छ्येलेमि:Eukesh/Auto/NepalScript/पुरातत्व

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

Excavations at the site of Gran Dolina, in the Atapuerca Mountains, Spain, 2008

𑐀𑐮𑐾𑐎𑑂𑐖𑐾𑐣𑑂𑐡𑑂𑐬𑐶𑐫𑐵, 𑐩𑐶𑐳𑑂𑐬𑐫𑑂 𑐡𑐫𑐵𑐔𑑂𑐰𑑄𑐐𑐸 𑐕𑐐𑐸 𑐬𑑀𑐩𑐣 𑐡𑐧𑐹

𑐥𑐸𑐬𑐵𑐟𑐟𑑂𑐰 𑐢𑐵𑑅𑐐𑐸 𑐟𑐵𑐴𑐵𑑅 𑐃 𑐣𑑂𑐴𑑂𑐫𑑅𑐫𑐵 𑐩𑐣𑐸𑐟𑐾𑐳𑑄 𑐟𑑂𑐰𑐟𑐵𑐰𑑄𑐐𑐸 𑐋𑐟𑐶𑐴𑐵𑐳𑐶𑐎 𑐰𑐳𑑂𑐟𑐸𑐟𑐾𑐐𑐸 𑐮𑑂𑐫𑑄𑐐𑐸 𑐀𑐰𑐱𑐾𑐲 𑐰 𑐎𑐮𑐵𑐎𑐺𑐟𑐶 𑐳𑑂𑐰𑐫𑐵 𑐣𑑂𑐴𑐵𑐥𑐵𑐫𑐵 𑐧𑐵𑐬𑐾𑐫𑑂 𑐳𑐷𑐎𑐶𑐐𑐸 𑐡𑐸𑐳𑐶𑐎𑐵 𑐏। 𑐠𑐣𑑂𑐫𑐵𑐐𑐸 𑐀𑐰𑐱𑐾𑐲𑐫𑑂 𑐥𑐸𑐮𑐵𑑄𑐐𑐸 𑐳𑐶𑐎𑑂𑐎𑐵, 𑐖𑑂𑐫𑐵𑐨𑑅, 𑐕𑐾𑑄, 𑐦𑑂𑐰𑐴𑐬 𑐁𑐡𑐶 𑐮𑐵। 𑐥𑐸𑐬𑐵𑐟𑐟𑑂𑐰 𑐳𑐷𑐎𑐶𑐥𑐶𑑄 𑐩𑐣𑐸𑐟𑐾𑐟 𑐥𑐸𑐬𑐵𑐟𑐟𑑂𑐰𑐰𑐶𑐡𑑂 𑐢𑐵𑐂। 𑐥𑐸𑐬𑐵𑐟𑐟𑑂𑐰𑐰𑐶𑐡𑑂‌𑐟𑐾𑐳𑑄 𑐠𑐣𑑂𑐫𑐵𑐐𑐸 𑐮𑑂𑐫𑐣𑐵𑐔𑑂𑐰𑑄𑐐𑐸 𑐰𑐳𑑂𑐟𑐸𑐟𑐾𑐟 𑐳𑑂𑐰𑐫𑐵 𑐣𑑂𑐴𑐵𑐥𑐵𑐫𑐵 𑐩𑐣𑐸𑐟 𑐐𑐠𑐾 𑐩𑑂𑐰𑐵𑐣𑐵 𑐔𑑂𑐰𑐣 𑐢𑐎𑐵 𑐳𑐷𑐎𑐶𑐐𑐸 𑐎𑐸𑐟𑑅 𑐫𑐵𑐂। 𑐥𑐸𑐬𑐵𑐟𑐟𑑂𑐰 𑐥𑑂𑐬𑐵𑐔𑐷𑐣 𑐩𑐵𑐣𑐰 𑐰𑑂𑐫𑐰𑐴𑐵𑐬𑐫𑐵 𑐳𑐷𑐎𑐾𑐖𑑂𑐫𑐵𑐫𑐵 𑐕𑐐𑐸 𑐎𑐔𑐵 𑐏। 𑐠𑑂𑐰 𑐎𑐔𑐵𑐮𑐫𑑂 𑐣𑑂𑐴𑐵𑐥𑐵𑐫𑐵 𑐩𑐣𑐸𑐟𑐫𑐾𑐐𑐸 𑐰𑐳𑑂𑐟𑐸 𑐟𑐖𑐶𑐮𑐖𑐶 𑐰 𑐂𑐩𑐶𑐳𑑄 𑐟𑑂𑐰𑐟𑐵𑐰𑑄𑐐𑐸 𑐰𑐵𑐟𑐵𑐬𑐞𑐷𑐟 𑐳𑐹𑐔𑑄𑐫𑐵 𑐳𑑄𑐎𑐮𑐣 𑐰 𑐥𑐹𑐣𑐬𑑂𑐥𑑂𑐬𑐵𑐥𑑂𑐟𑐶 𑐫𑐵𑐫𑐾𑐐𑐸 𑐖𑐸𑐂। 𑐠𑑂𑐰 𑐖𑑂𑐫𑐵𑐫𑑂 𑐁𑐬𑑂𑐟𑐶𑐦𑑂𑐫𑐵𑐎𑑂𑐟, 𑐁𑐬𑑂𑐎𑐶𑐟𑐾𑐎𑑂𑐔𑐬, 𑐧𑐵𑐫𑑀𑐦𑑂𑐫𑐵𑐎𑑂𑐟 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐮𑑂𑐫𑐵𑐣𑑂𑐡𑐳𑑂𑐎𑐾𑐥 𑐁𑐡𑐶𑐫𑐵 𑐩𑐵𑐮𑐾𑐖𑑂𑐫𑐵 𑐰 𑐳𑐷𑐖𑐾𑐖𑑂𑐫𑐵 𑐫𑐵𑐫𑐾𑐐𑐸 𑐖𑐸𑐂। 𑐥𑐹𑐬𑐵𑐟𑐟𑑂𑐰𑐫𑑂 𑐫𑐎𑑂𑐰 𑐥𑑂𑐬𑐎𑐵𑐬𑐫𑐵 𑐥𑑂𑐬𑐎𑑂𑐬𑐶𑐫𑐵 𑐳𑑄𑐮𑐐𑑂𑐣 𑐖𑐸𑐂𑐐𑐸𑐮𑐶𑑄 𑐠𑐸𑐎𑐶𑐫𑐵𑐟 𑐰𑐶𑐖𑑂𑐘𑐵𑐣 𑐰 𑐎𑐮𑐵 𑐣𑐶𑐟𑐵𑐫𑐵 𑐬𑐸𑐥𑐫𑑂 𑐴𑐾 𑐎𑐵𑐫𑐾𑐕𑐶𑑄। 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑑂 𑐠𑑂𑐰 𑐱𑐵𑐳𑑂𑐟𑑂𑐬𑐫𑐵𑐟 𑐊𑐣𑑂𑐠𑑂𑐬𑑀𑐥𑑀𑐮𑑀𑐖𑐷𑐫𑐵 𑐎𑐔𑐵𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵 𑐢𑐵𑑅𑐳𑐵 𑐫𑐸𑐬𑑀𑐥𑐫𑑂 𑐠𑐸𑐎𑐶𑐫𑐵𑐟 𑐥𑐺𑐠𑐎 𑐱𑐵𑐳𑑂𑐟𑑂𑐬𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵।

𑐥𑐸𑐬𑐵𑐟𑐟𑑂𑐟𑑂𑐰𑐫𑑂 𑐥𑐹𑐬𑑂𑐰𑐷 𑐀𑐦𑑂𑐬𑐶𑐎𑐵𑐫𑑂 𑐮𑐹𑐐𑐸 𑑓𑑔 𑐮𑐏𑑅 𑐡𑑃 𑐣𑑂𑐴𑑂𑐫𑑅𑐫𑐵 𑐩𑐵𑐣𑐰 𑐂𑐟𑐶𑐴𑐵𑐳𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐮𑑂𑐰𑐴𑑄 𑐖𑑂𑐫𑐵𑐨𑑅 𑐣𑐶𑐳𑐾𑑄 𑐎𑐫𑐵 𑐕𑐸𑑄 𑐡𑑃 𑐣𑑂𑐴𑑂𑐫𑑅 𑐟𑐎𑑂𑐎𑐫𑐵 𑐰𑐳𑑂𑐟𑐸𑐟𑐫𑐾𑐐𑐸 𑐳𑐷𑐎𑐾𑐖𑑂𑐫𑐵 𑐖𑐸𑐂। 𑐠𑑂𑐰 𑐱𑐵𑐳𑑂𑐟𑑂𑐬 𑐥𑑂𑐬𑐵𑐐𑐿𑐟𑐶𑐴𑐵𑐳𑐶𑐎 𑐮𑐴𑐣𑐵𑐫𑐵 𑐧𑐵𑐬𑐾𑐫𑑂 𑐳𑐷𑐎𑐾𑐟 𑐡𑐎𑐮𑐫𑑂 𑐖𑑂𑐫𑐵 𑐰 𑐕𑐵𑐫𑑂 𑐢𑐵𑑅𑐳𑐵 𑐰 𑐃𑐫𑐵 𑐔𑑂𑐰𑐫𑐵𑐟𑑅𑐐𑐸 𑐂𑐟𑐶𑐴𑐵𑐳 𑐩𑐡𑐸 𑐣𑐵𑐥𑑄 𑐩𑐵𑐣𑐰 𑐳𑐨𑑂𑐫𑐟𑐵𑐫𑐵 𑑙𑑙% 𑐂𑐟𑐶𑐴𑐵𑐳 𑐰 𑐴𑐾 𑐎𑐵𑐮𑐏𑐞𑑂𑐜𑐫𑑂 𑐮𑐵। 𑐥𑐹𑐬𑐵𑐟𑐟𑑂𑐟𑑂𑐰𑐫𑐵 𑐠𑐷𑐠𑐷 𑐮𑐎𑑂𑐲𑑂𑐫 𑐡𑐸, 𑐐𑐸𑐎𑐶𑐮𑐶 𑐩𑐵𑐣𑐰 𑐰𑐶𑐎𑐵𑐳𑐎𑑂𑐬𑐩𑐫𑐵 𑐀𑐢𑑂𑐫𑐫𑐣, 𑐳𑐵𑑄𑐳𑑂𑐎𑐺𑐟𑐶𑐎 𑐰𑐶𑐎𑐵𑐳𑐎𑑂𑐬𑐩, 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐂𑐟𑐶𑐴𑐵𑐳𑐫𑐵 𑐀𑐢𑑂𑐫𑐫𑐣 𑐁𑐡𑐶 𑐩𑐹 𑐮𑐎𑑂𑐲𑑂𑐫 𑐏।

𑐠𑑂𑐰 𑐱𑐵𑐳𑑂𑐟𑑂𑐬𑐫𑑂 𑐥𑐸𑐬𑐵𑐟𑐵𑐟𑑂𑐟𑑂𑐰𑐶𑐎 𑐣𑐶𑐬𑐶𑐎𑑂𑐲𑐞, 𑐩𑑂𑐴𑐸𑐖𑑂𑐫𑐵, 𑐰 𑐩𑑂𑐴𑐸𑐖𑑂𑐫𑐵 𑐮𑐶𑐥𑐵𑐫𑐵 𑐰𑐶𑐱𑑂𑐮𑐾𑐲𑐞 𑐩𑐹 𑐥𑑂𑐬𑐎𑐺𑐫𑐵 𑐏। 𑐰𑐺𑐴𑐡 𑐬𑐸𑐥𑑄 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐥𑐸𑐬𑐵𑐟𑐟𑑂𑐟𑑂𑐰 𑐫𑐎𑑂𑐰 𑐩𑐾𑐩𑐾𑐐𑐸 𑐏𑑂𑐫𑑅 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐏𑑂𑐫𑑅 𑐏। 𑐠𑑂𑐰 𑐏𑑂𑐫𑑅𑐫𑐵 𑐊𑐣𑑂𑐠𑑂𑐬𑑀𑐥𑑀𑐮𑑀𑐖𑐷, 𑐂𑐟𑐶𑐴𑐵𑐳, 𑐎𑐮𑐵 𑐂𑐟𑐶𑐴𑐵𑐳, 𑐱𑐵𑐳𑑂𑐟𑑂𑐬𑐷𑐫 𑐎𑐮𑐵, 𑐖𑐵𑐟𑐶 𑐰𑐶𑐎𑐵𑐳, 𑐨𑐹𑐐𑑀𑐮, 𑐨𑐹𑐐𑐬𑑂𑐨𑐱𑐵𑐳𑑂𑐟𑑂𑐬, 𑐨𑐵𑐲𑐵, 𑐮𑑂𑐰𑐫𑑂‌𑐫𑐵 𑐮𑐎𑑂𑐲𑐞 𑐱𑐵𑐳𑑂𑐟𑑂𑐬, 𑐨𑑁𑐟𑐶𑐎𑐱𑐵𑐳𑑂𑐟𑑂𑐬, 𑐳𑐹𑐔𑑄 𑐰𑐶𑐖𑑂𑐘𑐵𑐣, 𑐬𑐳𑐵𑐫𑐣, 𑐟𑐠𑑂𑐫𑐵𑐒𑑂𑐎, 𑐥𑐾𑐮𑐾𑐫𑑀𑐂𑐎𑑀𑐮𑑀𑐖𑐷, 𑐥𑑂𑐫𑐵𑐮𑐾𑐀𑐣𑑂𑐟𑑀𑐮𑑀𑐖𑐷, 𑐥𑑂𑐫𑐵𑐮𑐾𑐌𑐖𑐸𑐮𑑀𑐖𑐷, 𑐥𑑂𑐫𑐵𑐮𑐾𑐌𑐊𑐠𑑂𑐣𑑀𑐧𑑀𑐟𑐵𑐣𑐷, 𑐰 𑐥𑑂𑐫𑐵𑐮𑐾𑐌𑐧𑑀𑐟𑐵𑐣𑐷 𑐁𑐡𑐶 𑐏𑑂𑐫𑑅𑐣𑐵𑐥 𑐳𑑂𑐰𑐵𑐥𑐹 𑐡𑐸।

𑐥𑐸𑐬𑐵𑐟𑐟𑑂𑐰𑐰𑐶𑐡𑐟𑐾𑐳𑑄 𑐣𑑂𑐴𑐵𑐥𑐵𑐫𑐵 𑐧𑐵𑐬𑐾𑐫𑑂‌ 𑐳𑐷𑐎𑐶𑐐𑐸 𑐖𑑂𑐫𑐵𑐫𑐵𑐟 𑐩𑐴𑐟𑑂𑐟𑑂𑐰𑐥𑐸𑐬𑑂𑐞 𑐖𑑂𑐫𑐵𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵। 𑐫𑐎𑑂𑐰 𑐩𑐣𑐹𑐟𑐾𑐳𑑄 𑐣𑑂𑐴𑐵𑐥𑐵𑐫𑐵 𑐏𑑄𑐫𑐵𑐟 𑐠𑑅 𑐐𑐣𑑄 𑐰𑑅𑐐𑐸 𑐏𑑅 𑐢𑐎𑐵 𑐠𑐸𑐂𑐟 𑐕𑑂𑐫𑐮𑐶𑐐𑐸𑐮𑐶𑑄 𑐣𑑄 𑐠𑐸𑐎𑐶𑐫𑐵 𑐩𑐴𑐟𑑂𑐟𑑂𑐰 𑐡𑐫𑐵𑐔𑑂𑐰𑑄𑐐𑐸 𑐏।

𑐏𑑂𑐫𑑅𑐖𑑂𑐫𑐵

𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐏𑑂𑐫𑐮𑐫𑑂 𑐖𑑂𑐫𑐵 𑐫𑐵𑐫𑐾𑐰𑐣𑐾𑐧𑐶𑐮𑐫𑑂 𑐂𑐩𑐶𑐳𑑄 𑐀𑐰𑐱𑐾𑐲𑐟𑐾𑐟 𑐩𑐵𑐮𑐶𑐐𑐸 𑐫𑐵, 𑐠𑐠𑐾 𑐫𑐵𑐫𑐾𑐟 𑐂𑐩𑐶𑐳𑑄 𑐁𑐥𑐵𑐮𑑄 𑐧𑑄 𑐩𑑂𑐴𑐸𑐫𑐵 𑐩𑐵𑐮𑐶𑐐𑐸 𑐫𑐵। 𑐕𑐸𑑄 𑐰𑐳𑑂𑐟𑐸 𑐮𑐸𑐫𑐵𑐰𑑅𑐳𑐵 𑐰 𑐕𑐸𑑄 𑐴𑐾 𑐩𑐮𑐸𑐳𑐵𑑄, 𑐏𑑂𑐫𑑅𑐖𑑂𑐫𑐵𑐫𑐵 𑐮𑐶𑐔𑑂𑐰𑑅𑐫𑐵𑐟 𑐠𑑅𑐐𑐸 𑐁𑐢𑐵𑐬𑐫𑑂 𑐫𑑄𑐎𑐶𑐐𑐸 𑐖𑐸𑐂, 𑐁𑐥𑐵𑐮𑑄 𑐠𑐣𑑂𑐫𑐵𑐐𑐸 𑐁𑐢𑐵𑐬 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐰𑐵 𑐳𑑄𑐐𑑂𑐬𑐴𑐵𑐮𑐫 𑐖𑐸𑐂। 𑐠𑐣𑑂𑐫𑐵𑐐𑐸 𑐳𑐎𑐮 𑐮𑐶𑐔𑑂𑐰𑑅𑐟𑐾𑐐𑐸 𑐀𑐨𑐶𑐮𑐾𑐏 𑐨𑑂𑐰𑑄𑐟𑐫𑑂 𑐰𑐵 𑐎𑐩𑑂𑐥𑑂𑐫𑐸𑐟𑐬𑐫𑑂 𑐟𑐫𑐾𑐐𑐸 𑐖𑐸𑐂। 𑐠𑐸𑐎𑐶𑐫𑐵 𑐁𑐢𑐵𑐬𑐫𑑂 𑐳𑐎𑐮 𑐮𑐹𑐐𑐸 𑐔𑐷𑐖𑐟𑐾𑐟 𑐠𑐸𑐂𑐎𑐶𑐐𑐸 𑐕𑐟𑐵 𑐩𑐹𑐎𑐶𑐥𑐵 𑐡𑐫𑐵𑐰𑐂। 𑐩𑐣𑐸𑐫𑐵 𑐧𑐳𑑂𑐟𑐷 𑐴𑐶𑐮𑐵𑐰𑐣𑐾𑐧𑐶𑐮𑐫𑑂 𑐰 𑐥𑐬𑐶𑐩𑐵𑐬𑑂𑐖𑐶𑐟 𑐖𑐸𑐂𑐧𑐶𑐮𑐫𑑂 𑐥𑐸𑐮𑐵𑑄𑐐𑐸 𑐕𑐾𑑄𑐫𑐵 𑐳𑐟𑐴𑐫𑐵 𑐔𑑂𑐰𑐫𑑂 𑐣𑑂𑐴𑐹𑐐𑐸 𑐕𑐾𑑄𑐫𑐵 𑐣𑐶𑑄𑐟𑐶𑑄 𑐠𑐵𑐫𑑂 𑐡𑐫𑐾𑐎𑐶𑐐𑐸 𑐫𑐵। 𑐥𑑂𑐬𑐵𑐔𑐷𑐣 𑐬𑑀𑐩, 𑐡𑐳𑐸𑐫𑐵 𑐣𑐶𑑄𑐟𑐶𑑄 𑐰𑐬𑑂𑐟𑐩𑐵𑐣 𑐣𑐐𑐬 𑐳𑑂𑐰𑐫𑐵 𑑔𑑐 𑐦𑐶𑐟 (𑑑𑑒𑐩𑐶𑐟𑐬) 𑐎𑑂𑐰𑐾 𑐮𑐵। 𑐠𑑂𑐰 𑐎𑐵𑐬𑐣𑑄 𑐫𑐵𑐣𑐵 𑐥𑐸𑐬𑐵𑐟𑐵𑐟𑑂𑐰𑐶𑐎 𑐏𑑂𑐫𑑅𑐖𑑂𑐫𑐵 𑐠𑐶𑐎𑐾 𑐖𑐸𑐂 𑐣𑐵𑐥𑑄 𑐠𑐣𑑂𑐫𑐵𑐐𑐸 𑐖𑑂𑐫𑐵 𑐫𑐵𑐫𑐾𑐟 𑐫𑐎𑑂𑐰 𑐃 𑐣𑑄 𑐩𑐵।

𑐳𑐬𑑀𑐎𑐵𑐬𑐫𑐵 𑐏𑑂𑐫𑑅

𑐳𑐎𑐮 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐕𑐟𑐵 𑐴𑐾 𑐮𑐴𑐣𑐵𑐫𑐵 𑐳𑐷𑐎𑐾𑐖𑑂𑐫𑐵 𑐫𑐵𑐂𑐩𑐏𑐸, 𑐂𑐩𑐶𑐳𑑄 𑐠𑑅𑐫𑐵𑐟 𑐫𑑅𑐐𑐸 𑐏𑑂𑐫𑐮𑐫𑑂 𑐰𑐶𑐡𑑂𑐰𑐫𑐵 𑐴𑐵𑐳𑐶𑐮 𑐫𑐵𑐂। 𑐠𑐣𑑂𑐫𑐵𑐐𑐸𑐮𑐶 𑐕𑐸𑑄 𑐣𑐵𑑄𑐖𑐵𑑅𑐐𑐸 𑐏𑑂𑐫𑑅 𑐠𑑂𑐰 𑐎𑐠𑑄 𑐡𑐸 𑐥𑑂𑐬𑐵𑐔𑐷𑐣 𑐩𑐶𑐳𑑂𑐬 (𑐰𑐶𑐱𑐾𑐲𑐖𑑂𑐘𑐫𑐵𑐟 𑐩𑐶𑐳𑑂𑐬𑐰𑐶𑐡𑑂 𑐢𑐵𑐂), 𑐥𑑂𑐬𑐵𑐔𑐷𑐣 𑐐𑑂𑐬𑐷𑐳, 𑐰𑐵 𑐨𑐵𑐂𑐎𑐶𑑄𑐐। 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐳𑐎𑐮 𑐮𑐴𑐣𑐵𑐫𑐵 𑐀𑐢𑑂𑐫𑐫𑐣 𑐫𑐵𑐂, 𑐰𑐶𑐱𑐾𑐲 𑐫𑐵𑐣𑐵 𑐔𑑂𑐰𑐫𑐵𑐟𑑅𑐐𑐸 𑐂𑐟𑐶𑐴𑐵𑐳 𑐩𑐡𑐹𑐐𑐸 𑐮𑐴𑐣𑐵। 𑐠𑐣𑑂𑐫𑐵𑐐𑐸 𑐀𑐢𑑂𑐫𑐫𑐣 𑐣𑑂𑐴𑑂𑐫𑐵𑐐𑐸 𑐣𑑄 𑐳𑐩𑐫 𑐳𑐷𑐩𑐵𑐫𑐵 𑐖𑐸𑐂𑐦𑐸। 𑐡𑐳𑐸𑐫𑐵 𑐣𑐶𑑄𑐟𑐶𑑄, 𑐕𑐩𑑂𑐴 𑐰𑐶𑐡𑑂𑑄 𑐩𑐣𑐹𑐫𑐵 𑐀𑐦𑑂𑐬𑐶𑐎𑐵𑐫𑑂 𑐄𑐡𑑂𑐐𑐩𑐫𑐵 𑐧𑐵𑐬𑐾𑐫𑑂 𑐀𑐢𑑂𑐫𑐫𑐣 𑐫𑐵𑐫𑐾𑐦𑐸, 𑐰𑐵 𑐩𑐾𑐩𑑂𑐴 𑐰𑐶𑐡𑑄 𑐮𑐶𑐄 𑐴𑐮𑐶𑐩 𑐴𑐟𑐵𑑅𑐫𑐵 𑐧𑐵𑐬𑐾𑐫𑑂 𑐀𑐢𑑂𑐫𑐫𑐣 𑐫𑐵𑐫𑐾𑐦𑐸। 𑐕𑐸𑑄 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐁𑑅𑐫𑐵 𑐃𑐮𑐫𑑂 𑐮𑐏𑐫𑑂 𑐡𑐸𑐣𑐾 𑐮𑐵𑐣𑐵𑐔𑑂𑐰𑑄𑐐𑐸 𑐔𑐷𑐖𑐟𑐾𑐐𑐸 𑐧𑐵𑐬𑐾𑐫𑑂 𑐀𑐢𑑂𑐫𑐫𑐣 𑐫𑐵𑐂। 𑐂𑐩𑐶𑐳𑑄 𑐎𑑂𑐰𑐧𑐵𑑅𑐐𑐸 𑐮𑑅𑐏𑑅 𑐰𑐵 𑐮𑐏𑐫𑑂 𑐟𑐣𑐾𑐢𑐸𑑄𑐎𑐹𑐐𑐸 𑐣𑐐𑐬𑐫𑐵 𑐧𑐵𑐬𑐾𑐫𑑂 𑐀𑐢𑑂𑐫𑐫𑐣 𑐫𑐵𑐂।

𑐠𑐵𑐫𑑂

𑐳𑑂𑐟𑑀𑐣𑐴𑐾𑐘𑑂𑐖 𑐂𑑄𑐐𑑂𑐮𑑂𑐫𑐵𑐣𑑂𑐡𑐫𑑂 𑐡𑐹𑐐𑐸 𑐕𑐐𑐸 𑐣𑐵𑑄𑐖𑐵𑑅𑐐𑐸 𑐥𑐸𑐬𑐵𑐟𑐵𑐟𑑂𑐰𑐶𑐎 𑐠𑐵𑐫𑑂 𑐏। 𑐩𑐾𑐩𑐾𑐐𑐸 𑐣𑐵𑑄𑐖𑐵𑑅𑐐𑐸 𑐠𑐵𑐳𑐫𑑂 𑐀𑑄𑐎𑑀𑐬 𑐰𑐵𑐚, 𑐩𑐵𑐔𑐸 𑐥𑐶𑐔𑐸 𑐰 𑐐𑑂𑐬𑐾𑐟 𑐖𑐶𑐩𑑂𑐧𑐵𑐧𑑂𑐰𑐾 𑐮𑐵। 𑐫𑐎𑑂𑐰 𑐡𑐾𑐱𑐫𑑂 𑐳𑐬𑐎𑐵𑐬 𑐰 𑐳𑑂𑐠𑐵𑐣𑐷𑐫 𑐥𑐸𑐔𑐮𑑄 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐠𑐵𑐫𑑂‌𑐟𑐾𑐟 𑐳𑑄𑐬𑐎𑑂𑐲𑐞 𑐫𑐵𑐣𑐵𑐟𑐂 𑐰 𑐠𑐣𑑂𑐫𑐵𑐐𑐸 𑐠𑐵𑐫𑑂‌ 𑐣𑐵𑐳 𑐩𑐖𑐸𑐂𑐎𑑅 𑐥𑐬𑑂𑐫𑐚𑐎 𑐣𑑂𑐴𑑂𑐫𑐵𑐧𑐶𑐮𑐫𑑂 𑐴𑐾 𑐰𑐫𑐾𑐕𑐶𑑄𑐎𑑅 𑐟𑐫𑐵𑐟𑐂।

𑐕𑐸𑑄 𑐥𑐸𑐬𑐵𑐟𑐵𑐟𑑂𑐰𑐶𑐎 𑐠𑐵𑐫𑑂 𑐢𑐵𑑅𑐳𑐵 𑐣𑑂𑐴𑐹𑐐𑐸 𑐕𑐾𑑄𑐟𑐾𑐐𑐸 𑐖𑐐 𑐡𑐫𑐾𑐎𑐾𑐟 𑐧𑐸𑑄 𑐏𑐣𑐾𑐧𑐶𑐮𑐫𑑂 𑐮𑐸𑐫𑐵𑐰𑐂। 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐠𑐣𑑂𑐫𑐵𑑅𑐐𑐸 𑐂𑐮𑐫𑑂 𑐫𑐵𑐎𑐣𑑄 𑐖𑑂𑐫𑐵 𑐫𑐵𑐫𑐾𑐩𑐵𑐮𑐶 𑐕𑐵𑐫𑑂 𑐢𑐵𑑅𑐳𑐵 𑐀𑐣𑑂𑐫𑐵𑐐𑐸 𑐠𑐵𑐳𑐫𑑂 𑐩𑐣𑐸𑐟𑐫𑐾𑐟 𑐕𑐾𑑄 𑐡𑐫𑐾𑐎𑐾𑐟 𑐴𑐠𑐵𑐫𑑂 𑐔𑐵𑐫𑐵𑐔𑑂𑐰𑐣𑐶 𑐰 𑐫𑐎𑑂𑐰 𑐃 𑐟𑐎𑑂𑐎 𑐧𑐸𑑄 𑐔𑐵𑐫𑐾𑐎𑐵 𑐟𑐫𑐾𑐕𑐶𑐣𑐶 𑐩𑐏𑐸। 𑐫𑐎𑑂𑐰 𑐃𑐮𑐫𑑂 𑐥𑐸𑐬𑐵𑐟𑐟𑑂𑐰𑐰𑐶𑐡𑑂𑐟𑐾𑐳𑑄 𑐠𑑅𑐐𑐸 𑐖𑑂𑐫𑐵 𑐫𑐵𑐫𑐾𑐢𑐸𑑄𑐎𑐵 𑐮𑐹𑐐𑐸 𑐔𑐷𑐖𑐟𑐾𑐟, 𑐮𑐹𑐐𑐸 𑐔𑐷𑐖 𑐳𑐶𑐎𑑂𑐎 𑐴𑐾 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐩𑐖𑐸𑐳𑐵, 𑐧𑐸𑑄𑐂 𑐴𑐾 𑐟𑐥𑐸𑐣𑐵 𑐕𑑂𑐰𑐂।

𑐳𑑂𑐰𑐫𑐵𑐡𑐶𑐳𑑃

• 𑐂𑐟𑐶𑐴𑐵𑐳
• 𑐮𑐴𑐣𑐵