छ्येलेमि:Eukesh/Auto/NepalScript/मेसोपोतामिया

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐩𑐾𑐳𑑀𑐥𑑀𑐟𑐵𑐩𑐶𑐫𑐵 𑐰𑐵 𑐩𑐾𑐳𑑀𑐥𑑀𑐚𑐵𑐩𑐶𑐫𑐵 ​​𑐥𑐱𑑂𑐔𑐶𑐩 𑐊𑐳𑐶𑐫𑐵𑐫𑐵 𑐟𑐶𑐐𑑂𑐬𑐶𑐳–𑐫𑐸𑐦𑑂𑐬𑐾𑐟𑐶𑐖 𑐏𑐸𑐳𑐶𑐫𑐵 𑐥𑑂𑐬𑐞𑐵𑐮𑐷 𑐡𑐸𑐣𑐾 𑐮𑐵𑑅𑐐𑐸 𑐕𑐐𑐹 𑐋𑐟𑐶𑐴𑐵𑐳𑐶𑐎 𑐎𑑂𑐲𑐾𑐟𑑂𑐬 𑐏। 𑐠𑑂𑐰 𑐎𑑂𑐲𑐾𑐟𑑂𑐬 𑐄𑐬𑑂𑐰𑐬 𑐧𑐵𑐩𑐶𑐮𑐵 (Fertile Crescent)𑐫𑐵 𑐄𑐟𑑂𑐟𑐬𑐷 𑐨𑐵𑐐𑐫𑑂 𑐮𑐵। 𑐩𑐾𑐳𑑀𑐥𑑀𑐟𑐵𑐩𑐶𑐫𑐵 𑐁𑐥𑐵𑐮𑑄 𑐨𑐹𑐨𑐵𑐐 𑐠𑑁𑑄𑐎𑐣𑑂𑐴𑐫𑑂𑐫𑐵 𑐂𑐬𑐵𑐎 𑐡𑐾𑐳𑐫𑑂 𑐡𑐸𑐣𑐾 𑐮𑐵। 𑐀𑐠𑐾 𑐖𑐸𑐳𑐵𑑄 𑐠𑑂𑐰 𑐮𑐴𑐣𑐵𑐫𑐵 𑐔𑐎𑑄𑑅 𑐋𑐟𑐶𑐴𑐵𑐳𑐶𑐎 𑐎𑑂𑐲𑐾𑐟𑑂𑐬 𑐠𑑁𑑄𑐎𑐣𑑂𑐴𑐫𑑂𑐫𑐵 𑐂𑐬𑐵𑐣, 𑐟𑐬𑑂𑐎𑐷, 𑐳𑐶𑐬𑐶𑐫𑐵 𑐰 𑐎𑐸𑐰𑐾𑐟𑐫𑐵 𑐕𑐸𑑄 𑐨𑐵𑐐𑐫𑑂 𑐣𑑄 𑐮𑐵।

𑐩𑐾𑐳𑑀𑐥𑑀𑐟𑐵𑐩𑐶𑐫𑐵 𑐎𑐬𑐶𑐧 𑑑𑑐,𑑐𑑐𑑐 𑐃𑐳𑐵𑐥𑐹𑐬𑑂𑐰𑐫𑐵 𑐣𑑂𑐴𑐹𑐐𑐸 𑐮𑑂𑐰𑐴𑑃 𑐫𑐸𑐐 𑐎𑑂𑐬𑐵𑐣𑑂𑐟𑐶𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐰𑐶𑐎𑐵𑐳 𑐖𑐹𑐐𑐸 𑐠𑐵𑐫𑑂 𑐏। 𑐠𑑂𑐰 𑐠𑐵𑐫𑑂 𑐩𑐵𑐣𑐰 𑐂𑐟𑐶𑐴𑐵𑐳𑐫𑑂 𑐕𑐸𑑄 𑐡𑐎𑐮𑐫𑑂 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐏𑑃 𑐡𑐫𑐾𑐎𑐹𑐐𑐸 𑐡𑐸: 𑐡𑐳𑐸𑐫𑐵 𑐣𑐶𑑄𑐟𑐶𑑄 𑐑𑑅𑐔𑐵𑐫𑐵 𑐁𑐰𑐶𑐲𑑂𑐎𑐵𑐬, 𑐣𑑂𑐴𑐵𑐥𑐵𑑄𑐐𑐸 𑐀𑐣𑐵𑐖𑐫𑐵 𑐧𑐵𑐮𑐷 𑐥𑐷𑐐𑐸, 𑐎𑐬𑑂𑐳𑐶𑐨 𑐮𑐶𑐥𑐶, 𑐐𑐞𑐶𑐟, 𑐏𑐐𑑀𑐮𑐱𑐵𑐳𑑂𑐟𑑂𑐬, 𑐰 𑐧𑐸𑑄𑐖𑑂𑐫𑐵𑐫𑐵 𑐰𑐶𑐎𑐵𑐳 𑐮𑐵। 𑐠𑑂𑐰 𑐠𑐵𑐫𑑂 𑐴𑐮𑐶𑑄𑐫𑐵 𑐕𑐸𑑄 𑐩𑐹 𑐮𑐴𑐣𑐵𑐟𑐾𑐐𑐸 𑐄𑐟𑑂𑐥𑐟𑑂𑐟𑐶 𑐨𑐹𑐩𑐶𑐫𑐵 𑐎𑐠𑑄 𑐎𑐵𑐫𑐾𑐐𑐸 𑐫𑐵।

𑐳𑐸𑐩𑐾𑐬𑐶𑐫𑐣 𑐰 𑐀𑐎𑐾𑐡𑐶𑐫𑐣 𑐮𑐴𑐣𑐵 𑐠𑑂𑐰 𑐠𑐵𑐫𑑂𑐫𑐵 𑐧𑑂𑐫𑐵𑐐𑐮𑑄 𑐠𑐵𑐳𑑄 𑐄𑐟𑑂𑐥𑐟𑑂𑐟𑐶 𑐖𑐸𑐮 𑐰 𑐔𑑂𑐰𑐫𑐵𑐟𑑅𑐐𑐸 𑐂𑐟𑐶𑐴𑐵𑐳𑐫𑐵 𑐱𑐸𑐬𑐸𑐰𑐵𑐟 (𑐠𑑂𑐫𑑄-𑐩𑐠𑑂𑐫𑑄 𑑓𑑑𑑐𑑐 𑐃𑐳𑐵𑐥𑐹𑐬𑑂𑐰) 𑐣𑐶𑐳𑐾𑑄 𑐃𑐳𑐵𑐥𑐹𑐬𑑂𑐰 𑑕𑑓𑑙𑐫𑑂 𑐧𑐾𑐧𑐶𑐮𑑀𑐣𑐫𑐵 𑐥𑐟𑐣 𑐟𑐎𑑂𑐎 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑑂 𑐠𑑂𑐰 𑐣𑐶𑐐𑐸 𑐬𑐵𑐖𑑂𑐫𑐟𑐾𑐐𑐸 𑐥𑑂𑐬𑐨𑐸𑐟𑑂𑐰 𑐳𑑂𑐠𑐵𑐥𑐶𑐟 𑐖𑐸𑐮। 𑐂𑐩𑐶𑐐𑐸 𑐳𑐵𑐩𑑂𑐬𑐵𑐖𑑂𑐫𑐫𑐵 𑐄𑐡𑐫, 𑐃𑐳𑐵𑐥𑐹𑐬𑑂𑐰 𑑒𑑓𑑕𑑐𑐫𑐵 𑐣𑐵𑐥𑑄 𑐀𑐎𑑂𑐎𑐵𑐡𑐫𑐵 𑐳𑐵𑐬𑑂𑐐𑑀𑐣𑑄 𑐣𑑂𑐴𑑂𑐫𑐵𑑅𑐐𑐸 𑐏। 𑐠𑑂𑐰 𑐱𑐵𑐳𑐣 𑐥𑐡𑑂𑐢𑐟𑐶 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑐵 𑐂𑐟𑐶𑐴𑐵𑐳𑐫𑐵 𑐮𑐶𑐥𑐵𑐫𑐵 𑑒𑑐𑑐𑑐 𑐡𑑃 𑐟𑐎 𑐡𑐫𑐵𑐔𑑂𑐰𑐣। 𑐃𑐳𑐵𑐥𑐹𑐬𑑂𑐰 𑐣𑐶𑐐𑐹𑐐𑐸 𑐳𑐴𑐳𑑂𑐬𑐵𑐧𑑂𑐡𑐷𑐫𑐵 𑐳𑐸𑐬𑐸𑐂 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑐵 𑐳𑐩𑐵𑐖𑐫𑐵 𑐢𑑂𑐬𑐸𑐰𑐷𑐎𑐬𑐞 𑐖𑐸𑐳𑐾𑑄 𑐄𑐟𑑂𑐟𑐬𑐫𑑂 𑐀𑐱𑑂𑐱𑐹𑐬 𑐰𑐵 𑐀𑐳𑑂𑐳𑐶𑐬𑐶𑐫𑐵 𑐰 𑐡𑐎𑑂𑐲𑐶𑐞𑐫𑑂 𑐧𑐾𑐧𑐶𑐮𑑀𑐣𑐶𑐫𑐵𑐫𑐵 𑐰𑐶𑐎𑐵𑐳 𑐖𑐸𑐮। 𑐃𑐳𑐵𑐥𑐹𑐬𑑂𑐰 𑑙𑑐𑑐 𑐣𑐶𑐳𑐾𑑄 𑑖𑑑𑑒 𑐟𑐎𑑂𑐎 𑐣𑐰-𑐀𑐱𑑂𑐱𑐹𑐬 𑐳𑐵𑐩𑑂𑐬𑐵𑐖𑑂𑐫𑑄 𑐥𑑂𑐬𑐵𑐔𑐷𑐣 𑐣𑐶𑐎𑐚 𑐥𑐹𑐬𑑂𑐰𑐫𑐵 𑐫𑐎𑑂𑐰 𑐨𑐵𑐐𑐫𑑂 𑐠𑑅𑐐𑐸 𑐣𑐶𑐫𑐣𑑂𑐟𑑂𑐬𑐞 𑐎𑐵𑐫𑐩 𑐫𑐵𑐟। 𑐰𑐫𑐵𑑄 𑐮𑐶𑐥𑐵, 𑐟𑐵𑑅𑐃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐀𑐱𑑂𑐱𑐹𑐬𑐫𑐵 𑐕𑐵𑑃𑐫𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐧𑐾𑐧𑐶𑐮𑑀𑐣𑐶𑐫𑐣𑐟𑐾𑐳𑑄 𑐳𑐟𑑂𑐟𑐵 𑐎𑐧𑑂𑐖𑐵 𑐫𑐵𑐟 𑐰 𑐕𑐐𑐹 𑐱𑐟𑐵𑐧𑑂𑐡𑐷 𑐟𑐎𑑂𑐎 𑐠𑑂𑐰 𑐎𑑂𑐲𑐾𑐟𑑂𑐬𑐫𑐵 𑐥𑑂𑐬𑐨𑐸𑐟𑑂𑐰 𑐠𑑅𑐐𑐸 𑐮𑑂𑐴𑐵𑐟𑐫𑑂 𑐎𑐵𑐮। 𑐃𑐳𑐵𑐥𑐹𑐬𑑂𑐰 𑑕𑑓𑑙𑐂 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑐵𑐟 𑐀𑐎𑐶𑐩𑐾𑐣𑐶𑐡 𑐳𑐵𑐩𑑂𑐬𑐵𑐖𑑂𑐫𑐫𑐵 𑐱𑐵𑐳𑐎𑑄 𑐟𑑂𑐫𑐵𑐎𑐮। 𑐠𑑂𑐰 𑐠𑐵𑐫𑑂 𑐮𑐶𑐥𑐵 𑑓𑑓𑑒 𑐃𑐳𑐵𑐥𑐹𑐬𑑂𑐰𑐫𑑂 𑐀𑐮𑐾𑐎𑑂𑐖𑐾𑐣𑑂𑐜𑐬𑑄 𑐟𑑂𑐫𑐵𑐎𑐮 । 𑐰𑐫𑑂𑐎𑑅𑐫𑐵 𑐩𑐺𑐟𑑂𑐫𑐸 𑐢𑐸𑑄𑐎𑐵 𑐠𑑂𑐰 𑐐𑑂𑐬𑐷𑐎 𑐳𑐾𑐮𑑂𑐫𑐸𑐳𑐶𑐜 𑐳𑐵𑐩𑑂𑐬𑐵𑐖𑑂𑐫𑐫𑐵 𑐨𑐵𑐐 𑐖𑐸𑐮।

𑐃𑐳𑐵𑐥𑐹𑐬𑑂𑐰 𑑑𑑕𑑐𑐫𑐵 𑐁𑐳𑐥𑐵𑐳 𑐩𑐾𑐳𑑀𑐥𑑀𑐚𑐵𑐩𑐶𑐫𑐵 𑐥𑐵𑐬𑑂𑐠𑐶𑐫𑐣 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑐶𑐫𑐣𑑂𑐟𑑂𑐬𑐞𑐫𑑂 𑐮𑐵𑐟𑑅। 𑐠𑑂𑐰 𑐠𑐵𑐫𑑂 𑐬𑑀𑐩𑐣 𑐰 𑐥𑐵𑐬𑑂𑐠𑐶𑐫𑐣𑐟𑐾𑐐𑐸 𑐡𑐠𑐸𑐂 𑐫𑐸𑐡𑑂𑐢𑐨𑐹𑐩𑐶 𑐖𑐸𑐮, 𑐠𑑂𑐰 𑐎𑑂𑐲𑐾𑐟𑑂𑐬𑐫𑐵 𑐥𑐱𑑂𑐔𑐶𑐩𑐷 𑐨𑐵𑐐 𑐎𑑂𑐲𑐞𑐶𑐎 𑐬𑑀𑐩𑐣 𑐣𑐶𑐫𑐣𑑂𑐟𑑂𑐬𑐞𑐫𑑂 𑐰𑐣। 𑑒𑑒𑑖 𑐃𑐳𑑂𑐰𑐷𑐂 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑐵 𑐥𑐹𑐬𑑂𑐰𑐷 𑐎𑑂𑐲𑐾𑐟𑑂𑐬 𑐳𑐳𑐵𑐣𑐷 𑐦𑐵𑐬𑐳𑐷𑐟𑐫𑑂𑐐𑐸 𑐮𑑂𑐴𑐵𑐟𑐫𑑂 𑐮𑐵𑐟। 𑑓𑑙𑑕 𑐃𑐳𑑂𑐰𑐷 𑐣𑐶𑐳𑐾𑑄 𑐬𑑀𑐩𑐣 𑐧𑐿𑐖𑐣𑑂𑐚𑐵𑐂𑐣 𑐳𑐵𑐩𑑂𑐬𑐵𑐖𑑂𑐫 𑐰 𑐳𑐵𑐳𑐵𑐣𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐡𑐠𑐸𑐂 𑐠𑑂𑐰 𑐎𑑂𑐲𑐾𑐟𑑂𑐬𑐫𑐵 𑐰𑐶𑐨𑐵𑐖𑐣 𑐖𑐸𑐮। 𑑗𑐐𑐸 𑐱𑐟𑐵𑐧𑑂𑐡𑐷𑐂 𑐩𑐸𑐳𑑂𑐩𑐵𑑄𑐟𑐫𑐾𑐳𑑄 𑐳𑐵𑐳𑐵𑐣𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐦𑐵𑐬𑐳 𑐟𑑂𑐫𑐵𑐎𑐮 𑐰 𑐩𑐸𑐳𑑂𑐩𑐵𑑄𑐟𑐫𑐾𑐳𑑄 𑐧𑐿𑐖𑐣𑑂𑐚𑐵𑐂𑐣𑐟𑐾𑐐𑐸 𑐮𑑂𑐴𑐵𑐟𑑄 𑐮𑐾𑐨𑐵𑐣𑑂𑐟 𑐟𑑂𑐫𑐵𑐎𑐮। 𑑑𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰 𑐰 𑑓𑐐𑐸 𑐱𑐟𑐵𑐧𑑂𑐡𑐷 𑐃𑐳𑑂𑐰𑐷𑐫𑐵 𑐡𑐠𑐸𑐂 𑐥𑑂𑐬𑐵𑐠𑐩𑐶𑐎 𑐬𑐸𑐥𑑄 𑐣𑐰-𑐀𑐱𑑂𑐱𑐹𑐬 𑐰 𑐃𑐳𑐵𑐃 𑐩𑐹𑐮𑐰𑐵𑐳𑐷 𑐩𑐾𑐳𑑀𑐥𑑀𑐚𑐵𑐩𑐶𑐫𑐵𑐫𑐵 𑐬𑐵𑐖𑑂𑐫𑐫𑐵 𑐕𑐐𑐹 𑐮𑑂𑐫𑐵𑐏𑑄 𑐀𑐳𑑂𑐟𑐶𑐟𑑂𑐰𑐫𑑂 𑐡𑐸, 𑐐𑐸𑐎𑐶𑐮𑐶 𑐊𑐜𑐶𑐫𑐵𑐧𑐾𑐣, 𑐌𑐳𑑂𑐬𑑀𑐊𑐣 𑐰 𑐴𑐵𑐟𑑂𑐬 𑐮𑐵।

𑐂𑐟𑐶𑐴𑐵𑐳

𑐠𑑂𑐰 𑐠𑐵𑐫𑑂𑐫𑐵 𑐥𑑂𑐬𑐵𑐔𑐷𑐣 𑐎𑐵𑐮𑐏𑐞𑑂𑐜 𑐠𑐠𑐾 𑐡𑐸:

• 𑐥𑑂𑐬𑐵𑐐𑐿𑐟𑐶𑐴𑐵𑐳 𑐰 𑐥𑑂𑐬𑐵𑐬𑐩𑑂𑐨𑐶𑐎 𑐂𑐟𑐶𑐴𑐵𑐳
  • 𑐔𑐵-𑐠𑐮 𑐣𑑂𑐴𑑂𑐫𑑅𑐫𑐵 𑐣𑐰𑐥𑐵𑐲𑐵𑐞 𑐊 (𑑑𑑐,𑑐𑑐𑑐–𑑘𑑗𑑐𑑐 𑐃𑐳𑐵𑐥𑐹𑐬𑑂𑐰) (𑐀𑑄𑐐𑑂𑐬𑐾𑐖𑐷𑐂: Pre-Pottery Neolithic A)
  • 𑐔𑐵-𑐠𑐮 𑐣𑑂𑐴𑑂𑐫𑑅𑐫𑐵 𑐣𑐰𑐥𑐵𑐲𑐵𑐞 𑐧𑐶 (𑑘𑑗𑑐𑑐–𑑖𑑘𑑐𑑐 𑐃𑐳𑐵𑐥𑐹𑐬𑑂𑐰) (𑐀𑑄𑐐𑑂𑐬𑐾𑐖𑐷𑐂: Pre-Pottery Neolithic B)
  • 𑐖𑐬𑑂𑐩𑑀 (𑑗𑑕𑑐𑑐–𑑕𑑐𑑐𑑐 𑐃𑐳𑐵𑐥𑐹𑐬𑑂𑐰)
  • 𑐴𑐳𑑂𑐳𑐸𑐣𑐵 (~𑑖𑑐𑑐𑑐 𑐃𑐳𑐵𑐥𑐹𑐬𑑂𑐰)
  • 𑐳𑐩𑐬𑑂𑐬𑐵 (~𑑕𑑗𑑐𑑐–𑑔𑑙𑑐𑑐 𑐃𑐳𑐵𑐥𑐹𑐬𑑂𑐰)
  • 𑐴𑐮𑐵𑐦 𑐟𑐖𑐶𑐮𑐖𑐶 (~𑑖𑑐𑑐𑑐–𑑕𑑓𑑐𑑐 𑐃𑐳𑐵𑐥𑐹𑐬𑑂𑐰)
  • 𑐄𑐧𑐿𑐡 𑐎𑐵𑐮 (~𑑖𑑕𑑐𑑐–𑑔𑑐𑑐𑑐 𑐃𑐳𑐵𑐥𑐹𑐬𑑂𑐰)
  • 𑐄𑐬𑐸𑐎 𑐃 (~𑑔𑑐𑑐𑑐–𑑓𑑑𑑐𑑐 𑐃𑐳𑐵𑐥𑐹𑐬𑑂𑐰)
  • 𑐖𑐾𑐩𑐡𑐾𑐟 𑐣𑐳𑐬 𑐎𑐵𑐮 (~𑑓𑑑𑑐𑑐–𑑒𑑙𑑐𑑐 𑐃𑐳𑐵𑐥𑐹𑐬𑑂𑐰)
• 𑐥𑑂𑐬𑐵𑐬𑐩𑑂𑐨𑐶𑐎 𑐎𑑃𑐫𑑂 𑐫𑐸𑐐
  • 𑐥𑑂𑐬𑐵𑐬𑐩𑑂𑐨𑐶𑐎 𑐬𑐵𑐖𑐰𑑄𑐱𑐎𑐵𑐮 (~𑑒𑑙𑑐𑑐–𑑒𑑓𑑕𑑐 𑐃𑐳𑐵𑐥𑐹𑐬𑑂𑐰)
  • 𑐀𑐎𑐾𑐡𑐶𑐫𑐣 𑐳𑐵𑐩𑑂𑐬𑐵𑐖𑑂𑐫 (~𑑒𑑓𑑕𑑐–𑑒𑑑𑑐𑑐 𑐃𑐳𑐵𑐥𑐹𑐬𑑂𑐰)
  • 𑐄𑐬𑐫𑐵 𑐳𑑂𑐰𑑄𑐐𑐸𑐐𑐸 𑐬𑐵𑐖𑐰𑑄𑐱 (𑑒𑑑𑑑𑑒–𑑒𑑐𑑐𑑔 𑐃𑐳𑐵𑐥𑐹𑐬𑑂𑐰)
• 𑐩𑐢𑑂𑐫 𑐎𑑃𑐫𑑂 𑐫𑐸𑐐
  • 𑐂𑐳𑐶𑐣-𑐮𑐵𑐬𑑂𑐳𑐵 𑐎𑐵𑐮 (𑑑𑑙𑐰𑐷𑑄 𑐳𑐾 𑑑𑑘𑐰𑐷𑑄 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐥𑑂𑐬𑐠𑐩 𑐧𑐾𑐧𑐶𑐮𑑀𑐣𑐶𑐫𑐣 𑐬𑐵𑐖𑐰𑑄𑐱 (𑑑𑑘𑐰𑐷𑑄 𑐣𑐶𑐳𑐾𑑄 𑑑𑑗𑐰𑐷𑑄 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐩𑐶𑐣𑑀𑐁𑐣 𑐰𑐶𑐳𑑂𑐦𑑀𑐚𑐣 (~𑑑𑑖𑑒𑑐 𑐃𑐳𑐵𑐥𑐹𑐬𑑂𑐰 )
• 𑐮𑐶𑐥𑐵𑑄𑐐𑐸 𑐎𑑃𑐫𑑂 𑐫𑐸𑐐
  • 𑐥𑐸𑐮𑐵𑑄𑐐𑐸 𑐀𑐱𑑂𑐱𑐹𑐬 𑐎𑐵𑐮 (𑑑𑑖𑐐𑐸 𑐣𑐶𑐳𑐾𑑄 𑑑𑑑𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐩𑐢𑑂𑐫 𑐀𑐱𑑂𑐱𑐹𑐬 𑐎𑐵𑐮 (~𑑑𑑓𑑖𑑕–𑑑𑑐𑑗𑑖 𑐃𑐳𑐵𑐥𑐹𑐬𑑂𑐰 )
  • 𑐧𑐾𑐧𑐶𑐮𑑀𑐣𑐫𑑂 𑐎𑑂𑐫𑐵𑐳𑐶𑐟𑐥𑐶𑑄 (Kassites) (~𑑑𑑕𑑙𑑕–𑑑𑑑𑑕𑑕 𑐃𑐳𑐵𑐥𑐹𑐬𑑂𑐰 )
  • 𑐮𑐶𑐥𑐵𑐫𑐵 𑐎𑑃𑐫𑑂 𑐫𑐸𑐐𑐫𑐵 𑐥𑐟𑐣 (𑑑𑑒𑐐𑐸 𑐣𑐶𑐳𑐾𑑄 𑑑𑑑𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
• 𑐣 𑐫𑐸𑐐
  • 𑐳𑐶𑐬𑑀-𑐴𑐶𑐟𑑂𑐟𑐵𑐂𑐚 𑐬𑐵𑐖𑑂𑐫 (11𑐰𑐷𑑄 𑐳𑐾 7𑐰𑐷𑑄 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐣𑐰-𑐀𑐱𑑂𑐱𑐹𑐬 𑐳𑐵𑐩𑑂𑐬𑐵𑐖𑑂𑐫 (𑑑𑑐𑐐𑐸 𑐣𑐶𑐳𑐾𑑄 𑑗𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐣𑐰-𑐧𑐾𑐧𑐶𑐮𑑀𑐣𑐶𑐫𑐣 𑐳𑐵𑐩𑑂𑐬𑐵𑐖𑑂𑐫 (𑑗𑐐𑐸 𑐣𑐶𑐳𑐾𑑄 𑑖𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
• 𑐱𑐵𑐳𑑂𑐟𑑂𑐬𑐷𑐫 𑐥𑑂𑐬𑐵𑐔𑐷𑐣𑐎𑐵𑐮
  • 𑐧𑐾𑐧𑐶𑐮𑑀𑐣𑐫𑐵 𑐥𑐟𑐣 (𑑖𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐀𑐎𑐶𑐩𑐾𑐣𑐶𑐡 𑐧𑐾𑐧𑐶𑐮𑑀𑐣𑐶𑐫𑐵 , 𑐀𑐔𑐾𑐩𑐾𑐣𑐶𑐡 𑐀𑐳𑐶𑐬𑐶𑐫𑐵 (𑑖𑐐𑐸 𑐣𑐶𑐳𑐾𑑄 𑑔𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐳𑐾𑐮𑑂𑐫𑐹𑐳𑐶𑐜 𑐩𑐾𑐳𑑀𑐥𑑀𑐚𑐵𑐩𑐶𑐫𑐵 (𑑔𑐐𑐸 𑐣𑐶𑐳𑐾𑑄 𑑓𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰)
  • 𑐥𑐵𑐬𑑂𑐠𑐶𑐫𑐣 𑐧𑐾𑐧𑐶𑐮𑑀𑐣𑐶𑐫𑐵 (𑑓𑐐𑐸 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰 𑐳𑐾 𑑓𑐐𑐸 𑐱𑐟𑐵𑐧𑑂𑐡𑐷 𑐃𑐳𑑂𑐰𑐷)
  • 𑐀𑐖𑐬𑐶𑐣𑐶 (Osroene) (𑐡𑑂𑐰𑐶𑐟𑐷𑐫 𑐱𑐟𑐵𑐧𑑂𑐡𑐷 𑐃𑐳𑐵𑐥𑐹𑐬𑑂𑐰 𑐳𑐾 𑐟𑐺𑐟𑐷𑐫 𑐱𑐟𑐵𑐧𑑂𑐡𑐷 𑐃𑐳𑑂𑐰𑐷)
  • 𑐁𑐡𑐶𑐫𑐵𑐧𑐾𑐣𑐾 (𑐥𑑂𑐬𑐠𑐩 𑐳𑐾 𑐡𑑂𑐰𑐶𑐟𑐷𑐫 𑐱𑐟𑐵𑐧𑑂𑐡𑐷 𑐃.)
  • 𑐴𑐵𑐟𑑂𑐬 (𑐥𑑂𑐬𑐠𑐩 𑐣𑐶𑐳𑐾𑑄 𑐡𑑂𑐰𑐶𑐟𑐷𑐫 𑐱𑐟𑐵𑐧𑑂𑐡𑐷 𑐃.)
  • 𑐬𑑀𑐩𑐣 𑐩𑐾𑐳𑑀𑐥𑑀𑐚𑐵𑐩𑐶𑐫𑐵 (𑐡𑑂𑐰𑐶𑐟𑐷𑐫 𑐣𑐶𑐳𑐾𑑄 𑑗𑐐𑐹 𑐱𑐟𑐵𑐧𑑂𑐡𑐷 𑐃.), 𑐬𑑀𑐩𑐣 𑐀𑐳𑐶𑐬𑐶𑐫𑐵 (𑐡𑑂𑐰𑐶𑐟𑐷𑐫 𑐱𑐟𑐵𑐧𑑂𑐡𑐷 𑐃.)
• 𑐮𑐶𑐥𑐵𑑄𑐐𑐸 𑐥𑑂𑐬𑐵𑐔𑐷𑐣𑐎𑐵𑐮
  • 𑐀𑐳𑑀𑐬𑐶𑐳𑑂𑐟𑐵𑐣 (𑐟𑐺𑐟𑐷𑐫 𑐣𑐶𑐳𑐾𑑄 𑑗 𑐰𑐷𑑄 𑐱𑐟𑐵𑐧𑑂𑐡𑐷 𑐃.)
  • 𑐩𑐸𑐳𑑂𑐮𑐶𑐩 𑐰𑐶𑐖𑐫 (𑐩𑐢𑑂𑐫-𑑗𑐐𑐹 𑐱𑐟𑐵𑐧𑑂𑐡𑐷 𑐃.)

𑐳𑑂𑐰𑐫𑐵𑐡𑐶𑐳𑑃

• 𑐂𑐟𑐶𑐴𑐵𑐳
• 𑐨𑐹𑐐𑑀𑐮