छ्येलेमि:Eukesh/Auto/NepalScript/फारसी भाषा

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

An Old Persian

Middle Persian

Ferdowsi

𑐦𑐵𑐬𑐳𑐷
فارسی, دری, تاجیکی
𑐠𑑅𑐐𑐸 𑐮𑐶𑐥𑐶 (𑐣𑐳𑑂𑐟𑐮𑐶𑐎 𑐮𑐶𑐥𑐶𑐂) 𑐦𑐵𑐬𑐳𑐷
उच्चारण	[fɒːɾˈsiː]
मू भाषी जनसंख्या	Iran Afghanistan Tajikistan Uzbekistan Iraq Turkey UAE Qatar Pakistan Kuwait Bahrain Oman
Region	𑐥𑐱𑑂𑐔𑐶𑐩 𑐊𑐳𑐶𑐫𑐵, 𑐩𑐢𑑂𑐫 𑐊𑐳𑐶𑐫𑐵
भाषा परिवार	भारोपेली भाषा परिवार Indo-Iranian Iranian Western Iranian Southwestern Iranian 𑐦𑐵𑐬𑐳𑐷
भाषिका	Iranian Persian (pes) Afghan Persian (prs) Tajik Persian (tgk) Bukharic (bhh) Pahlavani (phv) Hazaragi (haz) Aimaq (aiq) Dzhidi (jpr) Dehwari (deh)
लिपि	𑐦𑐵𑐬𑐳𑐷 𑐮𑐶𑐥𑐶 (𑐀𑐬𑐧𑐷 𑐮𑐶𑐥𑐶) 𑐳𑐶𑐬𑐶𑐮𑐶𑐎 𑐮𑐶𑐥𑐶 (𑐟𑐵𑐖𑐶𑐎𑐶𑐳𑑂𑐟𑐵𑐣)
आधिकारिक अवस्था
आधिकारिक मान्यता	Template:IRN Template:AFG Template:TJK
भाषा नियमन संस्था	Academy of Persian Language and Literature (Iran)
भाषा कोड
ISO 639-1	fa
ISO 639-2	per (B) fas (T)
ISO 639-3	fas – inclusive code Individual codes: pes – Western Persian prs – Eastern Persian tgk – Tajiki aiq – Aimaq bhh – Bukharic haz – Hazaragi jpr – Dzhidi phv – Pahlavani deh – Dehwari

𑐦𑐵𑐬𑐳𑐷 𑐨𑐵𑐲𑐵 𑐰𑐵 𑐥𑐵𑐬𑐳𑐷 𑐨𑐵𑐲𑐵 𑐴𑐮𑐶𑐩𑐫𑐵 𑐕𑐐𑐹 𑐩𑐹 𑐨𑐵𑐲𑐵 𑐏। 𑐠𑑂𑐰 𑐨𑐵𑐳𑐵 𑐂𑑄𑐡𑑀-𑐫𑐸𑐬𑑀𑐥𑐶𑐫𑐣 𑐨𑐵𑐲𑐵 𑐥𑐬𑐶𑐰𑐵𑐬𑐫𑐵 𑐂𑐣𑑂𑐡𑑀-𑐂𑐬𑐵𑐣𑐷 𑐱𑐵𑐏𑐵𑐫𑐵 𑐂𑐬𑐵𑐣𑐷 𑐎𑐔𑐵𑐫𑐵 𑐥𑐱𑑂𑐔𑐶𑐩𑐷 𑐂𑐬𑐵𑐣𑐷 𑐨𑐵𑐲𑐵𑐫𑑂 𑐕𑐐𑐹 𑐏। 𑐠𑑂𑐰 𑐨𑐵𑐲𑐵 𑐂𑐬𑐵𑐣, 𑐀𑐦𑐐𑐵𑐣𑐶𑐳𑑂𑐟𑐵𑐣, 𑐟𑐵𑐖𑐶𑐎𑐶𑐳𑑂𑐟𑐵𑐣, 𑐄𑐖𑑂𑐧𑐾𑐎𑐶𑐳𑑂𑐟𑐵𑐣, 𑐥𑐵𑐎𑐶𑐳𑑂𑐟𑐵𑐣, 𑐂𑐬𑐵𑐎, 𑐟𑐸𑐬𑑂𑐎𑐩𑐾𑐣𑐶𑐳𑑂𑐟𑐵𑐣, 𑐀𑐖𑐬𑐧𑐿𑐖𑐵𑐣 𑐁𑐡𑐶 𑐡𑐾𑐳𑐫𑑂 𑐮𑑂𑐴𑐵𑐂𑐐𑐸 𑐫𑐵। 𑐦𑐵𑐬𑐳𑐷 𑐕𑐐𑐹 𑐧𑐴𑐸-𑐎𑐾𑐣𑑂𑐡𑑂𑐬𑐶𑐫 𑐨𑐵𑐲𑐵 𑐏 𑐰 𑐠𑐷-𑐠𑐷 𑐨𑐵𑐳𑐶𑐎𑐵𑐟𑐾𑐟 𑐠𑐷𑐠𑐷 𑐠𑐵𑐳𑐫𑑂 𑐎𑐾𑐣𑑂𑐡𑑂𑐬𑐶𑐫 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐕𑑂𑐫𑐮𑐷𑐐𑐸 𑐫𑐵। 𑐂𑐬𑐵𑐣, 𑐟𑐵𑐖𑐶𑐎𑐶𑐳𑑂𑐟𑐵𑐣 𑐰 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑐠𑑂𑐰 𑐨𑐵𑐲𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐏। 𑐠𑑂𑐰 𑐨𑐵𑐲𑐵 𑐂𑐬𑐵𑐣 𑐰 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑐦𑐵𑐬𑐳𑐷 𑐁𑐏𑐮𑐫𑑂 𑐔𑑂𑐰𑐂𑐐𑐸 𑐫𑐵𑐂, 𑐠𑑂𑐰 𑐁𑐏𑑅𑐟 𑐀𑐬𑐧𑐷 𑐮𑐶𑐥𑐶𑐫𑐵 𑐁𑐏𑑅 𑐏। 𑐟𑐵𑐖𑐶𑐎𑐶𑐳𑑂𑐟𑐵𑐣 𑐰 𑐄𑐖𑑂𑐧𑐾𑐎𑐶𑐳𑑂𑐟𑐵𑐣𑐫𑑂 𑐠𑑂𑐰 𑐨𑐵𑐲𑐵 𑐟𑐵𑐖𑐶𑐎 𑐰𑐬𑑂𑐞𑐩𑐵𑐮𑐵𑐫𑑂 𑐔𑑂𑐰𑐂𑐐𑐸 𑐫𑐵, 𑐠𑑂𑐰 𑐮𑐶𑐥𑐶 𑐳𑐶𑐬𑐶𑐮𑐶𑐎 𑐮𑐶𑐥𑐶𑐫𑐵 𑐕𑐐𑐹 𑐬𑐸𑐥 𑐏। 𑐦𑐵𑐬𑐳𑐷 𑐨𑐵𑐲𑐵𑐫𑐵𑐟 𑐁𑐢𑐶𑐎𑐵𑐬𑐶𑐎 𑐎𑐠𑑄 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑐡𑐵𑐬𑐷 𑐰 𑐟𑐵𑐖𑐶𑐎𑐶𑐳𑑂𑐟𑐵𑐣𑐫𑑂 𑐟𑐵𑐖𑐶𑐎𑐷 (𑐳𑑀𑐨𑐶𑐫𑐟 𑐎𑐵𑐮 𑐣𑐶𑐳𑐾𑑄) 𑐢𑐵𑐂𑐐𑐸 𑐫𑐵।

𑐦𑐵𑐬𑐳𑐷 𑐨𑐵𑐲𑐵 𑐥𑐸𑐮𑐵𑑄 𑐩𑐢𑑂𑐫 𑐦𑐵𑐬𑐳𑐷 (𑐰𑐵 𑐥𑐴𑐮𑐰𑐷) 𑐨𑐵𑐲𑐵𑑄 𑐧𑐸𑐫𑐵𑐰𑑅𑐐𑐸 𑐨𑐵𑐲𑐵 𑐏। 𑐥𑐴𑐮𑐰𑐷 𑐢𑐵𑑅𑐳 𑐳𑑂𑐰𑐫𑑄 𑐥𑑂𑐬𑐵𑐔𑐷𑐣 𑐦𑐵𑐬𑐳𑐷𑑄 𑐧𑐸𑐫𑐵𑐰𑑅𑐐𑐸 𑐨𑐵𑐲𑐵 𑐏। 𑐠𑑂𑐰 𑐣𑐶𑐟𑐵𑑄 𑐨𑐵𑐲𑐵𑐫𑐵 𑐄𑐟𑑂𑐥𑐟𑑂𑐟𑐶 𑐥𑐵𑐬𑐳𑐫𑐵 𑐥𑑂𑐬𑐵𑐔𑐷𑐣 𑐎𑑂𑐲𑐾𑐟𑑂𑐬𑑄 ( 𑐦𑐵𑐬𑑂𑐳 𑐥𑑂𑐬𑐵𑐣𑑂𑐟, 𑐧𑐸𑐱𑐴𑐬 𑐰 𑐡𑐎𑑂𑐲𑐶𑐞𑐷 𑐂𑐬𑐵𑐣𑐫𑐵 𑐁𑐢𑐸𑐣𑐶𑐎 𑐫𑐖𑑂𑐡𑐫𑐵 𑐡𑐎𑑂𑐲𑐶𑐞)𑐖𑐹𑐐𑐸 𑐏। 𑐥𑑂𑐬𑐵𑐔𑐷𑐣 𑐦𑐵𑐬𑐳𑐷 𑐀𑐔𑐩𑐾𑐣𑐶𑐡 𑐳𑐵𑐩𑑂𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐏, 𑐰 𑐠𑐸𑐎𑐶𑐫𑐵 𑐰𑑄𑐱𑐖, 𑐩𑐢𑑂𑐫 𑐦𑐵𑐬𑐳𑐷, 𑐳𑐳𑐵𑐣𑐶𑐡 𑐳𑐵𑐩𑑂𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐰 𑐢𑐵𑐬𑑂𑐩𑐶𑐎 𑐨𑐵𑐲𑐵 𑐖𑐹𑐰𑐣। 𑐠𑑂𑐰 𑐴𑐾 𑐂𑐮𑐫𑑂 𑐠𑑂𑐰 𑐨𑐵𑐫𑑂 𑐂𑐬𑐵𑐣𑐷 𑐨𑐹𑐩𑐶𑐂 𑐰𑐶𑐳𑑂𑐟𑐵𑐬𑐶𑐟 𑐖𑐸𑐮। 𑐠𑑂𑐰 𑐨𑐵𑐲𑐵𑐫𑐵 𑐰𑐶𑐳𑑂𑐟𑐵𑐬 𑐣𑐵𑐥𑑄 𑐏𑐸𑐬𑐵𑐳𑐵𑐣𑐫𑑂 𑐥𑐵𑐬𑑂𑐠𑐶𑐫𑐣 𑐰 𑐧𑐵𑐮𑑂𑐏𑐷 𑐨𑐵𑐲𑐵, 𑐰 𑐏𑑂𑐰𑐵𑐬𑐖𑑂𑐩 𑐰 𑐦𑐬𑐵𑐬𑐸𑐡𑐫𑑂 𑐏𑑂𑐰𑐵𑐬𑐖𑐩𑐷 𑐰 𑐳𑑀𑐐𑑂𑐡𑐶𑐫𑐣 𑐨𑐵𑐲𑐵𑐫𑐵𑐟 𑐥𑑂𑐬𑐟𑐶𑐳𑑂𑐠𑐵𑐥𑐶𑐟 𑐫𑐵𑐟। 𑐩𑐢𑑂𑐫 𑐦𑐵𑐬𑐳𑐷𑐫𑐵 𑐕𑐐𑐹 𑐨𑐵𑐲𑐶𑐎𑐵, 𑐐𑐸𑐎𑐶𑐫𑐵𑐟 𑐮𑐶𑐥𑐵 𑐡𑐵𑐬𑐷 𑐦𑐵𑐬𑐳𑐷 𑐢𑐫𑐵 𑐩𑑂𑐴𑐳𑐷𑐎𑐮, 𑐂𑐳𑑂𑐮𑐵𑐩 𑐢𑐸𑑄𑐎𑐵 𑐏𑐸𑐬𑐵𑐳𑐵𑐣𑐫𑐵 𑐩𑐹 𑐮𑐶𑐏𑐶𑐟 𑐬𑐸𑐥 𑐖𑐹𑐰𑐣 𑐰 𑐳𑐎𑐮 𑐂𑐬𑐵𑐣𑐫𑑂 𑐰𑐶𑐳𑑂𑐟𑐵𑐬𑐶𑐟 𑐖𑐸𑐮। 𑐮𑐶𑐥𑐵 𑐥𑐸𑐮𑐵𑑄 𑐦𑐵𑐬𑐳𑐷 𑐰 𑐩𑐢𑑂𑐫 𑐦𑐵𑐬𑐳𑐷𑐫𑐵 𑐨𑐵𑐲𑐶𑐎𑐵,𑐡𑐳𑐸 𑐟𑐵𑐧𑐬𑐶𑐳𑑂𑐟𑐵𑐣𑐫𑐵 𑐩𑐵𑐖𑑄𑐡𑐬𑐵𑐣𑐷, ​​𑐖𑐧𑐮𑐫𑐵 𑐄𑐟𑑂𑐟𑐬-𑐥𑐹𑐬𑑂𑐰𑐫𑑂 𑐐𑐶𑐮𑑂𑐎𑐷, 𑐩𑐎𑐬𑐵𑐣𑐫𑑂 𑐧𑐵𑐮𑑀𑐔𑐷, 𑐳𑐶𑐳𑑂𑐟𑐵𑐣𑐫𑐵 𑐡𑐎𑑂𑐲𑐶𑐞𑐫𑑂, 𑐀𑐖𑐬𑐧𑐿𑐖𑐵𑐣 𑐰 𑐎𑐵𑐄𑐎𑐳𑐫𑑂 𑐀𑐖𑐾𑐬𑐷, 𑐮𑑀𑐬𑐾𑐳𑑂𑐟𑐵𑐣𑐫𑑂 𑐮𑑀𑐬𑐷, 𑐎𑑀𑐴𑐐𑐶𑐮𑐸𑐫𑐾𑐴 𑐰 𑐧𑑀𑐫𑐬𑐀𑐴𑐩𑐡, 𑐔𑐵𑐴𑐬𑐩𑐴𑐮 𑐰 𑐧𑐏𑑂𑐟𑐶𑐫𑐵𑐬𑐷, 𑐏𑑀𑐖𑐷 𑐏𑐸𑐖𑐾𑐳𑑂𑐟𑐵𑐣𑐫𑐵 𑐰𑐶𑐎𑐵𑐳 𑐖𑐸𑐮।

𑐡𑐵𑐬𑐷 𑐦𑐵𑐬𑐳𑐷 𑐳𑐎𑐮 𑐂𑐟𑐶𑐴𑐵𑐳𑐫𑑂 𑐥𑐱𑑂𑐔𑐶𑐩𑐷, 𑐩𑐢𑑂𑐫 𑐰 𑐡𑐎𑑂𑐲𑐶𑐞 𑐊𑐱𑐶𑐫𑐵𑐫𑐵 𑐠𑐷𑐠𑐷 𑐩𑐸𑐳𑑂𑐩𑐵𑑄 𑐳𑐵𑐩𑑂𑐬𑐵𑐖𑑂𑐫𑐟𑐾𑐐𑐸 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐥𑑂𑐬𑐟𑐶𑐲𑑂𑐛𑐶𑐟 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐰𑐶𑐎𑐱𑐶𑐟 𑐖𑐸𑐮। 𑐠𑑂𑐰 𑐨𑐵𑐲𑐵𑑄 𑐩𑐾𑐩𑐾𑐐𑐸 𑐖𑐮𑐵𑑅𑐏𑐮𑐵𑑅 𑐨𑐵𑐳𑐫𑑂 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐫𑐾𑐎𑐮। 𑐠𑑂𑐰 𑐨𑐵𑐲𑐵𑐫𑐵 𑐥𑑂𑐬𑐨𑐵𑐰 𑐀𑐣𑑂𑐫 𑐂𑐬𑐵𑐣𑐷 𑐨𑐵𑐲𑐵, 𑐟𑐬𑑂𑐎𑐷𑐱 𑐨𑐵𑐲𑐵𑐟 (𑐰𑐶𑐱𑐾𑐲𑐎𑐬 𑐄𑐖𑑂𑐧𑐾𑐎 𑐰 𑐀𑐖𑐬𑐧𑐿𑐖𑐵𑐣𑐷), 𑐀𑐬𑑂𑐩𑐾𑐣𑐶𑐫𑐣, 𑐖𑐬𑑂𑐖𑐶𑐫𑐣 𑐰 𑐂𑐣𑑂𑐡𑑀-𑐁𑐬𑑂𑐫𑐣 𑐨𑐵𑐲𑐵𑐫𑑂 (𑐰𑐶𑐱𑐾𑐲𑐎𑐬 𑐄𑐬𑑂𑐡𑐹) 𑐏𑐣𑐾𑐡𑐸। 𑐦𑐵𑐬𑐳𑐷𑑄 𑐀𑐬𑐧𑐷 𑐨𑐵𑐲𑐵𑐫𑐵𑐟 𑐣𑑄 𑐥𑑂𑐬𑐨𑐵𑐰𑐶𑐟 𑐫𑐵𑐟 𑐰 𑐠𑑂𑐰 𑐦𑐵𑐬𑐳𑐷𑐂 𑐀𑐬𑐧𑐷 𑐨𑐵𑐲𑐵𑐫𑐵 𑐥𑑂𑐬𑐨𑐵𑐰 𑐣𑑄 𑐏𑐣𑐾𑐡𑐸। 𑐥𑐵𑐬𑐳𑐷 𑐨𑐵𑐲𑐵𑑄 𑐠𑐷-𑐠𑐷 𑐐𑐿𑐴𑑂𑐬 𑐂𑐬𑐵𑐣𑐷 𑐡𑐾𑐳𑐫𑑂 𑐠𑐷𑐠𑐷 𑐂𑐮𑐫𑑂 𑐥𑑂𑐬𑐱𑐵𑐳𑐣𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵𑐫𑐵 𑐬𑐸𑐥𑐫 𑐎𑐵𑐮। 𑐡𑐳𑐸: 𑐀𑐟𑑀𑐩𑐣 𑐳𑐵𑐩𑑂𑐬𑐵𑐖𑑂𑐫𑐫𑑂 𑐀𑐟𑑀𑐩𑐣 𑐌𑐚𑑀𑐩𑐣 𑐟𑐸𑐬𑑂𑐎, 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑐥𑐱𑑂𑐟𑐹𑐣, 𑐰 𑐕𑐸𑑄 𑐳𑐩𑐫𑐫𑐵 𑐣𑐶𑑄𑐟𑐶𑑄 𑐩𑐸𑐳𑑂𑐩𑐵 𑐖𑐸𑐖𑐸𑐟𑐾𑐐𑐸 𑐱𑐵𑐳𑐣𑐫𑑂 𑐨𑐵𑐬𑐟।

𑐳𑐣𑑂 𑑑𑑘𑑗𑑒𑐳 𑐧𑐬𑑂𑐮𑐶𑐣𑐫𑑂 𑐫𑐸𑐬𑑀𑐥𑐶𑐫𑐣 𑐔𑑂𑐰𑐩𑐶 𑐰 𑐨𑐵𑐲𑐵𑐰𑐶𑐡𑐟𑐾𑐐𑐸 𑐧𑐿𑐛𑐎𑐫𑑂 𑐐𑑂𑐬𑐷𑐎, 𑐦𑐵𑐬𑐳𑐷, 𑐮𑑂𑐫𑐵𑐟𑐶𑐣, 𑐰 𑐳𑑄𑐳𑑂𑐎𑐺𑐟 𑐨𑐵𑐲𑐵𑐟𑐾𑐟 𑐴𑐮𑐶𑑄𑐫𑐵 𑐱𑐵𑐳𑑂𑐟𑑂𑐬𑐷𑐫 𑐨𑐵𑐲𑐵𑐫𑐵 𑐬𑐹𑐥𑐫𑑂 𑐣𑐵𑐮𑐵𑐎𑐵𑐮। 𑐠𑑂𑐰 𑐧𑐿𑐛𑐎𑐫𑐵 𑐥𑐬𑐶𑐨𑐵𑐲𑐵𑐫𑐵 𑐁𑐢𑐵𑐬𑐫𑑂 𑐕𑐐𑐹 𑐱𑐵𑐳𑑂𑐟𑑂𑐬𑐷𑐫 𑐨𑐵𑐲𑐵𑐫𑐵 𑐥𑑂𑐬𑐵𑐔𑐷𑐣𑐟𑐵 𑐰 𑐳𑐵𑐴𑐶𑐟𑑂𑐫𑐫𑑂 𑐩𑐾𑑄 𑐳𑐩𑐺𑐡𑑂𑐢 𑐖𑐸𑐂। 𑐦𑐵𑐬𑐳𑐷 𑐳𑐵𑐴𑐶𑐟𑑂𑐫𑐫𑐵 𑐡𑐎𑐮𑐫𑑂 𑐥𑑂𑐬𑐳𑐶𑐡𑑂𑐢 𑐎𑐺𑐟𑐶𑐂 𑐦𑐶𑐬𑐡𑑁𑐳𑐷𑐫𑐵 𑐱𑐵𑐴𑐣𑐵𑐩𑐾, 𑐩𑑁𑐮𑐰𑐷𑐫𑐵 𑐔𑑂𑐰𑐏𑑃, 𑐏𑐫𑑂𑐫𑐵𑐩𑐫𑐵 𑐬𑐸𑐧𑐿𑐫𑐟, 𑐥𑑄𑐖 𑐐𑑄𑐖 𑐣𑐶𑐖𑐵𑐩𑐷 , 𑐴𑐵𑐦𑐾𑐖𑐫𑐵 𑐡𑐷𑐰𑐵𑐣, 𑐀𑐟𑑂𑐟𑐵𑐬 𑐣𑐶𑐱𑐵𑐧𑐸𑐬𑐷𑐫𑐵 𑐮𑐖𑐶𑐎𑐮 𑐀𑐟𑑂𑐟𑐵𑐬 𑐰 𑐳𑐵𑐡𑐷𑐫𑐵 𑐐𑑀𑐮𑐾𑐳𑑂𑐟𑐵𑐣 𑐰 𑐧𑑀𑐳𑑂𑐟𑐵𑐣 𑐁𑐡𑐶 𑐮𑐵।

𑐠𑑂𑐰 𑐨𑐵𑐲𑐵𑐫𑐵𑐟 𑐂𑐬𑐵𑐣𑐫𑑂 𑑗𑑐 𑐩𑐶𑐮𑐶𑐫𑐣, 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑑒𑑕 𑐩𑐶𑐮𑐶𑐫𑐣, 𑐟𑐵𑐖𑐶𑐎𑐶𑐳𑑂𑐟𑐵𑐣𑐫𑑂 𑑙 𑐩𑐶𑐮𑐶𑐫𑐣, 𑐰 𑐄𑐖𑑂𑐧𑐾𑐎𑐶𑐳𑑂𑐟𑐵𑐣𑐫𑑂 𑑑𑑐-𑑑𑑒 𑐩𑐶𑐮𑐶𑐫𑐣 𑐩𑐣𑐹𑐟𑐾𑐳𑑄 𑐮𑑂𑐴𑐵𑐂𑐐𑐸𑐫𑐵। 𑐧𑐴𑐬𑐵𑐂𑐣, 𑐂𑐬𑐵𑐎, 𑐥𑐵𑐎𑐶𑐳𑑂𑐟𑐵𑐣, 𑐎𑐸𑐰𑐾𑐟, 𑐳𑑄𑐫𑐸𑐎𑑂𑐟 𑐀𑐬𑐧 𑐊𑐩𑐶𑐬𑐾𑐟𑑂𑐳 , 𑐎𑐟𑐵𑐬, 𑐬𑐹𑐳, 𑐀𑐖𑐬𑐧𑐿𑐖𑐵𑐣, 𑐎𑐶𑐬𑑂𑐐𑐶𑐳𑑂𑐟𑐵𑐣, 𑐎𑐖𑐵𑐎𑐶𑐳𑑂𑐟𑐵𑐣 𑐟𑐸𑐬𑑂𑐎𑐩𑐾𑐣𑐶𑐳𑑂𑐟𑐵𑐣, 𑐔𑐷𑐣 𑐰 𑐨𑐵𑐬𑐟𑐫𑑂 𑐣𑑄 𑐠𑑂𑐰 𑐨𑐵𑐫𑑂 𑐮𑑂𑐴𑐵𑐂𑐥𑐶𑑄 𑐩𑐣𑐹𑐟 𑐡𑐸। 𑐳𑐎𑐮 𑐴𑐮𑐶𑐩𑐫𑑂 𑐦𑐵𑐬𑐳𑐷 𑐨𑐵𑐲𑐵 𑐮𑑂𑐴𑐵𑐂𑐥𑐶𑐣𑐶𑐐𑐸 𑐎𑐸𑐮 𑐮𑑂𑐫𑐵 𑑑𑑒𑑐 𑐩𑐶𑐮𑐶𑐫𑐣 𑐳𑑂𑐰𑐫𑐵 𑐀𑐥𑑂𑐰 𑐡𑐸।

𑐣𑐵𑑄

𑐳𑐵𑐢𑐵𑐬𑐞 𑐎𑐠𑑄 𑐠𑑂𑐰 𑐨𑐵𑐲𑐵𑐫𑐵𑐟 𑐥𑑂𑐫𑑄𑐐𑐸 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵: 𑐦𑐵𑐬𑐳𑐷, 𑐥𑐵𑐬𑐳𑐷, 𑐡𑐵𑐬𑐷 𑐰 𑐟𑑀𑐖𑐶𑐎𑐷 (𑐟𑐵𑐖𑐶𑐎)। 𑐁𑐢𑐸𑐣𑐶𑐎 𑐦𑐵𑐬𑐳𑐷 𑐨𑐵𑐲𑐵𑐫𑐵𑐟 𑐠𑐸𑐎𑐶𑐫𑐵 𑐂𑐟𑐶𑐴𑐵𑐳 𑐰 𑐨𑑁𑐐𑑀𑐮𑐶𑐎 𑐎𑑂𑐲𑐾𑐟𑑂𑐬𑐫𑑂 𑐀𑐣𑑂𑐫𑐵𑐣𑑂𑐫 𑐠𑐷𑐠𑐷 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐨𑐵𑐲𑐵𑐫𑐵𑐟 𑐟𑑀𑐖𑐶𑐎𑐷 𑐰𑐵 𑐟𑐵𑐖𑑆𑐶𑐎𑐷, "𑐄𑐖𑑆𑑂𑐧𑐾𑐎𑐶𑐳𑑂𑐟𑐵𑐣 𑐰 𑐟𑐵𑐖𑐶𑐎𑐶𑐳𑑂𑐟𑐵𑐣𑐫𑑂 𑐡𑐵𑐬𑐷𑐦𑐵𑐬𑐳𑐷, 𑐁𑐢𑐶𑐎𑐵𑐬𑐶𑐎 𑐟𑐰𑑄 𑐀𑐦𑐐𑐵𑐣𑐶𑐳𑑂𑐟𑐵𑐣𑐫𑑂 𑐡𑐵𑐬𑐷, 𑐂𑐬𑐵𑐣𑐫𑑂 𑐦𑐵𑐬𑐳𑐷, 𑐧𑐴𑐬𑐵𑐂𑐣𑐰 𑐦𑐵𑐬𑐳𑐫𑐵 𑐏𑐵𑐜𑐷 𑐣𑐵𑐥𑑄𑐫𑐵 𑐎𑑂𑐲𑐾𑐟𑑂𑐬𑐫𑑂 "𑐀𑐖𑐩𑐷" 𑐢𑐎𑐵 𑐣𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐨𑐵𑐲𑐵 𑐀𑐚𑑀𑐩𑐣 𑐳𑐵𑐩𑑂𑐬𑐵𑐖𑑂𑐫 𑐰 𑐨𑐵𑐬𑐟𑐫𑑂 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐖𑐸𑐧𑐶𑐮𑐾 𑐦𑐵𑐬𑐳𑐷𑐫𑐵 𑐣𑐵𑐩𑑄 𑐕𑑂𑐫𑐮𑐵𑐟𑐮।

𑐰𑑂𑐫𑐸𑐟𑑂𑐥𑐟𑑂𑐟𑐶𑐫𑐵 𑐡𑐺𑐲𑑂𑐚𑐶𑐎𑑀𑐞𑑄, 𑐦𑐵𑐬𑐳𑐷 𑐏𑑃𑐐𑑂𑐰𑑅 𑐕𑐐𑐹 𑐦𑐵𑐬𑐳𑐷 𑐎𑑂𑐬𑐶𑐫𑐵 𑐏। 𑐠𑑂𑐰 𑐏𑑃𑐐𑑂𑐰𑑅 𑐀𑐬𑐧𑐷 𑐨𑐵𑐲𑐵 𑐰 𑐁𑐏𑐮𑐫𑑂 "𑐥" 𑐁𑐏𑑅 𑐩𑐡𑐹𑐐𑐸 𑐰 𑐂𑐬𑐵𑐣𑐫𑑂 𑐀𑐬𑐧𑐷 𑐱𑐵𑐳𑐣 𑐢𑐸𑑄𑐎𑐵 𑐠𑑂𑐰 𑐨𑐵𑐲𑐵𑐫𑐵𑐟 𑐀𑐬𑐧𑐷 𑐮𑐶𑐥𑐶𑐂 𑐔𑑂𑐰𑐂𑐐𑐸 𑐔𑐮𑐣 𑐣𑐵𑐥𑑄 𑐥𑐵𑐬𑐳𑐷𑑄 𑐦𑐵𑐬𑐳𑐷 𑐖𑐸𑐰𑐣। 𑐦𑐵𑐬𑐳𑐷 𑐏𑑃𑐐𑑂𑐰 𑐩𑐢𑑂𑐫 𑐦𑐵𑐬𑐳𑐷𑐫𑐵 𑐥𑐸𑐮𑐵𑑄 𑐏𑑃𑐐𑑂𑐰𑑅 𑐥𑐵𑐬𑐳𑐶𑐐 (𐭯𐭠𐭫𐭮𐭩𐭪)𑐣𑑄 𑐧𑐸𑐫𑐵𑐰𑑅𑐐𑐸 𑐏। 𑐠𑑂𑐰 𑐏𑑃𑐐𑑂𑐰𑑅 "𑐥𑐵𑐬𑐳" 𑐏𑑃𑐐𑑂𑐰𑐮𑐫𑑂 𑐰𑐶𑐱𑐾𑐲𑐞 𑐥𑑂𑐬𑐟𑑂𑐫𑐫 -𑐁𑐃𑐖𑐷 𑐳𑑂𑐰𑐵𑐣𑐵 𑐡𑐫𑐵𑐰𑑅𑐐𑐸 𑐏, 𑐐𑐸𑐎𑐶𑐫𑐵 𑐀𑐬𑑂𑐠 "𑐥𑐵𑐬𑐳𑐫𑐵 𑐣𑐶𑑄𑐟𑐶𑑄 𑐖𑐶𑐩𑑂𑐩𑐾𑐡𑐵𑐬 [𑐨𑐵𑐲𑐵]" 𑐏। 𑐥𑑂𑐬𑐵𑐔𑐷𑐣 𑐦𑐵𑐬𑐳𑐷𑐂 𑐠𑑂𑐰 𑐨𑐵𑐲𑐵𑐫𑐵 𑐣𑐵𑑄 𑐥𑐬𑐳𑐾𑐴 (𐎱𐎠𐎼𐎿) 𑐰𑐵 𑐁𑐬𑑂𑐫 (𐎠𐎼𐎹) 𑐏।

𑐰𑐬𑑂𑐐𑐷𑐎𑐬𑐞

𑐠𑑂𑐰 𑐨𑐵𑐲𑐵 𑐨𑐵𑐬𑑀𑐥𑐾𑐮𑐷 𑐨𑐵𑐲𑐵 𑐥𑐬𑐶𑐰𑐵𑐬𑐫𑑂 𑐨𑐵𑐬𑐟𑐷𑐫-𑐂𑐬𑐵𑐣𑐷 𑐨𑐵𑐲𑐵 𑐱𑐵𑐏𑐵𑐫𑐵 𑐕𑐐𑐹 𑐩𑐹 𑐨𑐵𑐲𑐵 𑐏।

𑐮𑑂𑐴𑐵𑐂𑐐𑐸 𑐠𑐵𑐫𑑂

𑐠𑑂𑐰 𑐨𑐵𑐫𑑂 𑐮𑑂𑐴𑐵𑐂𑐐𑐸 𑐩𑐹 𑐠𑐵𑐫𑑂 𑐂𑐬𑐵𑐣, 𑐀𑐦𑐐𑐵𑐣𑐶𑐳𑑂𑐟𑐵𑐣, 𑐟𑐵𑐖𑐶𑐎𑐶𑐳𑑂𑐟𑐵𑐣 𑐁𑐡𑐶 𑐏। 𑐠𑑂𑐰 𑐨𑐵𑐲𑐵𑐫𑐵𑐟 𑐂𑐬𑐵𑐣𑐫𑑂 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵𑐫𑐵 𑐎𑐠𑑄 𑐕𑑂𑐫𑐮𑐶𑐐𑐸 𑐫𑐵।

𑐳𑑂𑐰𑐫𑐵𑐡𑐶𑐳𑑃

• 𑐨𑐵𑐲𑐵
• 𑐳𑐵𑐴𑐶𑐟𑑂𑐫
• 𑐥𑐵𑐬𑐳𑐷 𑐥𑑂𑐬𑐎𑐵𑐱