छ्येलेमि:Eukesh/Auto/NepalScript/मेतालोइद

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

मेतालोइदया कथं म्हसीकातःगु तत्त्वत

	१३	१४	१५	१६	१७
२	B बोरोन	C Carbon	N नाइत्रोजन	O अक्सिजन	F फ्लोरिन
३	Al एलुमिनम	Si सिलिकन	P फस्फरस	S सल्फर	Cl क्लोरिन
४	Ga ग्यालियम	Ge जर्मनियम	As आर्सेनिक	Se सेलेनियम	Br ब्रोमिन
५	In इन्दियम	Sn Tin	Sb एन्तिमोनि	Te तेलेरियम	I आयोदिन
६	Tl थ्यालियम	Pb लेद	Bi बिस्मथ	Po पोलोनियम	At एस्तातिन
साधारनकथं मेतालोइदया रुपय् म्हसीकातःगु तत्त्वपिं(86–99%): B, Si, Ge, As, Sb, Te      अनिश्चितकथं मेतालोइदया रुपय् म्हसीकातःगु तत्त्वपिं (40–49%): Po, At      म्हो साधारनकथं मेतालोइदया रुपय् म्हसीकातःगु तत्त्वपिं(24%): Se      तसकं म्होकथं मेतालोइदया रुपय् म्हसीकातःगु तत्त्वपिं(8–10%): C, Al      (All other elements cited in less than 6% of sources)   Arbitrary metal-nonmetal dividing line: between Be and B, Al and Si, Ge and As, Sb and Te, Po and At
Recognition status, as metalloids, of some elements in the p-block of the periodic table. Percentages are median appearance frequencies in the lists of metalloids. The staircase-shaped line is a typical example of the arbitrary metal–nonmetal dividing line found on some periodic tables.

𑐩𑐾𑐟𑐵𑐮𑑀𑐂𑐡 𑐢𑐵𑐟𑐸 𑐟𑐟𑑂𑐟𑑂𑐰 𑐰 𑐀𑐢𑐵𑐟𑐸 𑐟𑐟𑑂𑐟𑑂𑐰𑐫𑐵 𑐩𑐶𑐳𑑂𑐬𑐶𑐟 𑐐𑐸𑐞 𑐡𑐹𑐐𑐸 𑐟𑐟𑑂𑐟𑑂𑐰𑐟𑐾𑐐𑐸 𑐥𑐸𑐔𑑅 𑐏। 𑐩𑐾𑐚𑐵𑐮𑑀𑐂𑐡 𑐏𑑃𑐐𑑂𑐰𑑅 𑐮𑑂𑐫𑐵𑐚𑐶𑐣 𑐨𑐵𑐳𑐵𑐫𑐵 𑐩𑐾𑐚𑐵𑐮𑐩 (𑐀𑐬𑑂𑐠: 𑐢𑐵𑐟𑐸) 𑐰 𑐐𑑂𑐬𑐷𑐎 𑐨𑐵𑐲𑐵𑐫𑐵 𑐌𑐂𑐜𑑂𑐳 ("𑐖𑑂𑐰𑑅𑐮𑐵𑑅𑐐𑐸 𑐬𑐸𑐥") 𑐏𑑃𑐐𑑂𑐰𑑅 𑐳𑑂𑐰𑐵𑐣𑐵 𑐡𑐫𑐵𑐰𑑅𑐐𑐸 𑐏𑑃𑐐𑑂𑐰𑑅 𑐏। 𑐩𑐾𑐟𑐵𑐮𑑀𑐂𑐡 𑐥𑐸𑐔𑐮𑐫𑑂 𑐡𑐸𑐠𑑂𑐫𑐵𑐫𑐾𑐐𑐸 𑐐𑐸𑐞𑐟𑐾𑐐𑐸 𑐣𑐶𑐱𑑂𑐔𑐶𑐟 𑐥𑐬𑐶𑐨𑐵𑐲𑐵 𑐩𑐡𑐸 𑐰 𑐣𑐵𑐥𑑄 𑐠𑑂𑐰 𑐥𑐸𑐔𑐮𑐫𑑂 𑐡𑐸𑐐𑐸 𑐟𑐟𑑂𑐟𑑂𑐰𑐟 𑐕𑐸 𑐏 𑐢𑐵𑐂𑐐𑐸 𑐣𑑄 𑐥𑐹𑐬𑑂𑐞 𑐳𑐴𑐩𑐟𑐶 𑐩𑐡𑐸। 𑐀𑐠𑐾 𑐖𑐸𑐳𑐵𑑄 𑐬𑐳𑐵𑐫𑐣 𑐳𑐵𑐴𑐶𑐟𑑂𑐫𑐫𑑂 𑐠𑑂𑐰 𑐏𑑃𑐐𑑂𑐰𑑅 𑐕𑑂𑐫𑐮𑐵𑐧𑐸𑐮𑐵𑐫𑑂 𑐡𑐫𑐵𑐔𑑂𑐰𑑄𑐐𑐸 𑐡𑐸।

𑐳𑐵𑐩𑐵𑐣𑑂𑐫𑐎𑐠𑑄 𑑖𑐐𑐸 𑐩𑐾𑐚𑐵𑐮𑑀𑐂𑐜 𑐧𑑀𑐬𑑀𑐣, 𑐳𑐶𑐮𑐶𑐎𑐣, 𑐖𑐬𑑂𑐩𑐾𑐣𑐶𑐫𑐩, 𑐁𑐬𑑂𑐳𑐾𑐣𑐶𑐎, 𑐊𑐣𑑂𑐚𑐶𑐩𑑀𑐣𑐷 𑐰 𑐚𑐾𑐮𑐸𑐬𑐶𑐫𑐩𑐫𑐵𑐟 𑐩𑐾𑐟𑐵𑐮𑑀𑐂𑐡𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। 𑐣𑐵𑐥𑑄, 𑐣𑑂𑐫𑐵𑐐𑐸 𑐟𑐟𑑂𑐟𑑂𑐰𑐟𑐾𑐟 𑐕𑐸𑑄 𑐀𑐰𑐳𑑂𑐠𑐵𑐫𑑂 𑐩𑐾𑐟𑐵𑐮𑑀𑐂𑐡𑐫𑑂 𑐰𑐬𑑂𑐐𑐷𑐎𑐺𑐟 𑐫𑐵𑐂: 𑐎𑐵𑐬𑑂𑐧𑐣, 𑐊𑐮𑐸𑐩𑐶𑐣𑐶𑐫𑐩, 𑐳𑐾𑐮𑐾𑐣𑐶𑐫𑐩, 𑐥𑑀𑐮𑑀𑐣𑐶𑐫𑐩 𑐰 𑐊𑐳𑑂𑐚𑐾𑐚𑐶𑐣। 𑐟𑐟𑑂𑐟𑑂𑐰𑐩𑐵𑑄𑐫𑑂 𑐳𑐎𑐮 𑐗𑐶𑑄𑐕𑐐𑐹 𑐟𑐟𑑂𑐟𑑂𑐰 p-𑐧𑑂𑐮𑐎𑐫𑐵 𑐕𑐐𑐹 𑐡𑐵𑐫𑐐𑑀𑐣𑐮 𑐴𑐵𑐎𑐮𑐫𑑂 𑐮𑐵 𑐐𑐸𑐎𑐶𑐮𑐶𑑄 𑐔𑑂𑐰𑐫𑑂 𑐡𑐾𑐥𑐵𑐫𑑂 𑐧𑑀𑐬𑑀𑐣 𑐣𑐶𑐳𑐾𑑄 𑐎𑑂𑐰𑐫𑑂 𑐖𑐰𑐫𑑂 𑐊𑐳𑑂𑐚𑐵𑐚𑐶𑐣 𑐟𑐎𑑂𑐎𑐫𑐵 𑐟𑐟𑑂𑐟𑑂𑐰 𑐡𑐸𑐠𑑂𑐫𑐵𑑅। 𑐕𑐸𑑄 𑐟𑐟𑑂𑐟𑑂𑐰𑐩𑐵𑑄𑐫𑐵 𑐳𑑄𑐳𑑂𑐎𑐬𑐞𑐫𑑂 𑐢𑐵𑐟𑐸 𑐰 𑐀𑐢𑐵𑐟𑐸 𑐡𑐠𑐸𑐂 𑐰𑐶𑐨𑐵𑐖𑐣 𑐢𑑂𑐰 𑐳𑐵𑐮𑐵𑑅 𑐢𑐵𑐟𑐸𑐟 𑐰 𑐀𑐢𑐵𑐟𑐸𑐟𑐾𑐟 𑐧𑐵𑐫𑐾𑐐𑐸 𑐫𑐵। 𑐠𑑂𑐰 𑐥𑐸𑐔𑑅𑐫𑐵 𑐟𑐟𑑂𑐟𑑂𑐰𑐟 𑐠𑑂𑐰 𑐢𑑂𑐰𑑅𑐫𑐵 𑐣𑐵𑐥𑑄 𑐮𑐵।

𑐩𑐾𑐟𑐵𑐮𑑀𑐂𑐡𑐟 𑐳𑐵𑐢𑐵𑐬𑐣𑐎𑐠𑑄 𑐢𑐵𑐟𑐸𑐠𑐾𑑄 𑐬𑐸𑐥 𑐡𑐂, 𑐧𑑂𑐬𑐶𑐟𑐮 𑐖𑐸𑐂 𑐰 𑐰𑐶𑐡𑑂𑐫𑐸𑐟𑐫𑐵 𑐣𑐶𑐱𑑂𑐔𑐶𑐟 𑐩𑐵𑐟𑑂𑐬𑐵𑐫𑑂 𑐖𑐎 𑐔𑐵𑐮𑐎 𑐖𑐸𑐂। 𑐠𑑂𑐰 𑐟𑐟𑑂𑐟𑑂𑐰𑐟𑐾𑐳𑑄 𑐩𑐾𑐩𑐾𑐐𑐸 𑐢𑐵𑐟𑐸𑐠𑐾𑑄 𑐢𑐵𑐟𑐸𑐣𑐵𑐥 𑐀𑐮𑑀𑐂 (alloy) 𑐡𑐫𑐾𑐎𑐶। 𑐠𑑂𑐰 𑐟𑐟𑑂𑐟𑑂𑐰𑐟𑐾𑐐𑐸 𑐩𑐾𑐩𑐾𑐐𑐸 𑐫𑐎𑑂𑐰 𑐨𑑁𑐟𑐶𑐎 𑐐𑐸𑐞 𑐰 𑐬𑐵𑐳𑐵𑐫𑐣𑐶𑐎 𑐐𑐸𑐞 𑐢𑐵𑐟𑐸 𑐰 𑐀𑐢𑐵𑐟𑐸 𑐟𑐟𑑂𑐟𑑂𑐰𑐫𑐵 𑐡𑐠𑐸𑐂 𑐮𑐵। 𑐠𑑂𑐰 𑐟𑐟𑑂𑐟𑑂𑐰𑐥𑐶𑑄 𑐰 𑐂𑐩𑐶𑐐𑐸 𑐫𑑁𑐐𑐶𑐎 𑐩𑐶𑐱𑑂𑐬 𑐢𑐵𑐟𑐸 (𑐀𑐮𑑀𑐂), 𑐖𑐿𑐰𑐶𑐎 𑐊𑐖𑐾𑐣𑑂𑐟, 𑐎𑑂𑐫𑐵𑐟𑐵𑐮𑐶𑐳𑑂𑐟, 𑐩𑐶 𑐳𑑂𑐫𑐵𑐂𑐐𑐸 𑐰𑐳𑑂𑐟𑐸 (flame retardants), 𑐔𑐱𑑂𑐩𑐵, 𑐀𑐥𑑂𑐚𑐶𑐎𑐮 𑐳𑑂𑐟𑑀𑐬𑐾𑐖, 𑐀𑐥𑑂𑐚𑑀𑐂𑐮𑐾𑐎𑑂𑐚𑑂𑐬𑑀𑐣𑐶𑐎𑑂𑐳 , 𑐥𑐵𑐂𑐬𑑀𑐚𑐾𑐎𑑂𑐣𑐶𑐎𑑂𑐳, 𑐳𑐾𑐩𑐶𑐎𑐣𑑂𑐡𑐎𑑂𑐟𑐬, 𑐰 𑐂𑐮𑐾𑐎𑑂𑐚𑑂𑐬𑑀𑐣𑐶𑐎𑑂𑐳𑐫𑑂 𑐕𑑂𑐫𑐾𑐮𑐶𑐐𑐸 𑐫𑐵।

𑐩𑐾𑐟𑐵𑐮𑑀𑐂𑐜 𑐏𑑃𑐐𑑂𑐰𑑅 𑐩𑐹𑐮 𑐬𑐸𑐥𑑄 𑐐𑐿𑐬𑐢𑐵𑐟𑐸𑐫𑐵 𑐣𑐶𑑄𑐟𑐶𑑄 𑐣𑑂𑐴𑐵𑐥𑐵 𑐕𑑂𑐫𑐮𑐵𑐫𑑂 𑐰𑑅𑐐𑐸 𑐏। 𑐠𑐸𑐎𑐶𑐫𑐵 𑐣𑑂𑐴𑐸𑐐𑐸 𑐀𑐬𑑂𑐠, 𑐩𑐢𑑂𑐫𑐰𑐬𑑂𑐟𑐷 𑐰𑐵 𑐴𑐵𑐂𑐧𑑂𑐬𑐶𑐡 𑐐𑐸𑐞 𑐡𑐹𑐐𑐸 𑐟𑐟𑑂𑐟𑑂𑐰𑐫𑐵 𑐕𑐐𑐹 𑐥𑐸𑐔𑑅𑐫𑐵 𑐬𑐸𑐥𑐫𑑂 𑐳𑐣𑑂 𑑑𑑙𑑔𑑐–𑑑𑑙𑑖𑑐𑐂 𑐰𑑂𑐫𑐵𑐥𑐎 𑐖𑐸𑐮। 𑐩𑐾𑐟𑐵𑐮𑑀𑐂𑐡𑐫𑐵𑐟 𑐐𑐧𑐮𑐾𑑄 𑐀𑐬𑑂𑐢𑐢𑐵𑐟𑐸 𑐢𑐵𑐂𑐐𑐸 𑐖𑐸𑐳𑐵𑑄 𑐀𑐬𑑂𑐢𑐢𑐵𑐟𑐸 𑐏𑑃𑐐𑑂𑐰𑑅𑐫𑐵 𑐕𑑂𑐫𑐾𑐮𑐾𑐖𑑂𑐫𑐵 𑐕𑐐𑐹 𑐥𑐡𑐵𑐬𑑂𑐠𑐫𑐵 𑐕𑐐𑐹 𑐰𑐶𑐱𑐶𑐲𑑂𑐚 𑐥𑑂𑐬𑐎𑐵𑐬𑐫𑐵 𑐂𑐮𑐾𑐎𑑂𑐚𑑂𑐬𑑀𑐣𑐶𑐎 𑐧𑑂𑐫𑐵𑐞𑑂𑐜 𑐳𑑄𑐬𑐔𑐣𑐵𑐫𑐵 𑐬𑐸𑐥𑐫𑑂 𑐀𑐥𑑂𑐰 𑐫𑐵। 𑐠𑑂𑐰 𑐳𑐣𑑂𑐡𑐬𑑂𑐨𑐫𑑂 𑐁𑐬𑑂𑐳𑐾𑐣𑐶𑐎 𑐰 𑐊𑐣𑑂𑐚𑐶𑐩𑑀𑐣𑐷 𑐖𑐎𑑂𑐎 𑐀𑐬𑑂𑐢𑐢𑐵𑐟𑐸 𑐏, 𑐰 𑐂𑐩𑐶𑐟 𑐳𑐵𑐩𑐵𑐣𑑂𑐫𑐟𑐫𑐵 𑐩𑐾𑐟𑐵𑐮𑑀𑐂𑐜𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 𑐫𑐵।

𑐳𑑂𑐰𑐫𑐵𑐡𑐶𑐳𑑃

• 𑐬𑐳𑐵𑐫𑐣𑐶𑐎 𑐟𑐟𑑂𑐟𑑂𑐰