छ्येलेमि:Eukesh/Auto/NepalScript/मतङ्ग मुनि
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐩𑐟𑐒𑑂𑐐 𑐩𑐸𑐣𑐶 𑑕𑐐𑐸 𑐱𑐡𑐷𑐫𑐵 𑐳𑑄𑐐𑐷𑐟𑐱𑐵𑐳𑑂𑐟𑑂𑐬𑐷 𑐏। 𑐰𑐫𑑂𑐎𑐮𑑄 𑐧𑐺𑐴𑐡𑑂𑐡𑐾𑐱𑐷 𑐢𑐵𑑅𑐐𑐸 𑐐𑑂𑐬𑐣𑑂𑐠 𑐔𑑂𑐰𑐫𑐵𑐡𑐶𑐮। 𑐠𑑂𑐰 𑐐𑑂𑐬𑐣𑑂𑐠𑑄 𑐀𑐧𑐶𑐮𑐫𑑂𑐫𑐵 𑐩𑐣𑐸𑐟𑐾𑐳𑑄 𑐬𑐵𑐐 𑐠𑐸𑐂𑐢𑐸𑑄𑐎𑐹𑐐𑐸 𑐢𑐎𑐵 𑐳𑐷𑐎𑐾𑐕𑐶𑑄। 𑐩𑐣𑐹𑐟𑐾𑐳𑑄 𑐠𑐵𑐂𑐐𑐸 𑐬𑐵𑐐𑐫𑐵𑐟 𑐰𑐫𑑂𑐎𑐮𑑄 '𑐡𑐾𑐱𑐷 𑐬𑐵𑐐' 𑐢𑐎𑐵 𑐢𑐫𑐵𑐡𑐶𑐮 𑐰 𑐠𑐣𑑂𑐫𑐵𑐐𑐸 𑐫𑐎𑑂𑐰 (𑐰𑐺𑐴𑐡𑑂) 𑐡𑐾𑐱𑐷 𑐬𑐵𑐐 𑐠𑐸𑐂𑐎𑐾𑐟 ‘𑐰𑐺𑐴𑐡𑑂𑐡𑐾𑐱𑐷’ 𑐐𑑂𑐬𑐣𑑂𑐠 𑐔𑑂𑐰𑐫𑐵𑐡𑐶𑐮। 𑐩𑐟𑑄𑐐 𑑔𑐟𑐵 𑐰𑐵 𑑕𑐟𑐵 𑐳𑑅 𑐳𑑂𑐰𑐫𑐵 𑐩𑑂𑐴𑑀 𑐳𑐮𑑄 𑐬𑐵𑐐 𑐡𑐂𑐩𑐏𑐸 𑐢𑐎𑐵𑑅 𑐔𑑂𑐰𑐫𑐵𑐡𑐶𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐩𑐣𑐹 𑐏।
𑐰𑐫𑑂𑐎𑑅𑐫𑐵 𑐃𑐮𑐫𑑂 𑐨𑐵𑐬𑐟𑐷𑐫 𑐳𑑄𑐐𑐷𑐟 𑐰𑐿𑐡𑐶𑐎, 𑐆𑐲𑐶𑐥𑑂𑐬𑑀𑐎𑑂𑐟 𑐰 𑐁𑐐𑐩𑐥𑐸𑐬𑐵𑐞𑑄 𑐥𑑂𑐬𑐰𑐵𑐴𑐶𑐟 𑐖𑐸𑐫𑐵𑐔𑑂𑐰𑑄𑐐𑐸 𑐰 𑐳𑐵𑐩𑐰𑐾𑐡𑐷𑐫 𑐥𑐬𑐩𑑂𑐥𑐬𑐵 𑐣𑐵𑐥 𑐳𑑂𑐰𑐵𑑅𑐐𑐸 𑐁𑐔𑐵𑐬𑑂𑐫 𑐨𑐬𑐟𑐫𑐵 𑐱𑐶𑐲𑑂𑐫-𑐥𑑂𑐬𑐱𑐶𑐲𑑂𑐫 𑐥𑐬𑐩𑑂𑐥𑐬𑐵 𑐡𑐫𑐵𑐔𑑂𑐰𑐐𑐸𑑄 𑐏𑐣𑐾𑐡𑐸। 𑐟𑐟𑑂𑐎𑐵𑐮𑐷𑐣 𑐳𑑄𑐐𑐷𑐟𑐫𑐵 𑐱𑐵𑐳𑑂𑐟𑑂𑐬𑐷𑐫 𑐰 𑐥𑑂𑐬𑐵𑐫𑑀𑐐𑐶𑐎 𑐳𑑂𑐰𑐬𑐹𑐥𑐫𑐵 𑐳𑐬𑑂𑐰𑐵𑑄𑐐𑐷𑐞 𑐰𑐶𑐰𑐾𑐔𑐣 𑐫𑐵𑐂𑐥𑐶𑑄 𑐁𑐔𑐵𑐬𑑂𑐫𑐫𑑂 𑐁𑐔𑐵𑐬𑑂𑐫 𑐩𑐟𑐒𑑂𑐐 𑐕𑐩𑑂𑐴 𑐥𑑂𑐬𑐩𑐸𑐏 𑐏। 𑐰𑐫𑑂𑐎𑐮𑑄 𑐳𑐩𑐎𑐵𑐮𑐷𑐣 𑐥𑐬𑐩𑑂𑐥𑐬𑐵𑐟𑐾𑐐𑐸 𑐟𑐸𑐮𑐣𑐵𑐟𑑂𑐩𑐎 𑐰𑐶𑐰𑐾𑐔𑐣𑐵𑐫𑑂 𑐳𑑄𑐐𑐷𑐟-𑐱𑐵𑐳𑑂𑐟𑑂𑐬𑐫𑐵 𑐳𑐶𑐡𑑂𑐢𑐵𑐣𑑂𑐟𑐟𑐾𑐐𑐸 𑐧𑐺𑐴𑐟 𑐔𑐬𑑂𑐔𑐵 𑐫𑐵𑐣𑐵𑐡𑐶𑐐𑐸 𑐡𑐸। 𑐖𑐵𑐟𑐶-𑐐𑐵𑐫𑐣, 𑐐𑐷𑐟𑐶- 𑐐𑐵𑐫𑐣, 𑐰𑐵 𑐬𑐵𑐐-𑐐𑐵𑐫𑐣𑐫𑐵𑐟 𑐣𑐵𑐚𑑂𑐫𑐫𑐵 𑐠𑐷-𑐠𑐷 𑐀𑑄𑐎𑐫𑑂 𑐠𑐷-𑐠𑐷 𑐎𑐠𑑄 𑐕𑑂𑐫𑐮𑐾𑐩𑐵 𑐢𑐂𑐐𑐸 𑐰𑐫𑑂𑐎𑑅𑐫𑐵 𑐰𑐶𑐔𑐵𑑅 𑐏।
𑐩𑐟𑑄𑐐𑐫𑐵 𑐃𑐮𑐫𑑂 𑐥𑑂𑐬𑐔𑐮𑐶𑐟 𑐥𑑂𑐬𑐧𑐣𑑂𑐢𑐫𑑂 𑐳𑑄𑐳𑑂𑐎𑐺𑐟 𑐣𑐵𑐥𑑄 𑐟𑐟𑑂𑐎𑐵𑐮𑐷𑐣 𑐩𑐾𑐩𑐾𑐐𑐸 𑐨𑐵𑐳𑐫𑑂 𑐀𑐣𑑂𑐫 𑐬𑐔𑐣𑐵𑐟𑐾𑐐𑐸 𑐰𑐬𑑂𑐐𑐷𑐎𑐬𑐞𑑄 𑐀𑐧𑐶𑐮𑐫𑑂𑐫𑐵 𑐳𑑄𑐐𑐷𑐟𑐖𑑂𑐘𑐟𑐾𑐐𑐸 𑐮𑑀𑐎𑐵𑐨𑐶𑐩𑐸𑐏 𑐡𑐺𑐲𑑂𑐚𑐶 𑐎𑑂𑐫𑐣𑐶।
𑐁𑐔𑐵𑐬𑑂𑐫 𑐩𑐟𑑄𑐐𑑄 𑐣𑐵𑐡𑐫𑐵 𑐰𑑂𑐫𑐵𑐏𑑂𑐫𑐵 𑐠𑑅𑐐𑐸 𑐐𑑂𑐬𑐣𑑂𑐠 ‘𑐰𑐺𑐴𑐡𑑂𑐡𑐾𑐱𑐷'𑐫𑐵 ‘𑐡𑐾𑐱𑐷-𑐄𑐟𑑂𑐥𑐟𑑂𑐟𑐶-𑐥𑑂𑐬𑐎𑐬𑐞'𑐫𑑂 𑐫𑐵𑐣𑐵𑐡𑐶𑐐𑐸 𑐡𑐸। 𑐰𑐫𑑂𑐎𑐮𑑄 𑐔𑑂𑐰𑐫𑐵𑐡𑐶𑐐𑐸 𑐡𑐸 𑐎𑐶 𑐣𑐵𑐡 𑐩𑐡𑐫𑐾𑐎𑑅 𑐳𑑄𑐐𑐷𑐟 𑐳𑐺𑐖𑐣 𑐖𑐸𑐂𑐩𑐏𑐸-
𑐣 𑐣𑐵𑐡𑐾𑐣 𑐧𑐶𑐣𑐵 𑐐𑐷𑐟𑑄, 𑐣 𑐣𑐵𑐡𑐾𑐣 𑐧𑐶𑐣𑐵 𑐳𑑂𑐰𑐬𑐵𑑅।
𑐣 𑐣𑐵𑐡𑐾𑐣 𑐧𑐶𑐣𑐵 𑐣𑐺𑐟𑑄, 𑐟𑐳𑑂𑐩𑐵𑐣𑑂𑐣𑐵𑐡𑐵𑐟𑑂𑐩𑐎𑑄 𑐖𑐐𑐟𑑂॥𑑓