छ्येलेमि:Eukesh/Auto/NepalScript/पोलिश भाषा

देवनागरीइ ब्वनेत: पोलिश भाषा तियादिसँ

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

The Book of Henryków

𑐥𑑀𑐮𑐶𑐱 𑐨𑐵𑐲𑐵 𑐥𑐱𑑂𑐔𑐶𑐩𑐷 𑐳𑑂𑐮𑐵𑐨𑐶𑐎 𑐥𑐸𑐔𑑅𑐫𑐵 𑐕𑐐𑐹 𑐨𑐵𑐲𑐵 𑐏𑑅। 𑐠𑑂𑐰 𑐥𑐸𑐔𑐮𑐫𑑂 𑐔𑐾𑐎, 𑐎𑐵𑐱𑐸𑐧𑐶𑐫𑐣, 𑐳𑑂𑐮𑑀𑐨𑐵𑐎 𑐰 𑐮𑐸𑐳𑐵𑐟𑐶𑐫𑐣 𑐨𑐵𑐲𑐵 𑐮𑐵। 𑐠𑑂𑐰 𑐥𑐸𑐔𑑅 𑐕𑐐𑐹 𑐂𑐣𑑂𑐡𑑀-𑐫𑐸𑐬𑑀𑐥𑐶𑐫𑐣 𑐥𑐬𑐶𑐰𑐵𑐬𑐫𑐵 𑐎𑐔𑐵 𑐏𑑅। 𑐠𑑂𑐰 𑐨𑐵𑐫𑑂 𑐥𑑀𑐮𑑂𑐫𑐵𑐣𑑂𑐡𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐏𑑅 𑐰 𑐫𑐸𑐬𑑀𑐥𑐶𑐫𑐣 𑐳𑑄𑐑𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵𑐫𑑂 𑐕𑐐𑐹 𑐏𑑅।

𑐥𑑀𑐮𑐶𑐱 𑐨𑐵𑐲𑐵 𑐰𑐬𑑂𑐟𑐩𑐵𑐣𑐫𑑂 𑐡𑐎𑐮𑐾 𑐀𑐥𑑂𑐰 𑐩𑐣𑐹𑐟𑐾𑐳𑑄 𑐮𑑂𑐴𑐵𑐂𑐐𑐸 𑐥𑐱𑑂𑐔𑐶𑐩𑐷 𑐳𑑂𑐮𑐵𑐨𑐶𑐎 𑐨𑐵𑐲𑐵 𑐏𑑅। 𑐳𑐎𑐮 𑐳𑑂𑐮𑐵𑐨𑐶𑐎 𑐨𑐵𑐳𑐫𑑂 𑐠𑑂𑐰 𑐨𑐵𑐲𑐵 𑐬𑐸𑐳𑐷 𑐨𑐵𑐲𑐵 𑐢𑐸𑑄𑐎𑐵 𑐡𑐎𑐮𑐾 𑐀𑐥𑑂𑐰 𑐩𑐣𑐹𑐟𑐾𑐳𑑄 𑐮𑑂𑐴𑐵𑐂𑐐𑐸 𑐳𑑂𑐮𑐵𑐨𑐶𑐎 𑐨𑐵𑐲𑐵 𑐏𑑅। 𑐴𑐮𑐶𑐩𑐫𑑂 𑐠𑑂𑐰 𑐨𑐵𑐫𑑂 𑐩𑐵𑑄𑐨𑐵𑐫𑑂𑐫𑐵 𑐬𑐸𑐥𑑄 𑐮𑑂𑐴𑐵𑐂𑐥𑐶𑐣𑐶𑐐𑐸 𑐮𑑂𑐫𑐵 𑐠𑑂𑐫𑑄-𑐩𑐠𑑂𑐫𑑄 𑑔𑑔 𑐩𑐶𑐮𑐶𑐫𑐣 𑐡𑐸। 𑐰𑐬𑑂𑐟𑐩𑐵𑐣𑐫𑑂 𑐠𑑂𑐰 𑐨𑐵𑐫𑑂 𑐥𑑀𑐮𑑂𑐫𑐵𑐣𑑂𑐡𑐫𑐵 𑐩𑐹 𑐨𑐵𑐲𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸। 𑐣𑐵𑐥𑑄 𑐥𑑀𑐮𑐶𑐱 𑐩𑐣𑐹𑐟 𑐔𑑂𑐰𑐣𑐶𑐐𑐸 𑐩𑐾𑐩𑐾𑐐𑐸 𑐡𑐾𑐳𑐫𑑂 𑐣𑑄 𑐠𑑂𑐰 𑐨𑐵𑐫𑑂 𑐮𑑂𑐴𑐵𑐂𑐐𑐸 𑐫𑐵 (𑐡𑐳𑐸: 𑐳𑑄𑐬𑐵 𑐀𑐩𑐾𑐬𑐶𑐎𑐵𑐫𑐵 𑐱𑐶𑐎𑐵𑐐𑑀)।

𑐠𑑂𑐰 𑐨𑐵𑐲𑐵 𑐥𑑂𑐬𑑀𑐟𑑀-𑐳𑑂𑐮𑐵𑐨𑐶𑐎𑑄 𑐥𑑂𑐬𑑀𑐟𑑀-𑐂𑐣𑑂𑐡𑑀-𑐫𑐸𑐬𑑀𑐥𑐶𑐫𑐣 𑐨𑐵𑐲𑐵𑐫𑐵 𑐩𑐹𑐮𑑄 𑐰𑑅𑐐𑐸 𑐏𑑅। 𑐩𑐹 𑐳𑑂𑐮𑐵𑐨 𑐨𑐵𑐳𑐫𑑂 𑐠𑑂𑐰 𑐨𑐵𑐫𑑂 𑐳𑑂𑐮𑑀𑐨𑐵𑐎 𑐰 𑐔𑐾𑐎 𑐨𑐵𑐫𑑂 𑐣𑐵𑐥 𑐣𑐵𑐥𑑄𑐫𑐵 𑐳𑑂𑐰𑐵𑐥𑐹 𑐡𑐸। 𑐠𑑂𑐰 𑐨𑐵𑐫𑑂𑐫𑐵 𑐫𑐸𑐎𑑂𑐬𑐾𑐣𑐷 𑐨𑐵𑐫𑑂 𑐣𑐵𑐥 𑐡𑐷𑐬𑑂𑐑𑐎𑐵𑐮𑐷𑐣 𑐳𑑂𑐰𑐵𑐥𑐹𑐫𑐵 𑐎𑐵𑐬𑐞𑑄 𑐠𑑂𑐰 𑐨𑐵𑐫𑑂𑐫𑐵 𑐕𑐸𑑄 𑐳𑑄𑐬𑐔𑐣𑐵𑐫𑑂 𑐫𑐸𑐎𑑂𑐬𑐾𑐣𑐷 𑐨𑐵𑐲𑐵𑐫𑐵 𑐥𑐴 𑐰𑑅। 𑐥𑑀𑐮𑐶𑐱 𑐨𑐵𑐳𑐫𑑂 𑐖𑐬𑑂𑐩𑐣𑐶𑐎 𑐨𑐵𑐲𑐵𑐟, 𑐰𑐶𑐱𑐾𑐲 𑐬𑐹𑐥𑑄 𑐖𑐬𑑂𑐩𑐣 𑐰 𑐫𑐶𑐜𑐶𑐱, 𑐰 𑐮𑐵𑐟𑐶𑐣 𑐰 𑐦𑑂𑐬𑐾𑐘𑑂𑐔 𑐠𑐾𑑄 𑐣𑑂𑐫𑐵𑑅𑐐𑐸 𑐬𑑀𑐩𑐵𑐣𑑂𑐳/𑐂𑐟𑐵𑐮𑐶𑐫𑐣 𑐨𑐵𑐲𑐵𑐫𑐵 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐸। 𑐠𑑂𑐰 𑐨𑐵𑐳𑐵𑐟𑐾𑐳𑑄 𑐥𑑀𑐮𑐶𑐱 𑐱𑐧𑑂𑐡𑐵𑐰𑐮𑐷 𑐰 𑐰𑑂𑐫𑐵𑐎𑐬𑐞𑐫𑑂 𑐫𑐎𑑂𑐰 𑐥𑑂𑐬𑐨𑐵𑐰 𑐟𑑂𑐰𑐟𑐹𑐐𑐸 𑐡𑐸। 𑐋𑐟𑐶𑐴𑐵𑐳𑐶𑐎 𑐬𑐹𑐥𑑄, 𑐥𑑀𑐮𑐶𑐱 𑐩𑐢𑑂𑐫 𑐰 𑐥𑐹𑐬𑑂𑐰𑐷 𑐫𑐹𑐬𑑀𑐥𑐷𑐫 𑐎𑑂𑐲𑐾𑐟𑑂𑐬𑐫𑑂 𑐕𑐐𑐹 𑐩𑐴𑐟𑑂𑐰𑐥𑐹𑐬𑑂𑐞 𑐨𑐵𑐲𑐵 𑐖𑐸𑐫𑐵𑐔𑑂𑐰𑐣, 𑐐𑐸𑐎𑐶𑐫𑐵 𑐱𑐶𑐎𑑂𑐲𑐵 𑐰 𑐬𑐵𑐖𑐣𑐷𑐟𑐶𑐂 𑐫𑐎𑑂𑐰 𑐩𑐴𑐟𑑂𑐰 𑐡𑐹𑐐𑐸 𑐏𑐣𑐾𑐡𑐸।