छ्येलेमि:Eukesh/Auto/NepalScript/रञ्जितकार
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐬𑐘𑑂𑐖𑐶𑐟𑐎𑐵𑐬 (𑐬𑐘𑑂𑐖𑐶𑐟 𑐰𑐵 𑐕𑐶𑐥𑐵) 𑐣𑐾𑐰𑐵𑑅 𑐖𑐵𑐟𑐶 𑐡𑐸𑐣𑐾𑐫𑐵 𑐕𑐐𑐹 𑐄𑐥𑐖𑐵𑐟𑐶 𑐏𑑅। 𑐣𑐾𑐥𑐵𑑅𑐫𑑂 𑐬𑐵𑐖𑐟𑐣𑑂𑐟𑑂𑐬 𑐡𑐸𑐧𑐶𑐮𑐾 𑐖𑐸𑐖𑐸𑐫𑐵 𑐱𑑂𑐬𑐷𑐥𑐾𑐔𑐫𑑂 𑐧𑐸𑐚𑑂𑐚𑐵 𑐟𑐫𑐵𑑅 𑐗𑑅𑐗𑑅 𑐢𑐵𑐫𑑂𑐎𑐾𑐐𑐸 𑐖𑑂𑐫𑐵 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐫𑐵𑐣𑐵𑑅 𑐰𑑅𑐐𑐸 𑐏𑑅। [१] 𑐖𑐸𑐖𑐸𑐫𑐵 𑐳𑐶𑑄𑐴𑐵𑐳𑐣𑐫𑑂 𑐔𑑂𑐰𑐣𑐶𑐐𑐸 𑐩𑐏𑐩𑐮𑐾 𑐧𑐸𑐚𑑂𑐚𑐵 𑐟𑐫𑑂𑐐𑐸 𑐖𑑂𑐫𑐵 𑐣𑑄 𑐬𑐘𑑂𑐖𑐶𑐟𑐎𑐵𑐬𑐟𑐳𑐾𑑄 𑐫𑐵𑐣𑐵 𑐰𑑅𑐐𑐸 𑐏𑑅 । [१] 𑐠𑑂𑐰 𑐖𑐵𑐟𑐶𑐫𑐵 𑐥𑐬𑐩𑑂𑐥𑐬𑐵𑐐𑐟 𑐖𑑂𑐫𑐵 𑐬𑐒𑑂𑐐𑐣𑐵𑐥 𑐳𑑂𑐰𑐵। 𑐣𑑂𑐴𑐵𑐥𑐵 𑐣𑑂𑐴𑐵𑐥𑐵𑐳𑐵 𑐦𑐸𑐎𑑂𑐎𑐾𑐳𑐶𑐣𑑄 𑐬𑐘𑑂𑐖𑐶𑐟𑐎𑐵𑐬 𑐴𑐾 𑐔𑑂𑐰𑐂𑐐𑐸 𑐏𑑅, 𑐮𑐶𑐥𑐵 𑐖𑐹 𑐮𑐶𑐳𑐾 𑐐𑐸𑐩𑑂𑐴 𑐐𑐸𑐩𑑂𑐴 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐠𑑅𑐐𑐸 𑐖𑐵𑐟 𑐕𑑀𑐚𑐎𑐬𑐷𑑄 𑐬𑐘𑑂𑐖𑐶𑐟 𑐖𑐎 𑐔𑑂𑐰𑐫𑑂𑐐𑐸 𑐫𑐵𑐣𑐵 𑐴𑐮। [१] 𑐬𑐘𑑂𑐖𑐶𑐟 𑐀𑐠𑐰𑐵 𑐬𑐘𑑂𑐖𑐶𑐟𑐎𑐵𑐬 𑐢𑐿𑐥𑐶𑑄 𑐖𑐜𑐶𑐧𑐸𑐚𑐶𑑄 𑐟𑐹𑐫𑐸𑐐𑐸 𑐎𑐵𑐥𑐟𑐫𑑂 𑐬𑑄𑐐 𑐕𑐶𑐂𑐥𑐶𑑄 𑐖𑐵𑐟 𑐏𑑅। 𑐥𑑂𑐬𑐵𑐎𑐺𑐟𑐶𑐎 𑐖𑐜𑐶𑐧𑐸𑐚𑐷 𑐡𑐫𑑂𑐎𑐷𑐐𑐸 𑐬𑐒𑑂𑐐 𑐰𑐵𑐳𑑅 𑐣𑑄 𑐮𑐐𑐾 𑐖𑐹 । 𑐠𑑂𑐰 𑐬𑐒𑑂𑐐 𑐑𑐵𑑅 𑐮𑐵𑐫𑑂𑐎𑐾𑐐𑐸 𑐰𑐵𑐳𑑅𑐎𑐠𑑄 𑐣𑑄 𑐕𑑂𑐫𑐮𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅।[१]
𑐣𑐵𑐩𑐵𑐎𑐬𑐞
[edit source]𑐬𑐘𑑂𑐖𑐶𑐟 𑐢𑐿𑐐𑐸 𑐱𑐧𑑂𑐡 𑐬𑐘𑑂𑐖𑐣 𑐱𑐧𑑂𑐡𑑄 𑐰𑑅𑐐𑐸 𑐏𑑅 𑐐𑐸𑐎𑐶𑐫𑐵 𑐀𑐬𑑂𑐠 𑐩𑐣𑑀𑐬𑐘𑑂𑐖𑐣 𑐏𑑅। [१] 𑐖𑐫𑐳𑑂𑐠𑐶𑐟𑐶 𑐩𑐮𑑂𑐮𑐫𑐵𑐐𑐸 𑐖𑐵𑐟𑐶 𑐰𑐶𑐨𑐵𑐖𑐣 𑐎𑐠𑑄 𑐬𑐘𑑂𑐖𑐶𑐟𑐎𑐵𑐬𑐟 𑑔𑑔 𑐍𑑄 𑐖𑐵𑐟𑐶 𑐮𑐵𑑅𑐐𑐸 𑐡𑐸 । 𑐬𑐘𑑂𑐖𑐶𑐟 𑐢𑐿𑐐𑐸 𑐏𑑃𑐐𑑂𑐰𑑅 𑐬𑑄𑐖𑐎, 𑐬𑐘𑑂𑐖𑐶𑐟 𑐖𑐸𑐫𑐵 𑐰𑑅𑐐𑐸 𑐡𑐸। [२] 𑐎𑐵𑐥𑐟𑐫𑑂 𑐬𑑄𑐐 𑐕𑐶𑐟, 𑐣𑐶𑐨𑐵𑐮𑐫𑑂 𑐥𑐵𑐫𑐾𑐐𑐸 𑐖𑑂𑐫𑐵 𑐰𑐵 𑐕𑐶𑐟 𑐀𑐮𑐾 𑐥𑐵𑐟 𑐣𑐶𑐐𑐹 𑐏𑑃𑐐𑑂𑐰𑑅 𑐳𑑂𑐰𑐵𑐣𑐵 𑐕𑐶𑐥𑐵 𑐏𑑃𑐐𑑂𑐰𑑅 𑐥𑐮𑐶𑐳𑑂𑐠𑐵 𑐖𑐹𑐐𑐸 𑐢𑐵𑑅𑐥𑐸 𑐡𑐸।
𑐖𑐣𑐳𑑄𑐏𑑂𑐫𑐵
[edit source]𑐰𑐶.𑐳𑑄. 𑑒𑑐𑑕𑑘 𑐳𑐵𑐮𑐫𑑂 𑐣𑐾𑐰𑐵𑑅 𑐡𑐸𑐣𑐾𑐫𑐵 𑐠𑐷𑐠𑐷 𑐖𑐵𑐟𑐶𑐫𑐵 𑐮𑑂𑐫𑐵𑑅 𑐀𑐣𑐸𑐳𑐵𑐬 𑐬𑐘𑑂𑐖𑐶𑐟𑐎𑐵𑐬 𑐖𑐵𑐟𑐶 𑐩𑐸𑐎𑑂𑐎𑑄 𑐣𑐾𑐰𑐵𑑅𑐟 𑐩𑐢𑑂𑐫𑐾 𑑑.𑑒 𑐥𑑂𑐬𑐟𑐶𑐱𑐟 𑐀𑐮𑐾 𑐖𑐣𑐳𑑄𑐏𑑂𑐫𑐵 𑑑𑑔𑑙𑑔𑑓 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐏𑑅। [३] 𑐫𑐾𑑃𑐫𑑂 𑐩𑐖𑐶𑐥𑐵𑐟𑐫𑐵 𑐖𑑅𑐏𑑅𑐳𑑄 𑐰𑐜𑐵 𑐣𑑄. 𑑒𑑐, 𑑒𑑑 𑐰 𑑒𑑓 𑐰𑐜𑐵𑐫𑑂 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐐𑐸 𑐩𑐹 𑐰𑐳𑑂𑐟𑐶 𑐡𑐸 । 𑐳𑑂𑐰𑑄𑐐𑐹 𑐰𑐜𑐵𑐫𑐵 𑐩𑐸𑐎𑑂𑐎 𑐣𑐾𑐰𑐵𑑅𑐟𑐫𑑂𑐐𑐸 𑐮𑑂𑐫𑐵𑑅 (𑐖𑐣𑐳𑑄𑐏𑑂𑐫𑐵) 𑐩𑐢𑑂𑐫𑐾 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐐𑐸 𑐮𑑂𑐫𑐵𑑅 𑑓.𑑒𑑗 𑐥𑑂𑐬𑐟𑐶𑐱𑐟 𑐡𑐸 । [१] 𑐰𑐶.𑐳𑑄. 𑑒𑑐𑑕𑑘 (𑐣𑐾.𑐳𑑄𑑄 𑑑𑑑𑑒𑑐 𑐳 𑐫𑐵𑑅𑐐𑐸 𑐕𑐐𑐹 𑐀𑐢𑑂𑐫𑐫𑐣𑐎𑐠𑑄 𑐠𑑂𑐰 𑐳𑑂𑐰𑑄𑐐𑐸 𑐰𑐜𑐵𑐫𑐵 𑐖𑐣𑐳𑑄𑐏𑑂𑐫𑐵 𑐮𑑂𑐫𑐵𑑅 𑑑𑑑𑑓𑑖 𑐡𑐸 ।[१] 𑐏𑑂𑐰𑐥𑐫𑑂 𑐐𑑀𑐮𑐩𑐝𑐷, 𑐨𑑀𑑄𑐟𑐫𑑂 𑐡𑐕𑐸 𑐚𑑀𑐮 𑐀𑐮𑐾 𑐥𑑀𑐏𑐬𑐵𑐫𑑂 𑐩𑐴𑐾𑐣𑑂𑐡𑑂𑐬𑐥𑐸𑐮, 𑐬𑐵𑐣𑐷𑐥𑑁𑐰𑐵𑐫𑑂 𑐬𑐵𑐩𑐧𑐖𑐵𑐬𑐫𑑂 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐐𑐸 𑐑𑐣𑐵 𑐰𑐳𑑂𑐟𑐶 𑐡𑐸। 𑐬𑐘𑑂𑐖𑐶𑐟𑐎𑐵𑐬 𑐣𑐾𑐥𑐵𑑅 𑐡𑐸𑐣𑐾 𑐫𑐾𑑃 𑐖𑐶𑐮𑑂𑐮𑐵𑐫𑑂 𑐫𑐾𑑃 𑐩𑐴𑐵𑐣𑐐𑐬, 𑐫𑐮, 𑐳𑐵𑐏𑐸, 𑐏𑑂𑐰𑐥, 𑐎𑐵𑐨𑑂𑐬𑐾 𑐖𑐶𑐮𑑂𑐮𑐵𑐫𑑂 𑐨𑑀𑑄𑐟 𑐣𑐐𑐬, 𑐥𑐣𑑁𑐟𑐷, 𑐢𑐸𑐮𑐶𑐏𑐾𑐮, 𑐎𑐵𑐳𑑂𑐎𑐷 𑐖𑐶𑐮𑑂𑐮𑐵𑐫𑑂 𑐥𑑀𑐏𑐬𑐵, 𑐩𑐎𑐰𑐵𑐣𑐥𑐸𑐬𑐫𑑂 𑐴𑐾𑐚𑑁𑐜𑐵, 𑐩𑑀𑐬𑐒 𑐖𑐶𑐮𑑂𑐮𑐵𑐫𑑂 𑐰𑐶𑐬𑐵𑐚𑐣𑐐𑐬, 𑐢𑐬𑐵𑐣, 𑐢𑐵𑐡𑐶𑐒 𑐖𑐶𑐮𑑂𑐮𑐵𑐫𑑂 𑐣𑑁𑐰𑐶𑐳𑐾, 𑐣𑐸𑐰𑐵𑐎𑑀𑐚 𑐖𑐶𑐮𑑂𑐮𑐵𑐫𑑂 𑐟𑑂𑐬𑐶𑐳𑐸𑐮𑐷, 𑐥𑐬𑑂𑐳𑐵 𑐖𑐶𑐮𑑂𑐮𑐵𑐫𑑂 𑐰𑐷𑐬𑐐𑐘𑑂𑐖, 𑐳𑐸𑐣𑐳𑐬𑐷, 𑐳𑐬𑑂𑐮𑐵𑐴𑐷 𑐖𑐶𑐮𑑂𑐮𑐵𑐫𑑂 𑐩𑐮𑑄𑐐𑐰𑐵, 𑐂𑐮𑐵𑐩, 𑐗𑐵𑐥𑐵, 𑐬𑐸𑐥𑐣𑑂𑐡𑐾𑐴𑐷, 𑐂𑐣𑐬𑐸𑐰𑐵, 𑐳𑐶𑐣𑑂𑐢𑐸𑐥𑐵𑐮𑑂𑐔𑑀𑐎𑐫𑑂 𑐧𑐵𑐴𑑂𑐬𑐧𑐶𑐳𑐾, 𑐧𑐵𑑄𑐎𑐾𑐫𑑂 𑐣𑐾𑐥𑐵𑐮𑐐𑐘𑑂𑐖, 𑐳𑐸𑐬𑑂𑐏𑐾𑐟, 𑐳𑐶𑐣𑑂𑐢𑐸𑐮𑐷, 𑐬𑐵𑐩𑐾𑐕𑐵𑐥, 𑐔𑐶𑐟𑐰𑐣 𑐖𑐶𑐮𑑂𑐮𑐵𑐫𑑂 𑐣𑐵𑐬𑐵𑐫𑐞𑐑𑐵𑐚, 𑐡𑐵𑐒 𑐁𑐡𑐶 𑐠𑐵𑐳𑐫𑑂 𑐧𑐳𑑀𑐰𑐵𑐳 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸।[१] 𑐠𑑂𑐰 𑐧𑐵𑐴𑐾𑐎 𑐴𑐮𑐶𑐩𑐫𑑂 𑐳𑑄 𑐬𑐵 𑐀𑐩𑐾𑐬𑐶𑐎𑐵, 𑐎𑑂𑐫𑐵𑐣𑐵𑐜𑐵, 𑐧𑐾𑐮𑐵𑐫, 𑐀𑐳𑑂𑐚𑑂𑐬𑐾𑐮𑐶𑐫𑐵, 𑐣𑑂𑐫𑐹𑐖𑐶𑐮𑑂𑐫𑐵𑐞𑑂𑐜 𑐠𑐵𑐫𑑂𑐠𑐵𑐳𑐫𑑂 𑐬𑐘𑑂𑐖𑐶𑐟𑐎𑐵𑐬𑐟 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸 ।
𑐖𑑂𑐫𑐵
[edit source]𑐬𑐘𑑂𑐖𑐶𑐟𑐎𑐵𑐬 𑐖𑐵𑐟𑐶𑐫𑐵𑐐𑐸 𑐮𑐖𑐐𑐵𑑅 𑐢𑐿𑐐𑐸 𑐥𑑂𑐬𑐵𑐎𑐺𑐟𑐶𑐎 𑐖𑐜𑐶𑐧𑐸𑐚𑐷 (𑐴𑐮𑑅, 𑐴𑐠𑑄 𑐢𑐵𑐮𑐾𑐏𑑀𑐮𑐵) 𑐕𑑂𑐫𑐮𑐵 𑐬𑐒𑑂𑐐 𑐡𑐫𑑂𑐎𑐾𑐐𑐸 𑐀𑐮𑐾 𑐰 𑐬𑐒 𑐎𑐵𑐥𑐟𑐫𑑂 𑐕𑐶𑐂𑐐𑐸 𑐏𑑅।[१] 𑐠𑑂𑐰 𑐖𑐜𑐶𑐧𑐸𑐚𑐷 𑐟𑐵𑐩𑐵𑐒𑐟𑐫𑑂𑐳𑑄 𑐴𑐂𑐐𑐸 𑐏𑑅। 𑐟𑐸𑐫𑐹𑐐𑐸 𑐎𑐵𑐥𑑅 𑐮𑐏𑐫𑑂 𑐦𑑂𑐰𑐫𑐵 𑐩𑑂𑐰𑑀 𑐔𑐵𑐫𑐵 𑐕𑑂𑐰𑐫𑑂 𑐢𑐸𑑄𑐎𑐵𑑅 𑐣𑐶𑐨𑐵𑐮𑐫𑑂 𑐥𑐵𑐂 । 𑐠𑑂𑐰 𑐰𑐳𑐶𑐑𑑅𑐫𑐵 𑐖𑑂𑐫𑐵 𑐏𑐵𑐳 𑐫𑐵𑐣𑐵𑑅 𑐩𑐶𑐳𑑂𑐟𑐫𑑂𑐳𑑄 𑐖𑐎 𑐫𑐵𑐂𑐐𑐸 𑐏𑑅𑐳𑐵 𑐎𑐵𑐥𑐟𑐫𑑂 𑐦𑑂𑐰 𑐟𑐫𑐾𑐐𑐸 𑐖𑑂𑐫𑐵 𑐰𑐶𑐱𑐾𑐲 𑐫𑐵𑐣𑐵 𑐩𑐶𑐖𑑄𑐟𑐫𑑂𑐳𑑄 𑐫𑐵𑐂। 𑐎𑐵𑐥𑐟𑐫𑑂 𑐬𑐒 𑐕𑐶𑐣𑐵𑑅 𑐴𑐵𑐎𑐣𑑄 𑐣𑐶𑐨𑐵𑐮𑐫𑑂 𑐥𑐵𑐂 । 𑐰𑐫𑐵𑑄 𑐮𑐶𑐥𑐵 𑐠𑐷𑐠𑐷 𑐧𑐸𑐟𑑂𑐟𑐵 𑐎𑐶𑐫𑐵𑐟𑑅𑐐𑐸 𑐳𑐶𑑄𑐦𑑂𑐰𑑅 𑐬𑑄𑐐𑐫𑑂 𑐠𑐸𑐣𑐵 𑐎𑐵𑐥𑐟𑐫𑑂 𑐦𑑂𑐰𑑅 𑐟𑐫𑑂𑐐𑐸 𑐖𑑂𑐫𑐵 𑐖𑐸𑐂 । 𑐥𑐟𑐵𑐳𑐷 𑐬𑐒 𑐕𑐶𑐣𑐵 𑐠𑐷𑐠𑐷 𑐧𑐸𑐟𑑂𑐟𑐵 𑐟𑐫𑑂𑐢𑐸𑑄𑐎𑐵𑑅 𑐕𑐐𑐹 𑐥𑑂𑐬𑐎𑐵𑐬𑐫𑐵𑐐𑐸 𑐐𑑂𑐰𑐮𑐵𑐐𑐸 𑐳𑐶𑑄𑐩𑐸𑐐𑑅 𑐣𑑄 𑐎𑐵𑐥𑑅𑐫𑐵𑐟 𑐡𑐵𑐫𑐵 𑐥𑐶𑐔𑑂𑐔𑐸𑐎𑐾𑐐𑐸 𑐖𑑂𑐫𑐵𑑅 𑐖𑐸𑐂। [१] 𑐣𑑂𑐴𑐵𑐥𑐵 𑐣𑑂𑐴𑐵𑐥𑐵 𑐢𑐵𑐬𑑂𑐩𑐶𑐎 𑐄𑐟𑑂𑐳𑐰𑐾 𑐀𑐠𑐰𑐵 𑐍𑐥𑐔𑐵𑐬𑐶𑐎 𑐬𑐸𑐥𑑄 𑐖𑐸𑐖𑐸𑐫𑐵 𑐳𑐰𑐵𑐬𑐷 𑐖𑐸𑐂𑐧𑐮𑐾 𑐠𑐷𑐠𑐷 𑐬𑐒𑐫𑐵 𑐳𑑂𑐰𑐎𑐸𑑄𑐮𑐵𑑅𑐐𑐸 𑐢𑑂𑐰𑐵𑑃𑐫𑑂 𑐟𑑀𑐬𑐣 𑐬𑐒 𑐕𑐶𑐂𑐐𑐸 𑐀𑐮𑐾 𑐧𑑂𑐰𑐫𑑂𑐎𑐾𑐐𑐸 𑐖𑑂𑐫𑐵 𑐣𑑄 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐫𑐵𑐣𑐵 𑐰𑐂𑐔𑑂𑐰𑑄𑐐𑐸 𑐏𑑅। [१] 𑐣𑐾𑐥𑐵𑑅 𑐡𑐾𑐫𑑂𑐫𑐵 𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐎𑐸𑑄𑐮𑐵𑑅𑐐𑐸 𑐢𑑂𑐰𑐵𑑃𑐫𑑂𑐮𑐫𑑂 𑐬𑐒 𑐕𑐶𑐂𑐐𑐸 𑐖𑑂𑐫𑐵 𑐫𑐵𑐣𑐵𑑅 𑐰𑑅𑐥𑐶𑑄 𑐖𑐵𑐟𑐶 𑐠𑑂𑐰 𑐴𑐾 𑐏𑑅। 𑐠𑑂𑐰 𑐧𑐵𑐴𑐾𑐎 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐳𑐔𑐶𑐎𑐵 𑐡𑐫𑑂𑐎𑐾𑐐𑐸, 𑐎𑐵𑐬𑑂𑐔𑑀𑐥 𑐨𑐬𑐾 𑐫𑐵𑐫𑑂𑐐𑐸, 𑐔𑐸𑐬𑐵 𑐥𑐳𑑅 𑐟𑐫𑐾𑐐𑐸, 𑐳𑐔𑐶𑐎𑐵 𑐡𑐫𑑂𑐎𑐾𑐐𑐸, 𑐳𑐟𑐵𑐣𑐷 (𑐥𑑂𑐬𑐵𑐎𑐺𑐟𑐶𑐎 𑐳𑑄 𑐩𑐸𑐣𑐵) 𑐡𑐫𑑂𑐎𑐾𑐐𑐸, 𑐧𑐵𑐬𑐮𑐵 𑐨𑐬𑐾 𑐫𑐵𑐫𑐾𑐐𑐸, 𑐔𑐸𑐣𑑂𑐣𑐬𑐷 𑐕𑐶𑐂𑐐𑐸 𑐖𑑂𑐫𑐵 𑐣𑑄 𑐫𑐵𑐣𑐵 𑐰𑑅𑐐𑐸 𑐏𑑅। [१] 𑐖𑐸𑐖𑐸𑐫𑐵 𑐱𑑂𑐬𑐷𑐥𑐾𑐔𑐫𑑂 𑐧𑐸𑐚𑑂𑐚𑐵 𑐨𑐬𑐾 𑐫𑐵𑐫𑑂𑐐𑐸 𑐖𑑂𑐫𑐵 𑐣𑐾𑐥𑐵𑑅𑐫𑐵 𑐱𑐵𑐴𑐎𑐵𑐮 𑐡𑐔𑑂𑐕𑐶 𑐬𑐘𑑂𑐖𑐶𑐟𑐎𑐵𑐬𑐟𑐳𑐾𑑄 𑐴𑐾 𑐫𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐏𑑅।[१] 𑐎𑐵𑐥𑑅 𑐮𑐵𑐎𑑂𑐩𑐫𑑂 𑐧𑐵𑐬𑑂𑐮𑐵 𑐨𑐬𑐾 𑐫𑐵𑐫𑐾𑐐𑐸, 𑐠𑐷𑐠𑐷 𑐖𑐜𑐶 𑐨𑐬𑐾 𑐫𑐵𑐫𑐾𑐐𑐸, 𑐳𑐶𑐟𑑂𑐬𑐵, 𑐥𑑀𑐚𑑂𑐫𑐵, 𑐳𑐮𑐩𑐵, 𑐧𑐟𑑂𑐟𑐸 𑐨𑐬𑐾 𑐫𑐵𑐫𑑂𑐐𑐸 𑐖𑑂𑐫𑐵 𑐣𑑄 𑐬𑐘𑑂𑐖𑐶𑐟𑐎𑐵𑐬𑐟𑐳𑐾𑑄 𑐫𑐵𑐣𑐵 𑐰𑐂𑐔𑑂𑐰𑑄𑐐𑐸 𑐏𑑅 । 𑐣𑐾𑐥𑐵𑐮 𑐥𑑂𑐬𑐴𑐬𑐷 𑐰 𑐳𑐿𑐣𑐶𑐎 𑐖𑐬𑑂𑐣𑐾𑐮𑐟𑐫𑑂 𑐡𑐖𑑂𑐬𑑂𑐫𑐵𑐣𑐷 𑐔𑐶𑑄𑐮𑐫𑑂 𑐩𑐵𑐣𑐥𑐡𑐧𑐷𑐂 𑐟𑐂𑐐𑐸 𑐠𑐷𑐠𑐷 𑐬𑐒𑐫𑐵 𑐡𑐬𑑂𑐖𑑂𑐫𑐵𑐣𑐷 𑐧𑐵𑐮𑐵𑐣𑑄 𑐬𑐘𑑂𑐖𑐶𑐟𑐎𑐵𑐬𑐟𑐳𑐾𑑄 𑐴𑐾 𑐡𑐫𑐾𑐎𑐾𑐐𑐸 𑐫𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐏।[१] 𑐠𑐷-𑐠𑐷 𑐬𑐵𑐲𑑂𑐚𑑂𑐬𑐶𑐫, 𑐢𑐵𑐬𑑂𑐩𑐶𑐎 𑐰 𑐳𑐵𑐩𑐵𑐖𑐶𑐎 𑐥𑐬𑑂𑐰𑐫𑑂 𑐖𑐸𑐖𑐸𑐥𑐶𑐳𑑄 𑐥𑐸𑐣𑐶𑐐𑐸 𑐱𑐵𑐴𑐷 𑐰𑐳𑐟 𑐡𑐶𑐖𑐵𑐂𑐣 𑐧𑐶𑐂𑐐𑐸 𑐖𑑂𑐫𑐵 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐴𑐾 𑐫𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐏𑑅। [१]
𑐂𑐟𑐶𑐴𑐵𑐳
[edit source]𑐬𑐘𑑂𑐖𑐶𑐟𑐎𑐵𑐬 𑐀𑐠𑐰𑐵 𑐕𑐶𑐥𑐵 𑑒𑑕𑑒𑑖 𑐡𑑃 𑐣𑑂𑐴𑑂𑐫 𑐣𑐶𑐳𑐾𑑄 𑐣𑐾𑐥𑐵𑐮𑐫𑑂 𑐰𑐳𑑀𑐰𑐵𑐳 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑐢𑐿𑐐𑐸 𑐳𑐶𑐂 𑐡𑐸 । [१] 𑐮𑐶𑐔𑑂𑐕𑐰𑐶𑐎𑐵𑐮𑐫𑐵 𑐮𑑂𑐰𑑃𑐴 𑐥𑐟𑐶𑐂 𑐬𑑄𑐐 𑐡𑐫𑑂𑐎𑐵𑑅 𑐬𑑄𑐐𑐫𑐵 𑐎𑐬 𑐎𑐵𑐫𑑂𑐐𑐸 𑐥𑐬𑐩𑑂𑐥𑐬𑐵 𑐏𑐣𑐾 𑐡𑐸। [४] । 𑐮𑐶𑐔𑑂𑐕𑐧𑐶𑐎𑐵𑐮𑐷𑐣 𑐮𑑀𑐴 𑐥𑑁𑐫𑐵𑐎𑐠𑑄𑐣𑑄 𑐬𑑄𑐖𑐶𑐟𑐎𑐵𑐬𑐟 𑐥𑐸𑐮𑐵𑑄𑐥𑐶𑑄 𑐰𑐵𑐳𑐶 𑐏𑑅 𑐢𑐿𑐐𑐸 𑐥𑑂𑐬𑐩𑐵𑐞𑐶𑐟 𑐫𑐵। [५] 𑐨𑐵𑐲𑐵𑐰𑑄𑐱𑐵𑐰𑐮𑐶𑐂 𑐰𑑃𑐔𑐸𑐐𑐸 𑐁𑐡𑐶 𑐣𑑂𑐫𑐵𑐟𑐵 𑐬𑑄𑐐𑐫𑐵 𑐎𑐵, 𑐎𑐵𑐥𑑅 𑐁𑐡𑐶 𑐕𑐷𑐐𑐸 𑐰 𑐧𑐸𑑃𑐖𑑂𑐫𑐵 𑐫𑐵𑐫𑑂𑐐𑐸 𑐖𑑂𑐫𑐵 𑐄𑐎𑑂𑐟 𑐧𑑄𑐱𑐵𑐰𑐮𑐶𑐂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸।[१]
𑐳𑑂𑐰𑐫𑐩𑑂𑐨𑐹 𑐥𑐸𑐬𑐵𑐞 𑐎𑐠𑑄 𑐩𑐴𑐵𑐩𑐘𑑂𑐖𑐸𑐱𑑂𑐬𑐷𑑄 𑐳𑑂𑐰𑐣𑐶𑐐𑑅𑐫𑐵 𑐥𑐸𑐏𑐸𑐫𑐵 𑐮𑑅 𑐔𑑀𑐨𑐵𑑅, 𑐎𑑂𑐰𑐾𑐣𑐵𑐫𑐵 𑐣𑑂𑐴𑐳𑐶𑐎𑐵𑐥𑑄 𑐥𑐶𑐟 𑐕𑑂𑐰𑐫𑐵 𑐠𑑂𑐰 𑐠𑐵𑐫𑑂𑐫𑐵𑐟 𑐩𑐣𑐹𑐟𑐫𑑂𑐐𑐸 𑐧𑐳𑑂𑐟𑐶𑐫𑐵 𑐮𑐵𑐐𑐶𑑄 𑐥𑐵𑐫𑑂𑐕𑐶 𑐨𑐵𑑅𑐥𑐶𑐫𑐵 𑐩𑐣𑐹𑐫𑐵 𑐧𑐳𑑂𑐟𑐶 𑐳𑑂𑐰𑐣𑐾 𑐢𑐸𑑄𑐎𑐵 𑐠𑑅 𑐣𑐵𑐥𑑄 𑐗𑐵𑐥𑐶𑑄 𑐗𑐷 𑐣𑐾𑐥𑐵𑑅𑐩𑐶𑐫𑐵 𑐥𑐹𑐬𑑂𑐰𑐖𑐟𑐫𑑂𑐟 𑐩𑐘𑑂𑐖𑐸𑐥𑐟𑐣 (𑐠𑑁𑑄𑐎𑐣𑑂𑐴𑐾𑐫𑐵 𑐩𑐖𑐶𑐥𑐵𑐟) 𑐣𑐐𑐬 𑐳𑑂𑐠𑐵𑐥𑐣𑐵 𑐫𑐵𑐣𑐵 𑐡𑐶𑐮 𑐢𑐎𑐵 𑐔𑑂𑐰𑐫𑐵𑐟𑑅𑐐𑐸 𑐡𑐸। 𑐠𑑂𑐰 𑐴𑐾 𑐩𑐘𑑂𑐖𑐸𑐥𑐟𑑂𑐟𑐣 𑐀𑐥𑐨𑑂𑐬𑑄𑐱 𑐖𑐸𑐫𑐵 𑐩𑐖𑐶𑐥𑐵𑐟 𑐖𑐸𑐰𑐣। 𑐩𑐖𑐶𑐥𑐵𑐟𑐫𑑂 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐐𑐸 𑐑𑐣𑐵𑐧𑐳𑑂𑐟𑐶 𑐁𑐟𑐎𑑄 𑐡𑐣𑐶𑐐𑐸 𑐴𑐸𑐣𑐶𑑄 𑐩𑐴𑐵𑐩𑐘𑑂𑐖𑐸𑐱𑑂𑐬𑐷 𑐰 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐐𑐸 𑐋𑐟𑐶𑐴𑐵𑐳𑐶𑐎 𑐳𑑂𑐰𑐵𑐥𑐹 𑐡𑐸𑐐𑐸 𑐀𑐣𑐸𑐩𑐵𑐣 𑐫𑐵𑐫𑐾𑐦𑐸।[१] 𑐩𑐘𑑂𑐖𑐸𑐥𑐟𑑂𑐟𑐣𑐫𑐵 𑐩𑐘𑑂𑐖𑐸𑐱𑑂𑐬𑐷 𑐔𑐸𑐎𑐫𑑂 𑐥𑐮𑐶𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐣𑐶𑐐𑑅 𑐔𑐶𑐨𑐵𑑅 𑐬𑐘𑑂𑐖𑐶𑐟𑐎𑐵𑐬𑐟𑑅𑐳𑐾𑑄 𑐡𑐫𑐾𑐎𑐵𑐟𑑅𑐐𑐸 𑐏𑑅 । 𑐀𑐮𑐾 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐥𑐹𑐬𑑂𑐰𑐵𑐬𑑂𑐢𑐫𑑂 𑐩𑐖𑐶𑐥𑐵𑑅𑐫𑐵 𑐩𑐘𑑂𑐖𑐸𑐱𑑂𑐬𑐷 𑐡𑐾𑐐𑑅𑐫𑐵 𑐖𑐶𑐬𑑂𑐞𑑀𑐡𑑂𑐰𑐵𑐬 𑐖𑑂𑐫𑐵 𑐬𑐘𑑂𑐖𑐶𑐟𑐎𑐵𑐬𑐟𑐫𑑂𑐳𑑄 𑐴𑐾 𑐫𑐵𑑅𑐐𑐸 𑐱𑐶𑐮𑐵𑐥𑐟𑑂𑐬 𑐁𑐟𑐎𑑄 𑐣𑑄 𑐡𑐾𑐐𑑅𑐫𑐵 𑐥𑐬𑐶𑐳𑐬𑐫𑑂 𑐡𑐣𑐶। [१]