छ्येलेमि:Eukesh/Auto/NepalScript/पुचः ३ तत्त्व
थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ। 𑐥𑐸𑐔𑑅 𑑓 𑐟𑐟𑑂𑐟𑑂𑐰 𑐟𑐟𑑂𑐟𑑂𑐰𑐩𑐵𑑄𑐫𑐵 𑐳𑑄𑐎𑑂𑐬𑐩𑐞 𑐢𑐵𑐟𑐸𑐟𑐾𑐐𑐸 𑐣𑑂𑐴𑐵𑐥𑐵𑑄𑐐𑐸 𑐥𑐸𑐔𑑅 𑐏। 𑐠𑑂𑐰 𑐥𑐸𑐔𑑅 𑐰𑐶𑐬𑐮-𑐥𑐺𑐠𑑂𑐰𑐷 𑐟𑐟𑑂𑐰 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐥𑐸𑐔𑑅 𑐏। 𑐠𑑂𑐰 𑐥𑐸𑐔𑑅𑐫𑐵 𑐳𑑄𑐬𑐔𑐣𑐵 𑐰 𑐰𑐬𑑂𑐐𑐷𑐎𑐬𑐞𑐫𑐵 𑐰𑐶𑐲𑐫𑐫𑑂 𑐕𑐸𑑄 𑐰𑐶𑐰𑐵𑐡 𑐡𑐸। 𑐀𑐠𑐾𑐖𑐸𑐳𑐵𑑄, 𑐠𑑂𑐰 𑐰𑐶𑐲𑐫𑐫𑐵 𑐰𑐶𑐖𑑂𑐘𑐟𑐾𑐐𑐸 𑐳𑐴𑐩𑐟𑐶 𑐡𑐸 𑐎𑐶 𑐠𑑂𑐰 𑐥𑐸𑐔𑐮𑐫𑑂 𑐥𑑂𑐫𑐟𑐵 𑐟𑐟𑑂𑐰: 𑐳𑑂𑐎𑑂𑐫𑐵𑐣𑑂𑐡𑐶𑐫𑐩 (Sc), 𑐫𑐾𑐟𑑂𑐬𑐶𑐫𑐩 (Y), 𑐮𑑂𑐫𑐸𑐟𑐾𑐟𑐶𑐫𑐩 (Lu), 𑐰 𑐮𑐬𑐾𑐣𑑂𑐳𑐶𑐫𑐩(Lr) 𑐡𑐸। 𑐠𑑂𑐰 𑐥𑐸𑐔𑑅𑐫𑐵𑐟 𑐠𑑂𑐰 𑐥𑐸𑐔𑑅𑐫𑐵 𑐡𑐎𑐮𑐫𑑂 𑐫𑐵𑐄𑑄𑐐𑐹 𑐟𑐟𑑂𑐟𑑂𑐰 𑐳𑑂𑐎𑑂𑐫𑐵𑐣𑑂𑐡𑐶𑐫𑐩𑐫𑐵 𑐣𑐵𑐩𑑄 𑐳𑑂𑐎𑑂𑐫𑐵𑐣𑑂𑐡𑐶𑐫𑐩 𑐥𑐬𑐶𑐰𑐵𑐬 𑐣𑑄 𑐢𑐵𑐂𑐐𑐸 𑐫𑐵।
𑐥𑐸𑐔𑑅 𑑓 𑐟𑐟𑑂𑐟𑑂𑐰𑐟𑐾𑐐𑐸 𑐬𑐳𑐵𑐫𑐣𑐶𑐎 𑐐𑐸𑐞 𑐥𑑂𑐬𑐵𑐬𑐩𑑂𑐨𑐶𑐎 𑐳𑑄𑐎𑑂𑐬𑐩𑐞 𑐢𑐵𑐟𑐸𑐟𑐾𑐐𑐸 𑐣𑐶𑑄𑐟𑐶𑑄 𑐰𑐶𑐱𑐶𑐲𑑂𑐚 𑐖𑐸: 𑐠𑑂𑐰 𑐥𑐸𑐔𑑅𑐫𑐵 𑐳𑐎𑐮 𑐟𑐟𑑂𑐟𑑂𑐰𑐟𑐾𑐐𑐸 𑐀𑐎𑑂𑐳𑐶𑐡𑐾𑐳𑐣 𑐀𑐰𑐳𑑂𑐠𑐵 𑐥𑑂𑐬𑐩𑐸𑐏 𑐬𑐸𑐥𑑄 +𑑓 𑐖𑐎 𑐖𑐸𑐂। 𑐣𑐵𑐥𑑄 𑐠𑑂𑐰 𑐳𑑂𑐰𑐫𑐵 𑐥𑐹𑐬𑑂𑐰𑐰𑐬𑑂𑐟𑐷 𑐩𑐹-𑐥𑐸𑐔𑑅 𑐢𑐵𑐟𑐸𑐟 𑐠𑐾𑑄 𑐴𑐾 𑐠𑑂𑐰 𑐥𑐸𑐔𑑅 𑐣𑑄 𑐁𑐥𑐵𑐮𑑄 𑐴𑐾 𑐂𑐮𑐾𑐎𑑂𑐚𑑂𑐬𑑀𑐥𑑀𑐖𑐶𑐟𑐶𑐨 𑐖𑐸𑐂 𑐰 𑐳𑐩𑐣𑑂𑐰𑐫 𑐬𑐳𑐵𑐫𑐣 (𑐎𑑀𑐀𑐬𑑂𑐡𑐶𑐣𑐾𑐳𑐣 𑐎𑐾𑐩𑐶𑐳𑑂𑐟𑑂𑐬𑐶) 𑐩𑑂𑐴𑑀 𑐖𑐎 𑐖𑐸𑐂। 𑐮𑑂𑐫𑐵𑐣𑑂𑐠𑐣𑐵𑐂𑐡 𑐳𑑄𑐎𑐸𑐔𑐣𑐫𑐵 𑐥𑑂𑐬𑐨𑐵𑐰𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐫𑐾𑐟𑑂𑐬𑐶𑐫𑐩 𑐰 𑐮𑑂𑐫𑐸𑐟𑐾𑐟𑐶𑐫𑐩𑐫𑐵 𑐐𑐸𑐞 𑐳𑐩𑐵𑐣 𑐖𑐸। 𑐫𑐾𑐟𑑂𑐬𑐶𑐫𑐩 𑐰 𑐮𑑂𑐫𑐸𑐟𑐾𑐟𑐶𑐫𑐩𑐫𑑂 𑐀𑐣𑐶𑐰𑐵𑐬𑑂𑐫 𑐬𑐹𑐥𑑄 𑐗𑑂𑐫𑐵𑐟𑐹𑐐𑐸 𑐮𑑂𑐫𑐵𑐣𑑂𑐠𑐵𑐣𑐵𑐂𑐡𑐫𑐵 𑐬𑐳𑐵𑐫𑐣𑐶𑐎 𑐐𑐸𑐞 𑐡𑐫𑐵𑐔𑑂𑐰𑐣𑐶। 𑐟𑐬 𑐳𑑂𑐎𑑂𑐫𑐵𑐣𑑂𑐡𑐶𑐫𑐩𑐫𑐵 𑐬𑐳𑐵𑐫𑐣𑐶𑐎 𑐐𑐸𑐞 𑐢𑐵𑑅𑐳𑐵 𑐠𑑅𑐐𑐸 𑐔𑐶𑐢𑑄𑐐𑐸 𑐁𑐎𑐵𑐬𑐫𑐵 𑐎𑐵𑐬𑐞𑑄 𑐫𑐾𑐟𑑂𑐬𑐶𑐫𑐩 𑐰 𑐮𑑂𑐫𑐸𑐟𑐾𑐟𑐶𑐫𑐩 𑐳𑑂𑐰𑐫𑐵 𑐥𑐵। 𑐠𑑂𑐰 𑐥𑑂𑐬𑐵𑐬𑐩𑑂𑐨𑐶𑐎 𑐳𑑄𑐎𑑂𑐬𑐩𑐞 𑐢𑐵𑐟𑐸 𑐥𑐸𑐔𑑅𑐟𑐾𑐐𑐸 𑐳𑐩𑐵𑐣 𑐮𑐎𑑂𑐲𑐞 𑐏, 𑐐𑐣𑐎𑐶 𑐡𑐎𑐮𑐫𑑂 𑐫𑐵𑐄𑑄𑐐𑐸 𑐟𑐟𑑂𑐟𑑂𑐰 𑐩𑐾𑐐𑐹 𑐣𑐶𑐟𑐵 𑐟𑐟𑑂𑐟𑑂𑐰 𑐳𑑂𑐰𑐫𑐵 𑐥𑐺𑐠𑐎 𑐖𑐸𑐂।
𑐥𑐸𑐔𑑅 𑑓𑐫𑐵 𑐳𑐎𑐮 𑐟𑐟𑑂𑐟𑑂𑐰 𑐣𑐵𑐂𑐳𑐾 𑐔𑑂𑐰𑑄𑐐𑐸, 𑐰𑐴 𑐠𑐾𑑄 𑐟𑐸𑐫𑐹𑐐𑐸 𑐟𑐟𑑂𑐟𑑂𑐰 𑐏। 𑐟𑐟𑑂𑐟𑑂𑐰𑐟𑐾𑐐𑐸 𑐁𑐞𑐰𑐶𑐎 𑐮𑑂𑐫𑐵 𑐰𑐺𑐡𑑂𑐢𑐶 𑐣𑐵𑐥𑑄 𑐟𑐟𑑂𑐟𑑂𑐰 𑐎𑐜𑐵 𑐖𑐹𑐖𑐹𑑄 𑐰𑐣𑐶। 𑐥𑐺𑐠𑑂𑐰𑐷𑐫𑐵 𑐦𑐫𑑂𑐫𑑂 𑐢𑐵𑑅𑐳𑐵 𑐠𑑂𑐰 𑐥𑐸𑐔𑑅𑐫𑐵 𑐟𑐟𑑂𑐟𑑂𑐰𑐟𑐾𑐐𑐸 𑐱𑐸𑐡𑑂𑐢 𑐬𑐸𑐥 𑐕𑐎𑐮𑑄 𑐧𑐹𑐮𑐸𑐳𑐾 𑐔𑑂𑐰𑐣𑐶। 𑐠𑐸𑐎𑐶𑐫𑐵 𑐎𑐵𑐬𑐞 𑐰𑐵𑐟𑐵𑐰𑐬𑐞𑐫𑑂 𑐡𑐹𑐐𑐸 𑐮𑑅 𑐏। 𑐰𑐵𑐟𑐵𑐰𑐬𑐞𑐫𑑂 𑐡𑐹𑐐𑐸 𑐮𑑅𑐣𑐵𑐥 𑐥𑑂𑐬𑐟𑐶𑐎𑑂𑐬𑐶𑐫𑐵 𑐫𑐵𑐳𑐾𑑄 𑐱𑐸𑐡𑑂𑐢 𑐥𑐸𑐔𑑅 𑑓 𑐟𑐟𑑂𑐟𑑂𑐰𑐟𑐾𑐐𑐸 𑐳𑐟𑐴𑐫𑑂 𑐕𑐎𑐮𑑄 𑐀𑐎𑑂𑐳𑐵𑐂𑐡 𑐡𑐫𑐵𑐰𑐂।