छ्येलेमि:Eukesh/Auto/NepalScript/पेलोपोनेसियन हताः
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।
_-_Thucydides.jpg)
𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐴𑐟𑐵𑑅 ( 𑑔𑑓𑑑-𑑔𑑐𑑔 𑐃𑐳𑐵 𑐥𑐹𑐬𑑂𑐰) 𑐥𑑂𑐬𑐵𑐔𑐷𑐣 𑐐𑑂𑐬𑐷𑐎 𑐴𑐮𑐶𑑄𑐫𑐵 𑐁𑐢𑐶𑐥𑐟𑑂𑐫𑐫𑐵 𑐣𑐶𑑄𑐟𑐶𑑄 𑐊𑐠𑐾𑐣𑑂𑐳 𑐰 𑐳𑑂𑐥𑐵𑐬𑑂𑐟𑐵𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐣𑐶𑐏𑐮𑑅 𑐡𑐾𑐫𑑂𑐟𑐾𑐐𑐸 𑐡𑐠𑐸𑐂 𑐖𑐹𑐐𑐸 𑐕𑐗𑑂𑐰𑑅 𑐴𑐟𑐵𑑅 𑐏। 𑐳𑑂𑐥𑐵𑐬𑑂𑐟𑐵𑐫𑐵 𑐳𑐩𑐬𑑂𑐠𑐣𑐫𑑂 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐣𑐶𑐬𑑂𑐞𑐵𑐫𑐎 𑐴𑐳𑑂𑐟𑐎𑑂𑐲𑐾𑐥 𑐟𑐎 𑐠𑑂𑐰 𑐴𑐟𑐵𑑅 𑐀𑐣𑐶𑐬𑑂𑐞𑐷𑐟 𑐖𑐸𑐫𑐵𑐔𑑂𑐰𑐣। 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐐𑑂𑐰𑐴𑐵𑐮𑐶𑑄 𑐡𑐾𑐎𑐹𑐐𑐸 𑐳𑑂𑐥𑐵𑐬𑑂𑐟𑐵𑐩𑐶 𑐣𑑁𑐳𑐾𑐣𑐵𑑄 𑐮𑐶𑐳𑐾𑐣𑑂𑐡𑐬𑐫𑐵 𑐣𑐾𑐟𑐺𑐟𑑂𑐰𑐫𑑂 𑐀𑐣𑑂𑐟𑐟𑑅 𑐊𑐠𑐾𑐣𑑂𑐳𑐫𑐵𑐟 𑐧𑐸𑐎𑐮 𑐰 𑐐𑑂𑐬𑐷𑐳𑐫𑑂 𑐳𑑂𑐥𑐵𑐬𑑂𑐟𑐵𑐫𑐵 𑐁𑐢𑐶𑐥𑐟𑑂𑐫 𑐥𑐮𑐶𑐳𑑂𑐠𑐵 𑐫𑐵𑐟। 𑐠𑑂𑐰 𑐴𑐟𑐵𑐮𑐫𑑂 𑐊𑐠𑐾𑐣𑑂𑐳𑐫𑐵 𑐣𑐾𑐟𑐺𑐟𑑂𑐟𑑂𑐰𑐫𑑂 𑐡𑐹𑐐𑐸 𑐡𑐾𑐫𑑂𑐥𑐸𑐔𑑅𑐫𑐵𑐟 𑐡𑐾𑐮𑐶𑐫𑐣 𑐳𑑄𑐑 𑐰 𑐳𑑂𑐥𑐵𑐬𑑂𑐟𑐵𑐫𑐵 𑐣𑐾𑐟𑑂𑐟𑐺𑐟𑑂𑐰𑐫𑑂 𑐡𑐹𑐐𑐸 𑐥𑐸𑐔𑑅𑐫𑐵𑐟 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐳𑑄𑐑 𑐢𑐎𑐵 𑐩𑑂𑐴𑐳𑐷𑐎𑐶𑐐𑐸 𑐫𑐵।
𑐂𑐟𑐶𑐴𑐵𑐳𑐎𑐵𑐬𑐟𑐾𑐳𑑄 𑐥𑐬𑐩𑑂𑐥𑐬𑐵𑐐𑐟 𑐎𑐠𑑄 𑐠𑑂𑐰 𑐴𑐟𑐵𑑅𑐫𑐵𑐟 𑐳𑑂𑐰𑑄𑐐𑐸 𑐔𑐬𑐞𑐫𑑂 𑐰𑐶𑐨𑐵𑐖𑐶𑐟 𑐫𑐵। 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞 (𑑔𑑓𑑑-𑑔𑑒𑑑 𑐃𑐳𑐵 𑐥𑐹𑐬𑑂𑐰)𑐫𑐵𑐟 𑐗𑐶𑐡𑑃𑐫𑐵 𑐴𑐟𑐵𑑅 𑐰𑐵 𑐳𑑂𑐥𑐵𑐬𑑂𑐟𑐵𑐩𑐶 𑐖𑐸𑐖𑐸 𑐁𑐬𑑂𑐎𑐶𑐡𑐵𑐩𑐳 𑑒𑐫𑐵 𑐣𑐵𑐩𑑄 𑐁𑐬𑑂𑐎𑐶𑐡𑑂𑐫𑐵𑐩𑐶𑐫𑐣 𑐴𑐟𑐵𑑅 𑐢𑐵𑐂𑐐𑐸 𑐫𑐵। 𑐳𑑂𑐥𑐵𑐬𑑂𑐟𑐵𑐫𑐵 𑐣𑐾𑐟𑑂𑐟𑐺𑐟𑑂𑐰𑐫𑑂 𑐡𑐹𑐐𑐸 𑐳𑑄𑐑𑐫𑐵𑐟 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐳𑑄𑐑 𑐢𑐎𑐵 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐖𑐸𑐖𑐸 𑐁𑐬𑑂𑐎𑐶𑐡𑐵𑐩𑐳 𑑒𑐖𑐸𑑄 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐴𑐥𑐮𑐵𑐂𑐟 𑐴𑐟𑐵𑑅𑐩𑐶 𑐕𑑂𑐫𑐾𑐮𑐵 𑐊𑐟𑐶𑐎𑐵 𑐣𑐐𑐬𑐫𑑂 𑐁𑐎𑑂𑐬𑐩𑐞 𑐫𑐵𑐣𑐵𑐡𑐶𑐮। 𑐊𑐠𑐾𑐣𑑂𑐳𑐫𑐵 𑐟𑐖𑐵𑑅𑐐𑐸 𑐥𑑅𑐏𑐵𑐮𑑄 𑐠𑑂𑐰 𑐬𑐞𑐣𑐷𑐟𑐶𑐫𑐵𑐟 𑐰𑐶𑐦𑐮 𑐫𑐵𑐎𑐮। 𑐡𑐾𑐮𑐶𑐫𑐣 𑐳𑑄𑐑𑐫𑐵 𑐨𑐶𑑄𑐐𑐸 𑐣𑑁𑐳𑐾𑐣𑐵𑑄 𑐳𑑂𑐥𑐵𑐬𑑂𑐟𑐵𑐫𑐵 𑐡𑐸𑐣𑐾 𑐰𑐶𑐡𑑂𑐬𑑀𑐴 𑐫𑐵𑐎𑐾𑐟 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐟𑐚𑐫𑑂 𑐴𑐩𑐮𑐵 𑐫𑐵𑐟। 𑐠𑑂𑐰 𑐎𑐵𑐮𑐏𑐞𑑂𑐜 𑐂𑐥𑐹 𑑔𑑒𑑑𑐫𑐵 𑐣𑐶𑐎𑐶𑐫𑐵𑐳𑐫𑐵 𑐱𑐵𑐣𑑂𑐟𑐶 𑐳𑐣𑑂𑐢𑐶 𑐣𑐵𑐥𑑄 𑐎𑑂𑐰𑐔𑐵𑐮। 𑐠𑑂𑐰 𑐳𑐣𑑂𑐢𑐶 𑑔𑑒𑑑 𑐣𑐶𑐳𑐾𑑄 𑐂𑐥𑐹 𑑔𑑑𑑓 𑐟𑐎 𑐖𑐎 𑐡𑐫𑐵𑐔𑑂𑐰𑐣। 𑐠𑑂𑐰 𑐂𑐮𑐫𑑂 𑐫𑐎𑑂𑐰 𑐀𑐑𑑀𑐲𑐶𑐟 𑐮𑑂𑐰𑐵𑐥𑐹 𑐖𑐸𑐫𑐵𑐔𑑂𑐰𑐣। 𑐂𑐥𑐹 𑑔𑑑𑑘𑐳 𑐩𑐣𑑂𑐟𑐶𑐣𑐶𑐫𑐵𑐫𑐵 𑐴𑐟𑐵𑐮𑐫𑑂 𑐳𑑂𑐥𑐵𑐬𑑂𑐟𑐵 𑐰 𑐳𑑂𑐥𑐵𑐬𑑂𑐟𑐵𑐫𑐵 𑐳𑐩𑐬𑑂𑐠𑐎 𑐬𑐵𑐖𑑂𑐫𑐟𑐾𑐳𑑄 𑐁𑐬𑑂𑐐𑑀𑐳, 𑐊𑐠𑐾𑐣𑑂𑐳 𑐰 𑐩𑐣𑑂𑐟𑐶𑐣𑐶𑐫𑐵𑐫𑐵𑐟 𑐧𑐸𑐎𑐮। 𑐣𑐶𑐎𑐶𑐫𑐵𑐳𑐫𑐵 𑐳𑐣𑑂𑐢𑐶 𑐨𑑄𑐐 𑐖𑐹𑐐𑐸 𑐩𑐹 𑐎𑐵𑐬𑐣 𑐢𑐵𑑅𑐳𑐵 𑐂𑐥𑐹 𑑔𑑑𑑕 𑐰 𑑔𑑑𑑓 𑐡𑐠𑐸𑐂 𑐊𑐠𑐾𑐣𑑂𑐳𑑄 𑐣𑑂𑐴𑑂𑐫𑐠𑑄𑐐𑐸 𑐳𑐶𑐳𑐶𑐮𑐶 𑐀𑐨𑐶𑐫𑐵𑐣 𑐏। 𑐠𑑂𑐰 𑐴𑐟𑐵𑑅 𑐀𑐨𑐶𑐫𑐵𑐣𑐫𑑂 𑐊𑐠𑐾𑐣𑑂𑐳𑑄 𑐳𑑂𑐥𑐵𑐬𑑂𑐟𑐵𑐫𑐵 𑐳𑐴𑐫𑑀𑐐𑐷 𑐡𑐾𑐫𑑂 𑐳𑐶𑐬𑐵𑐎𑑂𑐫𑐸𑐖𑑂𑐫𑐫𑑂 𑐎𑐧𑑂𑐖𑐵 𑐫𑐵𑐫𑐾𑐐𑐸 𑐎𑐸𑐟𑐮𑐫𑑂 𑐠𑑅𑐐𑐸 𑐡𑐎𑑂𑐰𑑄 𑐠𑐾𑑄 𑐴𑐾 𑐣𑑁𑐳𑐾𑐣𑐵 𑐳𑐶𑐢𑐾𑐎𑐮।
𑐳𑐶𑐳𑐶𑐮𑐶𑐫𑐵 𑐴𑐟𑐵𑐮𑐫𑑂 𑐖𑐹𑐐𑐸 𑐊𑐠𑐾𑐣𑑂𑐳𑐫𑐵 𑐰𑐶𑐥𑐡 𑐣𑐵𑐥𑑄 𑐠𑑂𑐰 𑐴𑐟𑐵𑑅𑐫𑐵 𑐳𑑂𑐰𑑄𑐐𑐸𑐐𑐹 𑐔𑐬𑐞 (𑑔𑑑𑑓-𑑔𑑐𑑔 𑐃𑐳𑐵 𑐥𑐹𑐬𑑂𑐰) 𑐣𑑂𑐴𑑂𑐫𑐠𑐣𑐶। 𑐠𑑂𑐰 𑐔𑐬𑐞𑐫𑐵𑐟 𑐡𑐾𑐳𑐾𑐮𑐶𑐫𑐣 𑐴𑐟𑐵𑑅 𑐰𑐵 𑐁𑐫𑑀𑐣𑐶𑐫𑐣 𑐴𑐟𑐵𑑅𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵। 𑐠𑑂𑐰 𑐃𑐮𑐫𑑂 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑑄 𑐊𑐱𑐶𑐫𑐵 𑐩𑐵𑐂𑐣𑐬𑐫𑐵 𑐐𑑂𑐬𑐷𑐎 𑐣𑐐𑐬𑐟𑐾𑐐𑐸 𑐀𑐢𑐶𑐥𑐟𑑂𑐫 𑐥𑐸𑐣𑐬𑑂𑐥𑑂𑐬𑐵𑐥𑑂𑐟 𑐫𑐵𑐫𑐾𑐟 𑐳𑑂𑐥𑐵𑐬𑑂𑐟𑐵𑐫𑐵𑐟 𑐐𑑂𑐰𑐴𑐵𑐮𑐶 𑐫𑐵𑐟। 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑐵 𑐁𑐬𑑂𑐠𑐶𑐎 𑐐𑑂𑐰𑐴𑐵𑐮𑐶𑑄 𑐳𑑂𑐥𑐵𑐬𑑂𑐟𑐵𑐫𑐵 𑐮𑐶𑐳𑐾𑐣𑑂𑐡𑐬𑐫𑐵 𑐣𑐾𑐟𑐺𑐟𑑂𑐰𑐫𑑂 𑐕𑐐𑐹 𑐰𑐺𑐴𑐡𑑂 𑐮𑑂𑐰𑐵-𑐮𑑅𑐏𑑅 𑐥𑐸𑐔𑑅 𑐡𑐾𑐎𑐮। 𑐠𑑂𑐰 𑐮𑑂𑐰𑐵𑐮𑑅𑐏𑑅 𑐥𑐸𑐔𑐮𑑄 𑐂𑐥𑐹 𑑔𑑐𑑕𑐳 𑐊𑐖𑐶𑐫𑐣 𑐳𑐵𑐐𑐬𑐫𑑂, 𑐰𑐶𑐱𑐾𑐲 𑐬𑐹𑐥𑑄 𑐊𑐐𑑀𑐳𑑂𑐥𑑀𑐟𑐵𑐩𑐳 𑐢𑐵𑑅𑐐𑐸 𑐠𑐵𑐳𑐫𑑂 𑐖𑐹𑐐𑐸 𑐕𑐗𑑂𑐰𑑅 𑐮𑑂𑐰𑐵𑐥𑐹 𑐣𑐶𑐬𑑂𑐞𑐵𑐫𑐎 𑐎𑐠𑑄 𑐟𑑂𑐫𑐵𑐟। 𑐊𑐠𑐾𑐣𑑂𑐳𑑄 𑐩𑐾𑐐𑐸 𑐡𑑃𑐫𑑂 𑐁𑐟𑑂𑐩𑐳𑐩𑐬𑑂𑐥𑐞 𑐫𑐵𑐟 𑐰 𑐠𑑅𑐐𑐸 𑐳𑐎𑐮 𑐳𑐵𑐩𑑂𑐬𑐵𑐖𑑂𑐫 𑐳𑑂𑐥𑐵𑐬𑑂𑐟𑐵𑐫𑐵𑐟 𑐮𑑅𑐮𑑂𑐴𑐵𑐟। 𑐮𑐶𑐳𑐵𑐣𑑂𑐡𑐬𑑄 𑐊𑐠𑐾𑐣𑑂𑐳 𑐳𑐴𑐶𑐟 𑐡𑐾𑐮𑐶𑐫𑐣 𑐥𑐸𑐔𑑅𑐫𑐵 𑐡𑐾𑐳𑐫𑑂 𑐠𑑅𑐐𑐸 𑐎𑐛𑐥𑐸𑐟𑐮𑐷 𑐳𑐵𑐩𑐣𑑂𑐟𑐟𑐾𑐟 𑐮𑑅𑐮𑑂𑐴𑐵𑐟। 𑐠𑑂𑐰 𑐱𑐵𑐳𑐣𑐎𑐵𑐮𑐫𑐵𑐟 𑑓𑑐𑐩𑑂𑐴 𑐀𑐟𑑂𑐫𑐵𑐔𑐵𑐬𑐷𑐟𑐾𑐐𑐸 𑐎𑐵𑐮𑐫𑐵 𑐣𑐵𑐩𑑄 𑐩𑑂𑐴𑐳𑐷𑐎𑐶𑐐𑐸𑐫𑐵। 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐴𑐟𑐵𑑅𑐫𑐵 𑐗𑐶𑐡𑑃 𑐢𑐸𑑄𑐎𑐵 𑐎𑑀𑐬𑐶𑐣𑑂𑐠𑐶𑐫𑐣 𑐴𑐟𑐵𑑅 (𑑓𑑙𑑔-𑑓𑑘𑑖 𑐃𑐳𑐵 𑐥𑐹𑐬𑑂𑐰) 𑐣𑑂𑐴𑑂𑐫𑐠𑐣। 𑐎𑑀𑐬𑐶𑐣𑑂𑐠𑐶𑐫𑐣 𑐴𑐟𑐵𑑅 𑐀𑐣𑐶𑐬𑑂𑐞𑐵𑐫𑐎 𑐬𑐹𑐥𑑄 𑐎𑑂𑐰𑐔𑐵𑐳𑐵𑑄 𑐠𑑂𑐰 𑐴𑐟𑐵𑑅𑐫𑐵 𑐮𑐶𑐔𑑂𑐰𑑅𑐫𑐵 𑐎𑐠𑑄 𑐊𑐠𑐾𑐣𑑂𑐳𑑄 𑐳𑑂𑐥𑐵𑐬𑑂𑐟𑐵𑑄 𑐠𑑅𑐐𑐸 𑐳𑑂𑐰𑐟𑐣𑑂𑐟𑑂𑐬𑐟𑐵 𑐮𑐶𑐟𑐎𑐵𑐮।
𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐴𑐟𑐵𑑅𑐫𑐵 𑐮𑐶𑐔𑑂𑐰𑐮𑐫𑑂 𑐥𑑂𑐬𑐵𑐔𑐷𑐣 𑐫𑐹𑐣𑐵𑐣𑐷 𑐴𑐮𑐶𑑄𑐫𑐵 𑐬𑐹𑐥 𑐴𑐶𑐮𑐵𑐰𑐣। 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐳𑑂𑐰𑐵𑐥𑐹𑐫𑐵 𑐳𑑂𑐟𑐬𑐫𑑂 𑐊𑐠𑐾𑐣𑑂𑐳, 𑐐𑐸𑐎𑐶 𑐠𑑂𑐰 𑐴𑐟𑐵𑑅𑐳𑑂𑐰𑐫𑐵 𑐣𑑂𑐴𑑂𑐫𑑅 𑐐𑑂𑐬𑐷𑐳𑐫𑐵 𑐡𑐎𑐮𑐫𑑂 𑐧𑐮𑐵𑑅𑐐𑐸 𑐡𑐾𑐫, 𑐮𑐐𑐨𑐐 𑐥𑐹𑐬𑑂𑐞𑐬𑐸𑐥𑑄 𑐳𑑂𑐥𑐵𑐬𑑂𑐟𑐵𑐫𑐵 𑐀𑐢𑐷𑐣𑐫𑑂 𑐮𑐵𑐰𑐣 𑐢𑐵𑑅𑐳𑐵 𑐳𑑂𑐥𑐵𑐬𑑂𑐟𑐵 𑐐𑑂𑐬𑐷𑐳𑐫𑐵 𑐩𑐹 𑐱𑐎𑑂𑐟𑐶𑐫𑐵 𑐎𑐠𑑄 𑐳𑑂𑐠𑐵𑐥𑐶𑐟 𑐖𑐸𑐮। 𑐴𑐟𑐵𑑅𑐫𑐵 𑐁𑐬𑑂𑐠𑐶𑐎 𑐥𑑂𑐬𑐨𑐵𑐰 𑐐𑑂𑐬𑐷𑐳𑐫𑐵 𑐳𑐎𑐮 𑐡𑐾𑐳𑐫𑑂 𑐏𑐣𑐾𑐡𑐟 :𑐥𑐾𑐮𑑀𑐥𑑀𑐣𑑂𑐣𑐷 𑐡𑐾𑐫𑑂𑐥𑐸𑐔𑐮𑐫𑑂 𑐐𑐬𑐷𑐧𑐷 𑐟𑐔𑑂𑐰𑐮𑑅 𑐢𑐵𑑅𑐳𑐵 𑐊𑐠𑐾𑐣𑑂𑐳𑐫𑐵 𑐀𑐬𑑂𑐠𑐟𑐣𑑂𑐟𑑂𑐬 𑐥𑐹𑐬𑑂𑐞𑐬𑐸𑐥𑑄 𑐳𑑂𑐫𑐣। 𑐊𑐠𑐾𑐣𑑂𑐳𑑄 𑐠𑑂𑐰 𑐴𑐟𑐵𑑅 𑐣𑑂𑐴𑑂𑐫𑑅𑐫𑐵 𑐠𑑅𑐐𑐸 𑐳𑐩𑐺𑐡𑑂𑐢𑐶𑐫𑐵 𑐳𑑂𑐠𑐶𑐟𑐶𑐂 𑐠𑐵𑐴𑐵𑑄𑐰𑐣𑐾 𑐩𑐦𑐟। 𑐴𑐟𑐵𑐮𑑄 𑐐𑑂𑐬𑐷𑐎 𑐳𑐩𑐵𑐖𑐫𑑂 𑐠𑐷𑐠𑐷 𑐳𑐹𑐎𑑂𑐲𑑂𑐩 𑐥𑐬𑐶𑐰𑐬𑑂𑐟𑐣 𑐰𑐮: 𑐮𑑀𑐎𑐟𑐵𑐣𑑂𑐟𑑂𑐬𑐶𑐎 𑐊𑐠𑐾𑐣𑑂𑐳 𑐰 𑐎𑐸𑐮𑐷𑐣 𑐰𑐬𑑂𑐐 𑐱𑐵𑐳𑐶𑐟 𑐳𑑂𑐥𑐵𑐬𑑂𑐟𑐵𑐫𑐵 𑐡𑐠𑐸𑐫𑐵 𑐳𑑄𑐑𑐬𑑂𑐲𑐫𑐵 𑐮𑐶𑐔𑑂𑐰𑑅𑐫𑐵 𑐎𑐠𑑄 𑐐𑑂𑐬𑐷𑐎 𑐬𑐵𑐖𑑂𑐫𑐟𑐾𑐐𑐸 𑐡𑐠𑐸𑐂 𑐴𑐟𑐵𑑅 𑐫𑐎𑑂𑐰 𑐳𑐵𑐩𑐵𑐣𑑂𑐫 𑐖𑐸𑐰𑐣। 𑐠𑑂𑐰 𑐴𑐟𑐵𑑅 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐥𑑂𑐬𑐵𑐔𑐷𑐣 𑐫𑐹𑐣𑐵𑐣𑐷 𑐴𑐟𑐵𑑅 𑐕𑐸𑑄 𑐳𑐷𑐩𑐶𑐟 𑐰 𑐍𑐥𑐔𑐵𑐬𑐶𑐎 𑐬𑐹𑐥𑐫𑑂 𑐖𑐎 𑐖𑐸𑐂𑐐𑐸 𑐖𑐸𑐳𑐵𑑄 𑐠𑑂𑐰 𑐴𑐟𑐵𑑅 𑐢𑐸𑑄𑐎𑐵 𑐳𑐎𑐮 𑐡𑐾𑐫𑑂𑐟𑐾𑐐𑐸 𑐡𑐠𑐸𑐂 𑐰𑑂𑐫𑐵𑐥𑐎 𑐳𑑄𑐑𑐬𑑂𑐲 𑐣𑑂𑐴𑑂𑐫𑐠𑐣। 𑐠𑐣𑑂𑐫𑐵𑐐𑐸 𑐳𑑄𑐑𑐬𑑂𑐲 𑐁𑐥𑐵𑐮𑑄 𑐀𑐟𑑂𑐫𑐵𑐔𑐵𑐬 𑐰 𑐟𑑂𑐬𑐵𑐳𑐡𑐵𑐫𑐎 𑐖𑐸𑐰𑐣। 𑐠𑑂𑐰 𑐴𑐟𑐵𑑅 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐳𑑂𑐠𑐵𑐥𑐶𑐟 𑐢𑐵𑐬𑑂𑐩𑐶𑐎 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐩𑐵𑐣𑑂𑐫𑐟𑐵𑐫𑐵𑐟 𑐟𑑂𑐰𑐟𑐵 𑐱𑐎𑑂𑐟𑐶 𑐳𑐩𑐺𑐡𑑂𑐢𑐶𑐫𑐵 𑐣𑐶𑑄𑐟𑐶𑑄 𑐐𑑂𑐬𑐵𑐩𑐷𑐞 𑐮𑐵𑐐𑐵 𑐣𑐲𑑂𑐚 𑐫𑐵𑐫𑐾𑐐𑐸, 𑐣𑐐𑐬 𑐠𑐸𑐣𑐾𑐐𑐸 𑐰 𑐀𑐣𑑂𑐫 𑐖𑐑𑐣𑑂𑐫 𑐴𑐶𑑄𑐳𑐵𑐟𑑂𑐩𑐎 𑐖𑑂𑐫𑐵𑐗𑑂𑐰𑑅 𑐟𑐔𑑂𑐰𑑅𑐮। 𑐠𑑂𑐰 𑐣𑐵𑐥𑑄 𑑕𑐐𑐹 𑐃𑐳𑐵 𑐥𑐹𑐬𑑂𑐰𑐳 𑐳𑑂𑐠𑐵𑐥𑐶𑐟 𑐐𑑂𑐬𑐷𑐳𑐫𑐵 𑐳𑑂𑐰𑐬𑑂𑐞 𑐫𑐸𑐐 𑐣𑐵𑐚𑐎𑐷𑐫 𑐬𑐸𑐥𑑄 𑐎𑑂𑐰𑐔𑐵𑐮।
𑐋𑐟𑐶𑐴𑐵𑐳𑐶𑐎 𑐳𑑂𑐬𑑀𑐟
[सम्पादन]𑐠𑑂𑐰 𑐴𑐟𑐵𑑅𑐫𑐵 𑐩𑐹 𑐋𑐟𑐶𑐴𑐵𑐳𑐶𑐎 𑐳𑑂𑐬𑑀𑐟 𑐠𑑂𑐫𑐸𑐳𑐶𑐡𑐵𑐂𑐡𑐳𑐖𑐸𑑄 𑐔𑑂𑐰𑐫𑐵𑐡𑐷𑐐𑐸 𑐳𑐦𑐹 𑐥𑐾𑐮𑑀𑐥𑑀𑐣𑐾𑐳𑐶𑐫𑐣 𑐴𑐟𑐵𑑅𑐫𑐵 𑐂𑐟𑐶𑐴𑐵𑐳 (History of the Peloponnesian War) 𑐏। 𑐰𑐫𑑂𑐎𑐮𑑄 𑐠𑑂𑐰 𑐳𑐦𑐹 𑐴𑐟𑐵𑑅 𑐣𑑂𑐴𑑂𑐫𑐠𑑄𑐧𑐶𑐮𑐾 𑐴𑐾 𑐔𑑂𑐰𑐫𑐵𑐡𑐶𑐮। 𑐰𑐫𑑂𑐎𑐮𑑄 𑐥𑑂𑐬𑐟𑑂𑐫𑐎𑑂𑐲𑐡𑐬𑑂𑐱𑐷𑐟𑐾𑐐𑐸 𑐳𑐸𑐔𑑄 𑐎𑐫𑐵 𑐰 𑐠𑑅𑐩𑑄𑐟𑐸𑑄 𑐏𑑄𑐐𑐸 𑐗𑐎𑐵 𑐮𑐸𑐩𑑄𑐎𑐵 𑐔𑑂𑐰𑐫𑐵𑐡𑐷𑐐𑐸 𑐏। 𑐰𑐫𑑂𑐎𑑅 𑐠𑑅𑐩𑑄𑐟𑐸𑑄 𑐕𑐩𑑂𑐴 𑐊𑐠𑐾𑐣𑑂𑐳𑐩𑐶 𑐏 𑐰 𑐴𑐟𑐵𑑅𑐫𑐵 𑐱𑐸𑐬𑐸𑐰𑐵𑐟𑐫𑑂 𑐰𑐫𑑂𑐎𑐮𑑄 𑐊𑐠𑐾𑐣𑑂𑐳𑐫𑐵 𑐥𑐎𑑂𑐲𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏। 𑐀𑐠𑐾𑐖𑐸𑐳𑐵𑑄 𑐴𑐟𑐵𑑅𑐫𑐵 𑐗𑑂𑐰𑐮𑐫𑑂 𑐂𑐥𑐹 𑑔𑑒𑑓𑐳 𑐰𑐫𑑂𑐎𑑅𑐫𑐵𑐟 𑐱𑐵𑐳𑐎𑐟𑐾𑐳𑑄 𑐣𑐶𑐬𑑂𑐰𑐵𑐳𑐶𑐟 𑐫𑐵𑐎𑐮 𑐰 𑐰𑐫𑑂𑐎𑑅 𑐥𑐾𑐮𑑀𑐥𑑀𑐣𑐶𑐳𑐫𑑂 𑐰𑐶𑐳𑑂𑐠𑐵𑐥𑐶𑐟 𑐖𑐸𑐫𑐵𑐡𑐶𑐮। 𑐰𑐫𑑂𑐎𑐮𑑄 𑐠𑐣 𑐴𑐟𑐵𑑅𑐡𑐕𑐶 𑐳𑐦𑐹𑐫𑐵 𑐳𑑂𑐬𑑀𑐟 𑐩𑐸𑑄𑐎𑐵 𑐠𑑂𑐰 𑐳𑐦𑐹 𑐔𑑂𑐰𑐫𑐵𑐡𑐶𑐮। 𑐰𑐫𑑂𑐎𑑅𑐫𑐵 𑐳𑐦𑐹𑐫𑐵𑐟 𑐰𑐶𑐖𑑂𑐘𑐟𑐾𑐳 𑐰𑐶𑐱𑑂𑐰𑐳𑐣𑐷𑐫 𑐰 𑐟𑐚𑐳𑑂𑐠 𑐳𑑂𑐬𑑀𑐟𑐫𑐵 𑐬𑐸𑐥𑐫𑑂 𑐣𑐵𑐮𑐵𑐟𑑅𑐐𑐸 𑐡𑐸। 𑐕𑐐𑐹 𑐁𑑄𑐱𑐶𑐎 𑐀𑐥𑐰𑐵𑐡 𑐢𑐵𑑅𑐳𑐵 𑐰𑐫𑑂𑐎𑐮𑑄 𑐰𑐬𑑂𑐞𑐣 𑐫𑐵𑐣𑐵𑐡𑐷𑐐𑐸 𑐕𑐐𑐹 𑐟𑐵𑑅𑐴𑐵𑐎𑑅𑐐𑐸 𑐨𑐵𑐲𑐞 𑐏। 𑐠𑑂𑐰 𑐨𑐵𑐲𑐞𑐫𑐵𑐟 𑐠𑑂𑐫𑐸𑐳𑐶𑐡𑐵𑐂𑐡𑐳𑐖𑐸𑑄 𑐥𑐵𑐫𑑂𑐕𑐶 𑐡𑐳𑐸 𑐩𑐖𑐸𑐳𑐾𑑄 𑐨𑐵𑐲𑐞𑐫𑐵 𑐳𑐵𑐩𑐵𑐣𑑂𑐫 𑐟𑐬𑑂𑐎𑐟𑐾𑐐𑐸 𑐨𑐵𑐰𑐵𑐣𑐸𑐰𑐵𑐡 𑐢𑐎𑐵 𑐰𑑂𑐫𑐵𑐏𑑂𑐫𑐵 𑐫𑐵𑐣𑐵𑐡𑐷𑐐𑐸 𑐡𑐸। 𑐳𑐦𑐹𑐮𑐶 𑐠𑑂𑐫𑐸𑐳𑐶𑐡𑐵𑐂𑐡𑐳𑐖𑐸𑐫𑐵 𑐰𑐬𑑂𑐞𑐣 𑐴𑐟𑐵𑑅 𑐳𑑂𑐰𑐫𑐵 𑐫𑐎𑑂𑐰 𑐡𑑃 𑐣𑑂𑐴𑑂𑐫𑑅 𑐱𑐸𑐬𑐹 𑐖𑐸𑐂। 𑐰𑐫𑑂𑐎𑐮𑑄 𑐠𑑂𑐰 𑐴𑐟𑐵𑑅 𑐕𑐵𑐫𑑂 𑐖𑐸𑐮 𑐰 𑐴𑐟𑐵𑑅 𑐣𑑂𑐴𑑂𑐫𑑅 𑐰 𑐴𑐟𑐵𑑅𑐡𑐠𑐸𑐫𑐵 𑐡𑑃𑐫𑑂𑐡𑐔𑑂𑐕𑐶 𑐖𑐹𑐐𑐸 𑐗𑐎𑐵𑐟𑐾𑐐𑐸 𑐰𑐶𑐰𑐬𑐞 𑐔𑑂𑐰𑐫𑐵𑐡𑐷𑐐𑐸 𑐡𑐸। 𑐠𑑂𑐰 𑐳𑐦𑐹 𑐩𑐹 𑐎𑐩𑐖𑑀𑐬𑐷 𑐠𑑂𑐰 𑐏 𑐎𑐶 𑐠𑑂𑐰 𑐳𑐦𑐹 𑐀𑐥𑐹𑐬𑑂𑐞 𑐡𑐸: 𑐠𑑂𑐰 𑐳𑐦𑐹 𑐴𑐟𑐵𑑅 𑐳𑐶𑐢𑐫𑐾𑐳𑑂𑐰𑐫𑐵 𑐣𑑂𑐴𑑂𑐫𑑅 𑐂𑐥𑐹 𑑔𑑑𑑑𑐳 𑐕𑐎𑐮𑑄 𑐀𑐥𑑂𑐬𑐟𑑂𑐫𑐵𑐱𑐶𑐟 𑐎𑐠𑑄 𑐳𑐩𑐵𑐥𑑂𑐟 𑐖𑐸𑐂।
𑐔𑑂𑐰𑐩𑐶 𑐠𑑂𑐫𑐸𑐳𑐶𑐡𑐵𑐂𑐡𑐳𑐖𑐸 𑐡𑐷𑐐𑐸 𑐠𑐵𑐳𑑄 𑐴𑐾 𑐱𑐸𑐬𑐸 𑐫𑐵𑐳𑐾𑑄 𑐠𑑂𑐰 𑐴𑐟𑐵𑑅𑐫𑐵 𑐂𑐟𑐶𑐴𑐵𑐳 𑐰𑐫𑑂𑐎𑑅𑐳𑑂𑐰𑐫𑐵 𑐎𑐵𑐣𑑂𑐕𑐵𑐩𑑂𑐴 𑐳𑐩𑐎𑐵𑐮𑐷𑐣 𑐔𑑂𑐰𑐩𑐶 𑐖𑐾𑐣𑑀𑐦𑑀𑐣(Xenophon)𑐖𑐸𑑄 𑐠𑑅𑐐𑐸 𑐳𑐦𑐹 𑐴𑐾𑐮𑐾𑐣𑐶𑐎𑐵(Hellenica)𑐫𑑂 𑐔𑑂𑐰𑐫𑐵𑐡𑐷𑐐𑐸 𑐡𑐸। 𑐠𑑂𑐰 𑐳𑐦𑐹 𑐠𑑂𑐫𑐸𑐳𑐶𑐡𑐵𑐂𑐡𑐳𑐖𑐸𑐫𑐵 𑐀𑐣𑑂𑐟𑐶𑐩 𑐰𑐵𑐎𑑂𑐫𑑄 𑐱𑐸𑐬𑐸 𑐖𑐸𑐳𑐾𑑄 𑐠𑑂𑐰 𑐴𑐟𑐵𑑅𑐫𑐵 𑐳𑐩𑐵𑐣 𑐰𑐶𑐰𑐬𑐞 𑐧𑑂𑐰𑐫𑐾𑐐𑐸 𑐖𑑂𑐫𑐵 𑐫𑐵𑐂। 𑐠𑑂𑐰 𑐳𑐦𑐹𑐟𑐶 𑐴𑐟𑐵𑑅𑐫𑐵 𑐣𑐶𑐲𑑂𑐎𑐬𑑂𑐲 𑐰 𑐥𑐬𑐶𑐞𑐵𑐩𑐫𑐵 𑐰𑐶𑐲𑐫𑐫𑑂 𑐣𑑄 𑐏𑑃 𑐎𑐣𑐵𑐟𑑅𑐐𑐸 𑐡𑐸। 𑐊𑐠𑐾𑐣𑑂𑐳𑐫𑑂 𑐧𑐸𑐩𑑂𑐴 𑐖𑐾𑐣𑑀𑐦𑑀𑐣𑐖𑐸𑑄 𑐠𑑅𑐐𑐸 𑐳𑐿𑐣𑑂𑐫 𑐖𑐷𑐰𑐣𑐫𑐵 𑐎𑐵𑐮𑐏𑐞𑑂𑐜𑐫𑑂 𑐕𑐩𑑂𑐴 𑐰𑑂𑐫𑐵𑐥𑐵𑐬𑐶𑐎 𑐳𑐿𑐣𑐶𑐎(mercenary)𑐫𑐵 𑐬𑐸𑐥𑐫𑑂 𑐥𑐵𑐬𑐳𑐷 𑐳𑐵𑐩𑑂𑐬𑐵𑐖𑑂𑐫𑐫𑑂 𑐰 𑐳𑑂𑐥𑐵𑐬𑑂𑐟𑐵𑐫𑐵 𑐣𑐶𑑄𑐟𑐶𑑄 𑐊𑐳𑐶𑐫𑐵 𑐩𑐵𑐂𑐣𑐬, 𑐠𑑂𑐬𑐾𑐳 𑐰 𑐐𑑂𑐬𑐷𑐳𑐫𑑂 𑐮𑑂𑐰𑐵𑐣𑐵𑐡𑐶𑐮। 𑐠𑐷𑐠𑐷 𑐮𑑂𑐰𑐵𑐥𑐹𑐂 𑐰𑐫𑑂𑐎𑑅𑐫𑐵 𑐳𑑂𑐰𑐵𑐥𑐹𑐫𑐵 𑐎𑐵𑐬𑐞𑑄 𑐰𑐫𑑂𑐎𑑅𑐫𑐵𑐟 𑐊𑐠𑐾𑐣𑑂𑐳𑑄 𑐥𑐶𑐠𑐣𑐵 𑐕𑑂𑐰𑐐𑐸 𑐏। 𑐣𑐶𑐬𑑂𑐰𑐵𑐳𑐣𑐫𑐵 𑐗𑑂𑐰𑐮𑐫𑑂 𑐰𑐫𑑂𑐎𑑅 𑐳𑑂𑐥𑐵𑐬𑑂𑐟𑐵𑐫𑑂 𑐔𑑂𑐰𑐣𑐵𑐡𑐶𑐮 𑐰 𑐠𑑂𑐰 𑐴𑐾 𑐗𑑂𑐰𑐮𑐫𑑂 𑐰𑐫𑑂𑐎𑐮𑑄 𑐴𑐟𑑅 𑐎𑑂𑐰𑐔𑐵𑑅𑐐𑐸 𑐥𑐷𑐡𑑃 (𑑔𑑐𑐡𑑃) 𑐢𑐸𑑄𑐎𑐵 𑐴𑐾𑐮𑐾𑐣𑐶𑐎𑐵 𑐳𑐦𑐹 𑐔𑑂𑐰𑐫𑐵𑐡𑐷𑐐𑐸 𑐏। 𑐰𑐫𑑂𑐎𑑅𑐫𑐵 𑐳𑐦𑐹𑐫𑐵𑐟 𑐢𑐵𑑅𑐳𑐵 𑐰𑐶𑐖𑑂𑐘𑐟𑐾𑐳𑑄 𑐁𑑄𑐱𑐶𑐎 𑐬𑐸𑐥𑐫𑑂 𑐳𑑂𑐥𑐵𑐬𑑂𑐟𑐵𑐫𑐵 𑐥𑐟𑐶𑑄 𑐮𑐶𑐣𑐵𑐔𑑂𑐰𑑅𑐐𑐸 𑐳𑐦𑐹𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵।