡𑐸। 𑐩𑐶𑐳𑐵𑐟𑐾𑐐𑐸 𑐖𑐷𑐰𑐣 𑐥𑑂𑐬𑐟𑑂𑐫𑐵𑐱𑐷 𑑗𑑗.𑑕𑑙 𑐡𑑃 𑐰 𑐩𑐶𑐖𑑄𑐟𑐾𑐐𑐸 𑐖𑐷𑐰𑐣 𑐥𑑂𑐬𑐟𑑂𑐫𑐵𑐱𑐷 𑑖𑑖.𑑕𑑙 𑐡𑑃 𑐡𑐸।

𑐖𑐵𑐟𑐷𑐫 𑐰𑐶𑐰𑐶𑐢𑐟𑐵

𑐱𑐟𑐵𑐧𑑂𑐡𑐷𑐫𑑁𑑄 𑐣𑐶𑐳𑐾𑑄 𑐮𑐵𑐟𑑂𑐨𑐶𑐫𑐵 𑐕𑐐𑐹𑐌 𑐧𑐴𑐸𑐖𑐵𑐟𑐷𑐫 𑐡𑐾𑐫𑑂‌ 𑐏। 𑑒𑑐𑐐𑐸 𑐱𑐟𑐵𑐧𑑂𑐡𑐷𑐂 𑐰𑐶𑐱𑑂𑐰 𑐫𑐸𑐡𑑂𑐢, 𑐥𑑂𑐬𑐰𑐵𑐳𑐣 𑐰 𑐧𑐵𑐮𑑂𑐚𑐶𑐎 𑐖𑐬𑑂𑐩𑐣𑐟𑐾𑐟 𑐥𑐶𑐠𑐣𑐵𑐀 𑐕𑑂𑐰𑑅𑐐𑐸, 𑐴𑑀𑐮𑑀𑐎𑐳𑑂𑐚, 𑐰 𑐳𑑀𑐨𑐶𑐫𑐟 𑐀𑐢𑐶𑐐𑑂𑐬𑐴𑐞𑐫𑐵 𑐎𑐵𑐬𑐞𑑄 𑐖𑐣𑐳𑑄𑐏𑑂𑐫𑐵 𑐫𑐎𑑂𑐰 𑐴𑐶𑐮𑐵𑐰𑑄𑐐𑐸 𑐡𑐸। 𑐳𑐣𑑂 𑑑𑑘𑑙𑑗𑐫𑐵 𑐬𑐹𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐖𑐣𑐐𑐞𑐣𑐵 𑐎𑐠𑑄 𑐮𑐵𑐟𑐨𑐶𑐫𑐵𑐩𑐶 𑑑𑑙.𑑓 𑐮𑐏𑐫𑐵 𑐖𑐣𑐳𑑄𑐏𑑂𑐫𑐵𑐫𑐵 𑐎𑐵 𑑖𑑘.𑑔% 𑐡𑐸 𑐢𑐵𑑅𑐳𑐵 𑐬𑐹𑐳𑐷 𑐩𑐹𑐮𑐫𑐵 𑑑𑑒%, 𑐫𑐴𑐸𑐡𑐷 𑑗.𑑔%, 𑐖𑐬𑑂𑐩𑐣 𑑖.𑑒%, 𑐰 𑐥𑑀𑐮𑐶𑐱 𑐩𑐹𑐮𑐫𑐵 𑑓.𑑔% 𑐡𑐸।

𑐢𑐬𑑂𑐩

𑐡𑐎𑑂𑐮𑐾 𑐟𑑅𑐢𑑄𑐐𑐸 𑐢𑐵𑐬𑑂𑐩𑐶𑐎 𑐳𑐩𑐸𑐡𑐵𑐫 𑐏𑑂𑐬𑐶𑐳𑑂𑐚𑐷 𑐢𑐬𑑂𑐩 𑐏। 𑐟𑐬, 𑑗% 𑐖𑐣𑐳𑑄𑐏𑑂𑐫𑐵 𑐖𑐎𑑂𑐎 𑐣𑐶𑐫𑐩𑐶𑐟 𑐎𑐠𑑄 𑐢𑐵𑐬𑑂𑐩𑐶𑐎 𑐐𑐟𑐶𑐰𑐶𑐢𑐶𑐂 𑐳𑐎𑑂𑐬𑐶𑐫 𑐡𑐸। 𑐡𑐎𑑂𑐮𑐾 𑐟𑑅𑐢𑑄𑐐𑐸 𑐢𑐵𑐬𑑂𑐩𑐶𑐎 𑐳𑐩𑑂𑐥𑑂𑐬𑐡𑐵𑐫 𑐠𑑂𑐰 𑐎𑐠𑑄 𑐡𑐸:
𑐂𑐨𑐾𑐣𑑂𑐖𑐶𑐎𑐮 𑐮𑐸𑐠𑐬𑐣 𑐔𑐬𑑂𑐔 𑐀𑐦 𑐮𑐵𑐟𑑂𑐨𑐶𑐫𑐵 - 𑑔,𑑕𑑐,𑑐𑑐𑑐
𑐬𑑀𑐩𑐣 𑐎𑑂𑐫𑐵𑐠𑑀𑐮𑐶𑐎 - 𑑔,𑑕𑑐,𑑐𑑐𑑐
𑐮𑐵𑐟𑐰𑐶𑐫𑐵𑐩𑐶 𑐀𑐠𑑀𑐜𑐎𑑂𑐳 - 𑑓,𑑕𑑐,𑑐𑑐𑑐

𑐨𑐵𑐲𑐵

𑐮𑐵𑐟𑐨𑐶𑐫𑐵 𑐨𑐵𑐲𑐵 𑐮𑐵𑐟𑐰𑐶𑐫𑐵𑐫𑐵 𑐁𑐢𑐶𑐎𑐬𑐶𑐎 𑐨𑐵𑐲𑐵 𑐏। 𑐠𑑂𑐰 𑐨𑐵𑐲𑐵𑐫𑐵 𑐩𑐵𑐟𑐺𑐨𑐵𑐲𑐷 𑑑𑑔 𑐮𑐵𑐏 𑐡𑐸। 𑐠𑑂𑐰 𑐧𑐵𑐴𑐾𑐎 𑑑,𑑕𑑐,𑑐𑑐𑑐 𑐩𑐣𑐸 𑐩𑐾𑐩𑐾𑐐𑐸 𑐡𑐾𑐱𑐫𑑂 𑐠𑑂𑐰 𑐨𑐵𑐲𑐵 𑐣𑐰𑐵𑐂। 𑐐𑐿𑐴𑑂𑐬 𑐩𑐵𑐟𑐺𑐨𑐵𑐲𑐷 𑐮𑐵𑐟𑑂𑐨𑐶𑐫𑐵 𑐨𑐵𑐲𑐵𑐫𑑂 𑐏𑑃𑐮𑑂𑐴𑐵𑐂𑐥𑐶𑐣𑐶𑐐𑐸 𑐮𑑂𑐫𑐵𑐏𑑃 𑐫𑐎𑑂𑐰 𑐡𑐸। 𑐮𑐵𑐟𑑂𑐨𑐶𑐫𑐵𑐫𑐵 𑐨𑐵𑐲𑐵𑐣𑐷𑐟𑐶𑐫𑐵 𑐎𑐵𑐬𑐞𑑄 𑐠𑐣𑐫𑐵 𑑘 𑐮𑐏 𑐖𑐵𑐟𑐷𑐫-𑐀𑐮𑑂𑐥𑐳𑑄𑐏𑑂𑐫𑐎 𑐖𑐣𑐳𑑄𑐏𑑂𑐫𑐵𑐫𑑂 𑑖𑑐% 𑐠𑑂𑐰 𑐨𑐵𑐲𑐵𑐫𑑂 𑐣𑐰𑐵𑐂। 𑐮𑐵𑐟𑑂𑐨𑐶𑐫𑐵 𑐨𑐵𑐲𑐵𑐫𑐵 𑐕𑑂𑐫𑐾𑐮𑐵 𑐮𑐵𑐟𑑂𑐨𑐶𑐫𑐵𑐫𑐵 𑐳𑐵𑐩𑐵𑐖𑐶𑐎 𑐖𑐷𑐰𑐣𑐫𑑂 𑐀𑐥𑑂𑐰𑐫𑐵𑐔𑑂𑐰𑑄𑐐𑐸 𑐡𑐸।

𑐮𑐵𑐟𑑂𑐨𑐶𑐫𑐵 𑐨𑐵𑐲𑐵 𑐕𑐐𑐹 𑐧𑐵𑐮𑑂𑐚𑐶𑐎 𑐨𑐵𑐲𑐵 𑐏 𑐰 𑐠𑑂𑐰 𑐮𑐶𑐠𑐸𑐁𑐣𑐶𑐫𑐵𑐣𑐵𑐥 𑐡𑐎𑑂𑐮𑐾 𑐀𑐥𑑂𑐰 𑐩𑐾𑐮 𑐣𑑄। 𑐀𑐠𑐾 𑐖𑐸𑐳𑐵𑑄 𑐠𑑂𑐰 𑐣𑐶𑐐𑐸 𑐨𑐵𑐲𑐵𑐫𑑂 𑐕𑐐𑐹 𑐨𑐵𑐲𑐵 𑐏𑑃𑐮𑑂𑐴𑐵𑐂𑐥𑐶𑑄𑐳𑑄 𑐩𑐾𑐐𑐸 𑐨𑐵𑐲𑐵 𑐩𑐠𑐸।

𑐳𑑀𑐨𑐶𑐫𑐟 𑐳𑑄𑐑𑐫𑐵 𑐨𑐵𑐐 𑐖𑐸𑐂𑐢𑐸𑑄𑐎𑐸𑐐𑐸 𑐰 𑐟𑑅𑐢𑑄𑐐𑐸 𑐮𑑂𑐫𑐵𑐏𑑃𑐫𑑂 𑐬𑐸𑐳𑐷 𑐩𑐹𑐮𑐫𑐵 𑐩𑐣𑐸𑐟 𑐡𑐹𑐐𑐸𑐮𑐶𑑄 𑐬𑐹𑐳𑐷 𑐨𑐵𑐲𑐵 𑐣𑑄 𑐫𑐎𑑂𑐰 𑐩𑐣𑐸𑐟𑐾𑐳𑑄 𑐕𑑂𑐫𑐾𑐮𑐶𑐐𑐸 𑐫𑐵 𑐰 𑐫𑐎𑑂𑐰 𑐧𑐸𑐬𑐵-𑐧𑐸𑐬𑐷𑐟𑐾𑐳𑑄 𑐠𑑂𑐰 𑐨𑐵𑐲𑐵 𑐠𑐸।

𑐀𑐬𑑂𑐠𑐟𑐣𑑂𑐟𑑂𑐬

𑐮𑐵𑐟𑑂𑐨𑐶𑐫𑐵 𑐰𑐶𑐱𑑂𑐰 𑐰𑑂𑐫𑐵𑐥𑐵𑐬 𑐳𑑄𑐐𑐛𑐣 (𑑑𑑙𑑙𑑙) 𑐰 𑐫𑐸𑐬𑑀𑐥𑐾𑐮𑐷 𑐳𑑄𑐑𑐫𑐵 (𑑒𑑐𑑐𑑔) 𑐳𑐡𑐳𑑂𑐫 𑐏।

𑐳𑐣𑑂 𑑒𑑐𑑐𑑐 𑐢𑐸𑑄𑐎𑐵 𑐮𑐵𑐟𑑂𑐨𑐶𑐫𑐵𑐫𑐵 𑐰𑐺𑐡𑑂𑐢𑐶 𑐡𑐬 𑐫𑐸𑐬𑑀𑐥𑐫𑑂 𑐡𑐎𑑂𑐮𑐾 𑐀𑐥𑑂𑐰𑐫𑑂 𑐕𑐐𑐹 𑐡𑐸। 𑐀𑐠𑐾 𑐖𑐸𑐳𑐵𑑄 𑐮𑐵𑐟𑑂𑐨𑐶𑐫𑐵𑐫𑐵 𑐩𑐹 𑐄𑐥𑐨𑑀𑐐-𑐔𑐵𑐮𑐶𑐟 𑐰𑐺𑐡𑑂𑐢𑐶𑐫𑐵 𑐎𑐵𑐬𑐞𑑄 𑑒𑑐𑑐𑑘𑐫𑐵 𑐀𑐣𑑂𑐟 𑐰𑐳𑑂 𑑒𑑐𑑐𑑙𑐫𑐵 𑐁𑐬𑐩𑑂𑐨𑐫𑑂 𑐮𑐵𑐟𑑂𑐨𑐶𑐫𑐵𑐫𑐵 𑐖𑐷𑐜𑐷𑐥𑐷 𑐩𑑂𑐴𑑀 𑐖𑐹𑐰𑐣। 𑐠𑑂𑐰 𑐩𑐣𑑂𑐡𑐷 𑐴𑐮𑐶𑐩𑐫𑐵 𑐁𑐬𑑂𑐠𑐶𑐎 𑐩𑐣𑑂𑐡𑐷𑑄 𑐀𑐗 𑐎𑐫𑐵 𑐫𑑄𑐎𑐮। 𑐳𑐣𑑂 𑑒𑑐𑑐𑑙𑐫𑐵 𑐥𑑂𑐬𑐠𑐩 𑐳𑑂𑐰𑑄𑐐𑐸 𑐮𑐵𑐫𑑂 𑐮𑐵𑐟𑑂𑐨𑐶𑐫𑐵𑐩𑐶 𑐀𑐬𑑂𑐠𑐰𑑂𑐫𑐳𑑂𑐠𑐵𑐫𑑂 𑑑𑑘%𑐫𑐵 𑐴𑑂𑐬𑐵𑐳 𑐰𑐮, 𑐠𑑂𑐰 𑐴𑑂𑐬𑐵𑐳 𑐫𑐸𑐬𑑀𑐥𑐾𑐮𑐷 𑐳𑑄𑐑𑐫𑐵 𑐡𑐎𑑂𑐮𑐾 𑐀𑐥𑑂𑐰 𑐴𑑂𑐬𑐵𑐳 𑐏। 𑐫𑐸𑐬𑑀𑐳𑑂𑐚𑐾𑐚 𑐜𑐵𑐚𑐵 𑐎𑐠𑑄 𑐎𑑂𑐬𑐫 𑐱𑐎𑑂𑐟𑐶𑐫𑐵 𑐁𑐢𑐵𑐬𑐫𑑂 𑐮𑐵𑐟𑑂𑐨𑐶𑐫𑐵𑐫𑐵 𑐥𑑂𑐬𑐟𑐶 𑐰𑑂𑐫𑐎𑑂𑐟𑐶 𑐁𑐫 𑑒𑑐𑑐𑑘𑐫𑑂 𑐫𑐸𑐬𑑀𑐥𑐷𑐫 𑐳𑑄𑐑𑐫𑐵 𑑕𑑖% 𑐡𑐸।

𑐖𑑂𑐫𑐵𑐣𑐸𑐰𑐬𑐷 𑑒𑑐𑑐𑑙𑐂 𑐬𑐵𑐖𑐢𑐵𑐣𑐷 𑐬𑐷𑐐𑐵𑐫𑑂 𑐁𑐬𑑂𑐠𑐶𑐎 𑐳𑑄𑐎𑐚𑐫𑐵𑐟 𑐎𑐫𑐵 𑐡𑐒𑑂𑐐𑐵 𑐖𑐸𑐮 𑐐𑐸𑐎𑐶𑐮𑐶𑑄 𑐳𑐬𑐎𑐵𑐬𑐫𑐵 𑐎𑐛𑑀𑐬𑐟𑐵 𑐣𑐷𑐟𑐶𑐫𑐵 𑐰𑐶𑐬𑑀𑐢 𑐫𑐵𑐟। 𑐥𑑂𑐬𑐡𑐬𑑂𑐱𑐣𑐎𑐵𑐬𑐷𑐟𑐾𑐳𑑄 𑐳𑑄𑐳𑐡 𑐨𑑄𑐐 𑐫𑐵𑐫𑐾𑐐𑐸 𑐩𑐵𑐐 𑐟𑐮 𑐰 𑐬𑐵𑐲𑑂𑐚𑑂𑐬𑐥𑐟𑐶 𑐰𑐵𑐮𑑂𑐜𑐶𑐳 𑐫𑐵𑐚𑑂𑐮𑐬𑑂𑐳𑑄 𑐳𑐬𑐎𑐵𑐬𑐫𑐵𑐟 𑐣𑐵𑐐𑐬𑐶𑐎𑐟𑐾𑐐𑐸 𑐩𑐵𑑃𑐐 𑐥𑐹𑐩𑐰𑑄𑐳𑐵 𑐳𑐩𑐫𑐥𑐹𑐬𑑂𑐰 𑐴𑐾 𑐣𑐶𑐬𑑂𑐰𑐵𑐔𑐣 𑐫𑐵𑐎𑐶𑐐𑐸 𑐳𑐹𑐔𑑄 𑐧𑐶𑐫𑐵𑐡𑐶𑐮। 𑐳𑐬𑐎𑐵𑐬𑐫𑐵𑐟 𑐁𑐃𑐊𑐩𑐊𑐦𑑄 𑑗.𑑕 𑐀𑐬𑐧 𑐫𑐸𑐬𑑀 𑐥𑑂𑐬𑐵𑐥𑑂𑐟 𑐫𑐵𑐫𑐾𑐟 𑐟𑐮𑐧 𑐩𑑂𑐴𑑀 𑐫𑐵𑐫𑐾𑐩𑐵𑐮 𑐰 𑐎𑑀𑐳𑑀𑐨𑑀𑑄 𑐀𑐐𑐳𑑂𑐚 𑑒𑑐𑑐𑑙𑐂 𑐕𑐸𑑄 𑐳𑐿𑐣𑐶𑐎 𑐮𑐶𑐟𑐎𑐵𑐫𑐾𑐩𑐵𑐮।

𑐬𑐵𑐖𑐣𑐷𑐟𑐶

𑑑𑑐𑑐-𑐳𑐷𑐚 𑐡𑐹𑐐𑐸 𑐕𑐐𑐹 𑐟𑐴𑐫𑐵 𑐮𑐵𑐟𑑂𑐨𑐶𑐫𑐵𑐩𑐶 𑐳𑑄𑐳𑐡𑐫𑐵𑐟 𑐳𑐿𑐂𑐩𑐵 (Saeima ) 𑐢𑐵𑐂। 𑐣𑐶𑐬𑑂𑐰𑐵𑐔𑐣𑐡𑑂𑐰𑐵𑐬𑐵 𑐥𑑂𑐬𑐟𑐶 𑐥𑑂𑐫 𑐡𑑃𑐫𑑂 𑐥𑑂𑐬𑐟𑐶𑐣𑐶𑐢𑐶 𑐣𑐶𑐬𑑂𑐰𑐵𑐔𑐶𑐟 𑐖𑐸𑐂। 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐣𑐶𑐬𑑂𑐰𑐵𑐔𑐣 𑐳𑐿𑐂𑐩𑐵𑐡𑑂𑐰𑐵𑐬𑐵 𑐕𑐐𑐹 𑐩𑐾𑐐𑐸 𑐔𑐸𑐣𑐵𑐰𑐫𑑂 𑐖𑐸𑐂 𑐰 𑐠𑑂𑐰 𑐣𑑄 𑐥𑑂𑐬𑐟𑐶 𑐥𑑂𑐫𑐡𑑃𑐫𑑂 𑐖𑐸𑐂। 𑐬𑐵𑐲𑑂𑐚𑑂𑐬𑐥𑐟𑐶𑐡𑑂𑐰𑐵𑐬𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐶𑐫𑐸𑐎𑑂𑐟 𑐖𑐸𑐂, 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑑄 𑐠𑑅𑐐𑐸 𑐩𑐣𑑂𑐟𑑂𑐬𑐷𑐥𑐬𑐶𑐲𑐡 𑐣𑐵𑐥 𑐎𑐵𑐬𑑂𑐫𑐎𑐵𑐬𑐷 𑐱𑐵𑐏𑐵 𑐡𑐫𑐾𑐎𑐷 𑐐𑐸𑐎𑐶𑐫𑐵𑐟 𑐳𑐿𑐂𑐩𑐵𑐫𑐵 𑐰𑐶𑐱𑑂𑐰𑐵𑐳 𑐩𑐟 𑐩𑐵𑐮𑐶। 𑐠𑑂𑐰 𑐴𑐾 𑐳𑑄𑐳𑐡𑐷𑐫 𑐥𑑂𑐬𑐞𑐵𑐮𑐷 𑐣𑐶𑐎𑑂𑐰𑑅𑐐𑐸 𑐰𑐶𑐱𑑂𑐰 𑐫𑐸𑐡𑑂𑐢 𑐣𑑂𑐴𑑂𑐫𑑅 𑐣𑑄 𑐡𑐹𑐐𑐸 𑐏। 𑐳𑐬𑑂𑐰𑑀𑐔𑑂𑐔 𑐣𑐵𑐬𑐬𑐶𑐎 𑐳𑐾𑐰𑐎 𑑑𑑖𑐩𑑂𑐴 𑐬𑐵𑐖𑑂𑐫 𑐳𑐔𑐶𑐰 𑐖𑐸𑐂।

𑐮𑐵𑐟𑑂𑐨𑐶𑐫𑐵𑐫𑑂 𑑑𑑘 𑐡𑑃 𑐳𑑂𑐰𑐫𑐵 𑐔𑑂𑐰𑐾𑐫𑐵 𑐳𑐎𑐮 𑐮𑐵𑐟𑑂𑐨𑐶𑐫𑐵𑐩𑐶𑐟𑐾𑐳𑑄 𑐣𑐵𑐐𑐬𑐶𑐎 𑐳𑑄𑐳𑐡𑐷𑐫 𑐣𑐶𑐬𑑂𑐰𑐵𑐔𑐣𑐫𑑂 𑐩𑐟𑐡𑐵𑐣 𑐫𑐵𑐫𑐾𑐡𑐶।