छ्येलेमि:Eukesh/Auto/NepalScript/मध्य अमेरिकाया संघीय गणतन्त्र
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 ( 𑐳𑑂𑐥𑐾𑐣𑐶𑐱 : República Federal de Centro América), 𑐣𑑂𑐴𑐵𑐥𑐵 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐫𑐸𑐎𑑂𑐟 𑐥𑑂𑐬𑐵𑐣𑑂𑐟 ( Provincias Unidas del Centro de América )𑐫𑐵 𑐣𑐵𑐩𑑄 𑐡𑐹𑐐𑐸 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐕𑐐𑐹 𑐳𑐵𑐬𑑂𑐰𑐨𑑁𑐩 𑐬𑐵𑐖𑑂𑐫 𑐏 𑐐𑐸𑐎𑐶𑐫𑐵 𑐀𑐳𑑂𑐟𑐶𑐟𑑂𑐰 𑐳𑐣𑑂 𑑑𑑘𑑒𑑓 𑐣𑐶𑐳𑐾𑑄 𑑑𑑘𑑓𑑙/𑑑𑑘𑑔𑑑 𑐟𑐎𑑂𑐎 𑐡𑐫𑐵𑐔𑑂𑐰𑐣। 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑑕𑐐𑐸 𑐬𑐵𑐖𑑂𑐫𑑄 𑐡𑐫𑐾𑐎𑐹𑐐𑐸 𑐏: 𑐎𑑀𑐳𑑂𑐚𑐵𑐬𑐶𑐎𑐵 , 𑐊𑐮 𑐳𑐵𑐮𑑂𑐨𑐵𑐜𑑀𑐬 , 𑐐𑑂𑐰𑐵𑐚𑐾𑐩𑐵𑐮𑐵 , 𑐴𑑀𑐣𑑂𑐜𑐸𑐬𑐳 , 𑐰 𑐣𑐶𑐎𑐵𑐬𑐵𑐐𑐸𑐁। 𑐣𑐵𑐥𑑄 𑐕𑐐𑐹 𑐳𑑄𑐑𑐷𑐫 𑐖𑐶𑐮𑑂𑐮𑐵 𑐳𑐣𑑂 𑑑𑑘𑑓𑑕 𑐣𑐶𑐳𑐾𑑄 𑑑𑑘𑑓𑑙 𑐟𑐎𑑂𑐎 𑐡𑐫𑐔𑑂𑐰𑐣। 𑐳𑑄𑐑𑐷𑐫 𑐬𑐵𑐖𑐢𑐵𑐣𑐷 𑐣𑑂𑐴𑐵𑐥𑐵 𑐐𑑂𑐰𑐵𑐚𑐾𑐩𑐵𑐮𑐵 𑐣𑐐𑐬 𑐖𑐸𑐮 𑐢𑐵𑑅𑐳𑐵 𑐮𑐶𑐥𑐵 𑐳𑐬𑐎𑐵𑐬/𑐬𑐵𑐖𑐢𑐵𑐣𑐷 𑐳𑐵𑐣 𑐳𑐵𑐮𑑂𑐨𑐵𑐜𑑀𑐬𑐫𑑂 𑐳𑑂𑐠𑐵𑐣𑐵𑐣𑑂𑐟𑐬𑐞 𑐖𑐸𑐮। 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬𑐫𑐵 𑐄𑐟𑑂𑐟𑐬𑐫𑑂 𑐩𑐾𑐎𑑂𑐳𑐶𑐎𑑀 , 𑐡𑐎𑑂𑐲𑐶𑐞𑐫𑑂 𑐐𑑂𑐬𑐵𑐣 𑐎𑑀𑐮𑐩𑑂𑐧𑐶𑐫𑐵 , 𑐰 𑐠𑐸𑐎𑐶𑐫𑐵 𑐥𑐹𑐬𑑂𑐰𑐷 𑐟𑐚𑐫𑑂 𑐩𑐳𑑂𑐎𑐶𑐚𑑀 𑐎𑑀𑐳𑑂𑐚 𑐰 𑐧𑑂𑐬𑐶𑐚𑐶𑐱 𑐴𑑀𑐣𑑂𑐜𑐸𑐬𑐳 (𑐣𑐶𑐐𑐸𑐮𑐶𑑄 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬𑑄 𑐠𑑅𑐐𑐸 𑐳𑐵𑐬𑑂𑐰𑐨𑑁𑐩 𑐨𑐹𑐨𑐵𑐐𑐫𑐵 𑐬𑐸𑐥𑐫𑑂 𑐡𑐵𑐧𑐷 𑐫𑐵𑑅𑐐𑐸)𑐫𑐵 𑐳𑐷𑐩𑐵 𑐮𑐵।
𑐩𑐢𑑂𑐫 𑐀𑐩𑐾𑐬𑐶𑐎𑐵, 𑐄𑐧𑐮𑐫𑑂 𑐐𑑂𑐰𑐵𑐚𑐾𑐩𑐵𑐮𑐵𑐫𑐵 𑐎𑑂𑐫𑐵𑐥𑑂𑐚𑐾𑐣𑐳𑐷 𑐖𑐣𑐬𑐮𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐵 𑐟𑑅𑐐𑐸 𑐠𑐵𑐫𑑂 𑐖𑐸𑐮। 𑐳𑐾𑐥𑑂𑐚𑐾𑐩𑑂𑐧𑐬 𑑑𑑘𑑒𑑑𑐫𑑂 𑐳𑑂𑐥𑐾𑐣𑐶𑐱 𑐳𑐵𑐩𑑂𑐬𑐵𑐖𑑂𑐫𑑄 𑐠𑑅𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵 𑐫𑐵𑑅𑐐𑐸 𑐕𑐸𑑄 𑐃 𑐮𑐶𑐥𑐵, 𑐠𑑂𑐰 𑐠𑐵𑐫𑑂𑐫𑐵𑐟 𑐣𑑂𑐴𑐵𑐥𑐵𑑄𑐐𑐸 𑐩𑐾𑐎𑑂𑐳𑐶𑐎𑐣 𑐳𑐵𑐩𑑂𑐬𑐵𑐖𑑂𑐫𑑄 𑐳𑐣𑑂 𑑑𑑘𑑒𑑒 𑐫𑐵 𑐖𑐣𑐰𑐬𑐷𑐂 𑐠𑑅𑐐𑐸 𑐀𑐢𑐷𑐣𑐫𑑂 𑐮𑐵𑐎𑐮। 𑐳𑐣𑑂 𑑑𑑘𑑒𑑓𑐫𑑂 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑐡𑐫𑐾𑐎𑐹𑐳𑐾𑑄 𑐠𑑂𑐰 𑐡𑐾𑐳𑑄 𑐠𑑅𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐥𑑂𑐬𑐵𑐥𑑂𑐟 𑐫𑐵𑐟। 𑐐𑐞𑐟𑐣𑑂𑐟𑑂𑐬 𑐩𑐢𑑂𑐫 𑐀𑐩𑐾𑐬𑐶𑐎𑐵𑑄 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐑𑐷𑐫 𑐳𑐬𑐎𑐵𑐬𑐫𑑂 𑐁𑐢𑐵𑐬𑐶𑐟 𑐠𑑅𑐐𑐸 𑐳𑑄𑐰𑐶𑐢𑐵𑐣 𑐣𑑀𑐨𑐾𑐩𑑂𑐧𑐬 𑑑𑑘𑑒𑑔𑐫𑑂 𑐥𑐵𑐬𑐶𑐟 𑐫𑐵𑐟। 𑐀𑐥𑑂𑐬𑐶𑐮 𑑑𑑘𑑒𑑕 𑐫𑑂 𑐠𑑅𑐐𑐸 𑐣𑑂𑐴𑐵𑐥𑐵𑑄𑐐𑐸 𑐬𑐵𑐲𑑂𑐚𑑂𑐬𑐥𑐟𑐶 𑐣𑐶𑐬𑑂𑐰𑐵𑐔𑐣 𑐖𑐸𑐮 , 𑐐𑐸𑐎𑐶𑐫𑐵 𑐗𑑂𑐰𑐮𑐫𑑂, 𑐄𑐡𑐵𑐬𑐰𑐵𑐡𑐷 𑐬𑐵𑐖𑐣𑐷𑐟𑐶𑐖𑑂𑐘 𑐩𑑂𑐫𑐵𑐣𑐸𑐀𑐮 𑐴𑑀𑐖𑐾 𑐁𑐬𑑂𑐳𑐾 𑐡𑐾𑐫𑑂𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐬𑐸𑐥𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐸𑐮 । 𑐮𑐶𑐥𑐵 𑐰𑐫𑑂𑐎𑐮𑑄 𑐠𑑅𑐐𑐸 𑐬𑐵𑐲𑑂𑐚𑑂𑐬𑐥𑐟𑐶𑐫𑐵 𑐣𑐶𑐬𑑂𑐰𑐵𑐔𑐣 𑐳𑐸𑐬𑐎𑑂𑐲𑐶𑐟 𑐫𑐵𑐫𑐾𑐟 𑐬𑐸𑐝𑐶𑐰𑐵𑐡𑐷𑐟𑐫𑑂𑐟 𑐧𑑂𑐫𑐹𑐐𑐸 𑐳𑐴𑐸𑐮𑐶𑐫𑐟𑐫𑐵 𑐄𑐡𑐵𑐬𑐰𑐵𑐡𑐷𑐟𑐫𑑂𑐳𑑄 𑐰𑐶𑐬𑑀𑐢 𑐫𑐵𑑅𑐐𑐸𑐮𑐶𑑄 𑐡𑐾𑐫𑑂𑐫𑐵 𑐬𑐸𑐝𑐶𑐰𑐵𑐡𑐷𑐟𑐮𑐶𑐳𑐾 𑐠𑑅𑐟 𑐕𑐥𑑂𑐥𑑃 𑐫𑐵𑐟 । 𑐳𑐣𑑂 𑑑𑑘𑑒𑑗 𑐣𑐶𑐳𑐾𑑄 𑑑𑑘𑑒𑑙 𑐟𑐎 𑐁𑐬𑑂𑐳𑐾𑐫𑐵𑐟 𑐳𑐩𑐬𑑂𑐠𑐣 𑐫𑐵𑐂𑐥𑐶𑑄 𑐬𑐸𑐝𑐶𑐰𑐵𑐡𑐷𑐟 𑐰 𑐰𑐶𑐬𑑀𑐢 𑐫𑐵𑐂𑐥𑐶𑑄 𑐄𑐡𑐵𑐬𑐰𑐵𑐡𑐷𑐟𑐫𑑂 𑐡𑐠𑐸𑐂 𑐠𑑂𑐰 𑐡𑐾𑐫𑑂 𑐐𑐺𑐴𑐫𑐸𑐡𑑂𑐢𑐫𑑂 𑐮𑐵𑐟। 𑐄𑐡𑐵𑐬𑐰𑐵𑐡𑐷 𑐬𑐵𑐖𑐣𑐷𑐟𑐶𑐖𑑂𑐘 𑐦𑑂𑐬𑐵𑐣𑑂𑐳𑐶𑐳𑑂𑐎𑑀 𑐩𑑀𑐬𑐵𑐖𑐵𑐣𑑄 𑐀𑐣𑑂𑐟𑐟𑑅 𑐄𑐡𑐵𑐬𑐰𑐵𑐡𑐷𑐟𑐫𑑂𑐟 𑐰𑐶𑐖𑐫𑐫𑐵 𑐣𑐶𑑄𑐟𑐶𑑄 𑐣𑐾𑐟𑐺𑐟𑑂𑐰 𑐫𑐵𑐟 𑐰 𑐳𑐣𑑂 𑑑𑑘𑑓𑑐𑐂 𑐬𑐵𑐲𑑂𑐚𑑂𑐬𑐥𑐟𑐶 𑐣𑐶𑐬𑑂𑐰𑐵𑐔𑐶𑐟 𑐖𑐸𑐮। 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑐳𑐣𑑂 𑑑𑑘𑑓𑑘 𑐣𑐶𑐳𑐾𑑄 𑑑𑑘𑑔𑑐 𑐟𑐎𑑂𑐎 𑐣𑐶𑐎𑑂𑐰𑑅𑐐𑐸 𑐐𑐺𑐴𑐫𑐸𑐡𑑂𑐢𑐫𑑂 𑐠𑐵𑑅𑐰𑐣, 𑐐𑐸𑐎𑐶𑐫𑐵 𑐀𑐣𑑂𑐟𑑂𑐫𑐫𑑂 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐬𑐵𑐖𑑂𑐫𑐟𑐫𑐾𑐳𑑄 𑐠𑑅𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵 𑐫𑐵𑐟 𑐰 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬𑐫𑐵 𑐀𑐣𑑂𑐟𑑂𑐫 𑐖𑐸𑐮।
𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑑂 𑐫𑐎𑑂𑐰 𑐐𑐺𑐴𑐫𑐸𑐡𑑂𑐢, 𑐰𑐶𑐡𑑂𑐬𑑀𑐴, 𑐰 𑐰𑐶𑐡𑑂𑐬𑑀𑐴𑐫𑐵 𑐱𑐶𑐎𑐵𑐬 𑐖𑐸𑐮 𑐐𑐸𑐎𑐶𑐮𑐶𑑄 𑐩𑐹 𑐬𑐸𑐥𑑄 𑐄𑐡𑐵𑐬𑐰𑐵𑐡𑐷 𑐰 𑐬𑐸𑐝𑐶𑐰𑐵𑐡𑐷 𑐡𑐠𑐸𑐂 𑐖𑐹𑐐𑐸 𑐏। 𑐂𑐟𑐶𑐴𑐵𑐳𑐎𑐵𑐬𑐟𑐳𑐾𑑄 𑐠𑑂𑐰 𑐡𑐾𑐫𑑂𑐫𑐵 𑐬𑐵𑐖𑐣𑐷𑐟𑐶𑐎 𑐀𑐳𑑂𑐠𑐶𑐬𑐟𑐵𑐫𑐵 𑐎𑐵𑐬𑐞 𑐎𑐩𑐖𑑀𑐬 𑐳𑑄𑐑𑐷𑐫 𑐱𑐵𑐳𑐣 𑐰𑑂𑐫𑐰𑐳𑑂𑐠𑐵 𑐰 𑐁𑐬𑑂𑐠𑐶𑐎 𑐳𑑄𑐑𑐬𑑂𑐲 𑐢𑐵𑐫𑐾𑐐𑐸 𑐫𑐵𑑅। 𑐎𑐺𑐲𑐶 𑐣𑐶𑐬𑑂𑐫𑐵𑐟𑐥𑐵𑐏𑐾𑑄 𑐥𑐬𑑂𑐫𑐵𑐥𑑂𑐟 𑐢𑑂𑐫𑐾𑐧𑐵 𑐩𑐸𑑄𑐎𑐾 𑐩𑐦𑐸𑐐𑐸 𑐏𑑅𑐳𑐵 𑐳𑑄𑐑𑐷𑐫 𑐳𑐬𑐎𑐵𑐬𑑄 𑐣𑑄 𑐀𑐣𑐸𑐎𑐹𑐮 𑐱𑐬𑑂𑐟 𑐡𑐸𑐳𑐵𑑄 𑐣𑑄 𑐰𑐶𑐡𑐾𑐱𑐷 𑐟𑑂𑐫𑐵𑐳𑐵 𑐥𑐸𑐮𑐾 𑐩𑐦𑐸𑐐𑐸 𑐏𑑅। 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐁𑐬𑑂𑐠𑐶𑐎 𑐳𑐩𑐳𑑂𑐫𑐵 𑐕𑐸𑑄 𑐨𑐔𑐵 𑐳𑑄𑐑𑐷𑐫 𑐳𑐬𑐎𑐵𑐬𑑄 𑐎𑐬 𑐳𑑄𑐎𑐮𑐣 𑐫𑐵𑐫𑐾 𑐩𑐦𑐸𑐐𑐸 𑐰 𑐥𑐬𑑂𑐫𑐵𑐥𑑂𑐟 𑐀𑐣𑑂𑐟𑐬𑐬𑐵𑐖𑑂𑐫𑐷𑐫 𑐥𑐹𑐬𑑂𑐰𑐵𑐢𑐵𑐬𑐫𑐵 𑐀𑐨𑐵𑐰𑐫𑐵 𑐎𑐵𑐬𑐞𑑄 𑐣𑑄 𑐖𑐹𑐐𑐸 𑐏𑑅।
𑐩𑐢𑑂𑐫 𑐀𑐩𑐾𑐬𑐶𑐎𑐷 𑐬𑐵𑐖𑐣𑐷𑐟𑐶𑐖𑑂𑐘, 𑐔𑑂𑐰𑐩𑐶 𑐰 𑐧𑐸𑐡𑑂𑐢𑐶𑐖𑐷𑐰𑐷𑐟𑐾𑐳𑑄 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑐩𑐢𑑂𑐫 𑐀𑐩𑐾𑐬𑐶𑐎𑐵 𑐰𑐶𑐑𑐚𑐣 𑐖𑐸𑐂𑐢𑐸𑑄𑐎𑐵 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐥𑐸𑐣𑑅 𑐊𑐎𑐷𑐎𑐬𑐞𑐫𑐵 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐡𑐸। 𑑑𑑙𑐐𑐸 𑐰 𑑒𑑐𑐐𑐸 𑐱𑐟𑐵𑐧𑑂𑐡𑐷𑐂 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬𑐫𑐵 𑐄𑐟𑑂𑐟𑐬𑐵𑐢𑐶𑐎𑐵𑐬𑐷 𑐬𑐵𑐖𑑂𑐫𑐟𑐫𑐾𑐳𑑄 𑐎𑐹𑐚𑐣𑐷𑐟𑐶𑐎 𑐰 𑐳𑐿𑐣𑑂𑐫 𑐣𑐶𑐐𑐸𑐮𑐶𑑄 𑐩𑐵𑐢𑑂𑐫𑐩𑑄 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵𑐟 𑐥𑐸𑐣𑑅 𑐊𑐎𑐷𑐎𑐬𑐞 𑐫𑐵𑐫𑐾𑐐𑐸 𑐫𑐎𑑂𑐰 𑐎𑐸𑐟𑑅 𑐫𑐵𑑅𑐐𑐸 𑐡𑐸। 𑐠𑑂𑐰 𑐕𑐸𑑄 𑐣𑑄 𑐎𑐸𑐟𑑅 𑐦𑐸𑐎𑑂𑐎 𑐥𑑂𑐫𑐩𑑂𑐴 𑐥𑐹𑐬𑑂𑐰 𑐡𑐸𑐖𑑅𑐟𑐫𑑂𑐟 𑐡𑐔𑑂𑐕𑐶 𑐳𑑂𑐰𑐫𑐵 𑐀𑐥𑑂𑐰 𑐃 𑐟𑐎 𑐕𑐐𑐹 𑐊𑐎𑐷𑐎𑐺𑐟 𑐩𑐢𑑂𑐫 𑐀𑐩𑐾𑐬𑐶𑐎𑐷 𑐬𑐵𑐖𑑂𑐫𑐫𑐵 𑐀𑐣𑑂𑐟𑐬𑑂𑐐𑐟 𑐕𑐢𑐷 𑐫𑐵𑐫𑐾𑐟 𑐳𑐦𑐮 𑐩𑐖𑐹। 𑐳𑑄𑐑𑐷𑐫 𑐐𑐞𑐟𑐣𑑂𑐟𑑂𑐬 𑐩𑐢𑑂𑐫 𑐀𑐩𑐾𑐬𑐶𑐎𑐵𑐫𑐵 𑐦𑐸𑐎𑑂𑐎 𑐥𑑂𑐫𑐩𑑂𑐴 𑐥𑐹𑐬𑑂𑐰 𑐡𑐸𑐖𑑅𑐟 𑐎𑑂𑐲𑐾𑐟𑑂𑐬𑐷𑐫 𑐰𑐶𑐎𑐵𑐳𑐫𑐵𑐟 𑐥𑑂𑐬𑐰𑐬𑑂𑐡𑑂𑐢𑐣 𑐫𑐵𑐂𑐐𑐸 𑐁𑐬𑑂𑐠𑐶𑐎 𑐰 𑐬𑐵𑐖𑐣𑐷𑐟𑐶𑐎 𑐳𑑄𑐐𑐛𑐣 𑐩𑐢𑑂𑐫 𑐀𑐩𑐾𑐬𑐶𑐎𑐷 𑐊𑐎𑐷𑐎𑐬𑐞 𑐥𑑂𑐬𑐞𑐵𑐮𑐷 (SICA)𑐫𑐵 𑐡𑐸𑐖𑑅 𑐏𑑅 ।