छ्येलेमि:Eukesh/Auto/NepalScript/मम्लुक
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐩𑐩𑑂𑐮𑐸𑐎 (𑐀𑐬𑐧𑐷: مملوك) 𑑙𑐐𑐸 𑐣𑐶𑐳𑐾𑑄 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂 𑐫𑐸𑐡𑑂𑐢𑐫𑑂 𑐧𑐸𑐫𑐵 𑐂𑐳𑑂𑐮𑐵𑐩 𑐢𑐬𑑂𑐩 𑐢𑐵𑐬𑐞 𑐫𑐵𑐣𑐵 𑐩𑐸𑐳𑑂𑐮𑐶𑐩 𑐏𑐮𑑆𑐶𑐦𑑆𑐵 𑐰 𑐀𑐫𑑂𑐫𑐹𑐧𑐷 𑐳𑐸𑐮𑑂𑐟𑐵𑐣𑐫𑐵 𑐣𑐶𑑄𑐟𑐶𑑄 𑐮𑑂𑐰𑐵𑐂𑐥𑐶𑑄 𑐩𑐸𑐳𑑂𑐩𑐵𑑄 𑐡𑐵𑐳 𑐳𑐾𑐣𑐵 𑐏। 𑐠𑑂𑐰 𑐳𑐾𑐣𑐵𑐫𑐵𑐟 𑐩𑐾𑐩𑐾𑐐𑐸 𑐡𑐵𑐳𑐟𑐾𑐟 𑐠𑐾𑑄 𑐣𑑂𑐫𑐵𑐂𑐐𑐸 𑐰 𑐩𑐷𑐐𑐸 𑐫𑐵𑐳𑐵𑑄 𑐩𑐩𑑂𑐮𑐸𑐎𑐟𑐾𑐟 𑐳𑐾𑐣𑐵 𑐖𑐸𑐐𑐸𑐮𑐶𑑄 𑐱𑐳𑑂𑐟𑑂𑐬-𑐀𑐳𑑂𑐟𑑂𑐬 𑐢𑐵𑐬𑐞 𑐫𑐵𑐫𑐾𑐐𑐸 𑐀𑐢𑐶𑐎𑐵𑐬 𑐢𑐵𑑅𑐳𑐵 𑐧𑐶𑐫𑐵𑐟𑐮। 𑐏𑑂𑐬𑐶𑐳𑑂𑐚𑐷𑐣𑐵𑐥 𑐩𑐸𑐳𑑂𑐩𑐵𑑄𑐟𑐾𑐐𑐸 𑐖𑐹𑐐𑐸 𑐢𑐵𑐬𑑂𑐩𑐶𑐎 𑐫𑐸𑐡𑑂𑐢 𑐎𑑂𑐬𑐸𑐳𑐾𑐜𑑂𑐳𑐫𑑂 𑐩𑐵𑐩𑑂𑐮𑐸𑐎𑐟𑐾𑐳𑑄 𑐩𑐸𑐳𑑂𑐩𑐵𑑄𑐟𑐾𑐐𑐸 𑐥𑐎𑑂𑐲𑑄 𑐮𑑂𑐰𑐵𑐣𑐵 𑐏𑑂𑐬𑐶𑐳𑑂𑐚𑐷𑐟𑐾𑐟 𑐧𑐸𑐎𑐾𑐫𑐵𑐟 𑐐𑑂𑐰𑐴𑐵𑐮𑐶 𑐫𑐵𑐟। 𑐳𑐩𑐫𑐣𑐵𑐥 𑐩𑐩𑑂𑐮𑐸𑐎𑐟𑐾𑐐𑐸 𑐱𑐎𑑂𑐟𑐶 𑐣𑑄 𑐀𑐥𑑂𑐰𑐫𑐵 𑐰𑐣 𑐰 𑐮𑐶𑐥𑐵 𑐩𑐩𑑂𑐮𑐸𑐎𑐟𑐾𑐳𑑄 𑐬𑐵𑐖𑑂𑐫 𑐱𑐵𑐳𑐣 𑐣𑑄 𑐫𑐵𑑅𑐐𑐸 𑐂𑐟𑐶𑐴𑐵𑐳 𑐡𑐸 𑐐𑐸𑐎𑐶𑐮𑐶 𑐩𑐶𑐳𑑂𑐬𑐫𑐵𑐟 𑐳𑐣𑑂 𑑑𑑒𑑕𑑐 𑐣𑐶𑐳𑐾𑑄 𑑑𑑕𑑑𑑗 𑐟𑐎𑑂𑐎 𑐩𑐩𑑂𑐮𑐹𑐎 𑐳𑐮𑑂𑐟𑐣𑐟 𑐕𑐐𑐹 𑐩𑐸𑐏𑑂𑐫 𑐡𑐳𑐸 𑐏।
𑐥𑐺𑐲𑑂𑐛𑐨𑐹𑐩𑐶
[सम्पादन]thumb|left|𑐩𑐩𑑂𑐮𑐸𑐎 𑐨𑐵𑐮𑐵𑐰𑐵𑐬, 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂
𑐩𑐩𑑂𑐮𑐸𑐎 𑐰𑑂𑐫𑐰𑐳𑑂𑐠𑐵 𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐄𑐟𑑂𑐟𑐬𑐵𑐬𑑂𑐢𑐫𑑂 𑐧𑐐𑑂𑐡𑐵𑐡𑐫𑐵 𑐀𑐧𑑂𑐧𑐵𑐳𑐷 𑐏𑐮𑐶𑐦𑑄 𑐣𑑂𑐴𑑂𑐫𑐠𑑄𑐐𑐸 𑐏। 𑐩𑐩𑑂𑐮𑐸𑐎 𑐰𑑂𑐫𑐰𑐳𑑂𑐠𑐵 𑐠𑑂𑐰 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐏𑐮𑐶𑐦𑐵 𑐀𑐮 𑐩𑐸𑐟𑐵𑐳𑐶𑐩𑑄 𑐡𑐫𑐾𑐎𑐹𑐐𑐸 𑐐𑐸𑐮𑐵𑐩 𑐥𑑂𑐬𑐠𑐵𑐫𑐵 𑐰𑐶𑐎𑐱𑐶𑐟 𑐬𑐸𑐥 𑐏। 𑐐𑐸𑐮𑐵𑐩 𑐥𑑂𑐬𑐠𑐵 𑑘𑑖𑑐𑐫𑐵 𑐡𑐱𑐎𑐫𑑂 𑐥𑑂𑐫𑐩𑑂𑐴 𑐏𑐮𑐶𑐦𑐵𑐟𑐾𑐐𑐸 𑐡𑐵𑐳𑐡𑑂𑐰𑐵𑐬𑐵 𑐴𑐟𑑂𑐫𑐵 𑐢𑐸𑑄𑐎𑐵 𑐎𑑂𑐰𑐔𑐵𑐮। 𑐠𑑂𑐰 𑐴𑐾 𑐡𑐵𑐳 𑐥𑑂𑐬𑐠𑐵𑐫𑐵𑐐𑐸 𑐁𑐢𑐵𑐬𑐫𑑂 𑐩𑐩𑑂𑐮𑐸𑐎 𑐥𑑂𑐬𑐠𑐵 𑐣𑑂𑐴𑑂𑐫𑐠𑐣। 𑐩𑐩𑑂𑐮𑐸𑐎𑐟𑐾𑐟 𑐂𑐩𑐵𑐣𑐡𑐵𑐬 𑐟𑐫𑐾𑐟 𑐫𑐸𑐡𑑂𑐢𑐫𑑂 𑐧𑐸𑐥𑐶𑐣𑐶𑐐𑐸 𑐩𑐔𑐵𑐟𑐾𑐟 𑐩𑐔𑐵𑐧𑐶𑐮𑐾 𑐴𑐾 𑐖𑑂𑐰𑐣𑐵 𑐩𑐸𑐳𑑂𑐩𑐵𑑄 𑐡𑐾𑐎𑐵 𑐂𑐩𑐶𑐟 𑐂𑐩𑐶𑐐𑐸 𑐏𑐮𑐶𑐦𑐵𑐥𑑂𑐬𑐟𑐶 𑐂𑐩𑐵𑐣𑐡𑐵𑐬 𑐡𑐫𑐾𑐎𑐵 𑐟𑐿। 𑐀𑐧𑑂𑐧𑐵𑐳𑐷𑐟𑐾𑐳𑑄 𑐠𑑅𑐐𑐸 𑐬𑐵𑐖𑑂𑐫𑐫𑐵 𑐳𑐷𑐩𑐵𑐣𑑂𑐟 𑐎𑑂𑐲𑐾𑐟𑑂𑐬 𑐰 𑐣𑐵𑐥𑑄𑐫𑐵 𑐎𑑂𑐲𑐾𑐟𑑂𑐬𑐫𑐵 𑐎𑐵𑐄𑐳𑐾𑐎𑐳 (𑐩𑐹 𑐬𑐸𑐥𑑄 𑐳𑐬𑑂𑐎𑐵𑐳𑐶𑐫𑐣 𑐰 𑐖𑑂𑐫𑑀𑐬𑑂𑐖𑐶𑐫𑐣), 𑐰 𑐄𑐟𑑂𑐟𑐬𑐷 𑐮𑐵𑐐𑐵𑐫𑐵 𑐎𑐺𑐲𑑂𑐞 𑐳𑐵𑐐𑐬𑐫𑐵 𑐐𑐿𑐴𑑂𑐬-𑐩𑐸𑐳𑑂𑐮𑐶𑐩 𑐩𑐣𑐸𑐟𑐾𑐐𑐸 𑐩𑐔𑐵𑐟𑐾𑐟 𑐀𑐠𑐾 𑐫𑐵𑐣𑐵 𑐥𑑂𑐬𑐵𑐫𑑅 𑐫𑑄𑐎𑐹𑐐𑐸 𑐏𑐣𑐾 𑐡𑐸।
thumb|𑐩𑐩𑑂𑐮𑐸𑐎 𑐀𑐱𑑂𑐰𑐬𑑀𑐴𑐷, 𑑑𑑘𑑑𑑐𑐫𑐵 𑐎𑐶𑐥𑐵
𑐩𑐩𑑂𑐮𑐸𑐎 𑐰𑑂𑐫𑐰𑐳𑑂𑐠𑐵𑑄 𑐩𑐩𑑂𑐮𑐸𑐎 𑐠𑐸𑐰𑐵𑐟𑐾𑐟 𑐳𑑂𑐠𑐵𑐥𑐶𑐟 𑐱𑐎𑑂𑐟𑐶 𑐳𑑄𑐬𑐔𑐣𑐵𑐣𑐵𑐥 𑐕𑐸𑑄 𑐳𑑂𑐰𑐵𑐥𑐹 𑐴𑐾 𑐩𑐡𑐹𑐐𑐸 𑐰 𑐠𑑅𑐐𑐸 𑐩𑐵𑐮𑐶𑐎 𑐣𑐵𑐥 𑐣𑐶𑐲𑑂𑐛𑐵𑐰𑐵𑐣 𑐡𑐵𑐳 𑐳𑐾𑐣𑐵 𑐡𑐫𑐾𑐎𑐾𑐫𑐵𑐟 𑐐𑑂𑐰𑐴𑐵𑐮𑐶 𑐫𑐵𑐟। 𑐐𑐿𑐴𑑂𑐬-𑐩𑐩𑑂𑐮𑐸𑐎 𑐳𑐾𑐣𑐵 𑐠𑑅𑐐𑐸 𑐥𑐬𑐶𑐰𑐵𑐬, 𑐠𑑅𑐐𑐸 𑐖𑐵𑐟𑐶, 𑐠𑑅𑐐𑐸 𑐠𑐵𑐫𑑂 𑐁𑐡𑐶𑐣𑐵𑐥 𑐠𑑅𑐐𑐸 𑐳𑐸𑐮𑑂𑐟𑐵𑐣 𑐰𑐵 𑐏𑐮𑐶𑐦𑐵𑐣𑐵𑐥 𑐳𑑂𑐰𑐫𑐵 𑐀𑐥𑑂𑐰 𑐣𑐶𑐲𑑂𑐛𑐵𑐰𑐵𑐣𑑂 𑐖𑐸𑐂𑐐𑐸 𑐰 𑐳𑐸𑐮𑑂𑐟𑐵𑐣𑐟𑐾𑐐𑐸 𑐀𑐣𑑂𑐢𑐨𑐎𑑂𑐟𑐶 𑐩𑐫𑐵𑐂𑐐𑐸 𑐟𑐠𑑂𑐫 𑐰 𑐳𑑂𑐰𑐟𑐣𑑂𑐟𑑂𑐬 𑐣𑐵𑐐𑐬𑐶𑐎𑑄 𑐏𑐮𑐶𑐦𑐵 𑐰 𑐳𑐸𑐮𑑂𑐟𑐵𑐣𑐫𑐵 𑐰𑐶𑐬𑐸𑐡𑑂𑐢𑐫𑑂 𑐲𑐜𑑂𑐫𑐣𑑂𑐟𑑂𑐬 𑐫𑐵𑐫𑐾𑐦𑐿𑐐𑐸 𑐰 𑐣𑐵𑐐𑐬𑐶𑐎𑐫𑐵𑐟 𑐡𑐞𑑂𑐜 𑐧𑐶 𑐠𑐵𑐎𑐸𑐂𑐐𑐸𑐮𑐶𑑄 𑐠𑑂𑐰 𑐡𑐵𑐳 𑐳𑐾𑐣𑐵 𑐏𑐮𑐶𑐦/𑐳𑐸𑐮𑑂𑐟𑐵𑐣𑐫𑐵 𑐣𑐶𑑄𑐟𑐶𑑄 𑐕𑐐𑐹 𑐟𑐢𑑄𑐐𑐸 𑐳𑐿𑐣𑑂𑐫 𑐊𑐳𑐾𑐚𑐫𑐵 𑐬𑐸𑐥𑐫𑑂 𑐳𑑂𑐠𑐵𑐥𑐶𑐟 𑐖𑐸𑐮।
𑐳𑑄𑐬𑐔𑐣𑐵
[सम्पादन]𑐩𑐩𑑂𑐮𑐸𑐎𑐟𑐾𑐟 𑐩𑐔𑐵𑐧𑐶𑐮𑐾 𑐴𑐾 𑐖𑑂𑐰𑐣𑐵 𑐩𑐶𑐐𑐸 𑐫𑐵𑐂। 𑐩𑐩𑑂𑐮𑐸𑐎 𑐣𑑂𑐫𑐵𑐫𑐾 𑐢𑐸𑑄𑐎𑐵 𑐂𑐩𑐶𑐟 𑐎𑐵𑐂𑐬𑑀𑐫𑐵 𑐳𑐶𑐟𑐵𑐡𑐾𑐮𑐫𑐵 𑐕𑐵𑐄𑐣𑐷𑐂 𑐮𑐴𑐶𑐣𑐶𑐐𑐸 𑐫𑐵। 𑐩𑐩𑑂𑐮𑐸𑐎𑐟𑐾𑐐𑐸 𑐀𑐰𑐳𑑂𑐠𑐵 𑐀𑐬𑑂𑐠𑐵𑐟 𑐳𑐵𑐩𑐵𑐖𑐶𑐎 𑐰 𑐬𑐵𑐖𑐣𑐿𑐟𑐶𑐎 𑐳𑑂𑐰𑐵𑐥𑐹 𑐰 𑐧𑐣𑑂𑐡𑐣 𑐩𑐡𑐹𑐐𑐸 𑐖𑐹𑐐𑐸𑐮𑐶𑑄 𑐂𑐩𑐶𑐟 𑐁𑐥𑐵𑐮𑑄 𑐰𑐶𑐱𑑂𑐰𑐵𑐳 𑐫𑐵। 𑐩𑐩𑐸𑐎𑐟𑐾𑐟 𑐣𑑂𑐫𑐵𑐫𑐾 𑐢𑐸𑑄𑐎𑐵 𑐂𑐩𑐶𑐟 𑐩𑐸𑐳𑑂𑐩𑐵𑑄 𑐢𑐬𑑂𑐩𑐫𑑂 𑐢𑐬𑑂𑐩 𑐥𑐬𑐶𑐰𑐬𑑂𑐟𑐣 𑐫𑐵𑐎𑐶𑐂। 𑐂𑐩𑐶𑐟 𑐩𑐸𑐳𑑂𑐩𑐵𑑄 𑐢𑐬𑑂𑐩 𑐰 𑐳𑐿𑐣𑑂𑐫 𑐰𑐶𑐡𑑂𑐫𑐵𑐫𑐵 𑐎𑐜𑐵 𑐱𑐶𑐎𑑂𑐲𑐵 𑐧𑐶𑐫𑐵 𑐂𑐩𑐶𑐟 "𑐧𑐵𑑄𑐮𑐵𑐩𑑂𑐴 𑐩𑐸𑐳𑑂𑐩𑐵𑑄 𑐰 𑐫𑑀𑐡𑑂𑐢𑐵" 𑐖𑐸𑐂𑐟 𑐥𑑂𑐬𑐱𑐶𑐎𑑂𑐲𑐞 𑐫𑐵𑐂। [१] 𑐩𑐩𑑂𑐮𑐸𑐎𑐟𑐾𑐐𑐸 𑐥𑑂𑐬𑐱𑐶𑐎𑑂𑐲𑐞 𑐳𑐶𑐢𑐾 𑐢𑐸𑑄𑐎𑐵 𑐂𑐩𑐶𑐟 𑐟𑑂𑐰𑐟𑐸𑐳𑐵𑑄 𑐂𑐥𑐶𑑄 𑐂𑐩𑐶𑐐𑐸 𑐩𑐵𑐮𑐶𑐎𑐫𑐵 𑐀𑐢𑐷𑐣𑐫𑑂 𑐴𑐾 𑐖𑐸𑐫𑐵𑐔𑑂𑐰𑐣𑐶। 𑐩𑐩𑑂𑐮𑐸𑐎 𑐠𑑅𑐐𑐸 𑐖𑐷𑐰𑐣𑐫𑑂 𑐣𑑂𑐴𑑂𑐫𑑅𑐣𑐾 𑐰𑐣𑐾𑐫𑐵𑐟 𑐂𑐩𑐶𑐐𑐸 𑐩𑐵𑐮𑐶𑐎𑐫𑐵 𑐐𑑂𑐰𑐴𑐵𑐮𑐶 𑐩𑐵𑐮𑐵 𑐔𑑂𑐰𑐣𑐶। 𑐣𑐵𑐥𑑄 𑐩𑐩𑑂𑐮𑐸𑐎 𑐠𑐸𑐰𑐵𑐟𑐾𑐐𑐸 𑐂𑐖𑑂𑐖𑐟 𑐣𑑄 𑐂𑐩𑐶𑐳𑑄 𑐡𑐾𑐎𑐸𑐐𑐸 𑐩𑐩𑑂𑐮𑐸𑐎𑐫𑑂 𑐣𑐶𑐬𑑂𑐨𑐬 𑐖𑐸𑐫𑐵𑐔𑑂𑐰𑐣𑐶। 𑐕𑐩𑑂𑐴 𑐩𑐩𑑂𑐮𑐸𑐎𑑄 𑐠𑑅𑐣𑐵𑐥𑑄 𑐴𑐾 𑐥𑑂𑐬𑐱𑐶𑐎𑑂𑐲𑐞 𑐎𑐵𑐩𑑂𑐴 𑐩𑐾𑐩𑑂𑐴 𑐩𑐩𑑂𑐮𑐸𑐎𑐣𑐵𑐥 𑐢𑐵𑑅𑐳𑐵 𑐨𑐵𑐟𑐺𑐟𑑂𑐟𑑂𑐰 (esprit de corps)𑐫𑐵 𑐣𑐵𑐟𑐵 𑐡𑐫𑐵𑐔𑑂𑐰𑐣𑐶। [२]
𑐩𑐩𑑂𑐮𑐸𑐎𑐟𑐾𑐟 𑐠𑑅 𑐡𑐵𑐳 𑐖𑐸𑐐𑐸𑐮𑐶𑐂 𑐴𑐾 𑐐𑐬𑑂𑐰 𑐫𑐵𑐫𑐾𑐟 𑐳𑑂𑐫𑐣𑐵 𑐟𑐿। 𑐣𑑂𑐫𑐵𑐣𑐵 𑐟𑑅𑐥𑐶𑑄 𑐩𑐩𑑂𑐮𑐸𑐎𑐟𑐾𑐳𑑄 𑐖𑐎𑑂𑐎 𑐩𑐩𑑂𑐮𑐸𑐎𑐟𑐾𑐳𑑄 𑐎𑐵𑐫𑐾𑐦𑐿𑐐𑐸 𑐄𑐔𑑂𑐔𑐟𑐩𑑂 𑐎𑑀𑐚𑐷 𑐎𑐵𑐫𑐾𑐦𑐿। 𑐣𑑂𑐫𑐵𑐣𑐵𑐟𑑅𑐥𑐶𑑄 𑐩𑐩𑑂𑐮𑐸𑐎 𑐏𑐮𑐶𑐦, 𑐳𑐸𑐮𑑂𑐟𑐵𑐣𑐫𑐵 𑐣𑐵𑐥𑑄 𑐡𑐿𑐐𑐸𑐮𑐶𑑄 𑐮𑐶𑐥𑐵 𑐰𑐣𑐵 𑐩𑐩𑑂𑐮𑐸𑐎𑐟𑐾𑐐𑐸 𑐥𑑂𑐬𑐨𑐵𑐰 𑐀𑐥𑑂𑐰𑐫𑐵 𑐰𑐣। 𑐮𑐶𑐥𑐵 𑐩𑐩𑑂𑐮𑐸𑐎 𑐠𑐸𑐮𑐶 𑐥𑑂𑐬𑐨𑐵𑐰𑐱𑐵𑐮𑐷 𑐖𑐸𑐮 𑐎𑐶 𑐳𑑂𑐰𑐟𑐣𑑂𑐟𑑂𑐬 𑐩𑐶𑐳𑑂𑐬𑐷 𑐣𑐵𑐐𑐬𑐶𑐎𑐟𑐾𑐳𑑄 𑐣𑑄 𑐠𑑅𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐟𑑂𑐫𑐵𑐐 𑐫𑐵𑐣𑐵 𑐩𑐩𑑂𑐮𑐸𑐎 𑐡𑐵𑐳 𑐖𑐸𑐰𑐣𑐶𑐐𑐸 𑐀𑐰𑐳𑑂𑐠𑐵 𑐰𑐮। 𑐩𑐩𑑂𑐮𑐸𑐎𑐟𑐾𑐳𑑄 𑐀𑐬𑐧𑐷 𑐨𑐵𑐲𑐵𑐫𑑂 𑐏𑑃𑐮𑑂𑐴𑐵𑐣𑐵 𑐩𑐶𑐳𑑂𑐬𑐷 𑐣𑐵𑑄 𑐟𑐫𑐵𑑅 𑐀𑐬𑐧𑐷 𑐠𑐾𑑄 𑐫𑐵𑐣𑐵 𑐔𑑂𑐰𑐣𑐶𑐐𑐸 𑐖𑐸𑐰𑐣। 𑐐𑐿𑐴𑑂𑐬-𑐀𑐬𑐧𑐷 𑐡𑐵𑐳 𑐖𑐸𑐳𑐵𑑄 𑐩𑐩𑑂𑐮𑐸𑐎𑐟𑐾𑐟 𑐠𑑅𑐐𑐸 𑐱𑐎𑑂𑐟𑐶𑐫𑐵 𑐳𑑂𑐬𑑀𑐟 𑐖𑐸𑐐𑐸𑐮𑐶𑑄 𑐩𑐸𑐳𑑂𑐩𑐵𑑄 𑐏𑐮𑐶𑐦𑐵 𑐰 𑐳𑐸𑐮𑑂𑐟𑐵𑐣𑐟𑐾𑐳𑑄 𑐂𑐩𑐶𑐟 𑐃-𑐃𑐮𑐾 𑐟𑐵𑐬𑐶𑐦 𑐫𑐵𑐂𑐐𑐸 𑐫𑐵। 𑐩𑐩𑑂𑐮𑐸𑐎𑐟𑐾𑐟 𑐂𑐩𑐶𑐐𑐸 𑐩𑐵𑐮𑐶𑐎𑐟𑐾𑐳𑑄 “𑐎𑑂𑐬𑐸𑐳𑐾𑐜𑐬 𑐰 𑐩𑐒𑑂𑐐𑑀𑐮𑐟𑐾𑐟 𑐮𑐶𑐣𑐵 𑐕𑑂𑐰𑐂𑐥𑐶𑑄 𑐂𑐳𑑂𑐮𑐵𑐩𑐫𑐵 𑐰𑐵𑐳𑑂𑐟𑐰𑐶𑐎 𑐬𑐎𑑂𑐲𑐎” 𑐢𑐎𑐵 𑐳𑐩𑑂𑐧𑑀𑐢𑐣 𑐫𑐵𑑅𑐐𑐸 𑐣𑑄 𑐏𑐣𑐾 𑐡𑐸। [३]
𑐩𑐩𑑂𑐮𑐸𑐎𑐟𑐾𑐟 𑐂𑐳𑑂𑐮𑐵𑐩𑐫𑑂 𑐢𑐬𑑂𑐩 𑐥𑐬𑐶𑐰𑐬𑑂𑐟𑐣 𑐫𑐵𑐫𑐾𑐢𑐸𑑄𑐎𑐵 𑐫𑐎𑑂𑐰𑐫𑐵𑐟 𑐀𑐱𑑂𑐰𑐬𑑀𑐴𑐷 𑐳𑐾𑐣𑐵𑐫𑑂 𑐥𑑂𑐬𑐱𑐶𑐎𑑂𑐲𑐞 𑐧𑐷𑐐𑐸 𑐫𑐵। 𑐩𑐩𑑂𑐮𑐸𑐎𑐟𑐾𑐳𑑄 𑐦𑐸𑐬𑐸𑐳𑐶𑐫𑐵 𑐢𑐵𑑅𑐐𑐸 𑐣𑐶𑐫𑐩 𑐥𑐵𑐮𑐣𑐵 𑐫𑐵𑐫𑐾𑐩𑐵 𑐐𑐸𑐎𑐶𑐮𑐶𑑄 𑐂𑐩𑐶𑐟 𑐱𑑁𑐬𑑂𑐫, 𑐡𑐫𑐵 𑐁𑐡𑐶 𑐣𑐿𑐟𑐶𑐎 𑐰 𑐀𑐱𑑂𑐰𑐬𑑀𑐴𑐷 𑐬𑐞𑐣𑐷𑐟𑐶, 𑐀𑐱𑑂𑐰𑐬𑑀𑐴𑐞 𑐎𑐮𑐵, 𑐢𑐣𑐸𑐬𑑂𑐰𑐶𑐡𑑂𑐫𑐵 𑐰 𑐑𑐵 𑐮𑑄𑐎𑐶𑐐𑐸 𑐁𑐡𑐶 𑐥𑐵𑐛 𑐳𑑂𑐫𑐣𑐶।
𑐩𑐩𑑂𑐮𑐸𑐎𑐟 𑐠𑑅𑐐𑐸 𑐡𑐸𑐬𑑂𑐐𑐫𑑂 𑐡𑐸𑐣𑐾 𑐔𑑂𑐰𑐣𑐶 𑐰 𑐥𑑂𑐬𑐵𑐫𑑅 𑐃 𑐠𑑅 𑐡𑐠𑐸𑐂𑐫𑑂 𑐴𑐾 𑐔𑑂𑐰𑐣𑐶। 𑐂𑐩𑐶𑐐𑐸 𑐩𑐣𑑀𑐬𑐘𑑂𑐖𑐣𑐫𑑂 𑐰𑐵𑐫𑐵 𑐩𑑂𑐴𑑀𑐫𑑂 𑐣𑑄 𑐣𑐶𑐎𑑅 𑐎𑐵𑐳𑐵 𑐢𑐾𑐢𑐾𑐧𑐮𑑂𑐮𑐵 𑐡𑐳𑐸 𑐢𑐣𑐸𑐎𑐵𑐞𑑂𑐜 𑐰 𑐀𑐱𑑂𑐰𑐎𑐮𑐵 𑐁𑐡𑐶 𑐮𑐵। 𑐣𑑂𑐴𑐸𑐩𑑂𑐴 𑐩𑐩𑑂𑐮𑐸𑐎𑐫𑐵𑐐𑐸 𑐨𑐬𑑂𑐟𑐷 𑐰 𑐥𑑂𑐬𑐱𑐶𑐎𑑂𑐲𑐞𑑄 𑐩𑐩𑑂𑐮𑐸𑐎 𑐥𑑂𑐬𑐠𑐵 𑐩𑑂𑐰𑐵𑐎𑐵 𑐟𑐮।
𑐳𑐿𑐣𑑂𑐫 𑐱𑐎𑑂𑐟𑐶𑐂 𑐩𑐾𑐩𑐾𑐥𑐶𑑄 𑐳𑐿𑐣𑑂𑐫 𑐰𑐮 𑐠𑐾𑑄 𑐖𑐸𑐳𑐵𑑄 𑐩𑐩𑑂𑐮𑐸𑐎𑐟 𑐳𑐸𑐮𑑂𑐟𑐵𑐣𑐫𑐵 𑐡𑐵𑐳𑐫𑐵 𑐬𑐸𑐥𑐫𑑂 𑐴𑐾 𑐥𑐬𑐶𑐔𑐵𑐮𑐶𑐟 𑐖𑐸𑐂। 𑐩𑐩𑑂𑐮𑐸𑐎𑐫𑐵 𑐡𑐾𑐫𑑂𑐫𑐵 𑐳𑐩𑐵𑐖𑐫𑑂 𑐠𑑅𑐐𑐸 𑐀𑐳𑑂𑐟𑐶𑐟𑑂𑐰 𑐡𑐿𑐩𑐐𑐸 𑐰 𑐳𑐸𑐮𑑂𑐟𑐵𑐣𑐫𑐵 𑐥𑐶𑐣𑐾𑐫𑐵 𑐱𑐎𑑂𑐟𑐶𑐫𑐵 𑐬𑐸𑐥𑐫𑑂 𑐖𑐎𑑂𑐎 𑐳𑑂𑐠𑐵𑐥𑐶𑐟 𑐖𑐸𑐫𑐵 𑐔𑑂𑐰𑐣𑐶। 𑐳𑐸𑐮𑑂𑐟𑐵𑐣𑐟𑐾𑐳𑑄 𑐂𑐩𑐶𑐟 𑐠𑑅𑐐𑐸 𑐥𑑂𑐬𑐟𑑂𑐫𑐎𑑂𑐲 𑐴𑐸𑐎𑐸𑐩𑐫𑑂 𑐟𑐫𑐵𑐟𑐿 𑐰 𑐳𑑂𑐠𑐵𑐣𑐷𑐫 𑐏𑐮𑑅𑐟𑐾𑐐𑐸 𑐮𑑂𑐰𑐵𑐥𑐸𑐂 𑐂𑐩𑐶𑐟 𑐕𑑂𑐫𑐾𑐮𑐶𑐐𑐸 𑐫𑐵। 𑐳𑐸𑐮𑑂𑐟𑐵𑐣𑐫𑐵 𑐂𑐔𑑂𑐕𑐵 𑐎𑐠𑑄 𑐳𑐸𑐮𑑂𑐟𑐵𑐣𑑄 𑐂𑐩𑐶𑐟 𑐩𑐸𑐳𑑂𑐩𑐵𑑄 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑑂𑐴𑑂𑐫𑐵𑐐𑐸 𑐣𑑄 𑐠𑐵𑐳𑐫𑑂 𑐕𑑂𑐰𑐾𑐦𑐸।
𑐳𑐸𑐮𑑂𑐟𑐵𑐣𑐟𑐾𑐐𑐸 𑐡𑐎𑑂𑐮𑐾 𑐀𑐥𑑂𑐰 𑐩𑐩𑑂𑐮𑐸𑐎 𑐡𑑅𑐳𑐵𑑄 𑐬𑐖𑑁𑐚𑐵𑐟 𑐡𑐳𑐸 𑐀𑐩𑐶𑐬𑐟𑐾𑐳𑑄 𑐣𑑄 𑐠𑑅𑐐𑐸 𑐩𑐩𑑂𑐮𑐸𑐎 𑐟𑐿𑐐𑐸 𑐫𑐵। 𑐮𑐶𑐥𑐵 𑐖𑐸𑐖𑐸𑑄 𑐫𑐎𑑂𑐰 𑐩𑐩𑑂𑐮𑐸𑐎𑐟 𑐩𑐸𑐳𑑂𑐩𑐵𑑄 𑐳𑐵𑐩𑑂𑐬𑐵𑐖𑑂𑐫𑐫𑑂 𑐟𑑅𑐢𑑄𑐐𑐸 𑐥𑐡𑐫𑑂 𑐁𑐳𑐷𑐣 𑐖𑐸𑐰𑐣 𑐰 𑐳𑐾𑐣𑐵𑐫𑐵 𑐣𑐾𑐟𑐺𑐟𑑂𑐟𑑂𑐰 𑐣𑑄 𑐀𑐢𑐶𑐐𑑂𑐬𑐴𑐞 𑐫𑐵𑐫𑐾𑐐𑐸 𑐎𑑂𑐲𑐩𑐟𑐵 𑐟𑐮। 𑐩𑐩𑑂𑐮𑐸𑐎𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐥𑑂𑐬𑐠𑐵𑐎𑐠𑑄 𑐩𑐩𑑂𑐮𑐸𑐎 𑐀𑐧𑐸𑐫𑐵 𑐎𑐵𑐫𑑂𑐣𑑄 𑐠𑑅𑐐𑐸 𑐀𑐧𑐸𑐫𑐵 𑐥𑐡 𑐎𑐵𑐫𑐾 𑐩𑐕𑐶𑑄 𑐰 𑐎𑐵𑐫𑑂𑐣𑑄 𑐴𑐵𑐣𑑄 𑐩𑐩𑑂𑐮𑐸𑐎 𑐥𑑂𑐬𑐱𑐶𑐎𑑂𑐲𑐞 𑐎𑐵𑐫𑐾𑐩𑐵। 𑐟𑐬 𑐮𑐶𑐥𑐵 𑐰𑐣𑐵 𑐩𑐩𑑂𑐮𑐸𑐎𑐟 𑐱𑐎𑑂𑐟𑐶𑐫𑐵 𑐣𑐵𑐥𑑄 𑐠𑑂𑐫𑐣𑐾 𑐢𑐸𑑄𑐎𑐵 𑐠𑑂𑐰 𑐣𑐶𑐫𑐩 𑐴𑐶𑐮𑐵 𑐩𑐩𑑂𑐮𑐸𑐎𑐟𑐾𑐐𑐸 𑐥𑐡 𑐣𑑄 𑐖𑐴𑐵𑐣𑐶𑑄𑐫𑐵 𑐖𑐸𑐰𑐣। 𑐱𑐎𑑂𑐟𑐶𑐫𑐵 𑐣𑐵𑐥𑑄𑐫𑐵 𑐔𑑂𑐰𑐣𑐶𑐐𑐸 𑐠𑐣𑑂𑐫𑐵𑐥𑐶𑑄 𑐩𑐩𑑂𑐮𑐸𑐎𑐟𑐾𑐳𑑄 𑐠𑑅𑐐𑐸 𑐳𑑂𑐰𑐵𑐥𑐹 𑐣𑑄 𑐧𑐮𑑂𑐮𑐵𑐎𑐵 𑐫𑑄𑐎𑐮 𑐰 𑐮𑐶𑐥𑐵 𑐩𑐩𑑂𑐮𑐸𑐎𑐟 𑐕𑐐𑐹 𑐱𑐎𑑂𑐟𑐶 𑐎𑐾𑐣𑑂𑐡𑑂𑐬𑐫𑐵 𑐬𑐸𑐥𑐫𑑂 𑐥𑐮𑐶𑐳𑑂𑐠𑐵 𑐖𑐹𑐰𑐣।
𑐀𑐚𑑀𑐩𑐵𑐣 𑐳𑐵𑐩𑑂𑐬𑐵𑐖𑑂𑐫𑐫𑑂 𑐖𑐵𑐣𑐶𑐳𑐾𑐬𑐷𑐟𑐾𑐐𑐸 𑐣𑑄 𑐠𑐣𑑂𑐫𑐵𑐐𑐸 𑐴𑐾 𑐴𑐶𑐄𑐥𑐵 𑐰𑑅𑐐𑐸 𑐏𑐣𑐾 𑐡𑐸।
𑐳𑑂𑐰𑐫𑐵𑐡𑐶𑐳𑑃
[सम्पादन]𑐮𑐶𑐢𑑄𑐳𑐵
[सम्पादन]- ↑ Behrens-Abouseif, Doris. Cairo of the Mamluks : A History of Architecture and Its Culture. New York: Macmillan, 2008.
- ↑ Behrens-Abouseif, Doris. Cairo of the Mamluks : A History of Architecture and Its Culture. New York: Macmillan, 2008.
- ↑ Behrens-Abouseif, Doris. Cairo of the Mamluks : A History of Architecture and Its Culture. New York: Macmillan, 2008.
 |
विकिमिडिया मंका य् थ्व विषय नाप स्वापु दुगु मिडिया दु: Mamluks |