Jump to content

छ्येलेमि:Eukesh/Auto/NepalScript/बय्बायिन लिपि

विकिपिडिया नं

देवनागरीइ ब्वनेत: बय्बायिन लिपि तियादिसँ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Indian cultural extent.


Baybayin
ᜊᜌ᜔ᜊᜌᜒᜈ᜔
𑐳𑐸𑐮𑐵𑐟 𑐟𑐐𑐵𑐮𑑀𑐐 𑐰𑐵 𑐟𑐐𑐵𑐮𑑀𑐐 𑐮𑐶𑐥𑐶
प्रकार𑐀𑐧𑐸𑐖𑐶𑐡𑐵
भाषा𑐟𑐐𑐵𑐮𑑀𑐐, 𑐧𑐶𑐳𑐫𑐣 𑐨𑐵𑐫𑑂,[१]
𑐳𑐩𑑂𑐧𑐮 𑐨𑐵𑐫𑑂, 𑐂𑐮𑑀𑐎𑐵𑐣𑑀 𑐨𑐵𑐫𑑂,
𑐎𑐥𑐩𑑂𑐥𑐒𑐵𑐣 𑐨𑐵𑐫𑑂, 𑐧𑐶𑐎𑑀𑐮 𑐨𑐵𑐫𑑂,
𑐥𑐒𑐵𑐳𑐶𑐣𑐵𑐣 𑐨𑐵𑐫𑑂, 𑐳𑑄𑐳𑑂𑐎𑐺𑐟
समयावधि𑑑𑑔 𑐣𑐶𑐳𑐾𑑄 𑑑𑑙 𑐱𑐟𑐵𑐧𑑂𑐡𑐷[२][३][४]
𑐳𑐷𑐩𑐶𑐟 𑐁𑐢𑐸𑐣𑐶𑐎 𑐕𑑂𑐫𑐮𑐵[५]
परिवार
कचा लिपि
फुकि लिपि
ISO 15924Tglg, 370
दिशाLeft-to-right
युनिकोद एलियासTagalog
युनिकोद रेन्जU+1700–U+171F
Note: This page may contain IPA phonetic symbols.

𑐧𑐫𑑂𑐧𑐵𑐫𑐶𑐣 (ᜊᜌ᜔ᜊᜌᜒᜈ᜔), 𑐐𑐸𑐎𑐶𑐫𑐵𑐟 𑐁𑐎𑐵𑐗𑐵𑐎𑐵 𑐬𑐸𑐥𑐫𑑂 𑐟𑑂𑐬𑐸𑐚𑐶𑐥𑐹𑐬𑑂𑐰𑐎 𑐀𑐮𑐶𑐧𑐵𑐟𑐵 𑐣𑑄 𑐢𑐵𑐂, 𑐕𑐐𑐹 𑐦𑐶𑐮𑐶𑐥𑐶𑐣 𑐮𑐶𑐥𑐶 𑐏 𑐐𑐸𑐎𑐶𑐫𑐵𑐟 𑑑𑑖𑐐𑐸 𑐰 𑑑𑑗𑐐𑐸 𑐱𑐟𑐵𑐧𑑂𑐡𑐷𑐂 𑐩𑐹 𑐬𑐸𑐥𑑄 𑐮𑐸𑐖𑑀𑐣𑐫𑑂 𑐟𑐐𑐵𑐮𑑀𑐐 𑐰 𑐩𑑂𑐴𑑀 𑐩𑐵𑐟𑑂𑐬𑐵𑐫𑑂 𑐨𑐶𑐳𑐫𑐣 𑐨𑐵𑐲𑐵, 𑐎𑐩𑑂𑐥𑐵𑐩𑑂𑐥𑐵𑐒𑐵𑐣, 𑐂𑐮𑑀𑐎𑐵𑐣𑑀, 𑐰 𑐩𑐾𑐩𑐾𑐐𑐸 𑐫𑐎𑑂𑐰 𑐨𑐵𑐫𑑂 𑐔𑑂𑐰𑐫𑐾𑐟 𑐰𑑂𑐫𑐵𑐥𑐎 𑐬𑐸𑐥𑑄 𑐕𑑂𑐫𑐾𑐮𑐶𑐐𑐸 𑐫𑐵।

𑐧𑐫𑑂𑐧𑐵𑐫𑐶𑐣 𑐧𑑂𑐬𑐵𑐴𑑂𑐩𑐶 𑐮𑐶𑐥𑐶𑐫𑐵 𑐥𑐬𑐶𑐰𑐵𑐬 𑐡𑐸𑐣𑐾𑐫𑐵 𑐕𑐐𑐹 𑐀𑐧𑐸𑐐𑐶𑐡𑐵 𑐮𑐶𑐥𑐶 𑐏। 𑐠𑐸𑐎𑐶𑐫𑐵 𑐕𑑂𑐫𑐾𑐮𑐾𑐖𑑂𑐫𑐵 𑐧𑐸𑐮𑐸𑐴𑐸𑑃 𑐳𑑂𑐥𑐾𑐣𑐶𑐱 𑐱𑐵𑐳𑐣𑐫𑐵 𑐂𑐮𑐫𑑂 𑐮𑑂𑐫𑐵𑐟𑐶𑐣 𑐁𑐏𑐮𑑄 𑐥𑑂𑐬𑐟𑐶𑐳𑑂𑐠𑐵𑐥𑐣 𑐫𑐵𑐟। 𑐫𑐡𑑂𑐫𑐥𑐶, 𑐠𑑂𑐰 𑐮𑐶𑐥𑐶 𑐦𑐶𑐮𑐶𑐥𑐶𑐣𑑂𑐳𑐫𑑂 𑐳𑐷𑐩𑐶𑐟 𑐩𑐵𑐟𑑂𑐬𑐵𑐫𑑂 𑐁𑐢𑐸𑐣𑐶𑐎 𑐕𑑂𑐫𑐾𑐮𑐵𑐫𑑂 𑐏𑐣𑐾𑐡𑐸। 𑐠𑑂𑐰 𑐮𑐶𑐥𑐶 𑐳𑐣𑑂 𑑑𑑙𑑙𑑘 𑐣𑐶𑐳𑐾𑑄 𑐧𑐸𑐴𑐶𑐡, 𑐴𑐣𑐸𑐣𑐹, 𑐰 𑐟𑐐𑐧𑐣𑐰𑐵 𑐮𑐶𑐥𑐶 𑐣𑐵𑐥𑑄 𑐟𑐵𑐐𑐵𑐮𑑀𑐐 𑐧𑑂𑐮𑐎𑐫𑐵 𑐬𑐸𑐥𑐫𑑂 𑐫𑐸𑐣𑐶𑐎𑑀𑐜𑐫𑑂 𑐊𑐣𑑂𑐎𑑀𑐜 𑐫𑐵𑐣𑐵𑐟𑑅𑐐𑐸 𑐡𑐸। [६] 𑐩𑐣𑐶𑐮𑐵𑐫𑑂 𑐔𑑂𑐰𑑄𑐐𑐸 𑐳𑐵𑐣𑑂𑐟𑑀 𑐚𑑀𑐩𑐳 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐀𑐨𑐶𑐮𑐾𑐏𑐵𑐮𑐫𑐫𑑂 𑐧𑐵𑐫𑑂𑐧𑐵𑐫𑐶𑐣 𑐮𑐶𑐥𑐶𑐂 𑐔𑑂𑐰𑐫𑐵𑐟𑑅𑐐𑐸 𑐁𑑅𑐫𑐵 𑐔𑑂𑐰𑐳𑐸𑐫𑐵 𑐡𑐎𑐮𑐫𑑂 𑐟𑑅𑐢𑑄𑐐𑐸 𑐔𑑂𑐰𑐏𑑃𑐩𑐸𑐣𑐵 𑐡𑐸। [७] [८] [९]

𑐦𑐶𑐮𑐶𑐥𑐶𑐣𑑂𑐳𑐫𑑂 𑐧𑐫𑑂𑐧𑐵𑐫𑐶𑐣𑐫𑐵 𑐁𑐢𑐸𑐣𑐶𑐎 𑐕𑑂𑐫𑐮𑐵𑐧𑐸𑐮𑐵 𑐀𑐥𑑂𑐰𑐫𑐵 𑐰𑑅𑐐𑐸 𑐏𑐣𑐾𑐡𑐹𑐐𑐸 𑐡𑐸 । 𑐠𑑁𑑄𑐎𑐣𑑂𑐴𑐫𑑂 𑐧𑐫𑑂𑐧𑐵𑐫𑐶𑐣𑐫𑐵𑐟 𑐥𑑂𑐬𑐵𑐫𑑅 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐴𑐶𑐳𑐶𑐫𑐵 𑐣𑐶𑑄𑐟𑐶𑑄 𑐕𑑂𑐫𑐮𑐶𑐐𑐸 𑐫𑐵, 𑐐𑐠𑐾𑐎𑐶 𑐎𑐮𑐵, 𑐳𑑂𑐣𑐵𑐟𑐎𑐫𑐵 𑐡𑐳𑐸-𑐨𑑂𑐰𑑄, 𑐚𑑂𑐫𑐵𑐚𑐸, 𑐰 𑐮𑑀𑐐𑑀𑐫𑑂। 𑐳𑐬𑐎𑐵𑐬𑐷 𑐣𑐶𑐎𑐵𑐫, 𑐦𑐶𑐮𑐶𑐥𑐶𑐣𑑂𑐳𑐫𑐵 𑐣𑑀𑐚 𑐰 𑐥𑐵𑐳𑐥𑑀𑐬𑑂𑐚𑐫𑐵 𑐮𑑀𑐐𑑀𑐫𑑂 𑐣𑑄 𑐠𑑂𑐰 𑐔𑐶𑐟𑑂𑐬𑐞 𑐫𑐵𑐣𑐵𑐟𑑅𑐐𑐸 𑐡𑐸। 𑐠𑑂𑐰 𑐟𑑂𑐰𑐟𑐵𑑅 𑐣𑑂𑐴𑐹𑐐𑐸 𑐥𑐸𑐳𑑂𑐟𑐵𑐫𑐵𑐟 𑐧𑐵𑐫𑑂𑐧𑐵𑐫𑐶𑐣 𑐳𑑂𑐫𑐣𑐾𑐐𑐸 𑐁𑐖𑑂𑐖𑐸𑑄 𑐱𑐿𑐎𑑂𑐲𑐶𑐎 𑐎𑐸𑐟𑑅 𑐰 𑐖𑑂𑐫𑐵𑐎𑐸𑐠𑐶 𑐣𑑄 𑐡𑐫𑐵𑐰𑑅𑐐𑐸 𑐡𑐸। 𑐧𑐵𑐫𑑂𑐧𑐵𑐫𑐶𑐣𑐫𑐵𑐟 𑐎𑐫𑐵𑑅 𑐔𑐾𑐟𑐣𑐵 𑐰 𑐬𑐸𑐔𑐶 𑐀𑐥𑑂𑐰𑐫𑐾𑐎𑐾𑐟 𑐳𑐵𑐩𑐵𑐖𑐶𑐎 𑐳𑑄𑐖𑐵𑐮𑑄 𑐣𑑄 𑐟𑑅𑐢𑑄𑐐𑐸 𑐨𑐹𑐩𑐶𑐎𑐵 𑐩𑑂𑐴𑐶𑐟𑐹𑐐𑐸 𑐡𑐸 । 𑐎𑐮𑐵𑐎𑐵𑐬, 𑐱𑐶𑐎𑑂𑐲𑐵𑐰𑐶𑐡𑑂 𑐰 𑐄𑐟𑑂𑐳𑐵𑐴𑐷𑐟𑐾𑐳𑑄 𑐠𑑂𑐰 𑐥𑑂𑐮𑐾𑐚𑐦𑐬𑑂𑐩 𑐕𑑂𑐫𑐾𑐮𑐵 𑐮𑐶𑐥𑐶𑐫𑐵 𑐧𑐵𑐬𑐾𑐫𑑂 𑐚𑑂𑐫𑐸𑐚𑑀𑐬𑐶𑐫𑐮, 𑐎𑐮𑐵𑐎𑐺𑐟𑐶 𑐰 𑐋𑐟𑐶𑐴𑐵𑐳𑐶𑐎 𑐟𑐠𑑂𑐫𑐟 𑐱𑐾𑐫𑐬 𑐫𑐵𑐂, 𑐐𑐸𑐎𑐶𑐮𑐶𑑄 𑐣𑑂𑐴𑐸𑐐𑐸 𑐥𑐸𑐳𑑂𑐟𑐵𑐫𑐵 𑐡𑐠𑐸𑐂 𑐬𑐸𑐔𑐶 𑐧𑑂𑐰𑐮𑑄𑐎𑐷। [१०] [११] [१२] 𑐮𑐶𑐥𑐶𑐫𑐵𑐟 𑐩𑐵𑐣𑑂𑐫𑐟𑐵 𑐧𑐷𑐐𑐸 𑐰 𑐮𑑂𑐫𑐵𑐚𑐶𑐣 𑐰𑐬𑑂𑐞𑐩𑐵𑐮𑐵𑐫𑐵 𑐣𑐵𑐥𑐣𑐵𑐥𑑄 𑐠𑐸𑐎𑐶𑐫𑐵 𑐕𑑂𑐫𑐮𑐵𑐧𑐸𑐮𑐵𑐫𑐵𑐟 𑐥𑐸𑐣𑐬𑑂𑐖𑐷𑐰𑐶𑐟 𑐫𑐵𑐫𑐾𑐐𑐸 𑐰𑐶𑐢𑐾𑐫𑐎𑐫𑐵𑐟 𑐎𑐵𑑄𑐐𑑂𑐬𑐾𑐳𑑄 𑐧𑐵𑐬𑐩𑑂𑐧𑐵𑐬 𑐧𑐶𑐔𑐵𑑅 𑐫𑐵𑑅𑐐𑐸 𑐡𑐸 । [१३]

𑐏𑑃𑐐𑑂𑐰𑑅𑐫𑐵 𑐏𑑃

[सम्पादन]

𑐧𑐫𑑂𑐧𑐵𑐫𑐶𑐣 𑐏𑑃𑐐𑑂𑐰𑑅𑐫𑐵 𑐟𑐐𑐵𑐮𑑀𑐐 𑐨𑐵𑐳𑑄 𑐀𑐬𑑂𑐠 "𑐔𑑂𑐰𑐫𑐾𑐐𑐸" 𑐏। 𑐠𑑂𑐰 𑐮𑐶𑐥𑐶𑐫𑐵𑐟 𑐩𑑂𑐴𑐳𑐷𑐎𑐾𑐟𑐫𑐵𑐫𑐾𑐟 𑐠𑑂𑐰 𑐏𑑃𑐐𑑂𑐰𑑅𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐖𑑂𑐘𑐵𑐟 𑐕𑑂𑐫𑐾𑐮𑐾𑐖𑑂𑐫𑐵 𑐥𑐾𑐡𑑂𑐬𑑀 𑐳𑐵𑐣 𑐧𑐸𑐊𑐣𑐵𑐨𑐾𑐣𑑂𑐔𑐸𑐬𑐵𑐫𑐵 𑐨𑑀𑐎𑐵𑐧𑐸𑐮𑐵𑐬𑐶𑐌 𑐡𑐾 𑐮𑐵 𑐮𑐾𑑄𑐐𑐸𑐁 𑐟𑐵𑐐𑐵𑐮𑐵 (𑑑𑑖𑑑𑑓)𑐫𑑂 𑐧𑐫𑑂𑐧𑐵𑐫𑐶𑐣𑐫𑐵 𑐬𑐸𑐥𑐫𑑂 𑐖𑐹𑐐𑐸 𑐏𑐣𑐾𑐡𑐸। [१४] 𑐠𑑂𑐰 𑐣𑐵𑐥𑑄, 𑐥𑐵𑐎𑐵𑐊𑐣 𑐡𑐾 𑐩𑐾𑐫𑑀𑐧𑑀𑐎 (𑑑𑑖𑑘𑑑)𑐫𑐵 𑐥𑑂𑐬𑐩𑐵𑐞𑐷𑐎𑐬𑐞𑐫𑑂 𑐳𑐩𑐸𑐡𑐵𑐫𑐫𑐵 𑐥𑑂𑐬𑐩𑐸𑐏𑐟𑐾𑐳𑑄 𑐠𑑂𑐰 𑐮𑐶𑐥𑐶𑐫𑐵𑐟 𑐳𑐸𑐮𑐵𑐟 𑐟𑐵𑐐𑐵𑐮𑑀𑐐 𑐢𑐎𑐵 𑐢𑐵𑑅𑐐𑐸 𑐏। [१५] 𑐣𑑂𑐴𑐵𑐥𑐵𑐫𑐵 𑐳𑑂𑐥𑐾𑐣𑐶𑐱 𑐰𑐶𑐰𑐬𑐞𑐫𑑂 𑐳𑐵𑐩𑐵𑐣𑑂𑐫𑐟𑐫𑐵 𑐧𑐫𑑂𑐧𑐵𑐫𑐶𑐣𑐫𑐵𑐟 “𑐟𑐵𑐐𑐵𑐮𑑀𑐐 𑐁𑐏𑑅” 𑐰𑐵 “𑐟𑐵𑐐𑐵𑐮𑑀𑐐 𑐔𑑂𑐰𑐏𑑃” 𑐢𑐎𑐵𑑅 𑐢𑐵𑐫𑐵𑐟𑑅𑐐𑐸 𑐡𑐸। 𑐠𑑂𑐰 𑐮𑐶𑐥𑐶 𑐠𑑁𑑄 𑐡𑐎𑐮𑐫𑑂 𑐀𑐥𑑂𑐰 baybáyin 𑐎𑐠𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐮𑐶𑐥𑐶𑐫𑐵 𑐠𑐷-𑐠𑐷 𑐳𑑂𑐠𑐵𑐣𑐷𑐫 𑐣𑐵𑑄 𑐣𑑄 𑐡𑐸—𑐐𑐠𑐾𑐎𑐶 𑐰𑐶𑐳𑐵𑐫𑐣𑐟𑐾𑐐𑐸 𑐡𑐠𑐸𑐂 “𑐧𑐡𑐮𑐶𑐟” 𑐰𑐵 “𑐎𑐸𑐡𑐮𑐶𑐟-𑐎𑐵𑐧𑐡𑐮𑐶𑐟”, 𑐂𑐮𑑀𑐎𑐵𑐣𑑀𑐟𑐾𑐐𑐸 𑐡𑐠𑐸𑐂 “𑐎𑐸𑐬𑑂𑐡𑐶𑐟𑐣” 𑐰𑐵 “𑐎𑐸𑐬-𑐂𑐟𑐣”, 𑐎𑐵𑐥𑐵𑐩𑑂𑐥𑐵𑐒𑐵𑐣𑐟𑐾𑐐𑐸 𑐡𑐠𑐸𑐂 “𑐎𑐸𑐮𑐶𑐟𑐵𑐣”, 𑐰 𑐧𑐶𑐎𑑀𑐮𑐵𑐣𑑀 𑐡𑐠𑐸𑐂 "𑐧𑐵𑐳𑐵𑐴𑐵𑐣”। [१६] [१७]

𑐋𑐟𑐶𑐴𑐵𑐳𑐶𑐎𑐎𑐠𑑄, 𑐀𑐮𑐶𑐧𑐵𑐟𑐵 𑐏𑑃𑐐𑑂𑐰𑑅 𑐧𑐫𑑂𑐧𑐵𑐫𑐶𑐣𑐫𑐵 𑐥𑐬𑑂𑐫𑐵𑐫𑐰𑐵𑐔𑐷𑐎𑐠𑑄 𑐕𑑂𑐫𑐮𑐵𑐧𑐸𑐮𑐵𑐫𑑂 𑐰𑑅𑐐𑐸 𑐡𑐸। [१८] [१९] 𑐀𑐮𑐶𑐧𑐵𑐟𑐵 𑐕𑐐𑐹 𑐣𑑂𑐴𑐸𑐏𑑃𑐐𑑂𑐰𑑅 𑐏 𑐐𑐸𑐎𑐶𑐫𑐵𑐟 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐳𑐣𑑂 𑑑𑑙𑑑𑑔𑐂 𑐡𑐫𑐾𑐎𑐹𑐐𑐸 𑐏, 𑐳𑐩𑑂𑐨𑐰𑐟𑑅 𑐠𑑂𑐰 𑐮𑐶𑐥𑐶 𑐀𑐬𑐧𑐷 𑐮𑐶𑐥𑐶𑑄 𑐰𑑅𑐐𑐸 𑐏 𑐢𑐎𑐵 𑐩𑐏𑐸𑐐𑐸 𑐢𑐵𑐬𑐞𑐵𑐫𑐵 𑐀𑐣𑑂𑐟𑐬𑑂𑐐𑐟𑐫𑑂 । 𑐀𑐠𑐾 𑐖𑐸𑐫𑐵 𑐠𑑂𑐰 𑐣𑐵𑑄 𑐰𑑅𑐐𑐸 𑐏। [२०] 𑐀𑐥𑑂𑐰𑑅 𑐁𑐢𑐸𑐣𑐶𑐎 𑐰𑐶𑐡𑑂𑐰𑐵𑐣𑐟𑐳𑐾𑑄 𑐀𑐮𑐶𑐧𑐵𑐟𑐵 𑐏𑑃𑐐𑑂𑐰𑑅𑐫𑐵𑐟 𑐥𑐵𑐫𑑂𑐕𑐶 𑐩𑐖𑐹𑐐𑐸 𑐢𑐎𑐵𑑅 𑐳𑑂𑐰𑐷𑐎𑐵𑐬 𑐫𑐵𑐂। [२०] [२१]

𑐄𑐟𑑂𑐥𑐟𑑂𑐟𑐶

[सम्पादन]

𑐧𑐫𑑂𑐧𑐵𑐫𑐶𑐣𑐫𑐵 𑐄𑐟𑑂𑐥𑐟𑑂𑐟𑐶 𑐰𑐶𑐰𑐵𑐡𑐶𑐟 𑐡𑐸 𑐰 𑐠𑐸𑐎𑐶𑐫𑐵 𑐄𑐟𑑂𑐥𑐟𑑂𑐟𑐶𑐫𑐵 𑐧𑐵𑐬𑐾𑐫𑑂 𑐫𑐎𑑂𑐰 𑐳𑐶𑐡𑑂𑐢𑐵𑐣𑑂𑐟𑐟 𑐡𑐸।

𑐧𑐺𑐴𑐟 𑐨𑐵𑐬𑐟𑐫𑐵 𑐥𑑂𑐬𑐨𑐵𑐰

[सम्पादन]

𑐋𑐟𑐶𑐴𑐵𑐳𑐶𑐎 𑐬𑐹𑐥𑑄 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵 𑐥𑑂𑐬𑐵𑐔𑐷𑐣 𑐨𑐵𑐬𑐟𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐥𑑂𑐬𑐨𑐵𑐰𑐫𑑂 𑐮𑐵𑑅𑐐𑐸 𑐏𑐣𑐾𑐡𑐸, 𑐐𑐣 𑐠𑐵𑐂𑐮𑑂𑐫𑐵𑐞𑑂𑐜, 𑐂𑐣𑑂𑐜𑑀𑐣𑐾𑐳𑐶𑐫𑐵, 𑐩𑐮𑐾𑐳𑐶𑐫𑐵, 𑐳𑐶𑑄𑐐𑐵𑐥𑐸𑐬, 𑐦𑐶𑐮𑐶𑐥𑐶𑐣𑑂𑐳, 𑐎𑐩𑑂𑐧𑑀𑐜𑐶𑐫𑐵 𑐰 𑐨𑐶𑐫𑐟𑐣𑐵𑐩𑐫𑑂 𑐫𑐎𑑂𑐰 𑐱𑐟𑐵𑐧𑑂𑐡𑐷𑐟𑐎𑑂𑐎 𑐀𑐳𑑄𑐏𑑂𑐫 𑐨𑐵𑐬𑐟 𑐥𑑂𑐬𑐨𑐵𑐰𑐶𑐟 𑐬𑐵𑐖𑑂𑐫 𑐰 𑐳𑐵𑐩𑑂𑐬𑐵𑐖𑑂𑐫𑐟 𑐡𑐫𑐵𑐔𑑂𑐰𑐣। 𑐠𑑂𑐰 𑐠𑐵𑐳𑐫𑑂 𑐨𑐵𑐬𑐟𑐷𑐫 𑐳𑑄𑐳𑑂𑐎𑐺𑐟𑐶𑐫𑐵 𑐥𑑂𑐬𑐨𑐵𑐰𑐫𑐵𑐟 𑐨𑐵𑐬𑐟𑐷𑐫𑐎𑐬𑐞𑐫𑐵 𑐏𑑃𑐐𑑂𑐰𑑅 𑐧𑐶𑐫𑐵𑐟𑑅𑐐𑐸 𑐏। [२२] 𑐦𑑂𑐬𑐵𑐣𑑂𑐳𑐾𑐮𑐷 𑐥𑐸𑐬𑐵𑐟𑐟𑑂𑐰𑐰𑐶𑐡𑑂 𑐖𑐬𑑂𑐖 𑐎𑑀𑐊𑐜𑑂𑐳𑑄 𑐠𑐸𑐎𑐶𑐫𑐵𑐟 𑐕𑐐𑐹 𑐳𑑄𑐐𑐛𑐶𑐟 𑐳𑑄𑐳𑑂𑐎𑐺𑐟𑐶𑐫𑐵 𑐰𑐶𑐳𑑂𑐟𑐵𑐬𑐫𑐵 𑐬𑐸𑐥𑐫𑑂 𑐥𑐬𑐶𑐨𑐵𑐲𑐶𑐟 𑐫𑐵𑐣𑐵𑐡𑐶𑐮 𑐐𑐸𑐎𑐶𑐫𑐵 𑐁𑐢𑐵𑐬 𑐨𑐵𑐬𑐟𑐷𑐫 𑐩𑐹𑐮𑐫𑐵 𑐬𑐵𑐖𑐰𑑄𑐱, 𑐴𑐶𑐣𑑂𑐡𑐹 𑐢𑐬𑑂𑐩 𑐰 𑐧𑐸𑐡𑑂𑐢 𑐢𑐬𑑂𑐩 𑐰 𑐳𑑄𑐳𑑂𑐎𑐺𑐟 𑐨𑐵𑐲𑐵𑐫𑐵 𑐨𑐵𑐬𑐟𑐷𑐫 𑐄𑐟𑑂𑐥𑐟𑑂𑐟𑐶𑐂 𑐡𑐫𑐾𑐎𑐹𑐐𑐸 𑐏𑑅। [२३] 𑐠𑑂𑐰 𑐏𑑃 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵𑐫𑐵 𑐨𑐵𑐬𑐟𑐷𑐫𑐎𑐬𑐞, 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵𑐫𑑂 𑐴𑐶𑐣𑑂𑐡𑐹 𑐢𑐬𑑂𑐩 𑐰 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵𑐫𑑂 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐥𑑂𑐬𑐳𑐵𑐬𑐫𑑂 𑐏𑐣𑐾𑐡𑐸। 𑐨𑐵𑐬𑐟𑐷𑐫 𑐁𑐡𑐬𑐵𑐬𑑂𑐠𑐷 𑐥𑐡 𑐩𑐮𑐾𑐫, 𑐠𑐵𑐃, 𑐦𑐶𑐮𑐶𑐥𑐶𑐣𑑀 𑐰 𑐂𑐣𑑂𑐜𑑀𑐣𑐾𑐳𑐶𑐫𑐣 𑐴𑐣𑐾𑐧𑐴𑑅𑐐𑐸 𑐏𑑃𑐐𑑂𑐰𑐮𑐫𑑂 𑐏𑐣𑐾𑐡𑐸। [२४] 𑐠𑐸𑐎𑐶𑐫𑐵 𑐡𑐳𑐸𑐂 𑐬𑐵𑐖𑐵, 𑐬𑐵𑐣𑐷, 𑐩𑐴𑐬𑑂𑐮𑐶𑐎𑐵 𑐰 𑐡𑐟𑐹 𑐮𑐵, 𑐐𑐸𑐎𑐶𑐫𑐵𑐟 𑐨𑐵𑐬𑐟𑐷𑐫 𑐳𑑄𑐳𑑂𑐎𑐺𑐟𑐶𑑄 𑐩𑐮𑐾𑐫 𑐰 𑐱𑑂𑐬𑐷𑐰𑐶𑐖𑐫 𑐳𑐵𑐩𑑂𑐬𑐵𑐖𑑂𑐫𑐫𑐵 𑐩𑐵𑐢𑑂𑐫𑐩𑑄 𑐦𑐶𑐮𑐶𑐥𑐶𑐣𑑂𑐳𑐫𑑂 𑐳𑑄𑐔𑐵𑐬 𑐫𑐵𑑅𑐐𑐸 𑐏𑑅 । [ ] 𑐨𑐵𑐬𑐟𑐷𑐫𑐟𑐾𑐳𑑄 𑐥𑐾𑐱𑐾𑐰𑐬 𑐖𑑂𑐫𑐵𑐎𑑅𑐩𑐶, 𑐧𑐣𑐾𑐖𑑂𑐫𑐵𑐩𑐶, 𑐥𑐸𑐖𑑂𑐫𑐵𑐩𑐶 𑐰 𑐮𑑂𑐰𑐵𑐩𑐶 𑐬𑐸𑐥𑐫𑑂 𑐠𑐣𑑂𑐫𑐵𑑅𑐐𑐸 𑐡𑐾𑐳𑐫𑑂 𑐩𑐹 𑐨𑐹𑐩𑐶𑐎𑐵 𑐩𑑂𑐴𑐶𑐟𑐮। [२५] [२६] [२७] [२८] 𑐱𑐶𑐮𑐵𑐮𑐾𑐏 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐔𑐩𑑂𑐥𑐵 𑐰 𑐩𑐮𑐫 𑐡𑑂𑐰𑐷𑐥𑐥𑐸𑐔𑐮𑐫𑑂 𑐠𑑂𑐫𑑄𑐥𑐶𑑄 𑐡𑐎𑐮𑐫𑑂 𑐣𑑂𑐴𑐵𑐥𑐵𑐫𑐵 𑐨𑐵𑐬𑐟𑐷𑐫 𑐧𑐵𑐳𑐶𑐣𑑂𑐡𑐵 𑐥𑐮𑑂𑐮𑐰 𑐬𑐵𑐖𑐰𑑄𑐱𑑄 𑐰𑑅𑐐𑐸 𑐖𑐸𑐂𑐩𑐵, 𑐕𑐵𑐫𑑂 𑐢𑐵𑑅𑐳𑐵 𑐂𑐩𑐶𑐳𑑄 𑐠𑑅𑐐𑐸 𑐥𑐮𑑂𑐮𑐰 𑐮𑐶𑐥𑐶 𑐠𑑅 𑐣𑐵𑐥𑑄 𑐴𑐮 𑐰 𑐠𑑂𑐰 𑐮𑐶𑐥𑐶 𑐡𑐎𑐮𑐾 𑐥𑐸𑐮𑐵𑑄𑐐𑐸 𑐱𑐶𑐮𑐵𑐮𑐾𑐏𑐫𑑂 𑐏𑐣𑐾𑐡𑐸। 𑐖𑐵𑐨𑐵𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐱𑐶𑐮𑐵𑐮𑐾𑐏 𑐥𑐮𑑂𑐮𑐰 𑐮𑐶𑐥𑐶𑐮𑐶𑐳𑐾 𑐥𑐵𑐫𑑂𑐕𑐶 𑐖𑐸𑐂𑐎 𑐖𑑂𑐰𑑅𑐮𑐵𑑅। [२५] 𑐨𑐵𑐬𑐟𑐷𑐫 𑐮𑐶𑐥𑐶𑐫𑐵 𑐀𑑄𑐐𑐷𑐎𑐬𑐞𑐫𑐵 𑐥𑑂𑐬𑐠𑐩 𑐔𑐬𑐞𑐫𑑂 𑐨𑐵𑐬𑐟𑐷𑐫 𑐨𑐵𑐲𑐵𑐫𑑂 𑐳𑑂𑐠𑐵𑐣𑐷𑐫 𑐬𑐸𑐥𑑄 𑐱𑐶𑐮𑐵𑐮𑐾𑐏 𑐡𑐫𑐾𑐎𑐹𑐐𑐸 𑐏𑑅। 𑐣𑐶𑐐𑐹𑐐𑐸 𑐔𑐬𑐞𑐫𑑂 𑐳𑑂𑐠𑐵𑐣𑐷𑐫 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵𑐮𑐷 𑐨𑐵𑐲𑐵𑐟 𑐔𑑂𑐰𑐫𑐾𑐐𑐸 𑐣𑐶𑑄𑐟𑐶𑑄 𑐮𑐶𑐥𑐶𑐫𑐵 𑐕𑑂𑐫𑐮𑐵𑐧𑐸𑐮𑐵 𑐫𑐵𑑅𑐐𑐸 𑐏𑑅। 𑐳𑑂𑐰𑑄𑐐𑐹𑐐𑐸 𑐔𑐬𑐞𑐫𑑂 𑐮𑐶𑐥𑐶𑐫𑐵 𑐳𑑂𑐠𑐵𑐣𑐷𑐫 𑐳𑑂𑐰𑐬𑐸𑐥𑐫𑐵 𑐰𑐶𑐎𑐵𑐳 𑐖𑐸𑐮। 𑑘𑐐𑐸 𑐱𑐟𑐵𑐧𑑂𑐡𑐷 𑐟𑐎𑑂𑐎 𑐮𑐶𑐥𑐶 𑐰𑐶𑐔𑐮𑐣 𑐖𑐸𑐫𑐵 𑐎𑑂𑐲𑐾𑐟𑑂𑐬𑐷𑐫 𑐮𑐶𑐥𑐶𑐂 𑐧𑑂𑐰𑐠𑐮𑐵 𑐰𑐣। [२९]

𑐁𑐂𑐳𑐵𑐎 𑐟𑐾𑐮𑐬𑑄 𑐧𑐫𑑂𑐧𑐵𑐫𑐶𑐣 𑑘𑐐𑐸 𑐱𑐟𑐵𑐧𑑂𑐡𑐷 𑐳𑑂𑐰𑐫𑐵 𑐕𑐸𑑄 𑐃 𑐣𑑂𑐴𑑂𑐫𑑅 𑐧𑑄𑐐𑐵𑐮𑐫𑐵 𑐟𑐚𑑄 𑐦𑐶𑐮𑐶𑐥𑐶𑐣𑑂𑐳𑐫𑑂 𑐡𑐸𑐴𑐵𑑄 𑐰𑑅𑐐𑐸 𑐏 𑐢𑐿𑐐𑐸 𑐥𑑂𑐬𑐩𑐵𑐞𑐶𑐟 𑐫𑐵𑐫𑐾𑐐𑐸 𑐎𑐸𑐟𑑅 𑐫𑐵𑐣𑐵𑐡𑐷𑐐𑐸 𑐡𑐸। 𑐠𑐣𑑂𑐫𑐵𑐐𑐸 𑐳𑑂𑐰𑐵𑐥𑐹 𑐎𑑂𑐫𑐣𑐾𑐐𑐸 𑐎𑐸𑐟𑑅𑐫𑐵 𑐗𑑂𑐰𑐮𑐫𑑂 𑐟𑐾𑐮𑐬𑑄 𑐎𑐶𑐳𑑂𑐟𑐣𑐵 𑐰 𑐁𑐳𑐵𑐩𑐫𑐵 𑐁𑐏𑑅 𑐐𑐠𑐾𑐎𑐶 g, k, ng, t, m, h, 𑐰 u 𑐫𑐵 𑐐𑑂𑐬𑐵𑐦𑐶𑐎 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐣𑑂𑐴𑑂𑐫𑐧𑑂𑐰𑐫𑐵𑐡𑐶𑐮, 𑐐𑐸𑐐𑐸 𑐧𑐫𑑂𑐧𑐵𑐫𑐶𑐣 𑐫𑐵 𑐳𑐩𑐵𑐣 𑐳𑑅𑐫𑐵 𑐁𑐏𑑅 𑐠𑐾𑑄 𑐔𑑂𑐰𑑄। 𑐦𑑂𑐮𑐾𑐔𑐬 𑐐𑐵𑐬𑑂𑐜𑐣𑐬𑑄 𑐟𑐬𑑂𑐎 𑐧𑐶𑐫𑐵𑐡𑐷𑐐𑐸 𑐡𑐸 𑐎𑐶 𑐦𑐶𑐮𑐶𑐥𑐶𑐣 𑐮𑐶𑐥𑐶𑐂 𑐧𑑂𑐬𑐵𑐴𑑂𑐩𑐷 𑐮𑐶𑐥𑐶 𑐣𑐵𑐥 "𑐟𑐳𑐎𑑄 𑐟𑑅𑐢𑑄𑐐𑐸 𑐳𑐩𑐵𑐣𑐟𑐵" 𑐡𑐸, 𑐐𑐸𑐎𑐶𑐫𑐵𑐟 𑐟𑐶𑐊𑐔 𑐥𑐵𑐬𑑂𑐡𑑀 𑐡𑐾 𑐟𑐵𑐰𑐾𑐬𑐵 𑐣𑑄 𑐳𑐩𑐬𑑂𑐠𑐣 𑐫𑐵𑐣𑐵𑐡𑐶𑐮। 𑐎𑑂𑐬𑐶𑐳𑑂𑐚𑑀𑐦𑐬 𑐩𑐶𑐮𑐬𑐫𑐵 𑐎𑐠𑑄, 𑐧𑐫𑑂𑐧𑐵𑐫𑐶𑐣 𑐀𑐣𑑂𑐟𑐟𑑅 𑐐𑐸𑐖𑐬𑐵𑐟𑐷 𑐮𑐶𑐥𑐶𑐫𑐵 𑐩𑐹𑐮𑐫𑐵 𑐖𑐸𑐂𑐐𑐸 𑐏𑑃𑐫𑐵 𑐣𑐶𑑄𑐟𑐶𑑄 𑐡𑐳𑐶 𑐧𑐮𑑂𑐮𑐵𑑅𑐐𑐸 𑐏𑐣𑐾𑐡𑐸।

𑐎𑐵𑐰𑐷

[सम्पादन]

right|thumb| 𑐡 𑐮𑐐𑐸𑐣𑐵 𑐎𑐥𑐬𑐥𑑂𑐮𑐾𑐚 𑐱𑐶𑐮𑐵𑐮𑐾𑐏। 𑐎𑐵𑐰𑐷 𑐮𑐶𑐥𑐶𑐫𑐵 𑐄𑐟𑑂𑐥𑐟𑑂𑐟𑐶 𑐖𑐵𑐨𑐵𑐫𑑂 𑐖𑐸𑐮। 𑐠𑑂𑐰 𑐮𑐶𑐥𑐶 𑐥𑐮𑑂𑐮𑐰 𑐮𑐶𑐥𑐶𑑄 𑐰𑑅𑐐𑐸 𑐏 [२५] 𑐰 𑐠𑑂𑐰 𑐮𑐶𑐥𑐶 𑐳𑐩𑐸𑐡𑑂𑐬𑐷 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵𑐫𑐵 𑐫𑐎𑑂𑐰 𑐠𑐵𑐳𑐫𑑂 𑐕𑑂𑐫𑐾𑐮𑐵𑐟𑑅𑐐𑐸 𑐡𑐸। 𑐮𑐐𑐸𑐣𑐵 𑐎𑐥𑐬𑐥𑑂𑐮𑐾𑐚 𑐱𑐶𑐮𑐵𑐮𑐾𑐏 𑐦𑐶𑐮𑐶𑐥𑐶𑐣𑑂𑐳𑐫𑑂 𑐮𑐸𑐫𑐵𑐰𑑅𑐐𑐸 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐖𑑂𑐘𑐵𑐟 𑐮𑐶𑐏𑐶𑐟 𑐡𑐳𑑂𑐟𑐵𑐰𑐾𑐖 𑐏। 𑐠𑑂𑐰 𑐕𑐐𑐹 𑐰𑐿𑐢𑐵𑐣𑐶𑐎 𑐡𑐳𑐶𑑄 𑐏𑑅 𑐐𑐸𑐎𑐷 𑐱𑐎 𑐳𑐩𑑂𑐧𑐟 𑑘𑑒𑑒 𑐫𑐵 𑐀𑑄𑐎𑐶𑐟 𑐟𑐶𑐠𑐶 𑐡𑐸, 𑐐𑐸𑐐𑐸 𑐃. 𑑒𑑑 𑐀𑐥𑑂𑐬𑐶𑐮 𑑙𑑐𑑐 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐡𑐶𑑄 𑐏। 𑐠𑑂𑐰 𑐎𑐵𑐰𑐷 𑐮𑐶𑐥𑐶𑐂 𑐥𑐸𑐮𑐵𑑄𑐐𑐸 𑐩𑐮𑐫 𑐨𑐵𑐳𑐫𑑂 𑐔𑑂𑐰𑐫𑐵𑐟𑑅𑐐𑐸 𑐏 𑐐𑐸𑐎𑐶𑐮𑐶 𑐳𑑄𑐳𑑂𑐎𑐺𑐟𑐫𑐵 𑐫𑐎𑑂𑐰 𑐟𑑂𑐫𑐵𑑅-𑐏𑑃𑐐𑑂𑐰𑑅 𑐰 𑐕𑐸𑑄 𑐐𑐿𑐬-𑐩𑐮𑐫 𑐏𑑃𑐐𑑂𑐰𑑅𑐫𑐵 𑐟𑐟𑑂𑐟𑑂𑐰 𑐡𑐸 𑐐𑐸𑐎𑐶𑐫𑐵 𑐳𑑂𑐬𑑀𑐟 𑐥𑐸𑐮𑐵𑑄𑐐𑐸 𑐖𑐵𑐨𑐵 𑐰 𑐥𑐸𑐮𑐵𑑄𑐐𑐸 𑐟𑐵𑐐𑐵𑐮𑑀𑐐 𑐡𑐠𑐸𑐂 𑐀𑐳𑑂𑐥𑐲𑑂𑐚 𑐡𑐸। 𑐎𑐵𑐰𑐷 𑐮𑐶𑐥𑐶𑐫𑐵 𑐣𑐶𑐐𑐸𑐐𑐸 𑐡𑐳𑐸 𑐧𑐸𑐚𑐸𑐁𑐣 𑐁𑐂𑐨𑐬𑐷 𑐳𑐷𑐮𑐫𑑂 𑐏𑐣𑐾 𑐡𑐸। 𑐠𑑂𑐰 𑐡𑐳𑐸 𑐳𑐣𑑂 𑑑𑑙𑑗𑑐𑐫𑐵 𑐡𑐱𑐎𑐫𑑂 𑐮𑐸𑐫𑐵𑐰𑑅𑐐𑐸 𑐰 𑑙𑐐𑐸 𑐰 𑑑𑑒𑐐𑐸 𑐱𑐟𑐵𑐧𑑂𑐡𑐷𑐫𑐵 𑐡𑐠𑐸𑐂 𑐖𑐹𑐐𑐸 𑐡𑐫𑐾𑐎𑐹𑐐𑐸 𑐏। 𑐠𑑂𑐰 𑐕𑐐𑐹 𑐥𑑂𑐬𑐵𑐔𑐷𑐣 𑐕𑐵𑐥 𑐏𑑅 𑐐𑐸𑐎𑐶 𑐧𑐸𑐟𑐸𑐁𑐣𑐫𑐵 𑐕𑐐𑐹 𑐥𑐸𑐬𑐵𑐟𑐵𑐟𑑂𑐰𑐶𑐎 𑐠𑐵𑐳𑐫𑑂 𑐮𑐸𑐫𑐵𑐰𑑅𑐐𑐸 𑐏𑑅। 𑐠𑐸𑐐𑐸 𑐳𑐶𑐮𑐫𑐵𑐟 𑐬𑐵𑐲𑑂𑐚𑑂𑐬𑐶𑐫 𑐳𑐵𑑄𑐳𑑂𑐎𑐺𑐟𑐶𑐎 𑐣𑐶𑐢𑐶 𑐑𑑀𑐲𑐞𑐵 𑐫𑐵𑑅𑐐𑐸 𑐡𑐸 । 𑐳𑐷𑐮𑐫𑑂 𑐱𑐿𑐮𑐷𑐧𑐡𑑂𑐢 𑐎𑐵𑐰𑐷 𑐨𑐵𑐳𑑄 𑐧𑐸𑐟𑐰𑐣 𑐏𑑃𑐐𑑂𑐰𑑅 𑐔𑑂𑐰𑐫𑐵𑐟𑑅𑐐𑐸 𑐡𑐸। 𑐁𑑅 𑐠𑑂𑐰 𑐁𑐂𑐨𑐬𑐷 𑐳𑐷𑐮 𑐦𑐶𑐮𑐶𑐥𑐶𑐣𑑂𑐳𑐫𑐵 𑐬𑐵𑐲𑑂𑐚𑑂𑐬𑐶𑐫 𑐳𑑄𑐐𑑂𑐬𑐴𑐵𑐮𑐫𑐫𑑂 𑐟𑐫𑐵𑐟𑑅𑐐𑐸 𑐡𑐸 । [३०] 𑐀𑐠𑐾 𑐖𑐹𑐐𑐸𑐮𑐶𑑄 𑐕𑐐𑐹 𑐥𑐬𑐶𑐎𑐮𑑂𑐥𑐣𑐵𑑄 𑐎𑐵𑐰𑐷 𑐦𑐶𑐮𑐶𑐥𑐶𑐣𑑂𑐳𑐫𑑂 𑐔𑑂𑐰𑐖𑑂𑐫𑐵𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐥𑑂𑐬𑐩𑐵𑐞𑐶𑐎𑐬𑐞 𑐖𑐹𑐐𑐸𑐮𑐶𑑄, 𑐀𑐮𑐾 𑐧𑐫𑑂𑐧𑐵𑐫𑐶𑐣 𑐎𑐵𑐰𑐷𑐥𑐵𑐏𑐾𑑄 𑐰𑑅𑐐𑐸 𑐖𑐸𑐂𑐦𑐹𑐐𑐸 𑐏𑑃 𑐎𑐣𑐶।

𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷 𑐮𑐶𑐥𑐶

[सम्पादन]

𑐜𑐾𑐨𑐶𑐜 𑐜𑐶𑐬𑐶𑐣𑑂𑐖𑐬𑑄 𑐩𑐮𑐾𑐫 𑐡𑑂𑐰𑐷𑐥𑐳𑐩𑐹𑐴𑐫𑐵 𑐮𑐶𑐥𑐶𑐫𑐵 𑐄𑐟𑑂𑐥𑐟𑑂𑐟𑐶 𑐨𑐵𑐬𑐟𑐫𑑂 𑐖𑐹𑐐𑐸 𑐩𑐟𑐫𑐵𑐟 𑐳𑑂𑐰𑐷𑐎𑐵𑐬 𑐫𑐵𑐳𑐾𑑄 𑐔𑑂𑐰𑐫𑐵𑐡𑐶𑐮 𑐎𑐶 𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷 𑐮𑐶𑐥𑐶 𑐎𑐵𑐰𑐷 𑐮𑐶𑐥𑐶𑐥𑐵𑐏𑐾𑑄 𑐰𑑅𑐐𑐸 𑐏, 𑐳𑐩𑑂𑐨𑐰𑐟𑑅 𑐳𑐸𑐩𑐵𑐟𑑂𑐬𑐵𑐫𑐵 𑐧𑐵𑐟𑐵𑐎 𑐮𑐶𑐥𑐶𑐫𑐵 𑐩𑐵𑐢𑑂𑐫𑐩𑑄 । 𑐦𑐶𑐮𑐶𑐥𑐶𑐣 𑐮𑐶𑐥𑐶, 𑐜𑐶𑐬𑐶𑐣𑑂𑐖𑐬𑐫𑐵 𑐎𑐠𑑄, 𑐳𑐩𑑂𑐨𑐰𑐟𑑅 𑐳𑐸𑐮𑐵𑐰𑐾𑐳𑐷𑐂 𑐧𑐸𑐐𑐶𑐣𑐷𑐖 𑐁𑐏𑑅𑐫𑐵 𑐩𑐵𑐢𑑂𑐫𑐩𑑄 𑐦𑐶𑐮𑐶𑐥𑐶𑐣𑑂𑐳𑐫𑑂 𑐴𑑅𑐐𑐸 𑐏। [२५] 𑐳𑑂𑐎𑐚𑐫𑐵 𑐎𑐠𑑄, baybayin '𑐫𑐵 𑐟𑐟𑑂𑐎𑐵𑐮 𑐥𑐸𑐬𑑂𑐏𑐵 𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷 𑐮𑐶𑐥𑐶 𑐖𑐹𑐐𑐸𑐫𑐵 𑐟𑐳𑐎𑑄 𑐟𑑅𑐢𑑄𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸 𑐰 𑐳𑐩𑑂𑐨𑐰𑐟𑑅 𑐥𑐸𑐮𑐵𑑄𑐐𑐸 𑐩𑐎𑐵𑐳𑑂𑐳𑐬 𑐰𑐵 𑐳𑐩𑐵𑐣 𑐮𑐶𑐥𑐶 𑐠𑑂𑐰 𑐮𑐶𑐥𑐶𑐫𑐵 𑐣𑐶𑐎𑐚 𑐥𑐸𑐬𑑂𑐏𑐵 𑐏। 𑐠𑑂𑐰 𑐏𑑃 baybayin 𑐮𑐶𑐥𑐶𑐂 𑐮𑐶𑐥𑐵𑑄𑐐𑐸 𑐰𑑂𑐫𑑄𑐖𑐣 𑐧𑐵𑐫𑑂 𑐳𑑂𑐰𑐬 𑐬𑐡𑑂𑐡 𑐫𑐵𑐂𑐐𑐸 𑐔𑐶𑑄 𑐩𑐡𑐸𑐐𑐸𑐮𑐶𑑄 𑐁𑐢𑐵𑐬𑐶𑐟 𑐖𑐹𑐐𑐸 𑐏𑑅। 𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷 𑐨𑐵𑐲𑐵𑐫𑑂 𑐳𑐶𑐮𑐾𑐧𑐮-𑐀𑐣𑑂𑐟𑐶𑐩 𑐰𑑂𑐫𑑄𑐖𑐣𑐫𑐵 𑐣𑐶𑐱𑑂𑐔𑐶𑐟 𑐢𑐮𑑅 𑐡𑐸 𑐰 𑐧𑐸𑐐𑐷 𑐰 𑐩𑐎𑐵𑐳𑐬 𑐮𑐶𑐥𑐶𑐂 𑐠𑐸𑐎𑐶𑐫𑐵𑐟 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐂𑐩𑐏𑐸। baybayin 𑐮𑐶𑐥𑐶𑐂 𑐮𑐶𑐥𑐵𑑄𑐐𑐸 𑐰𑑂𑐫𑑄𑐖𑐣 𑐔𑐶𑑄 𑐩𑐡𑐸𑐐𑐸𑐫𑐵 𑐡𑐎𑐮𑐫𑑂 𑐳𑐩𑑂𑐨𑐵𑐰𑐶𑐟 𑐰𑑂𑐫𑐵𑐏𑑂𑐫𑐵 𑐠𑐸𑐎𑐶𑐫𑐵 𑐥𑑂𑐬𑐟𑑂𑐫𑐎𑑂𑐲 𑐥𑐸𑐬𑑂𑐏𑐵 𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷 𑐮𑐶𑐥𑐶 𑐖𑐸𑐐𑐸𑐮𑐶𑑄 𑐖𑐸𑐂𑐦𑐹𑐐𑐸 𑐢𑐿𑐐𑐸 𑐕𑐸𑑄 𑐰𑐶𑐖𑑂𑐘𑐟𑐾𑐐𑐸 𑐩𑐟 𑐡𑐸। 𑐳𑐸𑐮𑐵𑐰𑐾𑐳𑐷 𑐦𑐶𑐮𑐶𑐥𑐶𑐣𑑂𑐳𑐫𑐵 𑐥𑑂𑐬𑐟𑑂𑐫𑐎𑑂𑐲 𑐡𑐎𑑂𑐲𑐶𑐞𑐫𑑂 𑐮𑐵 𑐰 𑐣𑐶𑐐𑐸 𑐡𑐾𑐫𑑂 𑐡𑐠𑐸𑐂 𑐰𑑂𑐫𑐵𑐥𑐵𑐬𑐶𑐎 𑐩𑐵𑐬𑑂𑐐𑐫𑐵 𑐥𑑂𑐬𑐩𑐵𑐞 𑐡𑐸। 𑐧𑐸𑐐𑐶𑐳-𑐩𑐎𑐵𑐳𑑂𑐳𑐬 𑐮𑐶𑐥𑐶 𑐡𑐎𑑂𑐲𑐶𑐞 𑐳𑐸𑐮𑐵𑐰𑐾𑐳𑐷𑐂 𑐃. 𑑑𑑔𑑐𑑐 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐩𑐏𑐸𑐐𑐸𑐮𑐶𑑄 𑐧𑐫𑑂𑐧𑐵𑐫𑐶𑐣 𑑑𑑕𑐐𑐹 𑐱𑐟𑐵𑐧𑑂𑐡𑐷 𑐢𑐸𑑄𑐎𑐵 𑐦𑐶𑐮𑐶𑐥𑐶𑐣𑑂𑐳𑐫𑑂 𑐰𑐶𑐎𑐵𑐳 𑐖𑐹𑐐𑐸 𑐖𑐸𑐂𑐩𑐵𑑅 𑐢𑐿𑐐𑐸 𑐢𑐵𑐬𑐞𑐵 𑐡𑐸।

𑐔𑐵𑐩 𑐮𑐶𑐥𑐶

[सम्पादन]

right|thumb| 𑐥𑐹𑐬𑑂𑐰𑐷 𑐔𑐵𑐩 𑐮𑐶𑐥𑐶 𑐧𑐫𑑂𑐧𑐵𑐫𑐶𑐣 𑐦𑐶𑐮𑐶𑐥𑐶𑐣𑑂𑐳𑐫𑑂 𑐳𑐩𑐸𑐡𑑂𑐬𑐳𑑄 𑐔𑐩𑑂𑐥𑐵 𑐬𑐵𑐖𑑂𑐫 𑐖𑐸𑐫𑐵 𑐰𑑅𑐐𑐸 𑐖𑐸𑐂𑐦𑐸। 𑐖𑐾𑐦 𑐰𑐾𑐡 (Geoff Wade) 𑐎𑐠𑑄 𑐧𑐫𑑂𑐧𑐵𑐫𑐶𑐣 𑐁𑐏𑑅 "𑐐", "𑐒", "𑐥", "𑐩", "𑐫" 𑐰 "𑐳"𑐟𑐾𑐟 𑐨𑐵𑐬𑐟𑐷𑐫 𑐁𑐏𑑅 𑐳𑑂𑐰𑐫𑐵 𑐣𑑄 𑐔𑐵𑐩 𑐁𑐏𑑅 𑐣𑐵𑐥 𑐳𑑂𑐰𑐵𑐣𑐵 𑐠𑐸𑐂𑐎𑐾𑐕𑐶𑑄। 𑐰𑐾𑐡 (Wade) 𑐎𑐠𑑄 𑐧𑐫𑑂𑐧𑐵𑐫𑐶𑐣 𑐮𑐶𑐥𑐶𑐫𑐵 𑐎𑐵𑐰𑐷 𑐮𑐶𑐥𑐶 𑐳𑑂𑐰𑐫𑐵 𑐣𑑄 𑐩𑐾𑐩𑐾𑐐𑐸 𑐡𑐎𑑂𑐲𑐶𑐞 𑐊𑐳𑐶𑐫𑐵𑐩𑐶 𑐮𑐶𑐥𑐶𑐣𑐵𑐥 𑐣𑐵𑐥𑑄𑐫𑐵 𑐳𑑂𑐰𑐵𑐥𑐹 𑐡𑐸। 𑐰𑐾𑐡𑐫𑐵 𑐎𑐠𑑄 𑐮𑐐𑐸𑐣𑐵 𑐟𑐵𑐩𑑂𑐬𑐥𑐟𑑂𑐬 𑐔𑑂𑐰𑐏𑑃 (Laguna Copperplate Inscription)𑐫𑐵 𑐁𑐢𑐵𑐬𑐫𑑂 𑐣𑐶𑐱𑑂𑐔𑐶𑐟 𑐎𑐠𑑄 𑐎𑐵𑐰𑐷 𑐮𑐶𑐥𑐶𑑄 𑐧𑐫𑑂𑐧𑐵𑐫𑐶𑐣 𑐧𑐸𑐫𑐵𑐰𑑅𑐐𑐸 𑐢𑐵𑐫𑐾𑐩𑐕𑐶𑑄 𑐕𑐵𑐫𑑂𑐢𑐵𑑅𑐳𑐵 𑐠𑑂𑐰 𑐟𑐵𑐩𑑂𑐬𑐥𑐟𑑂𑐬𑐫𑑂 𑐧𑐫𑑂𑐧𑐵𑐫𑐶𑐣𑐫𑑂 𑐩𑐡𑐹𑐐𑐸 𑐮𑐶𑐥𑐵𑑄𑐐𑐸 𑐧𑐵𑐁𑐏𑑅 𑐏𑐣𑐾𑐡𑐸 𑐐𑐸𑐎𑐶 𑐧𑐫𑑂𑐧𑐵𑐫𑐶𑐣𑐫𑑂 𑐢𑐵𑑅𑐳 𑐩𑐡𑐸।[३१]

𑐠𑑂𑐰 𑐣𑑄 𑐳𑑂𑐰𑐫𑐵𑐡𑐶𑐳𑑃

[सम्पादन]
  • 𑐦𑐶𑐮𑐶𑐥𑐶𑐣𑑀 𑐀𑐬𑑂𑐠𑑀𑐐𑑂𑐬𑐵𑐦𑐷
    • 𑐳𑐸𑐫𑐵𑐟
      • 𑐧𑐸𑐴𑐶𑐡 𑐮𑐶𑐥𑐶
      • 𑐴𑐣𑐸𑐣𑑀𑐌 𑐮𑐶𑐥𑐶
      • 𑐟𑐵𑐐𑐧𑑄𑐰𑐵 𑐮𑐶𑐥𑐶
      • 𑐎𑐸𑐮𑐶𑐟𑐵𑐣
      • 𑐧𑐳𑐵𑐴𑑄
  • 𑐎𑐵𑐰𑐷
    • 𑐮𑐐𑐸𑐣𑐵 𑐳𑐶𑐖𑑅𑐥𑐟𑑂𑐬 𑐱𑐶𑐮𑐵𑐮𑐾𑐏
    • 𑐧𑐸𑐚𑐸𑐁𑐣 𑐳𑐶𑐮𑑂𑐨𑐬 𑐥𑐵𑐮𑐶𑐌𑐐𑑂𑐬𑐵𑐦
    • 𑐧𑐸𑐟𑐸𑐁𑐣 𑐁𑐂𑐨𑐬𑐷 𑐳𑐷𑐮

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹

[सम्पादन]

𑐣𑑀𑐚

[सम्पादन]

𑐮𑐶𑐢𑑄𑐳𑐵

[सम्पादन]

𑐥𑐸𑐔𑑅:𑐦𑐶𑐮𑐶𑐥𑐶𑐣𑑂𑐳 𑐥𑐸𑐔𑑅:𑐮𑐶𑐥𑐶

  1. ↑ Morrow, Paul (7 April 2011). Baybayin Styles & Their Sources.
  2. ↑ Borrinaga, Rolando O. (22 September 2010). In Focus: The Mystery of the Ancient Inscription (An Article on the Calatagan Pot).
  3. ↑ Template:Webarchive
  4. ↑ The Decline of the Baybayin Script During the Early Spanish Period and the Spanish Effort for its Preservation (1593-1703).
  5. ↑ Cite error: Invalid <ref> tag; no text was provided for refs named artedelalengatagalog
  6. ↑ Brennan, Fredrick R. (18 Jul 2018). The baybayin "ra"—ᜍ its origins and a plea for its formal recognition.
  7. ↑ UST Archives.
  8. ↑ Lao, Levine. "UST Collection of Ancient Scripts in 'Baybayin' Syllabary Shown to Public", 2012-01-15.
  9. ↑ Kabuay, Kristian (2012-01-16). UST Baybayin Collection Shown to Public.
  10. ↑ Admin, HAPI (2022-08-17). Baybayin: How This Ancient Pinoy Script's Legacy Lives On.
  11. ↑ chloe (2024-08-26). The Art of Filipino Baybayin Script: History, Revival, and Cultural Importance.
  12. ↑ Camba, Allan (2021). "Baybayin: The Role of a Written Language in the Cultural Identity and Socio-Psychological Well-Being of Filipinos". 
  13. ↑ House of Representatives Press Releases.
  14. ↑ San Buenaventura, Pedro (1613). Vocabulario de Lengua Tagala.
  15. ↑ TopTen.ph (2017-08-28). Top 10 Samples of old writings in the Philippines.
  16. ↑ Lisboa, Maŕcos de, "Vocabulario de la Lengua Bicol", Vocabulario de la Lengua Bicol
  17. ↑ Morrow, Paul. Baybayin - The Ancient Script of the Philippines.
  18. ↑ Halili 2004.
  19. ↑ Duka 2008.
  20. 1 2 Morrow, Paul (2002). Baybayin: The Ancient Script of the Philippines.
  21. ↑ de los Santos, Norman (2015), "Philippine Indigenous Writing Systems in the Modern World"
  22. ↑ Acharya, Amitav (n.d.), The "Indianization of Southeast Asia" Revisited: Initiative, Adaptation and Transformation in Classical Civilizations, <http://www.amitavacharya.com/sites/default/files/Indianisation%20of%20Southeast%20Asia%20Revisited.pdf>. Retrieved on ३ अप्रिल २०१८
  23. ↑ Coedes, George (1967). The Indianized States of Southeast Asia.
  24. ↑ Sagar 2002.
  25. 1 2 3 4 Diringer 1948.
  26. ↑ Lukas, Helmut (n.d.), Theories of Indianization Exemplified by Selected Case Studies from Indonesia (Insular Southeast Asia), <https://www.academia.edu/4803585>
  27. ↑ Krom, N.J. (1927). Barabudur, Archeological Description.
  28. ↑ Smith, Monica L. (1999). ""Indianization" from the Indian Point of View: Trade and Cultural Contacts with Southeast Asia in the Early First Millennium C.E". 
  29. ↑ Court, Christopher (1996). The World's Writing Systems.
  30. ↑ Butuan Ivory Seal.
  31. ↑ "On the Possible Cham Origin of the Philippine Scripts". 
Retrieved from "https://new.wikipedia.org/w/index.php?title=छ्येलेमि:Eukesh/Auto/NepalScript/बय्बायिन_लिपि&oldid=1006620"