छ्येलेमि:Eukesh/Auto/NepalScript/रस

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐬𑐳 𑐢𑐵𑑅𑐐𑐸 𑐎𑐵𑐰𑑂𑐫 𑐱𑐵𑐳𑑂𑐟𑑂𑐬𑐫𑑂 𑐨𑐵𑐰 𑐄𑐖𑑂𑐖𑐵𑐐𑐬 𑐫𑐵𑐫𑐾𑐐𑐸 𑐎𑐮𑐵𑐫𑐵 𑐨𑐵𑐐 𑐏। 𑐬𑐳, 𑐀𑐮𑐒𑑂𑐎𑐵𑐬 𑐰 𑐕𑐣𑑂𑐡 𑐕𑐸𑑄 𑐣𑑄 𑐎𑐵𑐰𑑂𑐫𑐫𑐵 𑐁𑐢𑐵𑐬𑐨𑐹𑐟 𑐱𑐶𑐮𑐵 𑐏। 𑐩𑐣𑐸𑐫𑐵 𑐣𑐸𑐐𑐮𑐫𑑂 𑐡𑐫𑐾𑐎𑐶𑐐𑐸 𑐠𑐷-𑐠𑐷 𑐨𑐵𑐰 𑐎𑐠𑑄 𑐬𑐳 𑐠𑐷-𑐠𑐷 𑐥𑑂𑐬𑐎𑐵𑐬𑐫𑐵 𑐖𑐸𑐂। 𑐣𑐵𑐚𑑂𑐫 𑐱𑐵𑐳𑑂𑐟𑑂𑐬𑐩𑑂 𑐢𑐵𑑅𑐐𑐸 𑐥𑑂𑐬𑐵𑐔𑐷𑐣 𑐳𑑄𑐳𑑂𑐎𑐺𑐟 𑐐𑑂𑐬𑐣𑑂𑐠𑐫𑑂 𑐬𑐳𑐟𑐫𑐾𑐐𑐸 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐡𑐸। 𑐄𑐎𑐶𑐮𑐶 𑑘𑐟𑐵 𑐬𑐳 𑐰𑐬𑑂𑐞𑐶𑐟 𑐡𑐸। 𑐮𑐶𑐥𑐵 𑐠𑐸𑐎𑐶𑐮𑐶 𑑑𑐟𑐵 𑐬𑐳 𑐟𑐣𑐵 𑐡𑐫𑐾𑐎𑐹𑐐𑐸 𑐣𑐰𑐬𑐳 𑐢𑐵𑑅𑐐𑐸 𑐏𑑃𑐐𑑂𑐰𑑅 𑐳𑐶𑐎𑑂𑐎 𑐴𑐾 𑐥𑑂𑐬𑐳𑐶𑐡𑑂𑐢 𑐖𑐸𑐮। 𑐠𑐸𑐎𑐶𑐮𑐶 𑐮𑐶𑐥𑐵 𑐩𑐾𑐩𑐾𑐐𑐸 𑐬𑐳 𑐟𑐫𑐾𑐐𑐸 𑐖𑑂𑐫𑐵 𑐢𑐵𑑅𑐳𑐵 𑐖𑐸𑐫𑐵 𑐴𑐾 𑐔𑑂𑐰𑐣।

𑐏𑑃𑐐𑑂𑐰𑑅𑐫𑐵𑐐𑐸 𑐄𑐟𑑂𑐥𑐟𑑂𑐟𑐶 𑐰 𑐕𑑂𑐫𑐾𑐮𑐾𑐖𑑂𑐫𑐵

𑐄𑐟𑑂𑐥𑐟𑑂𑐟𑐶 𑐰 𑐰𑐶𑐎𑐵𑐳

𑐠𑑂𑐰 𑐏𑑃𑐐𑑂𑐰𑐫𑐵𑐐𑐸 𑐕𑑂𑐫𑐾𑐮𑐾𑐖𑑂𑐫𑐵 𑐡𑐎𑑂𑐮𑐾 𑐣𑑂𑐴𑑂𑐫 𑐳𑑄𑐳𑑂𑐎𑐺𑐟𑐫𑑂 𑐖𑐸𑐐𑐸 𑐏। 𑐮𑐶𑐥𑐵 𑐠𑑂𑐰 𑐏𑑃𑐐𑑂𑐰𑐫𑐵𑐐𑐸 𑐟𑐟𑑂𑐳𑐩 𑐏𑑃𑐐𑑂𑐰𑐫𑐵 𑐬𑐸𑐥𑐾 𑐫𑐎𑑂𑐰 𑐨𑐵𑐳𑐾, 𑐫𑐎𑑂𑐰 𑐎𑐠𑐮𑑄 𑐕𑑂𑐫𑐾𑐮𑐾𑐖𑑂𑐫𑐵 𑐖𑐸𑐮।

𑐕𑑂𑐫𑐾𑐮𑐾𑐖𑑂𑐫𑐵

𑐠𑑂𑐰 𑐏𑑃𑐐𑑂𑐰𑐫𑐵𑐐𑐸 𑐕𑑂𑐫𑐾𑐮𑐾𑐖𑑂𑐫𑐵 𑐳𑑄𑐳𑑂𑐎𑐺𑐟𑐫𑑂 𑐰 𑐳𑑄𑐳𑑂𑐎𑐺𑐟 𑐣𑐵𑐥 𑐳𑑂𑐰𑐵𑐥𑐹 𑐡𑐸𑐐𑐸 𑐰 𑐳𑑄𑐳𑑂𑐎𑐺𑐟 𑐣𑑄 𑐧𑐸𑐫𑐵 𑐰𑐐𑐸 𑐨𑐵𑐲𑐾 𑐖𑐸𑐐𑐸 𑐏𑐣𑐾 𑐡𑐸।

𑐬𑐳𑐫𑐵 𑐥𑑂𑐬𑐎𑐵𑐬

𑐨𑐬𑐟𑐩𑐸𑐣𑐶𑐫𑐵 𑐣𑐵𑑄𑐖𑐵𑑅𑐐𑐸 𑐳𑐦𑐹 𑐣𑐵𑐚𑑂𑐫𑐱𑐵𑐳𑑂𑐟𑑂𑐬𑐩𑑂𑐫𑑂 𑑘𑐟𑐵 𑐬𑐳𑐟𑐫𑐾𑐐𑐸 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐡𑐸। 𑐠𑑂𑐰 𑐳𑐦𑐹 𑑒𑑐𑑐 𑐃𑐥𑐹 𑐣𑐶𑐳𑐾𑑄 𑑒𑑐𑑐 𑐂𑐳𑑄𑐫𑐵 𑐡𑐸𑐣𑐾 𑐔𑑂𑐰𑑅𑐐𑐸 𑐀𑐣𑐸𑐩𑐵𑐣 𑐡𑐸। 𑐣𑐵𑐚𑑂𑐫𑐱𑐵𑐳𑑂𑐟𑑂𑐬 𑐀𑐣𑐸𑐳𑐵𑐬 𑐳𑐎𑐮 𑐬𑐳𑐟𑐫𑐾𑐐𑐸 𑐠𑑅𑐠𑑅𑐐𑐸 𑐡𑑂𑐫𑑅 𑐰 𑐬𑑄𑐐 𑐡𑐸। 𑐠𑑂𑐰 𑐳𑐦𑐹 𑐎𑐠𑑄 𑑔 𑐖𑐸 𑐬𑐳 𑐡𑐸। 𑐡𑐳𑐸-𑐴𑐵𑐳𑑂𑐫 𑐬𑐳 𑐱𑐺𑐒𑑂𑐐𑐵𑐬 𑐬𑐳𑑄 𑐥𑐶𑐴𑐵𑑄𑐰𑐂। 𑐐𑑂𑐫𑐵𑐣𑐵 𑐔𑑂𑐰𑑄𑐩𑑂𑐴 (𑐨𑐫𑐩𑑂 𑐨𑐵𑐰) 𑐩𑐣𑐸𑐫𑐵 𑐬𑑄𑐐 𑐴𑐵𑐎𑐸 𑐖𑐸𑐂 𑐢𑐵𑑅𑐳𑐵 𑐟𑑄 𑐔𑐵𑐫𑐵𑐔𑑂𑐰𑑄𑐩𑑂𑐴 𑐩𑐣𑐸𑐫𑐵 𑐬𑑄𑐐 𑐴𑑂𑐫𑐵𑑅𑐐𑐸 𑐖𑐸𑐂। 𑐨𑐬𑐟𑐩𑐸𑐣𑐶𑑄 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮

• 𑐱𑐺𑐒𑑂𑐐𑐵𑐬 𑐬𑐳 (𑐬𑐟𑐶 𑐨𑐵𑐰, 𑐣𑐵𑐬𑐵𑐫𑐞 𑐡𑑂𑐫𑑅, 𑐴𑐮𑑂𑐎𑐵 𑐰𑐵𑑄𑐐𑐸 𑐬𑑄𑐐)
• 𑐴𑐵𑐳𑑂𑐫 𑐬𑐳 (𑐴𑐵𑐳𑑅 𑐨𑐵𑐰, 𑐥𑑂𑐬𑐩𑐵𑐟 𑐡𑑂𑐫𑑅, 𑐟𑐸𑐫𑐸 𑐬𑑄𑐐)
• 𑐬𑑁𑐡𑑂𑐬 𑐬𑐳 (𑐎𑑂𑐬𑑀𑐢 𑐨𑐵𑐰, 𑐬𑐸𑐡𑑂𑐬 𑐡𑑂𑐫𑑅, 𑐴𑑂𑐫𑐵𑑄𑐐𑐸 𑐬𑑄𑐐)
• 𑐎𑐬𑐸𑐞 𑐬𑐳 (𑐱𑑀𑐎𑑅 𑐨𑐵𑐰, 𑐫𑐩 𑐡𑑂𑐫𑑅, 𑐏𑐬𑐵𑐣𑐷 𑐬𑑄𑐐)
• 𑐧𑐷𑐨𑐟𑑂𑐳 𑐬𑐳 (𑐖𑐸𑐐𑐸𑐥𑑂𑐳𑐵 𑐨𑐵𑐰, 𑐩𑐴𑐵𑐡𑑂𑐫𑑅 𑐡𑑂𑐫𑑅, 𑐰𑐔𑐸 𑐬𑑄𑐐)
• 𑐨𑐫𑐵𑐣𑐎 𑐬𑐳 (𑐨𑐫𑐩𑑂 𑐨𑐵𑐰, 𑐎𑐵𑐮 𑐡𑑂𑐫𑑅, 𑐴𑐵𑐎𑐸 𑐬𑑄𑐐)
• 𑐰𑐷𑐬 𑐬𑐳 (𑐄𑐟𑑂𑐳𑐵𑐴 𑐨𑐵𑐰, 𑐂𑐣𑑂𑐡𑑂𑐬 𑐡𑑂𑐫𑑅, 𑐩𑑂𑐴𑐵𑐳𑐸𑐳𑐾 𑐬𑑄𑐐)
• 𑐀𑐡𑑂𑐨𑐸𑐟 𑐬𑐳 (𑐰𑐶𑐳𑑂𑐩𑐫𑑅 𑐨𑐵𑐰, 𑐧𑑂𑐬𑐴𑑂𑐩𑐵 𑐡𑑂𑐫𑑅, 𑐩𑑂𑐴𑐵𑐳𑐸 𑐬𑑄𑐐)

𑐣𑐰𑐬𑐳

𑐠𑑂𑐰 𑑘𑐟𑐵 𑐩𑐹 𑐬𑐳𑐫𑑂 𑐮𑐶𑐥𑐵 𑐱𑐵𑐣𑑂𑐟 𑐬𑐳 𑐟𑐣𑐵 𑐣𑐰𑐬𑐳 𑐡𑐫𑐵𑐰𑐮। 𑐠𑑂𑐰 𑐬𑐳 𑑖 𑐣𑐶𑐳𑐾𑑄 𑑑𑑐𑐐𑐸 𑐱𑐟𑐵𑐧𑑂𑐡𑐷𑐟𑐎𑑂𑐎 𑐟𑐫𑐾𑐐𑐸 𑐎𑐶 𑐩𑐟𑐫𑐾𑐐𑐸 𑐢𑐎𑐵 𑐰𑐶𑐰𑐵𑐡 𑐖𑐹𑐐𑐸 𑐏𑐣𑐾𑐡𑐸। 𑐮𑐶𑐥𑐵, 𑐠𑑂𑐰 𑐬𑐳 𑐟𑐣𑐵 𑐣𑐰𑐬𑐳 𑐡𑐫𑐵𑐰𑐮। 𑐠𑑂𑐰 𑐬𑐳𑐫𑐵 𑐰𑐶𑐰𑐬𑐞 𑐠𑑂𑐰 𑐎𑐠𑑄 𑐡𑐸-

• 𑐱𑐵𑐣𑑂𑐟 𑐬𑐳 (𑐱𑐵𑐣𑑂𑐟 𑐨𑐵𑐰, 𑐰𑐶𑐲𑑂𑐞𑐸 𑐡𑑂𑐫𑑅, 𑐟𑐸𑐫𑐸 𑐬𑑄𑐐)

𑐠𑑂𑐰 𑐬𑐳𑐫𑐵𑐟 𑐀𑐨𑐶𑐣𑐰𑐐𑐸𑐥𑑂𑐟𑑄 𑐩𑐾𑐩𑐾𑐐𑐸 𑐬𑐳 𑐳𑑂𑐰𑐵𑐂𑐐𑐸 𑐳𑐸𑐎𑐵𑐫𑐵 𑐬𑐸𑐥𑐫𑑂 𑐰𑐬𑑂𑐞𑐣 𑐫𑐵𑐣𑐵𑐡𑐶𑐐𑐸 𑐡𑐸।

𑐩𑐾𑐩𑐾𑐐𑐸 𑐬𑐳

𑐣𑐰𑐬𑐳𑐫𑑂 𑐮𑐶𑐥𑐵 𑐩𑐾𑐩𑐾𑐐𑐸 𑐬𑐳 𑐣𑑄 𑐟𑐣𑐾𑐩𑐵𑑅𑐐𑐸 𑐰𑐶𑐔𑐵𑑅 𑐰𑐮। 𑐠𑐸𑐎𑐶𑐮𑐶 𑐩𑐹 𑐬𑐳 𑐠𑑂𑐰 𑐎𑐠𑑄 𑐡𑐸-

• 𑐰𑐵𑐟𑑂𑐳𑐮𑑂𑐫 𑐬𑐳 (𑐰𑐵𑐟𑑂𑐳𑐮𑑂𑐫 𑐨𑐵𑐰, 𑐩𑐵𑑄-𑐀𑐧𑐸𑐫𑐵 𑐩𑐟𑐶𑐣𑐵)
• 𑐨𑐎𑑂𑐟𑐶 𑐬𑐳 (𑐨𑐎𑑂𑐟𑐶 𑐨𑐵𑐰)

𑐳𑑂𑐰𑐫𑐵𑐡𑐶𑐳𑑃

• 𑐨𑐵𑐰