छ्येलेमि:Eukesh/Auto/NepalScript/बोरोन

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐧𑑀𑐬𑑀𑐣 𑐕𑐐𑐸 𑐬𑐵𑐳𑐵𑐫𑐣𑐶𑐎 𑐟𑐟𑑂𑐟𑑂𑐰 𑐏। 𑐠𑐸𑐎𑐶𑐫𑐵 𑐔𑐶𑑄 B 𑐰 𑐥𑐬𑐩𑐵𑐞𑐸 𑐮𑑂𑐫𑐵𑑅 𑑕 𑐡𑐸। 𑐠𑐸𑐎𑐶𑐫𑐵 𑐎𑑂𑐬𑐶𑐳𑑂𑐚𑐮𑐵𑐂𑐣 𑐬𑐸𑐥𑐫𑑂 𑐠𑑂𑐰 𑐕𑐐𑐹 𑐨𑑄𑐐𑐸 (brittle), 𑐏𑐶𑐄𑑃𑐐𑐸,𑐗𑑅𑐗𑑅 𑐢𑐵𑑅𑐐𑐸 (lustrous) 𑐩𑐾𑐟𑐵𑐮𑑀𑐂𑐡 𑐖𑐸𑐂; 𑐠𑐸𑐎𑐶𑐫𑐵 𑐀𑐣𑐵𑐎𑐵𑐬 𑐬𑐸𑐥𑐫𑑂 𑐠𑑂𑐰 𑐳𑐶𑐫𑐸𑐐𑐸 𑐔𑐸𑑄(brown powder)𑐫𑐵 𑐬𑐸𑐥𑐫𑑂 𑐡𑐫𑐵𑐔𑑂𑐰𑐣𑐶। 𑐧𑑀𑐬𑑀𑐣 𑐥𑐸𑐔𑑅𑐫𑐵 𑐡𑐎𑐮𑐫𑑂 𑐫𑐵𑐄𑑄𑐐𑐸 (lightest) 𑐟𑐟𑑂𑐟𑑂𑐰𑐫𑐵 𑐬𑐸𑐥𑐫𑑂 𑐠𑐸𑐎𑐶𑐮𑐶 𑐎𑑀𑐨𑑂𑐫𑐵𑐮𑐾𑐣𑑂𑐟 𑐳𑑂𑐰𑐵𑐥𑐹 𑐡𑐫𑐾𑐎𑐾𑐐𑐸 𑐣𑐶𑑄𑐟𑐶𑑄 𑐳𑑂𑐰𑑄𑐐𑐸 𑐨𑑂𑐫𑐵𑐮𑐾𑐣𑑂𑐳 𑐂𑐮𑐾𑐎𑑂𑐚𑑂𑐬𑑀𑐣 𑐡𑐂, 𑐐𑐸𑐎𑐶𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐫𑐎𑑂𑐰 𑐫𑑁𑐐𑐶𑐎 𑐡𑐳𑐸 𑐧𑑀𑐬𑐶𑐎 𑐊𑐳𑐶𑐜, 𑐏𑐣𑐶𑐖 𑐳𑑀𑐜𑐶𑐫𑐩 𑐧𑑀𑐬𑐾𑐚, 𑐰 𑐧𑑀𑐬𑑀𑐣 𑐎𑐵𑐬𑑂𑐧𑐵𑐂𑐜 𑐰 𑐧𑑀𑐬𑑀𑐣 𑐣𑐵𑐂𑐚𑑂𑐬𑐵𑐂𑐜𑐫𑐵 𑐀𑐮𑑂𑐚𑑂𑐬𑐵-𑐴𑐵𑐬𑑂𑐜 𑐎𑑂𑐬𑐶𑐳𑑂𑐚𑐮 𑐡𑐂।

𑐧𑑀𑐬𑑀𑐣 𑐥𑐹𑐬𑑂𑐞 𑐬𑐸𑐥𑑄 𑐎𑐳𑑂𑐩𑐶𑐎 𑐬𑐾 𑐳𑑂𑐥𑑂𑐫𑐵𑐮𑐾𑐳𑐣 (cosmic ray spallation) 𑐰 𑐳𑐸𑐥𑐬𑐣𑑀𑐨𑐵 (supernovas)𑐫𑐵 𑐮𑐶𑐔𑑂𑐰𑑅𑐫𑐵 𑐎𑐠𑑄 𑐡𑐫𑐵𑐰𑑅𑐐𑐸 𑐏 𑐰 𑐳𑑂𑐟𑐾𑐮𑐬 𑐣𑑂𑐫𑐸𑐎𑑂𑐮𑐶𑐫𑑀𑐳𑐶𑐣𑑂𑐠𑐾𑐳𑐶𑐳𑑄 (stellar nucleosynthesis) 𑐩𑐏𑐸। 𑐀𑐟𑑅, 𑐠𑑂𑐰 𑐟𑐟𑑂𑐟𑑂𑐰 𑐳𑐹𑐬𑑂𑐡𑑂𑐫𑑅𑐩𑐣𑑂𑐡 𑐰 𑐥𑐺𑐠𑑂𑐰𑐷𑐫𑐵 𑐎𑑂𑐬𑐳𑑂𑐚𑐫𑑂 𑐩𑑂𑐴𑑀 𑐖𑐎 𑐡𑐸। 𑐠𑑂𑐰 𑐟𑐟𑑂𑐟𑑂𑐰 𑐥𑐺𑐠𑑂𑐰𑐷𑐫𑐵 𑐎𑑂𑐬𑐳𑑂𑐚𑐫𑐵 𑐟𑑁𑐮𑐫𑐵 𑐮𑑂𑐫𑐵𑐏𑑄 𑐎𑐬𑐶𑐧 𑑐.𑑐𑑐𑑑 𑐥𑑂𑐬𑐟𑐶𑐱𑐟 𑐖𑐸𑐂। 𑐥𑐺𑐠𑑂𑐰𑐷𑐂 𑐠𑐸𑐎𑐶𑐫𑐵 𑐀𑐥𑑂𑐰 𑐳𑐵𑐢𑐵𑐬𑐞 𑐥𑑂𑐬𑐵𑐎𑐺𑐟𑐶𑐎 𑐬𑐸𑐥𑑄 𑐡𑐫𑐵𑐔𑑂𑐰𑑄𑐐𑐸 𑐫𑑁𑐐𑐶𑐎 𑐧𑑀𑐬𑐾𑐚 𑐏𑐣𑐶𑐖, 𑐠𑑂𑐰 𑐏𑐣𑐶𑐖𑐫𑐵 𑐮𑑅𑐫𑐵 𑐑𑐸𑐮𑐣𑐱𑐷𑐮𑐟𑐵𑐫𑐵 𑐎𑐵𑐬𑐞𑑄 𑐥𑐺𑐠𑑂𑐰𑐷𑐂 𑐡𑐫𑐵𑐔𑑂𑐰𑑄𑐐𑐸 𑐡𑐸। 𑐠𑐸𑐎𑐶𑐫𑐵𑐟 𑐍𑐡𑑂𑐫𑑀𑐐𑐶𑐎𑐎𑐠𑑄 𑐂𑐨𑐵𑐥𑑀𑐬𑐵𑐂𑐚𑐫𑐵 𑐬𑐸𑐥𑐫𑑂 𑐄𑐟𑑂𑐏𑐣𑐣 𑐫𑐵𑐂, 𑐐𑐸𑐎𑐶𑐫𑐵 𑐡𑐳𑐸 𑐧𑑀𑐬𑐾𑐎𑑂𑐳 𑐰 𑐎𑐬𑑂𑐣𑐵𑐂𑐚 𑐏। 𑐠𑑂𑐰 𑐟𑐟𑑂𑐟𑑂𑐰𑐫𑐵 𑐡𑐎𑐮𑐫𑑂 𑐀𑐥𑑂𑐰 𑐨𑐞𑑂𑐜𑐵𑐬 𑐚𑐬𑑂𑐎𑐷𑐂 𑐡𑐸। 𑐚𑐬𑑂𑐎𑐷 𑐴𑐮𑐶𑐩𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐧𑑀𑐬𑑀𑐣 𑐏𑐣𑐶𑐖 𑐄𑐟𑑂𑐥𑐵𑐡𑐎 𑐡𑐾𑐫𑑂 𑐏।

𑐳𑑂𑐰𑐫𑐵𑐡𑐶𑐳𑑃

• 𑐬𑐳𑐵𑐫𑐣𑐶𑐎 𑐟𑐟𑑂𑐟𑑂𑐰