छ्येलेमि:Eukesh/Auto/NepalScript/पिरामिड

थ्व पौ देवनागरीं बोट छ्यला थःमंतुं नेपाललिपिइ हिलातःगु ख। थ्व पौयात च्वसु पतिइ यंकेन्ह्यः छकः ब्वनाः पाय्छि जू/मजूगू स्वयादिसँ।

𑐐𑐵𑐖𑐵 𑐣𑐾𑐎𑑂𑐬𑑀𑐥𑑀𑐮𑐶𑐳, 𑐩𑐶𑐳𑑂𑐬𑐫𑐵 𑐥𑐶𑐬𑐵𑐩𑐶𑐡, 𑐳𑐬𑑂𑐐𑐎𑐶𑐥𑐵

𑐟𑐶𑐩𑐶𑐮𑐵𑐫𑐵 𑐥𑐶𑐬𑐵𑐩𑐶𑐡, 𑐟𑐶𑐌𑐟𑐶𑐴𑐸𑐁𑐎𑐵𑐣

𑐎𑑀𑐴 𑐎𑐾𑐬𑐫𑐵 𑐥𑑂𑐬𑐳𑐵𑐟 𑐟𑑀𑐩 𑐡𑐾𑐐𑑅

𑐳𑑂𑐥𑐾𑐣𑐫𑐵 𑐟𑐾𑐣𑐾𑐬𑐶𑐦𑐫𑐵 𑐐𑐸𑐂𑐩𑐵𑐬𑐫𑐵 𑐥𑐶𑐬𑐵𑐩𑐶𑐡

𑐥𑐶𑐬𑐵𑐩𑐶𑐡 (𑐫𑐰𑐣 𑐨𑐵𑐲𑐵:πυραμίς" – 𑐥𑐶𑐬𑐵𑐩𑐶𑐳}} ) 𑐕𑐐𑐹 𑐟𑑂𑐬𑐶𑐁𑐫𑐵𑐩𑐶𑐎 𑐳𑑄𑐬𑐔𑐣𑐵 𑐏। 𑐠𑑂𑐰 𑐳𑑄𑐬𑐔𑐣𑐵 𑐥𑑂𑐫𑐟𑐵 𑐏𑑂𑐰𑐵𑑅 𑐰 𑐖𑐐 𑐳𑑂𑐰𑐵𑐣𑐵 𑐡𑐫𑐵𑐰𑐿। 𑐠𑑂𑐰 𑐳𑑄𑐬𑐔𑐣𑐵𑐫𑐵 𑐥𑑂𑐫𑐟𑐵 𑐏𑑂𑐰𑐵𑑅 𑐳𑑂𑐰𑐎𑐸𑑄𑐮𑐵𑐐𑐸। 𑐠𑐣𑑂𑐫𑐵𑐐𑐸 𑐥𑑂𑐫𑐟𑐵 𑐏𑑂𑐰𑐵𑐫𑐵 𑐕𑐐𑐹 𑐳𑐶𑐠 𑐳𑑂𑐰𑐵𑐣𑐵 𑐥𑑂𑐫𑐎𑐸𑑄𑐮𑐵𑑅𑐐𑐸 𑐖𑐐 𑐡𑐫𑐾𑐎𑐷 𑐢𑐵𑑅𑐳𑐵 𑐥𑑂𑐫𑐥𑐵 𑐏𑑂𑐰𑐵𑐫𑐵 𑐖𑐐 𑐳𑑂𑐰𑐫𑐵 𑐟𑐵𑑅𑐥𑐵𑑅𑐐𑐸 𑐥𑑂𑐫𑐟𑐵 𑐎𑐸𑑄 𑐳𑑂𑐰𑐵𑐣𑐵 𑐥𑐶𑐬𑐵𑐩𑐶𑐡𑐫𑐵 𑐕𑑂𑐫𑑄 ("𑐊𑐥𑐾𑐎𑑂𑐳") 𑐡𑐫𑐾𑐎𑐷। 𑐳𑐵𑐢𑐵𑐬𑐞 𑐎𑐠𑑄 𑐕𑐾𑑃 𑐡𑐣𑐾𑐧𑐶𑐮𑐫𑑂 𑐡𑐫𑐾𑐎𑐶𑐐𑐸 𑐥𑐶𑐬𑐵𑐩𑐶𑐡𑐫𑐵 𑐖𑐐 𑐥𑑂𑐫𑐎𑐸𑑄𑐮𑐵𑐂𑐐𑐸 𑐖𑐸𑐳𑐵𑑄 𑐥𑐶𑐬𑐵𑐩𑐶𑐡𑐫𑐵 𑐖𑐐 𑐳𑑂𑐰𑐎𑐸𑑄, 𑐣𑑂𑐫𑐵𑐎𑐸𑑄 𑐰𑐵 𑐩𑐾𑐩𑐾𑐐𑐸 𑐥𑑀𑐮𑐶𑐐𑑀𑐣𑐮 𑐁𑐎𑐵𑐬𑐫𑐵 𑐖𑐸𑐂𑐦𑐸। 𑐥𑐶𑐬𑐵𑐩𑐶𑐡𑐫𑐵 𑐖𑐐𑐫𑐵 𑐎𑐸𑑄𑐫𑐵 𑐮𑑂𑐫𑐵𑐏𑑄 𑐥𑐶𑐬𑐵𑐩𑐶𑐡𑐫𑐵 𑐏𑑂𑐰𑐵 𑐣𑐶𑐬𑑂𑐢𑐵𑐬𑐞 𑐫𑐵𑐂। 𑐡𑐳𑐸- 𑐥𑐶𑐬𑐵𑐩𑐶𑐡𑐫𑐵 𑐁𑐢𑐵𑐬 𑐳𑑂𑐰𑐎𑐸𑑄𑐮𑐵𑑅𑐳𑐵 𑐥𑐶𑐬𑐵𑐩𑐶𑐡𑐫𑑂 𑐖𑐐 𑐟𑑂𑐰𑐟𑐵𑑅 𑐳𑑂𑐰𑐥𑐵 𑐏𑑂𑐰𑐵𑑅 𑐡𑐫𑐵𑐔𑑂𑐰𑐣𑐶। 𑐳𑐩𑐵𑐣𑐵𑐣𑑂𑐟𑐬 𑐥𑑂𑐫𑐎𑐸𑑄𑐮𑐵𑑅𑐐𑐸 𑐥𑐶𑐬𑐵𑐩𑐶𑐡 𑐡𑐎𑐮𑐫𑑂 𑐳𑐵𑐩𑐵𑐣𑑂𑐫 𑐥𑐶𑐬𑐵𑐩𑐶𑐡 𑐏।

𑐥𑐶𑐬𑐵𑐩𑐶𑐡𑐫𑐵 𑐳𑑄𑐬𑐔𑐣𑐵𑐫𑑂 𑐀𑐥𑑂𑐰 𑐩𑐵𑐟𑑂𑐬𑐵 (𑐰 𑐀𑐥𑑂𑐰 𑐟𑑁𑐮) 𑐧𑐸𑑄𑐂 𑐡𑐫𑐵𑐔𑑂𑐰𑐣𑐶, 𑐰 𑐥𑐶𑐬𑐵𑐩𑐶𑐡𑐶𑐫𑐣 (pyramidion) 𑐔𑑂𑐰𑐎𑐵 𑐡𑐹𑐐𑐸𑐮𑐶𑑄 𑐳𑑄𑐬𑐔𑐣𑐵𑐫𑐵 𑐩𑐵𑐟𑑂𑐬𑐵 𑐰 𑐟𑑁𑐮 𑐔𑑂𑐰 𑐰𑑄-𑐰𑑄 𑐩𑑂𑐴𑑀 𑐖𑐸𑐫𑐵𑐰𑐣𑐶। 𑐠𑑂𑐰 𑐳𑑄𑐬𑐔𑐣𑐵𑑄 𑐟𑑁𑐮𑐫𑐵 𑐰𑐶𑐟𑐬𑐞 𑐀𑐥𑐸𑐂𑐎𑐷 𑐰 𑐳𑑂𑐠𑐵𑐫𑐷 𑐳𑑂𑐩𑐵𑐬𑐎 𑐨𑑁𑐟𑐶𑐎 𑐳𑑄𑐬𑐔𑐣𑐵 𑐡𑐫𑐾𑐎𑐾𑐫𑐵𑐟 𑐐𑑂𑐰𑐴𑐵𑐮𑐶 𑐫𑐵𑐂। 𑐠𑑂𑐰 𑐳𑑄𑐬𑐔𑐣𑐵𑐫𑐵 𑐳𑑂𑐠𑐶𑐬𑐟𑐵 𑐰 𑐳𑑂𑐠𑐵𑐫𑐶𑐟𑑂𑐰𑐫𑐵 𑐎𑐵𑐬𑐞𑑄 𑐫𑐵𑐣𑐵 𑐥𑑂𑐬𑐵𑐔𑐷𑐣𑐎𑐵𑐮𑐫𑐵 𑐫𑐎𑑂𑐰 𑐥𑐶𑐬𑐵𑐩𑐶𑐡𑐵𑐎𑐵𑐬𑐫𑐵 𑐳𑑄𑐬𑐔𑐣𑐵 𑐠𑑁𑑄 𑐟𑐎𑑂𑐎 𑐣𑑄 𑐡𑐫𑐵𑐔𑑂𑐰𑑄𑐐𑐸 𑐡𑐸।

𑐥𑐬𑐵𑐥𑐹𑐬𑑂𑐰𑐎𑐵𑐮 𑐰 𑐥𑑂𑐬𑐵𑐔𑐷𑐣𑐎𑐵𑐮𑐫𑐵 𑐰𑐬𑑂𑐟𑐩𑐵𑐣𑐫𑑂 𑐡𑐫𑐵𑐔𑑂𑐰𑑄𑐐𑐸 𑐰 𑐂𑐟𑐶𑐴𑐵𑐳𑐫𑑂 𑐰𑐬𑑂𑐞𑐣 𑐫𑐵𑐣𑐵𑐟𑑅𑐐𑐸 𑐫𑐎𑑂𑐰 𑐳𑑄𑐬𑐔𑐣𑐵 𑐠𑑂𑐰 𑐴𑐾 𑐁𑐎𑐵𑐬𑐫𑑂 𑐡𑐫𑐾𑐎𑐵𑐟𑑅𑐐𑐸 𑐏𑐣𑐾 𑐡𑐸। 𑐡𑐱𑐸𑐬 𑐣𑐾𑐎𑑂𑐬𑑀𑐥𑑀𑐮𑐶𑐳𑐫𑐵 𑐴𑑂𑐫𑐵𑑄𑐐𑐸 𑐥𑐶𑐬𑐵𑐩𑐶𑐡 𑐰 𑐏𑐸𑐦𑐸𑐫𑐵 𑐩𑐴𑐵𑐣 𑐥𑐶𑐬𑐵𑐩𑐶𑐡 𑐠𑐸𑐎𑐶𑐫𑐵 𑐡𑐳𑐸 𑐏। 𑐠𑑂𑐰 𑐣𑐶𑐐𑐸 𑐴𑐾 𑐳𑑄𑐬𑐔𑐣𑐵 𑐥𑑂𑐬𑐵𑐔𑐷𑐣 𑐩𑐶𑐳𑑂𑐬𑐫𑐵 𑐳𑑂𑐩𑐵𑐬𑐎 𑐏। 𑐠𑐸𑐎𑐶𑐮𑐶 𑐏𑐸𑐦𑐸𑐫𑐵 𑐥𑐶𑐬𑐵𑐩𑐶𑐡 𑐥𑑂𑐬𑐵𑐔𑐷𑐣𑐎𑐵𑐮𑐫𑐵 𑑗𑐐𑐸 𑐁𑐱𑑂𑐔𑐬𑑂𑐫𑐫𑑂 𑐰𑐬𑑂𑐟𑐩𑐵𑐣𑐫𑑂 𑐡𑐫𑐵𑐔𑑂𑐰𑑄𑐐𑐸 𑐕𑐐𑐹 𑐖𑐎𑑂𑐎 𑐳𑑂𑐩𑐵𑐬𑐎 𑐣𑑄 𑐏। 𑐏𑐸𑐦𑐸𑐫𑐵 𑐥𑐶𑐬𑐵𑐩𑐶𑐡 𑐥𑐹𑐬𑑂𑐞 𑐬𑐸𑐥𑑄 𑐔𑐸𑐣𑐮𑑀𑐴𑑄 𑐡𑐫𑐾𑐎𑐵𑐟𑑅𑐐𑐸 𑐰𑐵𑐳𑑂𑐟𑐸𑐱𑐵𑐳𑑂𑐟𑑂𑐬𑐷𑐫 𑐄𑐟𑑂𑐎𑐺𑐲𑑂𑐚 𑐳𑑄𑐬𑐔𑐣𑐵 𑐏। 𑐠𑑂𑐰 𑐳𑑄𑐬𑐔𑐣𑐵𑐫𑑂 𑐎𑐬𑐶𑐧 𑑑𑑓,𑑐𑑐,𑑐𑑐𑑐 𑐧𑑂𑐮𑐎 𑐡𑐸 𑐐𑐸𑐎𑐶𑐫𑐵 𑐟𑑁𑐮 𑑒.𑑕 𑐣𑐶𑐳𑐾𑑄 𑑑𑑕 𑐚𑐣 𑐟𑐎𑑂𑐎 𑐡𑐸। 𑐠𑑂𑐰 𑐳𑑄𑐬𑐔𑐣𑐵 𑐳𑐩𑐠𑐬 𑐥𑑂𑐫𑐎𑐸𑑄𑐮𑐵𑐫𑑂 𑐁𑐢𑐵𑐬𑐫𑐵 𑐡𑐫𑐾𑐎𑐵𑐟𑑅𑐐𑐸 𑐰 𑐠𑑂𑐰 𑐳𑑄𑐬𑐔𑐣𑐵𑐫𑐵 𑐁𑐢𑐵𑐬𑐫𑐵 𑐴𑐵𑐎𑑅 𑑒𑑓𑑐 𑐩𑐶 (𑑗𑑕𑑕 𑐦𑐶𑐟) 𑐰 𑐎𑑂𑐲𑐾𑐟𑑂𑐬𑐦𑐮 𑑑𑑓 𑐊𑐎𑐬 𑐡𑐸। 𑐠𑐸𑐎𑐶𑐫𑐵 𑐥𑑂𑐫𑑄𑐐𑐸 𑐏𑑂𑐰𑐵𑐮𑑄 𑐥𑑂𑐫𑑄𑐐𑐸 𑐎𑐵𑐬𑑂𑐡𑐶𑐣𑐮 𑐥𑑀𑐂𑐣𑑂𑐟 𑐠𑐶𑐎𑑂𑐎 𑐬𑐸𑐥𑑄 𑐳𑑂𑐰 𑐢𑐵𑑅𑐳𑐵 𑐠𑑂𑐰 𑐥𑐶𑐬𑐵𑐩𑐶𑐡𑐫𑐵 𑐎𑑀𑐞 𑑕𑑒 𑐡𑐶𑐐𑑂𑐬𑐷 𑐡𑐸। 𑐠𑑂𑐰 𑐥𑐶𑐬𑐵𑐩𑐶𑐡𑐫𑐵 𑐰𑐵𑐳𑑂𑐟𑐰𑐶𑐎 𑐖𑐵 𑑑𑑔𑑖.𑑕 𑐩𑐶𑐟𑐬 (𑑔𑑘𑑘 𑐦𑐶𑐟) 𑐡𑑅𑐳𑐵𑑄 𑐰𑐬𑑂𑐟𑐩𑐵𑐣𑐫𑑂 𑐠𑑂𑐰 𑐥𑐶𑐬𑐵𑐩𑐶𑐡𑐫𑐵 𑐖𑐵 𑑑𑑓𑑗 𑐩𑐶 (𑐰𑐵 𑑔𑑕𑑕 𑐦𑐶𑐟) 𑐖𑐎𑑂𑐎 𑐡𑐸। 𑐠𑑂𑐰 𑑙 𑐩𑐶𑐟𑐬 (𑑓𑑓 𑐦𑐶𑐟) 𑐖𑐵𑐫𑐵 𑐎𑐩𑐷 𑐠𑑂𑐰 𑐥𑐶𑐬𑐵𑐩𑐶𑐡𑐫𑐵 𑐳𑐾𑐮𑑂𑐮𑐵𑐐𑐸 𑐔𑐸𑐣𑐮𑑀𑑄𑐴𑐫𑐵 𑐏𑐸𑐂𑐖𑑂𑐫𑐵 𑐰 𑐎𑐵𑐫𑐬𑑀𑐫𑐵 𑐕𑐾𑑃 𑐰 𑐩𑐳𑑂𑐖𑐶𑐡 𑐡𑐫𑐾𑐎𑐾𑐫𑐵𑐟 𑐠𑑂𑐰 𑐥𑐶𑐬𑐵𑐩𑐶𑐡𑐫𑐵 𑐔𑐸𑐣𑐮𑑀𑑄𑐴 𑐥𑑂𑐰𑐮𑐵 𑐫𑑄𑐎𑐸𑐐𑐸𑐮𑐶𑑄 𑐏। 𑐀𑐠𑐾𑐖𑐸𑐳𑐵𑑄 𑐠𑑂𑐰 𑐥𑐶𑐬𑐵𑐩𑐶𑐡 𑐁𑑅𑐫𑐵 𑐃𑐮𑐾 𑐴𑐮𑐶𑐩𑐫𑐵 𑐴𑐾 𑐡𑐎𑑂𑐎𑐮𑐾 𑐟𑐖𑑂𑐖𑐵𑐐𑐸 𑐥𑐶𑐬𑐵𑐩𑐶𑐡 𑐳𑑄𑐬𑐔𑐣𑐵 𑐏। 𑐁𑐫𑐟𑐣𑐫𑐵 𑐁𑐢𑐵𑐬𑐫𑑂 𑐴𑐮𑐶𑐩𑐫𑐵 𑐡𑐎𑑂𑐎𑐮𑐾 𑐟𑐢𑑄𑐐𑐸 𑐥𑐶𑐬𑐵𑐩𑐶𑐡 𑐢𑐵𑑅𑐳𑐵 𑐔𑑀𑐮𑐸𑐮𑐵𑐫𑐵 𑐩𑐴𑐵𑐣 𑐥𑐶𑐬𑐵𑐩𑐶𑐡 𑐏। 𑐠𑑂𑐰 𑐥𑐶𑐬𑐵𑐩𑐶𑐡 𑐩𑐾𑐎𑑂𑐳𑐶𑐎𑑀𑐫𑐵 𑐥𑐸𑐊𑐧𑑂𑐮𑐵𑐫𑑂 𑐮𑐵।