छ्येलेमि:Eukesh/Auto/NepalScript/मनुयागु मिखा
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
𑐩𑐶𑐏𑐵 𑐩𑐣𑐸𑐫𑐵𑐐𑐸 𑐕𑐐𑐸 𑐳𑐾𑐣𑑂𑐳 𑐀𑐬𑑂𑐐𑑂𑐫𑐵𑐣 𑐏𑑅। 𑐩𑐶𑐏𑐵 𑐣𑑄 𑐖𑑅 𑐄𑐬𑑂𑐖𑐵𑐫𑐵𑐐𑐸 𑐣𑐶𑐳𑑂𑐔𑐶𑐟 𑐰𑐾𑐨𑐮𑐾𑐣𑑂𑐠𑐟𑐾𑐟 𑐣𑑂𑐴𑑂𑐫𑐾𑐥𑐹𑐫𑑂 𑐫𑐾𑑄𑐎𑐶𑐫𑐸 𑐖𑑂𑐫𑐵 𑐫𑐵𑐃। 𑐀𑐠𑐾 𑐣𑑂𑐴𑑂𑐫𑐾𑐥𑐹𑐫𑑂 𑐫𑐾𑑄𑐎𑐾𑐫𑐵𑐟 𑐩𑐶𑐏𑐵 𑐣𑑄 𑐖𑑅𑐫𑐵𑐟 𑐩𑐸𑑄𑐎𑐶𑐐𑐸, 𑐩𑐸𑑄𑐎𑐸𑐐𑐸 𑐖𑑅𑐫𑐵𑐐𑐸 𑐄𑐬𑑂𑐖𑐵𑐫𑐵𑐟 𑐬𑐳𑐵𑐫𑐣𑐶𑐎 𑐄𑐬𑑂𑐖𑐵𑐫𑑂 𑐴𑐶𑐮𑐶𑐐𑐸 𑐰 𑐴𑐶𑐮𑐵𑐰𑑄𑐐𑐸 𑐬𑐳𑐵𑐫𑐣𑐶𑐎 𑐄𑐬𑑂𑐖𑐵𑐫𑐵𑐟 𑐣𑑂𑐴𑑂𑐫𑐾𑐥𑐹 𑐟𑐎𑑂𑐎 𑐫𑐾𑑄𑐎𑐶𑐐𑐸 𑐖𑑂𑐫𑐵 𑐫𑐵𑐃।
𑐩𑐶𑐏𑐵𑐫𑐵𑐐𑐸 𑐊𑐣𑐵𑐚𑑀𑐩𑐷
[सम्पादन]𑐩𑐣𑐸𑐫𑐵𑐐𑐸 𑐩𑐶𑐏𑐵 𑐢𑐵𑐫𑑂 𑐧𑐶𑐮𑐾 𑐩𑐶𑐏𑐵𑐐𑑂𑐰 𑐰 𑐄𑐎𑐶𑐫𑐵𑐟 𑐖𑑂𑐰𑐣𑐵𑐟𑑅𑐐𑐸 𑐩𑐶𑐏𑐵𑐴𑑂𑐰𑐮𑐫𑑂(𑐀𑐬𑑂𑐧𑐶𑐚𑐫𑑂) 𑐡𑐫𑐵𑐔𑑂𑐰𑑄𑐐𑐸 𑐩𑐾𑐩𑐾𑐐𑐸 𑐳𑑄𑐬𑐔𑐣𑐵𑐟 𑐠𑐸𑐂। 𑐟𑐬 𑐩𑐶𑐏𑐵𑐫𑐵𑐟 𑐳𑐷𑐎𑐾𑐧𑐶𑐮𑐫𑑂 𑐩𑐶𑐏𑐵𑐐𑑂𑐰𑐫𑐵𑐟 𑐖𑐎𑑂𑐎 𑐩𑐶𑐏𑐵 𑐢𑐎𑐵 𑐎𑐵𑐫𑐾𑐐𑐸 𑐫𑐵। 𑐩𑐶𑐏𑐵𑐥𑐸𑐳𑐵𑐫𑐵 𑐳𑑄 (𑐩𑐶𑐔𑐸𑐮𑐸 𑐰𑐵 𑐩𑐶𑐩𑐶𑐳𑑃 𑐰𑐵 Eyelashes) 𑐰 𑐩𑐶𑐏𑐵𑐦𑐸𑐳𑐶(Eyebrow) 𑐨𑑁𑐟𑐶𑐎 𑐬𑐸𑐥𑑄 𑐩𑐶𑐏𑐵𑐣𑐵𑐥𑑄 𑐮𑐵𑑅𑐐𑐹 𑐣𑐶𑐟𑐵 𑐳𑑄𑐥𑐸𑐔𑑅 𑐏।
𑐩𑐶𑐏𑐵𑐐𑑂𑐰
[सम्पादन]𑐩𑐶𑐏𑐵𑐐𑑂𑐰𑐮𑐾 𑐡𑐸𑐐𑐸 𑐳𑑄𑐬𑐔𑐣𑐵𑐟 𑐠𑑂𑐰 𑐎𑐠𑐮𑑄 𑐡𑐸-
- 𑐎𑐣𑑂𑐖𑑄𑐎𑑂𑐚𑐶𑐨𑐵
- 𑐎𑐬𑑂𑐣𑐶𑐫𑐵
- 𑐊𑐣𑑂𑐚𑐾𑐬𑐶𑐫𑐬 𑐔𑑂𑐫𑐵𑐩𑑂𑐧𑐬
- 𑐫𑐸𑐨𑐶𑐫𑐮 𑐟𑐣𑑂𑐟𑐸
- 𑐁𑐂𑐬𑐶𑐳
- 𑐳𑐶𑐮𑐶𑐫𑐬𑐷 𑐧𑐜𑐷
- 𑐎𑑀𑐬𑑀𑐂𑐜
- 𑐮𑐾𑐣𑑂𑐳
- 𑐖𑑀𑐣𑐸𑐮
- 𑐱𑑂𑐮𑐾𑐩𑑂𑐩𑐫𑐵𑐐𑐸 𑐎𑑂𑐫𑐵𑐣𑐵𑐮
- 𑐨𑐶𑐚𑐬𑐳 𑐴𑑂𑐫𑐸𑐩𑐬
- 𑐳𑑂𑐎𑑂𑐮𑐾𑐬𑐵
- 𑐀𑐥𑑂𑐚𑐶𑐎 𑐣𑐳𑐵
- 𑐩𑐶𑐏𑐵𑐫𑐵𑐟 𑐳𑑄𑐎𑐶𑐐𑐸 𑐮𑐵
𑐎𑐣𑑂𑐖𑑄𑐎𑑂𑐚𑐶𑐨𑐵
[सम्पादन]𑐠𑑂𑐰 𑐩𑐶𑐏𑐵𑐫𑐵𑐐𑐸 𑐡𑐎𑑂𑐮𑐾 𑐥𑐶𑐣𑐾𑐫𑐵𑐐𑐸 𑐩𑑂𑐫𑐸𑐎𑐳 𑐩𑐾𑐩𑑂𑐧𑑂𑐬𑐾𑐣 𑐏𑑅। 𑐎𑐣𑑂𑐖𑑄𑐎𑑂𑐚𑐶𑐨𑐵 𑐢𑐵𑐐𑐸 𑐏𑑄𑐐𑑂𑐰 𑐎𑑂𑐣𑑂𑐖𑑀𑐂𑐣 𑐏𑑄𑐐𑑂𑐰 𑐣𑑄 𑐧𑐸𑐫𑐵𑐰𑐐𑐸 𑐏𑑅𑐖𑑆𑑂 𑐠𑑂𑐰 𑐩𑐶𑐏𑐵𑐳𑐷𑐫𑐵𑐐𑐸 𑐮𑑂𑐫𑐸𑐣𑐾𑐫𑐵𑐐𑐸 𑐠𑐵𑐳𑐾 𑐰 𑐩𑐶𑐏𑐵𑐐𑑂𑐰𑐫𑐵𑐐𑐸 𑐡𑐎𑑂𑐮𑐾 𑐣𑑂𑐴𑑂𑐫𑐣𑐾𑐫𑐵𑐐𑐸 𑐠𑐵𑐳𑐾 𑐮𑐵। 𑐠𑐸𑐎𑐶𑐮𑐶 𑐊𑐥𑐶𑐠𑐾𑐮𑐶𑐫𑐮, 𑐊𑐜𑐾𑐣𑑀𑐂𑐜 𑐰 𑐦𑐵𑐂𑐧𑑂𑐬𑐳 𑐟𑐴 𑐡𑐿। 𑐠𑐸𑐎𑐶𑐫𑐵𑐐𑐸 𑐣𑐶𑐐𑐸 𑐨𑐵𑐐 𑐡𑐸। 𑐰 𑐏𑑅-
- 𑐥𑐵𑐮𑑂𑐥𑐾𑐧𑑂𑐬𑐮 𑐎𑐣𑑂𑐖𑑄𑐎𑑂𑐚𑐶𑐨𑐵
- 𑐧𑐮𑑂𑐧𑐬 𑐎𑐣𑑂𑐖𑑄𑐎𑑂𑐚𑐶𑐨𑐵
𑐎𑐣𑑂𑐖𑑄𑐎𑑂𑐚𑐶𑐨𑐵𑐫𑐵𑐐𑐸 𑐂𑐣𑑂𑐦𑑂𑐮𑐵𑐩𑐾𑐳𑐣𑐫𑐵𑐟 𑐎𑐣𑑂𑐖𑑄𑐎𑑂𑐚𑐶𑐨𑐵𑐂𑐚𑐶𑐳 𑐢𑐵𑐃।
𑐎𑐬𑑂𑐣𑐶𑐫𑐵
[सम्पादन]𑐎𑐬𑑂𑐣𑐶𑐫𑐵 𑐕𑐐𑐸 𑐚𑑂𑐬𑐵𑐣𑑂𑐳𑑂𑐥𑑂𑐫𑐵𑐬𑐾𑐣𑑂𑐚, 𑐀𑐨𑐵𑐳𑑂𑐎𑐸𑐮𑐬 𑐳𑑄𑐬𑐔𑐣𑐵 𑐏𑑅। 𑐠𑑂𑐰 𑐩𑐶𑐏𑐵𑐫𑐵𑐐𑐸 𑐊𑐣𑑂𑐚𑐾𑐬𑐶𑐫𑐬 𑑑/𑑖 𑐠𑐵𑐫𑑂𑐫𑑂 𑐡𑐫𑐵 𑐔𑑂𑐰𑐣𑐶। 𑐠𑑂𑐰 𑐳𑑄𑐬𑐔𑐣𑐵𑐫𑐵𑐐𑐸 𑐣𑑂𑐫𑐵𑐐𑐸 𑐟𑐴 𑐡𑐸। 𑐠𑐸𑐎𑐶𑐫𑐵𑐐𑐸 𑐟𑐴𑐟𑑅 𑐠𑑂𑐰 𑐎𑐠𑐮𑑄 𑐡𑐸-
- 𑐂𑐥𑐶𑐠𑐾𑐮𑐶𑐫𑐩
- 𑐧𑑀𑐩𑑂𑐫𑐵𑐣𑐫𑐵𑐐𑐸 𑐩𑐾𑐩𑑂𑐧𑑂𑐬𑐾𑐣
- 𑐳𑑂𑐚𑑂𑐬𑑀𑐩𑐵
- 𑐜𑐾𑐳𑐾𑐩𑐾𑐚𑐫𑐵𑐐𑐸 𑐩𑐾𑐩𑑂𑐧𑑂𑐬𑐾𑐣
- 𑐊𑐣𑑂𑐜𑑀𑐠𑐾𑐮𑐶𑐫𑐩
𑐎𑐬𑑂𑐣𑐶𑐫𑐵𑐫𑐵𑐟 𑐊𑐣𑑂𑐚𑐾𑐬𑐶𑐫𑐬 𑐳𑐶𑐮𑐶𑐫𑐬𑐷 𑐣𑐳𑐵 𑐣𑑄 𑐔𑐾𑐟𑐣𑐵 𑐧𑐶𑐫𑐵 𑐟𑐃। 𑐎𑐬𑑂𑐣𑐶𑐫𑐵𑐫𑐵𑐐𑐸 𑐂𑐣𑑂𑐦𑑂𑐮𑐵𑐩𑐾𑐳𑐣 𑐰 𑐀𑐮𑑂𑐳𑐬 𑐖𑐸𑐂 𑐦𑐸।
𑐳𑑂𑐎𑑂𑐮𑐾𑐬𑐵
[सम्पादन]𑐳𑑂𑐎𑑂𑐮𑐾𑐬𑐵 𑐢𑐵𑐐𑐸 𑐎𑐬𑑂𑐣𑐶𑐫𑐵𑐫𑐸 𑐮𑑂𑐫𑐸𑐣𑐾𑐫𑐵𑐐𑐸 𑑕/𑑖 𑐩𑐶𑐏𑐵𑐐𑑂𑐰 𑐨𑐸𑐣𑐵𑐟𑐿𑐐𑐸 𑐕𑐐𑐸 𑐌𑐥𑑂𑐫𑐵𑐎 𑐦𑐵𑐂𑐧𑑂𑐬𑐳 𑐳𑑄𑐬𑐔𑐣𑐵 𑐏𑑅। 𑐠𑐸𑐎𑐶𑐮𑐶 𑐳𑑂𑐰𑑄𑐐𑐸 𑐟𑐴𑐟 𑐡𑐿। 𑐠𑐸𑐎𑐶𑐫𑐵𑐐𑐸 𑐟𑐴𑐟𑐾𑐐𑐸 𑐣𑐵𑑄 𑐂𑐥𑐶𑐳𑑂𑐎𑑂𑐮𑐾𑐬𑐮 𑐟𑐣𑑂𑐟𑐸, 𑐳𑑂𑐎𑑂𑐮𑐾𑐬𑐵 𑐥𑑂𑐬𑐥𑐬 𑐰 𑐮𑑂𑐫𑐵𑐩𑐶𑐣𑐵 𑐦𑐸𑐳𑑂𑐎𑐵 𑐏𑑅।
𑐫𑐸𑐨𑐶𑐫𑐮 𑐟𑐣𑑂𑐟𑐸
[सम्पादन]𑐫𑐸𑐨𑐶𑐫𑐮 𑐟𑐣𑑂𑐟𑐸 𑐢𑐵𑐐𑐸 𑐩𑐶𑐏𑐵𑐫𑐵𑐐𑐸 𑐴𑐶𑐢𑑀𑑄𑐟 𑐡𑐸𑐐𑐸 𑐨𑐵𑐳𑑂𑐎𑐸𑐮𑐬 𑐳𑑄𑐬𑐔𑐣𑐵 𑐏𑑅। 𑐠𑑂𑐰 𑐟𑐣𑑂𑐟𑐸𑐫𑐵𑐟 𑐠𑐵𑐫𑑂 𑐎𑐠𑐮𑑄 𑐳𑑂𑐰𑑄𑐐𑐸 𑐨𑐵𑐐𑐫𑑂 𑐧𑐵𑐫𑑂 𑐕𑐶𑑄। 𑐰 𑐳𑑂𑐰𑑄𑐐𑐸 𑐨𑐵𑐐 𑐏𑑅- 𑐁𑐂𑐬𑐶𑐳, 𑐳𑐶𑐮𑐶𑐫𑐬𑐷 𑐧𑐜𑐷 𑐰 𑐎𑑀𑐬𑑀𑐂𑐜।
𑐁𑐂𑐬𑐶𑐳𑐫𑑂 𑐳𑐶𑐮𑐶𑐫𑐬𑐷 𑐰 𑐥𑑂𑐫𑐸𑐥𑐶𑐮𑐬𑐷 𑐨𑐵𑐐 𑐡𑐸। 𑐳𑐶𑐮𑐶𑐫𑐬𑐷 𑐧𑐜𑐷𑐫𑑂 𑐳𑐸𑐥𑑂𑐬𑐵𑐳𑐶𑐮𑐶𑐫𑐬𑐷 𑐮𑑂𑐫𑐵𑐩𑐶𑐣𑐵, 𑐳𑑂𑐚𑑂𑐬𑑀𑐩𑐵, 𑐥𑐶𑐐𑑂𑐩𑐾𑐣𑑂𑐚𑐾𑐜 𑐂𑐥𑐶𑐠𑐾𑐮𑐶𑐫𑐩𑐫𑐵𑐐𑐸 𑐟𑐴, 𑐣𑐣-𑐥𑐶𑐐𑑂𑐩𑐾𑐣𑑂𑐚𑐾𑐜 𑐂𑐥𑐶𑐠𑐾𑐮𑐶𑐫𑐩𑐫𑐵𑐐𑐸 𑐟𑐴 𑐰 𑐂𑐣𑑂𑐚𑐬𑑂𑐣𑐮 𑐮𑐶𑐩𑐶𑐚𑐶𑐒 𑐩𑐾𑐩𑑂𑐧𑑂𑐬𑐾𑐣 𑐡𑐸। 𑐎𑑀𑐬𑑀𑐂𑐜𑐫𑑂 𑐳𑐸𑐥𑑂𑐬𑐵𑐎𑑀𑐬𑑀𑐂𑐜𑐮 𑐮𑑂𑐫𑐵𑐩𑐶𑐣𑐵, 𑐳𑑂𑐚𑑂𑐬𑑀𑐩𑐵 𑐰 𑐧𑐾𑐳𑐮 𑐮𑑂𑐫𑐵𑐩𑐶𑐣𑐵 𑐡𑐸।
𑐫𑐸𑐨𑐶𑐫𑐮 𑐚𑑂𑐬𑑂𑐫𑐵𑐎𑑂𑐚𑐫𑐵𑐟 𑐴𑐶 𑐧𑐷𑐐𑐸 𑐢𑑀𑑄 𑐱𑐬𑑂𑐚 𑐥𑑀𑐳𑑂𑐚𑐾𑐬𑐶𑐫𑐬 𑐳𑐶𑐮𑐶𑐫𑐬𑐷 𑐁𑐬𑑂𑐚𑐬𑐷, 𑐮𑐒𑑂𑐐 𑐥𑑀𑐳𑑂𑐚𑐾𑐬𑐶𑐫𑐬 𑐳𑐶𑐮𑐶𑐫𑐬𑐷 𑐁𑐬𑑂𑐚𑐬𑐷 𑐰 𑐊𑐣𑑂𑐚𑐾𑐬𑐶𑐫𑐬 𑐳𑐶𑐮𑐶𑐫𑐬𑐷 𑐁𑐬𑑂𑐚𑐬𑐷 𑐏𑑅। 𑐁𑐂𑐬𑐶𑐳𑐫𑐵𑐐𑐸 𑐡𑐠𑐸𑐫𑐵𑐐𑐸 𑐴𑑀𑐫𑐵𑐬 𑐥𑑂𑐫𑐸𑐥𑐶𑐮 𑐰𑐵 𑐩𑐶𑐏𑐵𑐫𑐵𑐐𑐸 𑐣𑐵𑐣𑐷 𑐢𑐵𑐃। 𑐠𑑂𑐰 𑐴𑑀𑐫𑐵𑐐𑐸 𑐜𑐵𑐫𑐵𑐩𑐶𑐚𑐬𑐫𑐵𑐟 𑐁𑐂𑐬𑐶𑐳𑐫𑐵𑐐𑐸 𑐎𑐣𑑂𑐳𑑂𑐚𑑂𑐬𑐶𑐎𑑂𑐳𑐣 𑐰 𑐜𑐵𑐂𑐮𑐾𑐚𑐾𑐳𑐣 𑐣𑑄 𑐟𑐥𑑂𑐰𑐵 𑐰 𑐔𑐷𑐥𑑂𑐰𑐵 𑐫𑐵𑐃। 𑐁𑐂𑐬𑐶𑐳𑐫𑑂 𑐡𑐸𑐐𑐸 𑐥𑐶𑐐𑑂𑐩𑐾𑐣𑑂𑐚 𑐣𑑄 𑐫𑐵𑐣𑐵 𑐩𑐣𑐸𑐫𑐵𑐐𑐸 𑐩𑐶𑐏𑐵𑐫𑐵𑐐𑐸 𑐬𑐒𑑂𑐐 𑐥𑐵𑐃। 𑐨𑐸𑐫𑐸 𑐩𑐣𑐸𑐟𑐾𑐐𑐸 𑐁𑐂𑐬𑐶𑐳𑐫𑑂 𑐩𑑂𑐴𑑀 𑐖𑐎𑑂𑐎 𑐥𑐶𑐐𑑂𑐩𑐾𑐣𑑂𑐚 𑐡𑐿 𑐢𑐵𑑅𑐳𑐵 𑐴𑐵𑐎𑐸𑐥𑐶𑑄 𑐴𑐥𑑂𑐳𑐷𑐟𑐾𑐐𑐸 𑐩𑐶𑐏𑐵𑐮𑐾 𑐫𑐾𑐎𑑂𑐰 𑐥𑐶𑐐𑑂𑐩𑐾𑐣𑑂𑐚 𑐡𑐿।
𑐮𑐾𑐣𑑂𑐳
[सम्पादन]𑐩𑐶𑐏𑐵𑐫𑐵𑐐𑐸 𑐮𑐾𑐣𑑂𑐳 𑐕𑐐𑐸 𑐚𑑂𑐬𑐵𑐣𑑂𑐳𑑂𑐥𑑂𑐫𑐵𑐬𑐾𑐣𑑂𑐚, 𑐧𑐵𑐂𑐎𑐣𑑂𑐎𑐾𑐨 𑐰𑐳𑑂𑐟𑐸 𑐏𑑅। 𑐠𑑂𑐰 𑐰𑐳𑑂𑐟𑐸𑐫𑐵𑐟 𑐮𑐾𑐣𑑂𑐳 𑐎𑑂𑐫𑐵𑐥𑑂𑐳𑐸𑐮, 𑐂𑐥𑐶𑐠𑐾𑐮𑐶𑐫𑐩 𑐰 𑐮𑐾𑐣𑑂𑐳 𑐦𑐵𑐂𑐧𑐬 𑐣𑑄 𑐡𑐾𑐎𑐵𑐟𑐃। 𑐮𑐾𑐣𑑂𑐳𑐫𑑂 𑐎𑑂𑐫𑐵𑐚𑐵𑐬𑐵𑐎𑑂𑐚 𑐖𑐸𑐫𑐵 𑐩𑐣𑐸𑐣𑑄 𑐩𑐏𑐣𑐾 𑐦𑐸।
𑐨𑐶𑐚𑐬𑐳 𑐴𑑂𑐫𑐸𑐩𑐬
[सम्पादन]𑐠𑑂𑐰 𑐩𑐶𑐏𑐵𑐫𑐵𑐐𑐸 𑐨𑐶𑐚𑐬𑐳 𑐔𑑂𑐫𑐵𑐩𑑂𑐧𑐬𑐫𑑂 𑐡𑐿𑐐𑐸 𑐕𑐐𑐸 𑐖𑐾𑐮𑑂𑐮𑐷 𑐠𑐾𑑄 𑐣𑑂𑐫𑐵𑐐𑐸 𑐥𑐡𑐵𑐬𑑂𑐠 𑐏𑑅।