छ्येलेमि:Eukesh/Auto/NepalScript/बेइजिङ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐧𑐾𑐂𑐖𑐶𑐒 𑐔𑐷𑐣𑐫𑐵 𑐎𑐾𑐣𑑂𑐡𑑂𑐬 𑐳𑐬𑐎𑐵𑐬𑐫𑐵 𑐬𑐵𑐖𑐢𑐵𑐣𑐷 𑐰 𑐩𑐴𑐵𑐣𑐐𑐬 𑐏𑑅। 𑐠𑑂𑐰 𑐣𑐐𑐬 𑐔𑐷𑐣𑐫𑐵 𑐬𑐵𑐖𑐣𑐿𑐟𑐶𑐎, 𑐳𑐵𑑄𑐳𑑂𑐎𑐺𑐟𑐶𑐎, 𑐥𑑂𑐬𑐵𑐰𑐶𑐢𑐶𑐎, 𑐱𑐿𑐎𑑂𑐲𑐶𑐎, 𑐳𑐿𑐣𑑂𑐫 𑐰 𑐁𑐬𑑂𑐠𑐶𑐎 𑐎𑐾𑐣𑑂𑐡𑑂𑐬 𑐏𑑅। 𑐠𑑂𑐰 𑐕𑐐𑐹 𑐴𑐮𑐶𑑄 𑐣𑐐𑐬 𑐏𑑅 𑐰 𑐣𑐵𑐥𑑄 𑐴𑐮𑐶𑑄𑐫𑐵 𑐳𑑂𑐰𑑄𑐐𑐹 𑐡𑐎𑐮𑐫𑑂 𑐀𑐥𑑂𑐰 𑐩𑐣𑐹𑐮𑑂𑐫𑐵 𑐡𑐹𑐐𑐸 𑐣𑐐𑐬 𑐏𑑅। 𑐠𑑂𑐰 𑐣𑐐𑐬𑐫𑐵 𑐴𑐮𑐶𑑄𑐫𑐵 𑐀𑐬𑑂𑐠𑐟𑐣𑑂𑐟𑑂𑐬 𑐰 𑐀𑐣𑑂𑐟𑐬𑐬𑐵𑐲𑑂𑐚𑑂𑐬𑐷𑐫 𑐳𑐩𑐣𑑂𑐰𑐫𑐫𑑂 𑐥𑑂𑐬𑐨𑐵𑐰 𑐡𑐸। 𑐧𑐾𑐂𑐖𑐶𑐒𑑂𑐐 𑐄𑐟𑑂𑐟𑐬𑐷 𑐔𑐷𑐣𑐫𑐵 𑐏𑑂𑐫𑐮𑐫𑑂 𑐄𑐟𑑂𑐟𑐬𑐷 𑐳𑐶𑐠𑐫𑑂 𑐮𑐵। 𑐠𑑂𑐰 𑐏𑑂𑐫𑑅 𑐫𑐵𑐣𑐱𑐵𑐣 𑐥𑐬𑑂𑐰𑑅 𑐣𑐵𑐥𑑄 𑐮𑐵। 𑐫𑑀𑐒𑑂𑐐𑐡𑐶𑐒𑑂𑐐 𑐏𑐸𑐳𑐶 𑐥𑐸𑐮𑐵𑑄 𑐧𑐾𑐂𑐖𑐶𑐒𑑂𑐐𑐫𑐵 𑐡𑐎𑑂𑐲𑐶𑐞 𑐥𑐱𑑂𑐔𑐶𑐩𑑄 𑐧𑐵𑐴𑐵𑐰𑐣𑐶।

𑐧𑐾𑐂𑐖𑐶𑐒𑑂𑐐 𑐔𑐷𑐣𑐫𑐵 𑐥𑑂𑐬𑐵𑐔𑐷𑐣 𑐬𑐵𑐖𑐢𑐵𑐣𑐷 𑐏𑑅। 𑐠𑑂𑐰 𑐣𑐐𑐬𑐫𑐵 𑐣𑐶𑐬𑑂𑐩𑐵𑐞 𑑓 𑐡𑑂𑐰 𑐡𑑃 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐖𑐹𑐐𑐸 𑐰 𑐬𑐵𑐖𑐢𑐵𑐣𑐷𑐫𑐵 𑐎𑐠𑑄 𑑘𑑖𑑐𑐡𑑃 𑐳𑑂𑐰𑐫𑐵 𑐀𑐥𑑂𑐰 𑐳𑐩𑐫𑐫𑐵 𑐂𑐟𑐶𑐴𑐵𑐳 𑐡𑐹𑐐𑐸 𑐕𑐐𑐹 𑐥𑑂𑐬𑐳𑐶𑐡𑑂𑐢 𑐋𑐟𑐶𑐴𑐵𑐳𑐶𑐎 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐎𑐾𑐣𑑂𑐡𑑂𑐬 𑐏𑑅। 𑐠𑑂𑐰 𑐣𑐐𑐬𑑄 𑐮𑐶𑐫𑐵𑐌 𑐬𑐵𑐖𑐰𑑄𑐱, 𑐖𑐶𑐣 𑐬𑐵𑐖𑐰𑑄𑐱, 𑐫𑐸𑐁𑐣 𑐬𑐵𑐖𑐰𑑄𑐱, 𑐩𑐶𑐒𑑂𑐐 𑐬𑐵𑐖𑐰𑑄𑐱 𑐰 𑐔𑐶𑐒𑑂𑐐 𑐬𑐵𑐖𑐰𑑄𑐱𑑄 𑐔𑐷𑐣𑐫𑑂 𑐱𑐵𑐳𑐣 𑐫𑐵𑑅𑐐𑐸 𑐂𑐟𑐶𑐴𑐵𑐳 𑐡𑐸। 𑐠𑑂𑐰 𑐣𑐐𑐬𑑄 𑐫𑐸𑐁𑐣, 𑐩𑐶𑐒𑑂𑐐 𑐰 𑐔𑐶𑐒𑑂𑐐 𑐬𑐵𑐖𑐰𑑄𑐱 𑐢𑐸𑑄𑐎𑐵 𑐁𑐢𑐸𑐣𑐶𑐎 𑐔𑐶𑐣𑐶𑐫𑐵 𑐳𑑄𑐳𑑂𑐎𑐺𑐟𑐶𑐫𑐵𑐟 𑐳𑑂𑐰𑐣𑐵𑐟𑐾𑐐𑐸 𑐖𑑂𑐫𑐵 𑐫𑐵𑑅𑐐𑐸 𑐡𑐸। 𑐠𑑂𑐰 𑐣𑐐𑐬𑐫𑑂 𑐫𑐎𑑂𑐰 𑐋𑐟𑐶𑐴𑐵𑐳𑐶𑐎 𑐡𑐬𑑂𑐱𑐣𑐷𑐫 𑐳𑑂𑐠𑐮 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐎𑑂𑐲𑐾𑐟𑑂𑐬 𑐡𑐸। 𑐣𑐵𑐥𑑄, 𑐠𑑂𑐰 𑐣𑐐𑐬 𑐴𑐮𑐶𑑄𑐫𑐵 𑐡𑐎𑐮𑐾 𑐀𑐥𑑂𑐰 𑐳𑐵𑑄𑐳𑑂𑐎𑐺𑐟𑐶𑐎 𑐳𑐩𑑂𑐥𑐡𑐵 𑐥𑐬𑐶𑐫𑑀𑐖𑐣𑐵 𑐡𑐹𑐐𑐸 𑐣𑐐𑐬𑐫𑑂 𑐕𑐐𑐹 𑐏𑑅। 𑐠𑑂𑐰 𑐣𑐐𑐬𑐫𑐵 𑐫𑐎𑑂𑐰 𑐋𑐟𑐶𑐴𑐵𑐳𑐶𑐎 𑐳𑑂𑐠𑐮𑐫𑑂 𑐕𑐸𑑄 𑐣𑐵𑑄𑐖𑐵𑑅𑐐𑐸 𑐠𑐵𑐳𑐫𑑂 𑐦𑐬𑐧𑐶𑐡𑐣 𑐳𑐶𑐚𑐷, 𑐟𑐾𑐩𑑂𑐥𑐮 𑐀𑐦 𑐴𑐾𑐨𑐣 , 𑐳𑐩𑐬 𑐥𑑂𑐫𑐵𑐮𑐾𑐳, 𑐌𑐮𑑂𑐜 𑐳𑐩𑐬 𑐥𑑂𑐫𑐵𑐮𑐾𑐳 , 𑐧𑐾𑐂𑐴𑐵𑐃 𑐥𑐵𑐬𑑂𑐎 𑐁𑐡𑐶 𑐮𑐵। 𑐧𑐾𑐂𑐖𑐶𑐒𑑂𑐐𑐫𑐵 𑐥𑐸𑐮𑐵𑑄 𑐣𑐐𑐬𑐫𑑂 𑐰𑐶𑐱𑐶𑐲𑑂𑐚 𑐕𑐾𑑃𑐟𑐾𑐟 𑐩𑐴𑐟𑑂𑐰𑐥𑐹𑐬𑑂𑐞 𑐳𑐵𑑄𑐳𑑂𑐎𑐺𑐟𑐶𑐎 𑐥𑑂𑐬𑐟𑐷𑐎𑐫𑐵 𑐬𑐸𑐥𑐫𑑂 𑐳𑑄𑐬𑐎𑑂𑐲𑐶𑐟 𑐫𑐵𑐣𑐵𑐟𑑅𑐐𑐸 𑐡𑐸।

𑐧𑐾𑐂𑐖𑐶𑐒𑑂𑐐𑐫𑐵 𑐔𑐷𑐣𑐫𑐵 𑐬𑐵𑐖𑐣𑐷𑐟𑐶, 𑐀𑐬𑑂𑐠𑐰𑑂𑐫𑐰𑐳𑑂𑐠𑐵, 𑐰𑑂𑐫𑐵𑐥𑐵𑐬, 𑐳𑑄𑐳𑑂𑐎𑐺𑐟𑐶, 𑐱𑐶𑐎𑑂𑐲𑐵, 𑐰𑐶𑐖𑑂𑐘𑐵𑐣 𑐰 𑐥𑑂𑐬𑑁𑐡𑑂𑐫𑑀𑐐𑐶𑐎 𑐎𑑂𑐲𑐾𑐟𑑂𑐬𑐫𑑂 𑐩𑐴𑐟𑑂𑐰𑐥𑐹𑐬𑑂𑐞 𑐥𑑂𑐬𑐨𑐵𑐰 𑐡𑐸। 𑐠𑑂𑐰 𑐣𑐐𑐬𑐫𑑂 𑐔𑐶𑐣𑐶𑐫𑐵 𑐬𑐵𑐖𑑂𑐫𑐫𑐵 𑐳𑑂𑐰𑐵𑐩𑐶𑐟𑑂𑐰 𑐡𑐹𑐐𑐸 𑐄𑐡𑑂𑐫𑑀𑐐𑐫𑐵 𑐀𑐢𑐶𑐎𑐵𑑄𑐱 𑐩𑐹 𑐖𑑂𑐫𑐵𑐎𑐸𑐠𑐶 𑐡𑐸। 𑐣𑐵𑐥𑑄, 𑐠𑑂𑐰 𑐣𑐐𑐬𑐫𑑂 𑐦𑐬𑑂𑐔𑑂𑐫𑐹𑐣 𑐐𑑂𑐮𑑀𑐧𑐮 𑑕𑑐𑑐𑐫𑐵 𑐡𑐎𑐮𑐾 𑐀𑐥𑑂𑐰 𑐎𑐬𑑂𑐥𑑀𑐬𑐾𑐟 𑐩𑐸𑐏𑑂𑐫𑐵𑐮𑐫 𑐡𑐸। 𑐠𑑂𑐰 𑐣𑐐𑐬𑐫𑑂 𑐡𑐹𑐐𑐸 𑐥𑐾𑐎𑐶𑑄𑐐 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐰 𑐳𑐶𑑄𑐑𑐸𑐁 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐔𑐷𑐣𑐫𑐵 𑐱𑐷𑐬𑑂𑐲 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵।

𑐳𑑂𑐰𑐫𑐵𑐡𑐶𑐳𑑂𑑃

• 𑐔𑐷𑐣

• 𑐧𑐾𑐂𑐖𑐶𑐒
• 
• 
• 
• 
• 
• 
• 
•