छ्येलेमि:Eukesh/Auto/NepalScript/योगचूडामणि (उपनिषद्)
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। Eukesh/Auto/NepalScript/योगचूडामणि (उपनिषद्) 𑐕𑐐𑐹 𑐎𑐵𑐰𑑂𑐫 𑐏। 𑐠𑑂𑐰 𑐎𑐵𑐰𑑂𑐫 𑐩𑐸𑐎𑑂𑐟𑐶𑐎 𑐄𑐥𑐣𑐶𑐲𑐡𑑂𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 𑐄𑐥𑐣𑐶𑐲𑐡𑑂 𑐡𑐸𑐣𑐾 𑐮𑐵 [१]। 𑐠𑑂𑐰 𑐱𑑂𑐬𑐸𑐟𑐶 𑐥𑑂𑐬𑐔𑐮𑐣𑐫𑐵 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐢𑐵𑐬𑑂𑐩𑐶𑐎 𑐐𑑂𑐬𑐣𑑂𑐠 𑐏।
𑐱𑑂𑐮𑑀𑐎
[सम्पादन]𑐠𑐸𑐎𑐶𑐫𑐵 𑐱𑑂𑐮𑑀𑐎 𑐠𑑂𑐰 𑐎𑐠𑑄 𑐡𑐸-[२]
उपनिषद्
𑑉 𑐁𑐥𑑂𑐫𑐵𑐫𑐣𑑂𑐟𑐸 𑐩𑐩𑐵𑐒𑑂𑐐𑐵𑐣𑐶 𑐰𑐵𑐎𑑂𑐥𑑂𑐬𑐵𑐞𑐱𑑂𑐔𑐎𑑂𑐲𑐸𑑅 𑐱𑑂𑐬𑑀𑐟𑑂𑐬𑐩𑐠𑑀 𑐧𑐮𑐩𑐶𑐣𑑂𑐡𑑂𑐬𑐶𑐫𑐵𑐞𑐶 𑐔 ॥
𑐳𑐬𑑂𑐰𑐵𑐞𑐶 𑐳𑐬𑑂𑐰𑑄 𑐧𑑂𑐬𑐴𑑂𑐩𑑀𑐥𑐣𑐶𑐲𑐡𑑄 𑐩𑐵𑐴𑑄 𑐧𑑂𑐬𑐴𑑂𑐩 𑐣𑐶𑐬𑐵𑐎𑐸𑐬𑑂𑐫𑐵𑑄 𑐩𑐵 𑐩𑐵 𑐧𑑂𑐬𑐴𑑂𑐩 𑐣𑐶𑐬𑐵𑐎𑐬𑑀𑐡𑐣𑐶𑐬𑐵𑐎𑐬𑐞𑐩𑐳𑑂𑐟𑑂𑐰𑐣𑐶𑐬𑐵𑐎𑐬𑐞𑑄 𑐩𑐾𑐳𑑂𑐟𑐸 𑐟𑐡𑐵𑐟𑑂𑐩𑐣𑐶 𑐣𑐶𑐬𑐟𑐾 𑐫 𑐄𑐥𑐣𑐶𑐲𑐟𑑂𑐳𑐸 𑐢𑐬𑑂𑐩𑐵𑐳𑑂𑐟𑐾 𑐩𑐫𑐶 𑐳𑐣𑑂𑐟𑐸 𑐟𑐾 𑐩𑐫𑐶 𑐳𑐣𑑂𑐟𑐸॥
𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥
𑐫𑑀𑐐𑐔𑐹𑐜𑐵𑐩𑐞𑐶𑑄 𑐰𑐎𑑂𑐲𑑂𑐫𑐾 𑐫𑑀𑐐𑐶𑐣𑐵𑑄 𑐴𑐶𑐟𑐎𑐵𑐩𑑂𑐫𑐫𑐵 ।
𑐎𑐿𑐰𑐮𑑂𑐫𑐳𑐶𑐡𑑂𑐢𑐶𑐡𑑄 𑐐𑐹𑐝𑑄 𑐳𑐾𑐰𑐶𑐟𑑄 𑐫𑑀𑐐𑐰𑐶𑐟𑑂𑐟𑐩𑐿𑑅 ॥ 𑑑॥
𑐁𑐳𑐣𑑄 𑐥𑑂𑐬𑐵𑐞𑐳𑑄𑐬𑑀𑐢𑑅 𑐥𑑂𑐬𑐟𑑂𑐫𑐵𑐴𑐵𑐬𑐱𑑂𑐔 𑐢𑐵𑐬𑐞𑐵 ।
𑐢𑑂𑐫𑐵𑐣𑑄 𑐳𑐩𑐵𑐢𑐶𑐬𑐾𑐟𑐵𑐣𑐶 𑐫𑑀𑐐𑐵𑐒𑑂𑐐𑐵𑐣𑐶 𑐨𑐰𑐣𑑂𑐟𑐶 𑐲𑐚𑑂 ॥ 𑑒॥
𑐊𑐎𑑄 𑐳𑐶𑐡𑑂𑐢𑐵𑐳𑐣𑑄 𑐥𑑂𑐬𑑀𑐎𑑂𑐟𑑄 𑐡𑑂𑐰𑐶𑐟𑐷𑐫𑑄 𑐎𑐩𑐮𑐵𑐳𑐣𑐩𑑂 ।
𑐲𑐚𑑂𑐔𑐎𑑂𑐬𑑄 𑐲𑑀𑐜𑐱𑐵𑐢𑐵𑐬𑑄 𑐟𑑂𑐬𑐶𑐮𑐎𑑂𑐲𑑂𑐫𑑄 𑐰𑑂𑐫𑑀𑐩𑐥𑐘𑑂𑐔𑐎𑐩𑑂 ॥ 𑑓॥
𑐳𑑂𑐰𑐡𑐾𑐴𑐾 𑐫𑑀 𑐣 𑐖𑐵𑐣𑐵𑐟𑐶 𑐟𑐳𑑂𑐫 𑐳𑐶𑐡𑑂𑐢𑐶𑑅 𑐎𑐠𑑄 𑐨𑐰𑐾𑐟𑑂 ।
𑐔𑐟𑐸𑐬𑑂𑐡𑐮𑑄 𑐳𑑂𑐫𑐵𑐡𑐵𑐢𑐵𑐬𑑄 𑐳𑑂𑐰𑐵𑐢𑐶𑐲𑑂𑐛𑐵𑐣𑑄 𑐔 𑐲𑐜𑑂𑐡𑐮𑐩𑑂 ॥ 𑑔॥
𑐣𑐵𑐨𑑁 𑐡𑐱𑐡𑐮𑑄 𑐥𑐡𑑂𑐩𑑄 𑐴𑐺𑐡𑐫𑐾 𑐡𑑂𑐰𑐵𑐡𑐱𑐵𑐬𑐎𑐩𑑂 ।
𑐲𑑀𑐜𑐱𑐵𑐬𑑄 𑐰𑐶𑐱𑐸𑐡𑑂𑐢𑐵𑐏𑑂𑐫𑑄 𑐨𑑂𑐬𑐹𑐩𑐢𑑂𑐫𑐾 𑐡𑑂𑐰𑐶𑐡𑐮𑑄 𑐟𑐠𑐵 ॥ 𑑕॥
𑐳𑐴𑐳𑑂𑐬𑐡𑐮𑐳𑐒𑑂𑐏𑑂𑐫𑐵𑐟𑑄 𑐧𑑂𑐬𑐴𑑂𑐩𑐬𑐣𑑂𑐢𑑂𑐬𑐾 𑐩𑐴𑐵𑐥𑐠𑐶 ।
𑐁𑐢𑐵𑐬𑑄 𑐥𑑂𑐬𑐠𑐩𑑄 𑐔𑐎𑑂𑐬𑑄 𑐳𑑂𑐰𑐵𑐢𑐶𑐲𑑂𑐛𑐵𑐣𑑄 𑐡𑑂𑐰𑐶𑐟𑐷𑐫𑐎𑐩𑑂 ॥ 𑑖॥
𑐫𑑀𑐣𑐶𑐳𑑂𑐠𑐵𑐣𑑄 𑐡𑑂𑐰𑐫𑑀𑐬𑑂𑐩𑐢𑑂𑐫𑐾 𑐎𑐵𑐩𑐬𑐹𑐥𑑄 𑐣𑐶𑐐𑐡𑑂𑐫𑐟𑐾 ।
𑐎𑐵𑐩𑐵𑐏𑑂𑐫𑑄 𑐟𑐸 𑐐𑐸𑐡𑐳𑑂𑐠𑐵𑐣𑐾 𑐥𑐒𑑂𑐎𑐖𑑄 𑐟𑐸 𑐔𑐟𑐸𑐬𑑂𑐡𑐮𑐩𑑂 ॥ 𑑗॥
𑐟𑐣𑑂𑐩𑐢𑑂𑐫𑐾 𑐥𑑂𑐬𑑀𑐔𑑂𑐫𑐟𑐾 𑐫𑑀𑐣𑐶𑑅 𑐎𑐵𑐩𑐵𑐏𑑂𑐫𑐵 𑐳𑐶𑐡𑑂𑐢𑐰𑐣𑑂𑐡𑐶𑐟𑐵 ।
𑐟𑐳𑑂𑐫 𑐩𑐢𑑂𑐫𑐾 𑐩𑐴𑐵𑐮𑐶𑐒𑑂𑐐𑑄 𑐥𑐱𑑂𑐔𑐶𑐩𑐵𑐨𑐶𑐩𑐸𑐏𑑄 𑐳𑑂𑐠𑐶𑐟𑐩𑑂 ॥ 𑑘॥
𑐣𑐵𑐨𑑁 𑐟𑐸 𑐩𑐞𑐶𑐰𑐡𑑂𑐧𑐶𑐩𑑂𑐧𑑄 𑐫𑑀 𑐖𑐵𑐣𑐵𑐟𑐶 𑐳 𑐫𑑀𑐐𑐰𑐶𑐟𑑂 ।
𑐟𑐥𑑂𑐟𑐔𑐵𑐩𑐷𑐎𑐬𑐵𑐨𑐵𑐳𑑄 𑐟𑐜𑐶𑐮𑑂𑐮𑐾𑐏𑐾𑐰 𑐰𑐶𑐳𑑂𑐦𑐸𑐬𑐟𑑂 ॥ 𑑙॥
𑐟𑑂𑐬𑐶𑐎𑑀𑐞𑑄 𑐟𑐟𑑂𑐥𑐸𑐬𑑄 𑐰𑐴𑑂𑐣𑐾𑐬𑐢𑑀𑐩𑐾𑐝𑑂𑐬𑐵𑐟𑑂𑐥𑑂𑐬𑐟𑐶𑐲𑑂𑐛𑐶𑐟𑐩𑑂 ।
𑐳𑐩𑐵𑐢𑑁 𑐥𑐬𑐩𑑄 𑐖𑑂𑐫𑑀𑐟𑐶𑐬𑐣𑐣𑑂𑐟𑑄 𑐰𑐶𑐱𑑂𑐰𑐟𑑀𑐩𑐸𑐏𑐩𑑂 ॥ 𑑑𑑐॥
𑐟𑐳𑑂𑐩𑐶𑐣𑑂𑐡𑐺𑐲𑑂𑐚𑐾 𑐩𑐴𑐵𑐫𑑀𑐐𑐾 𑐫𑐵𑐟𑐵𑐫𑐵𑐟𑑀 𑐣 𑐰𑐶𑐡𑑂𑐫𑐟𑐾 ।
𑐳𑑂𑐰𑐱𑐧𑑂𑐡𑐾𑐣 𑐨𑐰𑐾𑐟𑑂𑐥𑑂𑐬𑐵𑐞𑑅 𑐳𑑂𑐰𑐵𑐢𑐶𑐲𑑂𑐛𑐵𑐣𑑄 𑐟𑐡𑐵𑐱𑑂𑐬𑐫𑑅 ॥ 𑑑𑑑॥
𑐳𑑂𑐰𑐵𑐢𑐶𑐲𑑂𑐛𑐵𑐱𑑂𑐬𑐫𑐵𑐡𑐳𑑂𑐩𑐵𑐣𑑂𑐩𑐾𑐝𑑂𑐬𑐩𑐾𑐰𑐨𑐶𑐢𑐷𑐫𑐟𑐾 ।
𑐟𑐣𑑂𑐟𑐸𑐣𑐵 𑐩𑐞𑐶𑐰𑐟𑑂𑐥𑑂𑐬𑑀𑐟𑑀 𑐫𑑀ऽ𑐟𑑂𑐬 𑐎𑐣𑑂𑐡𑑅 𑐳𑐸𑐲𑐸𑐩𑑂𑐣𑐫𑐵 ॥ 𑑑𑑒॥
𑐟𑐣𑑂𑐣𑐵𑐨𑐶𑐩𑐞𑑂𑐜𑐮𑐾 𑐔𑐎𑑂𑐬𑑄 𑐥𑑂𑐬𑑀𑐔𑑂𑐫𑐟𑐾 𑐩𑐞𑐶𑐥𑐹𑐬𑐎𑐩𑑂 ।
𑐡𑑂𑐰𑐵𑐡𑐱𑐵𑐬𑐾 𑐩𑐴𑐵𑐔𑐎𑑂𑐬𑐾 𑐥𑐸𑐞𑑂𑐫𑐥𑐵𑐥𑐰𑐶𑐰𑐬𑑂𑐖𑐶𑐟𑐾 ॥ 𑑑𑑓॥
𑐟𑐵𑐰𑐖𑑂𑐖𑐷𑐰𑑀 𑐨𑑂𑐬𑐩𑐟𑑂𑐫𑐾𑐰𑑄 𑐫𑐵𑐰𑐟𑑂𑐟𑐟𑑂𑐟𑑂𑐰𑑄 𑐣 𑐰𑐶𑐣𑑂𑐡𑐟𑐶 ।
𑐅𑐬𑑂𑐢𑑂𑐰𑑄 𑐩𑐾𑐝𑑂𑐬𑐵𑐡𑐢𑑀 𑐣𑐵𑐨𑐾𑑅 𑐎𑐣𑑂𑐡𑐾 𑐫𑑀𑐣𑐶𑑅 𑐏𑐐𑐵𑐞𑑂𑐜𑐰𑐟𑑂 ॥ 𑑑𑑔॥
𑐟𑐟𑑂𑐬 𑐣𑐵𑐜𑑂𑐫𑑅 𑐳𑐩𑐸𑐟𑑂𑐥𑐣𑑂𑐣𑐵𑑅 𑐳𑐴𑐳𑑂𑐬𑐵𑐞𑐵𑑄 𑐡𑑂𑐰𑐶𑐳𑐥𑑂𑐟𑐟𑐶𑑅 ।
𑐟𑐾𑐲𑐸 𑐣𑐵𑐜𑐷𑐳𑐴𑐳𑑂𑐬𑐾𑐲𑐸 𑐡𑑂𑐰𑐶𑐳𑐥𑑂𑐟𑐟𑐶𑐬𑐸𑐡𑐵𑐴𑐺𑐟𑐵 ॥ 𑑑𑑕॥
𑐥𑑂𑐬𑐢𑐵𑐣𑐵𑑅 𑐥𑑂𑐬𑐵𑐞𑐰𑐵𑐴𑐶𑐣𑑂𑐫𑑀 𑐨𑐹𑐫𑐳𑑂𑐟𑐵𑐳𑐸 𑐡𑐱 𑐳𑑂𑐩𑐺𑐟𑐵𑑅 ।
𑐂𑐜𑐵 𑐔 𑐥𑐶𑐒𑑂𑐐𑐮𑐵 𑐔𑐿𑐰 𑐳𑐸𑐲𑐸𑐩𑑂𑐣𑐵 𑐔 𑐟𑐺𑐟𑐷𑐫𑐐𑐵 ॥ 𑑑𑑖॥
𑐐𑐵𑐣𑑂𑐢𑐵𑐬𑐷 𑐴𑐳𑑂𑐟𑐶𑐖𑐶𑐴𑑂𑐰𑐵 𑐔 𑐥𑐹𑐲𑐵 𑐔𑐿𑐰 𑐫𑐱𑐳𑑂𑐰𑐶𑐣𑐷 ।
𑐀𑐮𑐩𑑂𑐧𑐸𑐳𑐵 𑐎𑐸𑐴𑐹𑐱𑑂𑐔𑐿𑐰 𑐱𑐒𑑂𑐏𑐶𑐣𑐷 𑐡𑐱𑐩𑐷 𑐳𑑂𑐩𑐺𑐟𑐵 ॥ 𑑑𑑗॥
𑐊𑐟𑐣𑑂𑐣𑐵𑐜𑐷𑐩𑐴𑐵𑐔𑐎𑑂𑐬𑑄 𑐖𑑂𑐘𑐵𑐟𑐰𑑂𑐫𑑄 𑐫𑑀𑐐𑐶𑐨𑐶𑑅 𑐳𑐡𑐵 ।
𑐂𑐜𑐵 𑐰𑐵𑐩𑐾 𑐳𑑂𑐠𑐶𑐟𑐵 𑐨𑐵𑐐𑐾 𑐡𑐎𑑂𑐲𑐶𑐞𑐾 𑐥𑐶𑐒𑑂𑐐𑐮𑐵 𑐳𑑂𑐠𑐶𑐟𑐵 ॥ 𑑑𑑘॥
𑐳𑐸𑐲𑐸𑐩𑑂𑐣𑐵 𑐩𑐢𑑂𑐫𑐡𑐾𑐱𑐾 𑐟𑐸 𑐐𑐵𑐣𑑂𑐢𑐵𑐬𑐷 𑐰𑐵𑐩𑐔𑐎𑑂𑐲𑐸𑐲𑐶 ।
𑐡𑐎𑑂𑐲𑐶𑐞𑐾 𑐴𑐳𑑂𑐟𑐶𑐖𑐶𑐴𑑂𑐰𑐵 𑐔 𑐥𑐹𑐲𑐵 𑐎𑐬𑑂𑐞𑐾 𑐔 𑐡𑐎𑑂𑐲𑐶𑐞𑐾 ॥ 𑑑𑑙॥
𑐫𑐱𑐳𑑂𑐰𑐶𑐣𑐷 𑐰𑐵𑐩𑐎𑐬𑑂𑐞𑐾 𑐔𑐵𑐣𑐣𑐾 𑐔𑐵𑐥𑑂𑐫𑐮𑐩𑑂𑐧𑐸𑐳𑐵 ।
𑐎𑐸𑐴𑐹𑐱𑑂𑐔 𑐮𑐶𑐒𑑂𑐐𑐡𑐾𑐱𑐾 𑐟𑐸 𑐩𑐹𑐮𑐳𑑂𑐠𑐵𑐣𑐾 𑐟𑐸 𑐱𑐒𑑂𑐏𑐶𑐣𑐷 ॥ 𑑒𑑐॥
𑐊𑐰𑑄 𑐡𑑂𑐰𑐵𑐬𑑄 𑐳𑐩𑐵𑐱𑑂𑐬𑐶𑐟𑑂𑐫 𑐟𑐶𑐲𑑂𑐛𑐣𑑂𑐟𑐾 𑐣𑐵𑐜𑐫𑑅 𑐎𑑂𑐬𑐩𑐵𑐟𑑂 ।
𑐂𑐜𑐵𑐥𑐶𑐒𑑂𑐐𑐮𑐵𑐳𑑁𑐲𑐸𑐩𑑂𑐣𑐵𑑅 𑐥𑑂𑐬𑐵𑐞𑐩𑐵𑐬𑑂𑐐𑐾 𑐔 𑐳𑑄𑐳𑑂𑐠𑐶𑐟𑐵𑑅 ॥ 𑑒𑑑॥
𑐳𑐟𑐟𑑄 𑐥𑑂𑐬𑐵𑐞𑐰𑐵𑐴𑐶𑐣𑑂𑐫𑑅 𑐳𑑀𑐩𑐳𑐹𑐬𑑂𑐫𑐵𑐐𑑂𑐣𑐶𑐡𑐾𑐰𑐟𑐵𑑅 ।
𑐥𑑂𑐬𑐵𑐞𑐵𑐥𑐵𑐣𑐳𑐩𑐵𑐣𑐵𑐏𑑂𑐫𑐵 𑐰𑑂𑐫𑐵𑐣𑑀𑐡𑐵𑐣𑑁 𑐔 𑐰𑐵𑐫𑐰𑑅 ॥ 𑑒𑑒॥
𑐣𑐵𑐐𑑅 𑐎𑐹𑐬𑑂𑐩𑑀ऽ𑐠 𑐎𑐺𑐎𑐬𑑀 𑐡𑐾𑐰𑐡𑐟𑑂𑐟𑑀 𑐢𑐣𑐘𑑂𑐖𑐫𑑅 ।
𑐴𑐺𑐡𑐶 𑐥𑑂𑐬𑐵𑐞𑑅 𑐳𑑂𑐠𑐶𑐟𑑀 𑐣𑐶𑐟𑑂𑐫𑐩𑐥𑐵𑐣𑑀 𑐐𑐸𑐡𑐩𑐞𑑂𑐜𑐮𑐾 ॥ 𑑒𑑓॥
𑐳𑐩𑐵𑐣𑑀 𑐣𑐵𑐨𑐶𑐡𑐾𑐱𑐾 𑐟𑐸 𑐄𑐡𑐵𑐣𑑅 𑐎𑐞𑑂𑐛𑐩𑐢𑑂𑐫𑐐𑑅 ।
𑐰𑑂𑐫𑐵𑐣𑑅 𑐳𑐬𑑂𑐰𑐱𑐬𑐷𑐬𑐾 𑐟𑐸 𑐥𑑂𑐬𑐢𑐵𑐣𑐵𑑅 𑐥𑐘𑑂𑐔𑐰𑐵𑐫𑐰𑑅 ॥ 𑑒𑑔॥
𑐄𑐡𑑂𑐐𑐵𑐬𑐾 𑐣𑐵𑐐 𑐁𑐏𑑂𑐫𑐵𑐟𑑅 𑐎𑐹𑐬𑑂𑐩 𑐄𑐣𑑂𑐩𑐷𑐮𑐣𑐾 𑐟𑐠𑐵 ।
𑐎𑐺𑐎𑐬𑑅 𑐎𑑂𑐲𑐸𑐟𑑂𑐎𑐬𑑀 𑐖𑑂𑐘𑐾𑐫𑑀 𑐡𑐾𑐰𑐡𑐟𑑂𑐟𑑀 𑐰𑐶𑐖𑐺𑐩𑑂𑐨𑐞𑐾 ॥ 𑑒𑑕॥
𑐣 𑐖𑐴𑐵𑐟𑐶 𑐩𑐺𑐟𑑄 𑐰𑐵𑐥𑐶 𑐳𑐬𑑂𑐰𑐰𑑂𑐫𑐵𑐥𑐷 𑐢𑐣𑐘𑑂𑐖𑐫𑑅 ।
𑐊𑐟𑐾 𑐣𑐵𑐜𑐷𑐲𑐸 𑐳𑐬𑑂𑐰𑐵𑐳𑐸 𑐨𑑂𑐬𑐩𑐣𑑂𑐟𑐾 𑐖𑐷𑐰𑐖𑐣𑑂𑐟𑐰𑑅 ॥ 𑑒𑑖॥
𑐁𑐎𑑂𑐲𑐶𑐥𑑂𑐟𑑀 𑐨𑐸𑐖𑐡𑐞𑑂𑐜𑐾𑐣 𑐫𑐠𑐵 𑐔𑐮𑐟𑐶 𑐎𑐣𑑂𑐡𑐸𑐎𑑅 ।
𑐥𑑂𑐬𑐵𑐞𑐵𑐥𑐵𑐣𑐳𑐩𑐵𑐎𑑂𑐲𑐶𑐥𑑂𑐟𑐳𑑂𑐟𑐠𑐵 𑐖𑐷𑐰𑑀 𑐣 𑐟𑐶𑐲𑑂𑐛𑐟𑐶 ॥ 𑑒𑑗॥
𑐥𑑂𑐬𑐵𑐞𑐵𑐥𑐵𑐣𑐰𑐱𑑀 𑐖𑐷𑐰𑑀 𑐴𑑂𑐫𑐢𑐱𑑂𑐔𑑀𑐬𑑂𑐢𑑂𑐰𑑄 𑐔 𑐐𑐕𑐟𑐶 ।
𑐰𑐵𑐩𑐡𑐎𑑂𑐲𑐶𑐞𑐩𑐵𑐬𑑂𑐐𑐵𑐨𑑂𑐫𑐵𑑄 𑐔𑐘𑑂𑐔𑐮𑐟𑑂𑐰𑐵𑐣𑑂𑐣 𑐡𑐺𑐱𑑂𑐫𑐟𑐾 ॥ 𑑒𑑘॥
𑐬𑐖𑑂𑐖𑐸𑐧𑐡𑑂𑐢𑑀 𑐫𑐠𑐵 𑐱𑑂𑐫𑐾𑐣𑑀 𑐐𑐟𑑀ऽ𑐥𑑂𑐫𑐵𑐎𑐺𑐲𑑂𑐫𑐟𑐾 𑐥𑐸𑐣𑑅 ।
𑐐𑐸𑐞𑐧𑐡𑑂𑐢𑐳𑑂𑐟𑐠𑐵 𑐖𑐷𑐰𑑅 𑐥𑑂𑐬𑐵𑐞𑐵𑐥𑐵𑐣𑐾𑐣 𑐎𑐬𑑂𑐲𑐟𑐶 ॥ 𑑒𑑙॥
𑐥𑑂𑐬𑐵𑐞𑐵𑐥𑐵𑐣𑐰𑐱𑑀 𑐖𑐷𑐰𑑀 𑐴𑑂𑐫𑐢𑐱𑑂𑐔𑑀𑐬𑑂𑐢𑑂𑐰𑑄 𑐔 𑐐𑐔𑑂𑐕𑐟𑐶 ।
𑐀𑐥𑐵𑐣𑑅 𑐎𑐬𑑂𑐲𑐟𑐶 𑐥𑑂𑐬𑐵𑐞𑑄 𑐥𑑂𑐬𑐵𑐞𑑀ऽ𑐥𑐵𑐣𑑄 𑐔 𑐎𑐬𑑂𑐲𑐟𑐶।
𑐅𑐬𑑂𑐢𑑂𑐰𑐵𑐢𑑅𑐳𑑄𑐳𑑂𑐠𑐶𑐟𑐵𑐰𑐾𑐟𑑁 𑐫𑑀 𑐖𑐵𑐣𑐵𑐟𑐶 𑐳 𑐫𑑀𑐐𑐰𑐶𑐟𑑂 ॥ 𑑓𑑐॥
𑐴𑐎𑐵𑐬𑐾𑐞 𑐧𑐴𑐶𑐬𑑂𑐫𑐵𑐟𑐶 𑐳𑐎𑐵𑐬𑐾𑐞 𑐰𑐶𑐱𑐾𑐟𑑂𑐥𑐸𑐣𑑅।
𑐴𑑄𑐳𑐴𑑄𑐳𑐾𑐟𑑂𑐫𑐩𑐸𑑄 𑐩𑐟𑑂𑐬𑑄 𑐖𑐷𑐰𑑀 𑐖𑐥𑐟𑐶 𑐳𑐬𑑂𑐰𑐡𑐵 ॥ 𑑓𑑑॥
𑐲𑐚𑑂𑐱𑐟𑐵𑐣𑐶 𑐡𑐶𑐰𑐵𑐬𑐵𑐟𑑂𑐬𑑁 𑐳𑐴𑐳𑑂𑐬𑐵𑐞𑑂𑐫𑐾𑐎𑐰𑐶𑑄𑐱𑐟𑐶𑑅।
𑐊𑐟𑐟𑑂𑐳𑐒𑑂𑐏𑑂𑐫𑐵𑐣𑑂𑐰𑐶𑐟𑑄 𑐩𑐣𑑂𑐟𑑂𑐬𑑄 𑐖𑐷𑐰𑑀 𑐖𑐥𑐟𑐶 𑐳𑐬𑑂𑐰𑐡𑐵 ॥ 𑑓𑑒॥
𑐀𑐖𑐥𑐵𑐣𑐵𑐩 𑐐𑐵𑐫𑐟𑑂𑐬𑐷 𑐫𑑀𑐐𑐶𑐣𑐵𑑄 𑐩𑑀𑐎𑑂𑐲𑐡𑐵 𑐳𑐡𑐵 ।
𑐀𑐳𑑂𑐫𑐵𑑅 𑐳𑐒𑑂𑐎𑐮𑑂𑐥𑐩𑐵𑐟𑑂𑐬𑐾𑐞 𑐳𑐬𑑂𑐰𑐥𑐵𑐥𑐿𑑅 𑐥𑑂𑐬𑐩𑐸𑐔𑑂𑐫𑐟𑐾 ॥ 𑑓𑑓॥
𑐀𑐣𑐫𑐵 𑐳𑐡𑐺𑐱𑐷 𑐰𑐶𑐡𑑂𑐫𑐵 𑐀𑐣𑐫𑐵 𑐳𑐡𑐺𑐱𑑀 𑐖𑐥𑑅।
𑐀𑐣𑐫𑐵 𑐳𑐡𑐺𑐱𑑄 𑐖𑑂𑐘𑐵𑐣𑑄 𑐣 𑐨𑐹𑐟𑑄 𑐣 𑐨𑐰𑐶𑐲𑑂𑐫𑐟𑐶 ॥ 𑑓𑑔॥
𑐎𑐸𑐞𑑂𑐜𑐮𑐶𑐣𑑂𑐫𑐵 𑐳𑐩𑐸𑐡𑑂𑐨𑐹𑐟𑐵 𑐐𑐵𑐫𑐟𑑂𑐬𑐷 𑐥𑑂𑐬𑐵𑐞𑐢𑐵𑐬𑐶𑐞𑐷 ।
𑐥𑑂𑐬𑐵𑐞𑐰𑐶𑐡𑑂𑐫𑐵 𑐩𑐴𑐵𑐰𑐶𑐡𑑂𑐫𑐵 𑐫𑐳𑑂𑐟𑐵𑑄 𑐰𑐾𑐟𑑂𑐟𑐶 𑐳 𑐰𑐾𑐡𑐰𑐶𑐟𑑂 ॥𑑓𑑕॥
𑐎𑐣𑑂𑐡𑑀𑐬𑑂𑐢𑑂𑐰𑐾 𑐎𑐸𑐞𑑂𑐜𑐮𑐷𑐱𑐎𑑂𑐟𑐶𑐬𑐲𑑂𑐚𑐢𑐵 𑐎𑐸𑐞𑑂𑐜𑐮𑐵𑐎𑐺𑐟𑐶𑑅 ।
𑐧𑑂𑐬𑐴𑑂𑐩𑐡𑑂𑐰𑐵𑐬𑐩𑐸𑐏𑑄 𑐣𑐶𑐟𑑂𑐫𑑄 𑐩𑐸𑐏𑐾𑐣𑐵𑐔𑑂𑐕𑐵𑐡𑑂𑐫 𑐟𑐶𑐲𑑂𑐛𑐟𑐶 ॥ 𑑓𑑖॥
𑐫𑐾𑐣 𑐡𑑂𑐰𑐵𑐬𑐾𑐞 𑐐𑐣𑑂𑐟𑐰𑑂𑐫𑑄 𑐧𑑂𑐬𑐴𑑂𑐩𑐡𑑂𑐰𑐵𑐬𑑄 𑐩𑐣𑑀𑐩𑐫𑐩𑑂 ।
𑐩𑐸𑐏𑐾𑐣𑐵𑐔𑑂𑐕𑐵𑐡𑑂𑐫 𑐟𑐡𑑂𑐡𑑂𑐰𑐵𑐬𑑄 𑐥𑑂𑐬𑐳𑐸𑐥𑑂𑐟𑐵 𑐥𑐬𑐩𑐾𑐱𑑂𑐰𑐬𑐷 ॥ 𑑓𑑗॥
𑐥𑑂𑐬𑐧𑐸𑐡𑑂𑐢𑐵 𑐰𑐴𑑂𑐣𑐶𑐫𑑀𑐐𑐾𑐣 𑐩𑐣𑐳𑐵 𑐩𑐬𑐸𑐟𑐵 𑐳𑐴 ।
𑐳𑐹𑐔𑐶𑐰𑐡𑑂𑐐𑐵𑐟𑑂𑐬𑐩𑐵𑐡𑐵𑐫 𑐰𑑂𑐬𑐖𑐟𑑂𑐫𑐹𑐬𑑂𑐢𑑂𑐰𑑄 𑐳𑐸𑐲𑐸𑐩𑑂𑐣𑐫𑐵 ॥ 𑑓𑑘॥
𑐄𑐡𑑂𑐑𑐵𑐚𑐫𑐾𑐟𑑂𑐎𑐰𑐵𑐚𑑄 𑐟𑐸 𑐫𑐠𑐵𑐎𑐸𑐘𑑂𑐔𑐶𑐎𑐫𑐵 𑐐𑐺𑐴𑐩𑑂 ।
𑐎𑐸𑐞𑑂𑐜𑐮𑐶𑐣𑑂𑐫𑐵𑑄 𑐟𑐠𑐵 𑐫𑑀𑐐𑐷 𑐩𑑀𑐎𑑂𑐲𑐡𑑂𑐰𑐵𑐬𑑄 𑐥𑑂𑐬𑐨𑐾𑐡𑐫𑐾𑐟𑑂 ॥ 𑑓𑑙॥
𑐎𑐺𑐟𑑂𑐰𑐵 𑐳𑑄𑐥𑐸𑐚𑐶𑐟𑑁 𑐎𑐬𑑁 𑐡𑐺𑐝𑐟𑐬𑑄 𑐧𑐢𑑂𑐰𑐵 𑐟𑐸 𑐥𑐡𑑂𑐩𑐵𑐳𑐣𑑄 𑐐𑐵𑐝𑑄 𑐰𑐎𑑂𑐲𑐳𑐶 𑐳𑑄𑐣𑐶𑐢𑐵𑐫 𑐔𑐸𑐧𑐸𑐎𑑄 𑐢𑑂𑐫𑐵𑐣𑑄 𑐔 𑐟𑐔𑑂𑐔𑐾𑐲𑑂𑐚𑐶𑐟𑐩𑑂 ।
𑐰𑐵𑐬𑑄𑐰𑐵𑐬𑐩𑐥𑐵𑐣𑐩𑐹𑐬𑑂𑐢𑑂𑐰𑐩𑐣𑐶𑐮𑑄 𑐥𑑂𑐬𑑀𑐔𑑂𑐔𑑂𑐴𑐵𑐬𑐫𑐾𑐟𑑂𑐥𑐹𑐬𑐶𑐟𑑄 𑐩𑐸𑐘𑑂𑐔𑐣𑑂𑐥𑑂𑐬𑐵𑐞𑐩𑐸𑐥𑐿𑐟𑐶 𑐧𑑀𑐢𑐩𑐟𑐸𑐮𑑄 𑐱𑐎𑑂𑐟𑐶𑐥𑑂𑐬𑐨𑐵𑐰𑐵𑐣𑑂𑐣𑐬𑑅 ॥ 𑑔𑑐॥
𑐀𑐒𑑂𑐐𑐵𑐣𑐵𑑄 𑐩𑐬𑑂𑐡𑐣𑑄 𑐎𑐺𑐟𑑂𑐰𑐵 𑐱𑑂𑐬𑐩𑐳𑑄𑐖𑐵𑐟𑐰𑐵𑐬𑐶𑐞𑐵 ।
𑐎𑐚𑑂𑐰𑐩𑑂𑐮𑐮𑐰𑐞𑐟𑑂𑐫𑐵𑐐𑐷 𑐎𑑂𑐲𑐷𑐬𑐨𑑀𑐖𑐣𑐩𑐵𑐔𑐬𑐾𑐟𑑂 ॥𑑔𑑑॥
𑐧𑑂𑐬𑐴𑑂𑐩𑐔𑐵𑐬𑐷 𑐩𑐶𑐟𑐵𑐴𑐵𑐬𑐷 𑐫𑑀𑐐𑐷 𑐫𑑀𑐐𑐥𑐬𑐵𑐫𑐞𑑅 ।
𑐀𑐧𑑂𑐡𑐵𑐡𑐹𑐬𑑂𑐢𑑂𑐰𑑄 𑐨𑐰𑐾𑐟𑑂𑐳𑐶𑐡𑑂𑐢𑑀 𑐣𑐵𑐟𑑂𑐬 𑐎𑐵𑐬𑑂𑐫𑐵 𑐰𑐶𑐔𑐵𑐬𑐞𑐵 ॥ 𑑔𑑒॥
𑐳𑐸𑐳𑑂𑐣𑐶𑐐𑑂𑐢𑐩𑐢𑐸𑐬𑐵𑐴𑐵𑐬𑐱𑑂𑐔𑐟𑐸𑐬𑑂𑐠𑐵𑑄𑐱𑐰𑐶𑐰𑐬𑑂𑐖𑐶𑐟𑑅 ।
𑐨𑐸𑐘𑑂𑐖𑐟𑐾 𑐱𑐶𑐰𑐳𑑄𑐥𑑂𑐬𑐷𑐟𑑂𑐫𑐵 𑐩𑐶𑐟𑐵𑐴𑐵𑐬𑐷 𑐳 𑐄𑐔𑑂𑐫𑐟𑐾 ॥ 𑑔𑑓॥
𑐎𑐣𑑂𑐡𑑀𑐬𑑂𑐢𑑂𑐰𑐾 𑐎𑐸𑐞𑑂𑐜𑐮𑐷𑐱𑐎𑑂𑐟𑐶𑐬𑐲𑑂𑐚𑐢𑐵 𑐎𑐸𑐞𑑂𑐜𑐮𑐷𑐎𑐺𑐟𑐶𑑅 ।
𑐧𑐣𑑂𑐢𑐣𑐵𑐫 𑐔 𑐩𑐹𑐝𑐵𑐣𑐵𑑄 𑐫𑑀𑐐𑐶𑐣𑐵𑑄 𑐩𑑀𑐎𑑂𑐲𑐡𑐵 𑐳𑐡𑐵 ॥ 𑑔𑑔॥
𑐩𑐴𑐵𑐩𑐸𑐡𑑂𑐬𑐵 𑐣𑐨𑑀𑐩𑐸𑐡𑑂𑐬𑐵 𑐌𑐜𑑂𑐫𑐵𑐞𑑄 𑐔 𑐖𑐮𑐣𑑂𑐢𑐬𑐩𑑂 ।
𑐩𑐹𑐮𑐧𑐣𑑂𑐢𑑄 𑐔 𑐫𑑀 𑐰𑐾𑐟𑑂𑐟𑐶 𑐳 𑐫𑑀𑐐𑐷 𑐩𑐸𑐎𑑂𑐟𑐶𑐨𑐵𑐖𑐣𑐩𑑂 ॥ 𑑔𑑕॥
𑐥𑐵𑐬𑑂𑐲𑑂𑐞𑐶𑐑𑐵𑐟𑐾𑐣 𑐳𑑄𑐥𑐷𑐜𑑂𑐫 𑐫𑑀𑐣𑐶𑐩𑐵𑐎𑐸𑐘𑑂𑐔𑐫𑐾𑐡𑑂𑐡𑐺𑐝𑐩𑑂 ।
𑐀𑐥𑐵𑐣𑐩𑐹𑐬𑑂𑐢𑑂𑐰𑐩𑐵𑐎𑐺𑐲𑑂𑐫 𑐩𑐹𑐮𑐧𑐣𑑂𑐢𑑀 𑐰𑐶𑐢𑐷𑐫𑐟𑐾 ॥ 𑑔𑑖॥
𑐀𑐥𑐵𑐣𑐥𑑂𑐬𑐵𑐞𑐫𑑀𑐬𑐿𑐎𑑂𑐫𑑄 𑐎𑑂𑐲𑐫𑐵𑐣𑑂𑐩𑐹𑐟𑑂𑐬𑐥𑐸𑐬𑐷𑐲𑐫𑑀𑑅 ।
𑐫𑐸𑐰𑐵 𑐨𑐰𑐟𑐶 𑐰𑐺𑐡𑑂𑐢𑑀ऽ𑐥𑐶 𑐳𑐟𑐟𑑄 𑐩𑐹𑐮𑐧𑐣𑑂𑐢𑐣𑐵𑐟𑑂 ॥ 𑑔𑑗॥
𑐌𑐜𑑂𑐫𑐵𑐞𑑄 𑐎𑐸𑐬𑐸𑐟𑐾 𑐫𑐳𑑂𑐩𑐵𑐡𑐰𑐶𑐱𑑂𑐬𑐵𑐣𑑂𑐟𑑄 𑐩𑐴𑐵𑐏𑐐𑑅 ।
𑐌𑐜𑑂𑐜𑐶𑐫𑐵𑐞𑑄 𑐟𑐡𑐾𑐰 𑐳𑑂𑐫𑐵𑐣𑑂𑐩𑐺𑐟𑑂𑐫𑐸𑐩𑐵𑐟𑐒𑑂𑐐𑐎𑐾𑐳𑐬𑐷 ॥ 𑑔𑑘॥
𑐄𑐡𑐬𑐵𑐟𑑂𑐥𑐱𑑂𑐔𑐶𑐩𑑄 𑐟𑐵𑐞𑐩𑐢𑑀𑐣𑐵𑐨𑐾𑐬𑑂𑐣𑐶𑐐𑐡𑑂𑐫𑐟𑐾 ।
𑐌𑐜𑑂𑐫𑐵𑐞𑐩𑐸𑐡𑐬𑐾 𑐧𑐣𑑂𑐢𑐳𑑂𑐟𑐟𑑂𑐬 𑐧𑐣𑑂𑐢𑑀 𑐰𑐶𑐢𑐷𑐫𑐟𑐾 ॥ 𑑔𑑙॥
𑐧𑐢𑑂𑐣𑐵𑐟𑐶 𑐴𑐶 𑐱𑐶𑐬𑑀𑐖𑐵𑐟𑐩𑐢𑑀𑐐𑐵𑐩𑐶 𑐣𑐨𑑀𑐖𑐮𑐩𑑂 ।
𑐟𑐟𑑀 𑐖𑐵𑐮𑐣𑑂𑐢𑐬𑑀 𑐧𑐣𑑂𑐢𑑅 𑐎𑐲𑑂𑐚𑐡𑐸𑑅𑐏𑑁𑐑𑐣𑐵𑐱𑐣𑑅 ॥ 𑑕𑑐॥
𑐖𑐵𑐮𑐣𑑂𑐢𑐬𑐾 𑐎𑐺𑐟𑐾 𑐧𑐣𑑂𑐢𑐾 𑐎𑐞𑑂𑐛𑐳𑐒𑑂𑐎𑑀𑐔𑐮𑐎𑑂𑐲𑐞𑐾 ।
𑐣 𑐥𑐷𑐫𑐹𑐲𑑄 𑐥𑐟𑐟𑑂𑐫𑐐𑑂𑐣𑑁 𑐣 𑐔 𑐰𑐵𑐫𑐸𑑅 𑐥𑑂𑐬𑐢𑐵𑐰𑐟𑐶 ॥ 𑑕𑑑॥
𑐎𑐥𑐵𑐮𑐎𑐸𑐴𑐬𑐾 𑐖𑐶𑐴𑑂𑐰𑐵 𑐥𑑂𑐬𑐰𑐶𑐲𑑂𑐚𑐵 𑐰𑐶𑐥𑐬𑐷𑐟𑐐𑐵 ।
𑐨𑑂𑐬𑐸𑐰𑑀𑐬𑐣𑑂𑐟𑐬𑑂𑐐𑐟𑐵 𑐡𑐺𑐲𑑂𑐚𑐶𑐬𑑂𑐩𑐸𑐡𑑂𑐬𑐵 𑐨𑐰𑐟𑐶 𑐏𑐾𑐔𑐬𑐷 ॥ 𑑕𑑒॥
𑐣 𑐬𑑀𑐐𑑀 𑐩𑐬𑐞𑑄 𑐟𑐳𑑂𑐫 𑐣 𑐣𑐶𑐡𑑂𑐬𑐵 𑐣 𑐎𑑂𑐲𑐸𑐢𑐵 𑐟𑐺𑐲𑐵 ।
𑐣 𑐔 𑐩𑐹𑐬𑑂𑐔𑑂𑐕𑐵 𑐨𑐰𑐾𑐟𑑂𑐟𑐳𑑂𑐫 𑐫𑑀 𑐩𑐸𑐡𑑂𑐬𑐵𑑄 𑐰𑐾𑐟𑑂𑐟𑐶 𑐏𑐾𑐔𑐬𑐷𑐩𑑂 ॥ 𑑕𑑓॥
𑐥𑐷𑐜𑑂𑐫𑐟𑐾 𑐣 𑐔 𑐬𑑀𑐐𑐾𑐞 𑐮𑐶𑐏𑑂𑐫𑐟𑐾 𑐣 𑐳 𑐎𑐬𑑂𑐩𑐨𑐶𑑅 ।
𑐧𑐵𑐢𑑂𑐫𑐟𑐾 𑐣 𑐔 𑐎𑐾𑐣𑐵𑐥𑐶 𑐫𑑀 𑐩𑐸𑐡𑑂𑐬𑐵𑑄 𑐰𑐾𑐟𑑂𑐟𑐶 𑐏𑐾𑐔𑐬𑐷𑐩𑑂 ॥ 𑑕𑑔॥
𑐔𑐶𑐟𑑂𑐟𑑄 𑐔𑐬𑐟𑐶 𑐏𑐾 𑐫𑐳𑑂𑐩𑐵𑐖𑑂𑐖𑐶𑐴𑑂𑐰𑐵 𑐔𑐬𑐟𑐶 𑐏𑐾 𑐫𑐟𑑅 ।
𑐟𑐾𑐣𑐾𑐫𑑄 𑐏𑐾𑐔𑐬𑐷 𑐩𑐸𑐡𑑂𑐬𑐵 𑐳𑐬𑑂𑐰𑐳𑐶𑐡𑑂𑐢𑐣𑐩𑐳𑑂𑐎𑐺𑐟𑐵 ॥𑑕𑑕॥
𑐧𑐶𑐣𑑂𑐡𑐸𑐩𑐹𑐮𑐱𑐬𑐷𑐬𑐞𑐶 𑐱𑐶𑐬𑐵𑐳𑑂𑐟𑐟𑑂𑐬 𑐥𑑂𑐬𑐟𑐶𑐲𑑂𑐛𑐶𑐟𑐵𑑅 ।
𑐨𑐵𑐰𑐫𑐣𑑂𑐟𑐷 𑐱𑐬𑐷𑐬𑐵𑐞𑐶 𑐁𑐥𑐵𑐡𑐟𑐮𑐩𑐳𑑂𑐟𑐎𑐩𑑂 ॥ 𑑕𑑖॥
𑐏𑐾𑐔𑐬𑑂𑐫𑐵 𑐩𑐸𑐡𑑂𑐬𑐶𑐟𑑄 𑐫𑐾𑐣 𑐰𑐶𑐰𑐬𑑄 𑐮𑐩𑑂𑐧𑐶𑐎𑑀𑐬𑑂𑐢𑑂𑐰𑐟𑑅 ।
𑐣 𑐟𑐳𑑂𑐫 𑐎𑑂𑐲𑐷𑐫𑐟𑐾 𑐧𑐶𑐣𑑂𑐡𑐸𑑅 𑐎𑐵𑐩𑐶𑐣𑑂𑐫𑐵𑐮𑐶𑐒𑑂𑐐𑐶𑐟𑐳𑑂𑐫 𑐔 ॥ 𑑕𑑗॥
𑐫𑐵𑐰𑐡𑑂𑐧𑐶𑐣𑑂𑐡𑐸𑑅 𑐳𑑂𑐠𑐶𑐟𑑀 𑐡𑐾𑐴𑐾 𑐟𑐵𑐰𑐣𑑂𑐩𑐺𑐟𑑂𑐫𑐸𑐨𑐫𑑄 𑐎𑐸𑐟𑑅 ।
𑐫𑐵𑐰𑐡𑑂𑐧𑐡𑑂𑐢𑐵 𑐣𑐨𑑀𑐩𑐸𑐡𑑂𑐬𑐵 𑐟𑐵𑐰𑐡𑑂𑐧𑐶𑐣𑑂𑐡𑐸𑐬𑑂𑐣 𑐐𑐔𑑂𑐔𑑂𑐴𑐟𑐶 ॥ 𑑕𑑘॥
𑐖𑑂𑐰𑐮𑐶𑐟𑑀ऽ𑐥𑐶 𑐫𑐠𑐵 𑐧𑐶𑐣𑑂𑐡𑐸𑑅 𑐳𑑄𑐥𑑂𑐬𑐵𑐥𑑂𑐟𑐱𑑂𑐔 𑐴𑐸𑐟𑐵𑐱𑐣𑐩𑑂 ।
𑐰𑑂𑐬𑐖𑐟𑑂𑐫𑐹𑐬𑑂𑐢𑑂𑐰𑑄 𑐐𑐟𑑅 𑐱𑐎𑑂𑐟𑑂𑐫𑐵 𑐣𑐶𑐬𑐸𑐡𑑂𑐢𑑀 𑐫𑑀𑐣𑐶𑐩𑐸𑐡𑑂𑐬𑐫𑐵 ॥ 𑑕𑑙॥
𑐳 𑐥𑐸𑐣𑐬𑑂𑐡𑑂𑐰𑐶𑐰𑐶𑐢𑑀 𑐧𑐶𑐣𑑂𑐡𑐸𑑅 𑐥𑐵𑐞𑑂𑐜𑐬𑑀 𑐮𑑀𑐴𑐶𑐟𑐳𑑂𑐟𑐠𑐵 ।
𑐥𑐵𑐞𑑂𑐜𑐬𑑄 𑐱𑐸𑐎𑑂𑐮𑐩𑐶𑐟𑑂𑐫𑐵𑐴𑐸𑐬𑑂𑐮𑑀𑐴𑐶𑐟𑐵𑐏𑑂𑐫𑑄 𑐩𑐴𑐵𑐬𑐖𑑅 ॥ 𑑖𑑐॥
𑐳𑐶𑐣𑑂𑐡𑐹𑐬𑐰𑑂𑐬𑐵𑐟𑐳𑐒𑑂𑐎𑐵𑐱𑑄 𑐬𑐰𑐶𑐳𑑂𑐠𑐵𑐣𑐳𑑂𑐠𑐶𑐟𑑄 𑐬𑐖𑑅 ।
𑐱𑐱𑐶𑐳𑑂𑐠𑐵𑐣𑐳𑑂𑐠𑐶𑐟𑑄 𑐱𑐸𑐎𑑂𑐮𑑄 𑐟𑐫𑑀𑐬𑐿𑐎𑑂𑐫𑑄 𑐳𑐸𑐡𑐸𑐬𑑂𑐮𑐨𑐩𑑂 ॥ 𑑖𑑑॥
𑐧𑐶𑐣𑑂𑐡𑐸𑐬𑑂𑐧𑑂𑐬𑐴𑑂𑐩𑐵 𑐬𑐖𑑅 𑐱𑐎𑑂𑐟𑐶𑐬𑑂𑐧𑐶𑐣𑑂𑐡𑐸𑐬𑐶𑐣𑑂𑐡𑐹 𑐬𑐖𑑀 𑐬𑐰𑐶𑑅 ।
𑐄𑐨𑐫𑑀𑑅 𑐳𑐒𑑂𑐐𑐩𑐵𑐡𑐾𑐰 𑐥𑑂𑐬𑐵𑐥𑑂𑐫𑐟𑐾 𑐥𑐬𑐩𑑄 𑐥𑐡𑐩𑑂 ॥ 𑑖𑑒॥
𑐰𑐵𑐫𑐸𑐣𑐵 𑐱𑐎𑑂𑐟𑐶𑐔𑐵𑐮𑐾𑐣 𑐥𑑂𑐬𑐾𑐬𑐶𑐟𑑄 𑐔 𑐫𑐠𑐵 𑐬𑐖𑑅 ।
𑐫𑐵𑐟𑐶 𑐧𑐶𑐣𑑂𑐡𑐸𑑅 𑐳𑐡𑐿𑐎𑐟𑑂𑐰𑑄 𑐨𑐰𑐾𑐡𑑂𑐡𑐶𑐰𑑂𑐫𑐰𑐥𑐸𑐳𑑂𑐟𑐡𑐵 ॥ 𑑖𑑓॥
𑐱𑐸𑐎𑑂𑐮𑑄 𑐔𑐣𑑂𑐡𑑂𑐬𑐾𑐞 𑐳𑑄𑐫𑐸𑐎𑑂𑐟𑑄 𑐬𑐖𑑅 𑐳𑐹𑐬𑑂𑐫𑐾𑐞 𑐳𑐒𑑂𑐐𑐟𑐩𑑂 ।
𑐟𑐫𑑀𑑅 𑐳𑐩𑐬𑐳𑐿𑐎𑐟𑑂𑐰𑑄 𑐫𑑀 𑐖𑐵𑐣𑐵𑐟𑐶 𑐳 𑐫𑑀𑐐𑐰𑐶𑐟𑑂 ॥ 𑑖𑑔॥
𑐱𑑀𑐢𑐣𑑄 𑐣𑐵𑐜𑐶𑐖𑐵𑐮𑐳𑑂𑐫 𑐔𑐵𑐮𑐣𑑄 𑐔𑐣𑑂𑐡𑑂𑐬𑐳𑐹𑐬𑑂𑐫𑐫𑑀𑑅 ।
𑐬𑐳𑐵𑐣𑐵𑑄 𑐱𑑀𑐲𑐞𑑄 𑐔𑐿𑐰 𑐩𑐴𑐵𑐩𑐸𑐡𑑂𑐬𑐵𑐨𑐶𑐢𑐷𑐫𑐟𑐾 ॥ 𑑖𑑕॥
𑐰𑐎𑑂𑐲𑑀𑐣𑑂𑐫𑐳𑑂𑐟𑐴𑐣𑐸𑑅 𑐥𑑂𑐬𑐥𑐷𑐜𑑂𑐫 𑐳𑐸𑐔𑐶𑐬𑑄 𑐫𑑀𑐣𑐶𑑄 𑐔 𑐰𑐵𑐩𑐵𑐒𑑂𑐑𑐣𑐶𑐞𑐵 𑐴𑐳𑑂𑐟𑐵𑐨𑑂𑐫𑐵𑐩𑐣𑐸𑐢𑐵𑐬𑐫𑐣𑑂𑐥𑑂𑐬𑐳𑐬𑐶𑐟𑑄 𑐥𑐵𑐡𑑄 𑐟𑐠𑐵 𑐡𑐎𑑂𑐲𑐶𑐞𑐩𑑂 ।
𑐁𑐥𑐹𑐬𑑂𑐫 𑐱𑑂𑐰𑐳𑐣𑐾𑐣 𑐎𑐸𑐎𑑂𑐲𑐶𑐫𑐸𑐐𑐮𑑄 𑐧𑐢𑑂𑐰𑐵 𑐱𑐣𑐿 𑐬𑐾𑐔𑐫𑐾𑐟𑑂𑐳𑐾𑐫𑑄 𑐰𑑂𑐫𑐵𑐢𑐶𑐰𑐶𑐣𑐵𑐱𑐶𑐣𑐷 𑐳𑐸𑐩𑐴𑐟𑐷 𑐩𑐸𑐡𑑂𑐬𑐵 𑐣𑐺𑐞𑐵𑑄 𑐎𑐠𑑂𑐫𑐟𑐾 ॥ 𑑖𑑖॥
𑐔𑐣𑑂𑐡𑑂𑐬𑐵𑑄𑐱𑐾𑐣 𑐳𑐩𑐨𑑂𑐫𑐳𑑂𑐫 𑐳𑐹𑐬𑑂𑐫𑐵𑑄𑐱𑐾𑐣𑐵𑐨𑑂𑐫𑐳𑐾𑐟𑑂𑐥𑐸𑐣𑑅 ।
𑐫𑐵 𑐟𑐸𑐮𑑂𑐫𑐵 𑐟𑐸 𑐨𑐰𑐾𑐟𑑂𑐳𑐒𑑂𑐏𑑂𑐫𑐵 𑐟𑐟𑑀 𑐩𑐸𑐡𑑂𑐬𑐵𑑄 𑐰𑐶𑐳𑐬𑑂𑐖𑐫𑐾𑐟𑑂 ॥ 𑑖𑑗॥
𑐣𑐴𑐶 𑐥𑐠𑑂𑐫𑐩𑐥𑐠𑑂𑐫𑑄 𑐰𑐵 𑐬𑐳𑐵𑑅 𑐳𑐬𑑂𑐰𑐾ऽ𑐥𑐶 𑐣𑐷𑐬𑐳𑐵𑑅 ।
𑐀𑐟𑐶𑐨𑐸𑐎𑑂𑐟𑑄 𑐰𑐶𑐲𑑄 𑐑𑑀𑐬𑑄 𑐥𑐷𑐫𑐹𑐲𑐩𑐶𑐰 𑐖𑐷𑐬𑑂𑐫𑐟𑐾 ॥ 𑑖𑑘॥
𑐎𑑂𑐲𑐫𑐎𑐸𑐲𑑂𑐛𑐐𑐸𑐡𑐵𑐰𑐬𑑂𑐟𑐐𑐸𑐮𑑂𑐩𑐵𑐖𑐷𑐬𑑂𑐞𑐥𑐸𑐬𑑀𑐐𑐩𑐵𑑅 ।
𑐟𑐳𑑂𑐫 𑐬𑑀𑐐𑐵𑑅 𑐎𑑂𑐲𑐫𑑄 𑐫𑐵𑐣𑑂𑐟𑐶 𑐩𑐴𑐵𑐩𑐸𑐡𑑂𑐬𑐵𑑄 𑐟𑐸 𑐫𑑀ऽ𑐨𑑂𑐫𑐳𑐾𑐟𑑂 ॥ 𑑖𑑙॥
𑐎𑐠𑐶𑐟𑐾𑐫𑑄 𑐩𑐴𑐵𑐩𑐸𑐡𑑂𑐬𑐵 𑐩𑐴𑐵𑐳𑐶𑐡𑑂𑐢𑐶𑐎𑐬𑐷 𑐣𑐺𑐞𑐵𑐩𑑂 ।
𑐐𑑀𑐥𑐣𑐷𑐫𑐵 𑐥𑑂𑐬𑐫𑐟𑑂𑐣𑐾𑐣 𑐣 𑐡𑐾𑐫𑐵 𑐫𑐳𑑂𑐫 𑐎𑐳𑑂𑐫𑐔𑐶𑐟𑑂 ॥ 𑑗𑑐॥
𑐥𑐡𑑂𑐩𑐵𑐳𑐣𑑄 𑐳𑐩𑐵𑐬𑐸𑐴𑑂𑐫 𑐳𑐩𑐎𑐵𑐫𑐱𑐶𑐬𑑀𑐢𑐬𑑅 ।
𑐣𑐵𑐳𑐵𑐐𑑂𑐬𑐡𑐺𑐲𑑂𑐚𑐶𑐬𑐾𑐎𑐵𑐣𑑂𑐟𑐾 𑐖𑐥𑐾𑐡𑑀𑐒𑑂𑐎𑐵𑐬𑐩𑐰𑑂𑐫𑐫𑐩𑑂 ॥ 𑑗𑑑॥
𑑉 𑐣𑐶𑐟𑑂𑐫𑑄 𑐱𑐸𑐡𑑂𑐢𑑄 𑐧𑐸𑐡𑑂𑐢𑑄 𑐣𑐶𑐬𑑂𑐰𑐶𑐎𑐮𑑂𑐥𑑄 𑐣𑐶𑐬𑐘𑑂𑐖𑐣𑑄 𑐣𑐶𑐬𑐵𑐏𑑂𑐫𑐵𑐟𑐩𑐣𑐵𑐡𑐶𑐣𑐶𑐢𑐣𑐩𑐾𑐎𑑄 𑐟𑐸𑐬𑐷𑐫𑑄 𑐫𑐡𑑂𑐨𑐹𑐟𑑄 𑐨𑐰𑐡𑑂𑐨𑐰𑐶𑐲𑑂𑐫𑐟𑑂𑐥𑐬𑐶𑐰𑐬𑑂𑐟𑐩𑐵𑐣𑑄 𑐳𑐬𑑂𑐰𑐡𑐵ऽ𑐣𑐰𑐔𑑂𑐕𑐶𑐣𑑂𑐣𑑄 𑐥𑐬𑑄 𑐧𑑂𑐬𑐴𑑂𑐩 𑐟𑐳𑑂𑐩𑐵𑐖𑑂𑐖𑐵𑐟𑐵 𑐥𑐬𑐵 𑐱𑐎𑑂𑐟𑐶𑑅 𑐳𑑂𑐰𑐫𑑄𑐖𑑂𑐫𑑀𑐟𑐶𑐬𑐵-𑐟𑑂𑐩𑐶𑐎𑐵 । 𑐁𑐟𑑂𑐩𑐣 𑐁𑐎𑐵𑐱𑑅 𑐳𑑄𑐨𑐹𑐟𑑅 । 𑐁𑐎𑐵𑐱𑐵𑐡𑑂𑐰𑐵𑐫𑐸𑑅 । 𑐰𑐵𑐫𑑀𑐬𑐐𑑂𑐣𑐶𑑅 । 𑐀𑐐𑑂𑐣𑐾𑐬𑐵𑐥𑑅 । 𑐀𑐡𑑂𑐨𑑂𑐫𑑅 𑐥𑐺𑐠𑐶𑐰𑐷 । 𑐊𑐟𑐾𑐲𑐵𑑄 𑐥𑐘𑑂𑐔𑐨𑐹𑐟𑐵𑐣𑐵𑑄 𑐥𑐟𑐫𑑅 𑐥𑐘𑑂𑐔 𑐳𑐡𑐵𑐱𑐶𑐰𑐾𑐱𑑂𑐰𑐬𑐬𑐸𑐡𑑂𑐬𑐰𑐶𑐲𑑂𑐞𑐸𑐧𑑂𑐬𑐴𑑂𑐩𑐵𑐞𑐱𑑂𑐔𑐾𑐟𑐶 । 𑐟𑐾𑐲𑐵𑑄 𑐧𑑂𑐬𑐴𑑂𑐩𑐰𑐶𑐲𑑂𑐞𑐸𑐬𑐸𑐡𑑂𑐬𑐵𑐱𑑂𑐔𑑀𑐟𑑂𑐥𑐟𑑂𑐟𑐶-𑐳𑑂𑐠𑐶𑐟𑐶𑐮𑐫𑐎𑐬𑑂𑐟𑐵𑐬𑑅 । 𑐬𑐵𑐖𑐳𑑀 𑐧𑑂𑐬𑐴𑑂𑐩𑐵 𑐳𑐵𑐟𑑂𑐰𑐶𑐎𑑀 𑐰𑐶𑐲𑑂𑐞𑐸𑐳𑑂𑐟𑐵𑐩𑐳𑑀 𑐬𑐸𑐡𑑂𑐬 𑐂𑐟𑐶 𑐊𑐟𑐾 𑐟𑑂𑐬𑐫𑑀 𑐐𑐸𑐞𑐫𑐸𑐎𑑂𑐟𑐵𑑅 । 𑐧𑑂𑐬𑐴𑑂𑐩𑐵 𑐡𑐾𑐰𑐵𑐣𑐵𑑄 𑐥𑑂𑐬𑐠𑐩𑑅 𑐳𑑄𑐧𑐨𑐹𑐰 । 𑐢𑐵𑐟𑐵 𑐔 𑐳𑐺𑐲𑑂𑐚𑑁 𑐰𑐶𑐲𑑂𑐞𑐸𑐱𑑂𑐔 𑐳𑑂𑐠𑐶𑐟𑑁 𑐬𑐸𑐡𑑂𑐬𑐱𑑂𑐔 𑐣𑐵𑐱𑐾 𑐨𑑀𑐐𑐵𑐫 𑐔𑐣𑑂𑐡𑑂𑐬 𑐂𑐟𑐶 𑐥𑑂𑐬𑐠𑐩𑐖𑐵 𑐧𑐨𑐹𑐰𑐸𑑅 । 𑐊𑐟𑐾𑐲𑐵𑑄 𑐧𑑂𑐬𑐴𑑂𑐩𑐞𑑀 𑐮𑑀𑐎𑐵 𑐡𑐾𑐰𑐟𑐶𑐬𑑂𑐫𑐒𑑂𑐐 𑐬𑐳𑑂𑐠𑐵𑐰𑐬𑐵𑐱𑑂𑐔 𑐖𑐵𑐫𑐣𑑂𑐟𑐾 । 𑐟𑐾𑐲𑐵𑑄 𑐩𑐣𑐸𑐲𑑂𑐫𑐵𑐡𑐷𑐣𑐵𑑄 𑐥𑐘𑑂𑐔𑐨𑐹𑐟𑐳𑐩-𑐰𑐵𑐫𑑅 𑐱𑐬𑐷𑐬𑐩𑑂 । 𑐖𑑂𑐘𑐵𑐣𑐎𑐬𑑂𑐩𑐾𑐣𑑂𑐡𑑂𑐬𑐶𑐫𑐿𑐬𑑂𑐖𑑂𑐘𑐵𑐣𑐰𑐶𑐲𑐫𑐿𑑅 𑐥𑑂𑐬𑐵𑐞𑐵𑐡𑐶𑐥𑐘𑑂𑐔𑐰𑐵𑐫𑐸𑐩𑐣𑑀𑐧𑐸𑐡𑑂𑐢𑐶𑐔𑐶𑐟𑑂𑐟𑐵𑐴𑐒𑑂𑐎𑐵𑐬𑐿𑑅 𑐳𑑂𑐠𑐹𑐮𑐎𑐮𑑂𑐥𑐶𑐟𑐿𑑅 𑐳𑑀ऽ𑐥𑐶 𑐳𑑂𑐠𑐹𑐮𑐥𑑂𑐬𑐎𑐺𑐟𑐶𑐬𑐶𑐟𑑂𑐫𑐸𑐔𑑂𑐫𑐟𑐾 । 𑐖𑑂𑐘𑐵𑐣𑐎𑐬𑑂𑐩𑐾𑐣𑑂𑐡𑑂𑐬𑐶𑐫𑐿𑐬𑑂𑐖𑑂𑐘𑐵𑐣𑐰𑐶𑐲𑐫𑐿𑑅 𑐥𑑂𑐬𑐵𑐞𑐵𑐡𑐶𑐥𑐘𑑂𑐔𑐰𑐵𑐫𑐸𑐩𑐣𑑀𑐧𑐸𑐡𑑂𑐢𑐶𑐨𑐶𑐱𑑂𑐔 𑐳𑐹𑐎𑑂𑐲𑑂𑐩𑐳𑑂𑐠𑑀ऽ𑐥𑐶 𑐮𑐶𑐒𑑂𑐐𑐩𑐾𑐰𑐾𑐟𑑂𑐫𑐸𑐔𑑂𑐫𑐟𑐾 । 𑐐𑐸𑐞𑐟𑑂𑐬𑐫𑐫𑐸𑐎𑑂𑐟𑑄 𑐎𑐵𑐬𑐞𑐩𑑂 । 𑐳𑐬𑑂𑐰𑐾𑐲𑐵𑐩𑐾𑐰𑑄 𑐟𑑂𑐬𑐷𑐞𑐶 𑐱𑐬𑐷𑐬𑐵𑐞𑐶 𑐰𑐬𑑂𑐟𑐣𑑂𑐟𑐾 । 𑐖𑐵𑐐𑑂𑐬𑐟𑑂𑐳𑑂𑐰𑐥𑑂𑐣𑐳𑐸𑐲𑐸𑐥𑑂𑐟𑐶𑐟𑐸𑐬𑐷𑐫𑐵𑐱𑑂𑐔𑐾𑐟𑑂𑐫𑐰𑐳𑑂𑐠𑐵𑐱𑑂𑐔𑐟𑐳𑑂𑐬𑑅 𑐟𑐵𑐳𑐵𑐩𑐰𑐳𑑂𑐠𑐵𑐣𑐵𑐩𑐢𑐶𑐥𑐟𑐫𑐱𑑂𑐔𑐟𑑂𑐰𑐵𑐬𑑅 𑐥𑐸𑐬𑐸𑐲𑐵 𑐰𑐶𑐱𑑂𑐰𑐟𑐿𑐖𑐳-𑐥𑑂𑐬𑐵𑐖𑑂𑐘𑐵𑐟𑑂𑐩𑐵𑐣𑐱𑑂𑐔𑐾𑐟𑐶 । 𑐰𑐶𑐱𑑂𑐰𑑀 𑐴𑐶 𑐳𑑂𑐠𑐹𑐮𑐨𑐸𑐒𑑂𑐣𑐶𑐟𑑂𑐫𑑄 𑐟𑐿𑐖𑐳𑑅 𑐥𑑂𑐬𑐰𑐶𑐰𑐶𑐎𑑂𑐟𑐨𑐸𑐎𑑂 । 𑐁𑐣𑐣𑑂𑐡𑐨𑐸𑐎𑑂𑐟𑐫𑐵 𑐥𑑂𑐬𑐵𑐖𑑂𑐘𑑅 𑐳𑐬𑑂𑐰𑐳𑐵-𑐎𑑂𑐲𑐷𑐟𑑂𑐫𑐟𑑅 𑐥𑐬𑑅 ॥ 𑑗𑑒॥
𑐥𑑂𑐬𑐞𑐟𑑅 𑐳𑐬𑑂𑐰𑐡𑐵 𑐟𑐶𑐲𑑂𑐛𑐾𑐟𑑂𑐳𑐬𑑂𑐰𑐖𑐷𑐰𑐾𑐲𑐸 𑐨𑑀𑐐𑐟𑑅 ।
𑐀𑐨𑐶𑐬𑐵𑐩𑐳𑑂𑐟𑐸 𑐳𑐬𑑂𑐰𑐵𑐳𑐸 𑐴𑑂𑐫𑐰𑐳𑑂𑐠𑐵𑐳𑐸 𑐴𑑂𑐫𑐢𑑀𑐩𑐸𑐏𑑅 ॥ 𑑗𑑓॥
𑐀𑐎𑐵𑐬 𑐄𑐎𑐵𑐬𑑀 𑐩𑐎𑐵𑐬𑐱𑑂𑐔𑐾𑐟𑐶 𑐟𑑂𑐬𑐫𑑀 𑐰𑐬𑑂𑐞𑐵𑐳𑑂𑐟𑑂𑐬𑐫𑑀 𑐰𑐾𑐡𑐵𑐳𑑂𑐟𑑂𑐬𑐫𑑀 𑐮𑑀𑐎𑐵𑐳𑑂𑐟𑑂𑐬𑐫𑑀 𑐐𑐸𑐞𑐵𑐳𑑂𑐟𑑂𑐬𑐷𑐞𑑂𑐫𑐎𑑂𑐲𑐬𑐵𑐞𑐶 𑐟𑑂𑐬𑐫𑑅 𑐳𑑂𑐰𑐬𑐵 𑐊𑐰𑑄 𑐥𑑂𑐬𑐞𑐰𑑅 𑐥𑑂𑐬𑐎𑐵𑐱𑐟𑐾 ।
𑐀𑐎𑐵𑐬𑑀 𑐖𑐵𑐐𑑂𑐬𑐟𑐶 𑐣𑐾𑐟𑑂𑐬𑐾 𑐰𑐬𑑂𑐟𑐟𑐾 𑐳𑐬𑑂𑐰𑐖𑐣𑑂𑐟𑐸𑐲𑐸 ।
𑐄𑐎𑐵𑐬𑑅 𑐎𑐞𑑂𑐛𑐟𑑅 𑐳𑑂𑐰𑐥𑑂𑐣𑐾 𑐩𑐎𑐵𑐬𑑀 𑐴𑐺𑐡𑐶 𑐳𑐸𑐥𑑂𑐟𑐶𑐟𑑅 ॥ 𑑗𑑔॥
𑐰𑐶𑐬𑐵𑐜𑑂𑐰𑐶𑐱𑑂𑐰𑑅 𑐳𑑂𑐠𑐹𑐮𑐱𑑂𑐔𑐵𑐎𑐵𑐬𑑅 । 𑐴𑐶𑐬𑐞𑑂𑐫𑐐𑐬𑑂𑐨𑐳𑑂𑐟𑐿𑐖𑐳𑑅 𑐳𑐹𑐎𑑂𑐲𑑂𑐩𑐱𑑂𑐔 𑐄𑐎𑐵𑐬𑑅 । 𑐎𑐵𑐬𑐞𑐵𑐰𑑂𑐫𑐵𑐎𑐺𑐟𑐥𑑂𑐬𑐵𑐖𑑂𑐘𑐱𑑂𑐔 𑐩𑐎𑐵𑐬𑑅 । 𑐀𑐎𑐵𑐬𑑀 𑐬𑐵𑐖𑐳𑑀 𑐬𑐎𑑂𑐟𑑀 𑐧𑑂𑐬𑐴𑑂𑐩 𑐔𑐾𑐟𑐣 𑐄𑐔𑑂𑐫𑐟𑐾 । 𑐄𑐎𑐵𑐬𑑅 𑐳𑐵𑐟𑑂𑐟𑑂𑐰𑐶𑐎𑑅 𑐱𑐸𑐎𑑂𑐮𑑀 𑐰𑐶𑐲𑑂𑐞𑐸𑐬𑐶𑐟𑑂𑐫𑐨𑐶𑐢𑐷𑐫𑐟𑐾 ॥ 𑑗𑑕॥
𑐩𑐎𑐵𑐬𑐳𑑂𑐟𑐵𑐩𑐳𑑅 𑐎𑐺𑐲𑑂𑐞𑑀 𑐬𑐸𑐡𑑂𑐬𑐱𑑂𑐔𑐾𑐟𑐶 𑐟𑐠𑑀𑐔𑑂𑐫𑐟𑐾 ।
𑐥𑑂𑐬𑐞𑐰𑐵𑐟𑑂𑐥𑑂𑐬𑐨𑐰𑑀 𑐧𑑂𑐬𑐴𑑂𑐩𑐵 𑐥𑑂𑐬𑐞𑐰𑐵𑐟𑑂𑐥𑑂𑐬𑐨𑐰𑑀 𑐴𑐬𑐶𑑅 ॥ 𑑗𑑖॥
𑐥𑑂𑐬𑐞𑐰𑐵𑐟𑑂𑐥𑑂𑐬𑐨𑐰𑑀 𑐬𑐸𑐡𑑂𑐬𑑅 𑐥𑑂𑐬𑐞𑐰𑑀 𑐴𑐶 𑐥𑐬𑑀 𑐨𑐰𑐾𑐟𑑂 ।
𑐀𑐎𑐵𑐬𑐾 𑐮𑐷𑐫𑐟𑐾 𑐧𑑂𑐬𑐴𑑂𑐩𑐵 𑐴𑑂𑐫𑐸𑐎𑐵𑐬𑐾 𑐮𑐷𑐫𑐟𑐾 𑐴𑐬𑐶𑑅 ॥ 𑑗𑑗॥
𑐩𑐎𑐵𑐬𑐾 𑐮𑐷𑐫𑐟𑐾 𑐬𑐸𑐡𑑂𑐬𑑅 𑐥𑑂𑐬𑐞𑐰𑑀 𑐴𑐶 𑐥𑑂𑐬𑐎𑐵𑐱𑐟𑐾 ।
𑐖𑑂𑐘𑐵𑐣𑐶𑐣𑐵𑐩𑐹𑐬𑑂𑐢𑑂𑐰𑐐𑑀 𑐨𑐹𑐫𑐵𑐡𑐖𑑂𑐘𑐵𑐣𑐾 𑐳𑑂𑐫𑐵𑐡𑐢𑑀𑐩𑐸𑐏𑑅 ॥ 𑑗𑑘॥
𑐊𑐰𑑄 𑐰𑐿 𑐥𑑂𑐬𑐞𑐰𑐳𑑂𑐟𑐶𑐲𑑂𑐛𑐾𑐡𑑂𑐫𑐳𑑂𑐟𑑄 𑐰𑐾𑐡 𑐳 𑐰𑐾𑐡𑐰𑐶𑐟𑑂 ।
𑐀𑐣𑐵𑐴𑐟𑐳𑑂𑐰𑐬𑐹𑐥𑐾𑐞 𑐖𑑂𑐘𑐵𑐣𑐶𑐣𑐵𑐩𑐹𑐬𑑂𑐢𑑂𑐰𑐐𑑀 𑐨𑐰𑐾𑐟𑑂 ॥ 𑑗𑑙॥
𑐟𑐿𑐮𑐢𑐵𑐬𑐵𑐩𑐶𑐰𑐵𑐔𑑂𑐕𑐶𑐣𑑂𑐣𑑄 𑐡𑐷𑐬𑑂𑐑𑐑𑐞𑑂𑐚𑐵𑐣𑐶𑐣𑐵𑐡𑐰𑐟𑑂 ।
𑐥𑑂𑐬𑐞𑐰𑐳𑑂𑐫 𑐢𑑂𑐰𑐣𑐶𑐳𑑂𑐟𑐡𑑂𑐰𑐟𑑂𑐟𑐡𑐐𑑂𑐬𑑄 𑐧𑑂𑐬𑐴𑑂𑐩 𑐔𑑀𑐔𑑂𑐫𑐟𑐾 ॥ 𑑘𑑐॥
𑐖𑑂𑐫𑑀𑐟𑐶𑐬𑑂𑐩𑐫𑑄 𑐟𑐡𑐐𑑂𑐬𑑄 𑐳𑑂𑐫𑐵𑐡𑐰𑐵𑐔𑑂𑐫𑑄 𑐧𑐸𑐡𑑂𑐢𑐶𑐳𑐹𑐎𑑂𑐲𑑂𑐩𑐟𑑅 ।
𑐡𑐡𑐺𑐱𑐸𑐬𑑂𑐫𑐾 𑐩𑐴𑐵𑐟𑑂𑐩𑐵𑐣𑑀 𑐫𑐳𑑂𑐟𑑄 𑐰𑐾𑐡 𑐳 𑐰𑐾𑐡𑐰𑐶𑐟𑑂 ॥ 𑑘𑑑॥
𑐖𑐵𑐐𑑂𑐬𑐣𑑂𑐣𑐾𑐟𑑂𑐬𑐡𑑂𑐰𑐫𑑀𑐬𑑂𑐩𑐢𑑂𑐫𑐾 𑐴𑑄𑐳 𑐊𑐰 𑐥𑑂𑐬𑐎𑐵𑐱𑐟𑐾 ।
𑐳𑐎𑐵𑐬𑑅 𑐏𑐾𑐔𑐬𑐷 𑐥𑑂𑐬𑑀𑐎𑑂𑐟𑐳𑑂𑐟𑑂𑐰𑑄𑐥𑐡𑑄 𑐔𑐾𑐟𑐶 𑐣𑐶𑐱𑑂𑐔𑐶𑐟𑐩𑑂 ॥ 𑑘𑑒॥
𑐴𑐎𑐵𑐬𑑅 𑐥𑐬𑐩𑐾𑐱𑑅 𑐳𑑂𑐫𑐵𑐟𑑂𑐟𑐟𑑂𑐥𑐡𑑄 𑐔𑐾𑐟𑐶 𑐣𑐶𑐱𑑂𑐔𑐶𑐟𑐩𑑂 ।
𑐳𑐎𑐵𑐬𑑀 𑐢𑑂𑐫𑐵𑐫𑐟𑐾 𑐖𑐣𑑂𑐟𑐸𑐬𑑂𑐴𑐎𑐵𑐬𑑀 𑐴𑐶 𑐨𑐰𑐾𑐡𑑂𑐢𑐺𑐰𑐩𑑂 ॥ 𑑘𑑓॥
𑐂𑐣𑑂𑐡𑑂𑐬𑐶𑐫𑐿𑐬𑑂𑐧𑐢𑑂𑐫𑐟𑐾 𑐖𑐷𑐰 𑐁𑐟𑑂𑐩𑐵 𑐔𑐿𑐰 𑐣 𑐧𑐢𑑂𑐫𑐟𑐾 ।
𑐩𑐩𑐟𑑂𑐰𑐾𑐣 𑐨𑐰𑐾𑐖𑑂𑐖𑐷𑐰𑑀 𑐣𑐶𑐬𑑂𑐩𑐩𑐟𑑂𑐰𑐾𑐣 𑐎𑐾𑐰𑐮𑑅 ॥ 𑑘𑑔॥
𑐨𑐹𑐬𑑂𑐨𑐸𑐰𑑅 𑐳𑑂𑐰𑐬𑐶𑐩𑐾 𑐮𑑀𑐎𑐵𑑅 𑐳𑑀𑐩𑐳𑐹𑐬𑑂𑐫𑐵𑐐𑑂𑐣𑐶𑐡𑐾𑐰𑐟𑐵𑑅 ।
𑐫𑐳𑑂𑐫 𑐩𑐵𑐟𑑂𑐬𑐵𑐳𑐸 𑐟𑐶𑐲𑑂𑐛𑐣𑑂𑐟𑐶 𑐟𑐟𑑂𑐥𑐬𑑄 𑐖𑑂𑐫𑑀𑐟𑐶𑐬𑑀𑐩𑐶𑐟𑐶 ॥ 𑑘𑑕॥
𑐎𑑂𑐬𑐶𑐫𑐵 𑐂𑐔𑑂𑐔𑑂𑐴𑐵 𑐟𑐠𑐵 𑐖𑑂𑐘𑐵𑐣𑑄 𑐧𑑂𑐬𑐵𑐴𑑂𑐩𑐷 𑐬𑑁𑐡𑑂𑐬𑐷 𑐔 𑐰𑐿𑐲𑑂𑐞𑐰𑐷 ।
𑐟𑑂𑐬𑐶𑐢𑐵 𑐩𑐵𑐟𑑂𑐬𑐵𑐳𑑂𑐠𑐶𑐟𑐶𑐬𑑂𑐫𑐟𑑂𑐬 𑐟𑐟𑑂𑐥𑐬𑑄 𑐖𑑂𑐫𑑀𑐟𑐶𑐬𑑀𑐩𑐶𑐟𑐶 ॥ 𑑘𑑖॥
𑐰𑐔𑐳𑐵 𑐟𑐖𑑂𑐖𑐥𑐾𑐣𑑂𑐣𑐶𑐟𑑂𑐫𑑄 𑐰𑐥𑐸𑐲𑐵 𑐟𑐟𑑂𑐳𑐩𑐨𑑂𑐫𑐳𑐾𑐟𑑂 ।
𑐩𑐣𑐳𑐵 𑐟𑐖𑑂𑐖𑐥𑐾𑐣𑑂𑐣𑐶𑐟𑑂𑐫𑑄 𑐟𑐟𑑂𑐥𑐬𑑄 𑐖𑑂𑐫𑑀𑐟𑐶𑐬𑑀𑐩𑐶𑐟𑐶 ॥ 𑑘𑑗॥
𑐱𑐸𑐔𑐶𑐬𑑂𑐰𑐵𑐥𑑂𑐫𑐱𑐸𑐔𑐶𑐬𑑂𑐰𑐵𑐥𑐶 𑐫𑑀 𑐖𑐥𑐾𑐟𑑂𑐥𑑂𑐬𑐞𑐰𑑄 𑐳𑐡𑐵 ।
𑐣 𑐳 𑐮𑐶𑐥𑑂𑐫𑐟𑐶 𑐥𑐵𑐥𑐾𑐣 𑐥𑐡𑑂𑐩𑐥𑐟𑑂𑐬𑐩𑐶𑐰𑐵𑐩𑑂𑐨𑐳𑐵 ॥ 𑑘𑑘॥
𑐔𑐮𑐾 𑐰𑐵𑐟𑐾 𑐔𑐮𑑀 𑐧𑐶𑐣𑑂𑐡𑐸𑐬𑑂𑐣𑐶𑐱𑑂𑐔𑐮𑐾 𑐣𑐶𑐱𑑂𑐔𑐮𑑀 𑐨𑐰𑐾𑐟𑑂 ।
𑐫𑑀𑐐𑐷 𑐳𑑂𑐠𑐵𑐞𑐸𑐟𑑂𑐰𑐩𑐵𑐥𑑂𑐣𑑀𑐟𑐶 𑐟𑐟𑑀 𑐰𑐵𑐫𑐸𑑄 𑐣𑐶𑐬𑐸𑐣𑑂𑐢𑐫𑐾𑐟𑑂 ॥ 𑑘𑑙॥
𑐫𑐵𑐰𑐡𑑂𑐰𑐵𑐫𑐸𑑅 𑐳𑑂𑐠𑐶𑐟𑑀 𑐡𑐾𑐴𑐾 𑐟𑐵𑐰𑐖𑑂𑐖𑐷𑐰𑑀 𑐣 𑐩𑐸𑐘𑑂𑐔𑐟𑐶 ।
𑐩𑐬𑐞𑑄 𑐟𑐳𑑂𑐫 𑐣𑐶𑐲𑑂𑐎𑑂𑐬𑐵𑐣𑑂𑐟𑐶𑐳𑑂𑐟𑐟𑑀 𑐰𑐵𑐫𑐸𑑄 𑐣𑐶𑐬𑐸𑐣𑑂𑐢𑐫𑐾𑐟𑑂 ॥ 𑑙𑑐॥
𑐫𑐵𑐰𑐡𑑂𑐰𑐵𑐫𑐸𑑅 𑐩𑐬𑐸𑐟𑑂 𑐡𑐾𑐴𑐾 𑐟𑐵𑐰𑐖𑑂𑐖𑐷𑐰𑑀 𑐣 𑐩𑐸𑐘𑑂𑐔𑐟𑐶 ।
𑐫𑐵𑐰𑐡𑑂𑐡𑐺𑐲𑑂𑐚𑐶𑐬𑑂𑐨𑑂𑐬𑐸𑐰𑑀𑐬𑑂𑐩𑐢𑑂𑐫𑐾 𑐟𑐵𑐰𑐟𑑂𑐎𑐵𑐮𑑄 𑐨𑐫𑑄 𑐎𑐸𑐟𑑅 ॥ 𑑙𑑑॥
𑐀𑐮𑑂𑐥𑐎𑐵𑐮𑐨𑐫𑐵𑐡𑑂𑐧𑑂𑐬𑐴𑑂𑐩𑐣𑑂𑐥𑑂𑐬𑐵𑐞𑐵𑐫𑐩𑐥𑐬𑑀 𑐨𑐰𑐾𑐟𑑂 ।
𑐫𑑀𑐐𑐶𑐣𑑀 𑐩𑐸𑐣𑐱𑑂𑐔𑐿𑐰 𑐟𑐟𑑅 𑐥𑑂𑐬𑐵𑐞𑐵𑐣𑑂𑐣𑐶𑐬𑑀𑐢𑐫𑐾𑐟𑑂 ॥ 𑑙𑑒॥
𑐲𑐜𑑂𑐰𑐶𑑄𑐱𑐡𑐒𑑂𑐐𑐸𑐮𑐶𑐬𑑂𑐴𑑄𑐳𑑅 𑐥𑑂𑐬𑐫𑐵𑐞𑑄 𑐎𑐸𑐬𑐸𑐟𑐾 𑐧𑐴𑐶𑑅 ।
𑐰𑐵𑐩𑐡𑐎𑑂𑐲𑐶𑐞𑐩𑐵𑐬𑑂𑐐𑐾𑐞 𑐥𑑂𑐬𑐵𑐞𑐵𑐫𑐵𑐩𑑀 𑐰𑐶𑐢𑐷𑐫𑐟𑐾 ॥ 𑑙𑑓॥
𑐱𑐸𑐡𑑂𑐢𑐶𑐩𑐾𑐟𑐶 𑐫𑐡𑐵 𑐳𑐬𑑂𑐰𑑄 𑐣𑐵𑐜𑐷𑐔𑐎𑑂𑐬𑑄 𑐩𑐮𑐵𑐎𑐸𑐮𑐩𑑂 ।
𑐟𑐡𑐿𑐰 𑐖𑐵𑐫𑐟𑐾 𑐫𑑀𑐐𑐷 𑐥𑑂𑐬𑐵𑐞𑐳𑑄𑐐𑑂𑐬𑐴𑐞𑐎𑑂𑐲𑐩𑑅 ॥ 𑑙𑑔॥
𑐧𑐡𑑂𑐢𑐥𑐡𑑂𑐩𑐵𑐳𑐣𑑀 𑐫𑑀𑐐𑐷 𑐥𑑂𑐬𑐵𑐞𑑄 𑐔𑐣𑑂𑐡𑑂𑐬𑐾𑐞 𑐥𑐹𑐬𑐫𑐾𑐟𑑂 ।
𑐢𑐵𑐬𑐫𑐾𑐡𑑂𑐰𑐵 𑐫𑐠𑐵𑐱𑐎𑑂𑐟𑑂𑐫𑐵 𑐨𑐹𑐫𑑅 𑐳𑐹𑐬𑑂𑐫𑐾𑐞 𑐬𑐾𑐔𑐫𑐾𑐟𑑂 ॥ 𑑙𑑕॥
𑐀𑐩𑐺𑐟𑑀𑐡𑐢𑐶𑐳𑑄𑐎𑐵𑐱𑑄 𑐐𑑀𑐎𑑂𑐲𑐷𑐬𑐢𑐰𑐮𑑀𑐥𑐩𑐩𑑂 ।
𑐢𑑂𑐫𑐵𑐟𑑂𑐰𑐵 𑐔𑐣𑑂𑐡𑑂𑐬𑐩𑐳𑑄 𑐧𑐶𑐩𑑂𑐧𑑄 𑐥𑑂𑐬𑐵𑐞𑐵𑐫𑐵𑐩𑐾 𑐳𑐸𑐏𑐷 𑐨𑐰𑐾𑐟𑑂 ॥ 𑑙𑑖॥
𑐳𑑂𑐦𑐸𑐬𑐟𑑂𑐥𑑂𑐬𑐖𑑂𑐰𑐮𑐳𑑄𑐖𑑂𑐰𑐵𑐮𑐵𑐥𑐹𑐖𑑂𑐫𑐩𑐵𑐡𑐶𑐟𑑂𑐫𑐩𑐞𑑂𑐜𑐮𑐩𑑂 ।
𑐢𑑂𑐫𑐵𑐟𑑂𑐰𑐵 𑐴𑐺𑐡𑐶 𑐳𑑂𑐠𑐶𑐟𑑄 𑐫𑑀𑐐𑐷 𑐥𑑂𑐬𑐵𑐞𑐵𑐫𑐵𑐩𑐾 𑐳𑐸𑐏𑐷 𑐨𑐰𑐾𑐟𑑂 ॥ 𑑙𑑗॥
𑐥𑑂𑐬𑐵𑐞𑑄 𑐔𑐾𑐡𑐶𑐜𑐫𑐵 𑐥𑐶𑐧𑐾𑐣𑑂𑐣𑐶𑐫𑐩𑐶𑐟𑑄 𑐨𑐹𑐫𑑀ऽ𑐣𑑂𑐫𑐠𑐵 𑐬𑐾𑐔𑐫𑐾𑐟𑑂𑐥𑐷𑐟𑑂𑐰𑐵 𑐥𑐶𑐒𑑂𑐐𑐮𑐫𑐵 𑐳𑐩𑐷𑐬𑐞𑐩𑐠𑑀 𑐧𑐡𑑂𑐢𑑂𑐰𑐵 𑐟𑑂𑐫𑐖𑐾𑐡𑑂𑐰𑐵𑐩𑐫𑐵 ।
𑐳𑐹𑐬𑑂𑐫𑐵𑐔𑐣𑑂𑐡𑑂𑐬𑐩𑐳𑑀𑐬𑐣𑐾𑐣 𑐰𑐶𑐢𑐶𑐣𑐵 𑐧𑐶𑐣𑑂𑐡𑐸𑐡𑑂𑐰𑐫𑑄 𑐢𑑂𑐫𑐵𑐫𑐟𑑅 𑐱𑐸𑐡𑑂𑐢𑐵 𑐣𑐵𑐜𑐶𑐐𑐞𑐵 𑐨𑐰𑐣𑑂𑐟𑐶 𑐫𑐩𑐶𑐣𑑀 𑐩𑐵𑐳𑐡𑑂𑐰𑐫𑐵𑐡𑐹𑐬𑑂𑐢𑑂𑐰𑐟𑑅 ॥ 𑑙𑑘॥
𑐫𑐠𑐾𑐲𑑂𑐚𑐢𑐵𑐬𑐞𑑄 𑐰𑐵𑐫𑑀𑐬𑐣𑐮𑐳𑑂𑐫 𑐥𑑂𑐬𑐡𑐷𑐥𑐣𑐩𑑂 ।
𑐣𑐵𑐡𑐵𑐨𑐶𑐰𑑂𑐫𑐎𑑂𑐟𑐶𑐬𑐵𑐬𑑀𑐐𑑂𑐫𑑄 𑐖𑐵𑐫𑐟𑐾 𑐣𑐵𑐜𑐶𑐱𑑀𑐢𑐣𑐵𑐟𑑂 ॥ 𑑙𑑙॥
𑐥𑑂𑐬𑐵𑐞𑑀 𑐡𑐾𑐴𑐳𑑂𑐠𑐶𑐟𑑀 𑐫𑐵𑐰𑐡𑐥𑐵𑐣𑑄 𑐟𑐸 𑐣𑐶𑐬𑐸𑐣𑑂𑐢𑐫𑐾𑐟𑑂 ।
𑐊𑐎𑐱𑑂𑐰𑐵𑐳𑐩𑐫𑐷 𑐩𑐵𑐟𑑂𑐬𑐵 𑐅𑐬𑑂𑐢𑑂𑐰𑐵𑐢𑑀 𑐐𑐐𑐣𑐾 𑐐𑐟𑐶𑑅 ॥ 𑑑𑑐𑑐॥
𑐬𑐾𑐔𑐎𑑅 𑐥𑐹𑐬𑐎𑐱𑑂𑐔𑐿𑐰 𑐎𑐸𑐩𑑂𑐨𑐎𑑅 𑐥𑑂𑐬𑐞𑐰𑐵𑐟𑑂𑐩𑐎𑑅 ।
𑐥𑑂𑐬𑐵𑐞𑐵𑐫𑐵𑐩𑑀 𑐨𑐰𑐾𑐡𑐾𑐰𑑄 𑐩𑐵𑐟𑑂𑐬𑐵𑐡𑑂𑐰𑐵𑐡𑐱𑐳𑑄𑐫𑐸𑐟𑑅 ॥ 𑑑𑑐𑑑॥
𑐩𑐵𑐟𑑂𑐬𑐵𑐡𑑂𑐰𑐵𑐡𑐱𑐳𑑄𑐫𑐸𑐎𑑂𑐟𑑁 𑐡𑐶𑐰𑐵𑐎𑐬𑐣𑐶𑐱𑐵𑐎𑐬𑑁 ।
𑐡𑑀𑐲𑐖𑐵𑐮𑐩𑐧𑐢𑑂𑐣𑐣𑑂𑐟𑑁 𑐖𑑂𑐘𑐵𑐟𑐰𑑂𑐫𑑁 𑐫𑑀𑐐𑐶𑐨𑐶𑑅 𑐳𑐡𑐵 ॥ 𑑑𑑐𑑒॥
𑐥𑐹𑐬𑐎𑑄 𑐡𑑂𑐰𑐵𑐡𑐱𑑄 𑐎𑐸𑐬𑑂𑐫𑐵𑐟𑑂𑐎𑐸𑐩𑑂𑐨𑐎𑑄 𑐲𑑀𑐜𑐱𑑄 𑐨𑐰𑐾𑐟𑑂 ।
𑐬𑐾𑐔𑐎𑑄 𑐡𑐱 𑐔𑑀𑐒𑑂𑐎𑐵𑐬𑑅 𑐥𑑂𑐬𑐵𑐞𑐵𑐫𑐵𑐩𑑅 𑐳 𑐄𑐔𑑂𑐫𑐟𑐾 ॥ 𑑑𑑐𑑓॥
𑐀𑐢𑐩𑐾 𑐡𑑂𑐰𑐵𑐡𑐱 𑐩𑐵𑐟𑑂𑐬𑐵 𑐩𑐢𑑂𑐫𑐩𑐾 𑐡𑑂𑐰𑐶𑐐𑐸𑐞𑐵 𑐩𑐟𑐵 ।
𑐄𑐟𑑂𑐟𑐩𑐾 𑐟𑑂𑐬𑐶𑐐𑐸𑐞𑐵 𑐥𑑂𑐬𑑀𑐎𑑂𑐟𑐵 𑐥𑑂𑐬𑐵𑐞𑐵𑐫𑐵𑐩𑐳𑑂𑐫 𑐣𑐶𑐬𑑂𑐞𑐫𑑅 ॥ 𑑑𑑐𑑔॥
𑐀𑐢𑐩𑐾 𑐳𑑂𑐰𑐾𑐡𑐖𑐣𑐣𑑄 𑐎𑐩𑑂𑐥𑑀 𑐨𑐰𑐟𑐶 𑐩𑐢𑑂𑐫𑐩𑐾 ।
𑐄𑐟𑑂𑐟𑐩𑐾 𑐳𑑂𑐠𑐵𑐣𑐩𑐵𑐥𑑂𑐣𑑀𑐟𑐶 𑐟𑐟𑑀 𑐰𑐵𑐫𑐸𑑄 𑐣𑐶𑐬𑐸𑐣𑑂𑐢𑐫𑐾𑐟𑑂 ॥ 𑑑𑑐𑑕॥
𑐧𑐡𑑂𑐢𑐥𑐡𑑂𑐩𑐵𑐳𑐣𑑀 𑐫𑑀𑐐𑐷 𑐣𑐩𑐳𑑂𑐎𑐺𑐟𑑂𑐫 𑐐𑐸𑐬𑐸𑑄 𑐱𑐶𑐰𑐩𑑂 ।
𑐣𑐵𑐳𑐵𑐐𑑂𑐬𑐡𑐺𑐲𑑂𑐚𑐶𑐬𑐾𑐎𑐵𑐎𑐷 𑐥𑑂𑐬𑐵𑐞𑐵𑐫𑐵𑐩𑑄 𑐳𑐩𑐨𑑂𑐫𑐳𑐾𑐟𑑂 ॥ 𑑑𑑐𑑖॥
𑐡𑑂𑐰𑐵𑐬𑐵𑐞𑐵𑑄 𑐣𑐰 𑐳𑑄𑐣𑐶𑐬𑐸𑐢𑑂𑐫 𑐩𑐬𑐸𑐟𑑄 𑐧𑐢𑑂𑐰𑐵 𑐡𑐺𑐝𑐵𑑄 𑐢𑐵𑐬𑐞𑐵𑑄𑐣𑐷𑐟𑑂𑐰𑐵 𑐎𑐵𑐮𑐩𑐥𑐵𑐣𑐰𑐴𑑂𑐣𑐶𑐳𑐴𑐶𑐟𑑄 𑐱𑐎𑑂𑐟𑑂𑐫𑐵 𑐳𑐩𑑄 𑐔𑐵𑐮𑐶𑐟𑐩𑑂 ।
𑐁𑐟𑑂𑐩𑐢𑑂𑐫𑐵𑐣𑐫𑐸𑐟𑐳𑑂𑐟𑑂𑐰𑐣𑐾𑐣 𑐰𑐶𑐢𑐶𑐣𑐵 𑐰𑐶𑐣𑑂𑐫𑐳𑑂𑐫 𑐩𑐹𑐬𑑂𑐢𑑂𑐣𑐶 𑐳𑑂𑐠𑐶𑐬𑑄 𑐫𑐵𑐰𑐟𑑂𑐟𑐶𑐲𑑂𑐛𑐟𑐶 𑐟𑐵𑐰𑐡𑐾𑐰 𑐩𑐴𑐟𑐵𑑄 𑐳𑐒𑑂𑐐𑑀 𑐣 𑐳𑑄𑐳𑑂𑐟𑐹𑐫𑐟𑐾 ॥ 𑑑𑑐𑑗॥
𑐥𑑂𑐬𑐵𑐞𑐵𑐫𑐵𑐩𑑀 𑐨𑐰𑐾𑐡𑐾𑐰𑑄 𑐥𑐵𑐟𑐎𑐾𑐣𑑂𑐢𑐣𑐥𑐵𑐰𑐎𑑅 ।
𑐨𑐰𑑀𑐡𑐢𑐶𑐩𑐴𑐵𑐳𑐾𑐟𑐸𑑅 𑐥𑑂𑐬𑑀𑐔𑑂𑐫𑐟𑐾 𑐫𑑀𑐐𑐶𑐨𑐶𑑅 𑐳𑐡𑐵 ॥ 𑑑𑑐𑑘॥
𑐁𑐳𑐣𑐾𑐣 𑐬𑐸𑐖𑑄 𑐴𑐣𑑂𑐟𑐶 𑐥𑑂𑐬𑐵𑐞𑐵𑐫𑐵𑐩𑐾𑐣 𑐥𑐵𑐟𑐎𑐩𑑂 ।
𑐰𑐶𑐎𑐵𑐬𑑄 𑐩𑐵𑐣𑐳𑑄 𑐫𑑀𑐐𑐷 𑐥𑑂𑐬𑐟𑑂𑐫𑐵𑐴𑐵𑐬𑐾𑐞 𑐩𑐸𑐘𑑂𑐔𑐟𑐶 ॥ 𑑑𑑐𑑙॥
𑐢𑐵𑐬𑐞𑐵𑐨𑐶𑐬𑑂𑐩𑐣𑑀𑐢𑐿𑐬𑑂𑐫𑑄 𑐫𑐵𑐟𑐶 𑐔𑐿𑐟𑐣𑑂𑐫𑐩𑐡𑑂𑐨𑐸𑐟𑐩𑑂 ।
𑐳𑐩𑐵𑐢𑑁 𑐩𑑀𑐎𑑂𑐲𑐩𑐵𑐥𑑂𑐣𑑀𑐟𑐶 𑐟𑑂𑐫𑐎𑑂𑐟𑑂𑐰𑐵 𑐎𑐬𑑂𑐩 𑐱𑐸𑐨𑐵𑐱𑐸𑐨𑐩𑑂 ॥ 𑑑𑑑𑑐॥
𑐥𑑂𑐬𑐵𑐞𑐵𑐫𑐵𑐩𑐡𑑂𑐰𑐶𑐲𑐚𑑂𑐎𑐾𑐣 𑐥𑑂𑐬𑐟𑑂𑐫𑐵𑐴𑐵𑐬𑑅 𑐥𑑂𑐬𑐎𑐷𑐬𑑂𑐟𑐶𑐟𑑅 ।
𑐥𑑂𑐬𑐟𑑂𑐫𑐵𑐴𑐵𑐬𑐡𑑂𑐰𑐶𑐲𑐚𑑂𑐎𑐾𑐣 𑐖𑐵𑐫𑐟𑐾 𑐢𑐵𑐬𑐞𑐵 𑐱𑐸𑐨𑐵 ॥ 𑑑𑑑𑑑॥
𑐢𑐵𑐬𑐞𑐵𑐡𑑂𑐰𑐵𑐡𑐱 𑐥𑑂𑐬𑑀𑐎𑑂𑐟𑑄 𑐢𑑂𑐫𑐵𑐣𑑄 𑐫𑑀𑐐𑐰𑐶𑐱𑐵𑐬𑐡𑐿𑑅 ।
𑐢𑑂𑐫𑐵𑐣𑐡𑑂𑐰𑐵𑐡𑐱𑐎𑐾𑐣𑐿𑐰 𑐳𑐩𑐵𑐢𑐶𑐬𑐨𑐶𑐢𑐷𑐫𑐟𑐾 ॥ 𑑑𑑑𑑒॥
𑐫𑐟𑑂𑐳𑐩𑐵𑐢𑑁 𑐥𑐬𑑄𑐖𑑂𑐫𑑀𑐟𑐶𑐬𑐣𑐣𑑂𑐟𑑄 𑐰𑐶𑐱𑑂𑐰𑐟𑑀𑐩𑐸𑐏𑐩𑑂 ।
𑐟𑐳𑑂𑐩𑐶𑐣𑑂𑐡𑐺𑐲𑑂𑐚𑐾 𑐎𑑂𑐬𑐶𑐫𑐵𑐎𑐬𑑂𑐩 𑐫𑐵𑐟𑐵𑐫𑐵𑐟𑑀 𑐣 𑐰𑐶𑐡𑑂𑐫𑐟𑐾 ॥ 𑑑𑑑𑑓॥
𑐳𑑄𑐧𑐡𑑂𑐢𑐵𑐳𑐣𑐩𑐾𑐝𑑂𑐬𑐩𑐒𑑂𑐑𑑂𑐬𑐶𑐫𑐸𑐐𑐮𑑄 𑐎𑐬𑑂𑐞𑐵𑐎𑑂𑐲𑐶𑐣𑐵𑐳𑐵𑐥𑐸𑐚 𑐡𑑂𑐰𑐵𑐬𑐵𑐡𑑂𑐫𑐒𑑂𑐐𑐸𑐮𑐶𑐨𑐶𑐬𑑂𑐣𑐶𑐫𑐩𑑂𑐫 𑐥𑐰𑐣𑑄 𑐰𑐎𑑂𑐟𑑂𑐬𑐾𑐞 𑐰𑐵 𑐥𑐹𑐬𑐶𑐟𑐩𑑂 ।
𑐧𑐢𑑂𑐰𑐵 𑐰𑐎𑑂𑐲𑐳𑐶 𑐧𑐴𑑂𑐰𑐫𑐵𑐣𑐳𑐴𑐶𑐟𑑄 𑐩𑐹𑐬𑑂𑐢𑑂𑐣𑐶 𑐳𑑂𑐠𑐶𑐬𑑄 𑐢𑐵𑐬𑐫𑐾𑐡𑐾𑐰𑑄 𑐫𑐵𑐟𑐶 𑐰𑐶𑐱𑐾𑐲𑐟𑐟𑑂𑐟𑑂𑐰𑐳𑐩𑐟𑐵𑑄 𑐫𑑀𑐐𑐷𑐱𑑂𑐰𑐬𑐵𑐳𑑂𑐟𑐣𑑂𑐩𑐣𑐵: ॥ 𑑑𑑑𑑔॥
𑐐𑐐𑐣𑑄 𑐥𑐰𑐣𑐾 𑐥𑑂𑐬𑐵𑐥𑑂𑐟𑐾 𑐢𑑂𑐰𑐣𑐶𑐬𑐸𑐟𑑂𑐥𑐡𑑂𑐫𑐟𑐾 𑐩𑐴𑐵𑐣𑑂 ।
𑐑𑐞𑑂𑐚𑐵𑐡𑐷𑐣𑐵𑑄 𑐥𑑂𑐬𑐰𑐵𑐡𑑂𑐫𑐵𑐣𑐵𑑄 𑐣𑐵𑐡𑐳𑐶𑐡𑑂𑐢𑐶𑐬𑐸𑐡𑐷𑐬𑐶𑐟𑐵 ॥ 𑑑𑑑𑑕॥
𑐥𑑂𑐬𑐵𑐞𑐵𑐫𑐵𑐩𑐾𑐣 𑐫𑐸𑐎𑑂𑐟𑐾𑐣 𑐳𑐬𑑂𑐰𑐬𑑀𑐐𑐎𑑂𑐲𑐫𑑀 𑐨𑐰𑐾𑐟𑑂 ।
𑐥𑑂𑐬𑐵𑐞𑐵𑐫𑐵𑐩𑐰𑐶𑐫𑐸𑐎𑑂𑐟𑐾𑐨𑑂𑐫𑑅 𑐳𑐬𑑂𑐰𑐬𑑀𑐐𑐳𑐩𑐸𑐡𑑂𑐨𑐰𑑅 ॥ 𑑑𑑑𑑖॥
𑐴𑐶𑐎𑑂𑐎𑐵 𑐎𑐵𑐳𑐳𑑂𑐟𑐠𑐵 𑐱𑑂𑐰𑐵𑐳𑑅 𑐱𑐶𑐬𑑅𑐎𑐬𑑂𑐞𑐵𑐎𑑂𑐲𑐶𑐰𑐾𑐡𑐣𑐵𑑅 ।
𑐨𑐰𑐣𑑂𑐟𑐶 𑐰𑐶𑐰𑐶𑐢𑐵 𑐬𑑀𑐐𑐵𑑅 𑐥𑐰𑐣𑐰𑑂𑐫𑐟𑑂𑐫𑐫𑐎𑑂𑐬𑐩𑐵𑐟𑑂 ॥ 𑑑𑑑𑑗॥
𑐫𑐠𑐵 𑐳𑐶𑑄𑐴𑑀 𑐐𑐖𑑀 𑐰𑑂𑐫𑐵𑐑𑑂𑐬𑑀 𑐨𑐰𑐾𑐡𑑂𑐰𑐱𑑂𑐫𑑅 𑐱𑐣𑐿𑑅 𑐱𑐣𑐿𑑅 ।
𑐟𑐠𑐿𑐰 𑐳𑐾𑐰𑐶𑐟𑑀 𑐰𑐵𑐫𑐸𑐬𑐣𑑂𑐫𑐠𑐵 𑐴𑐣𑑂𑐟𑐶 𑐳𑐵𑐢𑐎𑐩𑑂 ॥ 𑑑𑑑𑑘॥
𑐫𑐸𑐎𑑂𑐟𑑄𑐫𑐸𑐎𑑂𑐟𑑄 𑐟𑑂𑐫𑐖𑐾𑐡𑑂𑐰𑐵𑐫𑐸𑑄 𑐫𑐸𑐎𑑂𑐟𑑄𑐫𑐸𑐎𑑂𑐟𑑄 𑐥𑑂𑐬𑐥𑐹𑐬𑐫𑐾𑐟𑑂 ।
𑐫𑐸𑐎𑑂𑐟𑑄𑐫𑐸𑐎𑑂𑐟𑑄 𑐥𑑂𑐬𑐧𑐢𑑂𑐣𑐷𑐫𑐵𑐡𑐾𑐰𑑄 𑐳𑐶𑐡𑑂𑐢𑐶𑐩𑐰𑐵𑐥𑑂𑐣𑐸𑐫𑐵𑐟𑑂 ॥ 𑑑𑑑𑑙॥
𑐔𑐬𑐟𑐵𑑄 𑐔𑐎𑑂𑐲𑐸𑐬𑐵𑐡𑐷𑐣𑐵𑑄 𑐰𑐶𑐲𑐫𑐾𑐲𑐸 𑐫𑐠𑐵𑐎𑑂𑐬𑐩𑐩𑑂 ।
𑐫𑐟𑑂𑐥𑑂𑐬𑐟𑑂𑐫𑐵𑐴𑐬𑐞𑑄 𑐟𑐾𑐲𑐵𑑄 𑐥𑑂𑐬𑐟𑑂𑐫𑐵𑐴𑐬𑑅 𑐳 𑐄𑐔𑑂𑐫𑐟𑐾 ॥ 𑑑𑑒𑑐॥
𑐫𑐠𑐵 𑐟𑐺𑐟𑐷𑐫𑐎𑐵𑐮𑐾 𑐟𑐸 𑐬𑐰𑐶𑑅 𑐥𑑂𑐬𑐟𑑂𑐫𑐵𑐴𑐬𑐾𑐟𑑂𑐥𑑂𑐬𑐨𑐵𑐩𑑂 ।
𑐟𑐺𑐟𑐷𑐫𑐒𑑂𑐐𑐳𑑂𑐠𑐶𑐟𑑀 𑐫𑑀𑐐𑐷 𑐰𑐶𑐎𑐵𑐬𑑄 𑐩𑐣𑐳𑑄 𑐴𑐬𑐾𑐟𑑂 । 𑐂𑐟𑑂𑐫𑐸𑐥𑐣𑐶𑐲𑐟𑑂 ॥ 𑑑𑑒𑑑॥
𑑉 𑐁𑐥𑑂𑐫𑐵𑐫𑐣𑑂𑐟𑐸 𑐩𑐩𑐵𑐒𑑂𑐐𑐵𑐣𑐶 𑐰𑐵𑐎𑑂𑐥𑑂𑐬𑐵𑐞𑐱𑑂𑐔𑐎𑑂𑐲𑐸𑑅 𑐱𑑂𑐬𑑀𑐟𑑂𑐬𑐩𑐠𑑀 𑐧𑐮𑐩𑐶𑐣𑑂𑐡𑑂𑐬𑐶𑐫𑐵𑐞𑐶 𑐔 𑐳𑐬𑑂𑐰𑐵𑐞𑐶 𑐳𑐬𑑂𑐰𑑄 𑐧𑑂𑐬𑐴𑑂𑐩𑑀𑐥𑐣𑐶𑐲𑐡𑑄 𑐩𑐵𑐴𑑄 𑐧𑑂𑐬𑐴𑑂𑐩 𑐣𑐶𑐬𑐵𑐎𑐸𑐬𑑂𑐫𑐵𑑄 𑐩𑐵 𑐩𑐵 𑐧𑑂𑐬𑐴𑑂𑐩 𑐣𑐶𑐬𑐵𑐎𑐬𑑀𑐡𑐣𑐶𑐬𑐵𑐎𑐬𑐞 𑐩𑐳𑑂𑐟𑑂𑐰𑐣𑐶𑐬𑐵𑐎𑐬𑐞𑑄 𑐩𑐾𑐳𑑂𑐟𑐸 𑐟𑐡𑐵𑐟𑑂𑐩𑐣𑐶 𑐣𑐶𑐬𑐟𑐾 𑐫 𑐄𑐥𑐣𑐶𑐲𑐟𑑂𑐳𑐸 𑐢𑐬𑑂𑐩𑐵𑐳𑑂𑐟𑐾 𑐩𑐫𑐶 𑐳𑐣𑑂𑐟𑐸 𑐟𑐾 𑐩𑐫𑐶 𑐟𑐾 𑐩𑐫𑐶 𑐳𑐣𑑂𑐟𑐸 ॥
𑑉 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 𑐱𑐵𑐣𑑂𑐟𑐶𑑅 ॥
𑐂𑐟𑐶 𑐫𑑀𑐐𑐔𑐹𑐜𑐵𑐩𑐞𑑂𑐫𑐸𑐥𑐣𑐶𑐲𑐟𑑂𑐳𑐩𑐵𑐥𑑂𑐟𑐵
𑐀𑐢𑐶𑐎𑐵𑐢𑑂𑐫𑐫𑐣𑐵𑐫
[सम्पादन]𑐰𑐬𑑂𑐐𑑅:𑐄𑐥𑐣𑐶𑐲𑐡𑑅 𑐰𑐬𑑂𑐐𑑅:𑐫𑑀𑐐𑑀𑐥𑐣𑐶𑐲𑐡𑑅