छ्येलेमि:Eukesh/Auto/NepalScript/मानवशास्त्र

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐩𑐵𑐣𑐰𑐱𑐵𑐳𑑂𑐟𑑂𑐬 (Anthropology) 𑐩𑐣𑐹𑐫𑐵 𑐰𑐿𑐖𑑂𑐘𑐵𑐣𑐶𑐎 𑐀𑐢𑑂𑐫𑐫𑐣 𑐏। 𑐠𑑂𑐰 𑐀𑐢𑑂𑐫𑐫𑐣𑐫𑐵 𑐡𑐸𑐣𑐾 𑐩𑐣𑐹𑐫𑐵 𑐰𑑂𑐫𑐰𑐴𑐵𑐬,𑐩𑐣𑐹𑐫𑐵 𑐖𑐷𑐰 𑐰𑐶𑐖𑑂𑐘𑐵𑐣, 𑐳𑑄𑐳𑑂𑐎𑐺𑐟𑐶, 𑐳𑐩𑐵𑐖, 𑐨𑐵𑐲𑐵𑐰𑐶𑐖𑑂𑐘𑐵𑐣 𑐁𑐡𑐶𑐫𑐵 𑐰𑐬𑑂𑐟𑐩𑐵𑐣 𑐰 𑐥𑐸𑐮𑐵𑑄 𑐬𑐸𑐥 𑐣𑐶𑐟𑐵𑑄𑐫𑐵 𑐀𑐢𑑂𑐫𑐫𑐣 𑐖𑐸𑐂। 𑐠𑑂𑐰 𑐏𑑂𑐫𑐮𑐫𑑂 𑐥𑐸𑐮𑐵𑑄 𑐩𑐣𑐹𑐟𑐾𑐐𑐸 𑐣𑐵𑐥 𑐀𑐢𑑂𑐫𑐫𑐣 𑐖𑐸𑐂। 𑐳𑐵𑐩𑐵𑐖𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬𑑄 𑐰𑑂𑐫𑐰𑐴𑐵𑐬𑐫𑐵 𑐳𑑂𑐰𑐬𑐸𑐥𑐫𑐵 𑐀𑐢𑑂𑐫𑐫𑐣 𑐫𑐵𑐂 𑐢𑐵𑑅𑐳𑐵 𑐳𑐵𑑄𑐳𑑂𑐎𑐺𑐟𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬𑑄 𑐳𑐵𑑄𑐳𑑂𑐎𑐺𑐟𑐶𑐎 𑐀𑐬𑑂𑐠𑐫𑐵 𑐀𑐢𑑂𑐫𑐫𑐣 𑐫𑐵𑐂, 𑐐𑐸𑐎𑐶𑐮𑐶 𑐰𑐶𑐱𑑂𑐰𑐵𑐳, 𑐩𑐹𑐮𑑂𑐫 𑐩𑐵𑐣𑑂𑐫𑐟𑐵 𑐁𑐡𑐶 𑐮𑐵। 𑐠𑑂𑐰 𑐣𑐶𑐟𑐵𑑄 𑐏𑑃𑐐𑑂𑐰𑑅𑐟𑐾𑐟 𑐳𑑂𑐰𑐵𑐣𑐵𑑅 𑐳𑐵𑐩𑐵𑐖𑐶𑐎-𑐳𑐵𑑄𑐳𑑂𑐎𑐺𑐟𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬 𑐢𑐵𑑅𑐐𑐸 𑐏𑑃𑐐𑑂𑐰𑑅 𑐠𑑁𑑄𑐫𑐵 𑐂𑐮𑐫𑑂 𑐳𑐵𑐩𑐵𑐣𑑂𑐫 𑐬𑐸𑐥𑑄 𑐕𑑂𑐫𑐾𑐮𑐶𑐐𑐸 𑐫𑐵। 𑐨𑐵𑐲𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬𑑄 𑐨𑐵𑐳𑐵𑑄 𑐳𑐵𑐩𑐵𑐖𑐶𑐎 𑐖𑐷𑐰𑐣𑐫𑐵𑐟 𑐐𑐸𑐎𑐠𑑄 𑐥𑑂𑐬𑐨𑐵𑐰𑐶𑐟 𑐫𑐵𑐂 𑐢𑐎𑐵𑑅 𑐀𑐢𑑂𑐫𑐫𑐣 𑐫𑐵𑐂। 𑐖𑐿𑐰𑐶𑐎 𑐰𑐵 𑐨𑑁𑐟𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬𑑄 𑐩𑐣𑐸𑐫𑐵 𑐖𑐿𑐰𑐶𑐎 𑐰𑐶𑐎𑐵𑐳𑐫𑐵 𑐀𑐢𑑂𑐫𑐫𑐣 𑐫𑐵𑐂।

𑐥𑐸𑐬𑐵𑐟𑐟𑑂𑐰, 𑐐𑐸𑐎𑐶𑐫𑐵𑐟 𑐥𑑂𑐬𑐵𑐫𑑅 "𑐰𑐶𑐐𑐟𑐫𑐵 𑐩𑐵𑐣𑐰𑐱𑐵𑐳𑑂𑐟𑑂𑐬" 𑐢𑐵𑐂, 𑐨𑑁𑐟𑐶𑐎 𑐥𑑂𑐬𑐩𑐵𑐞𑐫𑐵 𑐀𑐣𑐸𑐳𑐣𑑂𑐢𑐵𑐣𑐫𑐵 𑐩𑐵𑐢𑑂𑐫𑐩𑑄 𑐩𑐣𑐸𑐫𑐵 𑐐𑐟𑐶𑐰𑐶𑐢𑐶𑐫𑐵 𑐀𑐢𑑂𑐫𑐫𑐣 𑐫𑐵𑐂। 𑐠𑑂𑐰 𑐏𑑂𑐫𑑅𑐫𑐵𑐟 𑐄𑐟𑑂𑐟𑐬 𑐀𑐩𑐾𑐬𑐶𑐎𑐵 𑐰 𑐊𑐳𑐶𑐫𑐵𑐫𑑂 𑐩𑐵𑐣𑐰𑐱𑐵𑐳𑑂𑐟𑑂𑐬𑐫𑐵 𑐕𑐐𑐹 𑐎𑐔𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵 𑐢𑐵𑑅𑐳𑐵 𑐫𑐸𑐬𑑀𑐥𑐫𑑂 𑐥𑐸𑐬𑐵𑐟𑐟𑑂𑐰𑐫𑐵𑐟 𑐠𑑅𑐐𑐸 𑐴𑐾 𑐎𑐠𑑄 𑐕𑐐𑐹 𑐰𑐶𑐲𑐫𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑐳𑐾𑑄 𑐠𑑂𑐰 𑐏𑑂𑐫𑑅𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐏𑑂𑐫𑑅, 𑐡𑐳𑐸 𑐂𑐟𑐶𑐴𑐵𑐳 𑐰 𑐥𑐸𑐬𑐵𑐟𑐟𑑂𑐰 𑐰𑐶𑐖𑑂𑐘𑐵𑐣𑐫𑐵 𑐀𑐣𑑂𑐟𑐬𑑂𑐐𑐟 𑐥𑐸𑐔𑐮𑐫𑑂 𑐟𑐂।

𑐏𑑂𑐫𑑅𑐟

𑐩𑐵𑐣𑐰𑐱𑐵𑐳𑑂𑐟𑑂𑐬𑐫𑐵 𑐏𑑂𑐫𑑅𑐟 𑐠𑑂𑐰 𑐎𑐠𑑄 𑐡𑐸:

• 𑐳𑐵𑐩𑐵𑐖𑐶𑐎 𑐳𑐵𑑄𑐳𑑂𑐎𑐺𑐟𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬
• 𑐖𑐿𑐰𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬: 𑐖𑐿𑐰𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬 𑐰 𑐨𑑁𑐟𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬 𑐩𑐣𑐸 𑐰 𑐐𑐿𑐬-𑐩𑐵𑐣𑐰 𑐥𑑂𑐬𑐵𑐂𑐩𑐾𑐚𑐫𑐵 𑐖𑐿𑐰𑐶𑐎, 𑐰𑐶𑐎𑐵𑐳𑐰𑐵𑐡𑐷 𑐰 𑐖𑐣𑐳𑐵𑑄𑐏𑑂𑐫𑐶𑐎𑐷𑐫 𑐁𑐫𑐵𑐩𑐫𑐵 𑐀𑐢𑑂𑐫𑐫𑐣𑐫𑑂 𑐎𑐾𑐣𑑂𑐡𑑂𑐬𑐶𑐟 𑐩𑐵𑐣𑐰𑐱𑐵𑐳𑑂𑐟𑑂𑐬𑐷𑐫 𑐀𑐣𑐸𑐳𑐣𑑂𑐢𑐵𑐣𑐫𑐵𑐟 𑐰𑐬𑑂𑐞𑐣 𑐫𑐵𑐫𑐾𑐐𑐸 𑐏𑑂𑐫𑑅 𑐏। 𑐠𑐸𑐎𑐶𑐮𑐶 𑐩𑐣𑐸 𑐰 𑐩𑐾𑐩𑐾𑐐𑐸 𑐥𑑂𑐬𑐵𑐂𑐩𑐾𑐚𑐫𑐵 𑐰𑐶𑐎𑐵𑐳𑐫𑐵𑐟 𑐥𑑂𑐬𑐨𑐵𑐰𑐶𑐟 𑐫𑐵𑑅𑐐𑐸 𑐖𑐿𑐰𑐶𑐎 𑐰 𑐳𑐵𑐩𑐵𑐖𑐶𑐎 𑐎𑐵𑐬𑐎 𑐰 𑐳𑐩𑐎𑐵𑐮𑐷𑐣 𑐁𑐣𑐸𑐰𑑄𑐱𑐶𑐎 𑐰 𑐱𑐵𑐬𑐷𑐬𑐶𑐎 𑐨𑐶𑐣𑑂𑐣𑐟𑐵𑐫𑐵𑐟 𑐄𑐟𑑂𑐥𑐣𑑂𑐣, 𑐳𑑂𑐠𑐵𑐫𑐷 𑐬𑐸𑐥 𑐰𑐵 𑐴𑐶𑐮𑐵𑐫𑐵 𑐖𑐵𑑃𑐔 𑐫𑐵𑐂।
• 𑐥𑐸𑐬𑐵𑐟𑐵𑐟𑑂𑐰𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬: 𑐥𑐸𑐬𑐵𑐟𑐟𑑂𑐰 𑐢𑐫𑐵𑐐𑐸 𑐩𑐣𑐸𑐫𑐵 𑐀𑐟𑐷𑐟𑐫𑐵 𑐨𑑁𑐟𑐶𑐎 𑐀𑐰𑐱𑐾𑐲𑐫𑐵 𑐩𑐵𑐢𑑂𑐫𑐩𑑄 𑐀𑐢𑑂𑐫𑐫𑐣 𑐫𑐵𑐫𑐾𑐐𑐸 𑐏𑑂𑐫𑑅 𑐏𑑅। 𑐎𑐮𑐵𑐎𑐺𑐟𑐶, 𑐖𑐷𑐰𑐖𑐣𑑂𑐟𑐸𑐫𑐵 𑐀𑐰𑐱𑐾𑐲, 𑐰 𑐩𑐣𑐸𑐫𑐵 𑐥𑐬𑐶𑐰𑐬𑑂𑐟𑐶𑐟 𑐥𑐬𑐶𑐡𑐺𑐱𑑂𑐫 𑐰𑐶𑐐𑐟𑐫𑐵 𑐳𑐩𑐵𑐖𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐨𑑁𑐟𑐶𑐎 𑐖𑐷𑐰𑐣𑐫𑐵 𑐥𑑂𑐬𑐩𑐵𑐞 𑐏। 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐳𑐾𑑄 𑐣𑑂𑐴𑐵𑐥𑐵𑐫𑐵 𑐩𑐣𑐹𑐟𑐫𑑂 𑐧𑑂𑐫𑐰𑐴𑐵𑐬 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐀𑐨𑑂𑐫𑐵𑐳𑐫𑐵 𑐳𑑂𑐰𑐬𑐸𑐥 𑐥𑐶𑐎𑐵𑐫𑐾𑐟 𑐨𑑁𑐟𑐶𑐎 𑐀𑐰𑐱𑐾𑐲𑐫𑐵 𑐖𑐵𑑃𑐔 𑐫𑐵𑐂। 𑐣𑐺𑐰𑑄𑐱𑐰𑐶𑐖𑑂𑐘𑐵𑐣 𑐕𑐐𑐹 𑐥𑑂𑐬𑐎𑐵𑐬𑐫𑐵 𑐥𑐸𑐬𑐵𑐟𑐟𑑂𑐰 𑐏 𑐐𑐸𑐎𑐶𑐮𑐶𑑄 𑐰𑐶𑐐𑐟𑐫𑐵 𑐩𑐣𑐸𑐟𑐾𑐐𑐸 𑐥𑐸𑐔𑑅𑐟𑐫𑐾𑐳𑑄 𑐟𑑂𑐰𑑅𑐟𑐵𑑅 𑐰𑑄𑐐𑐸 𑐥𑑂𑐬𑐩𑐵𑐞𑐫𑐵𑐟 𑐧𑐵𑑄𑐮𑐵𑐎𑑂𑐎 𑐠𑐸𑐂𑐎𑐾𑐟 𑐖𑐷𑐰𑐶𑐟 𑐩𑐣𑐸𑐟𑐾𑐐𑐸 𑐥𑐸𑐔𑑅𑐟𑐾𑐐𑐸 𑐀𑐨𑑂𑐫𑐵𑐳 𑐰 𑐨𑑁𑐟𑐶𑐎 𑐀𑐰𑐱𑐾𑐲𑐫𑐵 𑐀𑐢𑑂𑐫𑐫𑐣 𑐫𑐵𑐂। 𑐠𑐠𑐾 𑐀𑐢𑑂𑐫𑐫𑐣 𑐫𑐵𑐳𑐾𑑄 𑐮𑐹𑐐𑐸 𑐡𑐳𑐶𑑄𑐫𑐵 𑐁𑐢𑐵𑐬𑐫𑑂 𑐰𑐶𑐐𑐟𑐫𑑂 𑐩𑐣𑐸 𑐐𑐠𑐾 𑐩𑑂𑐰𑐵𑐣𑐵𑐔𑑂𑐰𑑄𑐐𑐸 𑐖𑐸𑐂𑐩𑐵𑑅 𑐢𑐿𑐐𑐸 𑐀𑐣𑐸𑐩𑐵𑐣 𑐫𑐵𑐂।
• 𑐨𑐵𑐲𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬: 𑐨𑐵𑐲𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬 𑐩𑐣𑐸𑐫𑐵 𑐳𑑄𑐔𑐵𑐬𑐫𑐵 𑐥𑑂𑐬𑐎𑑂𑐬𑐶𑐫𑐵, 𑐩𑑁𑐏𑐶𑐎 𑐰 𑐀𑐩𑑁𑐏𑐶𑐎, 𑐃 𑐰 𑐠𑐵𑐳𑐫𑑂 𑐨𑐵𑐲𑐵𑐫𑐵 𑐨𑐶𑐣𑑂𑐣𑐟𑐵, 𑐨𑐵𑐲𑐵𑐫𑐵 𑐳𑐵𑐩𑐵𑐖𑐶𑐎 𑐕𑑂𑐫𑐾𑐮𑐾𑐖𑑂𑐫𑐵, 𑐨𑐵𑐲𑐵 𑐰 𑐳𑑄𑐳𑑂𑐎𑐺𑐟𑐶 𑐡𑐠𑐸𑐂 𑐳𑑂𑐰𑐵𑐥𑐹 𑐠𑐸𑐂𑐎𑐾𑐐𑐸 𑐎𑐸𑐟𑑅 𑐫𑐵𑐂𑐐𑐸 𑐎𑐔𑐵𑑅 𑐏। 𑐨𑐵𑐲𑐶𑐎 𑐩𑐵𑐣𑐰𑐱𑐵𑐳𑑂𑐟𑑂𑐬𑐷𑐟𑐾𑐳𑑄 𑐥𑑂𑐬𑐵𑐫𑑅 𑐳𑐩𑐵𑐖𑐨𑐵𑐲𑐵𑐰𑐶𑐖𑑂𑐘𑐵𑐣 (sociolinguistics), 𑐰𑑂𑐫𑐵𑐰𑐴𑐵𑐬𑐶𑐎 𑐰𑐶𑐖𑑂𑐘𑐵𑐣 (pragmatics), 𑐳𑑄𑐖𑑂𑐘𑐵𑐣𑐵𑐟𑑂𑐩𑐎 𑐨𑐵𑐲𑐵𑐰𑐶𑐖𑑂𑐘𑐵𑐣 (cognitive linguistics), 𑐳𑑄𑐎𑐾𑐟𑐱𑐵𑐳𑑂𑐟𑑂𑐬 (semiotics), 𑐥𑑂𑐬𑐰𑐔𑐣 𑐰𑐶𑐱𑑂𑐮𑐾𑐲𑐞 (discourse analysis), 𑐰 𑐎𑐠𑐣/𑐢𑐵𑐥𑐹 𑐰𑐶𑐱𑑂𑐮𑐾𑐲𑐞 (narrative) 𑐣𑐵𑐥𑑄 𑐳𑑂𑐰𑐵𑐥𑐹 𑐡𑐹𑐐𑐸 𑐎𑑂𑐲𑐾𑐟𑑂𑐬𑐫𑑂 𑐖𑑂𑐫𑐵 𑐫𑐵𑐂।
• 𑐣𑐺𑐰𑑄𑐱𑐰𑐶𑐖𑑂𑐘𑐵𑐣 𑐩𑐵𑐣𑐰𑐱𑐵𑐳𑑂𑐟𑑂𑐬

𑐳𑑂𑐰𑐫𑐵𑐡𑐶𑐳𑑃

• 𑐩𑐣𑐸