छ्येलेमि:Eukesh/Auto/NepalScript/मेजर फर मेजर

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

John Philip Kemble

Claudio and Isabella (1850) by William Holman Hunt

Mariana (1851) by John Everett Millais

𑐩𑐾𑐖𑐬 𑐦𑐬 𑐩𑐾𑐖𑐬 𑐰𑐶𑐮𑐶𑐫𑐩 𑐱𑐾𑐎𑑂𑐳𑐥𑐶𑐫𑐬𑐫𑐵 𑐕𑐐𑐹 𑐣𑐵𑐚𑐎 𑐏, 𑐐𑐸𑐎𑐶𑐫𑐵𑐟 𑐳𑐣𑑂 𑑑𑑖𑑐𑑓 𑐰𑐵 𑑑𑑖𑑐𑑔𑐫𑑂 𑐔𑑂𑐰𑑅𑐐𑐸 𑐰 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑑑𑑖𑑐𑑔𑐫𑑂 𑐎𑑂𑐫𑑄𑐐𑐸 𑐢𑐎𑐵 𑐰𑐶𑐱𑑂𑐰𑐵𑐳 𑐫𑐵𑐂। 𑐠𑑂𑐰 𑐳𑐣𑑂 𑑑𑑖𑑒𑑓𑐫𑐵 𑐣𑑂𑐴𑐵𑐥𑐵𑑄𑐐𑐸 𑐦𑑀𑐮𑐶𑐫𑑀𑐫𑑂 𑐥𑐶𑐡𑑄𑐐𑐸 𑐣𑐵𑐚𑐎 𑐢𑐮𑑅𑐫𑐵 𑐕𑐥𑐸 𑐣𑐵𑐚𑐎 𑐏।

𑐠𑑂𑐰 𑐣𑐵𑐚𑐎 𑐣𑐶𑐬𑑄𑐎𑐸𑐱 𑐰 𑐥𑑂𑐫𑐸𑐬𑐶𑐚𑐣 𑐊𑐣𑑂𑐖𑐾𑐮𑑀 𑐎𑐾𑐣𑑂𑐡𑑂𑐬𑐶𑐟 𑐡𑐸। 𑐰𑐫𑑂𑐎𑑅 𑐜𑑂𑐫𑐹𑐎 𑐨𑐶𑐣𑑂𑐳𑐾𑐣𑑂𑐚𑐶𑐫𑑀𑐫𑐵 𑐀𑐣𑐸𑐥𑐳𑑂𑐠𑐶𑐟𑐶𑐂 𑐨𑐶𑐫𑐣𑐵 𑐣𑐐𑐬𑐫𑑂 𑐱𑐵𑐳𑐣 𑐫𑐵𑐫𑐾𑐟 𑐖𑐶𑐩𑑂𑐩𑐵 𑐧𑐶𑐫𑐵𑐟𑑅𑐐𑐸 𑐕𑐩𑑂𑐴 𑐡𑐶𑐥𑑂𑐫𑐸𑐟𑐶 𑐏। 𑐜𑑂𑐫𑐹𑐎 𑐨𑐶𑐣𑑂𑐳𑐾𑐣𑑂𑐚𑐶𑐫𑑀 𑐢𑐵𑑅𑐳𑐵 𑐊𑐣𑑂𑐖𑐾𑐮𑑀𑐫𑐵 𑐬𑐶𑐖𑐾𑐣𑑂𑐳𑐷 𑐰 𑐰𑐫𑐵 𑐣𑐵𑐐𑐬𑐶𑐎𑐟𑐾𑐐𑐸 𑐖𑐷𑐰𑐣𑐫𑐵 𑐀𑐰𑐮𑑀𑐎𑐣 𑐫𑐵𑐫𑐾𑐟 𑐠𑑅𑐟 𑐕𑐩𑑂𑐴 𑐰𑐶𑐣𑐩𑑂𑐬 𑐟𑐥𑐳𑑂𑐰𑐷𑐫𑐵 𑐨𑐾𑐲𑐫𑑂 𑐔𑑂𑐰𑐣𑐵𑐔𑑂𑐰𑐣𑐶। 𑐊𑐣𑑂𑐖𑐾𑐮𑑀𑑄 𑐕𑐩𑑂𑐴 𑐮𑑂𑐫𑐵𑐫𑑂𑐩𑑂𑐴𑐫𑐵𑐟 𑐄𑐟𑑂𑐥𑐷𑐜𑐣 𑐫𑐵𑐂। 𑐎𑑂𑐮𑐵𑐄𑐜𑐶𑐫𑑀 𑐣𑐵𑑄𑐫𑐵𑐩𑑂𑐴 𑐠𑑂𑐰 𑐮𑑂𑐫𑐵𑐩𑑂𑐴𑐫𑐵𑐟 𑐰𑑂𑐫𑐨𑐶𑐔𑐵𑐬𑐫𑐵 𑐀𑐥𑐬𑐵𑐢𑐫𑐵 𑐣𑐶𑑄𑐟𑐶𑑄 𑐩𑐺𑐟𑑂𑐫𑐸𑐡𑐞𑑂𑐜𑐫𑐵 𑐳𑐖𑐵𑐫𑑃 𑐧𑐷। 𑐎𑑂𑐮𑐵𑐄𑐜𑐶𑐫𑑀𑐫𑐵 𑐟𑐟𑐵 𑐂𑐳𑐵𑐧𑐾𑐮𑐵, 𑐕𑐩𑑂𑐴 𑐨𑐶𑐎𑑂𑐲𑐸𑐞𑐷𑑄 𑐠𑑅𑐐𑐸 𑐎𑐶𑐖𑐵𑐫𑐵 𑐖𑐷𑐰𑐣𑐫𑐵 𑐣𑐶𑑄𑐟𑐶𑑄 𑐫𑐵𑐔𑐣𑐵 𑐦𑑂𑐰𑑄 𑐰𑐂𑐧𑐶𑐮𑐾 𑐊𑐘𑑂𑐖𑐾𑐮𑑀𑑄 𑐠𑑂𑐰 𑐨𑐶𑐎𑑂𑐲𑐸𑐞𑐷𑐫𑐵𑐟 𑐴𑐾 𑐕𑐏𑐾𑑄 𑐩𑐟𑐶𑐣𑐵 𑐫𑐵𑐂।

𑐩𑐾𑐖𑐬 𑐦𑐬 𑐩𑐾𑐖𑐬 𑐣𑑂𑐴𑐵𑐥𑐵𑑄𑐐𑐸 𑐦𑑀𑐮𑐶𑐫𑑀𑐫𑑂 𑐎𑐩𑐾𑐜𑐷𑐫𑐵 𑐬𑐸𑐥𑐫𑑂 𑐢𑑂𑐰𑐵𑐐𑐹 𑐏𑑅 𑐰 𑐠𑐸𑐎𑐶𑐫𑐵𑐟 𑐏𑑂𑐫𑐵𑐮𑑅𑐫𑐵 𑐰𑐶𑐢𑐵𑐫𑑂 𑐴𑐾 𑐰𑐬𑑂𑐐𑐷𑐎𑐺𑐟 𑐫𑐵𑐣𑐵𑐟𑑅𑐐𑐸 𑐡𑐸। 𑐠𑑂𑐰 𑐩𑐾𑐩𑐾𑐐𑐸 𑐱𑐾𑐎𑑂𑐳𑐥𑐶𑐫𑐬𑐫𑐵 𑐎𑐩𑐾𑐜𑐷 𑐣𑐵𑐥𑑄 𑐖𑑂𑐰𑐮𑑄 𑐣𑑄। 𑐱𑐾𑐎𑑂𑐳𑐥𑐶𑐫𑐬𑐫𑐵 𑐩𑐾𑐩𑐾𑐐𑐸 𑐣𑐵𑐚𑐎𑐫𑑂 𑐠𑐾𑑄 𑐴𑐾 𑐠𑑂𑐰 𑐣𑐵𑐚𑐎𑐫𑑂 𑐣𑑄 𑐏𑑃𑐐𑑂𑐰𑑅𑐩𑑂𑐴𑐶𑐟𑐵 (word play), 𑐰𑐶𑐜𑐩𑑂𑐧𑐣𑐵 (irony), 𑐨𑐾𑐲 𑐥𑑂𑐬𑐟𑐶𑐳𑑂𑐠𑐵𑐥𑐣 (disguise) 𑐁𑐡𑐶 𑐟𑐟𑑂𑐰 𑐏𑐣𑐾𑐡𑐸। 𑐣𑐵𑐥𑑄, 𑐡𑐸𑐏𑐡 𑐟𑐟𑑂𑐰𑐟 𑐐𑐠𑐾𑐎𑐶 𑐩𑐺𑐟𑑂𑐫𑐸𑐡𑐞𑑂𑐜 𑐰 𑐊𑐎𑐮𑐰𑐵𑐡 𑐁𑐡𑐶 𑐟𑐟𑑂𑐰 𑐣𑑄 𑐡𑐹𑐐𑐸𑐮𑐶𑑄 𑐠𑑂𑐰 𑐣𑐵𑐚𑐎𑐫𑐵𑐟 𑐱𑐸𑐡𑑂𑐢 𑐬𑐸𑐥𑑄 𑐎𑐩𑐾𑐜𑐷𑐫𑐵 𑐰𑐶𑐢𑐵𑐫𑑂 𑐟𑐫𑐾𑐩𑐕𑐶𑑄। 𑐴𑐾𑐩𑑂𑐮𑐾𑐚। 𑐠𑑂𑐰 𑐀𑐳𑑂𑐥𑐲𑑂𑐚 𑐰𑐶𑐢𑐵𑐫𑐵 𑐎𑐵𑐬𑐞𑑄 𑐠𑑂𑐰 𑐣𑐵𑐚𑐎𑐫𑐵𑐟 𑐥𑑂𑐬𑐵𑐫𑑅 𑐱𑐾𑐎𑑂𑐳𑐥𑐶𑐫𑐬𑐫𑐵 𑐳𑐩𑐳𑑂𑐫𑐵𑐐𑑂𑐬𑐳𑑂𑐟 𑐣𑐵𑐚𑐎𑐫𑐵 𑐬𑐸𑐥𑐫𑑂 𑐄𑐡𑑂𑐢𑐺𑐟 𑐫𑐵𑐂।

𑐥𑐵𑐟𑑂𑐬𑐟

• "𑐨𑐶𑐣𑑂𑐳𑐾𑐣𑑂𑐚𑐶𑐫𑑀" - 𑐨𑐶𑐫𑐣𑐵𑐫𑐵 𑐜𑑂𑐫𑐹𑐎, 𑐐𑐸𑐩𑑂𑐴 𑐦𑑂𑐬𑐵𑐫𑐬 𑐮𑑀𑐜𑑀𑐰𑐶𑐎𑐫𑐵 𑐨𑐾𑐲𑐫𑑂 𑐣𑑄 𑐏𑐣𑐾𑐡𑐸
• 𑐊𑐣𑑂𑐖𑐾𑐮𑑀"" - 𑐜𑑂𑐫𑐹𑐎𑐫𑐵 𑐀𑐣𑐸𑐥𑐳𑑂𑐠𑐶𑐟𑐶𑐂 𑐱𑐵𑐳𑐣 𑐫𑐵𑐂𑐩𑑂𑐴 𑐜𑑂𑐫𑐹𑐎𑐫𑐵 𑐄𑐥-𑐣𑐵𑐫𑑅
• "𑐩𑐬𑐶𑐫𑐵𑐣𑐵" - 𑐊𑐣𑑂𑐖𑐾𑐮𑑀𑐫𑐵 𑐥𑐸𑐮𑐵𑑄𑐩𑑂𑐴 𑐩𑐟𑐶𑐣𑐵𑐩𑐶
• "𑐊𑐳𑑂𑐎𑐮𑐳" - 𑐊𑐣𑑂𑐖𑐾𑐮𑑀𑐫𑐵 𑐀𑐢𑐷𑐣𑐫𑑂 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐩𑑂𑐴 𑐕𑐩𑑂𑐴 𑐥𑑂𑐬𑐵𑐔𑐷𑐣 𑐮𑐬𑑂𑐡
• "𑐕𑐩𑑂𑐴 𑐣𑑂𑐫𑐵𑐫" - 𑐊𑐳𑑂𑐎𑐮𑐳𑐫𑐵 𑐥𑐵𑐳𑐵
• "𑐥𑑂𑐬𑑀𑐨𑑀𑐳𑑂𑐚" - 𑐖𑐾𑐮 𑐔𑐮𑐾 𑐫𑐵𑐂𑐩𑑂𑐴
• "𑐀𑐧𑐴𑑀𑐬𑑂𑐳𑐣" - 𑐖𑐮𑑂𑐮𑐵𑐡
• "𑐧𑐬𑑂𑐣𑐵𑐬𑑂𑐜𑐵𑐂𑐣" - 𑐕𑐩𑑂𑐴 𑐎𑐿𑐡𑐶
• "𑐎𑑂𑐮𑐵𑐄𑐜𑐶𑐫𑑀" - 𑐂𑐴𑐶𑐥𑐵𑑄 𑐥𑐶𑐣𑐾 𑐩𑐶𑐳𑐵𑐫𑐵𑐟 𑐐𑐬𑑂𑐨𑐫𑑂 𑐟𑑅𑐐𑐸𑐮𑐶𑑄 𑐖𑐾𑐮 𑐔𑐮𑐵𑐣 𑐖𑐹𑐩𑑂𑐴 𑐕𑐩𑑂𑐴 𑐮𑑂𑐫𑐵𑐫𑑂𑐩𑑂𑐴𑐩𑑂𑐴 𑐩𑐣𑐹।
• "𑐖𑐸𑐮𑐶𑐫𑐚" - 𑐎𑑂𑐮𑐵𑐄𑐜𑐶𑐫𑑀𑐫𑐵 𑐩𑐟𑐶𑐣𑐵𑐩𑐶, 𑐂𑐩𑐶 𑐩𑐔𑐵𑐫𑐵 𑐥𑑂𑐰𑐵𑐠𑐫𑑂 𑐡𑐸𑐩𑑂𑐴
• "𑐂𑐳𑐵𑐧𑐾𑐮𑐵" - 𑐎𑑂𑐮𑐵𑐄𑐜𑐶𑐫𑑀𑐫𑐵 𑐎𑐾𑐴𑐾𑑄 𑐰 𑐕𑐩𑑂𑐴 𑐣𑑂𑐴𑐹𑐩𑑂𑐴 𑐣𑐣
• ""𑐦𑑂𑐬𑐵𑐣𑑂𑐳𑐶𑐳𑑂𑐎𑐵" - 𑐕𑐩𑑂𑐴 𑐣𑐣
• "𑐩𑐶𑐳𑑂𑐚𑑂𑐬𑐾𑐳 𑐌𑐨𑐬𑐡𑐣" - 𑐕𑐐𑐹 𑐰𑐾𑐱𑑂𑐫𑐵𑐮𑐫𑐫𑐵 𑐩𑑂𑐫𑐵𑐣𑐾𑐖𑐬
• "𑐥𑑀𑐩𑑂𑐥𑐾" - 𑐕𑐩𑑂𑐴 𑐥𑐶𑐩𑑂𑐥
• "𑐮𑐸𑐳𑐶𑐌" - 𑐕𑐩𑑂𑐴 "𑐐𑐖𑐧"𑐩𑑂𑐴 (fantastic)
• "𑐣𑐶𑐩𑑂𑐴 𑐨𑐵𑐖𑐸𑐥𑐶𑑄" - 𑐮𑐸𑐳𑐶𑐌𑐫𑐵 𑐥𑐵𑐳𑐵𑐥𑐶𑑄
• ""𑐦𑑂𑐬𑑀𑐠" - 𑐕𑐩𑑂𑐴 𑐩𑐹𑐬𑑂𑐏 𑐳𑐖𑑂𑐖𑐣
• "𑐊𑐮𑑂𑐧𑑀" - 𑐕𑐩𑑂𑐴 𑐳𑐵𑐢𑐵𑐬𑐞 𑐳𑐶𑐥𑐵𑐴𑐷
• "𑐠𑑀𑐩𑐳" - 𑐕𑐩𑑂𑐴 𑐦𑑂𑐬𑐵𑐫𑐬
• ""𑐥𑐶𑐚𑐬" - 𑐕𑐩𑑂𑐴 𑐦𑑂𑐬𑐵𑐫𑐬
• "𑐨𑑂𑐫𑐵𑐬𑐶𑐫𑐳" (𑐩𑐸𑐎 𑐥𑐵𑐟𑑂𑐬) – 𑐜𑑂𑐫𑐹𑐎𑐫𑐵 𑐥𑐵𑐳𑐵

𑐳𑑂𑐰𑐫𑐵𑐡𑐶𑐳𑑃

• 𑐰𑐶𑐮𑐶𑐫𑐩 𑐱𑐾𑐎𑑂𑐳𑐥𑐶𑐫𑐬